قسوة عاشق

بارت ٤٥

#قسوة_عاشق

             الكاتـبة حفيدة ال؏ـبدالله

♕♕♕♕♕♕

حسابي الانستا @1a__84

♕♕♕♕♕♕

حبايبي لا تنسون التصويت بنجمة + تعليق بين الفقرات شكد متگدرون + متابعة للحساب 

                  ~ قراءة ممتعة ~
                          📜🤎

اصيرا ريح اذا بيكم تشب النار واجملكم حطب لو رتو تطفون .

خولة : يولي دورت البيت كله وماهيه .
زهراء : شنو ماهيه سالتي عمتي
- لا امي رحت اله لغرفته جانت نايمة .

- عجل وين راحت ؟ بقينه محتارين نتصل موبايله تاركته بالبيت… كالتلي خولة روحي كعدي عمر وكليله واني رايحة اكعد امي .

رحت صعدت لغرفة عمر لكيته نايم و مخلي المخده ع راسي كعدت يمة واخذت نفس وبديت اكعده… اول ما شافني بتسم وكالي : هايولي شتاقيتيلي

- مارديت علي بقه يباوع بوجهي عرف اكو مصيبه .
بسرعه كالي : شكو لمار لونج مخطوف… بقيت محتاره شلون افاتحة واحجيله الي صار .

- ااا عمر تكدر تنزل اهلك جوه محتاجيك… كام وكف ع حيله وجر فالينته ولبسه وهوه يحجي وياي
شبيهم اهلي احجي لمار .

- مو امنه… تقربلي حيل وكال : شبيها امنه احجي
- ماعرف بس جاي ندورها بلبيت ماكو و موبايله تاركته… وكل اهلك بالبيت محد طالع ونكول رايحة ويا .

بسرعه طلع من الغرفة ويصيح شنو ماكو وين تروح
ويصيح ل امة… نزلنه جانت ام خالد كاعده ع القنفه ومبين وضعها متخربط  ويمة زهراء شايله كلاص الماي .

وخولة تخابر وتفتر… طلع خالد من الغرفة و هوه يلبس بدشداشه… ويكل لعمر بسرعه البس ولحكني البيت كله انخبص خابرو عله بيت عمهم مارايحة الهم .

خالد شغل سيارته وطلع وعمر صعد يبدل… ام خالد جانت تحترك من جوه بس ما تبين عله نفسها بس كل شويه وتضرب عله رجلها لحد ما طلعو الولد .

بقت اصيح… عرفتها مو خاليه هذا تغيرها وحبستها بالغرفه ورا شي… احنه بس ندعي و وحده تباوع بوجة الثانيه بعدين ام خالد كالت لخولة تتصل ع

نازك… اتصلت عليها و اخذت الموبايل وراحت لغرفته… بقو كل شويه يتصلون عليه يسالون خاف رجعت للبيت ونكولهم لا لسه ماكو .

وقت الاذان اجة عمر للبيت كال فريت بيوت اعمامي كلهم ماهية ولا واصله لبيت واحد منهم… هيه جانت اصلا ماتطلع وحدها لان ميقبلون وحده من بناتهم

تطلع وحدها الة وياهة واحد من اخوانها لو امها
مدورها بكل مكان مالاكيها بس ماكايل الهم جاي يدور عله امنه مايردون السالفة تطلع .