🖤351
.ملاك:عفاك عتقيني
حليمة:اويلي مالكي.
مﻻك:بﻻما نمشي للحمام عرفتي
على حالة فيها.
حليمة:ﻻش مالكي واش جاتك الدم.
مﻻك:ﻻ منمشيش للحمام.
حليمة:اويلي شكتقولي مجاتش
اصاحبتي يالله
مﻻك:ﻻ منقدرش شكون بعدا لي
غادي يمشي معايا.
حليمة:حنا وشي بنات خواﻻتك
وعمامك ﻻش.
مﻻك:ﻻ غي نتوما براكة ﻻش
كترت البشار.
حليمة:ومالكي معارفاهمش يمشيو
ياخدو لفال بحاﻻ معرت شنو.
مﻻك:صافي يالله نمشيو حنا نسبقوهم
وﻻ بﻻش غاع.
حليمة:ﻻ اتمشي بغيتي ميمشيو معانا
انمشيو حنا دابا وصافي خليهم يتحنسرو
هوما ههه تانا محامﻻهمش يمشيو يعينوك
لسي عهد
♧مﻻك كتعوج فمها وكتقلب عينيها:سميتو
عهد الديييين
.حليمة ميقات فيها:سيرير سيري شﻻ.
مﻻك:صافي متمشيش معانا شي وحدة
.حليمة:واخة يالله طلعي لبسي وجمعي
حويجاتك دابا لابغيتي ميمشيوش معاك
راه السطولة وحنا كلنا واجدين
♧مﻻك مشات كتزرب مباغاش تمشي
شي وحدة ايبقاو يسولو بزاف وعاد
ايقولو لحمها خايب وتاﻻماقالوهاش
وبغات تفقسهم تقوليهم هو لي دار فيها
هاد الحالة غيطلقو عليها لهضرة فالعائلة
لاهما غي عياﻻت خوتها بعدا مكيدخلوش
فيها كتقوليهم لكلمة صافي كيسكتو
ماكيبغيوش يحكرو عليها لبسات وجمعت
حوايجها دارت الجﻻبة ديال لبارح باش
تجي بيها هي وهبطات كتزرب لقاتهم
كيتسناوها والغالية واقفة عليهم وشافت
فيها
🖤352
.الغالية:ﻻش غادين دابا تسناو تايجيو
لبنات
.نقزات حليمة:تايجيو ويتبعونا
♧مﻻك شافت فيها شاداها لبكية باغة
تبكي وخرجو ومشات شدت حليمة
قارصاها:شنو درتي نتي خرجتي
عليا دابا غيشوفوني تفو حشومة عليك.
.حليمة:سيري تخراي باش عرفتيهم هوما
بعدا ايجيو للحمام لي انمشيو ليه راه إلى
قلت لخالتي انمشيو ليه ماشي نفسو
لي نمشيو ليه.
مﻻك:كيفاش.
حليمة:كيفاس كيمكناس وزيدي خلينا
نمشيو داغي
♧مﻻك تنهدات ومشاو وصلو وبداو كيصليو
على النبي باش يعرفوها عروسة ومﻻك
حشمانة فاش بدات تحيد حوايجها ولبنات
شدو على فمهم شادية شدتها الضحكة
.شادية:أويلي كﻻها
.هدى:اويلي تكرفص عليها
♤حليمة غا كترمش فيها كطلعها وتهبطها
جاب الله مشافوش ترمتها
غامغطية بالسليب باين غا شوية منها
متنابهوش ليه
.حليمة:اويلي امﻻك واش هادا عمرو
شاف لبنات
.مﻻك:عفاكم براكة غي الضران لي فيا
☆ميكو عليها وبداو العومان وكلشي
كيشوف فيها باينة للعما انها كانت
كتجاهد وهي غتموت بالحشمة وكدعي
فعهد فخاطرها اما لبنات لي كانو ناويين
يمشيو معاها تاقالت ليهم الغالية سبقاتهم
ومشاو كيزربو يلحقو عليها يبرغغو مشاو
لداك الحمام تاخلصو وتعراو ودخلو عياو
يقلبو بعينيهم والو ملقاوهمش وجلسو
تيعومو تاهوما
¤مﻻك كملو ليها وكيحكو ليها بشوية باش
متعغرش فركوها مزيان عاد خرجوها
بالزغاريت تاني لبسو ورجعو لدار والغالية
بدات كتشوف معاهم:فيناهوما لبنات لوخرين.
حليمة:اشمن بنات.
الغالية:لي كانو ايمشيو معاكم وسبقتوهم.
حليمة:ااه ياخالتي نسيت مقلت ليك
راه حنا مشينا للحمام ﻻخر لي فالضورة
ماشي لي قلت ليك.
الغالية:دخلو دخلو وبصحتكم فركتوها ياك.
حليمة:اييه ياخالتي هانتي شوفي
🖤353
■شافت فيها وتبسمت ابتسامة خفيفة
دغيا جمعتها
.الغالية :بصحتك دخلي تكاي شوية
تايوصل الوقت باش تنقشي
●قالت ليها واخة ومشات اما السي
عهد فاق على خاطرو هز التيلي وصونا
على الرقم لي كان ايدوزو لبارح
تسمع صوتها:الو وي.
عهد:دكتورة قيصي.
الدكتورة:وي شكون.
عهد:بغيت ناخد غونديفو ليوم.
الدكتورة:اوك عطيني الاسم كامل سيلتوبلي
.عطاها اسمو ونطقات:فايت ليك جيتي
عندي يمكن نتا لي سيفطاتك الطبيبة
عيشة على ود مرتك.
عهد:اه هو انا.
الدكتورة:واش على داك الموشكيل نتمنى
تجيبها معاك.
عهد:ﻻ ماشي هي انا لي بغيت نهضر معاك.
الدكتورة:اوك اولدي العشية دوز.
عهد:واخة داكوغ
◇قطع معاها وبقا كيفكر واش هادشي
لي كيدير صحيح تفكر حالتها وقال
هو انسب حل ,ناض لدوش دوش بالخف
وبدل وشد التيلي كيصوني ليها والو
مكتجاوبوش وﻻح داك التيلي وعاود
هزو ومشا خرج,تعاشات لعشية
ودار مﻻك عمرات بالعياﻻت ولبنات
تاطارق وصفاء جاو من السفر هبطات
مﻻك ﻻبسة قفيطين جوهرة فالخضيضر
داخل معاه الدهبي وكانو صايبو ليها
شعرها خﻻوه ليها مطلوق باش يضرق
ليها العضات شوية ومدارتش المكياج
اصﻻ طاح عليها السر جات غزالة وصﻻت
النقاشة وبدات ليها وصفاء كتصور وتسيفط
لعهد لي كان فهاد الاثناء شاد الطريق غيمشي
للطبيبة حتا وصلوه دوك التصاور وقف لوطو
جنب وحلهم وتبسم وكتب ليها
💬واش منقدش نجي.
صفاء كتبت ليه
💬والله منعرف حيت كاينين غي العياﻻت
ولبنات هانتا هاني نقول لخالتي واش يقد يجي.
💬عهد:قولي ليها بغا يتصور معاها وصافي.
💬صفاء:واخا.
¤قطعت معاه ومشات لعند الغالية
سوﻻتها واخة مبغاتوش يشوف مﻻك تتقول
باش تجيه مغايرة نهار العرس لكن شافتها
مدايرة ﻻمكياج ﻻوالو وصفاء بقات ﻻسقاها
وقالت ليها قوليه يجي وخرجت سيفطات ليه
مساج ومشات كتنشط اما عهد وصلو المساج
وتبسم شاف قدامو وتنهد كانت خاصاه غالسبة
باش ميمشيش لطبيبة قلب الضورة وشد
الطريق للدار يبدل يلبس شي حاجة كﻻس
يفقص ليها لعديان
🖤354
.مشا لحوايجو وتلف معرف ميلبس
وجبد تيليفونو سيفط مساج وجلس
كيتسنا غي شي ربع ساعة حتا سمع
الدقان حل لقاه باه هاز عﻻقة بميكة
مغطية داكشي لي لداخل وبوكي
دلورد كبير متقل شدهم منو
.محمد:شنو هادشي اولدي
.عهد كيحل لميكة وتبسم:انمشي عند
حبيبتي.
محمد:ههه مبقيتيش تحشم.
عهد:فاش تحشم نتا عاد اجي قولي
انا نحشم.
محمد:ايوة الله يمسخك ديني معاك
راتامك خﻻتني بحدي.
عهد بدا كيحيد حوايجو:راتانا غادي
غاملسق ونديك معايا دختي.
○معرف صباط 👞منين جاه للضهر
تسمعت بحال الطرشة وشد فضهرو
.عهد:ناري لواليدة عاداتك.
محمد:تفو على جنس كيداير
■ومشا بحالو خﻻه كيضحك جبد
داكشي لبسو وشاف فالمراية جاه
ﻻسق وخرج غادي ويتقاد جاتو
فشكل اول مرة يلبس هاد اللبس
محمد شافو غادي وبسق ديك
القهوة وعهد قلب عينيه تاني
غيشد فيه وسمعو كيضحك
.محمد:هههخخخ حياني الله
تاشفتك سي عهد بالبلدي
.عهد:الواليد غنخسر معاك
بعد مني
.محمد:قو**د الحمار تقادو
لكتاف تاتخسر معايا
.عهد:ساليتي ممكن نمشي
.محمد ناض كيضور عليه:اهايهاي
تاراني والد الزين جا معاك الخضر
.عهد شد راسو:واخا نمشي رانتعطل
.محمد:وقلب سروالك بعدا
رامكيتلبسش هاكا راك قالبو
🖤355
¤عهد شاف للسروال عليها
ممرتاحش فيه حيدو قلبو
.عهد:احح الله كان مزير ليا على
السلطان
.محمد ميق فيه:سلطان نقلبو نلقاه
غاببوشة مﻻك اتبقا تجبدو بفيليل
■عهد عوج فيه فمو وبدا كيهبط
السروال زعما
نوريك وﻻ بﻻش
.محمد هز يدو غادي هارب:سير سير
راتلقاهم ساﻻو وتبقا تبان كيشي مسطي
غادي ليهم بداك لكندورة زعما التناسق
مع لعروسة
.عهد غادي وكيغوت:سميتو جبادور.
محمد:اتاسير
☆عهد مشا ركب شاف فالمراية لي
فلوطو وقاد شعرو بيدو وديمارا غادي
مكسيري وصل وهبط كيسمع الحيحة
لداخل تقدم سلم على خوتها وباها
وشي دراري كانو تما واقفين معاهم
ودخلو معاه لصالون وكلشي جلس
مصدومين فيه ريوغهم سايلة حط
لبوكي تاهو مبسم كيشوفيها هي
شافت كلشي تبث عاد هزت راسها
فيه مصدومة تاهي داك الجبادور جا
معاه ﻻسق بقات غي حالة فمها تقدم
باس جبينها والنقاشة ناضت عرفاتو
باغي يتصور معاها مﻻك كحازت شوية
وجلس مﻻسق معاها ساهي فيها
.عهد:جيتي زوينة بزاف.
.مﻻك بضحيكة وﻻت حمرا:هه تانتا جا
معاك البلدي
.عهد قادو هاز زنافرو للسما:بصح لبستو
على ودك
●مﻻك ضورات عينيها وبانو ليها لبنات
مخرجين عينيهم فيه حست بقلبها قفز
وبدا كيضرها مبغاتهمش يشوفو فيه
هزت يديها بتردد حطاتها فوق فخضو
مع قالت للنقاشة تنقش ليها غي ضهر
يديها مكتبغيش تكثر لحنة دارت ليها
نقيشة خفيفة وفنفس لوقت راقية ديال
لعريسات