شونكم كرزاتي 🍒
صوتوا قبل لا تبدون بلبارت حبايبي
وعلقوا بين لفقرات حابه شوف رايكم بلروايه
الكـــــــاتبه: ايــــــــــفا الصــــــــــابر
•••••••••••••••••••••••••••••••••••••••
مهيب_ليش اني وانتي ليش ترجعين موقتنعتي بعد ماترحين وهم مو كلتي اني ماحب رأفت وتالي اعترفتيله شنو لسالفه ليش اني مادري بشي؟
نيران _مهيب اني احبه ولك جذبت علروحي بس ماكدر بعد ماكدر تصدك من اعترفتله مادري بنفسي شون نطقتها حاولت امنع نفسي بس ماكدرت
طول عمري عشت وحيده ومغتربه بس اريد اعيش لحب اعيش لعايله اريد اعيش لنفسي مهيب اريد اعيش لنفسي كافي عايشه للعالم تعبت والله تعبت هاي 14سنه عشتها مو لنفسي تمنيت اكون مثل لبنات بس ماكدرت لك بلوقت لبي تكون لبنات يهتمن بس بلمكياج وبمناضرهن اكون اني غركانه بلدم والسواد كلي شعشت هاا
تعبت مهيب اريد اعيش كافي لصار والله كافي بعد ماكدر اريد نيران تموت نيران لعايشه بس للموت والانتقام والحقد والثارات اريدها تنتهي اريد تبدي نيران جديده نيران ورقه بيضه بعيداً عن كلش وهلشي مايصير بس بوجود رأفت مهيب احبه تعرف شنو احبه ماكدر اضحك على نفسي اكثر ماكدر
اتنهدت
مهيب _تمام براحتج بس رجعتج للعراق شنو
نيران _اريد ارجع علمود عرس لبنات و رأفت طلب مني هم
مهيب _بس يعني تستقرين لو شنو
نيران _ماعرف مهيب ماعرف خلي كلشي للقدر تعبت من لتفكير كلش تعبت
مهيب _زين اني المن ترديني
نيران _انته لوحيد لتدري بنيران شنو فلهاذا اريدك وياي صح بابا هم وياي هناك بس مو مثلك مهيب بابا متعلق باهله واني ماكدر اسوي شي يضل ياكلني اكل بعدين
مهيب _تمام اروح وياج ماعوفج ليمته ترحين حته اصفي شغلي هنا
نيران _ماعرف اشوف رأفت
مهيب _تمام هسه كومي نرجع
نيران _لا ارجع انته عندي شغل اكمله وارجع وراك
مهيب _خيرج
نيران _لا والله هيج شي عادي روح اكيد تعبان لاتتاخر
كمت
مهيب _تمام
عفتها ورحت لسيارتي وهيه هم صعدت سيارتها حركت لسياره وتوجهت للبيت هلكان من لتعب
....
رأفت _طلعت نيران وبقيت بلبيت عندي تقارير تقديم اشتغل عليهن صح سافرت بس ماكاطع وياهم دايما نتواصل اني ولدكتور لبديل بقيت انتضر لليل يلا اجت نيران جانت جايبه علاليك كلش هواي صعدتهن لغرفتها صعدت وراها
رأفت _الله يساعدج
نيران _ويساعدك
رأفت _خيرج شنو ذني
نيران _غراض للبنات
رأفت _يابنات
نيران _شبيك غير راح نسافر
رأفت _هااا
نيران _غير نرجع للعراق رحت جبت للبنات وللشباب كم شغله وجبتلهم هدايه للعرس
رأفت _يعنيي موافقه نرجع
نيران _اذا ماموافقه لعد ليش رحت اشتريت هدايه
بفرحه
رأفت _رايح اكلهم راح نرجع
نيران _بس ليمته نروح
رأفت _بعد يومين اكو حجز للعراق
نيران _تمام بس احجز 3مقاعد
رأفت _المن لثالث
نيران _مهيب حيرجع ويانه
رأفت _هاا تمام
نيران _وشوف لاتكلهم نجي اني ونيران
رأفت _هو اني ماريد اكلهم بس راح اكلهم اني راجع
نيران _تمام واني راح اكل لمهيب ليمته نروح
رأفت _خوش
رحت للغرفه اخابرهم ونيران راحت لغرفه مهيب شكد فرحت وأخيراً راح نرجع
صح هنا كلش حلو لمكان ولجو لاكن بلدك غير بس لتفكير تكون بلغربه شعور صعب خابرت احمد وكتله بعد يومين ارجع حجزت علطياره 3مقاعد
بقينه مهيب يشوف بجدوله ونيران كذالك صفوا اشغالهم هنا لحد مااجه وقت لطياره جان وقتها من لصبح
كعدت حضرت غراضي وبدلت وجنطي اني محضرهن من زمان نزلت لكيت ام مهيب مسويه ريوك ياربي هلمره شكد دخلت كلبي كلش حبيتها بفتره قصيره وحته اريا كلش حبابه عائله بقمه الاخلاق والادب والحنان
كعدت تريكت ولكيت مهيب هم نازل تريكنه ومنتضرين نيران شويه ونزلت
مارضت تتريك كالت ما اكل من اسافر لمكان تلعب نفسي ودعناهم ورحنه للمطار بقينه بالانتضار لمن صاحوا نداء للركاب
صعدنه لطياره بعد الاجرائات ونطلقنه لبلدنه
....
نور_بيوم اتصل علينه رأفت كال راح ارجع كلش فرحنه لان ايسنه من رجعته كلما نكله ارجع يتعذر احنه بعدنه برمضان جدي كال لو مورمضان جان سويناله غده بس ميخالف يبقه علعشه ماقبلوا لولد كالوله يجي تعبان ويتردد لتعب بي خليها يومين اتلاثه وسويله لمن يرتاح
سكت جدي لان صدك هاذا طبع رأفت لحد وكت جيته كال عمي علي اني استقبلهم من لمطار راح وياه احمد واحنه بقينه هم رتبنه غرفته وغراضه حته يجي كبل يرتاح لان خطيه مدري شكم ساعه يكعد بلطياره يتكسر تكسر
بقينه ننتضرهم لحد ما اجو ولصدمه جانت من اجه ووياه...
....
مهيب _تكسرت تكسر لمن وصلنه رأفت ونيران ناموا بس اني ماكدرت انام وصلنه ولكينه عمي علي الدر واحمد جايين يتلكون رأفت
تفاجأ من جيتنه ويه رأفت خاصه عمي صح يدري وين رايح رأفت بس مايدري بنيران راجعه لان كاله رأفت ماترجع ماقابله
سلمو عليه وعلنيران بترحيب حار عمي حضن نيران
علي الدر_هيج يبويه تسوين بيه وماترضين تجي هاي جزاتي وياج
نيران _حبيبي انته والله مو بيدي جنت مجبوره
علي الدر_وهوه هاذا لسكتني عن سوالفج
نيران _خلي هلموضوع بعدين شلونك
علي الدر_ماشي حالي لحمدلله وانتي بويه
نيران _لحمدلله حبيبي
احمد _شونج خويه
نيران _هلأ احمد هلأ مبروك زواجكم
احمد _الله يبارك بيج لحمدلله من اجيتي
نيران _لحمدلله
علي الدر_يلا نروح
احمد _اي يلا
رحنه وياهم صعدنه لسيارات واجينه للبيت بلطريق خابر عمي وكاللهم جهزوا غرفتين بعد بس ماكالهم احنه جايين
وصلنه وتلكونه بلباب بس هم كلهم تفاجاو بجيتنه ويا رأفت
...
نور _تفاجانه من اجت نيران ومهيب ويه رأفت سلمنه عليهم ورحت لنيران حضنتها بلهفه كلش مشتاقتلها بس هيه مدري شبيها حته تواصلها گطعته ويانه
رحبنه بيهم وصعدو يرتاحون بقينه هيج والايام تمر لحد اخر يوم رمضان الي هوه يكون يوم خطوبتنه لان رمضان فكلنه نسويهن سوه بليل حته لناس مفاطير
احنه بلبيت وحنه لولد بره بلحديقه وخاصه احنه حديقتنه جبيره ومناك صاير عليهم الديوان واحنه هم نرتاح اكثر لان شويه بعيدين عن لباب
مارحنه للصالون نيران كالت اني ارتبجن بدلات اني وساره مشتريات من زمان لبسناهن وبلشت بينه مكياج وتسريحات صدك طلعنه شي ثاني ماعرفنه نفسنه ابد وهيه جايبه هدايه وياها كل وحده جايبتلها كلاده ذهب بس كلش راقيه لبستنياهن وجهزنه
النسوان جايه ولبيت صاير هوسه نزلنه وبلشت الاحتفالات ولشباب هم بنفس لوكت حنتهم ركصن لبنات ونيران ركص لمن شبعن حته احنه كومنه وياهن
وبقت الأجواء مستمره لحد مخلصت لحنه نمنه لان ثاني يوم عيد وعرس يعني بلمختصر لدنيه راح تنكلب
هم ليوم لثاني جان لعرس يوم لعرس رحنه للصالون بسياره نيران لان لولد كلهم مشغولين والله هم جهزتنه ام لصالون وطلعنه لعرس جان بقاعه لان ساره لخبله لزكتلهم الا زفه تريد كالولها من لصالون للبيت نسوي زفتجن مارضت كالتلهم لصالون قريب
فسووهه بقاعه هم رحنه لولد طالعين يخبلون كلش كمت اقره لمعودات عليهم بكلبي كلت هسه ينلطشون بعين
رحنه للقاعه ولطريق سوو هم زفه بقينه ودخوليتنه تخبل ورجعنه من لقاعه للبيت وهم زفه صارت شطولها بس حته ست ساره تشبع من لركص
بقينه هيج لمن وصلنه للبيت....
يتبععع.....
______________________________
وهاذا هم بارت الكم يحلوين
طبعاً هنا اختصرتلكم عرس لبنات يعني هوه عرس مثل اي عرس عراقي ولركص والاغاني ومابي شي حدث فاختصرته لان بلبارتات لجايه راح تبدي لقنابل تنفجر وحده وره لثانيه انتضروناا😂
صوتوا وعلقوا بين لفقرات كرزاتي
حسابي انستا للتواصل والاستفسار👇