ماهر وقف جماد وذنيه يصونيو وقلبو يضرب شاف فيها عينيه الصدمة مكتوبة فيهم
ايلين تبسمت:ههه كيما يقولو "حبل الكذب قصير"...وكذبتك وصلت لنهايتها ماهر عمرااني وأنا ولينار مالقري كامل وش درت عاودنا تلميينا
ماهر برك يشوف فيها واسم بنتو مدام قالتو يعني صاي عرفت راحت عليهم كامل عايلتهم قااع راحت فيها ضك مش هو وايلين برك.
قربت ليه وتبسيمة انتصار على وجهها
ايلين:ههههه راك مصدوم؟...اممم..خصارة عليك ماهر عمراني الشي اللي درتو كاامل هاد لسنين تضرب فالزيرو وبنتي لقاتني ...مهما تكون موجد ومخطط الكذب عمرو يدوم وفي دقيقة القدر يكتبلك تتكشف وشووف نفس العجز اللي خليتني فيه قبل 5سنين راني شايفتو فعينيك ضك ..واااو
ماهر بسيف ينطق:ايلين..مراكيش عارفة وش قاعدة تخلطي وباليحنا رانا فلعبة كبييرة
ايلين شافت فيه بشك وقربت كثر بيناتهم غير قطبان الزنزانة:وش هاد اللعبة..اللي نتا درتها
ماهر:ايلين...
قطع هدرتهم مازن كي دخل
مازن:سمحولي مي ايلين لازم تخرجي خلص الوقت المسموح بيه
ماهر:مازن مزال لازمني نهدر معاها
مازن يشوف فخوه باسى :منقدروش ماهر ..
ماهر ضرب بيدو على الحديد :اووف ايلين شوفي..
ايلين:منحبش نسمع ضك مصدقت لقيت بنتي رايحة نبقى معاها وكي تخرج ونتفاهمو ورايحة نخليك تخلص بالتريبل متخافش
ماهر:ايلين اصلا لعبك اللي وصلني هناا نتي وهداك جان درتو هكاا يااك؟
ايلين:هههه نن يظهرلي أعدائك كثار مي المرة هادي مش انا وجان بيسك جان اصلا تهز معاك ..مي نوعدك ضربتي جاية
مازن:ايلين اخرجي متبقايش تهدري فشي واحد منا مراه فاهمو
ايلين شافت فيه من لفوق لتحت:نتا حسابك ممبعد كنت عارف ومقتليش وانا درت فيك نية وقلت يبان عاقل وصادق ظهرت نتا بعد متآمر مع خوك..اصلا باينة لازم تكون مع خوك ضربت فكتفو وجات خارجة
مازن خلاها فاتت وقرب لخوه اللي حط راسو بين يديه:ماهر متخافش رايح نخرجك
ماهر:مزلت مفهمتش اصلا جد التهمة هادي اللي حصلت فينا..وشكون دااارها؟؟
مازن:مااهر قتلك اتكالما متخافش مي أقل شي كي نجيب دلائل قادر تبقى هنا بالأقل 5ايام باه تصرا المحاكمة القضية فيها جرحى من مركز البناء
ماهر:اتكفل بيهم وبعايلاتهم ومستحقات المستشفيات اللي راهم فيهم..بلاما يروحو فيها معانا
مازن ربت على كتفو:رايح نكون جبل ونخلف غيابك وندير البوسيبل ونخليك ترجع لبلاصتك متخاافش
ماهر:و..لينار.وايلين كيفاه تلاقاو؟
مازن:الدار كامل جاو ولينار معاهم مي معرفتش كيفاه تلاقاو حتى لقيتهم زدمو علينا والطفلة فيد امها
ماهر تبسم بقهر:لوكان تعرف شحال ستنيت نشوف المنظر هدا فالوقت والبلاصة المناسبين ..مي..يظهرلي لحياة كاتبة لعايلتي متتلمش ونبقاو نتمرمدو
مازن:خليك متأمل بنتك راهي معاك وايلين رايحة ترجعلك مبقاش بزاف
ماهر:منين ترجع وهي مزالت متزوجة وليناار..سير كرهتني كي فاقت باللي انا خبيتها عليها (بدا يمشو ويروح فالزنزانة):اصلا هدا كان خوفي الأكبر وتحقق منواه نزيد نخاف منا وجاي صاايي كلشي راح فيها
جا لبوليسي لمازن:مسيو مازن لازم تخرج
مازن شاف فالبوليسي ودارلو براسو ايه ودار لماهر:خليك واثق مراحش نخليها تبعدها علينا
ماهر دارلو براسو ايه وخلاه راح
برا خارجين فنفس الباركينغ لينار هازتها ايلين
لينار:وين رانا رايحين؟
ايلين تبسمتلها وباستها:رايحين لدار عمو جان باه تقابلي الناس اللي نعتبرهم والديا ياروحي
لينار شنفت على سيرة جان ومبعد تبسمتلها:اوك..
مازن يجري وراهم:لييييناااار
شافتو لينار بدات تحوس تنزل هبطتها ايلين تشوف فيها راحت تجري ليه
لينار:مااازن عميييمو
مازن عنقها وهزها ديراكت:حبيبة عمو ..وين رايحة
لينار:رايحة مع ماما ههههه(كانت تهدر بفرحة كبييرة خلات قلبو يلومو كي مخلاهاش تفرح هاد الفرحة من قبل ومش في هدا الظرف)قالت نروحو لدار هدااك جاان
مازن:هههه وش هادي هداك قولي عمي
لينار همستلو:نقولك الصح؟
مازن:ههه ايه
لينار:محبيييتوووووش
مازن حكمها من خشمها ثم ثم وجبد يدو ليه :هههه صااار
لينار هزتلو راسها بايه بقاو يضحكو ويتمهبلو وحدهم
ايلين واقفة قدام جان ودموعها على شافرها:شوف بنتي وشحال حلوة
جان ضحك:هههه ايه كيفك بعد فصغرنا مي نتي كنتي عاقلة شوي
ايلين:ههه ايه..شوف علاقتها مع مازن تهببل
سيليا قربت تتبسم:هههه دايرين حالة فالدار وسيرتو لينار في مازن
ايلين محبتش ترد زعما منشوعة وجان دار ليها:عمييتييها
سيليا قربت حكمت فيد ايلين:الوووون والله كلشي عندو سبة وكنت ندير فالبوسيبل باه نردكم وزيد ياك وعدتك داك النهار والصباح وانا نقولك يتصلح اعطيني شوي وقت برك
ايلين:كنتي تحكي بالألغاز سيليا مش وقت الهدرة هادي نجيب بنتي ونروحو
قربت ليها هي ومازن
ايلين:لينار ماما هيا نروحو
لينار:عمو بوسلي بابا وقولو راني زعفانة منو مي نحبو
مازن باسها:اوك رايح نقولو وورايح يرجعلك اوك؟
لينار:اوك حكمت فيد ايلين
ايلين:مازن معليش نتلاقاو لعشية؟
مازن حك شعرو:صراحة عندي خدمة منقدرش نراطي معليش تأجليها على الأقل يومين لازم نفك خويا فالأول
ايلين:اوك وقت تكون فارغ عيطلي
مازن ضحك للوذنين:معليش كي نقعد نعيط لسيليا
لينار ضحكت عليه كي شرد كيف البهلول فيها واقفة بعيد
وايلين حمحمت:وش دانا لسيليا قلت انا نتلاقاك مش سيليا
مازن تخلع:وسيليا متجيييش؟؟!!!!
ايلين حكمت تبسيمتها بسييف:اممم متجييش
مازن همس:اوووف دووومااج..زهري الكلب
ايلين:نعم؟؟
مازن:اه والو قتلك ايه تصلح نشالله
حكمت لينار وراحو لينار تمشي وتروشلو باي وهو ردهالها ويشوف فسيليا جات تطلع شافت فيه غمزها وضحك وهي تبسمتلو برك وركبت
ركبو فلوطو وديمارا جان لدارهم
لينار مع ايلين من اللور معنقتها وقاعدة مزالت مش مأمنة باللي صايي بنتها معاها وبين يديها
جان نطق:اييه ايلين الصغيرة راكي فرحانة
لينار خنزرت فيه حابة تاكلو مي لازم تكون مأدبة مع ماماها:اممم فرحانة بزااف لوكان ماشي واحد الحشرات راهم يحشرو رواحهم
سيليا حكمت ضحكتها بيسك تعرفها وتعرف خدايمها وايلين ضحكت
ايلين:هههههههه شكون هاد الحشرات؟
سيليا:هههههههههه فكرتني فالحشرات تاع ميرااال اااي ربييي ههههه
لينار تعنكشت فكرسي سيليا من اللور:ايااا قولي والله وش فاااتني؟..وش صرا للمعزة؟؟
ايلين تشوف فبنتها بشوك حكات فقلبها:اخااه ماهر شوهلي عقلية بنتي يااربي وش دااار...رووح اعياطي فالزيادة ونداااباااتي باه تخرجلي عاقلة وكيفي هاو عطاها عقليةوهبال عيلة عمراني ومازن مش قليل مشاء الله عطاها جينات لهبال كااامل مبخلش عليها.سعديي
سيليا دارت ليها:امم قولي وش مفااتكش..صراالها بزاااف أوومورات قربيلي
قربتلها لينار والثانية همستلها:صورتلك كلشييي يا حبيي مبعد نسهرو عليهم
لينار بدات تعيط:اآآآآآآآيييييي واااااي ههههههه نمووت علييييك بدات تبوس فيها هنا ولهيه بسيف ركحت ديراكت تلاحت فحظن ايلين تبوس فيها
طريق كامل وهوما لينار تضحك غير مع ايلين بشوي وتهدر مع سيليا جان يهدر معاها كلمة ساعات تردلو لفوق لفوق ساعات تلعب روحها مسمعتش حتى وصلو للدار وهاهم واقفين قدام الباب فتح جان الباب وايلين وسيليا وراه بيناتهم لينار اللي حاكمة فيد ايلين ومكبشة فيها
دخلو للصالون لقاو سمير وعصماء قاعدين
عصماء وقفت تجري ليهم تسلم على جان وسيليا اللي كانو قدامها وجات تفوت لايلين حتى تشوف طفلة صغيرة لاصقة فرجلها
عيطت عيطة وحدها:ااااه شكون هادي؟؟؟
لينار تخلعت هبطت ليها ايلين تمسح على وجهها وتحكي فرد وقت:هادي...بنتي يا خالتي
عصماء/سمير:وشنووو؟؟!!!!!!
لينار ببراءة كي لقاتهم تشوكاو جابها النيف على انو ميأمنوش باللي بنتها:قااتلكم بنتهاا..ماما هادي ياناس وشبيكم تصدمتو
سيليا:ب..عمو سمير(جان ديراكت تركزو عينيه فيها غايضتو حالة أختو يعني هو يقدر يقولو بابا وهي لا وزيد تقولو عمي لازم تتفكر وموحال تغلط شحال صعيبة) خالتي عصماء هادي بنت ايلين اللي داها ماهر
سمير قرب ليها مشوكي:سيليا بنتي وش قاعدة تقولي مش على اساس ماتت؟؟
لينار بدات تبكي:ماما شبيهم هكا ؟علاه معنديش حق يكون عندي ماما؟؟
ايلين جبدتها لصدرها تبوس :خلاص ماما خلاص راهم ناس ملاح بزااف مي برك تصدمو كي كنت نبكي عليك هوما كانو يقويوني ياروحي وضك تشوكاو حالة طبيعية
لينار زيرت عليها:خرجيني منا نحب نبقى غير معااك
سيليا:ايلين هزي بنتك لفوق انا رايحة نحكي معاهم
ايلين:اوك هزت لينار وطلعت لبيتها
غير راحت سيليا دارت ليهم:معليش تريحو
قعدو كامل وبقاو يسمعولها:هادي لينار..لينار عمراني بنت ماهر عمراني وايلين اللي كنا حاسبنها متوفية من 5سنين..مي الظااهر..ماهر لعب نفس اللعبة على كل من الأم والبنت ...لينار كانت حاسبة امها ميتة ونفس الشي ايلين كيما عارفين...وليوم كي هزو ماهر جات مع جداتها وتلاقيناها
سمير:ووين عرفتو بلي بنتهاا؟غير شفتوها بنت ماهر خلاص بلاك من مرا ثانية
سيليا:عندك حق مي انا كنت علابالي باللي بنتها عايشة من قبل ومن أول نهار جينا لدزاير وتلاقينا جان وأنا نعرفها
جان تشووكا بقا غير يشوف ونفسها حالة عصماء سمير وقف مقلق
سمير:كييفاه هادي من أول نهار وخليتي ختك تفوت بالشي هداك كااامل؟؟!!
سيليا:عرفتها من اول نهار مي مكانش علابالي بنت ايلين غير مومبا من سمانة
سمير جا يهدر نطق جان
جان:بابا خلاص كلشي عندو سبة الأهم ضك ايلين رجعتلها بنتها وحياتها منا وجاي رايحة تتسقم
سيليا فقلبها:مشكيتش بالعكس حياتها منا وجاي رايحة تزيد تتكرفص ربي يستر لازم انا ومازن نوقفو على الحكاية
عصماء وقفت:نطلع نشوفهم سير ايلين الفرحة مش سايعتها ضك
سمير:ايه ووش قصدكم بهزو ماهر
جان حكالو كلشي صرا وبقاو يتناقشو وسيليا تشوف فيهم وتخمم مام هيا منا وجاي وش لازم تدير
نرجعو لفيلا عمراني فبيت ميرال نسيمة مربعة فوق السرير تاكل فظفارها وميرال رايحة جاية قدامها
ميرال:خاالتيي..تلاااقاااو..ياازح تلاااقاااو...صاااي راح لعبنا وتخطيطنا وضااع كلشييييي..كلشييي
ماهر رايح يرجع لايلين وهاديك الحية الصغيرة رايحة تديرها وتلمهم رايحة تبقى تسيتت وحدها وتلمهم صااي رحناا فييييها.زرهريييي الكلب الخاااين....................
نسيمة سمعت سمعت حتى ضرها راسها وقفت ليها تعرش:اووه مييرال اسكتيي شوييي اسكتيي
ميرال سكتت تشوف فيها وهي كملت
نسيمة:علاابالك وش صرا هاديك اللي معا ايلين يقدرو في دقيقة يكشفو سر عايلتها واللي خفنا منو يصرا ويخرجوونا..حتى لينااار كاامل ليامات تاع التستات ومحاولة كسب قلبها ضربتهم فالزيرو بأعصابي للي منحكمش فيهم وفرغت غشي فيها وخليتها ترجع تكرهني وموحال توقف معاايا..اصلا كنت حاسة باللي رايحة تخلى وهااي صرات صح
ميرال:وشنوو خالتي متقوليليش لينار رجعت تكرهك؟؟
نسيمة:اييه ويظهرلي بالدوبل هي والحرباية أم شعر أصفر يماها رايحين يرجعو هنا ويديو كلشي منااا
ميرال:لالالا مستحيل نقبل ترجع ايلين للدار ولحياة ماهر هاديك بلاصتي انا برك ..وزيد ايلين موحال تسامح ماهر سيير تهز بنتها وتروح منا
نسيمة:نتي متعرفيش ايلين حبها لماهر كان كبير بزاااف سيرتو أنو ضك يعتبرو عيلة
ميرال طيشت روحها على السرير :الا هادي اللي مراحش تصرا رايحة نبقى نلعب حتى نربح كملتها بتبسيمة خبث خلات نسيمة تعقد حواجبها
نسيمة:لواش راكي تخططي
ميرال ضحكتلها:هههه متخافيش مراحش يبعدوني على مهرووشي
قاعد فالزنزانة اللي كانت فارغة والغم اللي كان طايح عليها خلات قلبو يتعصر عصيير
ماهر:اوووف ياربي وعلاه هكاا؟؟يعني كي قلت مزال عندي وقت وآخر شي درتو فبالي يتلاقاو وأنا بعييد علااه هكا؟؟...لوكاان يسمع بيهم ويتقصدهم؟..لوكان يخمم يقييسهم؟؟لوكان يقرب لوحدة منهم..(وقف ديراكت رايح جاي):اربي رايح نهبببل وش هاد العجز اللي راني فيييه لازم نخرررج مناا لااازم( راح يخبط على الحديد):اااييي حرااااس خرجووني مناااا خرجووووو عزريييني من هناااا
دخل ليه بوليسي:وشبييك تعيييط بللع عليناا
ماهر:لاازم نخرج منااا عندي ما نديير خرجووني
بوليسي:هههه محزرتش حتى تتحاسب على أرواح الناس اللي لعبت بيها عاد تخرج
ماهر:وأرواح عايلتي اللي راهي فالريييسك برااا؟؟
بوليسي:اووف بركا تكسار الراس راني رايح خرج وخلاه فوحدتو والتخمام والخوف قاتلينو
واقف بلاتوني تاع الخدمة فوسط الشونطي مع ليكيب تاعو اللي مع الفريق الجنائي متوليين التحقيق فاق على اللي وقف قدامو
.....:مسيو جان شوف وش لقاو ليكيب تاع الفريق الجنائي
شاف بشوفتو السيريو اللي ديما موجودة فالخدمة حكم عليه شي يبان تراب في كيس شفاف تاع جمع الأدلة دقق فيها مليح وضربت في راسو فكرة:خليهم يديوها للمخبر ويفحصوها وش تكون
....:حااضر سيدي
جان دار يديه فجيوبو ووقف وقفتو الشامخة:هممم سي ماهر خصاارة عليك ظهر عندك أعداء بزاف(تبسم):ههه خلي نديرو فيك مزية
جان:ليكيب اذا خلصتو لازم نخرجو منا منحبش يلحقو عليكم صحاب الرزق لازم كلشي يتخدم فالسيكري مفهووم؟
طبيب جنائي:مسيو جان الأدلة اللي لمنياهم لحد الآن هوما الموجودين يعني لازم نتأكدو من شكوكنا فالأول
جان:أوك هز ليكيب وروحو للمركز نحبكم تخدمو ليوم غير هاد العينات وتجيبولي تقرير مفصل وش هي
طبيب جنائي:حااضر سيدي(دارلو التحية وجان شرلو براسو ايه وتفرقو)
وقت العشية نزل مع جانير من لوطو تاع الخدمة لابسين لاتوني للزوج مع ليكيب تاعهم دليل باللي راهم في مهمة هنا(مازن بعدما هدر مع قائد مركز المهمات الخاصة وفهموا باللي المسألة تخصو دار بمعارفو وخلاها تطلع للمركز تاعهم يتولى التحقيق فيها)
مازن:ليكيب هاو ليكم موقع البناء اللي صرا فيه الحادث نحبكم تديرو تحقيق شامل فالبلاصة واي دليل صغير تجييبوه (شاف فالخرابة والدنيا اللي كانت طايحة بيسك عمارة كاملة طاحت)وعندكم على رواحكم
جانير:ليكيب اتفرقو الفريق الجنائي تولاو التحليل وانا رايح نشوف كميرات المراقبة القريبة هنا نهار الحادث ومن قبل باه نشوفو اذا كاين دخيل
مازن:انا رايح ندور فالبلاصة ونشوف الأضرار والتعويضات اللازمة سير الشركة رايحة تفلس ضك ورايحين نخسرو ثقة المستثمرين اللي عندنا
تفرقو كل واحد يخدم خدمتو مازن كان يدور فالبلاصة حتى جاه طبيب جنائي يجري
طبيب:حظااراات
مازن :وي وش كاين؟
طبيب:حظاارات كاين شكون سبقنا هنا وخربش فالدلال
مازن عينيه توسعو:وشنووو؟
طبيب:البلايص المفروض نهزو منهم دلائل كي العادة تربة الارض وعينة من الجدران للتحقق من سلامة المواد كاين بلايص ديجا تفتفو فيهم وبخبرتي نقدر نقولك جنائيين مختصين تلاحو ليها
مازن:كيفاه هادي حنا هدا وين دينا اذن شكون لحق هنا؟
جاهم جانير يجري:مااازن..
حبس قدامو ينهج
مازن:وش ثاني وشبيه لون وجهك مخطوف
جانير:التسجيلات تاع الكميرات اللي فالشارع وفالمنشآت القريب تاع داك ليوم والأيام اللي فاتو كامل ممسوحة ..وماام تاع ليوم
مازن هنا هبل في مخو صح بدا يعيط :كيييفاااه هاادي شكوون تلاح لخدمتناااا؟؟....شكون من مصلتو يحقق فهاد القضية؟؟؟؟
جانير:معرفتش مي سير يعرفكم
طبيب:حظارات زعما خوك معندوش معارفو يتدخلو؟
مازن:نن معندووش....مي معليش هزو الأدلة اللي عندكم واللي دار هاد الشي مع ليام يبان
كملو خدمتهم اي شي صغير يقدر يفيدهم يهزوه
فاتت لعشية على أبطالنا كل واحد وش دار فيها كيما شفتو مازن تولى التحقيق وجان عشية كامل مبانش فالدار (عارفين وين راح هههه)ايلين مع عصماء وسيليا ولينار يقصرو ويضحكو ووقت لعشا تلمو كامل فالكوزينة يوجدو لينار غير تحكيلهم مصائبها اللي معتادة تديرهم وهوما يوجدو فلعشا مام سمير لعشية هادي خرج من الدار ومعاودش رجع سيليا كانت قاعدة معاهم مي عقلها وقلبها عند مازن
سيليا تحكي فقلبها:ياربي ههه قتلو اييه اععع بغلة فواه كنت نخمم انا صح حمارة ..اووف حظني وباسني يااعمريي وشحاال حنين..اعع سيليا وش راكي تخلطي اووووف رحتي فيها اسيليا والحب خربطلك خيووطك..ميي...قالي رايح نكون ديما معاك ميي..كيفاه رايحة ندير مع مارك زعما نحكيلو؟؟(خرجت من افكارها على صوت لينار)
لينار:سييليا ويينك؟؟
ايلين شافتها شاردة قربت ليها:وشبيك؟
سيليا تبسمت وحكمت يدها:سامحتيني؟
ايلين نحات يدها بشوي:مش وقتها هاد الهدرة قلنا
لينار:هههه سيليا كنت نحكيلهم نهار حطيت لمازن مكياج فوجهو هههه كون تشووفوه جاا يهببل كيووت خلااص مي غير فاق ولقاني فوجهو تخلع يعرف خدايمي جرا ديراكتومون للمراية يلقى روحو مهرج انا غير شفتو فاق قلعت نجري عند بابا لبيتو ههههههه(سكتت على سيرتو وهبطت راسها)
قربت ليها ايلين:وشبيك صغرونتي؟
لينار عينيها غرغرو:توحشت ..بابااا
ايلين قلبها تقسم وعينيها تعباو دموع من دموع بنتها يعني مام هكا كانت تدير كي تتوحشها الله لا تربحك ياماهر دعاتو فقلبها حتى شبعت وجبدت بنتها ليها
ايلين:علاش معجبكش الحال هنا؟
لينار:هأه عجبني مي لوكان مع بابا خير كنت متمنية نتلمو في ثلاثة عايلة نورمال مش هكا
ايلين باست خدها وراسها وعينيها:خلاص حبيبتي ماما راهي هنا ضك ورايحة نكون معاك ديما ونكون واحلى عايلة
لينار عينيها يبرقو بالفرحة:مع بابا ثاني؟؟
هبطت راسها باسى وتحكم فدمعتها ورجعت تبسمتلها:ايه نشالله
سيليا دموعها سالو من المشهد متحملتش فكرة تكون السبة ففراق هاد الزوج بعدما عاناو باه تلاقاو مستحيل تديرها
قاعدة على سجادتها فالبيت تصلي وتدعي فربي الفرحة مش سايعتها هزت يديها تدعي
سليمة:الحمد الله يا ربي.الحمد الله اللي طولت عمري وخليتني نشوف هاد النهاار..الحمد الله اللي جمعت الأم وبنتها وخليتهم يذوقو بعض بعد كامل العذاب اللي قاساوه ...مي نزيد نطلب منك ياربي تفوت المحنة هادي على ولدي ماهر وتخليه يزرب يرجعلهم ويشرح الأمور ويجرب يصلح حياتو
كملت دعات وطوات سجادتها وهبطت لتحت وين لقاتهم قاعدين فالصالون
سليمة:نسيمة صليتي المغرب؟
نسيمة:ااه..ا.ا.لاا
سليمة:علاه مصليتيش؟....تقول ماو ولدك اللي راه يعاني.علاه متروحيش تصلي وتدعي ربي يطلق سراحو ويرجع لعايلتو يأسسها ويعوض وش فاتو بلاصة مراكي قاعدة هنا
لهنا ميرال وقفت ثم ثم
ميرال:مكاانش منهااا جدة عاايلة ماهر تتأسس غير معااايا فاااهمة؟
سليمة ضربت بعصاها اللي تركز عليها وتعاونها في المشي على الارض:شكوون نتيي بااه تفهميني وش كاين وواش لالا؟وكييفاه تتجرأي تهدري معااايا هكاا؟
نسيمة وقفت حكمت ميرال:مييرال احشمييي متناسيش باللي هادي عجوزتي وبلاصة يمااا
ميرال تملصت منها:فوووتوني عليييكم متبقاوش نتوما ثاني بيني وبين مااهر
سليمة:ياااك يا اللفعة ام راس أصفر علاه وش كاين بيناتكم؟؟
....:مكاين والو من غير الخروطو اللي فبالها ..المغبونة هبلت ولات تخيل الجنون وباللي ماهر يحبها
دارو لقاوه مازن مشا عند سليمة باس راسها ودار نفس الشي مع امو نسيمة
سليمة:وليدي وين راه خووك؟
مازن هبط راسو:مزال باه يخرج جدة رايح يفوت يامات عندهم
سليمة دارت يدها على قلبها:يااكيتيييي على وليدي المسكييين يااوخذي...عرفت شكون دار فيه هكاا؟؟
مازن:معرفتش مي رايح نعرف ا يما متخافيش
فدار عصماء ملمومين كامل على طاولة لعشا ياكلو ويهدرو ولينار غير تلعب بالمغرف تاعها نطقت ليها ايلين:بنتي كولي وشبيك؟..
سيليا:محيبيتش الماكلة؟
لينار تبسمت لاهتماهم فرحانة بزاف باللي امها معاها وتتقلق عليها:هههه لالا الماكلة بنينة مي والفت ناكل مع جدة سليمة وبابا ومازن ههه ومام المعزة تاع ميرال والفت نكسرلها راسها
ايلين:هههه بنتي ظهرت مشاكسة؟
لينار تبسمتله تكيل بصبعها:شوييي برك قد هكاا
ايلين:هههههه وش عليه خليك فالشوي متزيديش
جان:ايه صغرونة كولي ضك ولكان معجبتكش الماكلة وحشمتي تقولي تقدري تاكليني شوفيني مشاء الله كور وديكور وبنة
لينار ضحكت في وجهو ضحكة كبيييرة عكس النهار كامل مشنفة وبكل برود وبساطة نطقت:ههه سمحلي مناكلش لحم الكلاب (بووم هدرتها خلات ايلين تشرق والماكلة كاامل لصقتلها وحارت فجدها جان وجهو تلون الواان جامي تخلقو كن مجاتش صغيرة وبنت ايلين ثم يخلطها عصماء وسمير نفس الشي بقاو غير مشوكيين فالصغيرة هادي وش يخرج منها مي سيليا اللي ديجا عرق القصف يمشي فيها حكمت ضحكتها مي كي شافت حالتهم زادت تفقلت بالضحك فوجووهم ضربت يدها بيد لينار:هههههههههههههه برااافو هههههه ايمااا كرشييي هههههههه سعدي بصغرونتي اللي تقصف
لينار:ههههه ايه علابالي بابا يقولي بنتي المافيا ههههههه
ايلين بلعت الصدمة ودارت لجان:احمم جاان..اسمحلنا...صغييرة و...
قاطعها جان:لالا مكانش مشكل معليش صغرونة منديروش عليها
لينار شافت فيه شوفة سامطة تحكي فقلبها:اووف شبيه داير روحو ناس ملاح هاها حاسب روحو يدي بلاصة بابا نوووو غير هادي متكونش كبرت نشوف فميرال كيفاه تتعامل و لاصقة فبابا وعرفت نتعامل معاها ونفس الشي نديرو معاه اصبر برك
ايلين حكمتها من كتافها تحكي بشوي تسيي تريقل بنتها اللي فسدها ماهر:لينار بنتي...وش قاعدة تقولي؟..عمك جان كبير عليك عيب نقولولو هكدا
لينار تذبل فعينيها:مي كنت نتمسخر برك
سمير:لينار..
لينار هزت راسها فيه خايفة هدا وين قعدت معاه مزالت مسمعت منو والو وهابتو كي عاد راجل كبير:اممم؟؟
سمير:علابالك انا وش نكون بالنسبة لايلين؟
لينار حركتلو راسها بلالا
سمير تبسم:انا كيف باباها يعني كيف جدك اوك؟
لينار:اممم
سمير:هه وشبيك خايفة مني
لينار تبسمت شوي:نن منييش خايفة
سمير:ههه ايه وانا فنفس الوقت كيف اب سيليا ثاني وهي كيف بنتي
سيليا تبسمت معاه بقهر لوكان بقا ساكت مش خيير؟؟جان يشوف فيها وفيه بالصدفة طاحت عينو فعينها تبسملها يكوراجيها زعما وهي كي العادة تعها دااائما دفنت المها على جيهة وتبسمتلو
لينار ::الله يبارك..معليش نعرف علاش راك تقولي؟
سمير تبسم:ههههه سؤال فمحلو ظاهرتك كيف امك متحبيش تطولي هدرة بلا فايدة
لينار تبسمتلو وعينيها يبرقو:اييه جدة سليمة تقولي زي ماماك؟
سمير:ههههه ايه صح .وراني نقولك هكا باه تديري في بالك باللي انا ثاني زي جدك بيسك نهار كامل مبقيتش معاك ومهدرناش وانا بزاف فرحان بيسك فرد جديد وصغرون دخل لعايلتنا
لينار تبسمتلو بامتنان :مرسي....جدوو هههه
عصماء:ههههه مالا يا لينوش لهنا ولا عندك عايلتك ثاني كاين ماماك ايلين وخالتك سيليا وعمك جان وجدك سمير وجداتك عصماء..يعني لازم تدي راحتك معانا هيا كولي عشاك
لينار باست ايلين:مرسي ليكم كاامل راني فرحانة بزاف بيسك جامي تخيلت يجي نهار نقعد فيه مع ماما وعايلتها ثاني واااو احساس حلو بزااف
سيليا:وماماك رايحة تبقى ديما معاك اوك؟
لينار:ههه مرسي سليووش اصلا من قبل ديما كنت نحس روحي قريبة ليك ضك عرفت السبة
سيليا:هههه اللي هي؟
لينار:انك قريبة من ماما ومدام ماما تتفاهم معاك انا تفاهمت معاك
جان:همم وعلاش متتفاهميش معايا هاي ماماك تتفاهم معايا من وقت كان عمرنا 4سنين
لينار شنفت وعاودت تبسمت:وشكون قال منتفاهمش معااك؟؟
جان:هاكي من الصباح تشنفي عليا وتتبسمي مع الباقي وش عندك معايا ..وش تحبي باه ترضاي عليا؟
لينار تبسمت بشر:هههه هممم بديت تعجبني اوك نقولك وش لازم تدير باه نرضى علييك؟
جان:ههه ايه
لينار:ههههه اوك نوض متتعشاش وروح جيبلي شوكولا وشيبس وجي وقاطوو
سيليا:اوووهوووه هنا انا ايضاا أطاالب بحقي من المأوونة القادمة نحوناا
جان شاف فلينار بتحدي و هي ردتهالو:معليييش صغرونة مش خصارة نوض على عاقبتي نجيبلك وش حبيتي ونجي
وقف جان وهي تبسمت بفخر
ايلين:جاان من نيتك رايح شافت فلينار:بنتي بلاك يتعشى ويجيبلك خير؟
لينار:مامي الزينة هاو عميمو مازن ديما يجيبلي وقت ما نحب وزيد عمو جان مقال والو
جان تبسم فوق منو كيفاه صغرونة في دقيقة قلبتها عليه:ههه ايه مش خصارة نروح نجيبلها ونجي الحانوت قريب جاا خارج وقفت لينار وراه:اا ماما نروح نقولو مرسي قبل ميروح كيما موالفة ندير لمازن
راحت تجري من وراه جيهة الباب لقاتو راح ربعت يديها وتبسمت:هاهاهاها استنى تشووف كن منهبلكش مش اسمي لينار نعتلك اللي تحكم ماما من كتاافها ماما تااعي انا وبابا بررررك شافت فالفاز كان فيه مجموعة قيطان(نورمالمون تعرفوهم يجيو كريات زجاج صغار وفيهم ريشات)هزت شوي منهم وحطتهم عند الباب ورجعت تجري عندهم
لينار:خصااارة راح عمي جان مسكيين
سيليا:ههههه معليش ضك يجي
لينار:اييه خلي يجي ههههههه
كملو ياكلو لينار تفتحتلها الشهية من ورا وش دارت قاعدة تاكل و تستنا غير فالعيطة شوي وقت ويسمعو العيطة اللي دوات الدار
جان:آآآآآآآآآآآآآآآي ظهريييييييييييييييييي
وقفو يجري وجيهة الباب اولهم سمير لقاو جان مرمي فالارض على ظهرو ويعيط
جان:امااااااااا تكسسسسرت..ااي ظهرييي..اخووتي سيليا قربت تجري ليه
سيليا:لبااس مصرالك والو؟؟(تولهت للقيطان فالأرض عرفت خدايم شكون تبسمت و ثم ثم خبات الحبات اللي طيحت جان تحت الخزانة.)