غرغت في زراقة عينيكِ

بارت سادس وأربعين

الكاتبه ام عبيس السحاره

القصه للكاتبه ليال القمر

........

_ انيي!!!! امشي لك اخبل شبية اني ولك بغمزة وحدة البنات يرقمني امشي يلة

جبر: هففف كافي بس تكفخ بية شنو شصرت چيس مال ملاكمة

_ امشي على فراشك يلة

راح جبر ويدردم وية روحة

جبر •  هسة اني حظي المصخم ماخلوني الة وية سليم ابو ال**** وووييييع

شلت اللحاف واجتني ريحة تعمي خرررب لعبت روحي

تركته ورحت يم جمال: فدوة خليني انام بصفك والله لعبت نفسي

جمال بضوجة: امشي من وجهي

جبر: فدوة الك جمال حبيبي نسيبي انته.. اسوي اللي تريدة بس خل انام يمك اليوم

نفخ بضيق: امشي انطمر فضني بس والله اذا دفرتني اطيح حظك وربي

فرحت وبست راسة: اي ميخالف شكراً بعد چبدي والله

تغطيت ونمت بصفة ورحت بسابع نومة

_________________

بحار • صافنة على الطريق رايحسن لعمة قاسم اسمهة  سحر  بحيث استغربت هو منيلة عمة بس عندة وحدة اللي هي رجاء تالي طلع عندة عمة ثانية بس بالحلة

قاسم: ابو امير هنا بيتهة

وكنه گبال بيت چبير ليگول قصر ماشاءالله يخبل و وبنائة يجنن ضليت صافنه علي  ،، انفتحت الباب مال الباص وبدوا ينزلون
نزلت وجعفر دگ الباب وطلعلنه رجال ضليت فاكة حلگي

براء • فتح الباب ودخلنه هذا الرجال وهو يرحب بعمامي وبينه.. اباوع شوف البيت يخبل اي قصر و بي وحق الله ولا ادري عمة بابا هيچ غنية
طلعتلنه مرة چبيرة

سحر بابتسامه: هلو بيكم نورتونه

العلوية: منور بيج

عمة سحر استلمتنه مباوس للكل شفت وراهة اربع بنات كبار هم سلمن علينه

گعدونه بالاستقبال واستقبالهم شكبرهة وملكية
اجة هذا الرجال وابتسم لهديل بت عمي شالهة وباسهة
_ شسمهة الحلوة وبت منو بيكم

مرتضى:  هاي بتني واسمهة هديل

_ الله يحفظهة انشالله

رجعهة لباجي جنان وبدة يحجي

_ اي شلونكم شصاير مصاير

قاسم: ماكو والله بس اجينه نزور متنه ماطول على طريقنه هي

_ هلة بيكم مرحب بيكم تنورونه

قاسم: منور باهلة

حسيت باحد يدغني باوعت بجانبي ولگيتهة غدير فاكة حلگهة على الرجال