5️⃣8️⃣
شوفتوا جارتي طلعت حامل من جن !!!😱
حامل !! وجن!!! " الاتنين " 😒
أية المشكلة يعني !! ، هو مينفعش واحدة يمسها جن ويعتدي عليها وتحمل عادي !!
=
طب ما كل واحدة ممكن تحمل حمل حرام بقي و تيجي تقول ده أنا حملت من الجن عشيقي! 😏
أنتي عايز تقنعني إن الكلام دة مش موجود 😠!؟
امال مريم رضي الله عنها حملت إزاي من غير جواز 🤔!؟
= لأ طبعا السيده مريم ملهاش علاقه بقصه الجن دي
دة انا اقنعك واجيب ناس تقنعك كمان 😁
.............
السيده مريم رضي الله عنها كانت في شرق بيت المقدس وكان عمرها تقريبا حوالي 15 سنة،،وتعمل خادمه لبيت المقدس..
وكان ليها مكان بعيد لتتعبد فيه وتعتكف عن الناس وتكون في خلوه مع الله عز وجل
"إِذِ انتَبَذَتْ مِنْ أَهْلِهَا مَكَانًا شَرْقِيًّا"
"فَاتَّخَذَتْ مِن دُونِهِمْ حِجَابًا "
ففي يوم من الايام راحت ورا جبل قريب كده بس بعيد عن عن أهلها ❤
لية 🤔!؟
الله اعلم ،. .ممكن يكون أصابها الحيض،
أو إنها كانت عايزة تطهر من الحيض...أو أي كان السبب من أقوال العلماء،،
المهم إن حصل حاجة خلتها تتأخر عن الناس إللي معاها،،
وفجأة لقت قصادها رجل!!!..😱فاتخضت وخافت 🙊
"فَأَرْسَلْنَا إِلَيْهَا رُوحَنَا فَتَمَثَّلَ لَهَا بَشَرًا سَوِيًّا"
السيده مريم فكرت إن الراجل ده عايز يعتدي عليها أو عاوز يؤذيها
ويعمل فيها اي حاجة يعني،
هو مين الراجل دة !!!!؟
= سيدنا جبريل " عليه السلام " ❤
سيدنا جبريل ظهر علي هيئة بشر ..
بشر طبيعي مافيهوش اى حاجه تدل أنه ملاك مثلا او من الجن ها !! 😏 "" بَشَرًا سَوِيًّا""
فمريم قالتله :
أعوذ بالرحمن منك..ولو انت من إللي بيخافوا ربنا فإنت مش هتؤذيني،😰
"قالَتْ إِنِّي أَعُوذُ بِالرَّحْمَن مِنكَ إِن كُنتَ تَقِيًّا"
فالرجل قالها:
متخافيش الموضوع مش زي مانتي فاكرة أنا رسول من عند ربك عشان أوهبك غلام..طفل طيب وطاهر، هتكوني انتِ أمه.
"قَالَ إِنَّمَا أَنَا رَسُولُ رَبِّكِ لِأَهَبَ لَكِ غُلامًا زَكِيًّا"
وكمان إنت جاي من عند ربنا اقولك ان ربنا اصطفاكي وطهرك على كل نساء الدنيا..
"إِذْ قَالَتِ الْمَلائِكَةُ يَا مَرْيَمُ إِنَّ اللَّهَ اصْطَفَاكِ وَطَهَّرَكِ وَاصْطَفَاكِ عَلَى نِسَاء الْعَالَمِينَ"
وكمان ربنا بيبشرك إنه هيوهبك غلام..
لكن الغلام ده مش هيكون زي اى غلام!!
دة ربنا هيخلقه في رحمك بكلمة كن فيكون❤❤
ومش بس كدة !!
دة هيكون مشهور في الدنيا وهيتعرف اسمه بين المؤمنين بالمسيح عيسى بن مريم..
وله مكانة عاليه أوي عند ربنا..❤
"إذْ قَالَتِ الْمَلائِكَةُ يَا مَرْيَمُ إِنَّ اللَّهَ يُبَشِّرُكِ بِكَلِمَةٍ مِّنْهُ اسْمُهُ الْمَسِيحُ عِيسَى ابْنُ مَرْيَمَ وَجِيهًا فِي الدُّنْيَا وَالآخِرَةِ وَمِنَ الْمُقَرَّبِينَ"
وكمان هيكلم الناس ويدعوهم لعبادة الله وهو لسه مولود وكمان لما يكبر ..
وهيكون من الصالحين المقربين عند ربنا،❤
"وَيُكَلِّمُ النَّاسَ فِي الْمَهْدِ وَكَهْلاً وَمِنَ الصَّالِحِينَ"
و السيده مريم عملت ايه !!؟
كانت واقفه مستغربه جداااااا ،، من الكلام اللي بيتقال!!
ماهو إزاي هيكون لها طفل أصلا وهي مش متزوجة ومش ناوية تتزوج وماعملتش أى الفاحشة😳
"قَالَتْ أَنَّى يَكُونُ لِي غُلامٌ وَلَمْ يَمْسَسْنِي بَشَرٌ وَلَمْ أَكُ بَغِيًّا"
فسيدنا جبريل قالها !؛
هو أمر ربنا خلاص قضاه..
هتحملي بطفل من غير راجل عشان يكون آية ومعجزة للناس على قدرة ربنا الخالق❤
"قَالَ كَذَلِكِ قَالَ رَبُّكِ هُوَ عَلَيَّ هَيِّنٌ وَلِنَجْعَلَهُ آيَةً لِلنَّاسِ وَرَحْمَةً مِّنَّا وَكَانَ أَمْرًا مَّقْضِيًّا
يعني هو ممكن يكون مسها جن !!
انا قولت انتي ملبوسة محدش صدقني 😁
مريم قالت لم يمسسني بشر ،، بشر ها .!!
ليه مقالتش لم يمسسني أحد!؟😈
لانها لو قالت لم يمسسني أحد يبقى كده الجن هيدخلوا فعلا في الآية،!
ومفيش جواز ولا علاقة زوجية بين البشر والجان يكون نتيجتها حمل!!
فلما عرفت ان دة أمر من ربنا خلاص ،، فاستسلمت للأمر ،،
فسيدنا جبريل نفخ فيها الروح وحملت السيده مريم بعيسى عليه السلام😊
نفخ نفخ يعني !!؟
= أيوة نفخ نفخ ،، ربنا أمر جبريل عليه السلام إنه ينفخ في جيب الدرع إللي كانت مريم بتلبسه،،
اللي هو مكان رقبة الهدوم ومدخل الرأس،،
" فَنَفَخْنَا فِيهِ مِن رُّوحِنَا "
وحملت مريم بعيسى عليه السلام ❤
تخيل كدة واحدة مشهورة بين الناس يعني عليها العين والنيني😉 والناس مركزة معاها بزيادة،
وطلعت حامل من غير زوج وهي أصلا منقطعة للعبادة يعني مكنتش ناوية زواج من أصله،
هتبقي نظرات الناس ليها عاملة ازاي !؟😏
وهيقولوا عليها اية !!!!!
.......... يتبع إن شاء الله ❤️
كل عام وانتم بخير
رمضان مبارك