قصص الأنبياء بالعاميه

14 سيدنا اسماعيل عليه السلام

1️⃣4️⃣
عمرك توكلت علي ربنا ورميت همومك عليه وخذلك !؟
= أبدا !!!!

طب عمرك احسنت الظن في ربنا في اصعب وقت عدي عليك ،، وربنا سابك !؟
= لا عمر ربنا ما خذلني أبدا ❤

ولا عمرك ما هتلجأ لربنا ويخذلك ابدا ❤❤
= بس أنتي بتسأل لية 🤔

اصل افتكرت جملة السيدة هاجر لما سيدنا إبراهيم سابها هي وابنها إسماعيل في الصحراء لوحدهم !!

قالت أيه 🤔
قالت لن يضيعنا الله أبدا ❤❤

وسابهم ليه ومشي 🤔
= كان أمر من ربنا لسيدنا إبراهيم ،،

وهو فعلا زي ما بيقولوا سابهم لوحدهم عشان السيدة سارة غارت من السيدة هاجر 🤔
= لأ السيدة سارة كانت مستغربة زي السيدة هاجر بالظبط ،، مكنوش يعرفوا أنه إختبار وابتلاء وحب من الله لسيدنا إبراهيم ❤❤

طب وابنه 🤔
= ابنه دة كان اجمل ابن ❤ كان ابن صالح ومؤمن أوي ❤

ومزعلش من أبوه ولا قسي عليه لما كبر عشان سابه من صغره 🤔
= قسي !!!!!! قسي اية بس ،، دي كانت اجمل علاقة بين أب وابنه ❤❤ قدوة حقيقي للأب والابن الصالحين ❤

الله أنا حبيتهم اوي ❤❤ أية حكايتهم بقي 🤔

السيدة هاجر  خلفت من سيدنا إبراهيم طفل اسمه إسماعيل .

فربنا أمر سيدنا إبراهيم إنه ياخد هاجر وإسماعيل ،
ويروح بيهم إلى صحراء ( مكة)
و ربنا أمره يسيبهم هناك لوحدهم .!!
سيدنا إبراهيم نفذ رغم خوفه على طفله الرضيع في مكان لا أكل فيه ولا مياه😢
سابهم  تحت شجرة في مكة وكان إبتدى يبعد
السيدة هاجر استغربت أوي وجريت وراه تسأله :
رايح فين وسايبنا في مكان مهجور زي ده ؟؟!!!!..

مردش  ، حتى إنه مبصلهاش 😢

لكن السيدة هاجر فهمت ان دة أمر من ربنا فسألته :
" هل الله أمرك بهذا ؟ "

قالها : نعم ..

بمنتهى الرضا والثقة قالت " اذا فلن يضيعنا الله أبدا "❤

سيدنا إبراهيم سابهم ودعالهم وساب معاهم كيس تمر وقربة مياه  💧

السيدة هاجر فضلت فترة تاكل وتشرب منهم وترضع ابنها 👶
لكن المشكلة ظهرت أول ما الماية والتمر خلصوا ....😢
ابتدى الطفل يعيط ولونه يتغير من كتر الجوع
مبقتش عارفة تعمل إيه ..؟؟؟

جريت وهي بتعيط وبعدت عنه عشان مش قادرة تشوفه كده

حاولت تتصرف ..
طلعت على جبل قريب منها ( اسمه الصفا ).. على أمل انها تلاقي حد جاي أو معدي من بعيد ..
- مفيش !!!

رجعت للطفل تطمن عليه ..
ولما قربت منه سرعت في المشي شوية من لهفتها عليه .
لقته زي ما هو وحالته بتسوء وبيشهق جامد كأنه هيموت .. 😢