_نبا_العامر
حرز:
ثاني يوم جنت نايمه الضهر وكعدت على صوت امي تكعد بيه
_ولج حرززز، كوميي
رفعت راسي اباوع بـ انزعاج
_حرز: ها يمه؟
ردت وهيه ترفع الشرشف مني
_كومي يمه نيروز هنا
ماهتميت وجهي ماابي اي تعابير كمت نفضت شعري ولفيته ليفوك، غسلت وطلعت لكيته كاعد بـ استقبال سلمت عليه وكعدت على القنفه، احس امشي جشد بلا روح مااحس على نفسي
طلعو كلهم وعافونا بوحدنا واني على نفس كعدتي صافنه بالفراغ، عقلي فارغ حرفياااا فارغغغغغ
قاطع صفنتي وشتتات روحي، صوته وهوا يحجي
_نيروز: شلونج حرز؟
رديت بـ انزعاج
_حرز: يعني شلوني؟
مارد عليه وره شويه طلع جهاز من كارتونه، جان كلش فخم ومبين غالي، بس مع ذالك مالفت انتباهي لان، روحي طافيه
صفنت وحجيت
_حرز: ماريده
رد عليه بـ رفض
_نيروز: اخذي بويه چا شلون نتواصل، بالعقل؟
اخذته منه بس اني مارايده اخذه،
_حرز: شكرا
طبت امي سلمت عليه، وحجت وياه شويه ورادت تطلع واني بس اخوزر بيها اريدها تبقه يمي ماريد ابقه يمه بوحدي، ماجنت ادري بي منتبهلي حجه بهدوء
_نيروز: حرز دحكي احنه ثنينه مغصوبين، بس والله انه مو مثل الي بـ بالج جاي حتى افهمج كلشي تريدينه يجرالج، كلشي لمن انتي تقتنعين بيه، والله مااسوي شي، بس فهميني احنه مخطوبين حتى لو تمثيل، ليش نصير علج بحلك اليسوئ والمايسوئ؟
ماتسوئ هيج نسوي خلي امورنه طبيعيه، حتى لو تعتبريني صديقج انه ماعندي عتراض، بويه انه يمج مو بعيد، صديقج ترضين هيجي؟
حجيت وفراغ عضيم بداخلي، ومقتنعه نوعا ما بـ كلامه
_حرز: اي هايهيه
ضحك بصوت عالي وحجه يباوعلي
_نيروز: بـ زواج هم لاتخافين اعوفج واطلع مااحب ذنيج السوالف ارتاحي
باوعتله مطمئنه، صار ساعه كاعده يمه هسه يلا نتبهت عليه، شكد وسيم؟ لابس تيشيرت ابيض وفوكاه قميص اسود وياه بنطرون اسود وحذاء اسود نضاره شمسيه، والساعه مبينه ماركه غاليه الجكاره بيده، شكله حيل وسيمممم
حجيت واني صافنه بالفراغ
_حرز: ماجنت افكر بـ ذني السوالف، بس جنت افكر شلون راح اتقبلك؟
ركز بعيوني شويه الجكاره بطرف شفته، حجه بهدوء
_نيروز: لاتتقبلين عادي، بس ويا الوكت راح تتقبلين
كلش عادي نصير اصدقاء منا المدئ العمر انه مااجبرج على شي حياتج هاي بس خلي بيناتنه احترام وموده، ماريد تصير مشاكل ويوميه طلابه، وانه خلكي طويل يجرالج
لـ وين ماتريدين توصلين اوصلج وزايد، راضيه بويه؟
_حرز:اي راضيه
بقينه شويه كاعدين، وهوا وكف يعدل بقميصه يريد يطلع، وكفت اريد اطلع وراه ماحسيت غير جر ايدي وطبع شفته على ايدي، ضليت صافنه بوجهه، وهوا من شاف ضفنتي ضحك وقبل لايطلع حجه
YOU ARE READING
عثره حرز
Spiritualفي احد مناطق ريف العراق، هناك فتاه نشئت في بيئه محافضه، كانت تزدهر كـ زهره امام عين من يعشقها، كانت تنضر في عيناه، ولاتعلم ان القدر رئي اخر انا الكاتبه نبا عامر سوف اطرح عليكم روايه احد الفتيات الذي تحملن الكثير من الذل والمعاناه تحت شعار"نهوه".
