မောင့်မျက်နှာနွေးနွေးကို တွေတွေလေး ငေးနေမိသည်။
မောင်ဟာ ပိုပြီး တည်ငြိမ်လာသည်အပြင် အပြုံးအရယ်မပါသည်မျက်နှာထားကပင် ဆွဲဆောင်မှု့ရှိလှ၏။ ဝတ်စုံဆင်တူဝတ်ထားပေမဲ့ မောင်ကိုယ်ပေါ်က ဝတ်စုံကပင် ပိုပြီး ခံ့ညားနေသယောင် ...
မျက်ခုံးနှစ်ခု ထိလုမတက် ချုံ့ထားတဲ့ မောင့်မျက်နှာက
တစ်ခုခုကို တွေးတောနေဟန်ရှိသည်
သို့သော် တည်ငြိမ်နေဆဲ.....
မဟာ / ငေးလို့ဝပြီလား
မောင့်စကားသံကြားမှ သော်က သတိထားမိသည်
မောင့်ကိုငေးကောင်းကောင်းနဲ့ငေးလိုက်မိတာ
ပတ်ဝန်းကျင်တောင် မေ့ပါ ပကောလားမောင်ရယ်...
မောင့်ဆီက ထိုသို့အမေးခံရတော့
နေသော်က ရှက်ပြုံးလေးဖြင့် ခေါင်းငုံလိုက်မိသည်။
မဟာ / ပွဲထဲကြရင်လဲ မောင့်ကို ဒီလိုလေးပဲ
ငေးကြည့်နေပေးနော် သော်က...
မဟာထိုသို့ပြောတော့ မော့ကြည့်လာသော မျက်နှာလေးက နီရဲကာ
ပဟေဠိဆန်သော မျက်ဝန်းများဖြင့်...
ထိုကောင်လေးက အံ့သြနေသည်ဟန်...
မဟာပြုံးမိပါသည် ။
နေသော်က / *ငါနားကြားမမှားဘူးဆို မောင်က သူ့ကိုယ်သူမောင်လို့ သုံးနှုန်းလိုက်တယ် ပြီးတော့ ပြုံးပြပြန်တယ် တစ်ချိန်လုံး မင်းနဲ့ငါလို့ သုံးနှုန်းနေတဲ့မောင်ကလေ...
မောင်ရယ် ငါလောဘကြီးမိရင်ဖြင့် ခက်တော့မှာပဲ...*
နေသော်က မောင့်အပြုံးတွေကို ထပ်ငေးမိတယ်
ပြီးတော့သိမ်ငယ်မိပြန်တယ်
နေသော်က / * ဒီအရာတွေက ငါ့အတွက်
ခဏတာပဲရနိုင်တော့မဲ့အရာတွေပဲ
လောဘတက်နေတော့ရော ဘာထူးမှာတဲ့လဲ *
နေသော်က ကိုယ့်အတွေးနဲ့ ကိုယ် အားငယ်ကာ
ခေါင်းလေးပြန်ငုံ့သွားပြန်တော့
မောင်ဟာ သူ့လက်ဖဝါးနွေးနွေးနဲ့
သော်က လက်ဖဝါးတွေကို ဆုတ်ကိုင်လာတယ်
သော်က ထပ်မံ အံ့သြရပြန်ပါပြီ
သော်က ခေါင်းငုံထားရာမှ မော့ကြည့်ပြန်တော့
မောင့်ရဲ့ အပြုံးလှလှလေးတွေက စီးကြိုလို့...
နေသော်က / * ငါ့ကို ခဏခဏ မပြုံးပြပါနဲ့လား မောင်ရယ်
ငါလောဘကြီးမိသွားရင် ဒုက္ခပဲ...*
မဟာ / ရောက်ခါနီးပြီ ...
မောင်က ရှေ့ကိုမျှော်ကြည့်ရင်းဆိုတယ်
နေသော်က / ငါ ဘာကူညီပေးရမလဲမောင်
မဟာ / ဟင့်အင်း ဒီအတိုင်း မောင့်လက်ကိုပဲချိတ်ပြီး လိုက်ခဲ့ပေးရုံပဲ
မောင်က ခပ်အေးအေးသာဆိုပေမဲ့
နေသော်ကစိတ်တွေ အရမ်းလှုပ်ရှားနေမိတယ်
သူတို့ကားလေးက လိူရာခရီးရောက်ခဲ့ပြီထင်
ရပ်တန့်လို့သွားသည်။
ထိုအခါ မောင်က ဦးဆောင်ဆင်းကာ ကားတံခါးဖွင့်ပေးပြီး
လက်ကမ်းကြိုဆို၏။
ညမီးရောင်အောက်က မောင့် အပြုံးတွေနဲ့ ကင်မရာမီးတလတ်လတ်က
အပြိုင်အဆိုင် တောက်ပနေဆဲ...
မောင်ကမ်းပေးတဲ့ လက်ကို ချိတ်ပြီး ကားပေါ်ကအဆင်း
အားလုံးရဲ့ အကြည့်တွေနဲ့ ရင်ဆိုင်လိုက်ရ၏။
အံ့သြမင်သက်နေကြသူများနဲ့ မယုံကြည်နိုင်ခြင်းများစွာဖြင့်
ကြည့်နေကြသူများ
ထိုသူတို့ကို ကျော်တက်ကာ
အပြိုင်အဆိုင်ရောက်လာကြတဲ့
မီဒီယာသမားတွေက
မောင့်ထံ မေးခွန်းပေါင်းများစွာမေးနေကြပြီး
မောင်ကလဲ အေးဆေးပင်ဖြေသင့်သည်များကိုဖြေကြားပေးလေသည်။
ထို့နောက် အတင်းတိုးဝေ့နေသော လူအုပ်က
မောင့်ထံ ေရာက်အောင် လာချင်ပေမဲ့
မောင်ချထားတဲ့ ကိုယ်ရံတော်တွေကြောင့် မရောက်လာနိုင်ကြ
မောင်ကတော့ အားလုံးကို ခပ်ပြုံးပြုံးသာ နှုတ်ဆက်လက်ပြရင်း
သူ့လက်ကိုတွဲလို့ မြင့်မိုရ်တို့ရှိရာဆီလျှောက်လှမ်းသွား၏။
မြင့်မိုရ်တို့ စုံတွဲရှေ့ရောက်တော့ မင်သက်နေဆဲ မြင့်မိုရ်က
မောင့်ကို တည့်တည့်စိုက်ကြည့်ကာ ဘာစကားမှမဆိုလာ
လွင်မင်းဦးကပင် စကားစရလေသည်။
လွင်မင်းဦး / မဟာ မင်းဘယ်တုန်းက ပြန်ရောက်တာလဲ ငါတို့လက်ထပ်ပွဲကို တက်ပေးလို့ကျေးဇူး...
မဟာ / မစ္စတာ ဖိလစ်!!!
လွင်မင်းဦး / ဟင်...
မဟာ / မစ္စတာ ဖိလစ်လို့ခေါ်ပါ ခုချိန်မှာ မဟာမဟူတ်ဘူး
လွင်မင်းဦး အသံပိတ်သွားရလေသည်။
မြင့်မိုရ် / ငါက ဖိလစ်နဲ့ အပြင်မှာတွေ့ပြီးသားပဲ မင်းလာလိမ်လို့မရဘူး
မြင့်မိုရ်က ထိုသို့အေးဆေးဆို၏။
မဟာ / အဟက် မင်းမြင်ဖူးတဲ့ ဖိလစ်ဆိုတာ သူ့ကိုပြောတာလား.
မဟာ ထိုသို့ပြောကာ နောက်လှည့်ပြီး လက်ညိုးထိုးပြတော့
အားလုံးထိုနေရာကိုကြည့်လိုက်စဥ်
ဆင်စွယ်ရောင် အနောက်တိုင်းဝတ်စုံနဲ့
ထိုင်ခုံတွင်ကျကျ နနထိုင်နေသော အက်စ်ဆမ်း...
အက်စ်ဆမ်းက သောက်လက်စ
ဝိုင်ခွက်ကိုမြောက်ပြရင်း မချိပြုံးပြုံး၏။
မြင့်မိုရ် ဒေါသတို့ အထွတ်အထိပ်သို့ရောက်ကာ
မဟာ့ကို ကော်လံစကနေ ကိုင်လိုက်တော့
မဟာရဲ့ ကိုယ်ရံတော်တွေက လှုပ်လှုပ်ရှားရှား ဖြစ်သွားကြတော့သည်။
မဟာက အားလုံးကို လက်ကာပြလိုက်မှ
အခြေအနေကိုစောင့်ကြည့်နေကြ၏။
မြင့်မိုရိ / မင်း... ဒါတွေ မင်းကြိုစီစဥ်ထားခဲ့တာပေါ့လေ !!!
မဟာ / မေးစရာတောင်လိုသေးလို့လားဗျာ ဟမ်! !!
မဟာက မြင့်မိုရိကို တွန်းထုတ်လိုက်ကာ အင်္ကျီကို သပ်သပ်ရပ်ရပ်ဖြစ်အောင် ပြန်ဆွဲချနေပြီး
မဟာ / ခဗျားက ဖိလစ်ကို ကိုယ်တိုင်ပွဲလာတက်ပေးပါလို့ အကြိမ်ကြိမ် မှာနေတော့လဲ ကျုပ်က လာရတာပေါ့ အော် ကျုပ်တင်မဟုတ်ဘူးနော်
ကျုပ်ရဲ့ အိမ်သားလေးပါ ပါတယ်
မြင့်မိုရ် လက်သီးကို ကျစ်ကျစ်ပါအောင် ဆုတ်ထားရင်း ဒေါသတို့အား ဖြေဖျောက်နေပေမဲ့မရ
မဟာက ထိုဖြစ်ပုံကိုကြည့်ရင်း ခနဲ့သလိုဆက်ပြော၏။
မဟာ / ဒါမဲ့ ခဗျား မင်္ဂလာပွဲမှာ ဖိလစ်ကို ကြိုဆိုတဲ့ပုံစံ က အဟက်...
သိပ်မကြိုက်သလိုပဲဆိုတော့လဲ...
မြင့်မိုရ် / မင်း ကလေး ကလားဆန်လှချည်လား
မဟာ / ဒါပေါ့ စာချုပ်အတုနဲ့ ကုမ္ပဏီကို သိမ်းယူသွားတဲ့ နည်းလမ်းထပ်ဆိုင်ရင်တော့ သာပါတယ်ဗျာ
မဟာထိုသို့ပြောလိုက်တော့ ပွဲလာကြတဲ့ ပရိတ်သတ်တချို့က ပွစိပွစိပြောကြလေသည်။
မဟာက ထိုအချင်းအရာကို သဘောကျစွာ
မြင့်မိုရ်ထံ အကြည့်ပို့ရင်း မျက်ခုံးပင့်ပြလိုက်၏။
သဘောကတော့ စိန်ခေါ်တယ် ဘယ်လိုလဲ ဟူ၍
မြင့်မိုရ် / မင်းမဟာ!!!
မဟာ ကပြောဆိုတဲ့ပုံစံဖြင့် ကြည့်နေသည်။
နေသော်က မောင့်ဘေးကနေ၍ တစ်ခုခုကိုဆိုးထ်ိပ်လာ၏။
နေသော်က / မောင်...
နေသော်က မောင့်အနားကပ်ကာ
မောင့်အင်္ကျီလက်စကိုဆွဲကိုင်ရင်း
တိုးညင်းစွာခေါ်လိုက်လေသည်။
မြင့်မိုရ်က ထိုအချင်းမရာကို မြင်လိုက်သည်ထင်
ချက်ချင်း မျက်နှာပြောင်းသွားပြီး
မြင့်မိုရ် / အဟက် ကြိုဆိုရမှာပေါ့ ကြိုဆိုရမှာပေါ့
ဒါက ဘယ်သူတွေမို့လဲ မစ္စတာဖိလစ်နဲ့ တချိန်က ကျုပ်ချစ်သူလေးပဲ
မြင့်မိုရ် ထိုသို့ပြောပြန်တော့ အားလုံးက တပြိုင်နက်ထဲ
စကားသံတိုးတိုးများထွက်ပေါ်လာပြန်သည်။
နေသော်ကလဲ အရှက်ပိုမိ၏။
မဟာ့မျက်နှာလဲ ချက်ချင်းပျက်သွားပေမဲ့ ပြန်ထိန်းလိုက်ကာ
မဟာ / ဒါပေါ့ တချိန်မှာဘာတွေဖြစ်နေပါစေ
အခုချိန်မှာတော့ လက်ရှိက လက်ရှိ
လက်မဲ့က လက်မဲ့ပဲလေ အဟက်ဟက်...
မြင့်မိုရ်လဲ ဒေါသ အလုံးအရင်းကိုမြိုချကာ
မင်္ဂလာပွဲကို ဆက်လက်ဆင်နွဲ့တော့သည်။
အခြေအနေတွေက အားလုံးပြောင်းလဲသွားပြီး
နေသော်ကလဲ ထိုတော့မှ သက်ပြင်းကိုခပ်တိုးတိုးချနိုင်တော့သည်။
သိူ့သော် မဟာက သူထိုင်ရမဲ့ VVIP နေရာသို့
နေသော်က လက်ကို အကြမ်းပတမ်းဆွဲက ခေါ်သွားတော့၏။
နေသော်ကမှာ မောင့်မျက်နှာကြောင့် နာကျင်သော်လဲ မပြောရဲပေ...
ထိုင်ခုံတွင်ဝင်ထိုင်တော့ မဟာက သော်ကဖို့ ထိုင်ခုံဆွဲပေးသည်။
မဟာက အများအမြင်မှာ သော်ကအပေါ် နူးညံ့သလိူဟန်ဆောင်သည်။
သိူ့သော် သူ့ကိုကြည့်တဲ့အကြည့်တွေကတော့ မနူးညံံ့နေမှန်း
နေသော်က သာအသိဆုံး...
ပွဲအခမ်းအနားပြီးတော့ အားလူံးကိုယ်စီကိုယ်စီ နှုတ်ဆက်ကာပြန်ကြတော့
မဟာက မြင့်မိုရ်ကို လက်ဆွဲနှုတ်ဆက်ရင်း
မဟာ / နောက်လဲ ထပ်ပြီး တွေ့ကြတာပေါ့ ဦးမြင့်မိုရ်
မြင့်မိုရ် / သေချာပေါက် ထပ်တွေ့ကြတာပေါ့ ဦးမဟာ...
မဟာ / မစ္စတာဖိလစ်ပါ...
မဟာက ထိုသို့ မချိပြုံးဖြင့်ဆိုလာတော့ မြင့်မိုရ်နဲ့ လွင်မင်းဦးက မျက်နှာပျက်သွားလေသည်။
ဒါကိုမြင်တဲ့ မဟာက တဟားဟားရယ်ရင်း
ကိုယ်ရံတော်တွေ အဆင်သင့်ဖွင့်ပေးတဲ့
ကားပေါ်တက်သွား လေသည်။
ထို့နောက် မဟာ့ကားထွက်သွားသည်နှင့်
နောက်က ကား၅စီးကလဲ အစဥ်အတိုင်းလိုက်ပါသွားတော့သည်။
................................................................................