قسوة عاشق

البارت ٣٤

#قسوة_عاشق

             الكاتـبة حفيدة ال؏ـبدالله

♕♕♕♕♕♕

حسابي الانستا @1a__84

♕♕♕♕♕♕

حبايبي لا تنسون التصويت بنجمة + تعليق بين الفقرات شكد متگدرون + متابعة للحساب 

                  ~ قراءة ممتعة ~
                          📜🤎

اجة اليوم الي نروح بي لخواتي كعدت من صبح وكلي نشاط… دخلت للحمام سبحت وحضرت نفسي و بقيت انتضر اهلي يكملون حتة نروح

اجة خالد حته ياخذنة…  واحنه اخذنة غراضنه وطلعنه… حسيت الطريق كلش طويل اول ما اجيت للرمادي وجان عمر ويايه ماحسيت بكل هلبعد

بقيت مغمضة عيوني لحد ما نمت… كعدتني عمتي فتحت عيوني جت ع بيته بسرعة نزلت دموعي
اجت بالي كل ذكرياتنة… اجة ع بالي وكت جنه صغار و نلعب بالباب… ابوية من جان يكعد هوه و رجل عمة العصريات و يلعبون دومنة لو يشربون جاي

فرحت برجعتي و بنفس الوقت صارت غصة بكلبي لان رجعت لمكاني الاحبة بس اهلة صارو كل واحد بمكان

دخلنة للبيت وجان كلشي نفس مكانة… كعدت بيبي ترتاح ورحت اجيب ماي الها ولخالد بعدها رجع للبيت و حنه نمنة للعصر كعدنة تحضرنة لان جانو بيت ابو احمد عازمينه ع العشة

رحنة الهم وستقبلونة احسن ستقبال و السفره ولله الحمد مدوها جانت مناقصة شي كعدنه احنة ناكل و ويانة ام احمد

ام علي : سفره دايمة حبيبة… الله يزيدها عليكم
ام احمد : الف عافية حجيه

براء : ها بيبي شرايج بالدولمة هاي اني طبختة
ام علي : عاشت ايدج يمة… عفية هيج اريدج ام بيت

ام احمد : اي والله البنات شايلات عني البيت من زوجن لسه مامديت ايدي عله شغله الله عوضني بيهن عن البنات الي الله مانطانياهن

زينب : الله يخليج النه يمة ولا يحرمنة منج
فاطمة : اي يمة عفية اني اريدجن تبيضن وجوهنة يم عمتجن وعمجن صيرن حبابات و ما اريد بيوم اسمع بيجن زالات وياهم

لمار : سحبت براء وكتله : ها ولج ام كفشة البرتقالية صايره ام بيت ويمدحون بيج

براء : نجبي لمار كوه لازمة روحي لاطلعين الخبلة الجواي 

زينب : حقيرات شجاي اسولفن بدوني
براء : لج سكتي اختج لا اتخبل عليها ونتفشل كدام العالم

زينب : هههههه… سكتي يمعوده لا تطلع براء القديمة
وهيه هنا عبالهم عاقلة ويحترموها

لمار : هههههههه… طلعنة غاشين العالم بهاي الخبلة والله لو يشوفون قبل كفشتج البرتقالية شلونة من تكعدين الصبح