ماهر:اييلين ديزولي تعيشي استناي نحتاجك
ايلين والو غير تمشي ومخليتو وراها خارجة من الشركة بيسك تخقنت من وجودو معاها ومفطنت غير وهو يجر فيها وراه للوطو تاعو ركبها من قدام وغلق عليها الباب وراح لجيهتو ركب وديمارا مخلي الغبار وراه مش لاتي لشوفاتها اللي حرقتو وعياطها اللي قريب يطرشو ويوخذو فحاسة السمع
كل همو يسمعها كلماتو ومتوحش ريحتها وقربو منها .
شافتو معند تلاحت للفولون تحب تفكو يدو عليها باه يحبس
اما هو مدراش راسو باه تبلا بقا بين يبقا يسوق وميخليهمش يديرو اكسيدون ولا يلهى معاها يركحها جهلتو كي زادت فقوة هبالها حتى لقا روحو يعيط بأقوى معندو
ماهر:ايييييييييييييييييييللللييييييين ...اركحيييييييي لا نرمي سماااك هنا للكلااااااااااااب
ايلين شافت الحالة هوما وين كانو قراب مع طريق غابة وزادت شافت فوجهو نظرتو اللي تعرفها وقت يتغشش ميجيبش خبر لوش يدير وكيما دارها مع بنتها يديرها معاها تركشت مبعدة عليه لاصقة فالباب
ماهر شاف خوفها منو وقرا أفكارها حكى بهدوء عكس العاصفة اللي كان عليها:راكي مصدقة أني نقدر نرميك هنا؟؟
ايلين رمشت بعينيها ايه ودمعتها على الشافر
ماهر صعرتو بجوابها كيفاه هو مشوي عليها وحالتو حالة يخمم غير فأمانها وتجي هي تقولو باللي متوثقش فيه..ايه هادي قلة ثقة أنها معاه وخايفة على روحها بقا غير يخبط فالفولون بيديه ويعيط
ماهر:كملللتتتتت ..براااافو على زهري الكللبببب براااااافو ..اتشوااا وأتحرق اماهر وهي @@@@مأمنة أنك تقدر تقتلها ملييييييييييييح ....براااافو اماهر صفق لزهرك... صفففففق
ايلين:وشبييييييييييييه ديينك علاه تعيط..اونبليس هيه نخااف علاه نتا عبد؟؟ااا؟؟قتااااال..تفهم وش معنى قتااال..نتا قتلت بنتي علاه منخافش منك تقتلني؟؟اااممم تقدر تعطيني سبة؟؟
ماهر شاف فيها بشوفة فاارغة:اسكتيييي ..اسكتيييي (نزل من لوطو وخلاها تكى على الواجهة الامامية لطوموبيلو وبقى يشوف فالطريق فارغة )
اما هي بكاات بكاات فاللوطو متفكرة حالتو هدا حبيبها صعيبة عليها شوفتو هكا مي هو اللي بدا والبادي أظلم هكدا كان تخمامها
راكشة فبيروها يدها على شواربها تخمم
سيليا:آآاه علاه هكا؟علاه زهري ديما هك؟علاه كل منقول تهنيت تجي حكاية تغرقني كثر وكثر مكفانيش الخرا تاع مارك يزيد مازن ...اصلا علاه يبوسني وانا البغلة بقيت ساكتتلو وقاعدة نتفرج فيه اووف هكا انا طول نديرها قد راسي ومبعد نبقى فاللوم اللي مامنو فايدة لازم منا وجاي نحط حدود بيناتنا انا وهو لااازم نبقاو بعاد على بعضنا هزت تلفونها تعاود تدقق فالميساج
سيليا:بش نعرفك بوحدي سي شباب مكش عارف معامن تلعب
جان:سيليا
هزت راسها فيه لقاتو واقف فالباب
سيليا:جان؟
جان دخل قعد مقابلها مضيق عينيه فيها:وشبيهم شواربك منفوخين وحالتهم حالة؟؟
سيليا وجهها راح الوان وجاو ألوان شي من وقاحتو الزايدة وشي من كيفاه تقنعو بلي مكاين والو:ااا..اييه ..ايه شواربي..والو غير درت غوج آلاف موالمنيش دارلي حساسية برك
جان:أصلا علاه تديري الخرا تاع هدا غوجاغيج ولا معرف واش مكلاه تزيدي تحطي الزمر
سيليا:هههه غوج آلااف مش غوجاغيج هههههه
جان:ميهمنيش المهم ميزيدش يتحط عليك فااهمة؟
سيليا:اوك اوك كالم توا
جان:ايه وينهي ايلين فت لبيروها مكانش ومام ماهر مكانش منيش مطمن
سيليا:قول والله..او وين مشات استنا نعيطلها (هزت تلفونها يصوني مي متردش)
سيليا:جاان متردش
جان وقف حاط يديه على وسطو:كيفاه هادي تاني متردش؟؟هز تلفونو بعث ميساج "هدا نومرو نحبك تتعقبو وينو ضك بعد"
سيليا وقفت:لازم نلقاوها هيا نخرجو نحوسو عليها
جان:صاي ضك نفريها اقعدي هنا متخليهمش يتوسوسو مام مازن مش باين بديت نخاف عليها
سيليا:مام انا مش من طبيعتها
قاعدة فاللوطو تبكي بالشهقة غايضتها روحها من الشي اللي راه يصير حتى صونا تلفونها في يدها فاقت هي وين حطتو سيلونس رماتو فاللوطو وخرج لعندو
واقف ضام يديه لصدرو دمعتو على شافرو وقت الراجل يتقااس ويتعمر بلان برك وقتها دموعو يطيحو حتى لقاها وقفت قدامو
ايلين:ماهر نحب نروح روحنييي
ماهر:منيش رايح انا باقي هنا
ايلين :ماهر بلييز اديني
ماهر شاف فيها عينيها حومر من البكا:بكيتي هكا وقت خسرتيها؟
ايلين:وأكثررر..متتخيلش شحااال..بكيت كل يوم وكل ليلة وكل دقيقة نبقا فيها وحدي ..بكيت على روحي اللي عشقتك وتدمرت..بكيت على بنتي اللي راحت ودات قلبي وروحي معاها (قواو شهقاتها مقدرتش تزيد)ماهر دمعتو طاحت خلاص مهوش حامل يوجعها كثر جبدها حضنها وهي ديراكت ركشت عندو تلووم
ايلين:نتا السبة.نتااا..علاه وعدت وموفيتش؟علاه قتلي نخليك أميرتي وحبي ونسمة الريح متقيسكش؟ومبعد واحد مقاسني من غيرك..نتا الوحيد اللي بكيتني وحطمتني ودمرتني..نتا سباب عذابي ..نتا لا غيرك
ماهر مزيرها عندو ويشم فريحتها:اسمحيلي اسمحيلي مش بيدي...مش بيدي
ايلين بدات تخبط فيه لصدرو:كذاااااااااب كذاااب بيدك نتا ما بيد غيرك درت هاد الشي لينا حنا الزوج ..نتا الوحيد الغالط ...قتلتلي بنتي وخليتني وحيدة بلا بيها قتلتهااا..قتلتها وقتلت قلبي ودمرت روحي وشليت عقلي ...بمعنى أدق حطمنتي وخليتني غبارة اي نسمة تجيها تهزها ..(نقصت فنبرة صوتها بعدما كانت تعيط):كلمة وحدة نقولهالك نتاااا...قتااااال برك.
ماهر جبد عليها شادها من كتافها ويخض:منييييش قتااال فاااهمة منييييييش القتال هو....
سكت وقت شاف ضو أحمر مسلط جيهة قلبها ضو تاع السلاح يوجد فهدفو يعني رايحة تتقاس برصاصة عينيه توسعو على طولهم ديراكت جبدها ليه مخبيها عندو وقرب ركبها فلوطو عينيه تلعب لى البلاصة اللي راهم فيها جرا لجيهتو ركب وديمارا بماكس فيتاس عندو
ايلين:مااهر نتا بلاك هبلت ياك وقت ما تحب تخرجني وقت ما تحب تهبطني وقت تحب تلومني ووقت متحب تحن عليا فهم روحك وفهمني بيسك راني رايحة نهبل
ماهر والو مطفيها عين على الطريق وعين على المراية يشوف اذا لاحقهم حد
ايلين:نهدر معاااك جااوب
ماهر:خلااص ارب خلااص اسكتي انا فاه ونتي فاااه راني نخمم فيك وعليييك فااهمة خلااص سكتينا وقت نوصلو للشركة وكولي بعضاااك
ايلين:مبيااش شوي ناكلك هنا خرااا
ماهر دار ليها وغمزها:تعملي مزيا حبي ناكلك وكوليني ولامن درا وفاق
ايلين خبطتو لكتفو:أععع خااامج ..كلبب تحلم تقيسني
ماهر:أستغفر الله وش دانا نقيسو خلااص هههههه ايا احكمي فمك اللي ديما ياكلك ليك سينو ضك نبداو البراتيك
ايلين تشوف فيه بعيون فارغة ومكسورة ومشوشة:علاه ديما متقلب وكل ما نقول فهمتك تخرجلي بعقلية وحاجة جديدة؟
ماهر دار شاف فعينيها وتبسم تبسيمة باردة:لأنور وباختصار حبك هبلني ..برك ازين
ايلين دورت وجهها تشوف مع الطريق كلماتها هربو واحساسها حار
اما هو دار يشوف مع الطريق وزير على الفولون يحكي فقلبو:اللعب بدا يخشان..لوكان قاسها كنت مستحيل نسامح روحي ..السبة فبعدنا هو..هو اللي خمس سنين كابوس حياتي ومبعدني عليها (دار شاف فيها)لو خسرتك مكنتش رايح نسامح روحي,روحي متعلقة بيك,وقلبي مبني عليك وعلى حبك
شوي وقت ونزلو فالكاراج تاع الشركة نزلت بزربة أول ما لحقو عدلت روحها ومسحت دموعها وراحت تجري
اما هو رما راسو على الفولون:يا ربي قدرني نفوت هاد الشي ياااربي
وصل للمركز بعدما حرق طريقو بالفيتاس اللي كان يسوق بيه شوي ودخل فكاميون مي مهمو والو برك كانت نارو حارقة قلبو على غلطتو مع حبيبتو لبس لاتوني ومشا لصالة التدريب
جرا وسخن وهز الأثقال مي والو مبردش قلبو جهد روحو فوق قيسها حاب يتعبها كيما تعبت حبيبتو مي نن محسش بالراحة دور شوي كيس الملاكمة تلاح ضرب ضرب ويقول مضربت ومابردت ناري هو هكاك داخل فكيس الملاكمة ويقابلو سوط اللي يعذبو بيه المتهمين باه يهدرو ويعترفو بأخطائهم رما تريكوه بعيد عليه وبقا غير بسروال لا توني تاع الخدمة حكم السوط وبدا يضرب في روحو
مازن:نتا غلطتتت...غلطتتت..ولازم تخلص..تستاااهل نتا خسرتها قبل ما تكسبها خسرتها وموحال تزيد تآمن فيك
دخل يشوف فكامل اللي كانو يتدربو برا واقفين ويوشفو مصدومين قرب لجماعة بزرية
جانير:وش كاين هنا؟؟؟
.....:جانير شوف الشاف تاعك وش راه يدير فروحو
جانير فات ديراكت لداخل لقاه حاط في روحو بالضرب لحمو خطوط خطوط حومر من الضرب تشوكا جامي شافو مازن هكا ديما يضحك ويتبهلل وسيريو فوقت الخدمة أما منهاار هكا نن جاامي شافو قرب ليه خطف السوط من يدو
جانير:ماازن هبلللت؟؟وش قاعد تديييير؟؟؟
مازن:جانير هات السوط هنا واخرج
رماه بعيد:تحلم لا تديه امشي قدامي (تلاح يحكمو من يدو عيط فرد عيطة)
مازن:اايي
جانير:شفت وش درت في روحك امشي قدامي
هز تريكوه من اللرض ومشا معاه طلعو لبيروه
قاعدين فالصالون مجمعين سليمة تسبح وتدعي كي العادة لينار مكسلة على فوتاي وتقرا فقصة على الآيباد تاعها ونسيمة مقابلتها كانت تتفرج فتليفونها حتى دخلت عليهم
ميرال:السلام علييييكم
نسيمة شافتها وقفت:أهلا بيك
سليمة:يا وعليكم السلام
لينار تقعدت:ياا ميرال سبحان الله بلارج بوقمقوم غاب لبارح جا ليوم (بلارج هو نوع من الطيور اللي يفوت ويحكم بلاصة يردها دارو ويظل فيها)أهلا بيك
سليمة حكمت ضحكتها بسيف هي ونسيمة وميرال وجهها زراق حكات فقلبها :ديتي هادي الضربة كامل ومزلتي برك ..معليش مزال
وليام
ميرال:هههه علاه معجبتكش جيتي؟
لينار بصوت واطي شوي:بياانسير (هزت راسها فيها):نن....يا مرحبا بيك
ميرال تبسمتلها تبسيمة بالبارد :وينو ماهر؟
نسيمة:فالخدمة وين رايح يروح
ميرال:اممم اوك نروح لبيتي نوجد أوموري ونلحقو نعاونو
لينار:والله صح؟؟..بلاك ديتيها في روحك نتي زيادة ولا؟.
ميرال:خاااالتو شوفي وش راهي تقول الطفلة هادي مكسرة وخالية عليها وتزيد تشرك فمها
سليمة:يكسر ربي راسك..راكي تستشفاي فبنتي يا لالة؟؟
ميرال بلعت ريقها هي من بكري تخاف من سليمة:اا..لا حاشاا..احم اسمحولي نروح
نسيمة:امشي لبيتك ازربي راني لاحقتك
قربت للينار ...نسيمة:بنتي متديريش عليها ياك؟هي بنت ختي ونتي حفيدتي .نحكبم تكونو متفهامين اوك؟
لينار:نشالله مي منضمنش نحكم لساني تعرفيه متبري
مني ههههههه
نسيمة:هههه ايه علابالي بيك
(خاوتي وشبيني مش قادر نهضم نسيمة الناس الملاح والله مقدرت نهضمها )
طلعت ليها لقاتها لبست وقاعدة تاكل فروحها من تنبيزات حفيدتهم
نسيمة:خير وشبيك تاكلي فضفارك؟؟
ميرال:اييه انا اللي لازم ناكلهم برافو حبي حفيدتك وحني عليها وخليني حاصلة مع ولدك فالشركة ولا يظل لاصق فيها وكي ظلها وهاديك الرهج اللي معاها سيليا ولا مندري شسمها هادوك شيطاانااات تفهمي وش معنى شيطااانات ..رايحة تخلى عليك...رايحة ترجع لهاد الدار وتديها وتخرجكم منها
نسيمة:نن هي متديرهاش ايلين متهمهاش المادة ومستحيل ترجع
ميرال:ههههههههه ضحكتيني والله هههههه عند روحك رايحة تخرجك بسباب الدراهم؟...نن ههه باش تخرجك بيسك باش تعرف اللي نتوما سباب اللي هي فيه بش تعرف جريمتكم فالماضي وبلي نتي وجد ماهر وجدي اللي هو باباك قتلتو والديها ..في ميزك باه تسكتلك؟..نن ايلين اللي رجعت شيطان يحرق الأخضر واليابس ومترحم حتى واحد غلط معاها
نسيمة وجهها صفار من تذكرها للحادثة اللي صرات قبل سنييين للتالي:اشش ميرااال اسكتي ردي بالد تزيدي تجبدي الحكاية هنا فالدار
ميرال:هههه علاه خفتي؟؟
نسيمة:قتلك اسكتي اييه نخاف ومام نتي لازم تخافي ومتخميش تلعبي معايا انا نبقى ام حفاد هاد الدار ومرت البكري الوحيد مي نتي هنا غير ضيفة تصرفي على هاد الأساس
ميرال:ايه وانا تاني قريبا نولي كنتك وهكا نوليو كناين هنا وواحد ميقدر يخرجنا
شافت فيها من فوق للوط وتنهدت خارجة مخليتها فأحلامها المهم عندها تحفظ سرهم وجريمتهم
غير وصلها هز لوطو ومشا للبحر على الكورنيش ,قعد يتأمل فالدنيا وغير صوت الموج في وذنيه شوي ولقا طفل صغير يجي عمرو 10سنين قدامو
ماهر:أهلا صغرون كشما تسحق
الطفل هداك مدلو الورقة اللي كانت فيدو:عطاهالك هو رماهالو وجرا هارب
ماهر حكم الورقة اللي شوي وطاحت فالما وفتحها مزروب ..توسعو عينيه على وش قاعد يشوف والمكتوب:"يعني درت رايك وخالفتني وحكيت معاها؟؟....اممم معليش نعتبرها شجاعة ,مي لو نزيد نلقاك معاها المرة الجاي منخوفكش برك نديرها صح وثم نرمي عليها حتى تلقاها بدمها عليك....مي ظهرت سريع ثم ثم هربتها...زهرك وقف معاك مرة ومش زوج ثلاثة آخر مرة تزيد تحكي معاها ,ونزيدك فما شكون عرف ببنتك ويمكن يخبرها دير حسابك نسمع بلي تلمت ببنتها ورجعت لعايلتك نقتل بنتك وننهي اي شي يربط بيناتكم ......b_Dj"
الصدمة قليلة فيه يعني كل ميقول خلاص المشاكل تعمرلو حياتو 5سنين نفس الكابوس يتعاود قدامو وضك رجعت حبيبتو وحقق تهديدو وقرب منها صح يعني صح يعرفهم ويعرف بنتو مليح مليح ....
ماهر:مييي وش هدفو من أنو يبعدنا وعلاااااه؟؟؟علاه كل منقول وصلتلو نظهر كنت حاكم غير خيط وهمي وكلشي يتلاشى في دقيقة (وقف وبدا يعيط)علاااه؟علااااه
كامل الناس بقاو يشوفو فيه حاسبينو مهبول قرب ليه شيخ كبير:خير يا ولدي وشبيك
ماهر حكم يديه بهستيريا:علااه؟علااااه؟يااعمي كل منقول تفرات حياتي تزيد تتخلط؟؟علاااه؟؟
الشيخ بقا يشوف فيه:هادي غير مكاتيب اولدي ربي يفرج عليك
فاتت عشية صعيبة عليهم كامل كل واحد بقا فتخمامو وأفكارو تدي وتجيب فيه
مع الليل تلمو على طاولة العشا كامل
عصماء:يا ولاد كولو وشبيكم تتفرجو ومكليتو والو
سيليا هزت راسها فيها وتبسمتلها:ههه أنا صراحة شبعانة نروح لبيتي ضك اسمحولي
(وقفت تحت أنظارهم كامل حايرين ليوم من اللي تلاقاو وهوما شايفنيها مش على بعضها)
سمير:لولاد وشبيها مهيش كامل نورمال
جان:معرف بلاك حابة تصفي راسها خلوها
سمير شاف فيه فاهم أنو قاعد يحكي على روحو مام هو حاب وقت يفهم روحو فيه شوي
ايلين:ضك نروح نشوفها
عصماء:بنتي كولي اسع شوي باه متنهاريش نتي تاني راني نشوف فيك ذابلة
سمير:غبت عليكم نهار شوفو وش صرا
جان:ايه وكي غبت سنين وعمر مشفتش وش صرا
سمير شاف مع ولدو بقهرة وهبط راسو
ايلين:جان صح بعد عليكم مي كان تخمامو كامل فيكم
مسح يديه ووقف
جان:بصحتكم
قاعدة قبيتها تتفرج في فوطو تاعو لقاتها فانسطا
سيليا:ماازن علاه درتلي هكا؟..ضك نبقا نخمم فيك علابالي..المشكل خلطتني منيش فاهمة روحي معاك ولا عليك؟الله أعلم هبطت دمعتها بالوقت مع تفكرت موقف الصباح كيفاه هجم عليها واحاسيسها وقتها
لحقت على دمعتها هابطة من عينها
ايلين:اشش سليوش راكي تبكي؟؟
طفات تلفونها بزربة ومسحت عينيها مي سيبون حكمها الرادار
ايلين:اسنااي متمسحي موالو قربت وقعدت حداها:وش صرا يا روحي ليوم كلو مكيش نورمال؟
سيليا شافت فيها وفالحنية اللي فعينيها مقدرتش تزيد ديراكت بدات تبكي:ايييلين تشفاي أول نهار جينا لدزاير ياك تواعدنا منزيدوش نبكيو وبلي الدموع ننساوهم ايلين هزتلها راسها بايه والموقف يتعاود بين عينيها
Flash bak
مغمضة عينيها مانعة الدمعة تطيح من عينيها,فتحت عينيها على اليد اللي تحطت على كتفها
شافت فيها بكل قوة وحكات:سيليا حنا تواعدنا انو غير نوصلو هنا الدموع ننساوهم
سيليا مسحت عينيها ونطقت بقوة: ايه خلاص معادش نزيد نبكي ايلين ويدها مزالت على كتفها :اييه ضك لازم نوروهم انو هوما غالطين ومدمروناش كيفما كانو حابين,وضك هيا ننزلو الطيارة وصلت هزو ريسانهم لبعض بايه ومشاو كملو الاجراءات وخرجو من المطار
Flash end
سيليا:ايه وحنا نكثنا هداك العهد وبكينا كثر بيسك كامل الموازين انقلبو وبزاف امور تبدلت فحياتنا
ايلين:سيليا حالتك مخوفتني وش صرالك حتى راكي تقولي هكا؟ وشكون بكاك؟؟
سيليا شافت فيها مطولا ونطقت:والو ...حتى واحد تفكرت برك ليامات اللي فوتهم على تراب هاد البلاد .
تبسمت بانكسار على وجيعة صحبتها اللي عمرها طابت
ايلين:سيليا يامات وفاتو متبقايش تخممي يا روحي كلشي باه يتصلح والعوض باه يجيك من ربي سبحانو نتي برك اتفائلي واوثقي فيه
شافت فيها الثانية بتبسيمة باردة كيفاه تقولها أيام وفاتو ونسيتهم راني نبكي على وش راني نعيش ضك راني نعاني ومنيش فاهمة روحي ..مي همك أكبر من همي ومنيش حابة نزيد عليك ..كل وحدة تخمم فختها وفراحتها وهوما مش عارفين لو يحكيو كلشي تصلح
سيليا:اييه ونتي ليوم وين غبرتي ؟كي رجعتي كنتي مش نورمال ومحبيناش نضغطو عليك
ايلين:تحبي الصح؟
سيليا:بااينة هادي انطقي كاينة حاجة كبيرة
ايلين تنهدت من صميم قلبها ونطقت:مع..ماهر
سيليا:واااات؟؟آآريووووسييييريوووس؟؟...كيييفااه؟
ايلين:اشش هبطي صوتك فضحتينا..اونبليس انا ومش فاهمة حتى لقيت روحي معاه فالشركة فاللوطو فالطريق مفهمت والو
سيليا:اصبري اصبري عاوديلي وش صرا بلي دي طاااي
ايلين بدات تحكي بيانسير قالت كلش ووش قاتلو من غير كيما تقربو هي وماهر لبعضاهم
سيليا:وااو يعني الشي هدا كامل صرا وانا آخر من يعلم ؟و...احبسي..علاه في دقيقة تقلب وركبك للوطو
ايلين:مفمهمتش لو منعرفوش نحسو يخبي فيا من حاجة وكي ديمارا عينو بقات على الطريق مي اكيد خاف من الصحافة هو مشهور الله الله ويحكموه مع شريكتو فضيحتها كثر منها
سيليا عقدت حواجبها وكلام مازن تعاود على مسامعها:"برك كل منقولو ردهم يقولي راهم فالريسك ومنقدرش"
ايلين:اش وين تهتي
سيليا:هههه والو اوك عادي صرات صرات نورمال ...قوليلي مورالك راهو عادي فرغتي قلبك كي حكيتي معاه هكاك؟
ايلين:اووووف هنا المشكل كي كنت نهدر نص مني يعاتب والنص التاني قاعد يقولي ظلمتيه مقدرتش نفرق بيناتهم كيفاه وعلاه قتلو معرفتش حتى....حتى..دموعي اللي كنت منقدرش نعبر بيهم ووقت نتعمر ميسيلو كان دمعتين منهم رجعو يسيلو عادي..حاسة دموع كااامل السنين اللي فاتو ولاو يتجمعو ويسيلو بوحدهم من أبسط تصرف يديرو هو معلاباليش مي حاسة روحي رجعت الضعيفة اللي وقت تشوفو تنسى روحها والدنيا بما فيها
سيليا حظنت صاحبتها:مش نتي اللي رجعتي ضعيفة نفسيتك برك تعبت من وش جوزت وسيرتو كي ولات تشوف سبابها قدامها ولات متقدرش تكتم اصلا هكا لازم تكوني..ربي خلق فينا الدموع باه وقت نكونو مخنوقين نهبطوهم ونرتاحو شوي اوك؟وضك قوليلي ....زعما لو كانت بنتك عايشة ضك وعرفتي بيها وش تديري؟
ايلين:ههه لو كانت عايشة كنت بش نهزها ونديها معايا بعيد عليهم بعيد على عالمهم اللي كي الهم مفيه حتى شي يصلح.كنت به نديها لعندي ونظمها لصدري كل يوم وقت نرقد ونشم ريحتها ..كنت باه نستناها كل يوم تجي من مدرستها ونسألها على يومها كيفاه جاز وهي تحكيلي وتضحك ووقت تتقلق تجي عندي وتبكيلي وانا ننحي عليها ميييي...تبقا كنت وكنت وكنت وغير تأملات والصح؟واالو وااالو غير الفراغ والحزن
سيليا:كلشي بش يتصلح نووعدك
ايلين :ان شاء الله وضك ايا نوضي ترقدي
سيليا:قلت بلاك نروح للاوتال نجيب لبستي واوموراتي بيسك بقينا هنا على غفلة
ايلين:وش هاد الهدرة يحكمك عمو سمير ينعتلك الخروج وحدك وسط الليل كي داير ضك رانا فدزاير مش كيما لندن تديري وش تحبي ...يعني منعتي مرة ومتصلحلكش زوج
سيليا:ايلين علاه تفرقو هكا؟وش الفرق بين لندن ودزاير علاه لازم نبدل من روحي وانا هنا نكون زي وانا لهيه نكون زي آخر ؟علاه يحكمو على الانسان اللي يبقا بعقلة اجنبية سيرتو لبنات على انهم قحا...
ايلين:المشكل مش فيك حبي المشكل في المجتمع اللي تخمامو مسكر يعني هكاك يشوفوك غريبة عليهم ويحسبو رواحهم نظاف عليك..رانا في مجتمع قاسي مع البنت يحسبلها وش تلبس ووش تقول ووقتاه تخرج ومعاامن وكلشي صدقيني التحريكة بحقها
سيليا:هههه مشاء الله تعرفي عادات ولاد بلادك..مام انا تمنيت نكمل تربيتي هنا ونكون دزيرية حرة مي الله غالب الظروف رماتني للغربة ولأسوء بلاصة كنت نشوف غير فالأشكال اللي متسوى والو لو تشوفيهم يا ايلين كانو يعرفو غير السلاح ولغة الدم واالو ميكسر راسو مع حتى بنادم ديراكت يرميه برصاصة ويتهنى ..شحال من مرة شفت ناس تموت قدامي وشحال من مرة صوبت عليهم انا بيدي مزيا مكانوش ابرياء ونص صفقاتنا كانو مع يهوديين يعني مكانتش تغيضني كي نقتلهم مي غاضتني شخصيتي وقلبي وروحي وكلشي فيا الليراحو وتدمرو بسبة الشي هدا مسحت دموعها اللي رسمو بحاار بمواجهم على خدودها :هههه كثرت علابالي
ايلين دموعها حتى هي طاحو جامي صاحبتها تعمرت لهاد الدرجة وحكات وجامي عاودلتها وش صرالها عندها حق ايلين شافت مرة وحدة وهي كبيرة مارك صوب على سمير بقات تهوتر بيها شهوورا وسيليا..سيليا مسكينة اللي وهي في بداية عمرها مزالها بيبية شافت هاد الشي كامل وعاشتو بتفاصيلو وش؟؟
ايلين:نصفقلك ونعطيك جائزة نووبل للشجاعة يا صغرونتي
سيليا:ههه شجاعة تاع ننايا
ايلين مسحت على خدودها بحنية:صدقيني شجاعة وكبييرة بزاف انك فتي بهاد الشي كامل وحدك وكملتي ومستسلمتيش فخوورة بيك فتتي وحدك ووصلتي لعندي آمنة صحيحة بمخك مالقري اللي فات عليك ميتحملوش لكبير والعاقل يا روحي
سيليا:ههه ايه الحمد الله كلشي بقدرة ربي مام اللي فات عليك مش ساهل
ايلين:انا ربي عوضني بيك وبعمو سمير وهادي احلى حاجة صراتلي وصبرتني
سيليا ضحكت من قلبها وجبدتها ليها تبوس وتحضن:ههههه مزال تزيدي تشوفي عوضك يا حبي نوعدك قريبا نخلي كلشي يتصلح قدام عينيك وعد
ايلين:ههه شامة ريحة غريبة مي معليش ههههه نستنا وندير فيك ثقة ديما
فرقهم الباب يطبطب
سيليا:ادخل
دخل باستسامتو الساحرة اللي يعشقوها
سمير:وش راهم بناااتي؟؟
سيليا/ايلين:لباااس الحمد الله سوال عليك يا غالي
سمير:هههه منيش حاب نديها في روحي مي تبانو متوحشيني
سيليا سوطات ليه عنقتو:وبزااااف متصورش شحاال
ايلين :اوو الحقرة سوطات عليهم تعنق وتعاود اللي يشوفهم يقول اب وبناتو صح مي مابينهم غير روابط روحية وبس
عصماء لتحت خرجت للجاردان بعدما سترت روحها بخيمار مشات جيهة ولدها اللي كان قاعد فالجليسة اللي كاينة فجاردان الدار كان قاعد وساهي وغير يخمم
قاعد في تخمامو حتى على اليد اللي تحطت عليه
عصماء:ولدي مش بارد عليك الحال؟
جان:لالا يما راهي السخانة وراني لابس نتي وش تديري هنا؟البرد عليك
عصماء قعدت قابلتو::وشبيك وش معبي قلبكك وليدي الزين
جان:هه والو يما اني نخمم وكتاه نزوج ونجيب صغار ..علبالك يا درى كيفاه تكون مرتي ووش راهي تدير ضك ههههه
في الدارقاعدة فبيتها تكونيكتي حتى صونا تلفونها فيدها
نور:اهلااا قطتي وش حوالك
بشرى:لباس اقزمة ونتي؟
نور:القزمة تاع ختتك.... لباس الحمد الله..وش راكي مدايرة مع التخبااش؟
بشرى:اولا ختي هي نتي تسما سبيتي روحك عادي والتخباش رانا معاه قوليلي راكي واجدة لغدوة؟لا زم تكون نتيجتك مليحة باه يقبلوك ياك؟
نور:ايه باينة والله حطيت قلبي فالتصاميم هادو لازم يقبلوني
بشرى:ايه على الاقل علابالي ميطولوش بيك بهبالك معندهمش صبري دونك على الاقل قبل ما تخرجي صيدي كاش روييجل هههههههه
نور:هههه نناك تعرفي رجال الاعمال تاع دزاير كيفاه مدايرين اونبليس الصباح شفت صاحب خويا يهبببل يابشرى ختي زين ودين وطاعة الوالدين ههههه الرزانة منحكيلكش واسمو مازن اااي ربي هااايل ههههه
بشرى:ههه ضربتيها بعشقة؟؟
نور:ههه نن مش هكاك مي نشالله نلقى كاش رويجل باهي كيفو..ونتي ثانيعري على ذرعيكك نخاف تقعدي باايرة ههههههه
بشرى:نبوور فخلاك كي تخلى نتقاسمو راجلك يخي الأصدقاء فالسراء والضراء؟هههه ولا؟
نور:امشيي تقووودي قاتلك راجلي ليا وحدييييي فاااهمة؟؟
ملاك:نوووور
نور:اا....ايا مالا ماما تعيطلي نشوفها ونجي
بشرى :اوك وبون كوراج لغدوة متخافيش راكي قدها
نور:عيشك...كوبات مع صحبتها وناضت لامها اللي قريب قلبت الدار بعياطها
نور:وي يما ؟علاه عيطتيلي؟
ملاك:باااباااك
نور قربت تجري تشوف في باباها مطايش فاللرض ورغوة بيضا خارجة من فمو
نور وهي تحرك فيه:بابا...بابا...سي مجيد نوووض مش وقت ترووح نووووض
ملاك:عاونيني نهزوه للسبيطار نوووضي