نبا العامر
#صوتو
#انستا napa_Aimiir345
كاعده بالغرفه وفاتحه كامره ويا البنات احس مشتاقتلهن وين كبل جنه ٢٤ ساعه كاعدات سوه بس هسه صرت ماروح عليهم هواي
اسولف ومندمجه فجاءه دخل نيروز الغرفه
ودعتهن وسديت الاتصال كعد على الجربايه وهوا يسئل
_نيروز: شلونج؟
_الحمدلله بخير
مارد وبقه منزل راسه وكاعد على الجربايه
رجعت حجيت بستفسار
_شبيك؟ احسك ضايج؟
_مابيه شي
_لاجد بيك شي؟
رد بعصبيه
_لا مابيه شي كافي لا تلحين سدي الموضوع
عافاني وطلع من الغرفه ضجت من طريقه كلامه ابد مامتعوده عليه هيج يحجي
كمت جاي اسويله عشه وانه احس دموع بعيني تحركني من طريقه كلامه
حسيت على اديناته حاوطت خصري جسمي كله كزبر من لمساته
رجفت ووخرت عنه نترت بي بحركه كلب
_شجاي تسوي؟؟؟
_شنو ردت احضنج لان مشتاقلج، شبيج؟؟؟
حجيت وانه ادير عيوني عنه
_اي مادري ختلست لان جاي اسوي عشه وصافنه ماتوقعت هيجي تجي
درار روحه وحجه بنتر
_تمام
عافاني وراح جر كرسي وكعد على ميز الطعام
خلصت العشاء وتعشئ وخلص ومحد حجه بينا ولا حرف كام يريد يروح
جريت ايده وبسرعه هديتها
حجه متفاجئ من حركتي
_شكو شبيج؟
حجيت بندم
_زعلت مني؟
حجه وهوا يدير وجه عني
_لا ليش ازعل احنه متفقين محد يجيس الثاني بس انه جني تماديت شويه ومو يم الاتفاق
_تمام
عافاني وراح الغرفه كملت شغلي وهم رحت الغرفه سبحت وهوا لكيته سابح لكيتته نايم وايده على وجهه
رحت تمددت بمكاني اريد انام ماكدر عيوني ماتاخذ نوم تحركت هواي على الجربايه
جرني حيل من ايدي ودفني بحضنه
حجه بهمس بااذني
_نامي يلا
كطعت النفس بحضنه واحس ايده تتحرك على راسي يقرا اياات قرانيه يحاول يسيطر على الرجفه الموجوده بجسمي
وصدك ماحسيت على نفسي غير نايمه بحضنه
كعدت الصبح مطيت جسمي وفتحت عيوني انه بحضن نيروز؟؟؟؟؟؟؟
وهوا رايح بسابع نومه فزيت بسرعه وكمت من يمه وهوا هم فز حجه بنزعاج
YOU ARE READING
عثره حرز
Spiritualفي احد مناطق ريف العراق، هناك فتاه نشئت في بيئه محافضه، كانت تزدهر كـ زهره امام عين من يعشقها، كانت تنضر في عيناه، ولاتعلم ان القدر رئي اخر انا الكاتبه نبا عامر سوف اطرح عليكم روايه احد الفتيات الذي تحملن الكثير من الذل والمعاناه تحت شعار"نهوه".
