#نبا_العامر
#صوتو
#انستا
napa_Aimiir345
جان جاي من الشغل وتعبان، تغده وراح ينام وانه بقيت افتر بالبيت مرت كذا ساعه وهوا نايم دخلت الغرفه لكيته كاعد على الجربايه ويعصر براسه
حجيت بهدوء
_حرز: نيروز الحمام جاهز اسبح حتى تصحصح ؟
_تمام
راح الحمام وانه ضليت اعدل بالجربايه، كعدت صافنه بالفراغ، بعد اخر مره ابد ماخليته يتقرب عليه من بعد ذاك اليوم صار بيناتنا برود مو طبيعي وبـ اخص من ناحيتي
طلعت المطبخ اسويله چاي، خليت القوري على الطباخ وواكفه انتضره يخلص
_نيروز: شلونج؟
رديت بدون مااباوعله
_الحمدلله
حجه بصوت بي كسره سلبت روحي
_لأيمته ناويه تبطلين برودج؟
_مادري
_انه مسويلج شي موزين؟
_لا
_ليش هل برود؟
_مادري
خليت كوب الچاي كدامه ورحت الغرفه وهوا طلع، تعشيت ورحت الغرفه وهوا ماكو فرشت فراشي بالكاع، نفس كل مره الخوف ياكل كلبي اكل، وبالذات هوا حيل اخاف منه، مامتعوده عليه وهوا مثلا يريد ينام يمي لامستحيل ينتهي الموضوع بـ لو هوا ياخذ فراشه وينام بـ كاع لو انه
دخل الغرفه وشافاني فارشه بالكاع حجه وهوا يشمر الساعه على الميز، يباوعلي ب، مرايه الميز ويحجي
_خير؟ اليشوفج عباله مطروده
_خلي يكولون مااهتم
_اها
_اي
_ماتهتمين الشنو؟
_يعني انه مااهتم الحجي احد بمجرد انه اعرف نفسي مامسويه شي غلط او مطروده فـ هايهيه
عدلت المخده ونمت، سكت هوا واسمع بس صوت نفسه عالي بالغرفه رفعت راسي وانه اشوفه كاعد على طرف الجربايه يعصر براسه بوجع
غطيت نفسي وسويت نفسي نايمه شويه وحسيت اديناته تمسح على شعري تنهد وحجه بضيقه صدر
_نيروز: ياريت اكدر اكلج على كلشي مريت بي ياريت اكدر اسولفلج على المضموم بداخلي واسولفلج شنو عشت وشنو شفت
اتمنى اسولفلج شلون التعب كتلني واخذ نص حيلي ماحسيت على نفس يغير مزوج
الحنكه بروحي كل ماجالها جاي تزود مرتي وماكدر اسوي شي غير بس اعاتبج وانتِ نايمه لان بكل خطوه اخطيها الج الكاج تصديني وتبعديني الف خطوه عنج.
نزلت دمعتي جوه الحاف بدون صوت خنكت نفسي حتى لايدري بيه كاعده حسيته كام من يمي، وانه جوه الحاف دموعي تجري مادري وماحسيت على نفسي شوكت نمت.
YOU ARE READING
عثره حرز
Spiritualفي احد مناطق ريف العراق، هناك فتاه نشئت في بيئه محافضه، كانت تزدهر كـ زهره امام عين من يعشقها، كانت تنضر في عيناه، ولاتعلم ان القدر رئي اخر انا الكاتبه نبا عامر سوف اطرح عليكم روايه احد الفتيات الذي تحملن الكثير من الذل والمعاناه تحت شعار"نهوه".
