قصة : { #قابل_للكسر } 💔🥂
الحلقة الواحد والثلاثون { ٣١ } 🥊
( يحاول ليام ينيم نفسه بس ميعرفش )
مريم : ربنا يوفقك بكرة
( يفتح عيونه )
ليام : شكراً
مريم : انتااا ، كنت واعدني إنكوا لو اتقابلته ف الفاينال مش هتخلي فيه حتة سليمة ، لسة عند وعدك ؟
ليام : عاوزة حبيبك يتضرب !
مريم ب استغراب : حبيبي !!
ليام : هو المساچ المنزلي معجبوش ولا ايه ؟!
( تبصله مريم ب زعل )
مريم : انا ........
ليام : قربك منه تاني خلاكي بقيتي غدارة زيه ، انتوا لايقين ع بعض فعلاً !!
( تضير وشها وتكمل المساچ ، يتنهد ليام ويغمض عيونه تاني ، تدمع عيون مريم وتحاول تمسك نفسها من إنها تعيط )
مريم ب ضعف : نام ، نام ع وشك 😟
( يلف ليام نفسه ، تنزل دموع مريم وتمسحها بسرعة ، تعمله مساچ ع ضهره وهي ايدها بتترعش م العياط الي كتماه ، يلاحظ لمستها ، تقرب عند كتافه من ورا وتدلكها ، يسمعها بتشن ، تنزل دموعها ع ضهره ، يلف يبصلها ، تتخض ، يلاقي دموعها بتنزل )
مريم : انا خلصت 😥
( تمشي مريم بسرعة ، يقوم ليام يقعد ويتنهد ب ندم ع الي قاله ، تدخل مريم اوضة اللبس وتتفتح ف العياط ب ذيادة ، تقرب عليها رباب )
رباب ب قلق : مالك ي حببتي كفا الله الشر ؟!
( تترمي مريم ف حضنها ويذيد عياطها )
*( يوم البطولة 🛎️🥊 )*
( يوصل سيف اوضة لبسه وليام كذلك وكل واحد معاه مدربينه والفريق الطبي بتاعه ومريم موجودة طبعاً وبرة الجمهور مالي المكان ومهد قاعد مع صحابه وسطهم فرحان ومتحمس ، ف اوضة لبس ليام ، قاعد بيلف قماش صغير ع صوابعه والكل واقف حواليه والمدرب بيديه ف نصايح )
هوجو : Are we agreed ?
ليام : yes
هوجو : Well, good luck 👏
جاد وهو بيمسك وش ليام : مش عاوزه يستفزك ماشي مش عاوزك تعمل اي حاجة مش رسمية ي ليام المكسب هيتنسبله ف لحظة فاهمني ؟
( يشاورله ب اة )
جاد : انهاردة هو بتاعك ربع ساعة والماتش يبدأ عاوزك تطلع افضل ما عندك لإنه برضوا مش خصم سهل بس كله ف حدود المباراة ي ليام مش عاوز احذرك تاني ☝️
ليام : خلاص والله متقلقش
جاد : تمام ، مريم الضغط
مريم : حاضر
جاد : هوجو يلا 👏
( يمشي هوجو وجاد يطلعوا عند الحلبة ووراهم دكتور وليد وعمرو ، تقرب مريم تقعد جنب ليام عشان تقيسله الضغط ، لسة هيديها دراعه يرن فونه )
ليام وهو بيمسكه : ثواني 🤳
مريم : اوك
ليام : الو
سيف : بطل الأبطاااال 😊
( يتقلب وش ليام )
ليام : عاوز ايه ؟!
سيف : بص ي معلم ، انا شايف إن كفيانا خناق وكره لبعض الي هو معرفش ايه سببه اصلاً بس ما علينا يعني ، المهم انا عاوز العب معاك الماتش دة ع نضافة وروقان كدة ونقدم ل الناس حاجة كويسة ، انت برضوا ليك تاريخ ومينفعش يتعكر 🤷🏻♂️
ليام ب شك : امممم وبعدين ؟!
سيف : ولا قبلين ف صافي ولا ايه عاوزك تروق بالك
ليام : بقولك ايه ي سيف
( تبصله مريم ب خصة )
سيف : أأمر احبيبي ؟
ليام : م بلاش لف ودوران وقولي انت عاوز ايه عشان كل الهبد الي انت بتقوله دة مش داخل دماغي !!
سيف : لا مشاء الله يعني عضلات جسم ومخ كمان 🤔
ليام ب نفاذ صبر : لخص !
سيف : طيب زمانه اتبعت دلوقتي
ليام ب استغراب : هو ايه دة ؟!
سيف : ڤيديو كدة بعتهولك عاوزك تشوفه
ليام : ڤيديو ايه الي بعته ؟!
( تتخض مريم وتبرق )
سيف : هيعجبك اوي وهيخليك بص ريلاكس اوي معايا ف الحلبة ، اقفل واتفرج ع روقان بقا ، سلام ي بطل 😏
( يقفل سيف ، يبص ليام ف الفون ، وفجأة ، تشد مريم الفون من ايده قبل م يفتح حاجة )
ليام ب استغراب : بتعملي ايه ؟!
مريم وهي بتقوم : مش وقت فون ركز ف الماتش 😬
ليام وهو بيقف : هاتي طيب هشوف حاجة الأول 👋
مريم : لأ
ليام : لأ !
مريم : بلاش متشغلش تفكيرك عشان تعرف تركز بس 😐
( يبصلها ب استغراب )
ليام : مريم هاتي الفون 👋
( تشاورله ب لأ وتدمع عيونها )
ليام : هاتي الفون ي مريم 👋
مريم : عشان خاطري ركز ف الماتش ومتتفرجش ع حاجة تعالى اقيسلك الضغط 🚶🏻♀️
( تعدي من جنبه يمسك دراعها ويجيبها قدامه تاني )
ليام ب استغراب : مش عوزاني اشوف الڤيديو الي سيف باعته ليه ؟!
( متردش )
ليام : هاتيه 👋
مريم ودموعها بتنزل : لو ليا غلاوة عندك متتفرجش عليه 😥
ليام ب قلق : بتعيطي ! هاتي الفون 👋
مريم : عشان خاطري سيبني امسحه
ليام ب اصرار : هاتي الفون ي مريم احسنلك 👋
مريم : لأ ي ليام مش هديهولك ولو عملت ايه 😟
( يحاول ياخده من ايدها )
مريم وهي بتصده وبتعيط : عشان خاطري والنبي 😫
( ياخده منها ، تحاول تاخده منه مش مدياه فرصة يفتح حاجة ، يجيب اخره )
ليا ب زعيق وهو بيزقها ع الدولاب : باااااس 😡
( تتخض مريم م الخبطة ، يفتح الماسدچ ، ويفتح الڤيديو )
_ مريم ب خضة : بتعمل ايه !!
سيف وهو بيقرب عليها وبيصور : خلييه ييجي يموتني بقا 🤷🏻♂️
( يتهجم عليها وهي تصوت )
سيف ب زعيق : فينه هااا فينوووووو 😡
( تزق فيه )
مريم ب عياط : والنبي ي سييييف 😫
( يقطعلها هدومها وهي تعيط مش قادرة عليه )
سيف وهو بيضربها بالقلم : فينوووو 👋
مريم ب عياط وتعب : اااه 😣
( يضربها تاني ويبوسها ب عنف )
مريم ب صريخ : بااااس حرام عليك بس 😫
( يتخض ليام لدرجة إنه مبرق ل الڤيديو ، يخلص الڤيديو ، يبصلها ، تبص ل الأرض وتنزل دموعها ، يقفل ليام الفون )
ليام : الكلام دة حصل امتى ؟!
مريم : يوم الماتش بتاعك الي فات ، قبل م افسخ الخطوبة 😔
ليام : هو الي خلاكي تفسخيها ؟
( تشاورله ب اة )
ليام : عمل حاجة اكتر م الي اتصورت ؟!
مريم : لأ
ليام : مقلتليش وقتها ليه ؟!
( متردش )
ليام ب زعيق وهي بيهبد ع الدولاب جنبها ب ايده : رديييي 😡
مريم ب انفعال وعياط : عشان بحبك 😫
( يتخض ليام )
مريم : خفت لو قلتلك تتهور وابقا اذيتك ، وانا مستحيل أأذيك ، هددني بيك ف قلت ابعد من سكات 💔
( تدمع عيونه )
مريم ب عياط : انا والله مش وحشة انا مش كدة انا مش زي م انت فاهم ولا زي م هو بيقول ، انا بس ، لوحدي ، لوحدي ومش عارفة المفروض اعمل ايه او ابعده ازاي ، كنت ببقا محتجالك اوي وبقعد اتكلم معاك كتير بيني وبين نفسي وافضفضلك بكل الي بيحصل ، اكتب رسالة كبيرة وامسحها تاني ، انا محدش ، محدش حاسس بيا وبلي بيحصلي ، انا اسفة ، اسفة إني حطيتك ف كل العك دة وانت ملكش دعوة ، اسفة إني اختارت غلط وشيلتك الغلط معايا ، انا اسفة والله 😫
( لسة هتمشي يشدها يحضنها ، يذيد عياطها وتحضنه )
ليام : انتي مش لوحدك انا جنبك ، وهفضل جنبك ، انا بحبك ♥️
( تبصله ب خضة )
ليام : من اول مرة شوفتك فيها معاه يوم الماتش الي لعبه قصادي وانتي مغبتيش عن بالي ، انا مصدقت لقيتك ومش هسيبك تاني ، انا الي اسف ع كل حاجة وحشة قلتهالك او عملتها ، كان غصب عني وانا شايفه بيلمسك او بيكلمك وانتي سمحاله ب دة 😕
( تنزل دموعها ، يمسحهالها )
ليام : انا لسة عند وعدي ، والله ل اكسره زي م كسرك ي مريم ، كل لمسة لمسهالك غصب عنك وكل كلمة وحشة قالها عليكي هردهاله انهاردة ، والله ل اردها
مريم : انا مش عوزاك تتأذي 😥
الحلقة الثانية والثلاثون { ٣٢ } 🥊
ليام وهو بيملس ع شعرها : متخافيش ، هو باعت الڤيديو دلوقتي مفكر إنه هيوترني ، غبي ، وبعدين انتي مستقلية بيا ولا ايه ؟!
مريم : لا والله بس خايفة ان .........
ليام : متقلقيش ، كله ف حدود الماتش ورسمي
( تشاورله ب اة ، يبوس دماغها )
مريم : اقيسلك الضغط ؟
ليام ب ابتسامة : اوك 🙂
( يقعده وتقيسله الضغط )
جاد وهو بيفتح الباب : ليام ٣ دقايق اجهز
ليام : اوك
( يمشي جاد )
مريم ب ارتياح : مظبوط الحمدلله
( ف اوضة سيف ، واقف معاه فادي )
فادي : حلو الكارت دة انت كدة هتوتره ومش هيعرف يركز معاك 🤷🏻♂️
سيف : بالظبط كل تفكيره هيبقا ف الي شافه وهيفضل يتعاد قصاد عنيه 😏
فادي : انت مش سهل ابداً ال وبتقول عليا انا الي شيطان !!
سيف : عيب عليك 🙂
( برة ف القاعة ، الجمهور متحمس والميوزك شغالة والمذيعين بيتكلموا ، عند ليام ومريم ، يقلع ليام التيشيرت وياخد نفس طويل ب تغميضة عين )
مريم : ليام
( يفتح عيونه ويبصلها )
مريم : حاول متفكرش ف الي شفته ، حاول تركز 😟
ليام : متخافيش
( تشاورله ب اة ، يدخل جاد )
جاد : جاهز ؟
ليام : جاهز
جاد : يلا
ليام : اوك
( يمشي جاد ، ليام يبوس دماغ مريم ويطلع وهي وراه ، يطلع الفريق الطبي الأول ومن ضمنهم مريم يقعدوا ف مكان قرب الحلبة ، يتقدم سيف ويطلع ع الحلبة ب كل غرور وثقة وبعدها يتقدم ليام ويدخل )
مهد وصحابه : ليااااااام ليااااام هو هوووو 😃✊
المذيع : جت اللحظة الي الكل بينتظرها ي جماعة مواجهة ليام منصف وسيف عسى ف الفاينال اخيراً 🎙️
( يقرب ليام وسيف يقفوا قصاد بعض )
المذيع : ياترى الخلافات الي بينهم اتحلت او لأ هنعرف دة قريب 🤷🏻♂️
( يخبطوا الجلوفز بتاعتهم ف بعض وكل واحد ياخد وضعه ويرن جرس بدأ المباراة 🛎️ قاعدة مريم بطنها وجعاها م الخوف والتوتر ، يبدؤا يتهاوشوا ف الضرب بس مفيش ضربة بتيجي ف حد ، كل واحد محرس جداً من رد فعل التاني ، وفجأة سيف يضرب ليام بوكس يوطي ليام بسرعة يتفاداه ويقابله هو ب بوكس وهو بيرفع نفسه ييجي ف دقنه ، يتوتر سيف وتبدأ مريم تطمن شوية )
سيف ب ابتسامة : حلو 🙂
( يرجعوا تاني يتهاوشوا )
المذيع : من الواضح إنهم محرسين جداً من بعض !
مذيع ٢ : وشكل تمريناتهم ف نفس المكان خلاهم حفظوا خطوات بعض وطريقة اللعب ف دة هيصعب عليهم الماتش 🤷🏻♂️
المذيع : اكيد
( تبدأ ضرباتهم تيجي ف بعض بس ع خفيف )
سيف وهو بيقرب ع ليام اوي فجأة : ايه ي بطل شكلها ف حضني موترك ولا ايييه 😆
( يتغاظ ليام ويزقه ب عنف ، يقف الحكم بينهم ، تتخض مريم وتقوم تقف ب توتر )
سيف ب استفزاز : ولسة 🙂
( يرن جرس انتهاء الجولة الأولى 🛎️ )
المذيع : شكل كدة ي جماعة لسة الخلافات منتهتش !!
مذيع ٢ : نتمنى تنتهي مع انتهاء الماتش دة 🤔
( يدخل المدربين ودكتور من كل فريق طبي عشان يشوفوا اللاعب )
جاد : ليام احنا قلنا ايه مش قلنا ميستفزكش 🤷🏻♂️
( يشاورله ب اة ، مريم واقفة بصاله ب خوف وقلق ، عند سيف )
رماح : سيف اتحرك اكتر انت بتتهاوش كتير !!
سيف وهو باصص ل ليام : ماشي 😐
( يرن جرس بدأ المباراه ، يرجعوا يقفوا قصاد بعض ، وفجأة ، ليا يضرب سيف بوكس والتاني والتالت ورا بعض لدرجة يحبسه ف الكورنر مش لاحق يقوم ب اي رد فعل ، يحمي سيف وشه يضربه ليام ف ضلوعه ورا بعض ، يفصل بينهم الحكم بسرعة والناس اتحمست وعمالة تشجع )
المذيع ب حماس : ايوة كدة الماتش بدأ يسخن وبدأنا نشوف لعب ليام الي بجد واضح إنه كان متساهل اوي مع سيف عيسى 😃
( سيف واقف سيطر عليه التوتر والغيظ ف نفس الوقت ، يهجم ع ليام يضرب ف وشه بس ليام حاميه ، يضربه ف بطنه مرتين ورا بعض ، تتخض مريم ، يصد ليام ايده ويضربه هو ف وشه مرة وف بطنه مرة ، يرن جرس انتهاء الجولة التانية 🛎️ يقعدوا ف زاويتهم )
هوجو : Watch out, he targets the face with precision
ليام : ok
( يبص ناحية مريم يلاقيها بصاله ب خوف وحزن ع وشه الي اتعور ، يحطله دكتور وليد لزقة بعد م يطهر الجرح ، يرن جرس بدأ الجولة التالتة 🛎️ )
مريم ل عمرو : هي كام جولة ؟
عمرو : ١٢
مريم ب خضة : نعم !! ١٢ جولة !!
عمرو : اة بس مش شرط يتلعبه كلهم في ناس بتكسب من اول جولة عادي 🤷🏻♂️
( يلاقوا الناس وقفت وبيصرخوا ومتحمسين جداً ، يبصوا ل الحلبة ، يلاقوا ليام حاصر سيف ف الكورنر وشغال ضرب ف وشه وضلوعه مش مديه فرصة يتنفس حتى ، وفجأة ، يديله بوكس تحت دقنه يطير من بؤه واقي الأسنان ويقع سيف ف الأرض ينزف ، تتخض مريم ب فرحة والكل يتحمس )
المذيع : شكلنا مش هنلحق الجولة الرابعة ي جماعة وليام هينهيها بدري انهاردة 😃
( يعد الحكم ع سيف )
الحكم : ٤ ، ٥ ، ٦ ، ٧
( يقف سيف ويبص ل ليام ب غل ويقرب عليه ب اندفاع ويضربه بوكس يتفاداه ليام ويردهوله ف ضلوعه ب كل قوته )
سيف ب وجع : اااه 😨
المذيع : استرررر الضاربة دي مش هتعدي ع خير ي جماعة 😬
( سيف يحمي نفسه بسرعة ويرجع خطوة ل ورا وليام يقرب ، يقف بينهم الحكم ويقربوا ل نص الحلبة ، يهجم سيف ع وش ليام ويضرب كتير ورا بعض ب غل وليام بيحاول يحمي وشه ، ينزف عند حواجبه ، يفصل بينهم الحكم ويرن جرس انتهاء الجولة التالتة 🛎️ يروح كل واحد يقعد ف زاويته )
المذيع : كل واحد فيهم بيحاول ب كل الطرق ي جماعة خصمين مش سهلين ابداً !!
( يوقف دكتور وليد النزيف ويحطله لزقه )
جاد ل مريم : مريم ماية
( تجري مريم تجيب ازازة ماية وتدخل بيها ، تديها ل ليام ، يشرب ، يبصلها سيف ، يلاحظ ليام ف يبصله ب غيظ ، يبتسمله ب استفزاز )
جاد : ليام احمي وشك ع اد م تقدر !
( يشاورله ب اة )
جاد ب تحذير : عينك لو ورمت مش هتشوفه كويس خلي بالك !
ليام : اوك 😐
( تبصله مريم ب زعل ع شكله ، يرن جرس بدأ الجولة الرابعة 🛎️ ينزل الكل ويقفوا قصاد بعض ف نص الحلبة )
الحكم : ابدأ 👏
( يهجم ليام بسرعة وتقريباً بيضرب ف كل حتة ف سيف جسمه ووشه ، يديله بوكس جامد يقع سيف ف الأرض بس يقوم ع طول ، يقرب عليها الحكم )
الحكم : انت كويس ؟
سيف : اة 😐
الحكم : اوك 👏
( يحط سيف ايده ع ضلوعه ، يلاحظ ليام ، يستهدفها ويضرب فيها ب ذيادة وسيف بيتوجع وبدأ يرتبك ورد فعله تايه ، وفجأة ، ضربة جامدة ع ضلوعه تقريباً تكسر ضلع )
سيف ب جع : ااااه 😨
( يرجع سيف ل ورا بسرعة وليام مازال عامل هجوم عليه ، يتحول ضربه من ضلوعه ل وشه وراه بعض ، يقف بيهم الحكم بسرعة ويبعدهم ، يبقا سيف بيعرج من وجع ضلوعه ، يرجعوا تاني ، يقرب ليام منه اوي )
ليام : وعدتها هكسرك ي سيف ، وكسرتك 🙂
( يبصله سيف ، وفجأة ، ضربه ف ضلوع سيف مع ضربه ف وشه توقعه ف الأرض يفقد الوعي ، يجري الحكم يشوفه ويصرخ الجمهور ب حماس ، وتقف مريم مستنية الحكم ، يشاور الحكم ب ايده إن تنتهي المبارة 🛎️ يصرخ الجمهور ويفرح ب فوز ليام ومريم تحط ايدها ع بؤها ب فرحة وتنزل دموعها ويتلم الكل ف الحلبة يحتفله ب ليام ويشيله فيه ، وهو فرحان مش عشان فاز بس عشان جاب ل مريم حقها ، ينزلوه ، يعدي من وسطيهم ويجري عليها ياخدها ف حضنه يشيلها من ع الأرض ، تحضنه وتعيط )
ليام ف ودنها : جبتلك حقك ، كسرتهولك
( متنسوش اللايك ورأيكم .. ✨💛 )
#قصة_قابل_للكسر_ل_سهيلة_سعيد
#sohila_sa3ed