قسوة عاشق

بارت ٤٩

#قسوة_عاشق

             الكاتـبة حفيدة ال؏ـبدالله

♕♕♕♕♕♕

حسابي الانستا @1a__84

♕♕♕♕♕♕

حبايبي لا تنسون التصويت بنجمة + تعليق بين الفقرات شكد متگدرون + متابعة للحساب 

                  ~ قراءة ممتعة ~
                          📜🤎

مـن التناقضـات المثيـرة الـذي تصيبـنا
بقـدر مانحتـرق م ـن الداخل نـزداد بـرودة…

حلا : هاي شبيك ما شوف انته .
اخذ نفس عمر وزفره حيل و بتسم كالها : اني اعمة انتي عيونج وين ؟؟

دفعته حلا من ايده و حجت : دروح مابقة علية بس العميان… ماحسيت عله نفسي اله واني فوكاها و اجر بشعرها وبقيت اضرب بيها وهيه بس اصيح .

عمر بقه لازم بالحايط ويصيح : تركيها لمار .
عله صوتها صعدو النه اجت ام خالد و زهراء تريد تفاككنه كوه خلصنها من ايدي

طلع فارس من الغرفة جان نايم صاح : شكو شنو هاي المهزلة… هيه اول مسمعت صوت فارس راحت ركضت اله وختلت ورا ولازمة بيده .

فارس : شكو شبيجن
حلا : دحك فارس لمار شسوت بيها تحجي وتراوي بشعرها .
فارس : ليش هيج لمار .

عمر : خوية اترك السالفة شغلة حريم ماندخل بيها
لمار : لا عمر خلي يعرف… تعرفني فارس اني ما اغلط بحق احد .

ام خالد : ولجن يمة شجالجن
لمار : تقبلوها تكول ل عمر مابقه علية بس العميان و دفعه

بسرعه فارس جراها من ورا وصاح بيها : صدك يولي هلحجي .
حلا : لا هاي اجذب ماحاجيته شي هوه نضرب بيه و صارت حركت ايده مو حلوة و دفعته

صاح عمر : يولي اني الي حركتي مو حلو صح انج بلا تربيه ولا عندج ذره اخلاق .
مانسمع غير بس صوت الراشديات ضربها فارس و كعها للكاع .

فارس : فوك شينج كواه عينج تتبلين عله اخوي تحسبيني راح تمشي عليه دروبج هاي… يحجي وهوه يضرب بيها راحت ام خالد لزمته كوة وخرته منها .

هيه بسرعه لمت روحها وركضت للغرفة و قفلت الباب… بقه فارس يهدد ويتوعد الها اذا عادت نفس الغلط .

و اجة لعمر باس راسه وكاله احسبه عليه
اخذت عمر ودخلته للغرفة جان كلش عصبي جسمة كله يرجف من الاعصاب بس يحاول ما يبين هلشي .

بقه مخلي ايدي ع ميز المرايه و منتجي… رحت حضنته من ضهرة و ايدي ع صدره احس بنبضات كلبه كلش قوية بقيت حاضنته حيل هوه نزل راسه عله راسي .

بقيت هيج وبدون ما احجي لحد ما حسيت نبضه بده يهداء سحبني من ضهره وحضني لصدره
عمر : يولي ماعرفتج صايره عراكة ولا تنكدرين