ماذنبها؟
تحطمت جميع احلامها تحت شعار "نهوه"
فتاه كانت ترغد الطفوله باامان
لكن فقدت لامان عندما اصبحت مراهقه
الكثير يجدها طعم سهل لانحناء
ولم يعطف عليها احد منهم
قيدوها بنهوه منذ الطفوله
واجبروها على الزواج في المراهقه
جعلوها هشه وسهله الكسر
حطمو مابداخلها
انا الكاتبه نبا العامر
ساطرق عليكم روايتي
سوف افسح المجال لبطله روايتي لتتكلم لكم عن ماعاشت من الام ومعاناه، سوف تتحدث لكم عن كل من ضلمها.
_واكفه كدام المرايه امشط بشعري، صارلي ٣ ايام مزوجه، معقوله؟؟؟
صافنه بشكلي على المرايه عيوني التعبانه ومحاوطتها الهالات بالون لاسود وجهي ذبلان
مادري شنو السبب، التعب ولارهاق العشته بهاي الفتره؟ الضغط؟ التفكير؟ لاهمال الصحتي؟ هنه كلهن لتمن عليه، قاطع صفنتي صوته وهوا يطرق مسامعي
_نيروز: جبتلج اكل تاكلين؟
رديت بضيكه خلك واني انتر بي
_حرز: ماريد
رد بهدوء
_نيروز: ليش؟
رديت بنفس نبره التهجم
_حرز: شبعانه
نيروز_اها؟
مارديت عليه خلصت شعري وخليت عطر
باوعت علئ نفسي المره لاخيره بالمرايه
كل هاذا وهوا واكف بالباب يباوع عليه
كمت باتجاه الباب اريد اطلع
جرني من ايدي حيل عليه
باوعتله بطرف عيني واني اشوف عيونه تنطكط شرار
حجه بنبره هزت كلبي هز
_نيروز: حرز تدرين شنو جزات هلتجاهل؟
باوعتله بطرف عيني ورديت باستهزاء
_حرز: لا.
رد بنفس نبره صوته الي تهز كلبي هز تخليني غصب عني اخاف
_نيروز: ماراح تسلمين منها حرز ماراح تسلمين.
باوعتله بنضره مستهزءه
حجيت بيني وبين نفسي، لاتخافين حرز، شيريد يصير اكثر من الصار؟ كلبي مات وبعد ماخاف من اي شي والفضل يرجع اله
عتيت ايدي منه بقوه وطلعت بره الغرفه
كعدت بالهول واني صافنه بالفراغ، عصفت بيه الذكريات الموقف كل ماتذكره تنتابني رغبه بالضحك احن لايام الماضي
_ flash backالماضي
الجو حلو وبي نسمات هوئ تنعش الروح كاعدين بوسط مكان ويحاوطنه الخضار من كل جهه
الكل كاعد جدي اخوتي واخواتي امي وابوي وعمامي وبناتهم
يدردشون بمواضيع عامه اثناء كلامهم دخل صاحب المزرعه الكاعدين بيها، تحمحم وصاح بصوت
_يالله
الكل وجه انضاره الباب دخل وياه بنيه اجنبيه بقينه مفهين بوجهها
سبحان الخلقها الوجه العيون الشعر الجمال
نتبهت على لبسها لابسه ثوب قصير حيل مبين مفاتنها
نتبه جدي النا وعرفت من حركته يريد نلبس البنيه شي يسترها لان احنه ناس محافضين وماعدنه هيج شي اما هيه فعدهم عادي لان اغلبهم لبسهم هيج
اخذت البنيه وياي ودخلت البيت مالتنه صاير بوسط المزرعه
تحجي وياي انكليزي بس لاسف اني مااعرف انكليزي وهيه ترطن واني كلشي مامفتهمه
نطيتها ملابس من ملابسنا طويله حتى تستر نفسها
رجعت حجت وياي بـ انكليزي ابتسمت واشرتلها اني ماعرف احجي انكليزي
اشرتلها تجي وياي واخذتها الوسط المزرعه لكيتهم متجمعين بنفس المكان والسفره بالوسط
كعدناها ويانه وضوكناها لاكل العراقي بكل انواعه والريوك يفتح النفس
جانت تحجي وتاشر بس احنه مانفهم عليها
جانت تقصد افتحو علبه الجبن بس احنه محد افتهم عليها
صاح صاحب المزرعه من بيناتهم وحجه وياها بالنكليزي
رجع رد علينه
_ يامغلسين اي والله، جاي تكللكم افتحو علبه الجبن
الكل صاح بفهاوه
_ياا
ضحكنه كلنا بصوت عالي
اني كولبت عيوني وحجيت وياها ببتسامه كانو امدحها
_حرز: يخيه خفي علينه اشري علئ الجبن شبيج ثوله؟
وسويتلها حركه بايدي
الكل كمل ريوكه وصارو ينسحبون واحد وره لاخر
اخذها صاحب المزرعه وراح
بقيت واكفه يم شجره
اجه جدي وحجه وياي بستفهام
_اكلج جدي شني شتحجي هاي؟
رديت
_حرز: جدي ماافهم عليها
همس بهيام
_بس والله حلوه هاي
رديت عليه واني احرك حواجبي بتلاعب
_حرز: ها جدي ها
رد عليه
_كلمه الحق تنكال
رديت بتلاعب
_حرز: خلي تفيدك كلمه الحق.
صحت بصوت عالي
_حرز: بيبي بيبي الحكيييييي رجلج بيبي.
خلصنا هاذا اليوم ضحك وفرح الكل مرتاح والجو خالي من المشاكل
رجعت الواقعي واني اسمع الباب يندك
تنهدت واني همس بيني وبين نفسي،
_شيرجع ايام كبل؟
كمت متوجهه الباب فتحته واني اشوف رائف واكف بالباب
سلم عليه بدون مايحط عينه بعيني
_رائف: السلام عليكم
رديت بهدوء واني اباوع عليه
_حرز: وعليكم السلام
راد يطب البيت، همست وراه بصوت هادئ
_حرز: محتاج شي؟ تريد اسويلك غده؟
رد بدون مايحط عينه بعيوني واساسا مايباوع عليه كانو مايشوفني
_رائف: لاخيتي مامحتاج شي سلامتج، واني متغدي
دخل البيت، واني اباوع وراه
عيوني مدمعه علئ حالنا وعلى كلشي صار بينا
رجعت الذكرياتنا واني اتذكر كل مواقفي الحلوه ويا ومن بين كل هلمواقف اكو موقف محفور بذاكرتي
flash back الماضي
كاعدين اني وبنات عمي زهراء واسمهان ونور جنه قريبين بشكل
الروح بالروح وسرنه واحد
كاعدين وفجاءه نطقت اسمهان بخنكه وعيونها مدمعه
_اسمهان: عود بنات صدك يجي يوم ونفترق؟
همست بصوت مخنوك
_حرز: اني اخاف من هليوم
ردت عليه نور وهيه تكول
_نور: اني هم اخاف منه
ردت زهراء بصوت مخنوك
_زهراء: اي والله اني هم اخاف منه
اثناء الحديث ماحسينه غير ع صوت الهورنات
باوعت اسمهان من السياج وهمست بفرح
_اسمهان: بنات اجو بيت عمتي
كمت واني اعدل بنفس وبشعري واهمس بيني وبين نفسي
_حرز: اكيد جاي وياهم
وكفت بالباب والدنيه ماشايلتني من الفرحه
دخل السياج والضحكه شاكه حلكه بقيت صافنه بي واني اتامله ابتسامته شعره الناعم ويلعب بي الهوئ صافنه شلون يحضن بيبي ويسلم عليها، تمنيت لو اني بمكانها
همه يسلمون واني صافنه بي، سلمو عليه واني بالي مو يمهم
دار عيونه يدور عليه من بين كل الموجودين ستقرت عيونه عليه وشاف شلون صافنه بي ابتسم وهوا يشوفني صافنه واتامله، درت وجهي منه طاكه من المستحه همست بيني وبين نفسي
_عزاا بعينج حرز شكد عيب هسه حسباله ذابحه نفسي عليه
حسيت ايدي نشلعت بكرصه باوعت واني شايغه روحي
نور تكرص وتخزر بيه
_جود: اوي عزااا ليشششش هيجي؟ شكد مط**ه لعد؟
ردت وهيه تخزر بيه
_نور: اثكلي شويه للعد شني صافنه على الولد حتى ماكلتي الله مصلئ على محمد
رديت بضجر واني اتضاهر الامبالاه
_حرز: اويي عاد من زينه خاف عبالج احبه، لاعيني اموت منه
ردت وهيه تباوعلي بطرف عينها مامصدكه كلامي
_نور: اي اي كلش واضح
تجاهلتها وما رديت
بوقت مااجو جان لازم نطلع المزرعه نزرع
رحت ركض وكفت بالباب وصحت
_حرز: رائف راح نروح نزرع تروح ويانه انت مو تحب الزرع
صاح بصوت عالي
_رائف: اي اي جاي
كالها وجر اخوي ويا
رحنه ركض وكل واحد يريد يسبق الثاني
صاح زائف بعلو صوته
_رائف: اليوصل اخر واحد بيضه فاس*ده
رديت علي بستهزاء
_حرز: ننن خاف حسبالك كلش نهتم اصلا اني مابيه حيل اركض العب ويا روحك
بعدني مامخلصه كلامي ماحسيت غير رائف يركض بتجاهي واني طكيتها بركضه لحك بيه
ولزم كصيبتي جانت طويله حيل عتني من عدها وطيحني بالكاع، صحت بعلو صوتي
_حرز: جدي رائف طيحنييييي جدي
اني ماتاذيت بس هيج احب اخبث عليه
اجئ جدي وحرمهم كلهم من العب واني ساعتين كاعده ابجي
وطول هلساعتين رائف كاعد كبالي يباوعلي بحقد
واني اباوعله واكلب عيوني، بقو يمنه سبوع حيل تونست ويا وره اسبوع كعدت الصبح على صوت بيبي تبجي وتودع بعمتي، شفت رائف من بعيد علئ السريع طلعت الحمام غسلت وبدلت ومشطت شعري ورحت ركض، وكفت بصفه وهمست
_حرز: صباح الخير رائف
_رائف: صباح النور
رجع همس وهوا يباوع بوجهي
_رائف: حرز راح اروح اني
همست بخنكه كوه الكلمه تطلع مني عيوني مدمعات
_حرز: اي ادري راح تروح
حجيتها ودرت وجهي عنه
همس بندم
_رائف: حرز اسف لان طيحتج ماجان قصدي بس انتي ركضتي حيل
_حرز: عادي اصلا اني ماتاذيت
_تجذبين شنو؟
رديت بفهاوه
_ها
رد عليه بضجر
_وجعا وطما واني اكلتلي طراكين من وراج
_اي تستاهل ليش تصير ملكوف؟
رد بوعيد
_خوش حرز خوش
صاحو حتى يروحون، صعد بالسياره وسوالي بايده حركه باي رديت واني ارفع ايدي اسويله باي
تحركت السياره واني عيوني تتامله تريد تحفض كل تفاصيله
لحضات وختفئ من كدام نضري رجعت البيت مقهوره، صار اليل وتعشينه وكل واحد انسحب على فراشه طبيت الفراشي وخليت راسي على المخده واني اتذكر كل مواقفنا سوه ونضرات الحب الي بعيونه الي، اخذني النوم بين احضانه وماحسيت ع نفسي غير غافيه
..... يتبع
#نبا_العامر
#صوتو
#عثره_حرز
انستا ni2o.i
تعالو انستا انزللكم حساب البطله 🙈،
كونو بخير عثرات كلبي 🤎.
رجعت علئ واقعي واني اشوف عمي وعمتي يدخلون البيت جانو طالعين معزومين، باوعت العمتي مستحيل اتخطئ كلشي صار وياي بسببها كل هاي المعاناه الي اني بيها،
دخلو جوه واني على كعدتي
رجعت الماضي واني اتذكر كلشي وصلني لهاذا الحال
flash back الماضي
طفله صغيره شعرها مثل خطوط الشمس، عيونها الواسعه رموشها الكثيفه، وجها البريئ، جسمها الناعم،
كاعدين وسط المزرعه يحاوطنه الخضار اني وعائلتي المتكونه من ابوي وامي اخواتي لاربعه واخواني الثلاثه
وعمامي وبناتهم ونسوانهم، جدي وبيبي، عائله بسيطه كاعدين بااحد مناطق ريف العراق،
عائله متكاتفه ومتغلغل بداخلدها الحب والموده
عدنه عمه وحده وهاي عمتي عايشه بالمدينه بمنطقه تختلف عن منطقتنا، عدها ولد ثنين، رائف ونيروز، وعدها بنات هم
اول مااوعيت علئ الدنيه اسمع كلمه حرز الـ رائف ورائف الـ حرز مشت علينه هيج والكل يكول بس يكبرون يتزوجون
دائما احس بحب رائف تجاهي رغم صغر عمرنه بس احنه قبلنا بـ الي فرضو اهلنا علينه، كل مايجي علينه يبقى يتود لي واني اسوي نفشي لا ابالي بس اني هم احبه مثل مااهو يحبني
مو بس حب بنفس الوكت تعلق لان من وعينه يكولون انتو البعض
تمر لايام بهدوء
كعدت بيوم واني اشوف البيت مخبوص ينضفون وصوت امي ونسوان عمامي طالع وهن يحضرن الغده
حجيت بضجر
_حرز: شكو؟؟
ردت مره عمي عليه بحزم
_كومي ولج جاييين علينه بيت عمتج ام نيروز
فتحت عيوني بصدمه رغم مو غريبه عليه هم دائما يترددون علينه
كمزت مثل الخبله واني اهمس
حرز: اكيد هوا جاي وياهم
ركضت رتبت نفسي
اجو وسلمو وسولفو وبعدها صار وكت الغداء كل هاذا واني مااشايله عيوني منه
تغدو وغسلو وكعدو يسولفون بمواضيع عامه
العصر واجو اطفال العشيره كلها لان احنه حديقتنا جبيره فـ دائما نجتمع ونلعب بيها وكلهم يدرون بيه محجوزه الـ رائف
كعدنه وسمعت صوت من وراي وهوا يهمس
_رائف: شلونج حرز مشتاقين صار هواي ماشايفج؟
رديت بخجل واني ادنك راسي
_حرز: هلو رائف شلونك والله احنه اكثر اي صح صار هواي ماشايفين بعض
سكتت شويه وهمست
_حرز: تجي نلعب ويا الاطفال؟
رد وهوا يباوعلي ببتسامه
_رائف: اي نلعب شعدنه قابل
سكت وبس يباوع عليه واني ودي اطك من المستحه
بعدها صاحو الاطفال حتى نجي نلعب
رحنه نلعب لعبنه كلنا وبنص العبه قررنا نبطل ونسوي فريق جانت العبه محيبس
والمفروض فريق مااحسيت غير على اسمهان وزهراء يدفعني على رائف زين مااطحت عليه، خزرتهن واني اتوعدلهن، وجهي احس بي راح يطك من المستحه اصدقاء رائف يدفعون بي عليه
صرنه يم بعض وقررو بدون مااحنه نوافق سوونا فريق
دخلو ويانه كم طفل بعد كعدت بصف رائف وضلينا نضم بالمحابس، اجت على باله فكره غش، جاب المحبس ولبسنيا
وضحكلي بتسمت بخجل
واني هم اجت على بالي فكرره غش جبت المحابس ونطيت لكل طفل من فريقنا محبس
وكل شويه اول مايكسرون نكول باتتتتت ترجع بااسم الشرقيه والفوز صار النا وبيومها باتو يمنه كلهم، بس بنات وحد ولد وحد
كل ماتذكر الموقف ابتسم بخجل
ومرت كم يوم وعمتي راحت البيتها كلش ضجت من راحت
راح اشتاق الـ رائف
مرت لايام واني ابقه اتذكر مواقفنه سوه وكل يوم قبل لاانام اتذكره وابتسم جان حب طفوله وناتج عن فطره وبرائه
كعدت الصبح كلي نشاط غسلت وجهي وكملت اباوع الهوئ شكد حلو ونضيف ريحه الزرع وسط المزارع الهوئ يداعب بشرتي ويطير شعري بتسمت باريحيه علئ جمال الطبيعه
رحت كعدت بنات عمي وحدنه نفتر صلينه وكعدنه نتريك خلصنه ورحنه المزرعه الي بيها حشيش
كعدنه بوسط الزرع نضحك ونسولف، شكد احب كعداتنه سويه، احسهن روحي من كد مااحبهن ومااضم عليهن سر وهن كذالك
نسولف ومندمجين ماحسينه غير على هايشه جايه بااتجاهنه هيه هاي من الحيوانات مالتنه
نخلسنا وحنه نشوفها جايه هجوم باتجاهنا اريد رجليه يشيلني بعد مااكو، كوه جبرت روحي وكمت على رجليه طكيتها بركضه واني اعثر واكوم، وبنات عمي من شافني طكيتها بركضه ركضن وراي
اني اركض وهنه يركضن تعبنا الطريق مال المزرعه بعيد عن البيت عشر دقايق احنه نركض يلا وصلنا مكان قريب على البيت نختل بي
المشكله الهايشه تركض سريع واحنه رجلينه تكطعت صحت بصوت عالي والهث من التعب
_حرز: بنات لو نطكخا بركضه قويه لو وحده تشيل الثانيه ونذب زرك بالبحيره والعباس اذا زكطتنه تطيرنا السماء ويمكن توصلنا الفضاء
ضحكنا واحنه نركض ونلهث من التعب
تعبنا واخر شي ماكدرنا نبعد اكثر حاولنا نركض من غير اتجاه وصدك نجحنه وصلنا قريب على البيت وهيه مستمره تركض ورانه
دخلنا المزرعه صحت بعلو صوتي
_حرز: الحكولناااااا الهايشه
اجه عمي يركض باتجاهنا شاف منضرنا وطاح من الضحك
صحت بحركه كلب واني الهث من التعب
_حرز: ولك راح تزكطنه ولك كضهاااااا
كضاها عمي من ذيلها وبـ هاي لاثناء دفرته حيل طاح بالكاع
وشردت باتجاه المزرعه
هنا احنه ماكدرنا نسكت طحنا من طولنا من الضحك وعمي بقه صافن
سبحان مغير لاحوال قبل شويه يضحك علينه وهسه احنه نضحك عليه
اجت بيبي على صوت الضحك مالتنه خزرتنه واحنه من شفناها سكتنه
شحتتنه وهيه تحجي
_امشن ادبسززيات طبن جوه
دخلنا جوه واحنه فاحطين ضحك
صار اليل وكالعاده نتعشه وكل واحد ينسحب على فراشه
تمددت بفراشي واني اتذكره ملامحه، عيونه، انفه، شعره، كل تفصيله بي اتذكرها يوميه قبل لاانام
مرت لايام روتينيه واقل مايقال عنها عاديه
سمعت بيت عمتي ام رائف راح يجون وهم طرتتت من الفرح وابتسامتي شاكه حلكي
اجو العصر وهم خلصناها ونسه ولعب
بليل مجتمعين كلهم صاحتني امي وهيه تكول
_حرز تعاي اغسلي المواعين
رديت عليها واني اكوم
_حرز: اي يمه جايه
دخلت المطبخ وبلشت اغسل بيهن بس بالي يمهم شيحجون، او بالاحرى بالي يم ضحكات رائف الطويله ترن باذني اتمنى الزمن يوكف وابقه اسمع بس صوته تلقائيا ابتسم على ضحكته عيوني تتامل عيونه الي مدمعه من كد الضحك
هاي كل مايجون هيج يخلصها سوالف وضحك حرفيا هوا يسوي جو بالتجمع العائلي اخخ هايمه بي الدرجه اشوف الدنيه بي
بسبب شرودي انكسر الكلاص بايدي اباوع على ايدي ايدي تنزف احس روحي شاغت من الوجع بقيت اكمز بالمطبخ وحاصرتني البجيه سمعو صرختي وهوا اجه ركض
شاف الدم ينزل من ايدي ابوي واكف ماكدر يحجي او يتقرب
تقرب ابوي اخذني المغسله وعيون رائف عليه غسل ايدي من الدم وعقمها ولفاها واني حاضنته جسمي كله يرجف و دموعي عشره عشره ماابجي من الوجع ابجي لان ملابسي نترست دم واني اكره الدم وريحته احس اختنك من اشوف دم كدامي
راحو واني كعدت وحدي لان حيل ضجت تقرب رائف يمي وهوا يباوعلي بترقب
همس وعيونه على ايدي المجروحه
_رائف: شلونج شلون صارت ايدج؟
همست واني امسح دموعي عيوني شارده بالفراغ
_حرز: زينه
رجع حجه وهوا يحاول يلطف الجو
_رائف: ها يعني ماتموتين؟
ضحكت وضحك هوا وياي همس وهوا يباوع لانحاء وجهي
_رائف: اي دضحكي، شكد مايعه؟ هيه كزازه ودخلت باايدج
اوي غدي شهل مياعه؟
ضحكت على حركاته الي يسويها بوجه وادينه
همست بصوت تعبان
_حرز: دروح روح
رد عليه بضحك
_رائف: دنجبي ولي يلا
ضحكت وهوا من شافني وكفت ركض ركضت وراه وصلنا الغرفه الكاعدين بيها بعد مااكدر اركض وكفت وهوا دخل جوه ومرت هل ليله
وقبل لايروحون بيوم جنه نايمين سوه اني و رائف
واخوي وبنات عمي واخت رائف
ونايمين كلنه سوه جانت اخت رائف عدها جهاز دوز
جنه كلش فرحانين بي وجنت اطلع بي اغنيه ساريه السواس
"كلب كلبي"
ونركص اني والبنات رائف واخوي يباوعون بتك عين علينه ماعاجبهم
صاح اخوي باشمئزاز
_ايععع شكد ملطلطات ياهو اليسمع ساريه السواس؟
رديت واني شاده الحزم اركص
_حرز: تروحلها فدوه
رد عليه وهوا يغمز
_و رائف هم يروحلها فدوه
باوعتله بتك عين وصحت
_حرز: طبعا ثنينكم تروحولها فدوه چا وحد؟
رد رائف
_رائف: احاااا دنطمري يلا لاازكطج
رديت علي واني اباوعله بنضره استصغار
_حرز: انطم لك مااخاف
_رائف: ها ماتخافين؟
رديت بحزم
_حرز: اي مااخاف، يلا بنات خلي ننام ماعليجن من المضغوطين غدي مايخلون الواحد يااخذ راحته
خلصت كلامي وغطيت راسي مااحسيت غير الغطا ينشال وكلاص ماي بارد ينزل على وجهي
صحت بفزع وخانكتني العبره
_هاي شبيكم ليش هيجججج؟
حجيتها وبجيت، ضحك بصوت عالي وكال
_رائف: ها ماتخافين؟
صحت بكلب محروك
_حرز: ولي يلا اني اعلمك، جدييييييي
ركض الفراش وسوه نفسه نايم
نترت بي
_حرز: غدي شكد خبيث يلا ولي نامممم
رحت ابدل واني ادردم
رجعت لكيتهم كل واحد نايم بفراشه تغطيت ونمت وياهم
وعدت هل ليله
ثاني يوم من الصبح طلعو البيتهم
ومثل كل مره نتابني شعور الكئابه..
يتبعععع....
#صوتو
#عثرات_ كلبي 🤎.
#نبا_العامر
انستا ni2o.i