وئام العشق

البارت العاشر

#وئام_العشق

بقلمي الكاتبه: هبه الساعدي

تلومني الدنيا إذا أحببته
كأني أنا خلقت الحب واخترعته
كأنني على خدود الورد قد رسمته
.. كأنني أنا التي
للطير في السماء قد علمته
وفي حقول القمح قد زرعته
.. وفي مياه البحر قد ذوبته
.. كأنني أنا التي
كالقمر الجميل في السماء قد علقته

°°°°°°°°°°°°°°°°°°°°°

ابراهيم : وسفه عليك هاي عود اني نسيبك مستقبلي كبر عمت عينك على هيج نسيب عار هههههه

سراج : احلى نسيب ابو راس وين تلگه مثلي ههههه

ابراهيم : رجعن للمركز تلگانا عدنان

عدنان وهو يباوع عليهم ورافع حاجبه " هاا شو احسكم ضامين سالفه عليه ومتردون تگلولي بيها بس عادي يخبر اليوم بفلوس باجر ببلاش

سراج : انت مجوز من سوالفك

عدنان (بضحك) : لا ما اجوز ههههههه

_ هزيت ايدي وسكتت واحنه واكفين نسولف ودگ جهاز ابراهيم رفع جهازه وابتسم

ابراهيم : من رخصتكم اجاوب على للأهل وارجع

سراج : گلبي واحساسي يگول هاي بنت گلبي

ابراهيم : رحت على صفحه وجاوبتها الوو

زينب : الوو ابراهيم رجعت للبيت لگيت موبايلي محروك اتصالات ورسائل شسويت الله عليك مو فضولي راح يموتني

ابراهيم وهو يضحك " عرفت والله ههههههه

ابراهيم : سمعي سالفه سراج راح وحجه ويا ابويه ونشوف ابويه وبعد الله كريم نسحب موبايل من اذني التفتت لگيته سراج ...

سراج (بعصبيه) : ولج مو اتصلت عليج ليش ما جاوبين شبر ونص وگاعده تكري حجي ويا هذا ابو راس

ابراهيم وهو يسحب موبايل منه " انطيني موبايل لو اذبحك وما اخلي عظم صاحي بيك على الاقل احترمني

سراج : ههههههه انت نسيبي لحباب

زينب : هههههههههه شبيكم تتعاركون عين اطفال

سراج : خلفه عليج سوتيني اطفال ول ابراهيمو وين لهايه مالتك

ابراهيم : بــ جيب الستره

سراج : ولمميه وين ؟

ابراهيم وهو يضحك " ويا عتاد مخليه

سراج : خوش لعد حافظ عليهم شلون تنام بدونهن يمعود ضل تبجي راسنه تصرعه هههههه

ابراهيم بعصبيه مصطنعه " امشي روحي لا بارك الله بيج

زينب : سديته منهم ومن تعب نمت حتى بلا عشه

_ گعدت الصبح جوعانه رتبت الغرفه ونزلت اتريك صباح الخير ..

احمد : صباح النور

_ شعجب من وقت گاعده ؟

زينب : نمت البارحه من وقت وگعدت شبعانه نوم واريد اكل واريد انظف غرفة ابراهيم لان باجر ينزل ويريد غرفته نظيفه

احمد : اها تمام اني رايح للدوام انتي محتاجه شي احيبلج وياي

زينب : سلامتك حبيبي

_ طلع احمد للدوام واني صعدت لغرفة ابراهيم عندي واهس انظف اليوم نزلت بردات غسلتهن واجت بالي فكره ابدل ديكور لغرفه رحت جبت موبايل واتصلت على ابراهيم بسرعه جاوبني ..

زينب (بحماس) : اريد اغير ديكور غرفتك ولبردات واريد فلوس

ابراهيم : بويه يعني راح تگلبيها على بطانه

زينب : اي

ابراهيم : يمج تندليهن انتي شكد متحتاجين اخذي

زينب : تمام

_ سديته منه وطلعت على غرفه ادهم دگيت الباب صاح دخلي

زينب : ادهومي حبيبي توديني للمول اجيب كم غرض لأبراهيم واصاني عليهم

اميره : اني هم اريد كم شغله من مول مالگيتهم بسوك

ادهم : ألكم خمس ثواني انزل الگاجن وراي

اميره وزينب : تمام
_ بسرعه لبست عباية اسلاميه ونزلنا نركض والدنيا صبح منو هسه بالمول هههههه طلعنا ، وصلنا صف سياره ونزلنا اول شي رحت لقسم مفروشات اخذت موكيت حلو بيضوي وفرشه نازكه وبردات وتبل لام وتحفيات وسوالف نواعم ونزلت تحسبت عليهم لگيت اميره مشتريه شغلاتها ودينتظروني تحاسبنا ورجعنا للبيت وبلشت انظف ومشغله اغاني وداخله بالجو حيل وانظف واحول بالاغراض ما خلصت غير للعصر صارت الغرفه تخبل سديت الباب وطلعت لغرفتي سبحت وصليت ونزلت اكل شي جعت لگيت ماما جايه من دوام مصارلها هواي

زينب : سلمت عليها وسئلتها كملوا امتحانات السادس لو بعدهم

ام ادهم (بتعب) : اي اليوم اخر امتحان

زينب : ماما تاكلين ويايه

ام ادهم : اي يلا بس اغير ملابسي واجيج

زينب : تمام بين ما احضر الغده

_ حضرت الغده وانتظرت امي وتغدينا سوا ،
مرت الايام نفس روتين وبابا رجع رفض طلب سراج ضجت حيل ومبين هل شي عليه ، خلصت العطله وحضرت واشتريت اغراض وباجر اداوم كلش فرحانه السنه اني رابع علمي نمت واني عندي طاقه گعدت الصبح نشيطه حضرت نفسي وابراهيم وصلني شفت سراج بالباب واكف ولبنات يا هي لتدخل تباوع عليه ..

سراج : صباح الخير يحلوه

زينب : انت شعندك هنا واكف

سراج : العالم تگول صباح خير مو شعندك هنا

زينب (بعصبيه) : سراج بعد ممنوع توكف هنا فهمت ويلا وخر من طريقي

سراج : ول يابه زعلت شبر ونص هههههه

زينب : خلص گتلك وخر اريد ادخل اتاخرت

_ ابتعد سراج واني دخلت للمدرسه صديقتي اجتي تركض عليه حضنتني وضلينا نسولف الى ان دك جرس وبدينا بالمواد ودراسه لحد ما خلص دوام

_ ومشت ايام بين دراسه وبين سراج احجي ويا الى ان اجه يوم ودخل ابراهيم علينا وگال راح نروح للموصل سقطت بيد داعش

ام ادهم بخوف وقلق " متروح انت متروح فتهمت

ابراهيم (بعصبيه) : شنو ما اروح لبسيني ربطه وگعديني يمج ترا هذا شغلي شغلي وحسبوا احسابكم بعد باجر طالعين .. حجي اسمعني سراج اذا صار عليه شي فتأكد خطيته بركبتك لان حب بنتك وتقدملها وانت رفضته وهسه رايح برجلي للموت ما معروف شراح يصير بينا بس اگلك فكر ، التفت عليه عليه شافني ابجي تقدم اليه وكف گدامي گال ..

_ اي زوزه سراج اسمه ماطلع ويانا بس هو رفض وگال اذا ما اخذت البنت گلبي هواها شسوي بعد بالحياه ادعيلنا خويه .

زينب (بدموع) : ترجعون اليه بالسلامه يارب

_ اباوع ابويه مصدوم وادهم واحمد يباوعلي بغضب التفت عليهم ابراهيم ..

ابراهيم : اسمعو كلش زين مثل ما هي اختكم وتخافون عليها هي اختي ، واني ربيتها وكلش زين تعرفون ليسمعها كلمه بغيابي ما يلوم الا نفسه اني طالع هسه بس يا ويلكم ارجع واشوف دمعتها ما غلطت ولا سوت شي غلط اصعدي خويه لغرفتج ادرسي ومعليج بشي

زينب : ماشي

_ صعدت واني احس نهاريت بعد اي طاقه ما عندي سحبت موبايل واتصلت بــ سراج ودموعي ينزلن عشره عشره

سراج : الووو

زينب بدموع وعصبيه " انت شنو بس فهمني تروح للموت برجليك واني شنو ما فكرت بيه لو ها هي استسلمت

سراج : اشش بويه عمت عيوني اذا دموعج هذن بسببي ولج اخخ ابراهيم رايح اعوفه لوحده ترضين

زينب (بدموع) : لا طبعا

سراج : خلص عجل اسكتي

_ اوف تعبت وگلبي يوجعني باجر يمر على حبي الج سنه كامله واني ما اخذتج وهذا كله محسوب من عمري ول احبج يول احبج

زينب : اني هم احبك يا بعد النفس ولعيون

سراج : ولج امشي يلا كملي دروسج باجر مو عندج امتحان اريد اعفاء اني مو هيج اتفقنا

زينب : من عيوني بس رجعولي بالسلامه

سراج : ان شاء الله يلا بويه امشي كملي دروسج باي

زينب : باي

_ بلشت ادرس بس تفكيري مشتت داومت وتفكيري مو يم الدراسه واجه اليوم ليروحون بيه ودعنا ابراهيم وراح ولبيت احسه ما بي طعم استمر وضع واني بلشت اكطع الاكل اكلي صارت كلش قليل رغم يوميه يتصلون عليه واطمئن عليهم بس فراكهم تعبني مااحس بالامان وبهل فتره كل بالبيت لاحظوا عليه قلت الاكل وجان دائما احمد يجيبلي حلويات واكل بس نفسي متتقب الاكل باليل نمت ، وثاني يوم گعدت متأخره نزلت جوا اجواء البيت متوتره حيل

زينب : صباح الخير

الكل : صباح النور

زينب : اكو شي ليش احسكم وجهوكم مو طبيعيه

احمد (بتوتر) : لا ماكو شي

زينب : متأكدين ليش احس صاير شي

احمد : تعالي نطلع بالحديقه

زينب : جايه وراك

_ طلع احمد وطلعت ورا لگيته گاعد ومخلي ايده على عيونه

زينب : احمد اكو شي ليش داحسكم ضامين عليه شي مهم

احمد : تعالي گعدي احجيلج

زينب وهي تگعد " وهاي گعدت احجي ترا روحي طلعتوها

احمد بتوتر وقلق " ابراهيم وسراج من البارحه موبايلاتهم مغلقه وسمعنا اخبار يگولون هاجمين على مكانهم الدواعش وهسه ما نعرف عنهم اي شي اريده منج تصيرين قويه وتدعيلهم يرجعون بااسلامه

زينب : انت شدتحجي " اريد اسيطر على نفسي وعلى دموعي ماگدر

احمد : شبيج زينب عود گتلج صيري قويه

زينب : هزيت براسي وگمت صعدت للغرفه توضيت وفرشت سجادة وكفت اصلي ..

_ كملت صلاه ونهاريت ابجي ادعي واتوسل برب العالمين يرجعهم اليه صعبه ياربي اخويه هو كل شي بالنسبه اليه وثاني شخص عزيز عليه اخذ گلبي و روحي بحنيته ربي انت اعلم بالحالهم وحالي رجعهم اليه سالمين غانمين وندز عليه بس يجون واشوف طولهم اروح الاحفاد رسولك حافيه وجكليت بيدي يارب .. گمت لميت سجاده اتصلت ويطلع مغلق وليل كله احنه ساعه نبجي ساعه نصبر برواحنا وهاي اليوم الهم ٣ ايام ماكو لا حس ولا خبر منهم

ادهم يحجي محروگ دمه " راح اروح للموصل اسئل على ابراهيم شنو گاعدين هيج لا حس ولا خبر منه وگاعدين لا احنه بسما ولا بالگاع

ابو ادهم : ممنوع تطلع واحد راح مانعرف عنه شي وانوب انت اگعد واسگت ننتظر رحمة الله وين تصفه بينا گلبي بارد

احمد : راح اطلع للمركز مالتهم اسئل بلكت وصلتهم معلومه شي

الكل : الله وياك

ام ادهم (بقهر) : گومي ولج يمه گلبي ما بي صبر گومي اكلي لا توكعين عليه منين التفت اني فهموني عفيه خلفه ما بيها بس هم والقهر گومي اكلي

زينب : ما جوعانه شلون يعني

ام ادهم : جبري نفسج صارلج يومين بلا اكل ولا لگمه ماكله

زينب وهي مخليه ايدها على خدها " اريد بسكت وعصير ما اريد اكل

ابو ادهم : گوم ادهم جيبلها وتعال

ادهم وهو واگف يريد يطلع " بس بسكت وعصير

زينب : اي

_ طلع ادهم واني صعدت للغرفه واشوف جهازي فتحته شفت مكالمه من سراج تصنمت بمكاني رجعت على سريع اتصلت بيه طلع مغلق رجعتلي خيبت الامل من جديد ورجعت ابجي ، شويه وصارت هوسه جوا نزلت اركض واشوف امي تدك وتلطم حسيت بروده باطرافي وجسمي سرت رجفه بي ما اعرف شنو صار بيه محسيت الا واني بالمستشفى ومغذي بأيدي واحمد يمي ...

زينب بتعب وگوه احجي " احمد شنو صار الله عليك لا تجذب عليه

احمد : ابراهيم متصوب بس ما بيه شي اصابته خفيفه وهو بالبيت ينتظرج

زينب : منو جابه وشلون تصوب

احمد : متعرضين لهجوم ومتصوب وسراج جابه يلا گومي بسرعه دنطلع لان موبايلي ما سكت كل شويه واحد متصل

زينب : يلا گومني

احمد : اشيلج مو احسن ههههه

زينب : تسوي فضل هههه

احمد وهو يشيله " تعالي

زينب : ترا اشاقه يالخبل نزلني عيب مناك العالم

احمد هو شايلها " سكتي ترا اشمرج

زينب : شالني وطلعنا من المستشفى فتح سياره صعدني وهو صعد ورجعنا للبيت دخل سياره للبيت وفتح الباب

احمد : تنزلين لو هم اشيلج

زينب : لا اني انزل قابل بيه شلل الله لا يعوزني الك

احمد : خرب لج انتي شنو هستوني جنت اركض مثل مخبل بالمستشفى علمودج

زينب : غصبا ما عليك واجبك هذا

_ جر ايدي وعضها حيل بحيث سنونه طبعن بايدي گمت اعيط وابجي وعلى صوتي طلعوا ادهم وابويه وامي من الستقبال

ابو ادهم : شبيج ولج

زينب (تبجي) : بابا تقبل هيج يسوي بيه ويعضني واني مريضه هستوني طالعه من مستشفى وكانوله ومغذي .. اباوع على ادهم وامي يضحكون

زينب : وانتم شبيكم تضحكون

_ ماعدكم احساس وخرو مني وين ابراهيمو اروح اجفص بطنه اليوم

ابو ادهم : بالستقبال

_ دخلت للاستقبال بدون ما انتبه منو موجود جان ابراهيم متمدد على قنفه وادهم ورايه

زينب وهي تأشر عليه " هو شبي ؟

ادهم : مصوب برجله وايده

زينب : يعني بطنه ما بيها شي

ادهم : اي

_ تقربت يمه رفعت ايدي وضربته بوكس بطنه

ابراهيم (بفزع) :اخخ يمه شكو منو

زينب وهي متخصرة " اخخ بگلبك انت ولبالي على هاي دكه خايسه ولك ماعندك احساس انت

ابراهيم : خفتي عليه

زينب وهي تغم بنفسها " ايعع اني اخاف عليك امداني

احمد رافع حاجبه " اي لعد اني جنت ابجي واني وگعت لان عبالي ابراهيم بيه شي

زينب : يجذب عليك معليك بي

ابراهيم : تعالي احضنج لحقيره مشتاقلج اني ادبسسز

زينب رافعه حاجبه " شنو سبب هل حنيه زايده بس يلا اعطف عليك تعال حبيبي

_ حضنته وضليت ابوس براسه وهو يضحك اجاني صوت واحد يتحمحم نزيت رفعت راسي انصدمت بوجود سراج يخوزر وعيونه براسه من عصبيه

زينب (بتوتر) : السلام عليكم الحمدلله على سلامتكم

سراج (بخزره) : وعليكم السلام الله يسلمج

زينب : من رخصتكم اصعد ارتاح وطلعت صعدت لغرفتي اگمز من الفرحه لان شفتهم وبخير اثنينهم سبحت ولبست فستان مرتب وسويت شعري ضفيره ونزلت ادهم جان بالمطبخ هو وماما

ادهم هو يصوفر " يابه شهل جمال هذا

زينب : جمال عيونك يروحي انت

ام ادهم : حلوه من يومها

زينب (بأبتسامه) : فدوه ماماتي

احمد وهو متفاجئ : هاي شكو

ادهم : شوف جمال اختك

احمد : ساعدني بلا زحمه ودك على الميز واني اطربكم

ادهم : يلا تفضل الك المايك

احمد يدك على الميز " هذا الحلو كاتلني يعمه فدوه شكد احبه واريد اكلمه وانتي شلون عمتي بيه ما فتهمتي روحي كلها يمه

ادهم وام ادهم وهم يضحكون " يعمه يعمه

_ هو بالحسن باليني بلوه

_ احلى من الگمر وشويه اضوه

_ توه بالعشك يعمه توه يعمه توه

_ طلبي شلون اصبره ونار العشك كبره

_ ما احتمل همه يعمه يعمه

ادهم وهه يطك اصبعتين " هلا هلا

_ جرني وكمنا نركص واحمد يهلهل ويدك على الميز راسن تحول گام يهوس

_ ابراهيم طفي لگلوب خدها يشع ويا روب

زينب تضحك : ههههههه ولعباس لو ما مصوب جان لگيته بنصنا يهوس

احمد : ولا يهمكم اوكفوا ..

_ راح طلع ابراهيم بالكراج وسراج ويا طلعو كعدو على كرسي بالكراج وادهم سحب الميز طعام يم باب المطبخ يدك عليه

احمد : شوفوا اريد صوتكم وياي وبلا ضحك

الكل : ماشي

احمد : هاا اخوتي هااا

الكل : هااا

_ احنه اسسنه الملعب واحنه نلعب بيه احنه اسسنه ملعب واحنه نلعب بي

_ ابيض ويخبل كل القوط تلوك عليه

_ عمامه هواي وشارع يكطعونا

_ اليوم الصحبه تبين وليتكتر مو وفاي

_ ابراهيم رايد رادته وعايف بنات ولايته

احمد (يلهث) : كافي تعبت هوستلكم هوسات امي كلهن

سراج هو يضحك "،والله انتم فلم هههههههه

ابراهيم : انت شايف هذا جزء بسيط بس صدك نسيت اسئل منو سبب ورا هل هوسات

ادهم : اختك الصاكه بنت صاك

ابراهيم وهو يضحك " هههههههه عرفت والله

احمد : يلا تعالو حتى نصب العشه ترا جعت هههه يلا ادهم امشي جيب العشه اني هم مصوب مابيه اگوم

ادهم : گوم كل شي ما بيك عرج ما يطكك

_ دخلوا للمطبخ واحد يدفع بالثاني

ادهم : وين العشه

زينب : اي حقكم لازم تتعشون بعدين زفون

احمد : اي نعشي العالم وبعدين نزف اخوج متصوب ههههههه

ام ادهم : امشي لا بارك الله بيك اخذوا العشه فضحتونا گدام الولد

زينب : ماما كملت شغلي صاعده اقره باجر عندي امتحان

ام ادهم : تمام يمه روحي

طلعت من المطبخ واحمد وادهم اخذوا العشه صعدت لغرفتي قريت وكملت سديت الكتب وحضرت اغراضي ، ورفعت موبايل سراج دزلي رساله

💬 شكتب يا شعر يرهم لجمال عيونج

💬 الحمدلله على سلامتك

💬 اخخ شكد مشتاقلج رجعت طلبتج من ابوج

💬 يعني مرا رابعه هاي

💬 وانتي حسبي مرات الى ان ابوج يمل مني ويگلي اخذها و خلصني

💬تعرف شكد احبك

°°°°°°°°°°°°°°

يأميرات شنو رايكم بالبارت واسفه على التاخير بس للاسف نحذف البارت ورجعت كتبته 2180 كلمه لعيونكم الحلوه 🌹

✨ لتنسون متابعه + التصويت والتعليقات الحلوه مثلكم لعيون ابطالنا 🌸

وهاا شنو رأيكم بالقفله 😍 حلوه لو لا ؟

يوزر الانستا : heba_alsaadi04

دانزل تغشوشه للبارتات على الانستا ☺️