هز التلفون دايرتو فوذنها هو يصوني و قلبها يضرب ويضرب يستناغير في صوتو يجيه
سمير:ألوو
عدلت تنفسها و نبرة صوتها
سيليا::أهلا عميمو لباس؟
سمير:سيليا؟لباس بنتي ونتي؟وينك؟
سيليا::لباس راني فلوتال قلت نهز اوموراتي ونجي و..لقيت وراقك اللي جبتهم داك النهار وقريت وش فيهم معليش تقولي علمن يهدرو هادوك الوراق
سمير تنهد:ايه هادوكك الوراق فيهم القضية تاع مرتي الثانية وكيفاه ماتت
صدمة,حيرة,فرحة,حزن.غبينة,وبزاف كلمات من معانيهم يعبرو على حالة سيليا الضياع بان على وجهها ودموعها وادي ولقا مجرى يجري فيه
سيليا:اا اوك ضك نجيبهملك معايا
سمير:تعيشي بنتي تعملي مزيا
تبسمت وسط قهرتها تمنات تقولو بلا مزية بابا الغالي بابا من دمي ولحمي مي متقدرش نطقت كلمات بحال السكين على قلبها
سيليا:مش مشكل عميمو نجيبهم
سمير:اتهلاي فروحك معنديش منك عشرة
سيليا:وأنا معنديش منك زوج يخليك ليا
رمات تلفونها وعيطت عيطة حست قلبها خرج معاها
سيليا:ااااااااااااااااه علاااااااااااه؟علااااااااه؟اهئ اهئ(انهارت وتلاحت على اللرض تبكي وتحكي)اهئ اهئ علاااه؟علااه هكا؟بعد كامل هاد السنين يظهر بااابا..باااااباااا..باااباا..اللي حياتو مهددة بالخطر بسبتي..بابا..اللي وأنا مكنتش عارفة بوجودو أصلا وكنت حاسبة غيرو بويا تلقيت خبر وفاتو ودرتو دافع باه نكمل مي يظهر هكا فوجهي ويظهر بابا لالالالالا (حكمتها هستيرية) عشت معاه 5سنين على أساس عمي وكيف بابا كنت نرتاحح بحضنو ونحسو بابا مي مقدرتش نقوهالو مالقري كنت متمنية نقولو بابا مي منقدرش كان ديما عقلي يقولي مكيش بنتو ولادو الأحق وولدو مات ميييي.....وش ظههههر..حياتي كامل لعبة من أولها لآخرها علاااااه؟؟اهئ اهئ...م..م..ماارك..ماارك..ماارك.كن يعرف بيه يأذيه..مارك موحال يسكت وقت يعرف بلمتنا رايح يقيس بابا وخويااا..ايه خووويا جاان هههههه راني هبلت بعد كامل هاد العوام من الضياع يظهر عندي أخ مي ممنوع نكون معاه يا ربي ني فرحانة ظهر عندي بابا وخويا كبير يوقف فكتافي أما في وجه شكووون؟؟ مارك ما يقدر عليه غير ربي سبحانو ايلين,ايلين بنتها عايشة ولازم ترجع ليها وتتلهى بيها يعني موحال نخليها تشارك معايا فاللعبة ونخلي مارك يوصل ليهم(قعدت وتكالات مع السرير)تحكي بصوت فارغ ومدمر يعبر على الفراغ اللي راه وسطها
سيليا:يعني اي سيليا بالمختصر المفيد نتي فال شأم على كل من عرفتيه وكل من كنت فحياتو من أمك اللي بسبتك ماتت لباباك اللي من أول لقاء تصاوب وكان رايح يموت لليوم وهو مع مرتو وخوك اللي معندهمش يومين رجعو لبعضاهم مي بسبتك وبسة أنو مارك وراك رايح يلقاهم وحاول يشتتهم..لايلين اللي بنتها تربات بعيدة عليها ولازم ترجع ليها ونتي رايحة تكوني الخط الأحمر اللي رايح يكون العتبة الشريرة فحياتهم...باختصار يا سيليا نتي النار اللي تحرق أي شي تقيسو حرقتي روحك وبرائتك وصغرك وحبابك وكلشيييي نتي ملازمش تبقاي فحياتهم أبدا سيليا
فدار عصماء
قاعدين مجمعين فالصالون
عصماء:سمير
سمير:نعم يا روحي
عصماء:ههه راك كبير
قرب قعد قدامها
سمير:كبير مي الحب معندوش عمر يا مرتي العزيزة
عصماء:ايه مي حنا ضك زواجنا عندو 27سنة يتحسب ملغي بموتك ولازم نعاودوه ني حشمانة بيسك رانا مع بعض هكاك قدام لولاد
سمير:ايه عندك حق مام انا لازم نكون راجلك وأب جان شرعا وقانونا يعني لازم نخدم اوراقنا ونردو على اسمي
عصماء:لالا نتا لازم ترد اسمك كامل هكا نتأكدو أنو اللي يعرفوك من زمان يكونو بعاد عليك وهدوك الرهج اللي بسبتهم تفرقنا ميلقاوناش راني خايفة عليك وعلى جان مدرتش فبالي الحالة رايحة توصل للمافيا
سير حظنها بجنب وباس راسها بمعزة:يا روحي نتي نوعدك كلشي بخير وجان وبناتي سيليا وايلين نديرهم فعينيا ومنخلي شي يقيسكم راكم الهوا اللي نتنفسو
عصماء:ايه..و...
سمير:وشنو؟
عصماء:مرتك الثانية كيفاه صرالها محوستش عليها؟
سمير هبط راسو بأسى:الله يرحمها
عصماء:قصدك ماتت؟؟؟؟
سمير:ايه كي جيت ثاني يوم سقسيت معارفي وجابولي بلي ماتت آكسيدون نهار @@####
عصماء:متقوولهااش؟
سمير:وش منقولش؟
عصماء:اللي ماتت فطريق الحديقة@@####
سمير:ايه هي
عصماء:يا ربي منيش مأمنة
سمير:عصماء قولي هدرة تصلح تعرفيها؟
عصماء:اييه ..لاا..افف قصدي حضرت للححادث تاعها ورححت معاهم للسبيططر بيسك كنت مع بنتها
سمير:بنتهااا؟؟
عصماء:ايه تشوفها مسيكنة كانت صغرونة خلاااص زينها يسكتلو الصغير العين الزرقة والشعر كحل توت قلبها فسخ عليها والمسكينة باباها باين شياطان ميليقش تشوف كيفاه جرها معاه تبكي حفنة دموع,جان وعدني يلقى بنتها راهي من أول نهار شفتها وهي في بالي
سمير:الكللب الله لا تربحو باين دار رايو فالطفلة يادرى وينهي ضك؟
عصماء:سمير
سمير:؟؟
عصماء:متكونش بنتك نتا؟؟بيسك كي شفت بيناتهم مككان كاين حتى شبه بينها وبين باباها
سمير تصدم شوي ومبعد فطن:عصماء بلى تخلاط الهدرة كلهم شهرين قعدتهم معاها متلحقش تحمل مني وتجيب طفلة وكن جات بنتي راجلها ميرضاش بيها أصلاا
عصماء:عندك حق
سمير شا الأسى اللي فعينيها على الطفلة:خلاص مقلقيش روحك رايح ندير البوسيبل مع جان ونشوفوها وينهيو نعاونوها تكون راهي تقرى برك عصومتي حبي أتكالماي
هابطين فالدروج مع العشية بعدما كملو خدمة
ايلين:جان ايماجيني يكون عندي أعداء من غير ماهر
جان:متقلقيش روحك بهدرتو سير راهو حاب يخلطك ويخربط تخمامك ومتخافيش رانا معاك حاجة متقيسك
ايلين:عندك حق
جاو يطلعو فالسونسور غير تفتح بابو لقاو ماهر فيه
جان تبسملو وحكم يد ايلين قربها ليه وفات:مرحبا بيك شريكي
ماهر زير قبضة يدو فجيبو وعينيه حمارو نطق بسيف مكالمي روحو:بييك شريكي وش لحوال؟
جان:لباس الحمد الله سوال عليك
ماهر:الحمد الله رانا عايشين
جان:ايه هداك مكان ياك حبي
ايلين تبسمتلو ابتسامة عريضة:بيانسير راجلي لعزيز
ماهر:الله يدوم المحبة نشالله ..وش جان من وينتا ونتا متزوج بايلين
جان:مدام ايلين بليز عزيز ماهر
ماهر:ههه عندك حق مداام ايلين (هدرها وهو قريب يطرطق)
جان:ايه وعرسنا انا وحبي صرا من 3سنين تزوجنا في لندن بعدما كنا اصدقاء قراب بزاف وضك هي أحلة واروع صديقة عرفتها وراني فخور بيسك هي مرتي هي نور حياتي وشمسها سبحان الله اسم على مسمى (جبد تلفونو من جيبو وهي تتفرج فيه تشوف ردة فعلو اللي مبينت والو مي غشو بان بسيف عليه فعينيه بقات غير تزير على يد جان خايفة من واش يقدر يدير )
جان:هاي ليك فوطو عرسنا
شد ماهر التلفون بقا يتفرج فيها كاينة منها جان وايلين واقفين ولابسين عريس وعروس من صحهم وكانت باينة فرحانة بزاف تبسم بقهر وهو يشوف معاها وهي هبطت عينيها
ماهر جبد نفس وعدل وقفتو ونطلق القمبلة وسطهم:يعني علباالك بلي كنت انا وياها متزوجين ومرتك كانت مرتي وتاااعي
ايلين هزتراسها بنطرة فيه مقدرتش تأمن وش راهي تسمع هي تعرف ماهر جريئ ولو شوي يحكمو جان يكسرو مي متوقعتش يقولها ضك وهنا
جان سيب يد ايلين وقرب لماهر يحكي وهو منارفي:كاانت يا مااهر كاانت رد بالك تعاود تقول هي تاعك
ماهر :عندك حق كانت واللي راح عمرو يولي اما قدامك سي جان نقولك مدام اييلين رايحة تندمي بزاااف وقت تعرفي بلي بعتيني
جبدو جان من كول الشيميز تاعو:ماااااهر أحسنننلك تعرف ما تهدر مرتي هاذي ولا عندك هدرة قولهالي ليا
ماهر نفضلو يديه منو:خلصت الهدرة أفعالكم منا وجاي هي اللي رايحة تكمل ..والحرب اللي بنيتوها فيبالكم وحدكم رايحين تخلصو عليها متخافوش
ايلين:الحرب هادي نتا اللي بديتها يا ماهر نتاا
جان حضنها قدامو:خلاص يا روحي خلاص كلشي فات خرجو من السونسار اللي صرات فيه حرب ضك وهو شاد خصرها وهي ترجف ودموعها يهبطو
اما ماهر ضرب الحيط رغ يه غشو وخرج يمشي وراهم عينيه حمر على يدو اللي راهي محاوطة بيه معادش متحمل هاد اللعبة ولازم يحطو النقاط على الحروف
.......
مجمعين بحذا البحر تشوف فالسماء الصافية ومهربها من الهموم الأم الغالية اللي كانت ديما تشكيلها همها وهو غير يشوف فيها
جان:لهاد الدرجة هدراتو تأثر عليك؟
ايلين تحكي ومززالها تشوف للسماء:مش غير هدراتو كلشي فيه ياثر عليا كلشيي,هدرتو,شوفاتو,ضحكتو,وبزاف أمور
جان:معليش نعرف كيفاه تعرفتي عليه؟
ايلين:حكاية طويلة ههههه(تنهدن تنهيدة تهز جبال)من اول مرة شفتو كان لاعب فيها الحامي السند الواقف فظهري شافت معاه وبدات تحكي
Flash bak
فعامها تاع الباك ماشية فالطريق فارغة مع العشية والمطر كانت تصب حتى بدات تسمع تزمير لوطو من وراها هبطت راسها وزادت فالفيتاس تاع المشية حتى ولات تسمع صوت عياط وهدرة
...:سس الزين لشهب استناي نحكيو معاك
....:بس بس يا العين الزرقا ارواحي نوصلك المطر عليك
مدارتش عليه وتمت تمشي وهي ترجف من هاد الموقف وتتمنى يخرج انسان فطريقها يعاونها شوي وحست بيدو حكمتها
ايلين:اا نحي يدك بعد
...:شبيك تعيطي امشي قدامي نحكي معاك ونوصلك برك منديرلك والو(يحكي ويشوف فيها بشهوة خلاتها تعيفو)
ايلين:قود عليا يا خرى نحي يدك
...:اا بدينا بالهدرة العوجة اللي متعجبنيش (جبد موس من كرشو )تمشي قدامي ولا نذبحك هنا؟
ايلين بدات ترجف من الموس بدات تمشي بشوي للوطو حتى وقف فوجهم
ماهر:نحي يدك عليها (يتخنزر فيه ويحكي )
...:ونتا وش ضرك؟
ماهر:نتا متفهمش بلاك نحي يدك عليها سينو تهز سنيك فيدك وتروح
...:ياااك جرب ترا
ايلين:خويا عيشك متباصيش روحك علاجالو
ماهر شاف فيها وغرق فعينيها من اول مرة شعرها اللي مبلول من المطر وعينيها اللي يرجفو من الخوف
ماهر:متخافيش ميقدر يدير والو
... طلق يد ايلين وتلاح ليه بالسمو :ارواح هنا نوريك وش نقدر ندير
ماهر حكم يدو اللي كانت فيها الموس ولواهالو اللور :اسمعني نقولك اخطيك م ن بنات الناس فاهم؟
...:خلاص اطلقني نحي يدك
ماهر طلقو وهداكراح ركب لوطو تاعو ومشا
شاف فيها تتبسملو تبسملها مام هو
ايلين:مرسي منعرف كيفاه نردلك خيرك
ماهر:بلا مزية روحي للدار ضك ومتزيديش تخرجي فهاد الوقت
ايلين:لقراية هكا الله غالب
ماهر:ههه ايه أنسة خباشة ايا روحي مالا ضك ومنا وجاي شوفي بنات أرواحي معاهم
ايلين:اوك مرسي خويا عيشك
ماهر:ههههه اوك روحي ااختي مشات كملت طريقها وهو بقا ساهي فتفاصيلها
ماهر:ههه قاتلك خويا ..جامي شفتها هنا عندي الزهر ليوم خرجت فهاد الوقت وتلاقيت بيها
فاتو يمات وشهور وايلين كل ما تخرج لعشي تلقى ماهر فنفس الطريق ويبقى وراها حتى توصل للدار فات عام وداو العطلة وفوتت ايلين الباك ونجحت
كانت قاعدة فالجاردان مع جداتها اللي رباتها حتى تشوف فلوطو تعرفها حبست قدام الدار
جدات ايلين:بنتي شكون جانا؟
ايلين:معرف ضك نشوف
الجدة:لا خليك اقعدي
نزل من لوطو بكل وهرة وفات ليهم ايلين تشوكات كي شافتو
ماهر:السلام عليم جدة لباس؟
الجدة:لباس ولدي نتا شكون؟
ماهر شاف فايلين وتبسم:نسيبكك ا الحاجة
ايلين تشوكات بدات تسعل:كح كح وش راك تقول؟
الجدة:والله يا ولدي مفهمت فيها والو
ماهر:احم شوفي جدة بلاما نطول جيت بالحسب والنسب طالب يد بنتك ايلين على شرع ربي وسنة رسوله
الجدة:والله يا ولدي تبان متربي وعاقل وشنوتجي هكا وحدك؟
ماهر:هه لالا جدة نعرف للعادات وجبت جدة معايا وشنو قلت قوليلي نتي اسع ونعرفو راي البنت (شاف فايلين وغمزها وهي طلعت حمرا طماطم)عاد نهدرو هدرات الكبار
سليمة جات تمشي من ورا
سليمة:السلام عليكم
الجدة:مرحبا بيك (المهم سليمة حكات مع جدة ايلين وطلبتها وخلاو الراي للبنت)
ماهر:خلوني نحكي معاها شوي سير راهي مصدومة
الجدة:ايلين فوتو للجيهة الأخرى
ايلين:ميي..
سليمة:روحي برك يا بنتي ولدي عاقل ولا حب يفهم عليك دقيقة نكون عندك نكسرووو
ايلين:شافت فيها وضحكت ههههه
ماهر:بديناها بعد جدة
ايلين:هههه فوت منا(فاتو لجيهة ثانية من الجاردان وقعدو)
ايلين:فهمني كيفاه تجي للدار هكا؟
ماهر:جيت نخطبك ونتزوجو ونبنيو دار ونجيبو ولاد ههههه
ايلين شافت فيه يحكي وفرحان:هههه مشيت بزاف بأحلامك هههه
ماهر:ولا عندي حلم واحد هو نتي
ايلين:من وكتاه؟كيفاه ظهرتلك غير انا؟
ماهر:من اول نهار شفتك بقيت وراك وحبيت نشوفك وعرفت بلي نتي بنت أصل مالقري عايشة غير مع جداتك ومعندكش اللي يعس عليك مي بقيتي رافعة راس والديك وحاكمة شرفك وأنا كنت علابالي راكي صغيرة دونك كي كبرتي وكي أنا لميت روحي قصدت الدار
ايلين:وعلاه جامي هدرت معايا وقتلي؟
ماهر:بيسك هدرة الناس مترحمش وأنا كي حبيتك خبيتك فقلبي واللي يهدر عليك يقيسني ومرضيتش نوسخ سيرتك على لسان اللي يسوى وميسواش
Flash end
ايلين:اهئ اهئ اهئ اهئ اهئ اهئ (تبكي وتشهق)وفالتاالي خلاني وحدي,فالتالي كلشي بنيناه وكلشي تعاهدنا عليه هو أخلف بيه ودمرني قبل هدرة الناس والبعاد عليا
جان قرب ليها يمسح دموعها:خلاص ايلين خلاص والله وعد يخلصها غالية وراس ميمتي غير يخلصها سيبون
طاحت لعشية وروحو للدار كل واحد بهمو وكل بطل من أبطالنا يخمم فحياتو منا وجاي وكل ظرف راهو يصرا وش الفايدة منو
ماهر من اللي روح بقا فبيتو يتفرج على تصاور عرسهم ويبكي ..ايه يبكي على حبيبتو اللي شافها ليوم تتخبى منو في غيرو وهو اللي رايح يهبل باه يضمن أمانها وراحتها
قاعدة فالصالون تلعب بوردة جابتها من برا حتى دخل
لينار:ماااازن ههههه اهلااا
مازن تنهد ومشا ليها:هههه أهلا صغرونة عميمو وش ديري؟
لينار:نلعب بالوردة ونستنا فيك
مازن:ههه وعلاه تستناي فيا؟
لينار:بيسك توحشتك من لبارح ماكش نورمال لباس ضك؟
مازن:ايه لباس حبيبتي صغونة
لينار:ههه مليح
شاف فيها وتفكر قرب هزها ومشا طالع بيها
مازن:لينار سيليا حابة تحكي معاك نروحو نعيطولها؟
لينار:اييييه هههه بياانسير حابة
مازن:ههه علاه تحبيها؟
لينار:هكاا هههه
مازن:هههه أوك
دخلو لبيتو هز تلفونو وبدا يعيط
راقدة فجناحهم مزالها ح اطة راسها على السرير وغايسة فاللرض عينيها حمارو وتنفخو ولون وجهها طفا حتى تسمع فصوت تلفونها اللي رماتو يصوني وقفت بسيف ليه هزتو وحلت
سيليا:ألو
لينار:هااااااي
سيليا تبسمت مهما كانت حالتها كي تحكي مع بنت اختها الغالية تفرح:هههه صغرونة وش راكي؟
لينار:لباس سليوش ونتي؟
سيليا:لباس يا روحي..وش راكي تديري؟
لينار:راني مع مازن هههه
سيليا :هههه مليح
لينار:ايه وشبيك صوتك صفا با
سيليا:ههههه ونتي تاني تعرفي صفا با؟يا عمري هههه لالا يا روحي راني لباس
لينار:ايه سيليا مزلتي متفكرة وش وعدتيني؟
سيليا:بيانسير يا روحي وني نخدم باه نحقق وعدي ليك
لينار:اوو مرسييييي نحبك بزاااف
سيليا:وانا نموت عليك
مازن:وأنا نعشق فيكم
لينار شافت فيه كان غايس خلااص:يااا العيييب أحشششم
فطن على روحو تخنزر فيها:ايا اسكتي منيش عليكم
سيليا:ههههههههه برافو عليك صغرونتي لينار
مازن نحى التلفون للينار:وش لالة سيليا راكي تستشفاي
سيليا:هههه ايه تستاهل بنت ختي تردلك الشر اللي دايرو فيا
مازن:هههه عليش بنت خويا معايا ومتوقفش فوجهي
سيليا:اوك معليش تكوبي ضك وكي توالي ونزيد نحكي معاكم
مازن:ان شاء الله
فاتو 3أيام تبدلو فيهم بزاف صوالح مثلا جان وماهر ولاو ميحكيوش كي يتلاقاو فالشركة ويبقا غير يخنزرو فبعض سيليا غابت يومين على الشركة بيسك حست روحها آن نورمال ونفسيتها تاعبة صح من وش فات عليها وولات غير تبقى فالدار تهبل سمير وتحب تخرجو من عقلو تحب تقولو بابا وتبقا محضنتو نهار طول مي متقدرش ولات كمدتها بعمي وصاي ونفس الشي مع جان قريب تخرجو من رحمة ربي ,ايلين نفس الشي غير توجد لأوموراتهم ونارها لاهبة مزروبة تشوف ربحها
وليوم وهوما فالشركة مجمعين طلب ماهر منهم يتلمو فغرفة الاجتماعات
ماهر:المهم يا جماعة لميتكم ليوم باه نقولكم بلي شركتنا وكيما اعتادت كل عام رايحة تنظم رحلة للتخييم فالجبال ولازم حنا كمدراء نروحو يعني مذابيكم توجدو رواحكم باه نمشيو نبدلو جو حنا والموظفين تاعنا
مازن:ايه صح نستنا هاد الوقت من كل عام هايلة
جان:لازم نروحو؟
ايلين:خلينا نروح حبي نبدلو جو
سيليا:وانا مع ايلين معليش نروحو
جان:اوك نروحو
ماهر:اوك مالا خلص الاجتماع خبط يدو على البيرو وخرج
سيليا وقفت خارجة ومازن وراها وايلين وجان بقاو
جان:وش رايك راح يدير ورا هاد الرحلة؟
ايلين:معرفتش مي خلينا نشوفو سي ماهر وين حاب يوصل
جان:اوك نوضي مالا
سيليا تمشي ويدها فتلفونها تخربش حتى حكمها مازن
مازن:سييليا
سيليا جبدت يدها منو:منبقاش نقولك متقيسنيش فااهم؟
مازن:اووف متوحشة هادي..المهم علاه مجيتيش هاد ليومين
سيليا:والو كنت مريضة
مازن:اوو مريضة وشبيك علاه؟
سيليا غاست مع كمية الخوف والحنة اللي فعينيه تبسمت بانكسار ونطقت:والو زدرة برك
مازن:ربي يجيب الشفا يا روحي
هزتلو حاجبها
سيليا:ههه والله صح؟
مازن:صح وبنت عمها ايا باي وجدي روحك للرحلة
سيليا:اا اييه ولينار راهي لباس؟
مازن:لباس عليها الحمد الله
ماهر كان قاعد فبيروه حتى هز تلفونو
ماهر:وي؟
...:ماهر البوص بعثلك مرسول كالعادة سمع بالرحلة اللي راك ناويها مع ايلين وراه يتوعد يخبرك لوكان تخبرها وتجرب تكون معاها رايح تندم
ماهر وقف جاب لي دوصي اللي كانو على البيرو فالأرض:عزرينك وعزرين البوص تاعك شكون هو وعلاه راه يدير هكا؟؟ومن وين سمع بزمر الرحلة ..وروح و قولو هادي خدمة ولازم نرووحوها فاااهم؟
....:مكلاه تحاول تفهم تعرفو وش يقدر يدير ودير في بالك عينينا رايحة تكون معاكم
ماهر:رووح@@### وكوبا
ميرال:حبيبي
ماهر:بلا زمر حبيبك وخرا التق..تاعك ضك قودي من عليااا
ميرال قربت ليه:شبيك ماهر وش كاين؟
ماهر:طيري قودي عليا ميرال طييييرييي
ميرال:اووف ماهر اووف صحا ني خارجة مي راني رايحة معاكم للرحلة
ماهر:اوك قودي
فات النهار هداك الكل على أعصابو
فليل سيليا توجد فلبستها ولبس ايلين حتى حكمتها ايلين من كتافها وجرتها قعدو على السرير وتقابلو
ايلين:قوليلي وشبيك بنتي الزينة؟
سيليا شافت فيها مطولا:بيا بزااااف بزااف بيا اني نعرف بلي بنتك عايشة وبعدتها عليك,بيا بلي عرفت بابا اللي عمري كامل نبكي عليه وكنت عايشة معاه وراني نقولو عمي,بيا انو عرفت بلي عندي الأخ الكبير اللي عمري كامل نتمناه مي منقدرش نقولو راني أختك الصغيرة ,بيا أني تاعبة من كلشي وأني الانسان اللي رتحتلو وعقدتي من الرجال طاحت قدامو ظهر يحبني مي منقدرش نكون معاه وبيا وبيا وبياااا وأهم سبب والسبب فيهم كاااااااامل .الرهج تاع مارك....وش مزال مصراش ومولاش بيا(خلصت هدرة وتفريغ قلبها مع روحها ونطقت):والو هههه علاه وش بنتلك؟
وآه من واحد يكون قلبو معبي مي ميحبش يفرغ باه ميزيدش على حبيبو وعزيزو
ايلين تشوف فيها بعدم تصديق:تكذبي..نعرفك مليح وش كاين؟
سيليا:والو يا روحي تعرفي برك حكاية ب..عمو سمير راهي مأثرة عليا شوي هدا مكان يامات ونرجع خير وزيد بانتلي هاد الرحلة فرصة نفرغو بيها بالنا
ايلين:معرفتش منيش حابة نتأمل حاسة الرحلة هادي رايحة تقلب حياتنا صح
سيليا:لالا يا روحي تفائلو خيرا تجدوه ياك؟
ايلين:ان شاء الله ايا ضك نكملو نهزو اومورنا ونرقدو
سيليا:ههه مش قبل منروح نهبل جان
ايلين:هههه وش جايك عليه ليامات هادو لتكوني تحبيه؟
سيليا تبسمتلها:ههههه بااينة نحبو نحبووو عرااام بلا حدود نحبووو بزاف نحبو بصفتو خويا لعزيز
ايلين:ههه كيفاه؟
سيليا:هههه قصدي كيف خويا وجاتني برك عليه خلينا نولفوه هو عاقل بزاف نخاف تهبلو مرتو ساعة أخرى لازم نديرلو اسع سطاج ههههه
ايلين:ههههه مهبوولة هادي طيري مالا وانا نكمل قبل ميرقد
متكسل فبيتو البيسي عليه خدام والايربودس فوذنو
جان:صحا قولي آخر موقع كانو فيه وش هو؟
.....
جان:اممم اوك والعصابة الأخرى اللي كان من المفروض نحكموها...ايه عارف مي منقدرش نكون معاكم ضك راني لاتي...صحا نتوما برك اتولاو كلشي من ثم وأنا رايح نتولاهالكم منا
سيليا حطت يدها على الباب وبقات تستناه يكمل وتدخل مي ركزت شوي مع كلامو وتصدت صدمة رقم الألف فهاد السمانة
رجعت على وراها حاطة يدها على قلبها تنهج:ااه ااه نووو امبووسيبل الاااا هاادي مش جاااان تاني لااا علاه يعني وش صرا فهاد الأيام المنحوسة علاه المشاكل كامل توالات على بعضاهم يا ربي خوويا الا هو خوويا..كيفاه خفا عليا هاد الشي نهار فاقلي والشي اللي كنت ندير فيه غير هاكر ممتاز يعرفلو كيفاه متولهتش وهو عندو سلطة كبيرة خلاتو يزور زواجو مع ايلين كيييفاه؟؟
دخلت عليه تخلع غلق البيسي ووقف يشوف فيها واقفة مسمرة فالباب
جان:سيليا وشبيك؟هههه يظهرلي هبلتي عليا هاد ليام؟
سيليا غلقت الباب وقربت ليه قعدت قدامو والبيسي بيناتهم
سيليا:اعطيني البيسي دقيقة
جان:علاه كشما تحتاجي؟
سيليا:اييه
جان:صحا مش هدا تاع الخدمة تاعنا اسناي نجيب لاخر
سيليا:مالا هدا تاع وش؟
جان:هدا تاعي الشخصي نقصر بيه برك
سيليا:جان وش تخدم؟؟
جان:ههه معاك وشبيك هبلتي مع الليل؟
سيليا:منييش نضحك وش تخدم سمعت هدرتك ضك
جان بقا مشوكي فيها
سيليا:يا تقولي يا نقول لبابا..ك فااهم؟
جان:سيليا أومورات متعنيكش
سيليا:راك تحوس على مارك؟
جان مسح بيديه على شعرو ودار ليها بفدة:ايييه هوو
سيليا:علااه؟
جان:بيسك هو دمر عايلتي ونتي ورايح ندير البوسيبل ونلحق ليه وندمروو
سيليا:وكي لحق ليه بابا.ك وش ربح ااه؟؟
جان:مربحش مي أنا نربح
سيليا:ياااك؟علاه وش تكون؟
جان:أنا جان وهدا الشي الوحيد اللي لازم يعرفو هو ويخاف مني على هاد الأساس
سيليا:خدمتك اللي مخبيها علينا بيسك هيا اللي عاونتك باه تزور زواجك مع ايلين
جان شاف يها مطولا وهو حاط يديه على خصرو:وش الفايدة من أنك تعرفي
سيليا:كيما نتا عرفت أنا وش كنت مام أنا لازم نعرف معامن راني عايشة وصديقي كيفاه رايح يقييس عدوي
جان: فايقة نتوقع هاد الشي منك حظرة الهاكر سيليا
سيليا حست بغصة كي فكرها هي وش كانت وعلاه وصلت لثم:ايه قول
جان تنهد:عميل سري فالأستخبارات الجزائرية العليا وأكبر هاكر فيها...يعني في ليلة نجبدو
سيليا:ههه مليح عرفت بلي عندك سلطة كبيرة (تنهدت ووقفت)ايه وضك كي تلحقلو وتقتلو وش تستفاد؟
جان:نربح انتقامي ونشفي غليلي ونريح ضميري ونجيب حقك وحق بابا ويماا
سيليا:امم مالا نقولك لو تخمم تقرب لمارك ولا تحوس عليه وتخليه يظهر فحياتنا يا جان نقتل روحي...وراني هدرت
جات خارجة حكمها من يدها وردها ليه عينيه يقدحو نار:وش قصدك يا لاالة علااه ؟...اا ولاا تحبيييه؟يااك؟كيما هو يحبك نتي تحبيه؟؟
سيليا ترسمو علامات الصدمة على وجها:وشنوو وشنووو؟؟راك عارف وش تهدر البنادم هدا دمر حيااتنا كاامل
جان:نتي دمرك باباه مي أنا دمر بابا ويما وعايلتي وراكي تقولي هكا بيسك مش عايلتك اللي تقاست اخرجي سيليا
سيليا:هههه راك من نيتك كيفاه مش عايلتك هادي عايلتي وبااباا ونتا خووويا كيفاه هادي مش عايلتي ومغاضتنييش
جان:وش راكي تحكي نتي قلتيها حنا كيف باباك وخوك مي مناش صح عليها متغيضكش قدنا
سيليا:يااا ربي افهمممم(مسحت بيديها على شعرها جبدت نفس وشافت فيه بكل قوتها)حنا خاوة بالدم من الأب
جان...غير يشوف
سيليا:ايييه خاوة من نفس الأب نتا من مرتو اللولة وانا من مرتو الثانية ليان وسقسيه يقولك هاد الشي
جان:بركاي لكذب لا حاسبة هكا منوصلش لمارك راكي غالطة رايح نوصلو مهما كان
سيليا بدات تبكي:والله مراني كذب نتا خويا وهدا بابا..بابا اللي عندي 5 سنين عايشة معاه نقولو عمييي..بابا اللي فعمر ال4سنين تحملت أذى راجل آخر تحت شعار بابا يحبلي الخير رماني ودمرلي حياتي ويوقولي باباك الحقيقي ماات...بابا اللي معنديش 3ايام عرفت أنو يكون بابا ومنيش قادرة نقرب ليه ولا نشم ريحتو ونقولو كلمة بابا اللي حياتي كاملة متمنية نقولها...راني نتحرق وواحد معارف بيا وتقولي تكذبي؟؟..وراك تيماجيني معنى حياتك كامل تكون كذبة من أولها لآخرها ؟راك قادر تصدق بلي راني مهبلتش مالقري كامل وش فات وفاللخر يجي خويا يقولي راني رايح للنار ويحبني نسكت وكي نهدر نظهر منيش حاسة بيهم وميعنيولييش
جان قلبو تقسم من كلامها احساس أخوة فاق فيه من أول مرة يحسو مع سيليا وايلين اما هاد المرة قوا أكثر حالتها بكاها والنبرة اللي كانت تحكي بيها مهيش تاع وحدة قاعدة تبكي ..راهي تحكي ومتحسرة صح على عمرها اللي ضاع...(شاف فيها كي قعدت على طرف السرير تبكي وراسها بين يديها بدا يقرب ليها بشوي حتى قعد قدامها حظنها بجنب يسلم على راسها)
جان:سمحيلي سيليا..سمحيلي مام ولو مكنتيش ختي كيما راكي تقولي مكانش لازم نقولك هاد الهدرة وأنا عارف بوش فتي ...سمحيلي والله مبقصدي
سيليا :اهئ اهئ منيش نبكي منك راني نبكي على وش فات ومهزلة القدر اللي خلاتنا نوصلو لهاد النقطة
جان:خلاص يا روحي كلشي رايح يتصلح هاحنا معاك ايلين,بابا,أنا,يما رايحة تكون يماك خلاص اللي فات مات ورايحين نعوضو كلشي(جانكان يحكي هكاك على اساس يكالمي فيها ولكن هدرتو كانت موجهة ليه تاني باه تقويه بيسك لو يعطي مجال لروحو يطيح هنا قدامها ويبقا غير ساكت)
جان:ايه قوليلي شكون عارف بلي حنا خاوة؟
سيليا:غير انا ونتا وانا عرفت من 3ايام وواحد مراح يعرف من غيرنا بهاد الشي
جان:علاه يا روحي هاو باباك اللي عمرك كامل تستني فيه رجعلك ورايحة تبقاي معاه
سيليا:جان هو هرب على يما بيسك ميحبهاش كيفاه يقدر يتحمل أنو عندو منها بنت ولازم يربيها كيفاه يحب بنتها وهو هرب منها لأنو ميطيقهاش
جان:اشش وش هاد الهدرة بابا يحبك زي بنتو مام وهو مش عارف أنك بنتو يا سيليا وشبيك هدا
سيليا:جان مهااني وواحد منحبو يعرف سيرتو ضك خليه فرحان بيك وبأمك منيش حابة نفسدلو فرحتو ببنت اللي هرب منها لاني أنا تاني مش متقبلة انو بابا هرب على يما وخلاها بيسك حازن على مرتو الأولى وولدو ..وش ذنب يما أنها تزوجت بيه فورصي بيسك والديهم بعرفو بعض..وش نب يما أنها تضطر تتزوج بواحد ساكارجي رخيس ميسواش غير باه يمد اسم لبنتها وتتستر قدام الناس بعد ما هرب عليها راجلها ..وش ذنبي أني ترميت للبحر اللي لعب بيا مع كل موجة يجيبها و يديها يرميني معاها وناس جامي عرفتهم ولا قربت ليهم حرقوني ودمروني وسرقولي برائتي وهانوني ..وش ذنبي من كل وشصرا فهاد الحياة الظالمة اللي خلاتني نعيش اقسى شي منها..اهئ اهئ..وش ذنبييي؟؟!
جان تلاح حضنها يسلم على راسها :صغرونتي ختيتو سمحيلي بزااف بيسك مكنتش معاك فكامل هاد الشي سمحييلي
سيليا زيرت عليه مرتاحة نسبيا انو ضك عرف راه خوها وتقدر تلجألو بلا حشمة في أي وقت محلاه شعور تكوني عارفة أنو عندك خوك فكتافك وقت تضيق بيك الدنيا تترماي فحظنو ونتي متأكدة مليااار بال100أنو مستحيل يردك ولا يخونك
سيليا:اهئ اهئ خوويا جاان عيشك متقربش لمارك والله ماني حابتو يلحق لينا والله يقتلنا كامل والله عييشك خليك بعيد عييشك تعيييش
جان زير عليها عندو:اششش خلاص خليك مرتاحة والو مراح يصرا خوك هنا منا وجاي
سيليا:اوك لازم توعدني اي شي تخمم تديرو تقولي عليه فااهم؟
جان:مام كي نحب نتلاقا بنت؟ههه
سيليا:هه اييه مام هادي
جان:خلاص يا روحي اضحكي نوعدك
حضنتو مرتاحة شوية مالقري علباالها رايح يدير اللي في راسو مي على الأقل يكون عندها علم بهاد الشي
جان يمسح على شعرها وهي عندو:وضك وينتا حابة تخبري بابا؟
سيليا:مزال مش ضك كي نعود واجدة نفسيا نقولك ويعرفو كامل أما مش ضك وملازمش يعرف من غيري
رجعت لبيتها لقات ايلين راقدة سلمت على راسها وحكمت بلاصة بحذاها ورقدت فحضنها
جان ريح على الكرسي يستوعب وش سمع : ضك لازم نهز مسؤولية سيليا الكاملة بيسك ختي سيليا مش كيما باقي لبنات لازم نكون واقف معاها ديما منا وجاي...لاااازم
فاقو الصباح كلهم ناشطين وفرحانين للرحلة هبطو يفطرو وتلمو كي العادة كامل زاهيين وفرحة الدار العكس تاعهم على غير العادة تخنزر فيهم ومش راضية تاكل
ماهر:خير بنتي المافيا وش بيك؟
لينار:علااه رايحين ومتدوونيش؟؟
مازن:خلي العام الجاي نديو صغرونتنا
لينار:والله صح؟مهااني نرووح دووكا معاااكم
سليمة:وراس بنتي صغرونتي هوما عندهم خدمة كي يرجعون قولوهم يدونا يخي؟
لينار رخفت شواربها وغرغرو عينيها:بااابااتي عسوولاتي حبيبييي..ادييينيييي معاااك
نسيمة:بنتي حبيبة باباك عندو خدمة نتي ابقاي معايا انا وجداتك
ميرال:ايه صغرونة كي نجيو نجيبلك كادو
لينار:علاه نتي رايحة؟؟.باااابااا كيفاه ميرال تروح وانا نن؟؟
ماهر:ميرال تخدم معانا صغرونتي ونتي راكي مريضة كيفاه تروحي للجبل برجل وحدة؟
لينار:يهزني ماازن
مازن:هههه لالا بنت خوويا لحبيبة عندي كيلوات منيش حابهم يطيحوو
لينار:اععع خااين خليييتني
مازن:ههه المرة الجاية ندي العسل تاعي معايا ايا ضك الهربة تسلك ني رايح (وقف مسح يديه)في لمان يا جماعة نتلاقاو فساعة الخير نشالله ..باي بنت خويا الغالية
لينار مشنفة:خااين رهجججج رووح
وقف ماهر حتى هو باس راس بنتو: خلاص صغرونتي وعد نعوضهالك نتي برك ابراي وندي بنتي وين تحب
لينار:اووك مي بشرط أشريلي ألعاب و احكيلي على ماما كي تجي بيسك وعدتني قبل الحفلة تاعك تاع الخدمة ونسيتني ومحكيتليش
ماهر تبسملها فوق قلبو:نشالله بنتي نجيبلك بزاف العاب ايا بااي
لينار:بااي اتهلا في روحك نحبببك وعيطلي نتوحشك
ماهر:خلااص يا روحي ونتي تانيا تهلاي فروحك وكوني عاقلة
قرب باس راس نسيمة
نسيمة:في لمان ولدي اتهلا فروحك
ماهر:اوك ونتي تاني يما
باس راس سليمة:جدة الغالية اتهلاي في لينار تعيشي وفي روحك بزااف تاني اوك؟
سليمة:عليك لمان يا وليدي شي ميخصنا ربي يعينكم اتهلا فخوك اوك؟
ماهر:اوك زاد باس لينار وهي كبشت فيه بالدموع بسيف هرب عليها وخرجو
نفس الشي فدار عصماء ودعو بعض بموحش بوس وتسلام و دموع وتوصيات سمير لايلين وسيليا بسيف باه راحت جات سيليا باش تركب حكمها جان بعدما ركبت ايلين
جان:سيليا يخي صح وش قلتيلي فليل؟مكنتش نحلم ياك؟
سيليا:ههه ايه خويا لعزيز امشي برك
جان:ههه امم ردي بالك معايا منا وجاي راكي ختي ندير عليك دور الأخ الشرير ياااهاه هههه
سيليا:هههههه دير رايك معلييش هههههه
ركبو حطت سيليا ميزيك حاسة روحها مرتاحة خيرمن هاد ليام كي فرغت سر واحد ومهم بزاف لخوها
حكمو طريقهم للجبل بعدما تلاقاو فالشركة ومشاو موكب واحد فطريقهم