#وئام_العشق
بقلمي الكاتبه : هبه الساعدي ✍🏼
ضمني رسالة شوگ
ما بين الغراض
الحابهن گلبك
ولمني بأصابيعك
مثل لمة خصل شعرك
داريني تره أستاهل
صار هواي ما مرتاح
من چنت بعمر جاهل
°°°°°°°°°°°°°°°°°°°°°
_ طلع سراج برا شويه ودخل خله بأيدي فلوس بعد
سراج : هاج هاي مال الفراش وهسه نبقى على تلفون منا لحد ما تجين للانبار
زينب : تمام ها هي
سراج : يلا امشي ندخل ، دخلنا للستقبال
سراج : يلا بويه نتوكل نرفع الزحمه ونتوكل للانبار هم ورانا كومه شغل وتحضيرات
ابو ادهم : ضلوا اليوم يمنا وباجر توكلوا
ابوصكر : مشكور خويه ما تقصر بس هم تعرف ورانا تجهيزات وشغل وهم نحظر للعرس اعذرنا غير مرا ان شاء الله
ابو ادهم : لا معذورين خويه براحتكم
_ طلعوا سراج واهله واهلي طلعوا وراهم للباب ودعوهم ودخلوا
زينب : اتصلي على ميار خلي تجي ترا هسه كلش راح احتاجها اذا تجي باجر بعد احسن لان ورانا كومه بعدني كل شي ما مسويه ولا مجهزه
ام ادهم : امشي جيبي تلفون اتصل عليها لان اني ما بيه افتر بيج وانتي يرادلج خلك شطوله
_ رحت اركض على تلفون جبته وانطيته لامي اخذته اتصلت على ميار
ام ادهم : الوو هلا يمه شلونج الجهال شلونهم رجلج شلونه .....(تعرفون اسئلة الأمهات من تتصل على بنتها)
زينب وراكفه فوك راسها " يمه دخلي بالنظيف وگليلها
ام ادهم : انطي مجال وترتيني تلحگين كدامج شهر
ام ادهم رجعت تحجي بالتلفون " يمه ميار اختج زواجها بـنهاية الشهر الجاي وتعرفين فره وتجهيزات محتاجين فزعتج
ميار : اي يمه ما عندي شي بس يجي ملار واگله وأدللي بعيوني اجيها واني وياها نجهز
ام ادهم : اي يمه فدوه لطولج تدرين ما بيه امشي وياها وتعرفيها من تشتري شي تفر سوك الف مرا يلا تشتري ومرة اخوج جهالها ما تكدر
ميار : ماشي يمه من عيوني بس يجي اگله وارجعلج خبر
ام ادهم : ماشي يمه انتظرج ترديلي جواب الله وياج
زينب : ها شگالت
ام ادهم : تشوف رجلها شوكت يجيبها
ابراهيم دخل للصاله : شبيج توترتي من گالولج موعد العرس لحد الان
زينب برطمت اريد ابجي " احس روحي ما ألحك ما تفهمني
ابراهيم : كومي بلا بجي كومي انزل اني وياج للسوك منا لحد ما تجي ميار تكمل وياج الباقي
زينب : زين شلون والمدرسه
ابراهيم : انتي شاطره ولـمدرسات كلهم يعرفوج راح اروح اخذلج اجازه واشوف شلون ارتب وضعج واگللهم منا لورا نصف السنه تنقل لغير محافظه
زينب : تمام اوك موافقه باجر نطلع المفروشات
ابراهيم : ها هي نشتري الفراش باجر انتي تحضري الصبح بين ما اروح للمديره وأرجعلج
زينب : تمام متفقين
_ صعدت للغرفه اخذت ورقه وقلم ونزلت جوا وبديت اسجل كل شي اريده وامي واميره يساعدوني بـأغراض المطبخ وشنو احتاج لان بحياتي مداخله مطبخ وطابخه
زينب كمزت " يمه عزاااا
ام ادهم : شكو شبيج
اميره : شبيج
زينب : ما اعرف اطبخ المن مشتريه جداري وطاوات وهاي لأغراض
اميره هزت ايدها " خرب حظي عبالي شوف شبيج
ام ادهم : لا حول الله يا ربي تعلمي مو هذا تلفون وهذا انترنيت مو اشكال بي وتعلمي
زينب رجعت گعدت بمكاني " هم صدك يلا اني تعبت وباجر ورايه فره بالسوك اني وابراهيم
ام ادهم : يلا صعدي نامي لعد
زينب : تصبحون على خير
الكل : وانتي من اهل الخير
_ صعدت نمت كعدت الصبح على صوت منبه بدلت ملابسي لبست فستان تحت الركبه ولبست ستريج وسويت شعري ضفيره ونزلت اتريكت ودخل ابراهيم
ابراهيم : يلا بسرعه طالع كدامج للسياره
زينب : يلا جايه وراك ثواني ، بسرعه لبست حذائي وطلعت اركض
ابراهيم : وين ترحين هسه
زينب : مو كتلك اريد اشتري مفروشات
براهيم : اي ادري مفروشات بس مثل شنو
زينب : زوالي وفرشات وجراجف وهاي الاغراض
ابراهيم : تمام اتصلي على رجلج بسرعه وفتحي مايك
زينب : ليش
ابراهيم : اتصلي وهسه تعرفين
زينب : سحبت جهازي من الجنطه واتصلت على سراج بسرعه
سراج : الووو بويه شلونج
ابراهيم : هلا بيك الحمدلله وانت شلونك
زينب : هههههههه
سراج : هههههه اشو انت اليوم جاوبتني نسدت نفسي من سمعت صوتك شكو ماكو شعجب بـتلفون مرتي تحجي
ابراهيم : اكلك جيتك بـمساعده تريدها لو لا
سراج : طبعا اريدها گول
ابراهيم : مو تريد الاثاث على ذوقها اذا عجبها شي منا تختاره وادزه الك
سراج : ها هي بعد احسن لازم طالعين
ابراهيم : اي مرتك تريد تشتري مفروشات وطلعت وياها لان ماكو احد بين ما تجي ام جود
سراج : ها بيها الخير عادي انطيهم عنواني ورقم تلفوني
ابراهيم : ها هي لعد محلوله ان شاء الله هاي مرتك
سراج : ماشي
زينب : قدمه اليه اخذته منه سمعت صوته
سراج : ها بويه محتاجه شي بعد
زينب هزيت راسي بمعنى لا " لا سلامتك
سراج : الله وياج
زينب : باي
_ وصلنا للسوك ونزلنا افترينا اختاريت مفروشات للبيت و بردات
ابراهيم : بما انو كملتي امشي نروح على غراض البيت حتى ليعجبج اختاري وندزه لـسراج
زينب : تمام رجعنا نفتر ونشوف دخلنا مثل المعرض اختاريت تخم اثنين واحد للصاله كلش بسيط والثاني للستقبال ملكي وفخم ابراهيم أنطاهم رقم والعنوان وكل شي يحتاجوه
زينب : متت تعب واني بعدني كل شي ما مسويه هههههه
ابراهيم : بعدنا بسم الله هستوج بديتي بعد وراج كومه تجهيز ولاتنسين روحتج للانبار
زينب : اي بس خلي تجي ميار لان امي ما قبلت تروح علمود اميره وهم تگول مالي خلك
ابراهيم : وميار شوكت تجي
زينب : ما اعرف گالت لماما تشوف زوجها شوكت يجيبها
_ رجعنا للبيت اول ما دخلنا شمرت روحي على تخم اجتي ماما
ام ادهم : ها شسويتي
زينب : شتريت لأكدر عليه بس عندي نواقص هواي
ام ادهم : اي خلي تجي اختج وتشوف شنو بعد تحتاجين
زينب : تمام اني صاعده اسبح وارتاح شويه
ام ادهم : روحي وهسه الولد يصعدون الغراض يخلوهم بالصاله
زينب : تمام
_ صعدت سبحت ورحت نمت وكعدت لـمغرب نزلت للمطبخ شفت اكل جهاز جايبين واميره واكفه على الطباخ واحمد مسوك نمنميات هواي
زينب (بأستغراب) : اميره شكو منو عدنا اليوم
اميره : ميار وزوجها واطفالها جاين بطريق وهسه على وصول
زينب كمزت على اميره " صدك كولي والله تعالي ابوسج
اميره : لمخبله اهدي شويه وامشي بدلي للجهال بين ما اكمل لعشه
زينب : اي ليش لا رايحه رايحه
اميره (بضحك) : هههههههههه مجهزتلهم ملابس بس غيري
زينب : تمام
_ رحت بدلت للجهال وعطرتهم ومشطت الهم ونزلنا كعدت بالمطبخ يم اميره ساعه ودخلت اختي ورجلها والجهال ولبيت صار هوسه
ابو ادهم : اجتي نبعه هي وهوستها
الكل : هههههههههه
احمد : بعد كم يوم هم تصير عدنا نبعه ثانيه وهم تجيب جعويطها وتجي
زينب : غصبا ما عليك والا نكعد بغرفتك عبالك هينه نسويك خال
ابراهيم (بضحك) : هههههههههه احلى خوال لعيون نبعه رقم اثنين ههههههههه
زينب عصبت وعطت بصوت " ييييييييمممممممه شوفي ولدج شلون يغارون مني بس شوفي
ام ادهم : اي صغار انتم وتتعاركون ناس اضرب من ناس لا جبيركم ولا صغيركم
التفتت على ميار " هلا بيج يمه نورتو البيت
ميار لزمت معدتها " ولكم ميته جوع الطريق كله احنه كل شي ما اكلنا لان امي كل خمس دقايق تتصل تكول لا تاكلون مسويلكم شلون عشه
ههههههههه
ام ادهم : عساج على عشه يمه كومي يمه اميره صبن العشه انتي وزينب
اميره : اي عمه راح اكوم يلا زوزه كومي نصبلهم العشه
زينب : تمام يلا كومي
_ دخلنا للمطبخ حضرنا الاكل والمقبلات فرشنا السفره نقلنا الاكل
_ اتصل ابراهيم گال راح يجي هو وسراج حتى باجر ياخذهن للانبار من الصبح حتى بلكت تخلصن من وقت ويرجعن
ميار : اي خوش حتى علمود الجهال ارجعلهم خطيه اخاف امي ما تكدرلهم
ام ادهم : انتي بس كملي شغلج والتهي بأختج وجهالج معليج بيهم
ميار : ماشي يمه بس عينج عليهم
ام ادهم : تمام بعيوني وحسبن حسابجن خاف تبقن
ميار : تمام
_ شويه وگالوا سراج اجه دخل هو وابراهيم سلم وكعد ويانا بدينا ناكل وكلها ساكته ضجت عبالكم جابريهم يكعدون سوا ههههههههه
احمد گاعد بصفي ندسته بأيده
احمد : شكو شبيج
زينب : دشوف الي اشوفه لو لا
احمد : لا ولج انوب شكلهم يضحك ههههههه
زينب : خلي نسولف ونسوي روحنه جاي نضحك بلكت يسحلوك ويدمغوك شويه نضحك عليك
احمد : ادبسسز احط راسج بالسمج هسه واخليج تبجين
زينب : واني احط راسك بالطرشي تطلع جنك خياره مجبوسه بالخل
احمد (بـضحك) : ههههههههههه خرب يومج
_رفعت راسي اشوف لكل يباوع علينا
زينب : شفت ادهم يهز بأيده ما عاجبه
التفت لبابا " بابا
ابو ادهم : عيونه شبيج
زينب أشرت على ادهم وحجيت بغضب " شوف ابنك شديسوي ومعاجبه خلي يتحملني ما بقى شي واروح لبيت رجلي معاجبه ليشاركني لحديث ماشي اوك
ادهم ضحك بصوت عالي " هههههههههههه اويلي يابه اعصابج عيني سمي بأسم الله ورجعي لمودج
احمد : خلي يولي يغار لان راح تشترين بدله وهو لا ههههههههه
ادهم : طاح حظك يا اثول شكد تافه
ابراهيم يهمس لسراج " جاي تشوف ما ادري بس حسيتها ضايجه وجاي تفرغ عصبيتها بيهم
سراج : عبالي بس اني حسيت ابراهيم خليها براحتها يابه باجر بيش ساعه تطلعون ترا ورانا طريق لازم من وقت حتى هم يلا نوصل بين ما تروحون لسوك وتشوفين نواقص لبيت
ميار : ها هي خويه كول بيش ساعه نطلع حتى نتجهز
سراج : بالخمسه ورا صلاة الفجر نطلع
زينب وميار : ها هي
زينب : بس لفراش خلي بصندوك السياره ناخذه ويانا بردات وفرشات ناعمه خليهم يمنا ليوره بس الباقي خليهم بالصندوق
سراج : تمام هسه لولد يطلعوهم واخليهم
زينب : اي خوش اني صاعده بس قبل لا اصعد شسويتو ويا المديره
سراج : عادي اخذنه تقرير طبي مال الدكتور انتي مريضه ما تكدرين داومين وسوينالج اجازه فقط بالامتحانات ترحين تمتحنين وتجين
زينب : خوش تمام يلا اني صاعده ارتاح لان ورايه كعده
سراج : عود شوفي تلفونج من صعدين و لا تنسين دواج وحسبي حسابج اخاف تبقون ما يكفي الوقت وتباتون اخذي علاج وياج
زينب : تمام ان شاء الله
_ صعدت لغرفتي حضرت أغراضي واخذت انسولين حضرت ملابس بنطرون ابيض وستره بيجي وحذاء وجنطه بيجي ورحت لجهازي شفته مراسلني رديت عليه ..
💬هلاو
💬هلاوات
💬مراسلني
💬ليش ضايجه كل مرا من اشوفج ضحكتج تلاعب الهوى ليش اليوم احسج بس تردين تتعاركين
💬لا ما بيه بس مجرد تعب مال تجهيز والف فقره بالي تخليني اتوتر واحسب الف حساب شلون ما تريدني اعصب
💬حبيبي كل شي يهون وكل شي يصير مثل ما تردين واكثر يعمري انتي بس اهدي لان تعرفين كلش زين هذني الامور تاثر عليج سلبا
💬شاء الله احاول اسيطر على نفسي وعلى اعصابي هل فتره
💬اي عفيه بنيتي يلا روحي ارتاحي لان تگعدين من الصبح
💬تمام حبيبي يلا تصبح على خير
💬وانتي من اهل الخير يروحي انتي اخ اخ شكد احبج يا تعب العمر ولهيب سنيني
💬هههههههه
💬فدوه اروح لهل ضحكه ضحكي يولي ضحكي محد يلوگلها تضحك غيرج
💬هههههه احبك من تتغزل تحسسني انثى مو مثل اخوتي يحسسوني جبار گبالهم هههههه
💬احلى جبار واني افضل تبقى جبار لان سوالف جبار احلى من سوالف فتحيه ههههههههه
💬يلا اروح انام ورايه كعده صبح
💬تمام روحي نامي يلا باي
_ سديته منه وكمت طفيت لأضويه و نمت
____ سراج ____
_ نزلوا لولد الفراش والغراض لمشتريتهم خليتهم بالسياره وگعدنا بالحديقه ضلينا سهرانين للصبح اذن وصلينه ودخلوا لولد يصيحون البنات
ابراهيم : شويه ويجن ما يتأخرن وما أوصيك سراج بنات امانه عندك لان اني وياك كلش زين نعرف وضع الانبار شلونه
سراج : لا تخاف ابو اسماعيل بعيوني اصلا ما يطلعن اذا مو اني وياهم
ابراهيم : خوش هسه اني أطمئنت عليهن خلي اصيحهن الك
سراج : اي والله ورانا طريق طويل بين ما نوصل
زينب : گعدت قبل الصلاه على صوت المنبه جهازي رحت گعدت ميار لبست ملابسي وكفت مقابيل المرايه خليت مكياج خفيف شسورت شعري ورتبته ونزلت
احمد : صباح الصبح
زينب (بـغرور) : صباحك اني وجمالي وقيافتي
احمد : شكد مغروره
زينب : ابوس روحي شكد جالطتك ههههههه
احمد باوعي صفح ما عاجبه " دولي روحي لبيت زوجج وبعد لا تجين لان ما نريدج
زينب : صباح الخير يل خير كله
الكل : صباح النور
ادهم : بسرعه استعجلن لان سراج برا ينتظركم خفن نفسجن وطلعن للولد عيب
زينب : اني جهازه ما عندي شي راح اطلع و من ميار تكمل خلي تطلع وراي
ادهم : تمام
زينب : طلعت وصلت يم السياره صبحت عليهم
سراج و ابراهيم : صباح النور
سراج : يلا صعدي بالسياره بسرعه
كمل كلامه ويأشر عليه " اگلك برهم هاي اختك هيج راح اخذها لأبويه
ابراهيم خرب ضحك " ههههههه ازمه وتعدي أجت اختها يلا توكلوا وسلمونه
سراج : الله يسلمك بس نوصل اتصل اطمنك
ابراهيم : بالسلامه الله وياكم
سراج : يلا خويه احنه نتوكل مع سلامه
ابراهيم : الله وياكم درب السلامه
زينب : صعدنا بالسياره ، التفتت عليه شكد نوصل
سراج : بعدنا بسم الله ههههههههه ورانا طريق طويل اذا تردون ناموا ومن نوصل اگعدكم
ميار : ماشي
زينب : اني ما انام حابه اشوف طريق لأنبار لان اول مرا اشوفه واروح الها
سراج : تمام يعني رفيق الدرب انت
زينب : طبعا رفيق الدري
_صدك سراج اسألك سؤال ياريت تجاوب بصراحه من زمان اني بالي هذا السؤال و بكل مرا اريد اسئل انسى بس دام ما عدنا شي و طريقنا طويل خلي اسألك
سراج : واني بالخدمه اي سؤال بالج اسئلي
زينب : تمام نبدي بالسؤال لأول
سراج : يا ستار دام بيها سؤال اول سالفه تخوف ههههههه
زينب : ههههه لا ما تخوف ليش تركت بنات عمك وبنات منطقتك واني بذات اختاريتني ؟
سراج (بـجديه) : دحكي لشبر ونص راح اجاوب ماكو بنيه بالدنيا مو حلوه رب العالمين من خلق الانسان صوره بأحسن الخلق واحلى هيئه
_ وبنفس الوقت خله بداخل كل جسم انسان قلب الي هو مصدر الاحساس الشعور لذلك گلبي هو سبب لـخلاني اترك كل هل بنات واركض ورا وحده مخبله وشبر ونص و كلهن لامتهن ما شاء الله ههههههه
زينب : حلووو نجي لسؤال الثاني
°°°°°°°°°°°°°°°°°°°°°°
ان شاء الله يعجبكم البارت
🎀لتنسون التصويت وتعليقات حلوه من ايديكم الجميلات
يوزر الانستا : heba_alsaadi04
#هبه_الساعدي