غرغت في زراقة عينيكِ

بارت الرابع والاربعين

الكاتبه ام عبيس

القصه للكاتبه ليال القمر
....

بنات الحكن اقرن من انزل البارت بسرعه لان من تخلص امسحها الكاتبه ماتقبل انزلها وتعا اقنعها اكملها وتعرفن نهايتها وامسح وكك.
.......

بارت44

بحر •  دموعي ينزل على خدودي وصافنه على خواتي اليبچن بس مو مثلي اني دمي محروگ عليهة مرت خالي اللي رضعتني من حليبهة وصرت بنتهة وحته هم من فطنت چانت تعاملني بحنية وحب دموعي ينزلن جمر مدا اگدر انسة صحيح اعرفهة من زمان بس ما انسه فضلهة حليبهة يسري بدمي بفضلهة اني عايشة هسة لو ماهية چان متت من الجوع

مسحت دموعي وگمت لغرفتي الفوگ سديت الباب علية وابچي بحرگة الله يعين خالو شلون حالهة هو واولادة

سمعت صوت تلفوني يدگ  شفته قاسم جاوبت بعبرة  _ الو
قاسم :  بحر بس لا بعدچ تبجين شبي صوتچ مخنوگ؟؟

شهگت ورجعت ابچي 

قاسم :  يابابا لتبچين موزين عليهة راحت لرحمة ربهة ادعيلهة بالرحمة

_ مو بيدي والله هي الرضعتني وخلتني اعيش
قاسم بحزن:  الله يرحمهة...  شگد راح تبقين ببيت اهلج

_ فد اسبوع او اكثر مادري

قاسم:  لا هواي شدعوة هالگد

"وتاللهِ أني قوية جدًا، قويةٌ للحد الذي لا يستطيع أحد هزيمتي ، لا أُخفي أن الهمّ قد أرهقني وأنّ الحزن قد قطّع فؤادي وأني قد كتمت وجعًا حتى أني قد اتخذت العُزلة ملجأً وسكنًا ، وقد أصابني الخوف واستُهلكت طاقتي .. لكني والله لم ولن أهزم .. وسأعود قوية كما كنت."
قاسم:  ماشي  ديري بالج على نفسچ واي شي تحتاجي بس اتصلي بية واني اجيبلچيا

_ اوكي مع السلامه

قاسم:  الله وياج

سديت الخط ورجعت ابچي رفعت راسي وفزيت بخوف من شفت شي ضبابي اسود  يربي شبية اني؟؟؟  ليش هيج اشوف اشياء خفت ورحت لاسو حچيتلهة

اسو:  ولچ خاف جن سمالله خلي اشوفلچ شيخ او رجل دين يشوف شنو البيچ

دعاء:  بحر متأكدة تشوفين لو تتخيلين

كمت ابجي:  مادري والله اني هم حايرة ماعرف والله صايرة اخاف من خيالي

مريم حظنتني واني ابچي بحظنهة...

قاسم • مقهور على بحر من افتهمت بمرت خالهة ميته مخابرتني اوديهة لاهلهة وديتهة وصارلهة اربعة ايام هناك ومن خابرتهة هم تريد تبقة..  بالبداية اعترضت لان مكانهة خالي واشتاقيت لحسهة بالغرفة وبالبيت تكون گدام عيني هسة ماكو..  بس هي بچت وانقهرت عليهة كلت خليهة...  ترتاح احسن يمكن تهدأ نفسيتهة وتصير احسن 

بيداء:  قاسم حبي تعال للشقة  جيبلي مسواگ خلص
_ جاي

رحت للسوگ اشتريت كولشي وخليتهن بالسيارة رحت للعمارة نزلت وشلتهن بيدي كلهن فد مرة  ركبت المصعد ودخلت للشقة خليت الغراض بالمطبخ