خلصت مراسيم العرس وتجهنه منطلقين الكربلاء جنه الله العضمه، بس شعور انه بااصعب ايامي ومحتاجه ايد تطبطب عليه، ومتجهه الكربلاء شعر هيج يخبل
بقه يمشي بالسياره عيونه موجههن الشارع يسوق باايد وحده والايد الثانيه مطلعها من الجامه وجهه خالي من التعابير، ماكو لاتعابير فرح ولاحزن!!!!
حجيت وانه اسوي نفسي غشيمه
_حرز: وين رايحين؟
باوعلي وحجه يسايرني رغم يدري بيه اعرف وين رايحين
_نيروز: رايحين الكربلاء، حجيت ويا ابوي وكتله ماريد زفه البيت اريد الكربلاء منها نبقه سبوع نرتاح وهم حتى انتي مااتتقيدين
هزيت راسي ودرت راسي على الجامه بقيت هيج صافنه بالشارع ساعه احط راسي على الجامه ساعه انام ساعه اكعد الحد مااوصلنا
حجه وهوا يفتح باب السياره
_نيروز: يلا وصلنا
هزيت راسي وهوا فتحلي الباب نزلني وبوجهنا الفندق دخلني الفندق كعدت علئ الجربايه هوا جان حيل هادئ بس انه دموعي عشره عشره رفع راسي دفعت ايده حيل باوعلي بستغراب جاب كرسي وكعد كدامي حجه بتسائل
_شبيج؟
حجيت بنتر
_وخر عني ماريد اي شي ماريد اسوي اي شي عوفني فدوه وخر عني حيل مخنوكه عافاني وطلع ورجع الصبح وانه على نفس الوضعيه كاعده بمكاني وابجي حاول يحاجيني بس صديته ومانطيته مجال صديته بكلشي وماحسسته انو انه صرت مرته
بدلت وغسلت المكياج وفتحت شعري ، دخل هوا يريد يسبح وانه سويت نفسي نايمه وبالفعل نمت وهوا كعدني حتى ااتريك كتله ماريد وبقيت على نومتي
حسيت مادري شكد مر وكت هوا نايم على القنفه وانه على الجربايه كعدت غسلت وصليت وبقيت كاعده على المصلايه دعيت هواي دعيت،
التفتت هوا كعد وكام يغسل وبعدها كال امشي نتعشه، احس نفسي مستغربه منه بس بعدين اتذكر كلامه وياي ومن كالي اعتبريني مثل صديقج، احس شويه كلامه ينفه عني
طلعنا تغدينه وبعدها رجعنا الفندق بدلنا وطلعنا الامام زرنا ورجعنا وبعدها صار يحاول يطلعني من المود الي انه بي، وصار يطلعني مره سوك ومره نرجع نزور ومره مطعم الحد ماخلصنا سبوع هناك وانه شويه تعودت عليه وصرت مااحس باستغراب منه لا احس بس شويه، وهوا اسلوبه لطيف الدرجه ابد ماحاول يتقرب مني ومخليني على راحتي
وانه فرحانه بهاذا الوضع، الحد مااصار اليوم الي لازم نرجع بي البيتنا، لميت ملابسي وهوا لم ملابسه ونطلقنا متوجهينن البيتنه
وصلنا وجان وكت غده، بس انه ماتغديت كبل طبيت الغرفه نمت بس قبلها سلمت عليهم كلهم، عمو ابو نيروز جان لطيفف بشكل اما عمتي هيه زينه بس من سوت عملتها الاخيره احس صرت مااطيق اشوفها
اما رائف مااشفته ابد طبيت الغرف وكبل الفراش احس نفسي منتهيه وهم كعدني على الاكل وكتله مااريد العصر حسيت نفسي عركانه يمكن مصخنه تحسست بشرتي مامصخنه بس هيج مختنكه يمكن لان الغرفه بوخه، كمت اجر بنفسي جر احس نفسي متكسره كبل الحمام سبحت وطلعت وكفت على الميز امشط، باوعت علئ انعكاسه بالمرايه واكف بالباب يباوعلي ومن شافني باوعتله دخل الغرفه حجه وهو ايباوعلي
_نيروز: جبتلج اكل تاكلين؟
كتله
حرز: ماريد
نيروز: ليش؟
حرز: شبعانه
حجه وهوا رافع حاجبه وجهه مايكصه السيف
_نيروز: اها؟
YOU ARE READING
عثره حرز
Spiritualفي احد مناطق ريف العراق، هناك فتاه نشئت في بيئه محافضه، كانت تزدهر كـ زهره امام عين من يعشقها، كانت تنضر في عيناه، ولاتعلم ان القدر رئي اخر انا الكاتبه نبا عامر سوف اطرح عليكم روايه احد الفتيات الذي تحملن الكثير من الذل والمعاناه تحت شعار"نهوه".
