6️⃣3️⃣
عشان كدة بقي سيدنا عيسي سُمي بالمسيح !!!!!
= طب الحمدلله إنك عرفت السبب 😊
إنتي بقي تعرفي السبب !؟🤔
= طبعااااااااا ،، امااااااااااال 😁
يُقال ان سيدنا عيسى سُمي المسيح..
"نسبة للفعل "يسيح"
= اية يسيح دي 🤔
إللي هو السياحة يعني..
= طب علاقة سيدنا عيسي بالسياحة 🤔
سيدنا عيسي مكنش ليه مكان محدد بيقعد فيه،،
فمن كتر تجوله ،، سموه بالمسيح ..!
ويُقال برضو إن قدم سيدنا عيسي كانت حتة واحدة..
ممسوحة يعني ،، فلقب بالمسيح ..!
وفي أقوال ان سبب التسميه انه كان بيمسح بيده على المريض فيبرأ بإذن الله ❤️
والله أعلي وأعلم 😊
طيب كملي بقي دلوقتي ومتوهيش الكلام بقي ،!
هل ربنا استجاب فعلا لسيدنا عيسي لما دعي ربنا ينزل عليهم المائدة 🤔!؟
= اة ربنا استجاب لسيدنا عيسي وطمنه إنه هينزل المائدة عليهم لكن بشرط :
أي حد هيكفر بعد نزول المائدة،،
ربنا هيعذبه عذاب شديد جدااااااا؛
لإن همّ إللي طلبوها وشرطوا بكدة ..
"قَالَ اللَّهُ إِنِّي مُنَزِّلُهَا عَلَيْكُمْ فَمَن يَكْفُرْ بَعْدُ مِنكُمْ فَإِنِّي أُعَذِّبُهُ عَذَابًا لاَّ أُعَذِّبُهُ أَحَدًا مِّنَ الْعَالَمِينَ"
ولية ربنا حط الشرط دة !؟
لإن لو ربنا مكنش اشترط عليهم الشرط ده كانوا هيكرروا كل شوية طلب تاني ويقولوا طيب عايزين كذا وكذا و..و ...و....
والطلبات مش هتخلص بقي !!!!
و ربنا أنزل عليهم المائدة فعلا؟!!🤔
اة ربنا نزلها فعلا.. بدليل
"إني مُنَزِّلُها عليكم"،،
وبني إسرائيل كانوا فين صحيح !!؟🤔
بني إسرائيل بقى مكنش عاجبهم سيدنا عيسى ولا الناس إللي آمنت معاه سواء الحواريين أو عامة الناس إللي اتبعوه ..
وكانوا خايفين بقى سيدنا عيسي ياخد منهم المُلك ..
فراحوا للملك الروماني اللي كان وقتها ماسك حكم الدولة ..
وقعدوا يحرّضوه على قتل سيدنا عيسى 😒
فضلوا يكدبوا ويقولوله إن سيدنا عيسى بيخطط عشان يعمل ثورة وياخد منه الحكم...!
فانت اخلص منه احسن ،، ودمه في رقبتنا ورقبة عيالنا احنا 😠
وفضلوا يقنعوه إن دي خطط سيدنا عيسى ،،
لحد ما فعلا الملك الروماني أمر جنوده إنهم يروحوا يقبضوا على سيدنا عيسى 😱
هما لية عملوا كدة 🤔!؟
لإن.سيدنا عيسى فضحهم وفضح كذبهم وتلاعبهم بالدين ،،
"ومَكَرُواْ وَمَكَرَ اللَّهُ وَاللَّهُ خَيْرُ الْمَاكِرِينَ"
فالملك بعت جنوده يدوروا عن سيدنا عيسى ..
فلما كان الجنود في الطريق،،
ربنا أوحى لسيدنا عيسى إنه هينيمه ويرفعه للسماء يقعد فيها لحد ما ييجي الوقت إللي هينزل فيه تاني عشان يكمل حياته على الأرض ويموت زي باقي البشر .،
""إذْ قَالَ اللَّهُ يَا عِيسَى إِنِّي مُتَوَفِّيكَ وَرَافِعُكَ إِلَيَّ وَمُطَهِّرُكَ مِنَ الَّذِينَ كَفَرُواْ "
وكان سيدنا عيسي فين !؟🤔
كان في بيته وعنده الحواريين،،
وخرج عليهم بعد ما اغتسل وراسه لسه بتنزّل مية،
وحكالهم إن الجنود عايزين يقتلوه وإنهم جايين في الطريق خلاص !!!
وقالهم إن ربنا هيرفعه عنده،،
وان بني إسرائيل هيقتلوا واحد تاني بداله ربنا هيخليه شبهه مش هيقتلوه هو ،،
فسألهم:
مين فيكم ربنا يخليه شَبَهِي ويُقتل مكاني ويكون رفيقي في الجنة؟!!
فشاب صغير قال :
انااااااا..😊
فسيدنا عيسي أشفق عليه وصعب عليه إنهم يقتلوا شاب صغير ..
لأنه كان عارف إنهم مش هيقتلوه قتلة عادية وسريعة..
ده قتل عن طريق الصلب،،
يعني أية صلب 🤔!؟
يعني يحطوا الراجل على صليب وبعدين يدقوا المسامير في جسم الراجل من عند إيده ورجله عشان يثبّتوه في الصليب،،!!!!
فيموت بعد يوم أو أكثر بسبب النزيف وفقدان كل حاجة من جسمه ،،
لإنه هيكون اتخنق بسبب نقص الأوكسجين في دمه😒
فسيدنا عيسي سأل مرة ثانية:
مين ربنا يخليه شبهي ويكون رفيقي في الجنة؟!!
فنفس الشاب قال أنا يا نبي الله.. أنا😕!
فسيدنا عيسي سأل مرة ثالثة وهو بيبص للباقيين،،
فنفس الشاب قال : أنا! أنا ..!!
فسيدنا عيسي قاله:
خلاص.. انت إللي هتكون مكاني..😊
وفعلا ربنا غيّر شكل الشاب وخلاه نفس شكل عيسى بالضبط!!
توضيح
🛑 في روايه أخرى....
إن اللي اتصلب مكان سيدنا عيسى كان واحد خاين وهو اللي بلغ عن مكانه.. فأنزل الشبه عليه والجنود مسكوه وصلبوه.. ولكن دي روايه أضعف نسبيا... والله أعلم 👌
كان في بقي فتحة في سقف بيت سيدنا عيسي ..
فربنا رفعه منها إلى السماء..
والرفع كان رفع كامل من الأرض بالجسد والروح،،
يعني هو لسه عايش لحد دلوقتي وهينزل آخر الزمان ونزوله من علامات الساعة الكبرى ..
وهي دي عقيدتنا كمسلمين في عيسى بن مريم،
إنه نبي وعبد لله، ولم يُصلب أو يُقتل ، بل رفعه الله إليه😊
و أي كلام تاني غير ده في أي عقيدة تانية هو تكذيب لله عز وجل
وسيدنا عيسى حاليا في السماء التانية مع ابن خالته سيدنا يحيى عليهما السلام 😊
وبكده تنتهي سلسله قصص الأنبياء ❤️
وبعد كده ييجي نبي اخر الزمان خاتم النبيين سيدنا ورسولنا وشفيعنا الحبيب المصطفى محمد صلى الله عليه وسلم... ❤️ وهيبقي في سلسله مستقله إن شاء الله
والشكر موصول لصاحبه هذه السلسله المباركه
هبة الله محمد
كل عام وانتم بخير رمضان مبارك عليكم الشهر وتنعاد علينا الايام بخير
اللهم تقبل منا إنك أنت السميع العليم وتوب علينا انك انت التواب الرحيم