قسوة عاشق

بارت ٤٦

#قسوة_عاشق

الكاتـبة حفيدة ال؏ـبدالله

♕♕♕♕♕♕

حسابي الانستا @1a__84

♕♕♕♕♕♕

حبايبي لا تنسون التصويت بنجمة + تعليق بين الفقرات شكد متگدرون + متابعة للحساب

~ قراءة ممتعة ~
📜🤎

-

‏لا تنتظر منيّ وصل ، لا عاف قلبي ما يحن "

....................................

تحركت السياره وبدت تبعد وملامحهم بدت اصير مو واضحة ردت التفت نتبهت عمر طلع للباب و عينه بقت ع سيارة فززني گلبي و احس نبضاته صارت

مسموعه بسرعة ندرت عن الجامة وبقيت لازمة گلبي مثل الي اطمن بي انو حياتنه الجايه احسن ولازم نتعاون اني ويا ونعدي هاي المحنة الصعبة .

بقيت مغمضة عيوني واحس دموعي نزلن بدون لا حس سحبت ايدي زينب وباسته وخلته بين اديها و طمن بيه الي سويته هوه الصح .

بقت تسالني ع الايام الي مريت بيها واني اجاوبه
واسمع ابو احمد يتنهد وكال : ابوية انتي دام راسي يشم الهوا والله ما اخليج تحتاجين احد .

جان يحجي و يباوع عليه بالمرايه... كلامة جان بي كميه طمئنينه الجنت محتاجتة بسرعه بجيت .
ابو احمد : لا تبجين بوية دموعج غالية بنيتي

اني الله مارزقني ب بنات ونتن ان شاء الله بحسبت بناتي والله ما اخليجن بيوم تحتاجن واحد واني ابو احمد وعد كلمتي وتثبتلج الايام .

فرحت بكلامة بعدين تجيت راسي عله متن عمتي وغمضت عيوني جنت اتامل انام و يرتاح راسي شوية من تفكيره لان كلش تعبني .

كعدتني عمتي فتحت عيوني جانت السياره داخله بكراج بيت ابو احمد نزلت تلكتني براء حضنتني و
بقت تحجي ويايه دخلنة لكيت ام احمد نايمة

عله جربايته دنكت سلمت عليها... و زينب جابت جهالها جانت اعمارهم تقريبا ٨ اشهر صايرين يكعدون
و يفهمون بقيت ابوس بيهم ومن اسمع اساميهم

اذكر ماما وبابا... بقت براء تسالني وهم لازم اجاوب وينعاد كلشي كدامي بقيت ابجي ام احمد تباوعلي
و صاحت ب براء : ولج يمة شجالج تركي البنيه .

كومي يمة لمار كومي اسبحي ورتاحي تبقين ورا براء ماتسكت لباجر... بتسمت الها واني امسح بدموعي
كمت اريد افتح الجنطه حته اطلع ملابس

كالت زينب : عوفيهم حبيبتي اني اجيبهم وراج
رحت للحمام سبحت وكملت... من طلعت لكيت عمتي منومة علاوي بحضنة وتسوي بالخضره هيه

وام احمد و براء وزينب يطبخن وفطومة تلعب يمهن
رحت كعدت يمهن و بقيت اذكر ايامنه من جنه هيج نلتم و بيبي وامي موجودات بينه و ويانه .