ليكيب مشاو خرجو من النادي وراحو لوجهتهم التالية اللي من تدبير مازن لوططو تاعو فالمقدمة وهوما وراه
سيليا وايلين مع جان فلوطو كي العادة وسيليا لقاتها فرصة تهبل جان كيما هاد ليامات اللي فاتو كامل
سيليا:يي جان شفت الزهر شفت
شاف فيها من مراية القدامية:نعم وش قصدك؟؟
ايلين دارت لسيليا تضحك وهي غمزتها وكملت:اممم زهر أنك فالصباح ضاربها بعشقة وتتأمل فيها وفي وقت الغدا كانت فحجرك..ااه قصدي معاك على حصانك
جان تخنزر فيها تخنزيرة تقول الكلاب تتهاوش وسطو
ايلين:احمم شاامة ريحة نااار غيير افتحي الكارو
دور ليها بلعتها ثم وبقات تتبسم
جان استغفر مولاه وزير على الفولون يهدر مع روحو:هادي هي عاقبة اللي يدخص ختو عليه ..سيرتو ختيي
دور ليهم:تسكتو ولانرميكم هنا ونروح؟
سيليا:متديرهاش علابالنا ههههه
ايلين:ايه منهونوش عليك سينو عمو سمير وخالتو عصماء يخليوها عليييك
جان هز حاجب وهبط حاجب:يعني متقويين بيهم؟ ههههه مليحة هادي وش عليه
سيليا تشوف فالمناطيد لفوق بين لجبال ولتحت بحيرة:يااه خاوتي ذوق مازن صلح صح ضك ههه
ايلين بلعت ريقها وهي تشوف فيهم
جان:اييهيه والله ذوق شركائنا ظهر طوب يعني لازم نفاجؤوهم حنا ثاني ياك البنات؟
سيليا:بااينة هادي
ايلين:هههه ايه نشالله
نزلو من لوطو وتلمو كي العادة مجموعة وحدة باه ميتفرقوش سيرتو كي راهم وسط الغابة ولجبال لازم يبقاو مع بعض
مازن واقف اونفاص ليهم كامل :ليكييب ضك هادي فكرتي هههه علابالي بروحي مبدع دونك هانا رايحين نديرو تجربة فريدة من نوعها نركبو على المناطيد باه نتأملو جمال المنطقة عن قرب وزيد من فوق المنظر أحلى وأجمل
ريماس:سيي مازن ذوقك طوووب
ميرال اللي هدا وين لحقت ومحضرتش للعرض تاع الأحصنة بيسك قالت عندها شغل وتلحق وحدها عليهم مع الشيفور
ميرال:ايه فكرة شابة حبيي(تحكي وتدحنس على ماهر)
سيليا:جات المصفاارة
ايلين:ههههه مقلقتنيش بيسك راني نشوف فآثار طريحتك عليها(كانت مخبوشة شوي مع رقبتها )
سيليا: هههه مزال نزيد نفرجك فيها بيسك نارها مزالت قادية وحسابها مزال مخلص فقلبي
مازن:ايه ليكيب هيا نبداو اتقسمو فرق فرق واركبو مع بعض وكل3 يطلعو فمنطاد واحد باه يكون فعلمكم المنطاد ميهزش كثر
ماهر يشوف فايلين اللي تشوف مع المنطاد وهو فالسماا وتبلع فريقها
قرب ليهم شوية ووقف :ليكيب هيا نركبو
جان:ايلين نركبو انا ونتي وسيليا
ايلين:نن منركبش
جان:علااه؟؟
ماهر:عندها رهاب المرتفعات زعما راجلها ومعلابالكش وهدا دليل آخر أنها مزالت تاعي
جان مشا جيهتو:نتا بلاك حاب نكسرك يااك؟؟
ايلين:جاان(بعدتو رجع اللور)ونتا سيي مااهر مكان مدخلك بيني وبين راجلي ورايحة نركب بيسك وهو معايا ميبقالي رهاب من حتى شي
من جهة ثانية ليكيب كانو يوجدو فرواحهم باه يطلعو
نور:ماازن نركب معااك هههه
مازن:هههه اوك أرواحي يا جانيرة هههه وخذي على خوك مسكين حاسبك قوية بهدلتي بيه
شافت فيه شوفة سامطة:شوووف...اوك منركبش معاك نركب وحديي(جات ماشية لحق حكمها من يدها)
مازن:ههه خلاص خلاص ارواحي برك راني غير نضحك(غير دار جات عينو على عينين سيليا اللي كانت شوفاتها تعبر على بزاف أمور وفهمهم هو وعرف روحو عماها حسها قاعدة تلوم فيه ونظرة مخلطة بوجيعة وقهر)طلق يد نور وبعد عليها :تقدري تروحي اجري اطلعي
نور شافت فيه ووين يشوف لقات سيليا تفكرت بلي هي كانت مع جان ومام قدام مرتو هوما قراب ومعندهاش مشكل وش كاين هدا؟؟ هزت كتافها بلا مبالاة ومشات تطلع
ماهر يشوف فيها شادة فجان ومتقوية بيه وجعتو صح تاع أنو في وقت اللي كان هو سندها الوحيد فالدنيا وبسبة الظروف رجعت تخاف منو وتتنسد على غيرو منو هوو
تبسملها بالبارد بسيف
ماهر:دبراسك نتي متخافيش مي أنا نخاف عليك
ايلين تشوف فميرال بعيدة عليهم وتخنزر فيها:منسحقش خوفك عليا خاف على ميرال بزاف عليك
جان:امشي طولنا معاه الهدرة ومتطلعيش مدام تخافي منحبش نضرك
ايلين شافت مع اللي فالسما وبلعت ريقها:نن نطلع مراحش نخااف
جان:أوك اذا حسيتي روحك مش مليحة نزلو فوراا
ايلين:أووك
طلعو ايلين وجان وريماس ...ونور وسيليا ورائد ...مازن وماهر وميرال والباقي نفس الشي طلعو ثلاثة ثلاثة وبدات رحلتهم
من الأعالي المنظر روعة صح الأشجار تبان صغيرة بزاف والطابع الجبلي للبلاصة يخليك تعشقها نسمة خفيفة تداعب فوجهك ونور الشمس فظهرك العصافير تغنيلك والمياه من تحتك تلحنلك
واقفة ورافدة كاميرتها تصور فالمناظر بطبعها تعشق المناظر الطبيعية ومادام عندها الموهبة تحب تصورهم وتحاول تعاود ترسمهم دارت بشوي تحوس على منظر تصورو حتى لقاتو قدامها بعد,نسمات الريح تلعب بشعرها وضو الشمس ضارب فعينيها اللي بحر بصفائهم وهي غايسة ومتأملة فالمنظر يدها على خدها وابتسامة خفيفة على شفافها حطت الكاميرا وريقلتها نحوها وصورتها صور يبانو كأنهم مرسومين تكذبي لا تقولي كاين آية بهاد الجمال ...تبسمت برضا وهي تشوف فيهم
نور:ههه سبحان ومشاء الله العين الزرقة والشعر الأسود بحال التوت شرعت عينيها على وسعهم وهي فهاد الموقف فوطو لقاتها فصغرها وهي السبب فمعاملتها لباباها هاد المعاملة شافت فيها ورجعت للصور وعاودت نفس الشي مرات بزااف حتى تأكدت:هي والله هي
رائد:وشبييك نور؟
سيليا دارت ليها لقاتها تشوف فيها ومشوكية:نور شبيك؟؟
نور:اه اه والو كنت غايسة نصور برك هههه
سيليا تبسمتلها ورجعت تتأمل
وكل واحد فيهم رجع لوش كان يدير رائد كان يصور باه يحط لي سطوري
رائد:آنسة سيليا نور تقبلو تتصورو معايا؟باه تبقى ذكرى اذا معندكمش مشكل
شافت فيه سيليا وفالبراءة اللي فعينيه من نيتو يحكي على لي سطوري وفرحان بالمنظر عكسها هي اللي تخمم فحياتها منا وجاي مش حسد وانما تمني لوكان هي تاني دات حقها من هاد الحياة بحال غيرها
سيليا:أكيد نورمال بالنسبة ليا ونتي نور؟
نور:ههه عادي رائد نعرفو من زمان وصديق طفولتي انا وخويا
رائد:ايا قربو مالا هههه
سيليا/نور/رائد:تشيييز هههه حكمو فوطوات وتبهللو وعاشو اللحظة بكل مافيها رائد ونور بصغرهم ولطفهم نحاو شوي على سيليا
جان:ايلين أرواحي نديرو فوطو
ايلين بسيف واقفة تشوف فالدنيا كامل ضباب حطت راسها بين يديها كي بدا يقوي عليها الوجااع
ايلين:اخخخ راااسي
جان قرب :ايلين نهبطوو؟
ايلين حاطة يدها على قلبها اللي شبك عليها ونفسها ضياق:ااووف اه اه (تسيي تتنفس)اه اه اه اووف منيش..قااد..رة نت..نفس اوووف
جان يمروح على وجهها:خلاص كالم توا ريحي متبقايش تشوفي لتحت مكاين والو
ماهر واقف مع ميرال حتى يشوف فيها بدات تهبط وولات متبانش بيسك قاعدة فالمنطاد لداخل وجدارو أعلى من وسطها بدا يمشي فمنطادو جيهتهم عن طريق الخيط اللي حاكمهم مع الأرض
مازن:ماهر وشبيك
ماهر:اييليين الرهااب اللي فيها من المرتفعات حكمهاا ولازم نعاونهاا
ميرال:وشنوو مااهر فوتك وش دخلنا فيها تسطفل تموت أحسن علاه رايح ليها هاو راجلها معاها
ماهر:ميييراال بلعييييي مكان مدخلك هناا
ميرال:ميي..
مازن حكمها من يدها وزير عليها:متبقايش تنعتي في روحك متنسايش بلي كلشي فيلم لا أكثر وبلاصة ايلين فالدار رايحة ترجع بلاما تتأمليي
ميرال تخنزرت فيه وتسيبت منو تحكي فقلبها:ميكونش اسمي ميرال لو منخليكمش تبكيو دم فالشي اللي رايحة نديرو منا وجاي
جان:ايلين تنفسي ..وش مالفة تديري كي تحكمك الحالة هادي؟؟
ايلين والو غير مغيبة
سيليا شافت ماهر يقرب لجان والحالة في المنطاد تاعهم غريبة :وش كاين هناا
هزت الاسلكي اللي كان فجيبها وكانو زودو كل فرد في منطاد بيه:جااان وش كااين؟
مازن رد عليها بيسك اللاسلكي مربوطين ببعضهم:سيليا كالم توا ايلين عندها رهاب من المرتفعات ومع ذلك طلعت وضك جاتها نوبة هاو ماهر رايح يعاونها وجان معاهم
سيليا بدات ترجف:كيفااه...وعلااه طلعت؟؟
مازن:سيليا خلاص تكالمي قلنا مكاين والو
جان:ايلين تنفسي تنفسي متغيبييش
ريماس:سي جاان هاو سي ماهر جا يعاوننا
جان هز راسو لقا ماهر لصق منطاهم في منطادو وسوطا عندهم
ماهر:ريييمااس امشيي للمنطاد تاعنا المنطاد ميهزش كثر من 3
ريماس:اا..ووك
جان:وش راك تدير هنا محناش محتاجين مزيتك
ماهر قرب لايلين اللي مغيبة فاللرض :منيش رايح نحكي معاك حتى نشوفها لباس ..سيي تهبط الزمر هداا
جان:أوك مي كيفاه نفيقوها
ماهر:تعرف معنى رهااب المرتفعاات ..رهاب المرتفعات هو الخوف الشديد من البقاء في أماكن مرتفعة، وينتمي إلى فئة من أنواع ، والتي تسمى الانزعاج من الفضاء والحركة،وعند الاصابة ب في الأماكن المرتفعة ويصبحوا مهتاجين جدًا حتى يهبطوا ويشعرو بالأمان.
ماهر:يعني يا سي جاان حتى تهبط باه ترجع لوعيها والأحسن تبقى دايخة حتى نهبطو للأرض هكا ميصرالهاش هيجان وخوف
جان:أوك رايح نسيي نهبطو ونسمعلك غير علاجالها
مازن يحكي فالاسلكي:سيبون سيليا هدي روحك مكاين والو خلااص تكاالمي
سيليا دموعها على خدها كرهت تكون بعيدة عليها وهي فهاد الحالة
سيليا:اووف يلعن الزهر علاه مطلعتش معاها اوووف
نور تشوف فسيليا ودموعها ونظرة الخوف الصادقة اللي فعينيها صح مخها تشوش وصار لازملو فرزة قربت ليها
نور:سيليا معليش نسقسيك؟
سيليا:انعم؟
نور:شوفي رايحة نحكي سيجي ونتمنا تجاوبني بصدق تعيشي
سيليا مسحت دموعها وزيرت شوفاتها فيها:نسمع فيك وش كاين؟؟
نور:اذا كنتي تحبي ختك كامل هكا ..مالقري فري متبانوش خوت هي شعرها صفر ونتي عكسها تماما شعر أسود عينيكم بزوج بحر أما مبيناتكمش شبه أخوي ومع ذلك علاقتكم ومحبتكم لبعض أخوية بالفطرة ...علاه تخونيها مع راجلها مدام تعنيلك كامل هك؟؟
سيليا مشوكية فيها وفجرأتها اللي مش فمحلها وبكل ارياحية فهاد الموقف جاية تسقسيها على حبها لأختها وطرف من روحها اللي هي رافدة جباال ماهي جبال من مواجع وأحزان وأسرار مثقلة كاهلها لراحتها أما الناس ديما يحطو وش يحبو في بالهم عليك وميقدرو ظروف حتى انسان
سيليا:وقتاه لقيتني نخون فيها مع راجلها؟؟
نور:نهار@@@كنت فمول (....)نتي وياه وكنتو تمشو بحال كووبل
سيليا ضحكت وخبطت بكف يدها على حاشية المنطاد:نتي هبلتييي؟؟؟..كيفاه تحكمي وتفسري من عندك على الناس؟؟؟..وزييد جاان راه خو..بلعت ريقها بسيف شادة دموعها حتى خووها اللي من حقها تستحمى بيه وقت يلوموها منها من غيرها متقدرش تجبدو ولا و حسبينها كوبل معااه آآه من مهزلة الحياة كملت تحكي:جان كيف خويا لا أكثر ولا أقل وعمري نخمم نخون ايلين بيسك هي قبل متكون ختي تكون قطعة من روحي وياما ضحينا علاجال بعضانا مش حتى نسناو الناس تحكم على علاقتنا اذا كانت صح ولا نن اووك؟؟
نور:عندك حق وأنا منيش نقيم فعلاقتكم وشنو برك سقسيت بيسك عيني اللي شافت وعقلي بقا يخمم على وش شاف سمحيلي لا خربت فصوالح خاطيتني
سيليا:نورمال فاتت مذابيا الهدرة اللي تهدرت هنا منزيدش نسمعها ومتزيدش تتجبد
نور:اوك ديزولي سيليا نشالله ميصراش ديكالاج فعلاقتنا بسباب الهدرة هادي
سيليا:مراحش يصرا ومن ليوم أي واحد يحكي عليا وعلى جان مذابيك تفهميه الهدرة هادي
نور:ان شاء الله
هزت الاسلكي:ماازن وش راهي ايلين
مازن:هاو ماهر وجان يسييو يهبطو المنطاد بيسك العلاج الوحيد لهاد النوبات الهبوط لتحت
سيليا:أوك مرسيي
هبط منطاد ايلين وماهر وجان ولحق عليهم منطاد كل من ايكيب مازن وسيليا
ماهر قاعد فاللرض وحاط راس ايلين بين يديه:ايييليين ايلين افطني ياروحي هبطناا
جان قرب حكمو من كول الشيميز:زدت فيه بزاااف سي ماهر بعد على مرتي احسنلك
ماهر فطن مع روحو والوضع اللي هو فيه فوت عينيه على البلاصة يحوس على رجالو باينة وصلو لخبر سخون و...كن يخمم..يقيسها هو يقتل روحو ديراكت
جبد عليها بالجسد برك اما روحو وعقلو وقلبو وكيانو بقاو عندها وهي بين يدين سيليا اللي جات عندها مع الما تحاول تفطنها
سيليا:ياروحي الوونة افطني فاتت
ايلين تحكي
كنت مغيبة خلاص الدوخة وضيق التنفس اللي يصراولي كل مانكون فمرتفع فالطيارة ديما نتجنب نركب قدام الكارو ونبقا غير نقرا كتاب أو نرقد مي هنا على المباشر مقدرتش مكنتش حابة نطلع مي كلام ماهر استفزني مي..هه جبتها لروحي..أما اللي حيرني خوفو عليا وتحديه لجان بقا ورايا ومعايا وقالو نخاف عليها اا كان يخاف عليا علاه خلاني نولي نخاف منو راايحة نهبل ماهر كل يوم يخرجلي بفكرة جديدة تخليني نهبل أكثر من وقت تزوجنا زيرت على راسي نسيي نوقف نحبس بنتي اللي راهي تبكي دوك وعزرين ميمنعنيش من التبهديل اللي رايحة نديه من عندها بيانسير سيليا رايحة تهبلني بيسك سمعت لكبريائي وندبت لروحي وعطيتهم خلعة موت فوتت ييدي على خدها نحكي
ايلين:ديزولي سليووش خوفتكم عليا
سيليا شافت في بحر عينيها اللي كل ما تكون مهمومة تهرب ليه:بقرة علاه هكا؟علاه طلعتي ونتي عارفة رايحة يصرالك هكا؟..راسك اليابس هدا جامي يروح شحال من مرة نقولك...متعرضيش روحك للخطر خممي فيا قريب هبلت وانا بعيدة عليك ونشوف في حالتك هكاك
ايلين حكمت يدها اللي كانت تشارع مع تعراشها:خلاص سمحيلي مش بقصدي قلت نتأقلم
سيليا رخفت شواربها تشوف فيها بنظرة تاع فاقو
ايلين:خلاص فاتت وعد معادش نعاودها
سيليا:أوك
جان:ايلين لباس؟
ايلين :لباس الحمد الله
بعدما كامل المجموعة كملو دورتهم ونزلو وتطمنو على ايلين رجعو للمخيم وبداو يوجدو للعشا مع وقت الغروب اللي كان عاطي لمسة ولا أروع للمكان
ايلين كانت قاعدة وساهية فماهر اللي كان واقف ويشوف فالسما:زعما علاه درت هكاك ؟مهما ندير يا ماهر جامي نفهمك
وقت لعشا ليكيب كامل ملمومين وجدو لي سوندويتش والمشويات من كل أنواع لي صوص سلاطة المهم قلشو الحالة صح ونظرا للظلمة اللي ملات البلاصة حطو الأضواء الكبيرة اللي يستعملوها عادة فمواقع التصوير
كانو قاعدين بشكل عشوائي البنات والذراري مخلطين كان ايلين مع سيليا على جيهة
نور كانت قاعدة في أمان الله حتى لقات سيف ريح قدامها
سيف:هااي
نور: علابالك قبيل شفت واحد الكرامة لابسة سليب خضر وتدور لهون ولهيه يظهرلي تاعك اجري جيبها
سيف:ههههه عندك وااحد الحس فكاهي هاايل
نور:اوووف نتا متسواش صح قود عليا من الصباح حاصل فديني وش حاااب؟
سيف:والله يابنت تقدري تقولي حب من أول نظرة وناوي الحلال اقبلي برك ونخلي السما تهبط ليك
نور:ونتا كن متنوضش منا وتبركا خرطي نبعثك للسما فوق داب كحل قوود
سيف:هههه(قرب زير على يدها وعينيه يدورو على الجماعة اللي كانو مش رادين ليهم البال)خلينا نحكيو كلمتين مبعد كي يرقدو الجماعة ارواحي للخيمة تاعي
نور جبدت يدها:نتا مرييض نووض لا نلم عليك الجمااعة
سيف:ههه وشبيك يعني قبيل كي كنتي قاعدة فحجر الباترون جان جاتك عادي وكي قستك فيدك ظهرت بنت اصل
نور:نوووو كثرت على ماوصاوك نتا...
مجات تكمل لقات سيليا ريحت وسطهم وتخنزرت فيه:تزيد تقدم ليها غير شعرة تشوف وش يصرا فييك رد باالك
نور همست لسيليا:مرسي مي مكانش لازم تلوحي روحك تخافي يحكمهالك
سيليا شافت فيها وفالبراءة اللي فعينيها:هههههه راكي من نيتك ؟هدا يخافو منو الناس؟!..نن حبيبتي خطيك متخافي من حتى هجوول سيرتو المخنثين زي هكا ميقدرو يديرو والو
سيف:كثرتي على موصاوك آنسة سيليا ردي بالك تزيدي حرف عليا مزلتي متعرفينيش ومكنتش نحكي معاك
سيليا:مزلت تحل في فمك جرب أنطق كلمة تانية وتشوف وين تلقى روحك
سيف:يااك مزلتي صغيرة خليني مقادر بلاصتك احسنلك (هز صبعو فوجهها يهدد)
سيليا :نتا جبتها لروحك
وقفت الشي اللي خلا كامل القاعدين وكانو يتعشاو يشوفو فيها
سيليا:مكاين والو يا جماعة كملو عشاكم نطيش حيوان ميستاهلش يكون معانا ونجي حكمت سيف من كول الشوميز تاعو ووقفتو معاها ..وقف مازن وجان وايلين بالوقت
ايلين:سيليا هبلتي وش راكي تديري؟
جان:سيليا يظهرلي هوا الغابة مساعدكش اقعدي
شافت فيهم سيليا بتبسيمة باردة وتخوف سيليا صح تبان عاقلة أما وقت تتفكر هي وش تكون وتقيس سلاحها ترجع متكرديش واللي يقيسها تقتلو بكل دم بارد
سيليا:مكاين والو هدا راه غير خنثى كان يديرونجي فنور وقلل كلام معايا قدام كامل الحاضرين باه تكون عبرة ليكم جرتو وراها وين المشوى اللي كانو يشويو عليها هزت الحديدة اللي حركو بيها اللحم وحطتها على رجلو
سيليا:هادي بيسك بقت تتمحشر فبلاصة خاطيتك ...زادت حطتها على يدو وهو غير يعيط:وهادي بيسك هزيت صبعك المدود فخليقتي على اساس تهددني وأنا مزال مجاش اللي يهددني منا وجاي جات تحطها على فمو حكمها جان
جان:سييليااا خلااص هبلتييي؟؟
سيليا طلقت هداك اللي كان يبكي زي اللي قاعدة تولد وشافت فجان اللي كان صح مقلق أنها بينت هاد الجزء من شخصيتها قدام ناس الشركة
جان:سييليا ردي بالك تعاوديها أمشي قدامي
سيف يبكي فاللرض:والله تخلصيها غااالية والله
سيليا مع جان اللي يجر فيها:مزال مشبعتش ياك حاب نكويلك لسانك صح
جان:عزريييينك وشبيه سمااك ؟هبلتييي؟وش قلنا لبارح وش هاد التصرفات تاع الماافيا يا سيليا؟سيليا تربيتي معاهم ولكن نتي مش منهم,مكيش كيفهم يا روحي نتي نقية عليهم
مازن قرب لسيف:بلع فمك لا نهدهولك ولوكان تجرب تهدر وتشكي بيها وتشوف وش ندير فيك فاااهم؟؟
ماهر:مازن كيفاه هادي ميشكيش بيها نتا هبلت سييير الطفلة كانت رايحة تقتلو
مازن:ليكيب زوج يتبرعو يهزوه للسبيطار ويقولو بلي حادثة وقت كان يشوي واللي يهدر اي حرف على وش صرا هنا وقتها يتفاهم مع وجهي اللي مينطاقش ..وأعذر من أنذر (شاف فيهم بخزرة تخوف صح خلاتهم يتكمشو على رواحهم )وزوج صحابو قربو ليه هزوه للسبيطار
مازن شاف فسيليا اللي واقفة بعيد على الجماعة وين كانت قاعدة مقابلة التلة تشوف فالقرية لتحت توله لجان يمشي منارفي وايلين قربت ليها
كانت واقفة وتشوف لتحت الجو هبال والمنظر أحلى من الأكواخ الخشبية اللي كانت موجودة لأسواق صغيرة كانت مدايرة ملبنات وأبقار يدورو بين لولاد اللي فرحانين بحياة الريف الاصيلة الليل والأضواء اللي كانت منبعثة من تحت خلات البلاصة تبان أنها جنة اما الجحيم اللي كان فقلبها خلا الدموع يتعمرو فعينها غايضتها الوحشية اللي كل متحب تتخطاها ترجع تخرج فيها رغما عنها..سيليا العنيفة اللي ظهرت مش الشي الغريب فسيليا بالعكس هاديك الجزء الحقيقي من سيليا واللي عاشت حياتها كامل بيه ...شخصية سيليا الحالية بالنسبة ليها عبارة عن ضعف متمكن منها..ضعف أنها متقدر تدير والو ولازم عليها غير تخاف وهي كانت اللي يهدر كلمة معاها تقتلو بلا رحمة فاتو بين عينيها فلاش لشحال من مرة قتلت بنادم بيدها وبسلاحها اللي مزالو للآن فخصرها ومخبيتو فاقت على دمعة سخونة تسرسبت مع خدها ويد رفيقة روحها تحطت على كتفها
ايلين:علاه درتي هكا؟
سيليا:مش بوعيي مقدرتش نتحكم فروحي حاسة شخصيتي اللي حبيت ندفنها رجعت وحابة تسطير عليا كرهت نكون بلا شفقة واحساس صح ميستاهلش اما مش للدرجة هادي علااه هكا علااه؟؟
جبدتها ايلين لصدرها:خلاص يا روحي خلاص..مازن مخلاهمش يقولو شي من اللي صرا وونتي رايحة تنساي ولازم توالفي تكوني عاقلة وراكحة يا سيليا شحال من مرة نقولك صمتك يكون أكبر هزيمة لاعدائك
سيليا:مكانش منها ايلين رانا فوقت اللي كي يلقاو انسان ساكت يعفسو عليه ويفوتو وميهمهم شي كرهت نكون المظلومة من الحياة ولا اراديا وليت هجومية فأي شي كرهت نكون المهانة والمستضعفة من ناس جامي عرفتهم ووليت نعرف غير أنو اللي يقربلي لازم ندمرو ونحطو عند حد موحال يقربلي وراه مرة أخرى كرهت صح مفهمتش علاه راني هكا؟راني حابة نكون طيبة وعاقلة مام أنا اما منقدرش
نور ريحت من بعيد تتفرج فحالة سيليا اللي بسبتها وصلت ليها غايضتها هاد الطفلة معرفتش وش عاشت حتى وصلت هنا كيفاه كملت من النقطة اللي هي عرفت انها كانت فيها
نور:علاه هكا هي متستاهلش وكلشي بسبتي اوووف
حتى لقات البركان واقف على راسها
جان:نوووضي
ووقفت وشافت فيه
نور:وش حبيت؟
حكمها من يدها ومشاها لجيهة سيليا ونور تحاول تتفك منو
جان:بلعي عليا عزرين فمك بلعيي عاجبك وين وصلتيها
نور تلاحت عضتو من يدو طلقها وبقا يماصي فيدو
جان:اعععع بغلة وش درتي ليوم نقتلك
نور:قود عليا وش اللي تقتلني قالولك عليا بلا مالي روح عليا
سيليا دارت تشوف منين لحس لقات جان ونور متحاصلين:اووف ايلين جان طول هدرة مع البنت وهي خاطيها
مشاو ليه للزوج
سيليا حكمتو من يدو:جان مصرا والو هي خاطيها تعيش خليها
جان:هاي جاتك أطلبي السماح منها
نور:راك تحكي معايا؟؟
جان::لا مع خيالك....بيانسير معاك انطقيي
سيليا:جاان قتلك خاطيها مام هي كان يتبلا فيها خلي الطفلة راني لباس
جان شاف الدموع المحصورين فعينين نور من أول مرة شافتو وهو يعرشلها ويهينها وهي متحبش تكون لقمة صايغة اللي يجي يفرض رايوو عليها
مازن شاف التجمع اللي صرا بينهم قرب وقف قدام نور
مازن:جان وش كاين؟
جان:بسبة هادي سيليا صرالها هكا كن يشكي بيها وش رايح يصرا؟
نور دموعها طاحو بدات تعيط عليه:قتلك مش بذماااا انا مدرت والو هو ديرونجاني بقيت نبعد حتى جات هي وحدها انا كنت ساكتة علاه راك تعيط عليا؟؟(خلاتهم واقفين وجرات تبكي بعيد عليهم)
مازن دار يشوف فنور:جان خطي الطفلة هي خاطيها ومكلاه تبقى وراها فاهم غلطة وفاتت خليونا من المشاكل مش من أول الرحلة نبداو صراعاتنا وراني وصيتو مراحش يشكي بيها
نور تجري ومش شايفة حد قدامها تجري برك همها تفرغ قلبها من اللي حريقة اللي فيه من صغرها محقورة واللي يجي يحسبها ضعيفة ويحب يمشي رايو عليها
سيليا شافت فمازن اللي يحامي عليها:نتوما الذراري مكان مدخلكم انا رايحة نفكها بيناتنا بنات فبنات مكلاه تبقاو متحاصلين هنا
فاتت وخلاتهم لاحقة نور اللي تجري برك
سيليا:اووف وين راهي رايحة البلاصة ومتعرفهاش تزيد تبدا تبكي كيما الصباح
سيليا:نووور نوووور حبسيييي (لحقت عليها قاعدة فوق حجرة بعيدة شوي على المخيم)
نور هزت راسها فيها ووجها كامل دموع:وش حابة من عندي سمحيلي هاني طلبت السماح دوك تقدري تروحي
سيليا ريحت قدامها:مجيتش باه تطلبي مني السماح جيت أنا نطلب منك السماح على وش دار جان معاك
شافت الثانية بتعجب:علاه راكي تطلبي فالسماح...بسبتي شفت كمية القهر اللي فعينيك
سيليا :راني نطلب فالسماح بيسك جان غلط معاك ونت معندكش ذنب و اللي كان لازم يطلب مني السماح سيف لا غيرو
نور:علاه حنينة وقلبك بيض كامل هك؟؟ اما ...
سيليا:ههه اما وش؟
نور:اللي يشوف كيفاه درتيلو يكذب هاد الحنانة اللي فيك
سيليا تنهدت وتبسمتلها:اللي فات علينا مش ساهل واللي كبرنا عليه صعيب وخلانا نتعلمو نكونو قاويين وعدوانيين حتى مي كل انسان عندو جانب خير ديما فايق ويظهر فالمواقف المناسبة برك
نور:يعني مبيناتنا والو ضك
سيليا:ولا راح يكون رايحين نبقاو نحبو بعض عادي وكأنو شي ما صار اوك؟
نور شافت فيها بأسى وحكات فقلبها:نهار تعرفي أنا شكون وقتها رايحة تكرهيني سيير(تبسمت بسيف ونطقت)مرسي ونشالله تبقى علاقتنا أحسن ما يكون باترونة سيليا ههه
سيليا:ههه ايا نوضي نروحو للمخيم ايلين راهي مقلقة علينا
جاو يمشيو حتى سمعت اسمها
....:سييليا
سيليا دارت بالعرض البطيئ على الصوت اللي سمعتو الصوت هدا برك جامي يغيبلها وجامي تنساه ونفس ما توقعت دارت لقاتو فوجهها صح كان حاط بيريك لشعر رمادي أما مخفاش عليها هو ما غيرو مارك كابوس حياتها
نور:شكون هدا؟
(الهدرة بالايطالية)
مارك:هههه صغرونتي ابعثي هاد العصفورة بعيد خلينا نحكيو زوج كلمات آلاز.
(Bambina mia.manda via questo uccellino.diciamo due parole comod)
سيليا الدم نشف فركايبها دورت لنور تحاول تغطيها بجهامتها باه تخبي ملامحها عليه:نور هدا زميلي نعرفو من زمان هه من ايطاليا ضك نقصرو شوي ونجيك اجري لعند الجماعة ضك نلحقك
نور:فوسط الليل والظلمة؟
سيليا:نور قتلك روحي ضك نلحق
نور شافت فمارك اللي كان يتبسم ويكيل فسيليا وراحت
سيليا:ياك عارفة الطريق؟
نور:ايه ايه
بقات تشيع فيها حتى غاب خيالها ودارت ليه تلم فحروف صوتها بسيف
سيليا:أهلا سيد مارك( Marc salve signor)
مارك:ههههه توحشتك عمري(hhhhh Mi manchi vita mia)
سيليا:وأنا متوحشتكش أبداا,بيانسير شكون يتوحش جلادو ؟(E non mi sei mancato.sicuramente a chi manca il suo carnefice )
مارك قرب ليها وحكمها من يدها وجابها عندو:متخيليش شحال تأثري عليا كبرتي وزيانيتي كثر وكثر وقوتك وجرأتك مزالها نفسها هههه ايماجيني حضرت لعرضك فهاداك الولد..الشيطان المخبي فيك يا سيليا غير أنا اللي نعرفو وراني فرحان بيه
سيليا تسيي تتفك منو:بعد يا خراا بعععد
مارك:ههههه راكي تسبي فيا بلغة بلادك؟
(Mi insulti nella lingua del tue paese hhhhh)
سيليا تفكت منو وبعدت تجبد النفس من ريحتو الخانزة اللي ملاتها كانت مخلطة بريحة دخان خلاتها ترجع بذاكرتها للأماكن اللي كانت تشم فيهم هاد الريحة:وش تحوس وعلاه جيت هنا؟
(Cosa vuoi e perché sei venuto)
مارك حك حاجبو:امم تعجبيني كي تفهمي ثم ثم...باينة نحب عليك ونحب نوريلك بلي كي قلت نلحق ليك يعني نلحق وهاني قدامك ومعايا عرض رائع ليا وليك
)Mi piace quando capisci velocemente... Chiaramente, ti voglio e voglio dimostrarti che quando ho detto che ti raggiungo, intendo che raggiungo, ed eccomi qui di fronte a te con una meravigliosa offerta per te e per me (
سيليا:اللي هو؟(che é؟)
مارك:ههه ياتكوني معايا وترجعيلي ونرجعو لايطاليا ولا نديك لأي بلاد تحبيها المهم تكوني معايا وبين يديا(عض على شفتو يستفز فيها وهي عافتو وتمنات تقتلو فالدقيقة)وطبعا مراح يتضرر حتى واحد نخليك ترحيي روحك وتودعيهم ونروحو ...ولاا..نحرق المخيم التافه تاعكم بيه باللي فيه ونديك ونروح منا..يعني في كل الأحوال رايحة تكوني معايا مي الطريقة رايحة تتبدل ونتي المتضرر الوحيد فالحكاية
سيليا شافت فيه وقلبها رعش من فكرة يموتو كامل جان,ايلين,مازن,نور.ماهر لينار تبقى يتيمة كامل ليكيب اللي جاو فرحانين يحبو يبوجيو شوي ويرجعو لخدمتهم بسبتها يقدرو يموتو لازم تدي القرار الصح ولازم عليها تخمم فيهم كامل تنهدت ولاحت يدها لخصرها جبدت سلاحها اللي من الصباح وهو معاها موجهتو جيهتو:مش قتلك جرب أظهر قدامي ونقتلك بلاما يرفلي جفن؟
مارك:امم حبي الشرسة نعرفك قوية وشيطانة مي شياطيني كثاار منيش وحدي(Mio feroce amore, ti conosciamo forte e demoniaco, i miei demoni sono molti e non sono solo)
دارلها بعينيه منين شجرة قابلوها زوج موجهين سلاحهم جيهتها ومن الجهة التانية ثاني نفس الشي يعني هي محاصرة ومعندهاش حل بقات تخمم غير فشي حاجة تمنع بيها روحها
مارك:متخميش ياروحي مكاين حتى حاجة تسلكك مني ونظن عارفة ثمن تهزي سلاحك فوجهي جربتيها من قبل وخسرتي هداك سمير وضك لاحبيتي تخسري هاديك البنت امم ايلين صح اسمها هكا( Non indovinare, anima mia, luoghi, anche qualcosa che ti allontana da me, e pensiamo che tu sappia il prezzo di agitare la tua arma, quindi affrontami. Ci hai già provato e hai perso. Questo è Samir)
(جبد سلاحو من خصرو وحك بيه على جبهتو)امم معليش هاني رايح نخلص عليهم كامل ونديك
(Umm, mi dispiace, Hani, li elimineremo completamente e ti chiameremo)جرات ليه دموع فعينيها:ماارك ماارك حبس رد بالك تقيس واحد منهم خلااص خليهم ورايحة نديرلك وش حبيت صااي (Non dimenticare, non dimenticare, abbi cura di te, misurane uno, lasciali andare e andiamo da te).
شاف فيها متبسم مسح على خدها بيديه:هكا نحبك عاقلة وقوية وتسمعي لكلام نوعدك نعيشك أميرة على قلبي(باسها لجبهتها وبعد)
سيليا:خلاص بعد رجالك منا ورد بالك تخليهم يقربو للمجموعة ولا أي واحد قريب لياا
مارك :من عيوني يا روحي بعدت عليه على صوتو ماشي ويقرب Dai miei occhi, dalla mia anima, mi sono allontanato da lui, sulla sua voce, camminando e avvicinandomi
مازن:سيييلياااا سيييلياااا
مارك:شكون الكلب هدا اللي راه يعيط عليك (chi é questo cane che ti chiama؟ )
سيليا:مارك والو سيير من المجموعة راهم يحوسو عليا خلاص نتا روح وياك عندك نيميرو تلفون وقت تحتاجني عيطلي ونتفاهمو ) Nulla è certo dal gruppo, mi stanno cercando, basta, vai e hai il tuo numero di telefono, quando hai bisogno di (me chiamami e capiremo.
مارك:اوك نحبك ياعينيا ((ok Ti amo occhi miei
سيليا:وأنا نكرهك
مارك:متحكيش بلغة بلادك معقدة بزاف حبيت نتعلمها ومقدرتش (non parlare la lingua del tuo paese .é molto complicato. Volevo impararla.ma non ci sono riuscito)
سيليا:اوك رووح ((va.bene.vai
عطا اشارة لرجالو يتخباو وجا يمشي لقا مازن فوجهو
مازن ديراكت غير شافها مع واحد كيما قاتلو نور جرا ليها حكمها من يدها وبعدها عليه
مازن:سيليا لباس؟
سيليا تشوف فيه وترجع تشوف فمارك هاد الموقف بالذات متتمنى حتى واحد يعيشو هي ضك بين نارين وقطرة البنزين لا قربت لواحد تشعل التاني ولا قربت للتاني تشعل واحد يعني من تحرق منا وتكوي وجات فالنص رمااد
مازن حاكمها من كتافها:سيليا قتلك راكي لباس؟؟
مارك:بسلامة عصفورتي قولو يبعد على أملاكي لا نلحقو لحسابناNella sicurezza del mio) uccellino, digli di stare lontano dalla mia proprietà, così non andiamo sul nostro contoسيليا تحاول تتمالك نبرة صوتها باه تتماشى مع الكالم تاع الايطالية:نن خلاص مكاين والو مراحش يقرب نتفاهمو مبعد بااي(È finita, e non ci si avvicinerà, capiremo, tutt'altro))Non basta, non c'è niente che non si avicini, lo capiremo dopo(
مارك:شيع مازن اللي كان يخنزر فيه شيعلو بيدو باي يتبسملو بالبارد ومشا فوسط الشجر عند رجالو
مازن:سيليا نحكي معاك شكون هداا اللي راكي تحكي معاه بالايطالية من وكتاه عندك أصدقاء لا وزيد من ايطاليا فالجبل ضك تفهميني وش كاين