الناقله ام عبيس
القصه للكاتبه ليال القمر
يله كبدبد نبدي علقو بين الفقرات احب اشوف مشاركتجن
انسوي سوالف الكاتبات ماعليجن مني 😂😂😂😂😍
البارت 30
______________
ﺑﻴﺪﺍﺀ : ﺍﻟﺴﻼﻡ ﻋﻠﻴﻜﻢ
ﺍﻟﻜﻞ : ﻭﻋﻠﻴﻜﻢ ﺍﻟﺴﻼﻡ
ﻧﻬﺎﺩ : ﻫﻠﺔ ﺑﻴﭻ ﺷﻮﻧﭻ ﺣﺒﻲ
ﮔﺎﻣﻦ ﻳﺘﺒﺎﻭﺳﻦ ﻭﻫﻲ ﮔﻌﺪﺕ ﻭﻳﺎﻧﻪ
ﺳﻨﺪﺱ : ﻫﺎ ﺑﻴﺪﺍﺀ ﺷﻮﻧﭻ ﻋﻴﻨﻲ
ﺑﻴﺪﺍﺀ : ﺍﻟﺤﻤﺪﻟﻠﻪ ﺑﺨﻴﺮ ﺍﻧﺘﻮ ﺷﻮﻧﻜﻢ ﺷﺨﺒﺎﺭﻛﻢ
ﻧﻬﺎﺩ : ﺯﻳﻨﻴﻦ ﺍﻟﺤﻤﺪﻟﻠﻪ
ﺑﻴﺪﺍﺀ : ﻭﻳﻨﻬﺔ ﺟﻨﺎﻥ ﺍﺟﻴﺖ ﺍﺗﺤﻤﺪﻟﻬﺔ ﻋﻠﻰ ﺳﻼﻣﺘﻬﺔ
ﺳﻤﻴﺮﺓ : ﻫﺴﺔ ﺗﺠﻲ ﺟﺎﻱ ﺗﺮﺿﻊ ﺑﺘﻬﺔ
ﺑﻴﺪﺍﺀ : ﻫﻤﻢ
ﺳﻤﻴﺮﺓ : ﺍﻱ ﺻﺪﻭﮒ ﺷﻮﻧﻬﻢ ﻣﺮﺕ ﺍﺧﻮﭺ ﻭﺟﻬﺎﻟﻬ
ﺔ
ﺑﻴﺪﺍﺀ ﺑﻀﻴﻖ : ﺍﻟﺤﻤﺪﻟﻠﻪ ﺯﻳﻨﻴﻦ
ﻧﻬﺎﺩ ﺑﻀﺤﻚ : ﻳﺎﺍﺍ ﺑﻴﺪﺍﺀ ﻋﻨﺪﻱ ﺍﻟﭻ ﺧﺒﺮ ﻳﻤﻮﺕ ﺿﺤﻚ
ﺑﻴﺪﺍﺀ ﺑﺎﺑﺘﺴﺎﻣﻪ : ﺍﻱ ﺑﺎﻟﻠﻪ ﮔﻮﻟﻲ
ﻧﻬﺎﺩ : ﺗﻌﺮﻓﻴﻦ ﻧﺰﺍﺭ ﺍﺑﻦ ﻋﻤﻲ ﺍﻟﻌﻤﺮﺓ 16 ﺳﻨﺔ
ﺑﻴﺪﺍﺀ : ﺍﻱ ﺍﻋﺮﻓﺔ ﻫﺬﺍ ﻧﻔﺴﺔ ﺍﻟﻜﺎﺗﻞ ﺭﻭﺣﺔ ﻳﺮﻳﺪ ﻳﺘﺰﻭﺝ ﻫﻬﻪ
ﻧﻬﺎﺩ : ﻭﻟﭻ ﺗﺰﻭﺝ ﺫﺍﻙ ﺍﻟﻴﻮﻡ ﻫﻬﻬﻬﻪ ﻭﻟﻮ ﺗﺸﻮﻓﻴﻦ ﻣﺮﺗﻪ ﻋﻤﺮﻫﺔ 14 ﺳﻨﺔ ﻭﻣﺒﻴﻨﻪ ﺍﻛﺒﺮ ﻣﻨﻪ ﻫﻬﻬﻬﻬﻬﻪ
ﺑﻴﺪﺍﺀ : ﻫﻬﻬﻬﻪ ﻋﺰﺯﺯﺍ ﻳﻌﻴﻨﻲ ﺻﺪﻭﮒ ﺗﺰﻭﺝ
ﺍﻟﻜﻞ : ﻫﻬﻬﻬﻬﻬﻪ
ﺍﻟﻌﻠﻮﻳﺔ : ﻣﻌﻘﻮﻟﺔ ﻭﻟﺪ 16 ﺳﻨﺔ ﻳﺘﺰﻭﺝ ﻳﺪﺍﺩﺍ ﻣﻨﻴﻦ ﺟﺎﻳﺒﻴﻦ ﻫﺎﻟﺤﭽﻲ
ﻧﻬﺎﺩ : ﻻ ﺍﻟﺔ ﺻﺪﮔﻲ ﺍﻧﻲ ﺍﻋﺮﻑ ﺻﺪﻳﻘﺘﻲ ﺟﻴﺮﺍﻧﻢ ﺍﺑﻨﻬﻢ ﻋﻤﺮﺓ 14 ﺳﻨﺔ ﻭﺗﺰﻭﺝ
ﺍﻟﻜﻞ ﻣﺼﺪﻭﻡ ﻭﺍﻧﻲ ﻭﻳﺎﻫﻢ ﻣﻌﻘﻮﻟﺔ ﻳﺎﺍﺍ ﻭﻻ ﺍﺩﺭﻱ ﺍﻛﻮ ﻧﺎﺱ ﻫﻴﭻ ﻳﺰﻭﺟﻮﻥ ﻭﻟﺪﻫﻢ ﺑﻌﻤﺮ ﺍﻟﻤﺮﺍﻫﻘﺔ
ﺭﺟﺎﺀ : ﺍﻧﻲ ﺍﺭﻳﺪ ﺍﺭﻭﺡ ﻟﻠﺰﻳﺎﺭﺓ ﻣﻨﻮ ﺗﺠﻲ ﻭﻳﺎﻱ
ﺳﻤﻴﺮﺓ : ﺍﻧﻲ ﻭﻳﺎﭺ ﻋﻤﺔ
ﻏﺪﻳﺮ : ﺍﻧﻲ ﻫﻢ
ﻧﻬﺎﺩ : ﻳﺎﺍﺍ ﻟﻌﺪ ﺑﻘﺖ ﻋﻠﻴﻪ ﺧﻮ ﺍﻧﻲ ﻫﻢ ﺍﺭﻭﺡ ﻭﺍﻧﺘﻲ ﺑﻴﺪﺍﺀ ﺗﺠﻴﻦ ﻭﻳﺎﻧﻪ
ﺑﻴﺪﺍﺀ : ﺍﻱ ﻫﻢ ﺍﺣﺼﻠﻲ ﺯﻳﺎﺭﺓ ﻭﻳﺎﻛﻢ
ﻧﻬﺎﺩ : ﻫﺴﺔ ﺍﮔﻮﻝ ﻟﺴﻴﺪ ﻣﺮﺗﻀﻰ ﻳﻮﺩﻳﻨﻪ
ﺑﺮﺍﺀ : ﺍﺭﻭﺡ ﺍﮔﻮﻝ ﻟﻌﻤﻮ
ﻧﻬﺎﺩ : ﺍﻱ ﺭﻭﺣﻲ ﺷﻮﻓﻲ ﻣﻨﻮ ﺑﻴﻬﻢ ﻃﺎﻟﻊ ﻟﻠﻮﻻﻳﺔ ﺧﻠﻲ ﻳﻮﺩﻳﻨﻪ
ﺍﻧﻲ ﺻﺎﻓﻨﻪ ﻭﺍﺑﺎﻭﻋﻠﻬﻢ ﺭﺍﺣﺖ ﺑﺮﺍﺀ ﻭﺍﻧﺪﺍﺭﺕ
ﻋﻠﻴﺔ ﺑﻴﺪﺍﺀ ﺗﺤﺎﭼﻴﻨﻲ ﺑﻀﻴﻖ ﻭﻧﻈﺮﺍﺗﻬﺔ ﺛﺎﻗﺒﺔ : ﻭﺍﻧﺘﻲ ﺗﺠﻴﻦ ﻟﻮ ﻻ
ﺟﺎﻭﺑﺘﻬﺔ ﺑﻌﺪﻡ ﺍﻫﺘﻤﺎﻡ _ ﻻ
ﻗﺎﺳﻢ • ﮔﺎﻋﺪﻳﻦ ﻭﺍﺟﺘﻲ ﺑﺮﺍﺀ ﻟﻤﺮﺗﻀﻰ
ﺑﺮﺍﺀ : ﻋﻤﻮ ﻣﺮﺗﻀﻰ ﺷﻮﻛﺖ ﺗﻄﻠﻊ ﻟﻠﻮﻻﻳﺔ
ﻣﺮﺗﻀﻰ : ﻣﺮﺍﺡ ﺍﻃﻠﻊ ﻟﻴﺶ؟
ﺑﺮﺍﺀ : ﺍﻭﻭﻑ ﻟﻌﺪ ﻣﻨﻮ ﻳﻄﻠﻊ ﺑﻴﻜﻢ
قاسم_ ﺍﻧﻲ ﻋﻤﻮ ﺑﺲ ﻟﻴﺶ ﺗﺴﺎﻟﻴﻦ
ﺑﺮﺍﺀ : ﻣﻮ ﻧﺮﻳﺪ ﻧﻄﻠﻊ ﻟﻠﺰﻳﺎﺭﺓ ﻓﻨﺤﺘﺎﺝ ﻭﺍﺣﺪ ﻳﻮﺻﻠﻨﻪ
قاسم_ ﺍﻱ ﻋﻤﻮ ﺗﺤﻀﺮﻭﺍ ﺑﺲ ﺍﻧﺘﻮ ﻛﻢ ﻧﻔﺮ ﺗﺮﺣﻮﻥ
ﺑﺮﺍﺀ : ﻣﺎﺩﺭﻱ ﺭﺍﺡ ﺍﺳﺄﻟﻬﻢ ﻭﺃﺟﻲ
ﺑﺤﺎﺭ • ﺍﺟﺖ ﺑﺮﺍﺀ ﺗﺮﻛﺾ ﻭﺣﭽﺖ ﻭﻫﻲ ﺗﻠﻬﺚ : ﻋﻤﻮ ﻗﺎﺳﻢ ﺣﻴﻮﺩﻳﻨﻪ
ﺍﻧﻲ ﺟﻔﻠﺖ ﻋﺰﺯﺯﺍ ﻳﻌﻨﻲ ﺑﻴﺪﺍﺀ ﺣﺘﻜﻮﻥ ﻭﻳﺎ ﺑﺎﻟﺴﻴﺎﺭﺓ ﻻ ﺧﻠﻲ ﺍﻭﻟﻲ ﺍﻧﻲ ﻫﻢ ﺷﻨﻮ ﻳﺼﻴﺮﻭﻥ ﻭﻳﺔ ﺑﻌﺾ ﻟﻌﺪ ﻭﻳﻦ ﻭﺟﻮﺩﻱ
ﺍﻧﻲ ﺑﺎﻭﻋﺖ ﻟﺒﻴﺪﺍﺀ ﺍﻟﻠﻲ ﺍﺑﺘﺴﺎﻣﺘﻬﺔ ﺷﮕﺖ ﺣﻠﮕﻬﺔ ﺿﺠﺖ ﻳﺮﺑﻲ ﻣﺎﺭﻳﺪﻫﺔ ﺗﺮﻭﺡ ﻭﻳﺔ ﻗﺎﺳﻢ
ﺭﺟﺎﺀ : ﺍﻱ ﺧﻮﺵ
ﺑﺮﺍﺀ : ﻳﮕﻮﻝ ﻛﻢ ﻧﻔﺮ ﺗﺮﺣﻮﻥ
ﺳﻨﺪﺱ ﺿﻠﺖ ﺗﺤﺴﺐ : ﻫﻮ ﺍﻧﺘﻦ ﺳﺒﻊ ﻧﻔﺮﺍﺕ ﻣﻨﻮ ﺗﺮﻳﺪ ﺗﺮﻭﺡ ﺑﺲ ﺍﻛﻮ ﻣﻜﺎﻥ ﻟﺸﺨﺺ ﻭﺍﺣﺪ
ﺍﻧﻲ ﮔﻤﺰﺕ ﻭﺣﭽﻴﺖ _ ﺍﻧﻲ ﺍﺭﻭﺡ
ﺑﻴﺪﺍﺀ ﺑﺎﻧﺰﻋﺎﺝ : ﻣﻮ ﻋﻠﺴﺎﺱ ﻣﺘﺮﺣﻴﻦ
_ ﻻ ﻋﻴﻨﻲ ﻋﺒﺎﻟﻲ ﺳﻴﺪ ﻣﺮﺗﻀﻰ ﻳﻮﺩﻳﻜﻢ ﺑﺲ ﻫﺴﺔ ﺍﺧﺘﻠﻒ
ﺯﻭﺟﻲ ﺣﻴﺮﻭﺡ
ﺑﻴﺪﺍﺀ ﺑﻐﻴﺮﺓ : ﻣﺎﻛﻮ ﻣﻜﺎﻥ ﺣﺒﻲ
ﺑﺎﻭﻋﺘﻠﻬﺔ ﺑﻀﻴﻖ : ﻻ ﺍﻛﻮ ﻭﺣﺪﺓ ﺗﮕﻌﺪ ﺑﺎﻟﺼﺪﺭ ﻭﺛﻼﺛﺔ ﻟﻴﻮﺭﺓ ﻭﺛﻼﺛﺔ ﻭﺭﺓ ﻻﻥ ﺳﻴﺪ ﻗﺎﺳﻢ ﺳﻴﺎﺭﺗﻪ ﭼﺒﻴﺮﺓ ﻭﺗﻜﻔﻲ
ﻧﻬﺎﺩ : ﺍﻱ ﺑﺲ ﺍﺣﻨﻪ ﺭﺍﺡ ﻧﺘﻀﺎﻳﻖ ﺑﺎﻟﮕﻌﺪﺓ ﺷﻮﻥ
ﺿﻠﻴﺖ ﺍﻓﻜﺮ ﻳﺮﺑﻲ ﻣﺎﺭﻳﺪ ﻫﺎﻱ ﺗﻮﻟﻲ ﻭﻳﺎﻫﻢ ﻣﺎﺩﺭﻱ ﻟﻴﺶ ﺿﺎﻳﺠﺔ
ﺍﻟﻌﻠﻮﻳﺔ : ﺍﮔﻮﻟﭽﻦ ﺷﺒﻴﭽﻦ ﺍﻋﺘﺮﺿﺘﻦ ﻻﻥ ﻣﺮﺗﻪ ﺭﺍﺡ ﺗﺠﻲ ﻭﻳﺎﭼﻦ ﺗﺮﺍ ﺳﻴﺎﺭﺓ ﺍﺑﻨﻲ ﭼﺒﻴﺮﺓ ﻭﺗﻜﻔﻲ ﻛﺎﻓﻲ ﺗﻌﺮﺿﻨﻠﻬﺔ ~ ﺑﺎﻭﻋﺘﻠﻲ ~ ﺭﻭﺣﻲ ﺍﻣﻲ ﺯﻭﺭﻱ ﻭﺍﺩﻋﻴﻠﻨﻪ
ﺍﺑﺘﺴﻤﺘﻠﻬﺔ ﺑﺎﻣﺘﻨﺎﻥ _ ﺍﻧﺸﺎﻟﻠﻪ ﻋﻤﺔ
ﺭﺍﺣﺖ ﺑﺮﺍﺀ ﺗﮕﻮﻝ ﻟﻘﺎﺳﻢ ﻋﻦ ﻋﺪﺩﻧﻪ ﻭﺍﺣﻨﻪ ﮔﻤﻨﺔ ﻧﺘﺤﻀﺮ ﻭﺑﻴﺪﺍﺀ ﺭﺍﺣﺖ ﻟﺠﻨﺎﻥ ﺗﺘﺤﻤﺪﻟﻬﺔ ﻋﻠﻰ ﺳﻼﻣﺘﻬﺔ ﻭﺗﻨﻄﻲ ﺍﻟﻮﺍﺟﺐ ﻭﺍﻧﻲ ﺻﻌﺪﺕ ﻟﻐﺮﻓﺘﻲ ﺍﺑﺪﻝ ﻟﺒﺴﺖ ﻋﺒﺎﺗﻲ ﻭﺭﺷﻴﺖ ﻋﻄﺮ ﻭﺿﻠﻴﺖ ﺍﻋﺪﻝ ﺑﺸﺎﻟﻲ ﻭﻗﺎﺳﻢ ﺩﺧﻞ ﺑﺎﻭﻋﻠﻲ
ﻗﺎﺳﻢ : ﺍﻧﺘﻲ ﻫﻢ ﺣﺘﺮﺣﻴﻦ
ﺍﺑﺘﺴﻤﺖ : ﺍﻱ
ﻗﺎﺳﻢ : ﻫﻮ ﻣﻨﻮ ﺣﻴﺮﻭﺡ ﻋﻌﺪﻳﻠﻴﺎﻫﻦ
ﻧﻔﺨﺖ ﺑﻀﻴﻖ ﻭﮔﻌﺪﺕ ﺍﺗﺬﻛﺮ : ﻧﻬﺎﺩ ﻭﺧﺎﻟﺔ ﺳﻤﻴﺮﺓ ﻭﻏﺪﻳﺮ ﻭﺧﺎﻟﺔ ﺭﺟﺎﺀ ﻭﺑﺮﺍﺀ ~ ﻭﺣﭽﻴﺖ ﺑﺎﺳﺘﻬﺰﺍﺀ ﻭﺩﺭﺕ ﺑﻌﻴﻮﻧﻲ ~ ﻭﺑﻴﺪﺍﺀ
ﻗﺎﺳﻢ • ﺍﺳﺘﻐﺮﺑﺖ ﻣﻦ ﺑﻴﺪﺍﺀ ﺟﺎﻳﺔ ﺍﺳﺘﻐﻔﺮﺕ ﺭﺑﻲ ﻭﺍﻧﻲ ﺍﺻﻼ ﻣﺎ ﻃﺎﻳﻖ ﻭﺟﻮﺩﻫﺔ ﻣﻮ ﺍﻧﻮﺏ ﺗﺠﻲ ﻳﻤﻲ ﺑﺲ ﺿﺤﻜﺖ ﻣﻦ ﻃﺮﻳﻘﺔ ﻛﻼﻡ ﺑﺤﺎﺭ ﻣﻦ ﺟﺎﺑﺖ
ﺍﺳﻤﻬﺔ ﻣﺒﻴﻦ ﻣﺘﺤﺒﻬﺔ : ﻣﺎﺷﻲ ﻃﻠﻌﻴﻠﻲ ﻣﻼﺑﺲ ﺍﺭﻳﺪ ﺍﻏﺴﻞ
ﺑﺤﺎﺭ • ﺩﺧﻞ ﻫﻮ ﻟﻠﺤﻤﺎﻡ ﻭﺍﻧﻲ ﻃﻠﻌﺘﻠﺔ ﺩﺍﺧﻠﻴﺎﺕ ﻭ ﻗﻤﻴﺺ ﺭﺳﻤﻲ ﺭﺩﺍﻥ ﻃﻮﻳﻠﺔ ﻟﻮﻧﻪ ﺍﺳﻮﺩ ﻣﺨﻄﻂ ﺑﻠﻮﻥ ﺍﺯﺭﮒ ﻭﻳﺔ ﺑﻨﻄﺮﻭﻥ ﻧﻴﻠﻲ ﻭﺣﺰﺍﻡ ﺍﺳﻮﺩ
ﻧﺰﻟﺖ ﺟﻮﺓ ﻭﺷﻔﺘﻬﻦ ﻣﺘﺤﻈﺮﺍﺕ ﻭﮔﺎﻋﺪﺍﺕ ﻳﺴﻮﻟﻔﻦ ﻣﺎﻛﻮ ﺧﻤﺲ ﺩﻗﺎﻳﻖ ﻭﻧﺰﻝ ﻗﺎﺳﻢ ﻋﻄﺮﺓ ﺳﺎﺑﻘﺔ ﻭﻫﺎﻱ ﺑﻴﺪﺍﺀ ﮔﺎﻣﺖ ﺗﻌﺪﻝ ﺑﺸﺎﻟﻬﺔ ﻭﺍﺑﺘﺴﺎﻣﺘﻬﺔ ﻭﺻﻠﺖ ﻻﺫﺍﻧﺎﺗﻬﺔ ﻳﺤﻈﻲ ﺷﺒﻴﭻ ﺣﻠﮕﭻ ﺍﻧﺸﮓ ﺷﮕﺪ ﻣﺘﺒﺘﺴﻤﻴﻦ ﻭﺍﻟﻠﻪ ﻓﺪ ﻟﻮﮔﻴﺔ ﺍﻳﻴﻊ
ﺑﻴﺪﺍﺀ ﺑﺤﺐ : ﺷﻮﻧﻚ ﺳﻴﺪ ﻗﺎﺳﻢ
ﻗﺎﺳﻢ • ﺯﻓﺮﺕ ﺑﻀﻴﻖ ﻳﺎﻟﻠﻪ ﺻﺒﺮﻧﻲ ﺣﭽﺖ ﺑﺒﺮﻭﺩ : ﺍﻟﺤﻤﺪﻟﻠﻪ ~ ﺍﻧﺪﺍﺭﻳﺖ ﻋﻠﻴﻬﻢ ~ ﻳﺎﻟﻠﻪ ﺍﻣﺸﻦ
ﮔﺎﻣﻦ ﻫﻨﺔ ﻭﺍﻧﻲ ﻃﻠﻌﺖ ﻟﺴﻴﺎﺭﺗﻲ ﻓﺘﺤﺖ ﺍﻟﻘﻔﻞ ﻭﺻﻌﺪﺗﻠﻬﺔ ﻭﺿﻠﻴﺖ ﺍﻧﺘﻈﺮﻫﻦ ﻳﺼﻌﺪﻥ ﮔﻌﺪﺕ ﻋﻤﺘﻲ ﺭﺟﺎﺀ ﺑﺎﻟﺼﺪﺭ ﻭﺳﻤﻴﺮﺓ ﻭﺑﻴﺪﺍﺀ ﻭ ﺑﺤﺎﺭ ﻟﻴﻮﺭﺓ ﻭﺭﺍﻫﻦ ﻏﺪﻳﺮ ﻭﺑﺮﺍﺀ ﻭﻧﻬﺎد
_ ﻫﺎ ﻫﻲ ﺑﺲ ﺍﻧﺘﻦ
ﺍﻟﻜﻞ : ﺍﻱ
ﺧﻠﻴﺖ ﺍﻟﻤﺮﺍﻳﺔ ﻋﻠﻰ ﺑﺤﺎﺭ ﻭﭼﺎﻧﻦ ﺧﺪﻭﺩﻫﺔ ﻣﺪﻧﻔﺸﺎﺕ ﻣﺒﻴﻨﻪ ﺿﺎﻳﺠﺔ ﺍﺑﺘﺴﻤﺖ ﻳﺮﺑﻲ ﺧﺪﻭﺩ ﻣﺎﻝ ﻋﺾ
ﺣﺮﻛﺖ ﺍﻟﺴﻴﺎﺭﺓ ﻭﺑﺪﻳﺖ ﺍﺳﻮﻕ ﻭﺍﻧﻲ ﻛﻞ ﺷﻮﻳﺔ ﻭﺍﺑﺎﻭﻋﻠﻬﺔ
ﺑﺤﺎﺭ • ﺍﻧﻲ ﻣﺤﺪ ﻧﺮﻓﺰﻧﻲ ﻏﻴﺮ ﺑﻴﺪﺍﺀ ﺍﻟﻌﻮﺑﺔ ﺍﻱ ﻣﺎ ﺍﺣﺒﻬﺔ ﻭﻓﻮﮔﺎﻫﺔ ﺟﺎﻳﺔ ﺑﺎﻭﻋﺘﻠﻬﺔ ﺷﻔﺘﻬﺔ ﺗﺒﺎﻭﻉ ﻟﻘﺎﺳﻢ ﺑﺎﻟﻤﺮﺍﻳﺔ ﺍﻧﻲ ﺷﻄﺖ ﻭﺑﺎﻭﻋﺘﻠﺔ ﻟﮕﻴﺘﻪ ﻳﺒﺎﻭﻋﻠﻲ ﻭﺩﺍﺭ ﻋﻴﻨﻪ ﻟﻠﻄﺮﻳﻖ ﺑﺎﻭﻋﺖ ﻟﺒﻴﺪﺍﺀ ﺑﻤﻌﻨﻰ ﻳﺒﺎﻭﻉ ﻋﻠﻴﺔ ﻣﻮ ﻋﻠﻴﺞ
ﻭﻫﻲ ﺳﺘﻠﮕﺖ ﻣﻦ ﺍﻟﻐﻴﺮﺓ ﻭﻭﺟﻬﺔ ﺻﺎﺭ ﺍﺣﻤﺮ ﻣﻦ ﺍﻟﻌﺼﺒﻴﺔ
ﺑﻴﺪﺍﺀ ﺑﻬﻤﺲ : ﺻﺪﮔﻴﻨﻲ ﻣﻴﺤﺒﭻ
ﮔﻤﺖ ﺍﻓﻮﺭ ﻣﻦ ﺍﻟﻌﺼﺒﻴﺔ ﻣﺎﺩﺭﻱ ﺷﺒﻴﺔ ﺍﺿﻮﺝ ﻣﻦ ﻫﺎﻱ ﺗﺤﭽﻲ ﻫﻴﭻ ﻭﻳﺎﻱ ﻭﺻﺎﻳﺮ ﺍﻫﺘﻢ ﻟﻬﻴﭻ ﺍﻣﻮﺭ
ﺑﺎﻭﻋﺘﻠﻬﺔ ﺑﻐﺮﻭﺭ _ ﺍﻧﺸﻮﻑ
ﺍﻧﺪﺍﺭﻳﺖ ﻟﻘﺎﺳﻢ ﻭﻣﺪﻳﺖ ﺭﺍﺳﻲ ﻳﻤﻪ : ﺣﺒﻴﺒﻲ ﺗﻌﺎﻝ ﺍﻧﺘﻪ ﺩﺧﻠﻨﻪ ﺑﺪﻭﻥ ﺗﻔﺘﻴﺶ
ﻗﺎﺳﻢ • ﺍﺑﺎﻭﻋﻠﻬﺔ ﺑﺎﻟﻤﺮﺍﻳﺔ ﻭﺍﺷﻮﻓﻬﺔ ﺗﺤﭽﻲ ﻭﻳﺔ ﻫﺎﻱ ﺑﻴﺪﺍﺀ ﻭﻣﺒﻴﻨﻪ ﺿﺎﻳﺠﺔ ﻣﻨﻬﺔ ﺣﭽﺖ ﻫﻴﭻ ﻭﻳﺎﻱ ﻭﺍﻧﺼﺪﻣﺖ ﻣﻦ ﻫﻴﭻ ﺣﭽﺖ ﺑﺲ ﻋﺮﻓﺖ ﺍﻟﺴﺒﺐ ﺍﻻﻧﺴﺔ ﺑﺤﺎﺭ ﮔﺎﻣﺖ ﺗﻐﺎﺭ ﻳﺎﺭﺑﻲ ﻫﺎﻟﻨﺴﻮﺍﻥ ﻳﻐﺎﺭﻥ ﻣﻦ ﻛﻠﺸﻲ ﺿﺤﻜﺖ ﺑﺪﺍﺧﻠﻲ ﻭﺍﻧﻲ ﻣﺮﺍﻗﺒﻬﺔ
قاسم: ﻣﺎﺷﻲ ﻋﻴﻨﻲ
ﺑﺤﺎﺭ • ﺍﺑﺘﺴﻤﺖ ﺑﺎﻧﺘﺼﺎﺭ ﻭﻋﺪﻟﺖ ﻣﻜﺎﻧﻲ ﻭﺑﺎﻭﻋﺘﻠﻬﺔ ﻭﻫﻲ ﻣﺎﺗﺖ ﻣﻦ ﺍﻟﻐﻴﺮﺓ ﺍﻱ ﻋﻔﻴﺔ ﺍﺣﺘﺮﮔﻲ ﺍﻧﻲ ﺍﺭﻳﺪ ﺍﺷﻮﻓﭻ ﻫﻴﭻ
ﻗﺎﺳﻢ : ﻫﻬﻬﻬﻬﻪ
ﺑﺎﻭﻋﺘﻠﺔ ﺑﻀﻴﻖ ﻃﻠﻊ ﻣﺮﺍﻗﺒﻨﻲ ﺑﺎﻟﻤﺮﺍﻳﺔ : ﺣﻴﺎﺗﻲ ﻟﻴﺶ ﺗﻀﺤﻚ
ﻗﺎﺳﻢ : ﻫﻬﻬﻪ ﻫﻴﭻ ﻋﻴﻨﻲ ﻟﺘﻬﺘﻤﻴﻦ
_ ﺍﻣﻤﻢ ﺍﻭﻛﻲ
ﻭﺻﻠﻨﻪ ﻟﻠﻮﻻﻳﺔ ﻭﻗﺎﺳﻢ ﻭﮔﻔﻬﺔ ﺑﺎﻟﺴﺎﺣﺔ ﻭﺍﺣﻨﻪ ﺗﻤﺸﻴﻨﻪ ﻭﺻﻠﻨﻪ ﻟﻼﻣﺎﻡ ﻭﺩﺧﻠﻨﻪ ﺑﺪﻭﻥ ﺗﻔﺘﻴﺶ ﻻﻥ ﻫﻮ ﻋﻨﺪﺓ ﺑﺎﺝ ﻣﺎﻝ ﺍﻟﺪﺧﻮﻝ ﺍﺗﻔﻘﻨﻪ ﺳﺎﻋﺔ ﺑﺎﻟﺴﺘﻪ ﻭﻧﺺ ﻧﻮﮔﻒ ﺑﺒﺎﺏ ﺍﻟﻘﺒﻠﺔ ﺭﺕ ﻭﺟﻬﻲ ﻋﻨﻬﻢ ﻭﻗﺎﺳﻢ ﻳﺤﭽﻲ ﻭﻳﺎﻧﻪ ﺍﻧﺘﺒﻬﺖ ﻋﻠﻰ ﻭﺣﺪﺓ ﺍﻋﺮﻓﻬﺔ ﻣﻦ ﻗﺒﻞ
ﻋﺰﺯﺯﺯﺯﺍﺍﺍﺍ ﻫﺎﻱ ﺍﻟﻤﺪﻳﺮﺓ ﻣﺎﻝ ﻣﺪﺭﺳﺘﻲ ﺍﻻﻋﺪﺍﺩﻳﺔ ﺣﻴﻴﻴﻴﻞ ﻛﺒﺮﺍﻧﻪ ﻭﻣﻌﺠﺰﺓ ﻭﺍﻧﻲ ﻋﺒﺎﻟﻲ ﻣﺎﺗﺖ ﻳﺒﻮﻭﻭ ﻳﻨﻲ ﺳﺖ ﺭﻋﺐ ﺑﺪﺓ ﺍﻱ ﻋﺪﻭﺗﻲ ﻣﻦ ﺍﻳﺎﻡ ﺍﻻﻋﺪﺍﺩﻳﺔ ﺣﺎﻃﺔ ﺭﻭﺣﻬﺔ ﺑﻜﻞ ﺷﻲ ﺩﺭﺕ ﻭﺟﻬﻲ ﻋﻨﻬﺔ ﺑﻀﻮﺟﺔ ﻋﺎﺩ ﺷﻔﺖ ﺍﻟﻜﻞ ﺗﻔﺮﻕ ﻳﻌﻨﻲ ﺧﻠﺼﺖ ﺍﻻﺗﻔﺎﻗﻴﺔ ﺍﻧﻲ ﺭﺣﺖ ﺍﺯﻭﺭ ﻭﻛﻤﻠﺖ ﻭﺻﻠﻴﺖ ﺻﻼﺓ ﺟﻤﺎﻋﺔ ﻭﺍﻧﻲ ﻟﺴﺔ ﻣﺎﺷﻔﺖ ﻭﻻ ﻭﺣﺪﺓ ﺑﻴﻬﻦ
_ ﻳﺎ ﺫﻧﻲ ﻭﻳﻦ ﺭﺍﺣﻦ ﻳﺎﻟﻠﻪ ﺍﻇﺎﻫﺮ ﻣﺘﺠﻤﻌﺎﺕ ﺑﺎﻟﺒﺎﺏ ﺯﻳﻦ ﻫﺴﺔ ﺍﻧﻲ ﺷﻠﻮﻥ ﺍﻃﻠﻊ ﻭﺍﺯﺩﺣﺎﻡ ﻳﺮﺑﻲ
ﻭﺍﮔﻔﺔ ﻭﺣﺎﻳﺮﺓ ﻻﻥ ﺍﺯﺩﺣﺎﻡ ﺣﻴﻞ ﭼﺎﻥ ﺿﻠﻴﺖ ﺍﻧﺘﻈﺮ ﺍﻟﻨﺴﻮﺍﻥ ﻳﻄﻠﻌﻦ ﻓﺎﻧﻲ ﻃﻠﻌﺖ ﺑﺎﻟﮕﻮﺓ ﺭﺣﺖ ﺷﺮﺑﺖ ﻣﻲ ﻣﺘﺖ ﻋﻄﺶ ﺷﻔﺖ ﺍﻟﺴﺎﻋﺔ ﺑﺎﻟﺴﺒﻌﺔ ﺍﻟﻰ ﺭﺑﻊ ﻋﺰﺯﺯﺍ ﺗﺄﺧﺮﺕ ﺣﻴﻞ
ﺑﺎﻭﻋﺖ ﻟﻠﺒﺎﺏ ﺍﻻﻧﻲ ﻭﺍﮔﻔﺔ ﺑﻴﻬﺔ ﻭﻃﻠﻌﺖ ﺍﻧﻲ ﺑﺎﻟﺠﻬﺔ ﺍﻟﺜﺎﻧﻴﺔ ﻣﻦ ﺍﻟﺼﺤﻦ ﺧﺮﺏ ﺣﻈﻲ ﻻﺯﻡ ﺍﻓﺘﺮ ﻭﺷﻠﻮﻥ ﺍﻓﺘﺮ ﻭ ﺍﻧﻲ ﺑﻬﺎﻻﺯﺩﺣﺎﻣﺎﺕ
ﻗﺎﺳﻢ • ﺍﺗﻔﻘﺖ ﻭﻳﺎﻫﻦ ﻧﻮﮔﻒ ﺑﺒﺎﺏ ﺍﻟﻘﺒﻠﺔ ﻭﻳﺼﻠﻦ ﺍﻧﻔﺮﺍﺩﻱ ﻣﻮ ﺟﻤﺎﻋﺔ ﺣﺘﺔ ﻧﻠﺤﮓ ﻧﺰﻭﺭ ﺍﻟﻌﺒﺎﺱ ﺭﺣﺖ ﺯﺭﺕ ﺍﻧﻲ ﻭﻛﻤﻠﺖ ﻭﺭﺣﺖ ﻟﻠﻤﻜﺎﻥ ﺍﻟﻤﺘﻔﻘﻴﻦ ﺑﻲ ﻭﺿﻠﻴﺖ ﺍﻧﺘﻈﺮﻫﻦ ﺑﺎﻟﺴﺘﻪ ﻭﺭﺑﻊ ﺻﺎﺭﺕ ﻭﮔﺎﻣﻦ ﻳﺠﻦ
ﺑﺮﺍﺀ : ﻫﺎ ﻋﻤﻮ ﺑﺲ ﺍﺣﻨﻪ ﺍﺟﻴﻨﻪ ﻟﺴﺔ
_ ﺍﻱ ﺑﺲ ﺍﻧﺘﻦ
ﻧﻬﺎﺩ : ﻫﺴﺔ ﺷﻴﻄﻠﻊ ﺳﻤﻴﺮﺓ ﻣﻦ ﺍﻟﺤﻈﺮﺓ ﺍﺳﺘﻐﻔﺮﺍﻟﻠﻪ
ﺻﺎﺭﺕ ﺑﺎﻟﺴﺘﺔ ﻭﺛﻠﺚ ﻭﺍﺟﺖ ﺑﻴﺪﺍﺀ ﻭﻋﻤﺘﻲ ﺭﺟﺎﺀ ﺑﻘﺖ ﺑﺲ ﺳﻤﻴﺮﺓ ﻭﺑﺤﺎﺭ ﻭﻏﺪﻳﺮ
ﺭﺟﺎﺀ : ﻫﺎ ﻭﻳﻨﻬﻦ ﺫﻧﻲ ﺍﻟﺒﺎﻗﻴﺎﺕ
ﻧﻬﺎﺩ : ﻫﺎﻱ ﺳﻤﻴﺮﺓ ﻭﻏﺪﻳﺮ ﻭﺑﺤﺎﺭ ﺑﻌﺪﻫﻦ ﺍﻟﻠﻪ ﺍﻟﻴﺴﺘﺮ ﺷﮕﺪ ﻳﻄﻮﻟﻦ
ﺍﻧﻲ ﻛﻞ ﻇﻨﻲ ﺑﺤﺎﺭ ﻭﻳﺔ ﺳﻤﻴﺮﺓ ﻭﻏﺪﻳﺮ ﺻﺎﺭﺕ ﺑﺎﻟﺴﺘﻪ ﻭﻧﺺ ﻭﺍﺟﺖ ﺳﻤﻴﺮﺓ ﻭﻏﺪﻳﺮ
_ ﻫﺎ ﺷﻮ ﺑﺤﺎﺭ ﻣﺎﻫﻲ
ﺳﻤﻴﺮﺓ ﺑﺎﺳﺘﻐﺮﺍﺏ : ﻟﻴﺶ ﻣﻮ ﻭﻳﺎﻛﻢ
ﻧﻬﺎﺩ : ﻻ ﻫﻲ ﺭﺍﺣﺖ ﺯﺍﺭﺕ ﺍﺣﻨﻪ ﺍﻭﻝ ﺷﻲ ﺻﻠﻴﻨﻪ ﺍﻟﺰﻳﺎﺭﺓ ﺑﻌﺪﻳﻦ ﻳﺎﻟﻠﻪ ﺩﺧﻠﻨﻪ ﻟﻠﺤﻈﺮﺓ
ﺑﺎﻭﻋﺘﻠﻬﻦ ﺑﺼﺪﻣﺔ ﻭﺍﻧﻲ ﻋﺒﺎﻟﻲ ﻭﻳﺎﻫﻦ ﻃﻠﻌﺖ ﺭﺍﻳﺤﺔ ﻭﺣﺪﻫﺔ ﺿﻠﻴﺖ ﺣﺎﻳﺮ ﻫﺎﻱ ﻭﻳﻦ ﺻﺎﺭﺕ ﻃﺒﻴﻌﺘﻬﺔ ﻣﺘﺤﺐ ﺗﺒﻘﺔ ﻫﻮﺍﻱ ﺑﺎﻟﺤﻈﺮﺓ ﻣﺎﻛﻮ ﻧﺺ ﺳﺎﻋﺔ ﻭﺗﺠﻴﻨﻲ ﺣﺴﺐ ﻣﺎ ﺷﻔﺘﻬﺔ ﺑﺎﻣﺎﻡ ﺍﻟﺮﺿﺎ ﻭﺳﻴﺪﺓ ﻣﻌﺼﻮﻣﺔ ﺣﺘﻪ ﻫﻨﺎ ﻣﻦ ﺍﺟﻴﺖ ﻭﻳﺎﻫﺔ ﻣﺮﺓ ﻧﺺ ﺳﺎﻋﺔ ﻭﺍﺟﺘﻲ ﺷﻮ ﻫﺎﻟﻤﺮﺓ ﻃﻮﻟﺖ
ﺳﻤﻴﺮﺓ : ﻫﺴﺔ ﺗﺠﻲ ﻭﻳﻦ ﺗﺮﻭﺡ ﻗﺎﺑﻞ
ﺻﺎﺭﺕ ﺑﺎﻟﺴﺘﻪ ﻭﺍﺭﺑﻌﻴﻦ ﺩﻗﻴﻘﺔ ﻭﻫﻲ ﻣﺎﻛﻮ ﺍﻋﺼﺎﺑﻲ ﺗﻠﻔﺖ ﻭﺍﻧﻲ ﺍﻧﺘﻈﺮﻫﺔ ﺑﺲ ﻻ ﺿﺎﻳﻌﺔ ﻭﻣﺘﻨﺪﻝ ﻭﻫﺎﻱ ﻓﻮﮔﺎﻫﺔ ﻓﺎﻫﻴﺔ ﺷﻠﻮﻥ ﺑﺎﻟﻠﻪ
ﺑﻴﺪﺍﺀ : ﺷﺒﻴﻚ ﻗﺎﺳﻢ
_ ﻣﺎﺑﻴﺔ
ﺭﺟﺎﺀ : ﻟﺘﺨﺎﻑ ﻋﻤﺘﻲ ﺍﻧﺸﺎﻟﻠﻪ ﺗﺠﻲ ﻣﺎﻣﻌﻘﻮﻟﺔ ﺗﻀﻴﻊ ﻫﻲ ﭼﺒﻴﺮﺓ ﻭﺗﻌﺮﻑ ﺗﺘﺼﺮﻑ
_ ﺍﻧﺸﺎﻟﻠﻪ
ﺿﻠﻴﺖ ﺍﺗﻤﺸﻰ ﻭﺍﺑﺎﻭﻉ ﺑﺎﻟﻮﺟﻮﻩ ﻭﻳﻦ ﺻﺎﺭﺕ ﻃﻮﻟﺖ ﻫﻮﺍﻱ ﺭﺑﻊ ﺳﺎﻋﺔ ﻣﺸﺔ ﻋﻦ ﺍﻟﻤﻮﻋﺪ ﺍﻧﻮﺏ ﺻﺎﺭﺕ ﺑﺎﻟﺴﺒﻌﺔ ﺍﻟﻰ ﻋﺸﺮﺓ ﻭﺍﻧﻲ ﻋﻘﻞ ﻣﻀﻞ ﺑﺮﺍﺳﻲ
_ ﺍﻣﺸﻦ ﺩﻭﺭﻥ ﻋﻠﻴﻬﺔ ﺻﺎﺭﻟﻬﺔ ﻋﺸﺮﻳﻦ ﺩﻗﻴﻘﺔ ﻣﺎ ﺍﺟﺘﻲ
ﺭﺟﺎﺀ : ﺍﻫﺪﺓ ﻋﻤﺔ ﺍﻧﺸﺎﻟﻠﻪ ﺗﺠﻲ
ﺑﺮﺍﺀ ﺑﻘﻠﻖ : ﺑﺲ ﻋﻤﺔ ﻫﻲ ﻫﻮﺍﻱ ﻃﻮﻟﺖ ﻣﺎﻣﻌﻘﻮﻟﺔ ﺑﻌﺪﻫﺔ ﺗﺰﻭﺭ
ﺳﻤﻴﺮﺓ ﺑﻘﻠﻖ : ﺍﻱ ﻭﺍﻟﻠﻪ ﺷﻮ ﺗﺎﺧﺮﺕ ﻫﻮﺍﻱ ﺍﻧﻲ ﺣﺮﻭﺡ ﺍﺩﻭﺭﻫﺔ ﻭﺍﺟﻲ
_ ﻣﺎﺷﻲ ﺷﻮﻓﻴﻬﺔ ﻣﻦ ﻫﺎﻱ ﺍﻟﺠﻬﺔ ﺑﺲ ﻟﺘﺘﻌﻤﻘﻴﻦ ﻣﺎﻟﻨﻪ ﺧﻠﮓ ﻭﺣﺪﺓ ﺗﻀﻴﻊ ﻣﻨﭽﻦ
ﺭﺍﺣﺖ ﺍﺧﺘﻲ ﺳﻤﻴﺮﺓ ﺗﺪﻭﺭﻫﺔ ﻭﺭﺟﻌﺘﻠﻲ
_ ﻫﺎ
ﺳﻤﻴﺮﺓ : ﻣﺎﻛﻮ ﺍﺻﻼ ﻣﺎﺷﻔﺘﻬﺔ
يتبع
علقن ولجن نزلت بارتين تره
😂😍✨
جانت معاجن ام عبيس