Update #2
Naligo at nagbihis ng komportableng damit si Ahra pagdating niya sa bahay. Binuksan niya ang laptop para magresearch tungkol sa mga naunang lessons nila. Ayaw niyang mahuli bukas sa discussion at gusto niyang magpa-impress kay Kwangmin.
Ilang sandali pa, nakaramdam siya ng inip kaya nagbukas muna siya ng facebook account. Napangiti siya ng makita na nagfriend request sa kanya si Kwangmin pero napasimangot siya dahil pati si Youngmin may request din. Ganun pa man, parehas niya itong inaccept at sinimulan niyang istalk ang account ni Kwangmin. Bihira lang ito magpost. Mukhang hindi mahilig sa social media si Kwangmin.
Naisip niyang tingnan din ang account ni Youngmin baka sakaling may malaman siya tungkol kay Kwangmin. Hindi naman siya nabigo dahil maraming photos ni Kwangmin ang napasama sa posts ni Youngmin. Nagsave pa siya ng photos ni Kwangmin para matitigan niya.
Babalik na sana siya sa research niya ng may magpop-out sa messenger niya.
Kwangmin: hi
Bigla na namang lumakas ang kabog ng dibdib niya. Medyo nataranta siya. Ano ba ang irereply niya?
"Hello" kahit gusto na niyang magtanong, pinilit pa din niyang wag mahalata na excited siya sa pagmemessage nito.
Kwangmin: nakauwi ka na?
"Yep." Matipid niyang sagot pero halos halikan na niya ang screen sa paghihintay ng reply ni Kwangmin.
Kwangmin: ah, just checking para sure kung nakauwi ka ng safe
'Kyaaaaaaaa!' Gustong sumigaw ni Ahra sa kilig! Concerned si Kwangmin sa kanya!
"Ok naman ako. Ikaw?" Tanong niya.
Kwangmin: ayos lang. Salamat pala kanina sa ballpen ha.
Magrereply na sana siya ng may isa pang nagmessage sa kanya.
Youngmin: ako din salamat sa ballpen at papel. Sa uulitin ;)
Nagulat siya sa message ni Youngmin. Bakit parang alam niya ang usapan nila ni Kwangmin.
"Wala ng next time! Buset! Pero salamat sa libreng pamasahe kanina." Reply niya. Kahit naman ayaw niya sa tao, naapreciate naman niya ang mga bagay na dapat iappreciate.
Youngmin: magksama kami ni Kwang! Dito siya nagreresearch sa bahay namin para mabilis net. Mainggit ka, kasama ko sya!
"Ha? Bat naman ako maiinggit?!" Reply niya na halos masira na ang keyboard sa pagtype niya.
Youngmin: kunwari ka pa alam ko naman pinagpapantasyahan mo si Kwang hehe
"Sabi nang wala akong gusto kay Kwangmin!" Depensa niya. Sa pakikipagtalo niya kay Youngmin nakalimutan niyang replayan si Kwangmin.
Sunud sunod na pala ang message nito at akala ay busy na siya kaya nagpaalam na din. Nanghinayang tuloy siya dahil gusto pa sana niyang kausap si Kwangmin pero ayaw naman niyang pabalikin at parang halata siya masyado.
"Hoy tama na busy na ko!" Nireply na lang niya kay Youngmin para hindi na siya guluhin. Buti naman at tumigil na ito sa pangtritrip sa kanya.
Kinabukasan, excited na pumasok sa school si Ahra. Ngayon makakapagparticilate na siya sa discussions nila dahil nabasa na niya ang mga nadaanang chapters ng mga kaklase niya. Mamaya pag-uwi, plano naman niyang hiramin ang notes ni Kwangmin para may lecture din siya. Sa isip niya, may chance ulit siyang makausap ito ng matagal at baka may madiscover pa siya sa notes nito.
Napabilib ni Ahra ang professors nila sa pagsagot niya sa discussions. Para naman kay Ahra, isa lang ang reward na gusto niya, ang maimpress sa kanya si Kwangmin. Aminado na siya sa sarili na crush nga nya ito. Hindi naman kasi mahirap magkagusto sa isang tulad niya na mabait, gwapo, magalang at may pagkamisteryoso pa!
"Ahra, okay lang ba samahan muna natin si Youngmin bago maglunch?" Tanong ni Kwangmin pagkatapos ng huling subject nila sa umaga.
"Saan?" Tanong naman ni Ahra. Baka kasi malayo, gutumin sila at mahuli sa susunod na klase.
"Sa kabilang building lang, may ibibigay lang daw siya kay Chelsea." Sagot ni Kwangmin.
"Sandali lang yun wag ka mag-alala." Sumabad na si Youngmin mula sa likod nila. Nakagayak na itong umalis ng classroom.
Nagpunta silang tatlo sa kabilang building. May dalang bouquet ng bulaklak si Youngmin at mga kinikilig ang nadadaanan nilang babae. Mukhang kilala na nila si Youngmin at alam na nila kung anong pakay nito. Wala namang pakialam si Ahra dahil nakikipagkwentuhan siya kay Kwangmin at lalo silang nagkakakilala.
"Wait lang." Sabi ni Youngmin sa kanila pagdating sa second floor. Dumiretso ito at iniwan sila malapit sa unang room.
"Ano ba kasi drama nun?" Nacurious na din sa wakas si Ahra.
"LQ yata sila ng girlfriend niya kaya ayan susuyuin nya. Siguro may pinagselosan na naman si Chelsea. Selosa kasi yun. Si Youngmin naman kasi lapitin talaga ng babae." Paliwanag ni Kwangmin.
"Parang hindi naman.." Kontra ni Ahra. Napangiti na lang si Kwangmin.
Sa isip ni Ahra, seryoso naman pala itong si Youngmin pagdating sa relasyon dahil nag-eeffort talaga na suyuin ang girlfriend niya. Napatingin siya kay Kwangmin at napaisip kung ganun din kaya si Kwangmin magmahal? Hindi niya tuloy mapigilang ngumiti.
"Oh, bakit?" Tanong ni Kwangmin nang mapansin na ngingiti ngiti si Ahra.
"Wala... May naalala lang ako." Kaila naman niya.
"Siya nga pala, malapit na birdng kapatid ni Chelsea, nagiinvite yun at pwede kami magsama ng kahit sino kasi close kami dun. Sama ka kaya samin next week, wala din naman kasi ako makakausap dun. Si Youngmin sigurado nakadikit kay Chelsea." Alok ni Kwangmin bigla sa kanya.
Natigilan si Ahra. Tama ba yung narinig niya? Inaaya siya ni Kwangmin? Ibig sabihin siya ang gusto nitong kasama?
"P-pero... Syempre kung hindi ka busy.." Parang napahiya namang sabi ni Kwangmin. Yumuko ito para itago ang pagblulush niya.
"Okay lang, kung after class naman." Mabilis na sagot ni Ahra ng mapansin na natahimik pala siya.
"Talaga? Sabi mo yan ha! Sabihin ko kay Youngmin daanan ka. May sasakyan kasi siya." Natuwa naman si Kwangmin.
'May sasakyan? Bakit nagtaxi kahapon? Ah baka sira yung sasakyan..' Naisip naman ni Ahra.
Itatanong na sana ni Ahra kung bakit nagtaxi lang si Youngmin kahapon pero dumating na si Youngmin na kasama ang isang magandang babae na hawak ang bulaklak na dala ni Youngmin kanina lang.
"Siya nga pala babe, si Ahra, bagong classmate namin." Pakilala agad ni Youngmin.
"Hi Ahra.. Ikaw pala yung kinukwento ni Kwangmin kahapon." Nakipagkamay sa kanya si Chelsea.
Hindi makapaniwala si Ahra na papatol sa isang loko-lokong katulad ni Youngmin ang isang mala dyosang si Chelsea.
'Teka, kinukwento ni Kwangmin?! Ako?!' Hindi nakaligtas sa pandinig niya ang sinabi ni Chelsea.
"Ah- kase, ano.. Nabanggit nga kita nung nag-uusap kami kahapon sa bahay nila Youngmin." Mabilis namang sabi ni Kwangmin na parang hindi mapakali.
"Ah...." Tatango tango na lang si Ahra kahit nalilito siya sa kakaibang kinikilos ni Kwangmin.
"Ininvite ko pala siya sa birthday ng kapatid mo ha, okay lang di ba?" Baling ni Kwangmin kay Chelsea na masaya namang pumayag.
Sabay sabay silang naglunch at nagkwentuhan ng kaunti bago bumalik sa klase. Inihatid ni Youngmin si Chelsea sa building nila bago sumunod kina Kwangmin at Ahra sa classroom. Natuwa naman si Ahra dahil nagkaroon sila ng oras na silang dalawa lang ni Kwangmin at walang epal na sumisira ng moment nila.
Bago dumiretso sa classroom, ipinakita ni Kwangmin kay Ahra ang kagagawa lang na school garden. Para daw kasing mini paradise ang itsura nito ngayon. Nagulat pa si Ahra nang magrequest si Kwangmin na magselca daw sila sa garden dahil maganda talaga ang lugar. Ayaw niyang maging assuming na gustong magpapicture talaga ni Kwangmin sa kanya pero hindi niya maalis sa sarili niya ang kiligin. Paano naman kase, madaming estudyante na mag-on ang nagpapapicture ng sweet doon at nagmukha din tuloy silang mag-on ni Kwangmin...pero sa isip niya kang yon dahil parang wala namang malisya kay Kwangmin kung magpapicture sila.
"Sali ako!" May tumawag sa knila pagkatapos maiclick ni Kwangmin ang camera ng cellphone niya.
Paglingon nila, naglalakad na papunta sa kanila si Youngmin. Tumabi ito kay Ahra at itinaas ang cellphone niya para sa selca. Napilitan naman magpose ulit si Ahra.
"Ahra, ang dami mong tagos sa likod, may pamalit ka ba?" Bulong ni Youngmin sa kanya.
Biglang nawala ang magandang ngiti ni Ahra at napalitan nang pag-aalala at pagkataranta. Napamulagat ang mga mata niya na parang nakakita ng multo. Napanganga din siya at bago pa siya lumingon para icheck ang likod niya, narinig niyang nagsalita ulit si Youngmin.
"Joke lang! Smile!" Sabi nito sabay click ng camera. Saktong sakto ang kuha nito sa gulat na gulat na mukha ni Ahra.
"Yun oh! Ganda lang!" Tumawa pa ito sabay tago ng cellphone sa bulsa niya.
"Ang lakas mo talaga mangtrip! Dyan ka na nga!" Dahil sa inis, nagwalk-out si Ahra. Wala na siyang pakialam kung maiwan din niya si Kwangmin. Para sa kanya nakakaoffend ang ginawa ni Youngmin.
Tahimik siya buong klase. Kahit si Kwangmin hindi na muna siya kinausap dahil alam nitong napikon na siya kay Youngmin. Hindi niya kinausap ang dalawa hanggang sa makauwi na siya.
Pagtingin niya sa facebook niya, parang binura naman ang inis niya ng mapansin niya na nagpalit ng cover photo si Kwangmin at inilagay nito ang picture nila kanina. Kung assuming lang talaga siya, iisipin niya na may gusto din sa kanya si Kwangmin pero pag naman magkasama sila, parang wala naman, parang kaibigan lang at walang malisya ang pakitungo nito sa kanya.
Nilike niya ang coverphoto ni Kwangmin at sinave na din niya sa laptop niya. Nakita rin niya na nagmessage si Kwangmin sa kanya.
Kwangmin: Ahra.. Galit ka pa ba?
"Pano ko magagalit sayo eh patay na patay ako sayo?" Malakas na sagot niya na parang kinakausap si Kwangmin sa screen pero syempre hindi ito ang irereply niya.
"Ayos na ko." Matipid niyang sagot para magmukhang cold pa din ang pakikitungo niya.
Kwangmin: wag ka na magalit ha.. Pls?
Youngmin: Pssst! Ang cute mo dito!
Biglang nagpop-out sa message box niya si Youngmin kasama ang picture na kinuha nito kanina. Kuhang kuha sa picture ang gulat na mukha niya.
"Sira ulo ka talaga! Ang pangit nyan! Idelete mo yan!" Mabilis na reply nya.
Youngmin: Ayoko nga! Ang kyut kaya! Papakita ko nga ito kay Kwangmin para may pangprofile picture siya! xD
Gigil na gigil naman si Ahra sa message ni Youngmin. Kung pwede lang makapatay ang pagpindot niya sa keyboard duguan na si Youngmin ngayon!
"Wag kaseeeeeee!" Pakiusap na lang niya sa kabila ng pagkainis. Paano kung ipakita nga nito kay Kwangmin, nakakaturnoff ang itsura niya at wala na siyang mukhang ihaharap kay Kwangmin kung magkataon!
Youngmin: oh bakit? Natatakot ka ba maturnoff si Kwangmin? Di matuturnoff yun! At di mo naman siya crush di ba?
"Subukan mo lang ipakita sa kahit kanino yan sasamain ka talaga!" Banta ni Ahra. Ayaw niya talaga na makita ni Kwangmin ang kahiya hiya niyang picture!
Youngmin: ok. Sabi mo eh. Papanakot ko na lang sa daga namin dito hahaha
"Grrrr! Walanghiya ka talaga!" Reply niya.
Youngmin: umamin ka na kase, type mo si Kwang!
Hindi pa din siya titigilan nito kaya naisip ni Ahra na sagutin na ang tanong nito.
"Oo na! Ano, happy?!" Nakasimangot na reply niya.
Youngmin: ayan! Nagdedeny pa kasi! Ayaw ni Kwang sa nagdedeny!
"Subukan mo lang sabihin kay Kwangmin ipapasalvage kita! Bwiset ka talaga!" Banta na naman ni Ahra.
Youngmin: wag ka mag-alala. Boto naman ako sayo para sa bestfriend ko. Ang tanong.. Type ka ba nya?! Hahaha
Lalong nainis si Ahra sa pang-aasar ni Youngmin. Hindi na niya ito nireplayan at nag log out na lang siya. Sinabi na lang niya kay Kwangmin na biglang sumama ang pakiramdam niya.
~~~*~~~*~~~*~~~