قسوة عاشق

بارت ٤٢

#قسوة_عاشق

الكاتـبة حفيدة ال؏ـبدالله

♕♕♕♕♕♕

حسابي الانستا @1a__84

♕♕♕♕♕♕

حبايبي لا تنسون التصويت بنجمة + تعليق بين الفقرات شكد متگدرون + متابعة للحساب

~ قراءة ممتعة ~
📜🤎

بيوم الي تطلع الحقيقة واكسر عيونهم راح يكون اخر يوم اليه بالانبار .

زهراء : لا لمار والله عمر يضيع بدونج .
لمار : عاش بدوني ٣٢ سنه يكدر يكمل حياتة بدون مايذكر حته اسمي

زهراء : حقج والله بس هوه هم خطيه... كلي الي سوا من حبه و غيرته عليج .

لمار : لا تبررين زهراء ابد ولا تحاولين تقنعيني لان اني عرف عمر شنو وشلون تفكيره صاير .
حتة بعد ما تكدر اتحمل اكثر لو مو مخافة الله جان ع ساعه وتلكوني مسوية شي بروحي واخلص من هذا العذاب كلة .

- لج شنو هذا الحجي شبيج لمار... ماكو ولا شي يسوه لو يستاهل تخسرين الدنيا والاخره علمودة .

- لا جان عمر يستاهل بس هسه لو اعرف اموت ماراح احاول حته محاولة انو ابررله او اثبتله اني بريئة
راح يجي اليوم الي يعرف هلشي وبوقته ماراح ينفعه الندم .

لمحت عمر مشه مثل الي جان يسمع علينه... طلعت الكيت مخلي كلاص الماي ع الميز الي بصاله عرفته سمع كل كلامنة .

ماهتميت لان جنت طاويه صفحة عمر... بقو عمامي يحاولون ويه عمر حته يعرفون شنو الخلا هيج يسوي بس جان رافض ابد ما جاب اسمي بالطاري .

لحد ماملو وبقو شهر يلا كدرو يقنعون اهل رائد و دفعو فصل الهم و خلو الامور ترجع طبيعيه وخلصنة من هاي السالفة.

بيوم جانو بيت عمي كلهم مجمعين بصاله واني بالمطبخ جنت احضر حلويات و نسمع صوت شي تكسر من فوك .

صاحت ام خالد : ولجن شكسرتن... محد جاوبت بس جان صوت نازك وامنة عالي يسولفن... ماجنت افهم كلامهن بس صوتهن عالي .

دقايق ونزلت نازك وكالت لفارس يوصلها لبيت اهلها
حاول وياها كالها وقت تاخر ماقبلت ابد تبقة ولا دقيقة وشكلها جانت محتقنه وكلش ضايجة .

حاجته ام خالد سالته صاير شي بينج انتي وامنة ما قبلت تحجي وكالت لا ماكو شي بس اني اريد ارجع للبيت .

بعده فارس وام خالد يقنعون بيها دخل عمر كالهم :شكو

فارس : نازك تريد تروح هسه لبيت اهلها اكلها ابقي لصبح ماترضة

عمر : دكوم يفارس اكلعها لبيت اهلها ماصدكنة تحس عله روحة وتروح .

هيه سمعت حجي عمر طلعت وكالت الفارس : انتضرك بسياره

فارس هم ماحجة شي اخذ السويج وطلع وراها .
عمر كعد ع التخم وصاح لمار ماااي... رحت اجيبله ماي واسمع امة تحجي ويا : شبيك يمة ويه بت عمك
طلعتها مهضومة .

عمر : يمة رحمة الاهلج تدرين بيه كلش زين نازك ماحبه ولا اطيقها شكو مخليتها كبال وجهي ليل نهار

بقت هيه تحجي ويا هوه جان ماله خلك حته يرد عافة وكام... جبتله الماي كالي : صعدي وراي للغرفة .

صعد الدرج واني ورا... هوه ماشاء الله سوه الدرج شبختين واني اتمشه عله كيفي ورا واحجي ويه روحي :يعني ما اخذ الكلاص وشرب ليش يصعدني ورا .

وصلت للغرفه جان بابها مفتوح... دخلت لكيته نايم عله وجهه فوك الجربايه . حاجيته هذا الماي

عمر : خلي ع طبله... خليته وردت اطلع حاجاني وهوه مخلي وجهه ع المخده : لمار نضفي الكنتور الملابس مشمره صايره .

لمار : ماشي ... كعد هوه شرب ماي و بقه منتجي ع تاج الجربايه و يتصفح بالموبايل... نزلت كل الملابس خليتهم ع الكرسي و طلعت الوصخة والنضيفة خليتهم بتعاليگ .

مسحت الكنتور من جوه و بقيت ارجع بالملابس كلها دشاديش و عبايات وبيهن رسمي .

واني ارجع بيهن اجت بيدي ملابسه الي جان لابسهن بيوم الملجة مالتنه... نتبهت اله مامغسولات بعده اثر الحمره بصدره من حضني و الدشداشه كلها لمع .

ماعرفت اوصف شنو شعوري بوقته بس بقيت اباوع الها و اذكر ذاك اليوم الي حسسني بس اني ويا بهاي الدنيا كلها وكان ماكو بشر غيرنه .

واذكر فرحتي الي جانت متنوصف بوقتها... ماحسيت عله روحي اله واني اقربها لوجهي حته شم عطرها
ما نتبهت لوجود عمر لحد ما مد ايده علية

حسيت گلبي فز من تقربلي ومد ايده ياخذ الدشداشة و كالي : يول هاي دشداشة خطوبتنه... ماعرف ليش رتبكت وكعت من ايدي قبل لا ياخذها .

ضل يتقرب مني وكالي : يولي مو بس الدشداشه وكعت كدامج اني كلي وكعت من دحكتج... بقيت مستغربة من كلامة .

ردت ابتعد حته اروح... هوه بقه يتقرب الي اكثر بقيت ارجع لوره شوي وافوت بالكنتور... خليت ايدي
عله صدره ردت ابعده حتة انزل .

واحس بنبضات كلبه كلش قويه تعادل دكات گلبي اذا مو اكثر منها بقت عيوني مركزه بعينه و عيونة مثل الي ذبلن .

سحبني الحضنه وسد باب الكنتور ورجعني علي حاوطني بايده ثنينهن... و بقه يبوسني من شفايفي
بقيت ماعرف شسوي ما نطيت اي رده فعل مثل الي اجمدت .

شوي وبعد مني و خله اصبعه عله شفايفي ويمسح عله كيف وكالي : بدل ملابسي تعالي وشميني اني حلالج
لو نسيتي .

ماجاوبته اي شي ردت اطلع رجع سحبني من ايدي ورجع لف ايدة الثانية عله خصري ويكولي : يول اني محترك الخلفوني من وراج .

بقه مخلي راسه بركبتي وحاضني... اخذت نفس وكتله : عمر ليش اذيتني .

تبعد مني وكعد ع الجربايه وبقه يمسح علة شواربة وكالي : لمار الدحكته مو هين

- بس هاي مو اني والله بشنو تريدني احلفلك .
- مرات اكول مو انتي لان اعرفج شنو بس ترجع غيرتي تغلب عله حبج... مو هينه رجال ايدحك صور مرته و يدحك تتمعشك ويه واحد ثاني .

- بعدك مامصدكني .
- تركي هذا الموضوع يابه... بقيت اباوع علي وطلعت من يمة بدون اي كلام .

بعد ماشفته لليل نزل سابح وكاشخ مر عله امة و كالها محتاجة شي و كالتلة اريد احجي وياك بقة كاعد يمها

رحت لغرفتي الي هيه مالت المولده جنت جايبه فراش من بيتنه وخليته بيها كعدت ع الفراش و افتح بشعري .

اباوع بالكاع خيال شلت راسي عمر حاجاني : يول شسوين هين .
- ليش شسوي غير هاي غرفتي او غرفة الخدامة
- لمار تركي عنج هل حجي وكومي للبيت هناك الج غرفة وكعدي بيها .
- لا هذا مكاني لليوم الي تعرف اني ماجنت غلطانة
و بعدها راح تخلص مني لا هنا ولا بالبيت .

كام هوه بسرعه وضرب بسبحة وكال يطبج مرض ابقي هين .

طلع حسيت بي يروح ويرجع ع باب الغرفة اخر شي راح سمعت سيارته من طلعت .

ثاني يوم رحت للبيت لكيت زهراء كاعده بصاله سالته شو محد بالبيت كالت كله طالعه... وسالته عن عمر كالت لتحق سبوع يلا يجي لان راح لكركوك .

كتله : خلي اخابر عمتي اسال عليهم... اخذت مبايله وتصلت جاوبتني بسرعه وكتله ليش مارجعتي كالت : بقيت ويه زينب كلش متعبينه اطفالها وام احمد مريضة ماتكدر اساعدها .

سالت عليه كتله : كلش زينه وماعندي شي ماردت اخوفها علية اكثر... ع الاقل تبقه اساعد زينب بجهال اني اكدر ادبر حالي .

سوينة ريوك اني و زهراء وكعدنه ناكل... مر اسبوع و عمر مانزل مخابر اهله ومبلغهم راح يطول عشر ايام .

جنة كلش مرتاحين نازك بعد ذاك اليوم ما اجت و امنه بس بغرفتها والي يشوفها يكول هموم الدنيا كلها عله راسها عيونها دائما حمر مثل الي باجيه تطلع بس تاكل وترجع... باقيه بس حلا تفتر بالبيت مثل الططوه .

يومين واجت خولة النه جنه مجمعين كالت : صدك خطبة لاركان وبعد ٣ ايام الملجة مالتة و مشيه الزلم
امنة بسرعه طفرت من مكانها و راحت لغرفته .

سالته علي كالت هذا حماي الصغير ابن عمي سلام
جنت اني ما اعرفهم لان كل اختلاطي بس ويه بيت عمي شهاب من اجينه للرمادي لليوم .

لليل اجة عمر جان مبين علي التعب وسهر... شفت حاله كلش متاذي دخل سلم علينه وكال حضريلي الحمام .

رحت حضرتله الحمام و ملابسه... صحتلة حته يجي يسبح صعد كوه يمشي ع الدرج كعد ع الجرباية ونام ضهره ع الجرباية ورجلي بالكاع .

كالي : لمار بس فتحي البصطال والله تعبان
- كعدت بالكاع نزعته البصطال... اشرلي ع قميصة
كتله : شبي

- كال فتحي... هم بقيت افتح بدكم مالته و نزعته شفته واشم بزنده وشم اسمي بس بالانكليزي و مبين علي جديد .

بقيت اباوع علي وادير براسي منا ومنا حته اقرا عدل... فتح عيونة وباوعلي مستغرب كالي : ها يول شدحكين

- هاا ااا لا ماكو شي ... ردت ابعد عنة ثبت اديه علة صدره وكالي متاكده ماكو شي

- اي اي ماكو
- يعني ما شتاقيتي الية... يحجي و يفتح بشعري خلا ينزل ع صدره وياخذ بخصلاتة ويشم

بقيت محتاره ماعرف شرد علي... ضحك بوجهي و كام باسني من راسي و طلع للحمام .

كمت بسرعه للمرايه اباوع لوجهي صاير احمر و احسه ناااار ماعرف شبيه بقيت شويه هدئت ونزلت... حضرتله العشة لحدمايكمل سبح و ينزل .

رجعت كعدت يم خولة وهيه اسولفلي عله خطيبة اركان وتحجيلي شكد يحبه وصارلة كم سنه واني مندمجة وياها... وكل شويه اكول الله شكد يحبه .

لحد ما صاحت بينه امنة : كااااافي شبيجن ماعدجن غير سالفة غير خطيبه صخام... بعدها تحجي فات عمر كال : هايول شبيج اصيحين ومنو خطيبه صخام .

يحجي ويباوعلي عباله تقصدني حاجته خوله : ماعرف شبيها اصيح يمكن ضاجت من كلامنة

امنة : اي كافي من اجيتي لسه ماعندج سالفة غير هاي

كعد هوه ع الميز وراحت اجيبلة العشة... كالها : يا سالفة

لمار : مو اركان خطب... بسرعة خزرني وكال شعرفج بركان

خولة : ماتعرفة اني سولفت الها... دنك راسه وضل ياكل... بعدين سالها منين خطب

- وحده يحبها
- بيها الخير

بقينه اني و خولة كاعدين نسولف شراح تلبس
وعمر كاعد يمنه يتعشه ويتصفح بالموبايل
كتله اني ماعندي شي البسه راد عمر يحجي فاتت حلا

- اكلج لمار كومي سويلي عصير
بسرعه عمر صاح بيها ليش بعد اخوج اديج مكسره ولمار اسويلج ذاك المطبخ وسوي سم وسممي .

طلعت من صاله بدون كلام... كالي عمر ليش تخليها تنزل من قيمتج وليكون جنتي تخدمية من اني مو هنا

لمار : محد نزل قيمتي غيرك... كمت واني دمعه بعيني .

فتت للغرفه شكد الله ذب عليه بجي كعدت ابجي لحد ما تعبت وراسي صدع نمت حسيت عله خولة تكعدني مارديت عليها جنت تعبانة .

رادت تطلع سمعت عمر يحجي وياها

- ها كعدت
- لا مارضت تكعد خليها يخوي تعبانة

- شلون اخليها هين
- ومنو مكعدها هين غيرك

- صار شكد اكلها رجعتي لغرفتج ماتقبل
- بس كل الي صار غلط عمر ضربتها وطردها و حته خليت الناس تسويها خدامها كلي تقبلها انته عله وحده من خواتك

- ليش اني بيدي دحكت صورها عد زلمة ثاني وحجي مايلبس علي ثوب هذا غير ال اووو اسكتي خوله ماتعرفين شنو غيرتي عليها ودي اذبح كل واحد يدحكها مو يكعد يتغزل بيها .

- هدي يخوي وتركها عله الله .
ثاني يوم كعدت لكيت خولة كاعده صبحت عليها و كعدت يمها نتريك

رادت تحجي ويايه عله عمر ما قبلت وكتله سدي السالفة .

رجعت سالتني : صدك لمار مو البارحة كلتي ماعندج شي تلبسي
- اي ماعندي وتدرين ما اريد انزع الاسود
- ماشي بس شتكولين عندي فستان لون رصاصي كلش حلو... اخابر ضرغام يجيبه .

- بس اني كتلج ما اريد انزع الاسود
- اي وهذا رصاصي لون مقارب وكلش حلو عليج يطلع... اتصلت عله ضرغام وكالها طالع اني ساعه واجيج .

كملنه الريوك وتنضيف يمكن اقل الساعه وتصل ضرغام راحت اله خولة جابته واجت جربته كلش حلو جان صدره يصير ع شكل سبعه و كصير وبي من وره تور كلش طويل يوصل للكاع ومن كدام لا يبقة كصير

نسقت ويا كعب ابيض و كتله حسوي مكياجي كله لون اسود واكسره بالحمره اخليها حمره او مارونيه

ثاني يوم راحت خولة لبيت عيالها لان باجر الملجة و وراها شغل هواية خلصت هذا اليوم واني ارتب بنفسي و سويت جسمي كله... حسيته صار يلمع لمع

كملت جسمي ورجعت لبست ثوب كصير... ردت البس ثوبي حته اطلع اول ما شلته وجان تطفر فاره من جوا واني بقيت اصيح و واكفه بمكاني .

ثوني ونفتح الباب طلع عمر بسرعه طفرت علي شالني بيده من الكاع واني اكله : هنا هنا خبصته حته بعد ما يشوف دربه ويصيح : يول شجالج شنو الكرصج

بعدين صحتله : لك هنااا هنا فاره ... اخذني عله كد عقلي وبقه يدور

- يول ماكو شي
- نزلت منه واني مخليه ايدي ع صدره واباوع بالكاع
وكتله : متاكد ماكو .

مارد عليه باوعتله صافن عليه رجعت باوعت لروحي يوووو هاي اني شلابسه بسرعه ركضت خليت ايدي علة عيونة واكوله الله عليك غمض

- هههههههههه يول مغمض ونته ساده عيوني ششوف بعد... ركضت البس بدشداشي وعيني علي خاف يفتح لحد ما كملت .

- يلا هسه فتح... فتح تك عين وكالي : يول شنو جنتي اسوين هااا

- اااا ما اسوي شي... وبعدين شكو طاب للغرفة هيج
- واني شفهمت صوتج هرجنة عبالي كرصتج حيه عكربة تالي تطلع فاره و المسكينه تخبلت من صوتج

بقيت اباوعله واسوي روحي ضايجة منه بس اريد اروح الفشلة مني طلع هوه بقيت اغم بروحي عله هاي سالفة... اخذت ملابسي ورحت للحمام اسبح

ثاني يوم كعدت من صبح لكيت الكل يجهز عمر وخالد و زهراء راحو قبلنه و فارس كال اني اجيب البقية .

لبست جبتي والفستان كلت هناك البسه حضرته وحضرت ويا الشغلات الي احتاجن ونتضرتهن يكمل
سمعت فارس يكول لمة شنو امنه ماتروح .

ام خالد : اي تكول مريضة ماكدر اروح... كملنة واخذنه فارس كعدت ام خالد بصدر واني وحلا بالاخير .

حاله تباوعلي ولعبانة روحة مني عبالك مكعده يمة فد شي يلعب النفس... كل شويه تباوعلي وتتافئف
طنشتها سويت روحي ما اشوفها .

لحد ما وصلنه لبيت عمي سلام جانت هاي اول مره اجي الهم بيته مايفرق عن بيت عمي شهاب هم جبير و تقريبا نفس البنيان بس بيت عمي شهاب شويه احدث .

اباوع جانت كلش هواية زلم بالباب و يطبخون والي يسولف واجوائهم مبينه كلش حلوه... نزلنه من سياره و فارس يصيح لحد اشيل راسه يمشي وينبه علينه .

دخلنه لكيت خولة و زهراء سوه بسرعه اشكلت وياهن
اجت نازك سالت ام خالد عله امنه وكالتلة مريضه هيه هم ماحجت شي بسرعه راحت .

من كملنه غده رحت بدلت ويه البنات ومكياج وترتيب شفت روحي طلعت كلش حلوه حته البنات نتبهن الي وكاللي .

لضهر وجابو البنية يملجون ابيت عمي لان بيتهم كلش صغير دخلنة يمهم بالاستقبال كله تركص وفرحانه بعدين اجة العريس حته يملجون طلعونة وخلوهم وحدهم .

من طلعت حاجيت خوله كتله حروح لغرفتج ابدل قبل لا تجي الزلم... نطتني المفتاح ورحت اول ما طلعت لاكاني وسام بسرعه صوفر وكال اوييييلي هاي منو .

واجاني صوت عمر يرعد من وراي نجب لك سافل بسرعه ندارله وسام و عمر جابه بوكس عله وجهه وكعه بالكاع... واجة سحلني من ايدي وبقه يغلط

صعدني سحل للغرفه بسرعة خلاني ابدل ونزلنة اخذني بالسياره وكل شويه و يجيبني بضربه عله راسي لحد مابقه خشمي ينزف .

ضليت مدنكة و مخليه اديه عله راسي خاف تجيني ضربه من عمر لحد ماوصلنه للبيت نزل فتح الباب و طبب السياره ورجع نزلني ويسحل بيه للبيت لحد ماوصلني لصالة .

لزمني من شعري وستلمني راشديات وانعل اهلج وصاقطه و الگح... اشرف منج و حجي ماعرف شلون يكدر ينطقه واني بس احامي بيدي ماكدر اسوي شي ثاني .

عمر : لج شلون طلعتي كدام الزلم هيج ما استحيتي ما خليتيني كبالج ما كلت اني شايله شرفه تطلعين مفصخة كدام خلك الله .

بقه يضرب بيه لحد ما بقيت اتقيئ وهوه تعب مني بقيت امدده ع الكاع وهوه كام كعد ع التخم ويغلط و يفتح بدكم دشداشته من عصبيته ختنگ .

بقيت بالكاع لحد ما بده جسمي كله يخدر اباوع اله رافع راسه ليفوك و فاتح ادي وحاطهن ع التخم منا ومنا... كمت كوه اجر بروحي بس وكفت حسيت الدنيا فترت بيا و وكعد .

فتحت عيني واني نايمة ع التخم و عمر يمي يمسح وجهي بخاولي صغير مبلله و يمسح بدم اول ما شفته
بسرعه لميت روحي وبقيت اصيح وخررر مني وخررر

بسرعه كام وكال وخرت يول بس اهدئي كام طلع واني كمت الزم بالحيطان لحد ما طلعت و وصلت للحمام سبحت و بدلت .

طلعت رحت لغرفتي بسرعه شمرت روحي ع الفراش وبقيت بس صافنة لاول مره ما ابجي حسيت حته نفسي تعبت مني عيوني بعد ما بيهن يبجن بقيت صافنة بسكف لحد ماغفيت .

للمغرب حسيت الباب نفتح ودخل عمر بقه كاعد يم راسي ويمسح ع شعري وكل شويه يتنهد... اخر شي تمدد يمي هوه جان بس فراش سحبني اله ونام اخذ كل المكان بضخامتة .

حضني بثنين ادي وبقه يشدد بالحضن وكل شويه يبوس راسي ورجع يخلي لحيته عله هامتي و نفسه كلش حالي بحيث اصعد وانزل ويه انفاسة .

بقيت ارجف وخايفة منة وخفت من ايامي شلون اخلصها ويا ما ينفهم ولا ينحزر... شوي شوي بدت انفاسه تهدئ عرفته بده ينام .

شلت راسي اباوعله شلون نايم وشلون انفاسه هادئه تقربت منة وبقيت صافنة بوجهه جان شكلة حلو وينحب حسيت هذا عمر الي حبيته بس منين جاي يجيب هاي القسوه كلها .

لليل يلا كعد اني بقيت عله نومتي لحد ماهوه بدة يكعدني ببوسات و يمسح ع شعري ويهمسلي : جمارتي يلا كعدي يعمري .

مابديت اي ردت فعل لحد ما بده يجرأ ب حركاته بسرعه كمت ونفرت منه

- هاي شجاي اسوي
- لمار والله مو قصدي ااذيج بس

- اشششش لا تكمل ما اريد اسمع منك شي وكوم اطلع بره... حاول ياخذني بحضنة بده صوتي يعلة
بسرعه دفعني وكام .

لثاني يوم الصبح طلعت اشتغل اغسل بالطرمة و مخليه الهتفونات بذاني والموبايل بصدري ماحسيت اله واحد هزني هز باوعت هذا عمر

- ها شكو
- شنو هذا... يحجي وياشر ع صدري

- شنو مافهمت
- لج لا طلعين جنوني عليج هسه هذا شنووو

- طلعته وكتله موبايل شنو
- من ويلج هذا اني مو كايلج ما تاخذينه

- شنو ما اخذه تره موبايلي... اخذه من ايدي و ضربه بالكاع خلا عشر وصل

دفعته وكتله : هاي عود ليش هااااا
- ولج وتعلين صوتج بعد ضربني راشدي

- ها بردت گلبك... اول مكلت هيج جابني براشدي ثاني و سحبني من شعري وكالي : اضاهر اني مو مال عيني واغاتي شمرني بالكاع ومشه .

راح طب للبيت... كمت رحت بدلت ملابسي و رحت للمطبخ واسمع امة تقنع بي يرحون يخطبون نازك بسرعه صرت كبالة واباوعله واني موسعه عيوني .

بقه يباوعله و يفرك براسه اخر شي تنهد وهوه يسمح عله شواربه وكالها : يمة الي شوفينه صح سوي
.
.
.
.
.
.
.
يتبع تصويت⭐⭐ فضلا