مازن :سيليا لحكاية طويلة ومتصلحش نحكيها وايلين ملازمش تعرف
سيليا تفكت منو:نن غير هادي اللي متصراش ليوم وضك ايلين تعرف ببنتها وتديها منكم وجدو رواحكم للمحاكم وجات خارجة مخلتيو ينتف فشعر راسو يخمم فحل مفطن من سهوتو غير على الصوت الباب اللي قريب نصلتو مش غلقتو مسح على وجهو بفدة وقلع يجري وراها
سيليا تمشي وتخمم دموع فعنيها:اهه هههه ايلين بنتها عايشة ورايحة تقدر تعوض حزن السنين اللي فاتو و تفرح وتكمل حياتها مع بنتها ههه يا ربي و اخيرا رايحة تتهنى ,وليينار وعدتها نحوس على امها ولقيتها ورايحة نرجعها ليها, يا عمري على بنت ختي اللي تصاحبنا وحبيتها ههه واخيرا ايلين رايحة ترجعلها الضحكة تفتح السونسور ودخلت مي كي جا يتغلق الباب حبستو رجلو ودخل هو وغلق السونسور عليهم
سيليا شافت فيه عينيها نار ورايحة تحرقو:علااه لاااحق سمااااايااا؟؟
مازن حقرها وضغط على زر خلى السونسور يحبس
سيليا تلاحت تفك فيديه تحب ترجع تضغط باه يكمل و تحكي كلش لايلين
مازن حكمها ليه ظهرها عصدرو ويديها مقيدهم هو
هي اكره شي عندها راجل يقررب ليها ويربطها هكا تخنقت منو وبقات تتفركت مي هو والو حلف يطلقها
مازن:اركحي اركحي خليني نهدر معاك الرب العالي تفرفطي طول
سيليا:اطلقني منحبش نسمع ايلين لازم تعرف ببنتها وضك اخطيني واطلقني تخنقت
مازن زير عليها كثر:يا تسكتي يا نخطفك والله نديرها
سيليا:هههه ضحكتني وضك مازن اطلقني خيرتلك لينار لازم تعرف بامها وانا منيش رايحة نكون شريكة معاكم فهاد الكذبة نتا محضرتش لدموعها وبكاها وحرقتها كل ليلة عليها
مازن::اييه مي حضرت للينار انا كنت مع لينار من وقت كانت فالقماطة بعمر شهر ومام انا كنت حاسب مرت خويا ماتت وحتى مكنتش نعرفها كلشي صرا وانا برا البلاد بعيد على عايلتي انا اكثر انسان رايح يفهم ايلين ولينار ,وصدقيني يا سيليا ايلين عرفتها برك نهار الحفلة نهار جات مع جان صدقيني تعرفي مام انا كانت ردة الفعل تاعي كيفك وحلفت في ماهر بلي نهزها لايلين ونجيبها مي هو قالي بلي عندو سبة وحكالي كلش ,مام خويا كان يتعذب علاجالهم للزوج ....سيليا للزوج كانو فالريسك وكان لازم يفرقهم كان مجبور يختار بيناتهم وشكون تعيش وكان لازم يبعد ايلين عليه باه تبقى لينار عايشة كلشي داروه الكبار وخلصوه الصغار هاد الشي كامل بسباب عداوة لا معنى لها كانت بين العيلتين عايلة ايلين وعايتلي وجدي بالتحديد
سيليا راني حاب نجمعهم وقريبا مي مش هكا اذا ايلين عرفت ضك حياتهم رايحة تكون فخطر صدقيني وكلشي رايح يتعقد ورايحة تكره ماهر اكثر وانا راني حابهم يرجعو عايلة وقاعد نقنع فماهر بهاد الشي اصلا هي متزوجة بجان والحظانة مستحيل تولي ليها يعني رايحة برك تدمريها كثر
سيليا :انا سمعتك وضك اطلقني وبعد مني
مازن دورها ليه وحكم وجهها بين يديه قراب لبعضاهم بيناتهم سنتيمات :شوفي فيا (حطت عينيها في عينيه)ورااس هاد العيون وهاد البحر اللي فيهم نوعدك نرجعهم لبعض ونخليهم يكونو احلى حياة واحلى عيلة تعيشي سيليا اوقفي معايا وخلينا نجمعوهم مش نزيدو الكره بيناتهم تعييييشي اوقفي معايا علاجال ايلين ولينار
سيليا دمعو عينيها:منقدرش ,منقدرش,كيفاه نخليهم بعاد وهوما قراب؟كيفاه نخلي كل وحدة فيهم تتعذب على الثانية وهوما عايشين؟؟ههه اصلا نتا متعرفش معنى تعيش بلا ام من صغرك امم؟؟
مازن:نعرف وراسك غير نعرف ونعرف بلي عشتي نفس الشي عليها جاتك صعيبة مي انا مستحيل نخلي لينار تعيش وش عشتي وتفقد برائتها كيما فقدتيها نتي
سيليا تشوكات كيفاه هادي علابالو بوش عشت منين عرف ووش يعرف بدات تتخبط بهستيريا:وش تعرف اا؟؟وش تعرف؟؟ومنين؟؟كيفاه اصلا؟وعلاه تعرف؟؟
مازن حكمها عندو وحضنها لييه:خلاااص كالم توا ورايح نحكيلك كلش مي مش هنا هيا نرجعو لبرويا ونحكيو آلاز سيتوبلي
سيليا:اوك قالتها وتفكت منو هو ضغط على الزر تفتح الباب على الايطاج اللي فيه بيرو ايلين مجا يكونفيرمي انهم يهبطو كانت هي زربت خرجت وحكمت طريقها لبيرو ايلين
مازن هبل في مخو خلااص كلشي راح وماهر رايح يخسر شوية الامل اللي بقا فحياتو تبعها جهامة بلاروح لقاها دخلت لبيرو ايلين خلاص كلش راح وراب قبل ما يتبنى الساس حتى
قاعدة فبيروها هي وسمير يهدرو على الخدمة فلندن وامورات ايلين علابالها بيهم وحب يستفسر من عندها حتى دخلت عليهم عينيها مدمعين شوي ايلين تخلعت من حالتها وقفت ديراكت ليها
ايلين:سيييليا وشبيك ؟وش كاين؟
سيليا والوغير ساكتة تلاحت حضنتها وساكتة
ايلين قلبها طاح وشصرالها:سيليا حبي تعيشي اهدري وش كاين
سيليا كانت مغيبة على عالم الواقع وش رايحة تقولها اذا قالتها بنتك عايشة صح رايحة تفرح مي لو تخلي مازن يحكيلها بلاك تقدر ترجع لماهر ثاني وترجع عايلتها وتعيش الفرحة اللي نحرمت منها هي لو تصبر شوي بلاك تقدر متخليش لينار تعيش وش عاشت وتخليها وسط والديها الزوج مش تفرقها على ماهر وهكا قادر لينار تكره ايلين وتمرض نفسيتها اكيد تتخلط وهاد الشي يأذيها وهي آخر شي تتمناه تأذي بنت اختها الغالية ولا اختها واصلا لازم تعرف وش قصد مازن بأنو يعرف كل وش عاشت
ايلين جبدت وجهها بن يديها ونطقت:وش كاين؟
سيليا ثم ثم فاقت لروحها ودات قرارها جبدت نفس كبير ونطقت:والو توحشت يما وجيت عندك نشم ريحتها فيك
ايلين جبدتها لحضنها مشبعتها حنانة, حنانة الام اللي ديما تلقاها عندها والثانية زيرت عليها برك
سيليا تحكي فقلبها:سمحيلي لازم نخبي ضك ملازمش نعطي حكم مسبق ونكون متسرعة نتي اللي علمتيني نفهم الامور اسع ومبعد نحكم ونتصرف وهكا رايحة ندير ورايحة نخمم غير فالاحسن ليك ولبنتك نووعدك
شوي وجبدت روحها عليها راسمة ابتسامة بسييف كارهة انها خبات عليها وكذبت عليها مي لازم :اححمم مرسي ايلين خلاص راني صافا
ايلين:بلا مزيتي سيليا واي شي راني هناا ويماك راهي فالجنة نشالله خلاص اتفكريها بالخير برك وديجا اخرجي مكيش قادرة للخدمة روحي للاوتال وكي نجي جان تفاهم معانا بلي رايحين نروحو لدار خالتي عمصاء امو بيسك عرضتنا ليوم للعشا
سيليا:اوك نخرج مالا ونتي الحقي وسمحيلي زدتلك الخدمة
ايلين حكمتها من وذنها:تزيدي تعاودي كلمة سامحيني هادي تشوفي ما لا يرضيك طييري
سيليا حكمت ونها و تبسمت:اي ههه اوك خلاص منزيدش نعاود ههههه
سمير قرب ليهم حضنهم للزوج حضر لكلشي وحفظهم هوما ديما هكا كي تطيح وحدة تجري لحضن الثانية وتدي القوة منها وترجع كأنو والو ماصار :ربي يخليكم لبعضاكم بناتي الغاليات ويبعد عليكم البلا وقلة الهنا نشالله
للزوج دخششو فحضنو لاقيين امان الاب فيه:آميين يا ربي ويخليك لينا
سيليا :مالا انا نروح ضك
سمير :ايه هزي لوطو تاعك وسوقي بالشوي
سيليا :اوك كشما تحتاجو ولا نديلكم معايا
ايلين:والو مرسي حبيبة
سمير:اا سيليا عندي شوي وراق ومنيش حابهم يبقاو هنا معليش تديهم معاك وتخبيهم عندك حتى نحتاجهم
سيليا:ايه اعطيهملي
عطالها الوراق وجات خارجة من البيرو لقاتو فوجهها متبسم
مازن:صدقيني نتي درتي احسن حل
سيليا::قداااامي للبيرو نحب نعرف كللللش كل كبيرة وصغيرة
مازن :ميكون غير خاطرك الزين هيا
سيليا خنزرت فيه ومشات للسنوسور وهو لحقها ونزلو وكل واحد فاه يخمم
مازن يوجد فكلامو فواش يحكيلها وهي تخمم كيفاه رايحة تدير كي تعرف وزعما وش الحكاية اللي خلاتهم يفرقو ام وبنتها على بعضهم
وصلو للبيرو دخلت سيليا ودخل هو وراها غلق الباب وقرب ليها لقاها واقفة مربعة يديها ليها وتستناه يحكي فات للاطلالة وبقا واقف عاطيها بظهرو يديه فجيوبو
سيليا قربت ليه ووقفت قدامو:معليش تهدر وتهنيني عقلي راه رايح ينطق فكني و اهدررر
مازن :لحكاية صرات قبل 27سنة قبل متتزاد ايلين حتى عايلاتنا كان بيناتهم شوية حروب ولحقت بيهم يقتلو بعضاهم علاجال الاراضي والاملاك فاميلة ايلين كلها ماتت مي قبل هاد الشي قتلو بابا وعمي ومام حنا من قبل عمي وبابا قتلو كامل عمومها كان يقتلو في بعضاهم تقول حيوانات علاجال الملك والاراضي على كل كبرو وهوما حاسبين بلي لازم يخلفو ثارهم بيسك عم ايلين اللي قتل بابا حصلها فباباها وبلي هو اللي قتلو وقبل ما يلحق ليه جدي ويقتلو هو دار اكسيدون مع مرتو وبنتو ايلين وماتو وقتها والديها وبقات غير ايلين وكيما نتي عارفة هي رباتها جداها تاع امها ومحرمتها من والو مي الحقد اللي كان فجدي كبر ومقدرش ينساه وبقى مخبيه فقلبو حتى كبر ماهر وتعرف على ايلين هو مكانش يعرف بالحكاية والعداوة اللي بين العيلتين مكانش عارف بيها سينو كان جامي خمم يدخل ايلين فالحكاية مي هو حبها وبقا وراها حتى جابها حلالو قدام ربي وعبادوو تزوجو وعاشو عامين مع بعض وربي رزقهم بلينار وقتها كانت فأشهرها الاولى فكرش ايلين وهنا بدا الحقد يبان جدي شحال من مرة يخلي خدامة تسمم ايلين فالماكلة وحاول يقتلها هي وبنتها الف مرة مي تمنع منها وماهر ديما يغطي الحكاية بيسك خاف تروح وتخليه وتدي معاها بنتو
سيليا قاطعتو:بنتهمممم بنتهم مش بنتو فااهم بنت ايلين حتى هي
مازن دار ليها شايف دموع فعينيها دموع على حبيبتها الغالية ووش صرا فيها وهو دموعها حرقوه :خلاص بلا بكا ايه بنتهم ..مييي...جدي حلف يخليهم يتهناو وقال بلي رايح ينتقم من بنت اللي قتلت ولدو انو حنا جامي نربيو دم عدونا يعني لينار وايلين لازم يموتو وماهر محكا والو لايلين حتى نهار الولادة تاعها وجدي هكاك ومركحش وعطاها دوا يخليها تدخل فغيبوبة مورا الولادة مي ماهر بقا واقفلو وهددو بأوراق غير قانونية كان هو خدام بيهم وخلاه يتنازل ويخليه يربي لينار مي بشرط
سيليا :وشرطو ايلين تبعد على حياة ماهر وهكا يكويها ببنتها كيما باباها كواه بولدو على حساب تخمامو هو ياك؟؟
مازن تنهد بأسف:ايه للأسف ...وماهر دار ثقة فربي وعاون ايلين تداوي وتفيق من الغيبوبة غير من بعيد واقنعها بلي هو الغالط وخلاها تبعد عليه يعني مام خويا راه مظلوم ومعندو ذنب فاللي صرا
سيليا ضحكت باستهزاء:هههه يسما حياة ايلين وبنتها دمرت لسبة هوما معندهم حتى ذنب فيها ؟امم؟يعني هوما فالماضي كانو يقتلو فبعضاهم زي الحيوانات ومبعد خلاو ايلين اللي معندها حتى ذنب تخلص ياااك؟
مازن:سيليا هادي هي الحكاية وانا ضك راني ندير فجهدي باه نردهم لبعض ونخليهم يكونو عليتهم مي نتي لازم تعاونيني
سيليا:وكيفاه نعاونك انا سي شباب وهو جايب هاديك الخرا تاع ميرال ويقولك حبي ما حبي يظهرلي هو عاش حياتو بالطول والعرض
مازن:ومام ايلين جات متزوجة يا لالة لا نفكرك
سيليا :مكان مدخلك ايه عاشت حياتها بعيدة عليكم ورايحة تزيد تدي بنتها منكم ومستحيل نخليك ترجعها لداركم اللي يتمناو يقتلوها غير هادي اللي متصراش ورايحة نخلي لينار بشوي بشوي تعرف امها واصلا ياخي قلت جدك اللي وقفلو فوجههو هاو مات جدك علاه محاولش يردها فالسنين اللي فاتو مالقري بمعارفو يلقاها فدقيقة بيسك مام هي خدمت اسمها وخدمتها ونجحت فيها علاه محوسش وحاول يردها ؟؟
مازن:سيليا برافو مام انا سقسيت هاد السؤال لماهر وبقا يجاوب فيا غير بأنو راهم فالريسك وخلاص ومهدرلي حتى كلمة اخرى
سيليا:الريسك هدا متأكدة باللي وراه عايلتك ماغيرهم مي رايحة نحاربهم ونحارب كلشي ونرجع لينار لحضن ايلين وبطريقتي
مازن:سيليا تعييشي اعطيني فرصة وحدة وشوي وقت ونوعدك لينار تعرف بايلين تعييشي اعطيني فرصة ..سيليا اذا نتي متوثقيش فيا وعندك حق مي الشي اللي حكيتو هو الصح والامر الواقع واللي صار ولينار توثق فيا ونتي عارفة اني منحسبهاش بنت خويا برك بالعكس راهي بنتي وطرف مني ونوعدك رايح نديير المستحيل باه نلقاها فرحانة وهانية مع والديها
سيليا تدور فكلامو فراسها اذا لينار رجعت ضك مارك اكيد يعرف بيها ويقيسها هي وايلين وايلين مستحيل تتحمل تخسرها يعني هي ضك بأمان مع باباها ومستحيل يضرها يعني لازم تصبر :اوك رايحة نعطيك وقت مي الوقت هدا يخلص وقت اللي نحب انا ونحب نشوفك درت انجازات فهاد الوقت سي مازن
مازن:نوعدك رايح ندير اللي نقدر عليه مي نحتاج معونتك والله
سيليا:رايحة نعاونك مي علاجال لينار وايلين هوما للزوج معندهم حتى ذنب فاللي صرا
مازن قرب ليها وحضنها:نعرف قلبك بيض ورايحة تعاونيني بكل ماعندك ومام ماهر معندو حتى ذنب صدقيني للزوج تظلمو وذنبهم كان الحب ,حبهم اللي كان حرام يتبنا من اللول كملها بصوت واطي ومقهور مي هي سمعتو كيف واحد الزوج راهم هنا غير سمعتو بعدت عليه كيف اللي قرصها حنش وفكرها
سيليا:اييه ووش قصدك بعارف وش عشتي وفقدتي برائتك ومعرف واش انطق
مازن :والو قصدي بلي علابالي نتي ثاني كنت يتيمة الام وعشتي بلا بيها وضطريتي تكبري وحدك برك
سيليا تنهدت متنفسة الصعداء خافت يكون عرف حكايتها وتكون مكشوفة قدامو وهو عارف بواش فاتت وحاول يشفق عليها وهدا أكره شي عندها انو انسان يشفق عليها من وش عاشت :اووووك هات تلفونك
مازن :علااه؟؟؟
سيليا:افف هات دينو ومتحوسش تفهم
مازن جبدو من جيبو وعطاهولها بعدما فتح الكود ديراكت قابلتها فوطوها معاه سهات فيها
سيليا:هههه يا عمري على حبيبة خالتها نفس العينين ونفس شعرات الذهب هادو هههه يا ربي هاد الطفلة هزت كامل الهبال اللي ايلين تظل تعرشلي عليه
مازن:اييه هزتو عليا ماهر ديما يقولها ابقاي عاقلة مي انا ديما نهرجها ونبقى معاا فالخطط الشريرة ههههه
سيليا شافت فيه ورجعت حكمت تلفونو دخلت للانسطا تاعو وحوست على الكونت تاعها وبعثت كااامل لي فوطو تاعها اللي عندو لتلفونها وعطاتهولو
مازن شافها دخلت للانسطا حب يهبلها شوي: نتي هبلتي هادي خصوصيات اسمو حساب شخصي مش جماعي وشبيه جدك نتي وكن راني نحكي مع حبيبتي تشوفي ميساجاتنا عادي؟؟
سيليا وقفت ليه تخزر فعينيه بتحدي:شووووف سي شباب هزيت لي فوطو تاع بنت ختي من عندك باه نحي وحشتي ليها بيهم حتى ترجع معانا نشالله ومشفت لا من لا من وميهمنيش لكان عندك حبيبة وتحكي معاها بيسك منيش قرعاجة نشوف تفاهاتكم هههه قالك حبيبة اصلا وش معنى حبيبة بناقص من الحب المزمر هدا اللي يدمر العايلات والولاد
وضك رايحة ندير آخر شي يهمني ليوم ونخرج قربت للبيسي حكمتو وبدات تبربش الطفلة كانت هاكر يعني مصعبتش عليها تدخل للحسابات المالية والملفات اللي في بيسي هدا كمال وتقدر تشوف وينو الخلل وانو قاعد يبدل فالحسابات ويدي في 20بال100من نسبة الأرباح لحسابو الشخصي صفقت ودورتلو البيسي وهو يشوف فيها مش مشوكي من براعتها حافظها بياان وش تكون
سيليا:فواالا هاهو اللي خدام معاكم سنين وشحال يبغيكم الله يبارك لدرجة يستغل تعبكم وارباحكم ويديهم لنفسو تفضل سي مازن كامل الملفات اللي فالبيسي تاعو قدامك تقدر تتصرف وتحوس مليح مش غريبة تلقاه جاسوس وضك سمحلي راني خارجة
مازن :مرسي ورايح يتحاسب نوعدك
سيليا:ميهمنيش انا كشفتو ونتا دبراسك وش تدير( جات خارجة ومبعد رجعت دارت ليه):احمم نقدر نعيطلك مبعد نحكي مع لينار ؟
مازن وجههو صفار كيفاه يقولها راهي مريضة وضربتها طوموبيل وكانو متقصدينها وراسها مريض متقدرش تهدر بالتلفون بزااف :اا ان شاء الله هيه كي نكون فالدار عيطي نشالله ونخليك تهدري معاها مي مكلاه تجبدي ايلين معاها
سيليا تبسمت:اوك مرسي هزت وراق سمير من بيروها اللي ديجا فاتت حطتهم ثم ومشات للوطو تاعها وديمارات
سيليا تسوق فسكات وتهدر بوحدها:وشحال غريبة هاد الدنيا ايلين 5سنين عايشة عذاب بسبة كذبة وذنب الكبار من زمان خلصاتو هي ضك ولينار اللي من اللي تزادت وهي تعاني وتخلص فأغلاط جدودها وبقات بعيدة على ايلين وتتمنا بالدقيقة تعرف حتى اسمها,وشحال ظالمة هاد الدنيا اللي خلات ناس ابرياء يخلصو أغلاط شياطين وقهرتهم أشد قهرة ,قهرة فراق الأم وفراق كبدتك ونص منك مي كيما تقول ايلين "حتى لو الدنيا ظالمة مي هدا المكتوب وما منو مهرب "
صح انا عطيت مازن وقت مي هدا الوقت كان ليا,انا اللي محتاجة هاد الوقت باه نخلي مارك بعيد على ايلين ونتهنى منو بااه نقدر نردها لبنتها سينو موحال نزيد ندخل ناس اخرين يخلصو معايا فهاد اللعبة الكلبة اللي دارتها بينا الدنيا مستحيل رايحة نخرج مارك من حياتنا ونخلي ايلين ترجع لراجلها وبنتها طريق طول وهي تحكي حتى وصلت طلعت ديراكت لجناحهم حطت وراق سمير فوق السرير تاعها ودخلت للدوش لاازمها دوش كبييير بعد وش عرفت ليوم
ايلين غير خرجت عليها سيليا تنهدت وشافت فسمير:عميييمو ضك هاد الطفلة مش رايحة تتهنى يعني
سمير:ربي رايح يهنيها ويعوضها باللي ينسيها وكيما عوضها بيك تتخبى فحضنك وقت تحتاج امها رايح يعوضها براجل يخلفك ويوقف فكتافها ويعيشها فرحة تكون ام وتعوض كل وش فاتها يا بنتي نتوما برك خليكم مع بعض ومدايرين امل فربي سبحانو
ايلين:سبحانو وايه كيما ربي عوضني انا ثاني بيها رايح يعوضنا نشالله
سمير::اكييد بنتي وانا ربي عوضني بيكم يا احلى شي صار فحياتي
ايلين حضنتو: ربي يخليك لينا يا الغالي والجناح والسند اللي نتحماو فيه وقت نضعفو ..واييه مام نتا العشية معروض عند خالة ام جان بيسك قالت نحبكم تجيو كامل وكي قال جان بلي نتا راجل وتحشم سيير اي توو قاتلو راكم عايلة وحدة وانا منها تسما بلاما تزعفنا بحشمتك عميمو وارواح احضر معانا
سمير:ان شاء الله بنتي نجي باذن الله
واقفة تحت الما وتهدر:هههه يا عمري السكرة تاع لينار ظهرت بنت ايلين راني فرحانة بيسك متأكدة لينار ببرائتها وهبالها رايحة ترجع الفرحة لحياة ايلين وتعوضها على كامل وش فات عليها كلشي لليام هي رايحة تبين كلشي منا لهاداك الوقت نتمنى يبقاو بخير حتى نفك حكاية الشيطان مارك ونتهنى لازم نلقاه ونقتلو سينو ميخطيناش مدام راهو هنا فدزاير رايحة تسهل عليا شوي نلقاه كملت دوشها تخمم فالجاي رجعت تخطط بطريقة المافيا وسيليا اللي كانت تطبق اكبر عمليات تهريب السلاح بين الحدود وقتل الخونة رجعت وهمها تحمي عايلتها
حبس اللوطو قدام الفيلا تاعو ونزل ليها هزها بين يديه ومشا داخل وهي معنكشة فرقبتو
ماهر:هاانا وصلنا بنتي حبيبتي ,مرحبا بيك فدارك سالمة ومعافية صغرونتي
لينار:ههه يعيشك باباتي الزين
دخل لقاهم واقفين ويستناو فيه سليمة غير شافتو جرات ليه هي ونسيمة اللي تشوكا من الخوف اللي فعينيها
سليمة (تمسح على راس لينار اللي مزال هازها ماهر ):مرحبا بيك بنتي العزيزة الحبيبة لباس؟
لينار:لباس جدة سليمة الحمد الله فاتت هههههه
نسيمة قريبة وبعيدة قدرتش تقدم ليها وتقولها على سلامتك بيسك خافت تنكرها ومتردش عليها ومتلومهاش بيسك المكنر اللي كانت تديرو فيها هي معالم بيه غير ربي سبحانو مي تقوات بسليمة وقربت ليها راسمة ابتسامة حنييينة بهاتها زادت نور لوجهها اللي كان ديما مكبوس
نسيمة:مرحبا بيك حفيدتي العزيزة لباس ؟
لينار تشوكات من الحنية اللي فيها هزت راسها لماهر اللي مشوكي كيفها مي تبسملها تاع ردي راكي تعرفي رجعت شافت فيها وتبسمت:يسلمك جدة حبيبة راني لباس ونتي؟
نسيمة فرحت وظهر كلام سليمة صحيح هادي راهي غير كتلة براءة وكيما تعامليها تلقايها
نسيمة:لباس حفيدتي الحبيبة وديجا علاه مزالك هازها يا ماهر امشي اديها لبيتها تريح
ماهر :ايه صح هيا جا ماشي بيها مي هي حبستو
لينار:بابي عيشك خلينا هنا فالصالون نقصرو شوي كرت النوم فالسبيطار تاع الزمر هداك خليني قاعدة مع يما سليمة وجدة نسيمة
ماهر:...... (جا يرد سكتوو نسيمة)
نسيمة:اييه يا ماهر خليها تقعد معانا شوي ننحيو وحشنا ونسقسيو عليها شوي وكانت رايحة تروح من بين يدينا
سليمة:بعيد الشر يا نسيمة هاهي حفيدتك قدامك منا وراييح وراهي لباس بيها نشالله
ماهر :اوك مالا شوي ونطلعها حطها على الفوتاي وعدلها متكسلة حاطة رجلها المكسورة على مخدة وهوما قابلوها في لي فوتاي لخرين
ماهر قرب قعد قدام سليمة ونسيمة سامات لينار وقعدت تمسح على شعرها
ماهر:سسس سلوومة الزينة
سليمة:احشم يا ولد بنتك قدامك عييب
ماهر:هههههه وااش ندلع فجدة الشابة ,المهم قوليلي وش حكايتها (ودارلها براسو على يماه)
سليمة:تقدر تقول راهي تحاول تصلح غلطاتها وتكسب حفيدتها وتكون جدة بالاسم والفعل
ماهر:والسبب يعني هكا بين ليلة ونهار تبدلت؟!!
سليمة:ربي كي يحط الرحمة في قلب انسان ميحتاجش وقت يا وليدي المهم فاقت خليها تصلح غلطتها
ماهر:عندك حق وفرحت بالجاست هادي نتمنا تبقى هكا
سليمة:آميين ربي يحنن القلوب كاامل على بعضاها يا وليدي
ماهر:آميين جدة الغالية
نسيمة:لينار بنتي خليتهم يطيبولك كل وش تحبي للعشا
لينار:مرسي ربي يخيلك جدة
نسيمة:بلا مزيتي بنتي الزينة
لينار دارت لقات ماهر يشوف فيها شافت معاه بطريقة تاع:راك مأمن وش راني نشوف وهاد التغير؟؟
وماهر ردهالها وتبسم تاع:ايه وهادي حاجة مليحة كوني كالم برك
لينار:جدة وين راه مازن؟
سليمة:راه فالخدمة يا بنتي وقال مشغول للعشية باه نجي
لينار:اممم اوك معليش هههه
بقاو قاعدين دايرين جو يحكيو ويضحكو حتى وصل وقت الغدا ناضو تغداو مع بعض
خرجت من الدوش لافة منشفة عليها جرات للدريسينق تخير وش تلبس حطتهم ومشات شيحت شعرها وولبست ومشات هبطت للريسطو اللي فلوتال تتغدا وهي هابطة فالدروج هزت تلفونها تعيط لايلين
سيليا:الو
ايلين:اهلاا الزين الغالي
سيليا:ههههه بيك الحب ني هبطت نتغدا ياخي نتو تاني تغديتو ؟
ايلين:ايه رانا هابطين للريسطو حنا تاني ونكملو الخدمة ونجيو بقاو تصاميم حابة نكملهم قبل مننسى الافكار
سيليا:اوك ربي يعينك الزين وبشوي متضغطيش روحك راهي غير خدمة
ايلين:اوك حبي بااي
سيليا:بااي
كوبات وقعدت في طابلة وحدها جاها السارفور
سارفور:مرحبا بيك انسة وش تطلبي؟
سيليا:بيك يعيشيك معليش تجيبلي شاورما ولا تاكوس عفسة خفيفة برك
سارفور:بيانسير انسة مي وشرايك نجيبلك طاكوس وبوريتو ايطالي مشهورين بيه بزاااف بنين
سيليا:اوك
سارفور:ربع ساعة يكون طلبك واجد
سيليا:ايه معليش مرسي
هو راح لخدمتو وهي حطت راسها فتلفونها فتحت الانسطا وقعدت تكونيكتي عندها بزاف مكانتش اونلين بيسك ليامات هادو كانت لاهية مع الباصي وغير تتفكر فاومورات مش مليحة شوي وهي غايسة حتى طلعت راسها فطفل يبان كبير شوي عليها قعد اونفاص ليها
سيليا:سمحلي بصيفتك شكون قعدت وشكون خلاك؟؟
طفل :راكي مريحة وحدك يا الزين قلنا نلهيوك علاه تبقاي وحدك هكا وغمزها
سيليا جنونها ركبوها اكره حاجة عندها هاد النوع الباايخ والغااامل تاع الرجال عدلت روحها اونفاص ليه ونطقت بصوت كلو قوة وتهديد:يااااتنووووض منااا سينو انا نبعثك ديراكت لعند عزرائيل يلهيك سي شباب خرا مخري
الطفل وقف يعيط:اااي احترمي روحك كياه تقوليلي خرا مخري يا شيطانة جا رايح يضربها كف مي هي ضربتلو يدو بعدتها وعطاتو كف لا يقرأ ولا يكتب كف دار صداه فكل الريسطورون
سيليا :رد بالك تتقوى على طفلة مرة اخرى وننصحك من ليوم اذا لقيتني فطريقك غير بدلها سينو نقتلك ونشرب من دمك مزال متزادش اللي يهز يدو عليا
الطفل فوت صبعو على شفتو اللي طرطقت بالدم ودفل هداك الدم وتبسم::رايحة تخلصيها غالية صدقيني
سيليا:اللي يلحقو عليه يديك ديرو واعلى ما فخيلك اركبو ورايح تشوف ما يرضيك ويعاود يربيك ان شاء الله
مكملتش كلامها جبد موس من جيبو وجا متقصدها غدرها بهاد الجاست بقات واقفة غير تستنا فالضربة تجي فيها مغمضة عينيها مي غير محست بوالو فتحت عينيها لقاتو واقف وحاكملو يدو اللي فيها الموس اللي مبقاش بينها وبينو سنتيم ويشوف فالطفل هداك شوفة كلها نار وغضب
جان عوجلو يدو شوي ويكسرها:مالا رايح تضربها يا الطحاان ؟ااه؟تتقوى على بنات الناس؟؟يا الكلب وضربو بدماغ فلقلو خشمو ورجع فمو وخشمو يسيلو بالدم فمو من سيليا وخشمو من ضربة جان الطفل هداك طاح دايخ من الضربة اللي كلاها
سيليا شافت فجان:راك لباس ؟
جان:ايه ونتي؟ ياخي مدارلك والو؟
سيليا:نن اصلا ميقدرش
جان قرب ليها حط يدو على كتفها:هههه بصح نستعرف بيك شكرودة شوهتيلو وجهو ياجدك صباعك طراساو يعني فاتني كف اسطوري
سيليا:هههههه راني هنا تحب نعاودو فيك تعيش وتشوف وتحس نشالله
جان:لا يرحم باباك غير مكلاه وجهي نحتاجو هههههه كشما نصيد فراشة عندها عينين زورق بحال عينيك
سيليا:هههه شكون رايحة تقبل بيك غير نحي الاحلام من راسك واقعد نتغداو قعدو وطلب جان تاني غدا
وهداك الطفل جاو صحابو هزوه ومشاو
سيليا:ايييه وايلين وعمو وينهم؟
جان:بقاتلهم شوي خدمة يكملوها ويجيو وانا جيت ندوش ونخرجك نديرو شوبينغ حاب نشري ليما صوالح ونتي طفلة تعرفي خيرمني سيير
سيليا:هههه اييه رايحة نفرح بزاف بمعاونتك كنت نتمنا نشري ليما مي ضك معليش نعاونك تشري ليماك ونحسبها يما
جان حكم يدها اللي كانت على الطابلة وهدر وهو يشوف فعينيها:من ليوم انا خوك واي حاجة راني هنا ويما اعتبريها يماك كيما هي يما وايلين تعتبرها امها
سيليا :مرسي ربي يخلييك جان
جان جبد يدو منها وطاح فالماكلة اللي جابوهالهم :اخااه جعت
سيليا:ههه الماكلة مش هاربة كول بعقلك برك
في بلاصة اخرى بعيدا عن أبطالنا فحي قيس قيس فيه ديار صغار وشابين شوي قاعدة فالطابلة مع باباها ويماها ويتغداو فصمت حتى نطقت
نور:بابا جانير طول الغيبة توحشتو بلاك نزورو مبعد
مجيد:خوك راه خدام يا نور وكي يقعد ويقدر يجي راه يجي وحنا منقدروش نروحو ليه كملي ماكلتك ونوضي
نور:اييه خدام ونتا هنا قاعد بسبتك يا بابا خويا الصغير راه بعيد عليا ومنقدرش نشوفو وقت اللي نحب,خويا الصغير والوحيد بعيد علينا بسبتك اصلا علاه تدخلو فهكا خدمة؟ولا حياتو رخييصة عندك؟؟
ملاك (امها):نووور بلعي فمك ومتحكيش مع باباك هكا
نور:اييه عندك حق يا يما اللي يهدر الحق معاكم ويحطكم فالامر الواقع لازم تسكتوه وااو عنجد وااو خبطت الطابلة ووقفت مخليتو حارقها بشوفاتو تفكر مليح الانسان اللي كان كي يدير هك يقدر عليه مي بنتو ميقدرش ينوض ليها ويضربها ويبعثها هي تخدملو دونك بعث ولدو تقول ماهو من لحمو
نور طلعت لبست ونزلت فاتت عليهم :راني خارجة مع بشرى والا سحقيتو حاجة عيطولي برك وخرجت بلاما تسمع ردهم
غير خرجت حكمت طاكسي وعيطت فتلفونها
نور:اهلا يا البقرة تاعي راني خرجت نستناك قدام المول نديرو شوبينغ
بشرى:بيك خرية مي منضنش نقدر ليوم
نور:اععع زبلة كلبة علاه يعني
الطكسيور:مدموزال سيتوبلي بركاي التطياح اوو ختي مراكيش فدارك
نور وجهها الوان راحو والوان جاو تبسملتو برك وسكتت تهمس فالتلفون:الله لا تربحك فضحتيني نوصل ونكمل نغسلك بااي وكوبات عليها سينو مول الطاكسي يرميها وسط الطريق ويخليها
بسيف باه وصلها سلكتو ونزلت عاودت عيطت
بشرى:اهلا ياخي مرماكش برك؟ هههههه
نور:تفوو كلبة هادي المهم ني قدام المول تسما نبقى وحدي اعع سماطة
بشرى:قتلك عندي اكزامان غدوة ومنقدرش نخرج لقراية فوق راسي عراام
نور:ايه يالخباشة تاعنا خلاص فهمنا طيري تقراي نروح نشوف كشما نلقا بقلاوات نشلل عويناتي شوي ونروح على زهري
بشرى:هههه ايه شللي عويناتك مالا وروحي ايا باااي اخرية
نور:بااي ا الكلبة
كوبات ونفخت على جنب ودخلت
فالفيلا قاعدين مجمعين بعدما خلصوا لغدا حى لقاوها هبطت تتمشي وتتعيوج كي العادة
لينار غير شافتها استغفرت وهمست فوذن سليمة اللي كانت قدامها:جدة ربي يعيشك دك جدة نسيمة مشاء الله ولات تهووبل زعما هاد الهم متترييقلش؟؟
سليمة:هههههه والله يا بنتي ربي سبحانو قادر على كلش خلي الوقت يبين
لينار:مشكيتش هادي برك متتعدلش
ميرال قربت هبطت زعما تسلم على لينار وفي وجها ابتسامة نصر وهي تشوف فيها فهاد الحالة
ميرال:مرحبا بيك صغرونة منعتي على شعرة مزياا
لينار :بيك ميرال حبيبة متخافيش مزلت باش نموت ونخليك تديري رايك مزااال الحال نتي كبيرة عليا تموتي قبلي ههههه
ميرال:هاهااها لسانك ديما هارب
لينار:الله غالب ميحملش الغباء وتلواح المعاني
نسيمة:مييرال (هدرتها بصوت حاد)اقعدي وسقسي على حفيدة خالتك علاه واقفة
تبسمتلها شبه تبسيمة وقعدت ميرال:اييه يا صغرونة وش الحالة كشما راه يوجع فيك؟؟
لينار همست بصوت واطي سمعتو سليمة اللي تبسمت حاكمة ضحكتها بسييف:(واجعني قلبي من شوفتك استغفر الله )رجعت هزت راسها وتبسمتلها:نن لباس الحمد الله كي يبعد علينا ربي شي عباد برك نولي طووب كثر نشالله
ميرال:نشالله حبيبة نشالله
ماهر وقف :ايا نطلعك لبيتك تريحي شوي هيا
لينار:تدير مزية بابي الزين هههه
هزها ومشا طالع بيها لشمبرتها
اما الزويجة تاعنا وصلو للمول مع بعض حطة خلات عينين البنات الذراري اللي واقفين برا كامل يبقاو يشوفو فيهم جان قرب سيليا ليه حاط يدو على كتفها ويقحر للذراري اللي حاطين عينيهم فيها وسيليا تولهتلو وحاولت تلعبها مكاين والو ومتضحكش على شكلوكيفاه حمااار من الغش دخلو وبداو دورتهم
جان كان لابس هك
وسيليا هك
جان يمشي وسيليا معاه :شوفي راني حاب نشريلها كادو شباب هكا معرف حاجة تفرحها ومعلاباليش وشنو هي عليها جبتك وش يفرحكم نتوما النسا
سيليا تشوف فيه وفعينيها حنين لأيام صغرها ودلالها مع أمها توحشتها وقهرها على فراقها كل يوم وكل دقيقة يزيد تبسمت معاه ونطقت:ههه شخصيا خارجة لماما نفرح بزاف وقت واحد يشريلي الورد
جان شاف نظرتها وفهمها جبدها ليه يجرب يواسي:ههه خلاص صغرونة غالي وطلب الرخيس نشري لختيتو الورد ونشري ليما ولايلين اهيه زيدي وش نزيدولها
سيليا:اممم برفان مليحة تكون لاامارك ووش رايك فطقم صلات وسنسلة تكون شابة وش رايك ؟
جان:ايه فكرة مليحة يما تحب تصلي
سيليا:ايه ونزينوهم ونديروهم فكوفر باهي ونديوهم
جان:برااافو مغلطتش كي جبتك يعطيك الصحة وضك هيا نبداو وين نروحو
سيليا :الورد نهزو من تحت شفت حانوت الورد تاعو شباب وضك نروحو نحوسو على البارفان وطقم الصلات والسنسلة لي بيجوتري ما كثرهم غير ربي ههههه
جان :اذن وجهتنا نحو محل العطور هياا بناااا ههههه
سيليا:هههههه هيا بنا هههه
حضنها بجنب ومشاو يضحكو ويتمهبلو ولا على بالهم
اما هاديك اللي كانت متخبية فحانوت اونفاص ليهم وتشوف فيهم بالتخبية غير راحو خرجت
......:يااخاه وش حلاااب اول مرة كان يبان سيريو مي ضك راه يضحك ويتمعشق ويحوس يقتلني انا غير ربي وخذني فحياتي الله لا تربحو الكلببب نفخت بجنب ومشات فالطريق المعاكسة للي مشاو فيها هوما
خلصنااااا صحا فطوركم وربي يتقبل صيامكم نشالله لبنات نقولكم كي العادة مرسي واتهلاو اعطيوني رايكم فلي كومنتار
نحبكمممم مرسيي