ماهر:ايييه شكون مسودة السعد هادي؟؟
مازن:هههه نناك قول المزهرة مشاء الله وزهرها يكسر الحجر
ماهر:اممم كي شغل صح هيا انطق .
تبسم بحشمة وحك نيفو:احمم تعرفها نتا
ماهر قطب حواجبو ويتفكر حتى فرد مرة وقف:احححححبسسس....متقوليش نسيبتي؟؟
مازن تبسم :جبتها بابابابابابا
ماهر:هههههه وأخيرا جات اللي تبردلي قلبي فيك نسيبتي واعرة مشاء الله هي تريقلك هههههه
مازن:ههههههه ايا قود عليا رايح نرقدماهر:شكون راه في بيت شكون يا الفاايق ..ايا طير لبيتك
وقف وصل للباب ودار ليه يتبسم:مااهر..مرسي خويا
ماهر:هههه بلا مزية خوو هههه
خرج وخلاه قاعد وحدو يتبسم ويشوف فالبالكون ضو القمر ضارب فيه
ماهر:ههههه والله ودارتها أختك يا ايلين وطيحت خويا هههه
نروحو للقلوب اللي تلمت بعد كامل هاد العوام سمير قاعد مقابل عصماء ويشوف فيها بسكات ايلين مسامية عصماء وساكتة تاني تهرب في عينيها بيناتهم حايرة فوش تقدر تدير باه تكسر السكوت هدا حتى دخلو عليهم
جان:السلام عليكم
سيليا:السلام
وقفت عصماء لجان سلمت عليه و حكمتو من يدو وقعدتو قدام باباه وقعدت بحيث جا جان وسطهم وسيليا قعدت بلاصتها قدام ايلين
ايلين توشوش لسيليا:سيلوش جان لباس؟؟
سيليا:معليهش مزال في الصدمة مي يفوتها حاولت نبينلو الجانب الايجابي من الحكاية ونشالله تفوت الليلة هادي على خير
ايلين:ان شاء الله
سمير جبد نفس وخزر فولدو حاكم فيديه:جاان وليدي علابالي صعيب عليك وراك مصدوم كيفنا كامل صح بلاك تقول نتا كثر علينا مي والله يا ولدي رانا كامل مصدومين
جان:ايه فهمنا بلي مصدومين.. مي فهمني علاه مصدومين؟ وعلاه عيشتونا فكامل الشي اللي فات باه نتصدمو ليوم؟... حياتي كامل عايش بلا أب تجي في دقيقة تقولي باباك اللي حياتي كامل حاسبو ميت تقدر تفهمني علاااه؟؟
سمير:جان صح لحكاية صعيبة عليك راني عارف مي حاول تفهمني يا ولدي كنت مجبور
جان:با...عمي قولي علاه كنت مجبور قولي ..والله ولكان نقدر نعاونك قولي بررك علاه حياتي كامل ظهرت كذبة بعد هاد العمر كااااامل 27سنة من حياتي راحت فكذبة ..راحت وأنا نخبر في روحي حاجات غالطين غير باه نتقوى ونبني روحي ...رااني رايح نهههبل انطقووو وشبيكم سكتوووو؟؟؟
ايلين زيرت على يد سيليا تعرف جان ما توصل بيه يعيط غير وقت تكون واصلة بيه للطوب بيسك طبيعتو هادئ وكالم وميحبش يتعصب
سيليا غير تتفرج هي تاني حابة تعرف لحكاية
عصماء دموعها رسممو طريق تشوف فولدها وراجلها هكا حاجة صعيبة عليها
سمير منحكيوش عليه حالتو حليلة يلم فالكلمات باه يقدر يقولو لحكاية كاملة
سمير:آااه ..جان ولدي منقدرش نحكيلك لحكاية ليوم خليها ليامات تبرد الحالة ونهدرو يا ولدي
جان وقف:أوك مدام ماش حاكيين أنا خارج وغدوة نتلاقاو فالشركة وعندك تقول أنا ولدك متنساش لثم أنا نكون راجل ايلين ونتا باباها (خرج وخلاهم )
عصماء وقفت ملسوعة:كيفاه ؟؟وش راه يقول جان كيفاه راجل ايلين وانا آخر من يعلم
ايلين وقفت :خالتي سيليا تفهمك لحكاية أنا بش نلحق على جان ومشات تجري وراه
سيليا وسمير قعدو عصماء
سمير:عصماء يا روحي اهدي لولاد مش متزوجين صح هادي كامل خطة باه نردو حق ايلين وبنتها
حكالها خطتهم وحكايتهم وسيليا خرجت ورا ايلين وجان
جان جا يركب لوطو لقا ايلين ركبت من قدام معاه وسيليا لحقت من اللور
جان:ويين راايحين نتي وياها؟؟
سيليا تبسمتلو بتبهليل:رايحين معاك هههه
ايلين:ايه رايحين معاك
جان (زير على الفولون وتنهد ونطق):لبنات اهبطو منيش حاب نغلط فيكم
سيليا:جان والله ومتدينيش معاك غير تدي الكف تاع قبيل اللي بقيت تتحسر عليه
ايلين دارت ليها مصدومة:استنااي نتي وشمن كف؟!
جان ديمارا بيسك يعرفهم كيفاه ييبسو روسهم:هههه والله يا ايلين ختك قبيل شوهت للسيد وجهو بواحد الكففف منحكيلكش راحت نص حياتك كي مشفتهيش
ايلين وسيليا شافو فبعض وتبسمو فرحانين بضحكتو
ايلين:ههههه خاطيك ياما شفتها تضرب وتشوه فالعباد فلندن
جان ضحك من قلبو:ههههههههههههههه والله وحسبتها غير هنا طلعت وااعرة ههههههه
سيليا:ههههه ايه ومالا ,كمل طريقو للبحر للحبر يستمتعو بهدوئو المخلط بنسمة هدوء الليل وصفاء السما ونجومها قعدو معا بعض زمان يحكيو ويضحكو كل واحد نقص عليه همو شوي ورجعو للدار بيسك جان قال من ليوم باه يبقاو فدارهم
عصماء وسمير كانو قاعدين فالصالون يستناو فالولاد يجيو حتى سمعو حس اللوطو عرفوهم رجعو
سمير ديراكت وقف للباب فتحو لقا جان فوجهو
جان توله للمعة الحزن اللي في عينيه حب يخفف عليه يبقا باباه وميقدرش يشوفو هكا حضنو بالزربة مع تبسيمة خفيفة وفات عارضتو فالطريق عصماء سلم على راسها تاني وفات
عصماء جات باش تلحقو حكمتها يد ايلين
ايلين:خاالتي تفهمي حالتو راه محتاج يبقى وحدو ويخمم شوي
سمير:ايه يا عصماء خليه راني فاهمو
سيليا غلقت الباب ووقفت قدام سمير يدها على كتفو:عموو راك فرحان بيسك رجعلك ولدك ومرتك؟؟
سمير شاف فيها وعينيها مدمعين فهمها خافت تروح بلاصتها قرب حضنها وهي ديراكت تلاحت عندو تشحق:هههه اش شكرودة من نيتك تخممي بلي غير لقيتهم ننساكم نن مكانش منها صغرونتي بركايك البكا
عصماء حضنت ايلين اللي مام هي دموعها طاحو وهي تشوف فصاحبتها فاهمتها وفاهمة اللي بيها
سيليا:عموو متخلينيش عييشك تعرفني نخاف من الوحدة ومعندي غيركم فالدنيا كن تروحو عليا نتوما نموت والله نمووت اهئ اهئ
سمير:اش سيليا بنتي بركايك وش هاد الهدرة أنا هنا ديما معاكم يا بنتي نتي وايلين بناتي كي لبارح كي ليوم يا روحي اوك؟؟
سيليا:اممم اووك
سمير:ههه ايا روحو ترقدو عصماء وجدتلكم بيت ترقدو فيها
عصماء:ايه يا لبنات ارقدو فديك البيت وغدوة نوجدولكم البيوت الفارغة لفوق تبقاو فيها
ايلين باستها لراسها:يخليك يا غالية
عصماء:بلا مزيتي صغرونتي ألوونة
وفاتت هاديك الليلة بسيف على أبطالنا كل واحد يخمم فمصيرو وحياتو منا ورايح جان يخمم أسكو يفرح بيسك لقا باباه ولا يحزن بيسك حياتو كانت كذبة معليش كلشيي للوقت ,مي اللي باتت ليلة كاملة تبكي على حياتها منا وجاي ومصيرها من جيهة فرحانة بيسك حياة اللي دايرين بيها تصلحت ايلين بش ترجع لبنتها وتعيش معاها الفرحة اللي انحرمت منها ,ونفس الشي جان وسمير اللي كان باباها وكانت ديما تقرا الحزن فعينيه عليهم عكس ليوم وهو فرحان بيهم وبرجعتهم,وهنا المشكل لو يفيق بيهم مارك يادرى وش يقدر يديرلهم خايفة يقتلهم ويدمرهم بسبتها أصلا هو هنا علاجالها كيفاه لقاها معرفتش ,المهم بسبتها يقدرو يتقاسو وهاد الفكرة تقتلها ألف مرة كيما قالت ولات تخاف من الوحدة وتخاف يبعدو عليها هي والو بلا بيهم
فاقت الصباح شافت فايلين تحط فمكياج باه يروحو للشركة
سيليا:صباح الخير
ايلين:صباح النوور ازين لباس؟
سيليا::لباس ونتي؟
ايلين:الحمد الله..نوضي ألبسي وهيا
تبسمتلها ووقفت للدوش تغسل وتلبس اصلا ترد حوايجها تاع لبارح بيسك قشهم بقا في لوتال اللي كانو فيه
فاق الصباح بعدما جاب ليلتو كامل يخمم فيها وفي كيفاه رايح يقدر يتحكم فمشاعرو من جيهتها منا وجاي وميغلطش معاها فات غسل وخرج لقاها قاعدة فوق سريرو وتخربش فتلفونو
مازن:ايييييهيييه لالة وش راكي ديري هنا؟؟
لينار هزت راسها بشوي وطيشت تلفونو بعيد:ااه؟والو هههه جيت نشوفك برك هههه
مازن:حطي الزمر من يديك زعما رجلك مكسرة وحالتك حالة ومزلتي تتهدي جامي تركحي نتي امم؟؟
لينار:خاارجة ليك الله غالب ههههههههه
مازن جرا ليها وبدا يدغدغ فيها:هههه صار يا الكلبة هههه لياا يااك؟علاه انا اللي جبتك؟؟ههههه
لينار:هههههه آآيي رجليي
مازن بعد مخلوع يتفتف فيها:اسمحيلي اسمحيلي راكي لباس حبيبتي تقصحتي بزااف؟؟
لينار شافتو مخلوع تبسمت بشوي:هههه ايه لباس لباس مقستنيش برك درت هكا باه تحبس
مازن: اووووف الحمد الله نتي اللي جبتيها لروحك وش كنتي تديري فتليفوني؟
لينار:كنت نلعب هههههه توحشت اللعبة تاعي
مازن:امم تعرفي انا الغالط مخليلك ألعاب ليك سبيسيال والكود ونزيد نتشكى والله روعة هادي
هوما هكاك ويدخل ماهر
ماهر:صباح الخير يا العبرية تاعي فت لبيتك ملقيتكش عرفتك هنا (قرب قعد قدامها)لباس صغرونة؟
لينار:الحمد الله بابي ونتا؟
ماهر::لباس بشوفتك حبيبتي
مازن (يشوف فماهر وهاز حاجبو فيه):وشوووفتي تااني ..وشبيك صاحبي داخل لبيتي لا سلام لا كلام وتصبح على بنتك كلي بنادم كاااامل مكاشو هنا
ماهر:ههههههه علابالي بيك لباس من ليلة لبارح متخافش(غمزو مع كمل كلامو)
لينار ضيقت عينيها:علااه وش صرا لبااارح؟؟؟
شافو فيها للزوج وتبسمو تاع حصلنا هوما هكاك يخممو فجواب وتلفون مازن صونا تلاحت ليه لينار
لينار:مازن تلفونك مكتوب جانير
مازن تلاح للتلفون ثم ثم بربثة على وجهو :اوك صحيتي الزين اهبطو تفطرو ضك نلحقكم
لينار:تزعيكة بلانديراكت هادي عميمو ههه
ماهر مركز مع ربثتو:مازن كاش ما كاين؟
مازن:نن والو غير نلبس ونحكي مع صحبي ونجيكم
ماهر هز لينار وهبط للفطور كي العادة يتلمو كامل باه يفطرو
مازن:ألوو
جانير:صباح الخير حظارات
مازن:اهلا الصحبة لباس؟
جانير:لباس...راني رايح ضك نهز ختي ونهبط للجانوس باه ندي وصف السيد قلت بلاك تحب تجي
مازن:وي درت مزيا كي خبرتني ابعثلي البلاصة ميساج ضك نجيكم
جانير:اوك تهلى..السلام
كوبا دار برفانتو ومشط شعرو وهبط لابس ومحطحط الله الله
لبسة مازن
قاعدة فطابلة لفطور وتستنا فيه يدخل عليهم ستناات ستناات والو غير هبطت راسها مع صحنها صونا لباب ناضت تجري
نور:انا نفتح
مجيد:بعقلك برك لباب مش هارب
فتحت لباب لقاتو واقف في وجهها ويتبسم تلاحت ديراكت تسلم وتحضن :خوويا الزين توحشتتتتك
جانير يمسح عل ظهرها:ياا قولي والله الله غالب أنا متوحشتكش
نور هزت راسها مخنزرة فيه تبسملها ثم ثم
جانير:يااو مت من شوقي باه نشوفك ههههه
نور:هههه وانا اكثر يا روحي وصغروني
جانير:اا يرحم باباك بلا صغروني هادي راني كبير ...وزيد مخليتني فالباب هاا دخلييينا
نور::افف تموت وتخرب اللحظة فوووت اتفرج فالحيوط كي مكفاتكش خليقتي
جانير دخل وهي تمشي وراه:هههه علاه وش فيها خليقتك يعجب باه نبقى نتفرج فيك
نور::جااااانييير والله ومتسكتش هنا نطيرلك سنيك
جا يهدر قابلتو أمهم
ملاك:أهلا بيك وليييدي ووقربت تسلم عليه
جانير:بيك يما مرسي (وباسلها راسها)
مجيد وقف فالباب يتفرج فيهم:أهلا بيك سي جانير
جانير شاف فيه شوفة باردة وحكى بصوت هاادي يدخل الشك للمستمع:بيك سي بابا
مجيد قرب ليه:خير شايف لسانك متبري منك على صباح ربي وعلاه مخلي خدمتك وجاي تتفرج فينا
نور قربت لجانير ولفت يدها على كتفو:هادي دارو ويجي وقت اللي يحب ويشوف وش يحب وواحد ما عندو الحق يمنعو ولا يحاسبو (تحكي بصوت كلو قوة هادي قوة الأخت اللي توقف فوجه كلشي مع خاوتها)
مجيد:طواال لسانك بلاصة متبقاي تتلغببي وتكسريلنا فروسنا هنا حوسي على خدمة كيفو وفيدينا
جانير يحكي ويرص على سنيه يحب يصول السيريو اللي في صوتو:نن مكااانش منها نور تبقى تقرى قرايتها وأنا نخدم عليكم لوكان تخمم تخدم نور نهزها ونروحو بعيد وعمرك تحلم تزيد تشوفنا يا السي بابا
ملاك:لولااااد خلاص وشبيكم هدا باباكم احترموه مااالكم؟؟
نور/جانير:حتى يدير واجباتو ويكون أب صح وقتها نعرفو نقادروه
جانير:نور روحي تلبسي نوصلك لقرايتك ونروح
نور:اوك
ملاك:خليك يا جانير هدا وين جيت
جانير هز راسو فباباه اللي يتخنزر ويرحي في روحو من بعيد تبسملو يكمل عليه وردلها:كاين شكون مش عاجبتو قعدتي هنا دونك نهز ختي ونخرج متخافوش
مجيد:أحسن ما تعمل
نور هابطة فالدروج لابسة وهازة عدة الرسم تاعها:هاني واجدة جانير هيا
كانت لابسة هكا
تبسم ووقف :هيا ختيتو
دورت يدها على كتفو كي عادتها من صغرو وخرجو مع بعض
حكمو طاكسي وديراكت للاجونس
نرجعو للشركة كانت فيها غير العمال وايلين وسيليا وجان وسمير عيلة عمراني واحد ما بان منهم ماهر يومين غايب والفوه مي ثاني والفو مازن هنا وليوم كي ملقاوهش توترو شوي مي ركزو مع خدمتهم وخلاص
قاعدة تكمل فاللمسات الأخيرة تبسمت برضى بيسك كملتو قبل الوقت وزيد جا معدول وباهي
ايلين:هههه برافو عليا
.....:هههه علاه وشمن جبل طلعتي؟؟
هزت راسها قابلتها واقفة ومربعة يديها
ايلين:الجبل اللي كاش نهار يطيح فوق راسك نشالله مييس ميرال
تبسمتلها بغرور وقربت قعدت مقابلتها
ميرال:ههههه مشكيتش علابالي ظهر حبيبي مهروش رايح يكون ديما مغطي عليا
ايلين:هههه يعني ترضايه يتقاس باه تبقاي بخير واااو ونعم الحب علابالك؟
ميرال:ايه علابالي هزت راسها لقاتو جاي يمشي جيهة بيروه بكل وهرة :آآاااه حووبي هاو جاا
ايلين هزت راسها فيه قابلها واقف ويشوف فيهم مستغرب كيفاه هوما للزوج فرد بلاصة شوي ولقات روحها تشوف في ميرال مكبشة فيه زي القردة فالشجرة ركزت عينيها في عينيه اللي كانو غايسين فيها كان باين تاعب ومهموم سير غيبتو مكانش وراها خير هبطت راسها والدمعة فعينيها وتحاول تكالمي يدها اللي بدات ترجف وهي تشوف فيه هكاك حالتها هادي تجيها غير وقت توصل بيها للطوب منو وبسيف تكالمي روحها ماهر فهمها بعد عليه ميرال ودخل لبيروه يشوف تحت شوافرو وهي لاعبة روحها مع تصاميمها وجا بين سمعو هدرة مازن(وضك وهي رجعتلك رجعها ورجع عايلتك يا ماهر )تنهد من عروش قلبو ميقدرش وميقدرش يردها ليه بيسك حياتهم أولى عندو.من واه قاعد يحميهم ؟وعلاه مخليهم بعاد للآن؟ الله أعلم
جان قاعد فبيروه ساهي فخدمتواومحاول يتناسا قصتو بيها حتى صونا تلفونو:وي ؟
....:جان صحبي اللي كلف صاحبنا يحوس على خبارك اسمو ماهر عمراني ونتا قتلي خليه يوصلي يعني شوي معلومات عليك راهم واجدين تحب نوصلوهملو؟؟
جان:امممم أوك خليه يوصل لوش حابو أنا يوصل( كوبا وتبسم):خلينا نشوفو قدراتك اللي بيها دمرت ختي ....زعما علابالو بخدمة خوه؟كن جا عارف راه طلب معونتو هو مش براني يعني مش عارف..مليح مع ليام نشوفوكم يا عايلة عمراني وش وراكم.
هبطت تهز coffe وترجع لبيروها ماشيةجيهةالسونسوروتلفونها فيدها حتىفيبرا فيدها شافت لقات ميساج من رقم مجهول"خلي عينيك على بنت أختك منا ورايح....مدام عرفتي بيها ردي بالك تخبري أمها نقتلها ونقتلك سااامعة؟"
سمعها انشل وعقلها غاب وش هدا الميساج ومن مين؟وعلاه ليها وشكون عرف؟طلعت فالصونسور بزربة لبيروه تحب تأكد شكوكها
غير وصلت لبيروه لقاتو فارغ خبطت الدوصي اللي كان قدامها وهزت تلفونها تحوس على نمروه
نرجعو للاجانوس قاعدة ترسم ومركزة والسيد يوصف في كامل التفاصيل حتى دخل عليهم
مازن:السلام عليكم
جانير شافو تبسم:مرحبا حظارات مازن
مازن تبسملو وقرب خربش على شعرو وشاف فالبنت الشهبة اللي قاعدة ترسم:هادي هي أختك؟
جانير:ايه مازن
قرب ليها مركز مع رسمها مالقري رسمت غير نص ومزالت مكملتش الصورة الى أنو واضحة رسمة متقونة من أولها تبسم بفخر ونطق:صباح الخير آنستي الصغيرة
هزت نور راسها فيه بخلعة قابلوها عينيه يبرقو تبسمت ونطقت:بيك مسيو
جانير قرب يعرفهم:نور هدا مازن الشاف تاعي فالخدمة ,مازن نور ختي لكبيرة
مازن مد يدو ليها:متشرفين بيك آنسة نور .صدقيني متعرفيش شحال تعنيلي هاد المساعدة اللي راكي تقدميلي فيها
نور تصافحت معاه:بلا مزيتي مسيو مازن هدا أقل شي نقدر نعاون بيه خويا ونعاونكم تحققو الآمان وتحكمو الخاينين اللي راهم يأذيو فالناس
مازن:ههه اا جانير هادي تليق تخدم معانا هههههه
نور/جانير:ههههههههه
نور:اوك اسمحولي نكمل ونحتاج تركيز مومبا زوج سوايع تكون الرسمة عندكم
مازن:اوك مرسي بزااف نردلك خيرك نشالله
نور:بلا مزية مبيناتناش
حتى صونا تلفونو
مازن:ألوو
سيليا:ماازن ضك نحب نلقاك قدامي فبيروك فاااهم؟؟
مازن عرف صوتها آن نورمال يعني صرات حاجة:وش كاين خير؟
سيليا:منين يجي الخير .تعييش ازرب ارواح مسألة تتعلق بلينار
مازن غير سمع اسمها عقلو طار تبسم للباقي تاع مبعد وفات للوطو تاعو حارق الطريق للشركة
وصل يجري لبيروه دخل ديراكت فالباب شوي وقلعو قابلتو واقفة وتشطح فرجلها من القلقة والتخمام اللي حكمها غلق باب بيروه بالمفتاح وقرب ليها
مازن:سيييليااا...وش كااين؟؟
سيليا دارت ثم ثم حطت تلفونها فيدو:أقرا وفهمني وش هدا؟؟
مازن مركز مع الميساج وعينيه تحلو على وش قاعد يشوف("خلي عينيك على بنت أختك منا ورايح....مدام عرفتي بيها ردي بالك تخبري أمها نقتلها ونقتلك سااامعة؟")
مازن:يااازح شكون هدا وكيفاه عرف بلي عرفتي؟؟؟؟
سيليا:وانا جبتك باه نتا تجاوبني ..ماازن متجهلنيش سير هدا ماهر ونتا قتلو بلي أنا عرفت وهو حب يلعب معايا ياااك؟؟
مازن:سيييليا بلا تبهليل هادي مش خدايم ماهر وأصلا مقتلوش بلي نتي عرفتي سينو يواجهك فوجهك يا لالة خويا ميحبش لعب الذر هدا
سيليا:ماازن مالا شكون وكيفاه عرف ياك حكينا هنا فبيروك وواحد مسمعنا فجأة جات فلاش باك بين عينيها
Flash bak
سيليا:ميهمنيش انا كشفتو ونتا دبراسك وش تدير( جات خارجة ومبعد رجعت دارت ليه):احمم نقدر نعيطلك مبعد نحكي مع لينار ؟
مازن وجههو صفار كيفاه يقولها راهي مريضة وضربتها طوموبيل وكانو متقصدينها وراسها مريض متقدرش تهدر بالتلفون بزااف :اا ان شاء الله هيه كي نكون فالدار عيطي نشالله ونخليك تهدري معاها مي مكلاه تجبدي ايلين معاها
سيليا تبسمت:اوك مرسي خرجت من بيروه خبطت فواحد مهبط راسو
سيليا:ديزوولي
...:نورمال مدموزال وفات يجري شافت معاه مستغربة ومشات هزت وراق سمير من بيروها اللي ديجا فاتت حطتهم ثم ومشات للوطو تاعها وديمارات
Flash end
سيليا:عرفتوووو
مازن:شكوون؟؟
سيليا: كي خرجت من بيروك داك النهار كان كاين واحد مهبط راسو ويتصرف بغرابة خبط فيا وفات مي أنا معطيتوش بال وفت لبيرويا زعما يكون هو كان يتنصت علينا وهز لخبار لهدا اللي بعثلي
مازن:سيليا مفهمتش وش هدا غير جيتو نتوم الشركة ظهر فيها جواسيس وخاينين يعني؟ني حاس حاجة قاعدة تصرا من ورانا ولازم نعرفوها وأصلا شكون هدا اللي عارف بلينار وايلين وعلاه مخبي لحكاية و مش حابها تتفضح؟؟(مسح على شعرو بفدة):اوووف يا ربي فوت ليامات الجاية على خيير
سيليا:رايحين نعرفو متخافش المهم مش ماهر مالا نروح لبيرويا نكمل خدمتي ولكان عرفت كاش حاجة قولي مشات للباب جات تفتحو لقاتو مغلوق دارت ليه
سيليا:معليش تحل الباب؟
مازن قرب ويشوف فيها بتبسيمة ساحرة:وكن تظهرلي منفتحوش ؟
سيليا:وقتها تجني على روحك ونذبحك هنا وواحد ميفيق (وتبسمتلو ابتسامة باردة)
ضحك بالصوت عليها ديما جاية قطة صغرونة وتحب التهديد:هههههههه أوك اذبحيني بيسك مكيش خارجة حتى نتفاهمو على تعيطي وتكوبي في وجهي راني بايت نحسب فالنجوم يا لالة
سيليا:احمم علاه تبات تحسب فالنجوم وزيد عيطتلك نحكي مع لينار نتا قلت راهي راقدة دونك كوبيت علاه نحكي معاك
وجهوو حمار وعينيه زاد بريقهم قرب جبدها ليه وجا متكي على البيرو وهي حاصلة فيه يديها على صدرو حكمهم هو قرب وجهو لوذنها يهمس:المشكل مش أنك كوبيتي ..المشكل وش هدرتي قبل متكوبي
سيليا تدز فيه يبعد عليها مي والوو:اخطيني مكان مدخلك وزيد وش قلت وش قاعد تخرط؟؟
مازن:جاان(يقلد فيها)وكوبيتي نقدر نعرف علاه فديك الساعة الموخرة حضرتك تعيطي على نسيبك وتقعدي معاه
سيليا شافت فعينيه بتحدي:وش دخلك؟؟؟
جبدها ليه كثر حتى خرجة آهة منها:مكيش فوضع يسمحلك تتفيقي عليا يعني اهدري سينو نعاقبك بطريقتي
سيليا:والله صح مااااازن بععد بديييت نتنااااااارفااااااا
مازن:مش قدي لبارح واهدري ضك نحسب ل3متقوليش وش كان يدير عندك تشوفي ما لا يرضيك
مازن:....1....2(والو باقية غير تسنا فيه يكمل وش يدير وقلبها يخبط بقوة احساس مفهماتوش وش هو) ...3
مازن:نتي اللي جبتيها لروحك
مفهمت والو ومافاقت غير وهولاصق فيها ويبوس في شفافها مش مخليها تتنفس خبطت ضربت فرفطت والو حصل فيها حصلة كلاب ..مابعد غير وقت حسها تخنقت فتح عينيه بعد كان مغمضهم ومستمع بيها قابلوه دموعها واد يجريو قدامو خلاو قلبو يتقسم هو دار حاجة غالطة بلا مايفيق خلى مشاعرو تتغلب وأجبرها على حاجة تكرها تفكر حكايتها وعقدتها من الرجال وهو أجبرها (ترخف مبعد عليها مهدود مدمر مش عاجبو وش دار)
غير بعد عليها شافت فيه شوفة مكسورة ونطقت بصوت ضعييف
سيليا:آآآخر مرة (هازة صبعها فوجهو وتهدد)آخر مرة تقربلي ولا تهدر معايا عنندك
مازن قرب ليها:سيليا والله ما بقصدي والله ما درتها بيسك عيني فشي مش مليح أنااا.نح.....
(سكت على يد سيليا اللي تحطت على شفافو ودموعها قواو)
سيليا:عندك تكملها أو حتى تخمم فيها بيسك هاد الشي ممنوع وحراام في حالتي.كملتها وتلاحت للمفتاح اللي كان يدو حلت الباب وخرجت تجري مش حاملة القعدة معاه ولا حتى التفكير فالشي اللي راه يخمم فيه
مشات للدروج اللي يهبطو لتحت وقعدت وحدها ضامة رجليها لصدرها دموعها وديان وغير صوت شهقاتها اللي يتسمعو
سيليا (تبكي و حاطة وجهها بين يديها):علاااه يا ربي علاااه؟؟علاه هكا كل منقول صاي تخرجلي حكاية جديدة .....آخر حاجة توقعتها مااااازن...علاه قلبي ولا يخبط وعلاه نحب قربو ونحب نقلقو ونتحداه علا ني دايرة ثقة فيه تخليني نخرج معاه فالليل ونسلملو قضية ختي وبنتها ؟علاه راني مأمنة انو مستحيل يدير شي يضرني...صح غلط معايا ضك مي علابالي مش بقصدو,زعما كان رايح يقولها صح؟؟زعما كان باه يكملها ويقولها من قلبو....نحبك..آآآآه من هاد الكلمة اللي تقلب الانسان أعلاه على أسفلو وتخليه يلحق للجنون ....مهما كان ومام لو كان هاد الاحساس الغريب اللي راني حاستو هو اللي يسموه "حب"موحال نخليه يتحكم فيا وندير عليه صح صعيبة مي نقدرلها (وقفت ومسحت دموعها ورسمت ضحكة على وجها وجات خارجة راجعة لبيروها)
قاعد فبيروه عينيه عليها كل واحد منهم يشوف فالثاني تحت شوافرو برك حتى صونا تلفونو
ماهر:ألو
....:مرحبا سي ماهر,انا اللي وصيتني نجيبلك خبار رجل الأعمال"جان كامل)
ماهر:ا اييه يا مرحبا نشالله تكون جبتلي أخبار مليحة؟
....:جبت اللي قدرت عليه سي ماهر
ماهر وهو يزير على يدي ومركز شوفتو فيها الشي اللي خلاها تتوتر كثر:ازرع ينبت انطق وش لقيت
....:ايه:جان كامل رجل أعمال جزائري حاصل على شهادة من جامعة#####للتصميم عايش مع أمو هنا فالبلاد هي الوحيدة اللي عندو والدو متوفي من وقت ولادتو ...حاجة تاع علاقاتو الشخصية مخبيهم واحد معلابالو لا راه أعزب او متزوج أو والد أو واالو معلوماتو مخفية كااامل وهادو بسيف جبتهم غير من الصحف اللي هو صرحلهم بيهم
ماهر:أوووف زمر كيفاه بنادم عايش وسطكم مشهور وعندو اسم كبير تقولي مكاين والو وجايبلي غير زوج كلمات؟
....:والله يا سي ماهر هدا وش قدرت نجيب مي رايح نزيد نحوس
ماهر كوبا ديراكت محملش يزيد يسمع رما تلفونو بعيد عليه وقعد فبيروه حاط دوصي والبيسي ويخدم عليهم
قاعد مهدود وتاعب طاقتو كامل راحت وغابت عليه فرغت وهربت منو بعد الشي اللي دارو كيفاه هي اللي وعلابالو حالتها وأنها مش ناقصة هو زاد عليها ..كيفاه قدر يدير هاداك الشي ويقرب ليها بلا رغبتها وموافقتها؟هو مش من النوع اللي يحب يقرب للبنات وطول عمرو خدام ويقرى غير مع الدراري البنت الوحيدة فحياتو لينار وهو يحسبها بنتو كيفاه غلط مع سيليا اللي هي أول حب فحياتو وحلف روحو يخرجها من الظلمة اللي راهي فيها مي بالعكس في دقيقة مشاعرو ورغبتو كرجل تغلبت عليه وخلاتو يغلط غلطة كبييرة
محملش يزيد يقعد فمسرح الجريمة اللي دارها هز مفاتحو وخرج
مازن:نتا غلطت يا مازن ولازم تخلص
ركب لوطو وديمارا
ماهر كان قاعد مع خدمتو ويشوف فيها تحت عينيه وميرال شايفة هاد الشي قاعدة غير تنفخ وتاكل فضفارها وخلاص, حتى فرد مرة ماهر جا بين وذنيه كلمات تحفرو فمخو وقلبو حفيير هادو كلمات مازن ومدارو فيه: "ونزييدك مرتك راهم حابين يطيرو برااسها"تخطف ملسوع ماشي لبيروها عينيه بينهم صورة وحدة وهي صورة بنتو تبكي على يماها وحالتو بعدها موحال يقدر يعيش كان عايش ومصبر روحو انها بخير معليش يبقا بعيد عليها مي أنو تموت ويبقا هو هادي موحال يقدر يتخيلها
دخل فالباب رووس شوي وداه معاه للدار
ايلين كانت غايسة حتى تخطفت واقفة فرد مرة على دخلتو الهادئة (ههههه)
ايلين:خيير وش بيك داخل هكا؟؟
ماهر شاف فيها ملفوق للتحت الشي اللي خلاها تتوتر وتقصح شوفاتها فيه
ماهر:ني حاب نحكي معاك تقدري تجي معايا؟
ايلين:والله صح؟..من نيتك ولا تتمهبل؟؟
ماهر:هدرت هدرة ومنعاودش قرب ليها حكمها من يدها ومشا مخرجها معاه تحت شوفات ميرال اللي قريب هبلت
ايلين تمشي وتكركر ورا ماهر حابة تفك يدها منو مي هو والو:مااهر عزريينك فك ديني اطلق سمايا وش تحوس عندي؟؟
ماهر دخل للصونسور وجبدها ليها غلق عليهم الباب وبقات هي محشية فصدرو هكاك وجهها حمار وحواسها غابو توحشت حضنو ودفاه هدا كان مأواها وبلاصة راحتها مي ثم ثم فاقت بلي خلاص هي مبقاتش تنتمي للبلاصة هاديه عاودت بدات تفرفط مي هو والو زاد زير عليها عندو
ماهر:ايييلين كالم توا سينو ندير شي ميعجبكش
ايلين:أووف ماهر أطلقني متنساش أني متزوجة وعندي راجلي.. وضك خليني... قيلني أعبد ربي بعد كامل وش درت فيا ومزالك ورايا ..وشمن وجه عندك حتى راك تقابل فيا بيه وجايتك روحك عادي؟؟خليني عليك وبعد من سوقي
ماهر:يسما ماكش ساكتة؟؟
ايلين خبطتو لصدرو:لااا وألف لاا ومنسكتش حتى تبعد علياااا بيسك عندي راجلي مغيااار
ماهر غير جبدت بلي هي ملك راجل غيرو هبل وعقلو طار قابلتو رقبتها قدامو تلاح ليها يعض ويمص متوحشها ومتقصد يوجعها كيما وجعتو كلماتها....ما بعد عليها غير بطلوع روحو وروحها اللي تلمو بعد سنين وكونهم مع بعض خلى توازنهم يرووح ويتلخبط
ماهر يمسح في شفافو:مزلتي بنينة أحبي(كملها بغمزة)
ايلين خبطتو وبعدت حاطة يدها على رقبتها بلاصة العضة:متوووحشش..مكلووب..خراا..كلبب..يعطيك قصة لشوارب الداب هادوك اللي فرحان بيهم
ماهر يضحك عليها وعلى حالتها:ههههههه شوارب الداب هادو كانو واحد الوقت يعجبوك ويخليوك تفناي عليهم هههههه يا دابة تاعي ومكلوبتي ..بيسك لو مكلبتيش نتي اللولوة مكلبتش عليك..مي مرسي بيسك كلبتي لأني ذقت شي متوحشو من زمان
ايلين تشوف فيه وتايهة وغايسة تاعبة وتفكيرها مخلط كيفاه كل مرة بوجه مرة الحب اللي كان فعيونو ليها وقتهم يظهر في عينيه ويخليها تغوص فيه ومرات يغيب ويروح تقول خطفوه أو سرقوه وش كاين؟وكيفاه تتعامل مع هاد الشي يديها بداو يرجفو وصوتها تزير حاكم البكية على شعرة
ايلين:علااه تديرلي هكا؟؟علاه كل مرة بوجه وتصرف؟علاه كل مرة أفعالك بمعنى؟علاه كل مرة تعذب فيا بالكيمياء الغريبة اللي فيك واللي حتى نتا مش قادر تتحكم فيها ؟
ماهر شاف عينيها دمعو هادي حبيبتو وحافظها عرفها غاضتها روحها شوي وبداو دموعها يهبطو قرب جبدها ليه مزيرها عندو ويبوس فبلايص الدموع اللي بداو يهبطو من عينيها لخدودها وختمهم بشفافها بوسة عبر فيها على نص من وحشو مي قريب كلاها مي قطع عليهم باب الصونسور كي تفتح وخلا ايلين تفطن للوضع اللي كانت فيه وبلي هي رجعت ضعفت قدامو الانسان اللي تبدلت علاجالو من ايلين البريئة الضعيفة اللي ايلين القوية اللي متهدها ريح كل متشوفو وتكون معاه ترجع للزيرو وكأنو شي ما صار وترجع ضعيفة ومتوحشة حضنو مي حنا منديوش كل وش نتمناو
لحق عليها يجري
ماهر:اييلين ديزولي تعيشي استناي نحتاجك
ايلين والو غير تمشي ومخليتو وراها خارجة من الشركة بيسك تخقنت من وجودو معاها ومفطنت غير وهو يجر فيها وراه للوطو تاعو ركبها من قدام وغلق عليها الباب وراح لجيهتو ركب وديمارا مخلي الغبار وراه مش لاتي لشوفاتها اللي حرقتو وعياطها اللي قريب يطرشو ويوخذو فحاسة السمع
كل همو يسمعها كلماتو ومتوحش ريحتها وقربو منها .
مساء الخير ليكيب وش حوالكم ورا العيد لباس شوي هو يعني حرام عليهم رانا نقراو ليوم ثالث عيد مي معليش ربي اللي يخلصهم اصبرو برك ههههه
او ليكم بارت نقولكم الأحداث اللي وراه الحالة رايحة تشعل وتقوا الاثارة ههه
كي العادة رايكم فالكرو بصفة عامة أي أفكار او انتقادات يا مرحبا
وفالتالي نحبكم بزاف ونتلاقاو فبارت جديد قريبا