قصة : { #قابل_للكسر } 💔🥂
الحلقة الخامسة والثلاثون والأخيرة { ٣٥ } 🥊
اشرف ب توتر : حاضر حاضر هطلب اوبر طيب استني
روان ب وجع : بسرعة والنبي 🤦🏻♀️
اشرف وهو بيطلع فونه بسرعة : حاضر والله 🤳
( يطلب عربية )
روان ب وجع : اااه ، ااااااه ااااااه 😣
( ينتبهوا الناس )
اشرف : اهدي بالله عليكي ي روان امسكي نفسك العربية جاية متفضحيناش 😧
روان ب عياط : مش قادراااااا 😫
( تقرب الناس عليهم ، تلمح مريم زحمة )
مريم : هو في ايه ؟!
ليام : مش عارف !!
مهد ب حماس : بيقولوا في واحدة بتولد 😃
مريم ب خضة : احيه روان 😦
( تجري مريم عليهم ووراها ليام )
مريم : روان روان فيكي ايه ؟!
روان وهي بتحاول تتماسك : مفيش مفيش حاجة مفيش 😅
مريم ل اشرف : هي بتولد ؟!
اشرف : اة شكله طلق 😕
ليام : طب قومها نوديها المستشفى ع طول
مريم وهي بتمسك ايدها : ايوة يلا قومي 👋
روان وهي بتشد ايدها منها : اقوم فين ملكيش دعوة انتي اشرف طلب عربية وجاية
ليام : وليه ي بني م في عربيات قومي بس
اشرف : مينفعش ي ليام دة فرحكوا انا هروح بيها وهبقا اطمنكوا
مريم : لا طبعاً رجلي ع رجلك 😟
روان ب وجع ودموع : اااه ي مريم بالله عليكي مش قادرة خلي اشرف يخرجني اااااه اااه 😫
مريم ب خضة : احيه 😦
ليام ل اشرف : شيلها وتعالى بسرعة يلاااا
( يشيلها اشرف ويجري بيها الكل ع برة ، يركبوها عربية ليام )
ليام ل جاد : جاد خلص الفرح وروح مهد بالله عليك 😕
جاد : اكيد متشغلش بالك انت روح
( يركب ليام ويسوق بيهم ع اقرب مستشفى ولادة ، يعدي الوقت ، قاعد ليام ومريم واشرف واهله قدام اوضة العمليات )
اشرف : ي مريم بالله عليكي خدي ليام وامشي مينفعش كدة والله 🤷🏻♂️
مريم : مش همشي انا غير اما اطمن عليها 😟
ليام : ي بني انت شاغل دماغك ليه خليك ف الي انت فيه بس !
ام اشرف : ي حبيبتي انتوا سيبته فرحكوا والناس ومشيتوا 🤷🏻♀️
مريم : كان بيخلص ي طنط والله ف ليام بلغهم يخلصوه وقتها والناس روحت خلاص
اشرف : متقلقيش والله انا هبلغك ب كل حاجة اول ب اول بس خدي جوزك وروحي
ليام : بقولك ايه احنا مش مروحين ممكن تهدى بقا
( يتنهد اشرف محروج منهم ، تقرب مامة اشرف عليه )
الام ب همس : بقولك ايه
اشرف : اممم ؟
الام : انت ايه الي خلاك تجيبها مستشفى زي دي ي بني دي تلاقيها ب الوفات !!
اشرف : والله م جبت حد دة ليام الي جبنا ع هنا 😐
الام : ربنا يستر طب انت عامل حسابك ؟
اشرف : مكنتش عامل حسابي ع مستشفى خاصة عشان اعمل حسابي ع مستشفى زي دي !!
الام : طب انا هنزل تحت واسأل كدة عن الأسعار عشان لو اتزنقنا نلحق نتصرف ومتتحرجش قدام حد
اشرف : ماشي
( تمشي مامة اشرف تنزل تحت )
الام : لو سمحتي ي بنتي
الممرضة : ايوة ؟
الام : هي فين الحسابات عاوزة اسأل ع حاجة
الممرضة : الدور الأول ي مدام
الام : شكراً
الممرضة : العفو
( تطلع الأم اول دور وتسأل عن مكتب الحسابات ، تخبط ع الباب وتدخل )
الام : يلي هنا
السكرتيرة : ايوة ي مدام اتفضلي
الام وهي بتقعد : مرات ابني فوق عندكم بتولد ف كنت عاوزة اعرف تكلفة الولادة كام يعني عشان نعمل حسابنا لإنها ولدت ع غفلة ف لسة هنروح نجيب الفلوس م البيت
السكرتيرة : اسمها ايه ؟
الام : روان طلعت
السكرتيرة وهي بتبص ف اللاب توب قدامها : امممم ، اة روان طلعت عبدالجليل ؟
الام : ايوة هي دي
السكرتيرة : حسابها ٤٨ الف جنيه 👩🏻💻
الام ب صدمة : ايييييه 😳
السكرتيرة : ايوة لإن دة سويت وسيشن
الام ب خضة : سويت ايه وبتاع ايه ولادة ب تمن شقة ليه ي بنتي لييييه 😧
السكرتيرة : هي دي اسعارنا والله ي مدام !!
الام : ي نهار اسود ي خراب بيتنا 🤦🏻♀️
السكرتيرة : انتي متضايقة ليه بس م الحساب مدفوع !!
الام ب استغراب : مدفوع ايه ؟!
السكرتيرة : ايوة حساب مدام روان طلعت مدفوع كابتن ليام دافع ١٠٠ الف تحت الحساب يعني حسابكم خلصان تماماً
الام ب احراج : يادي الكسوف ، طيب ي بنتي شكراً 😐
( تقوم الأم تمشي ، فوق ، روان جوة اوضة وجنبها البيبي وحواليها اهلها والباقي )
مريم : حمدلله ع السلامة ي قمري 😍
روان : الله يسلمك ي حببتي
( تدخل مامة اشرف )
الام : ليه كدة بس ي ليام ي بني دفعت حساب المستشفى ليه انا كنت نازلة عشان ادفعه !!
ليام : واحد ي طنط والله
اشرف ب احراج : لا ميصحش ي ليام لازم اردلك الفلوس بالله عليك 😕
ليام : ي بني روان زي اختي وانت اخويا في ايه ي جماعة هو انتوا معتبرني غريب دة انا بقيت واحد منكم ولا ايه 🤷🏻♂️
اشرف : اكيد والله بس ........
ليام : مبسش ي عم اعتبرها هدية البنوتة
اشرف : مش عارف اقولك ايه والله 😟
مريم : صحيح هتسموها ايه ؟
روان : مش عارفة مقررناش
الام : ايه دة مش هتسموها ع اسمي ولا ايه 🤷🏻♀️
مريم : اسمك ايه ي طنط ؟
الام : ميادة
مريم : الله اسمك جميل اوي 🥺
الام : الله يخليكي ي حبيبتي
روان : يبقا ميادة ب اذن الله ♥️
ليام : تتربى ف عزكم
اشرف : عقبالكم بقا
روان : صحيح انا مش ولدت خلاص مش ناويين تروحوا بقا !
ليام : نوصلكم البيت وبعدين نروح
روان : لا انا ممكن ابات توصلوا مين بالله عليكم روحوا بقا كفاية كدة انا والله كويسة 🤷🏻♀️
مريم : طب خليني معاكي انهاردة بس 😕
روان وهي بتبرقلها : لأة انا معايا اشرف وماما لأة 😐
مريم : طيب بخاف انا 🤭
روان : دة انتي باردة 🙄
اشرف : يلا ي بني بقا خد مراتك وروح
ليام : طب مفيش اي حاجة محتاجينها خالص ؟
اشرف : والله ابداً دة انت كتر خيرك اوي والله م عارف اقولك ايه ع وقفتك دي 🤷🏻♂️
ليام : عيب عليك انا مش غريب حمدلله ع سلامتهم وتتربى ف عزك يارب
اشرف وهو بيسلم ع ليام : الله يخليك ي ليام عقبالك
الام : تعبانكم والله
مريم : تعبك راحة ي طنط
الام : الله يكرمك ي بنتي
مريم ل روان : عاوزة اعملك اي حاجة قبل م امشي ؟
روان : لا ي قلبي سلامتك
( تسلم عليها وتبوس دماغ البيبي وتمشي مع ليام ، يركبوا عربيتهم ويمشوا ، ف الطريق )
مريم : البنوتة قمر اوي 🥺
ليام وهو بيبوس ايدها : شبهك ♥️
مريم : بجد 😍
ليام : امممم
مريم : هنروح البيت ولا الأوتيل ؟
ليام : لا الأوتيل
مريم : مهد عارف ؟
ليام : اة عارف متقلقيش هو متعود يقعد لوحده ساعات كتير بسافر وبسيبه
مريم : طب جدع والله إنه فاهم
ليام : لا فاهم اكيد هو مش صغير
( عند روان )
اشرف ب خضة : ينهار اسود ٤٨ الف جنيه !!
روان ب زهول : احييييه 😳
الام : انا كان هيجيلي جلطة وانا قاعدة قدامها قسماً بالله لحد م قالت إن ليام الي دافع بقيت طالعة م المكتب بتشاهد ف سري وهاين عليه اوطي اركع ف الأرض شكر ل ربنا 🤷🏻♀️
روان : اصل ليام فاهم ظروفنا ف مستحيل كان يجيبنا مستشفى زي دي ويخلينا احنا الي ندفع !!
اشرف : بس برضوا كتير اوي ي روان إنه يدفع كل دة لينا !!
روان : ي حبيبي اولاً دة ميجيش نقطة ف بحر م الي عنده ثانياً هو اكيد عمل كدة محبة ل مريم عشان انا صاحبتها بس
اشرف : ايوة فاهم بس انا قلت دافع ٣ ولا ٤ الاف !!
روان : هو في ولادة برضوا بقت ب ٣ ولا ٤ الاف ي اشرف اقعد ساكت والنبي 🙄
( يعدي الوقت ، عند مريم وليام ، يوصلوا الأوتيل ، يدخلوا الأسنسير ، وفجأة ، يشدها ليام عليه ويبوسها ، تتخض مريم وتتحرج ، يطلعوا الدور الرابع ، يقف الأسنسير ، يسيبها )
ليام : احم 😌
( يتفتح الباب ، يخرج ليام ومريم واقفة مكانها مصدومة ومحروجة ، يرجع يشد ايدها ويجري بيها )
مريم وهي بتجري : ههههه براحاااا 😆
( يبصولهم الناس ويبتسموا ، يدخلوا اوضتهم )
ليام : نورتي ي قلبي ♥️
مريم ب كسوف : تسلملي 😅
( يقرب عليها )
مريم : ااا انا شايفة إننا كان لازم نطمن ع مهد الأول صح زمانه خا .........
ليام وهو بيقرب عليها : بقولك ايه
مريم : نعم !
ليام وهو بيحط ايده ف ضهرها : انتي انهاردة بتاعتي انا
( يقربها عليه )
ليام : بتاعتي لوحدي ، اوك 🙂
( تبلع مريم ريقها بالعافية )
مريم ب احراج : اوك 😅
( تعدي الأيام والسنين )
*( بعد 3 سنين )*
( ف فرنسا ، ف ماتش بطولة ل ليام ، يضرب خصمه ضربة قاضية توقعه ف الأرض وتنتهي المباراة ب فوزه ، مريم ومهد وسط الجمهور بيصرخوا م الفرحة والحماس ومريم شايلة بيبي ولد عنده سنة ، يجري عليهم ليام يحضنهم ويحتفل معاهم ، ف night club كبير ، واقف سيف ع الباب بتاعه بيركن العربيات ف الجراچ ، تركن عربية وينزل منها فادي وتارا )
فادي وهو بيحدف ل سيف المفتاح : اركنها 🙂
( يلقط سيف المفتاح ويبصله ب غيظ ، يبصوله ب استفزاز ويدخلوا المكان ، يبص سيف ل الأرض ويتنهد ب ضيق وتدمع عيونه )
*( النهاية )*
*( اوقات كتير بنحتاج حد يهتم بينا ، يشيل مسؤليتنا ، يطمنا ، كتف نسند عليه ، ضهر نتحامى فيه ، عاوزين الي يدينا مش الي ياخد مننا ، الي ميملش من كلامنا ولا يتعب من حواراتنا ، اوعا تندم ابداً ع حاجة حلوة عملتها مع حد ، واوعا تفكر إنك ضيعت فيها وقتك وعمرك ع الفاضي ، كل حلو عملته هيتردلك ب الأحلى ، وكل دقيقة فاكرها ضايعة هتاخد اضعافها سعادة .. ♥️✨ )*
( متنسوش اللايك ورأيكم ف القصة .. ✨💛 )
#قصة_قابل_للكسر_ل_سهيلة_سعيد
#sohila_sa3ed