قصة : { #قابل_للكسر } 💔🥂
الحلقة التاسعة والعشرون { ٢٩ } 🥊
سيف : وبعدها هسيبك تختاري براحتك إذا كنتي عاوزة نرجع هنرجع ولو لأ هبعد عنك
( تتنهد مريم ب ضيق وتضير وشها ، عند ليام )
جاد : بقولك ايه
ليام : اممم ؟
جاد ب شك : هو انت ومريم فركشتوا ؟
ليام : اة
جاد : م انا برضوا بقول ، اصل لاقي سيف عمال ياخد ويدي معاها وانتوا بتتكلموا بحدود ف قلت اكيد مبقتوش سوا !!
ليام : اة 💔
جاد : بس هو ايه السبب ؟
ليام : نصيب 😒
جاد : بس ع فكرة بنت مش تمام شكلها ملقتش منك فايدة وهتضير ع سيف 🤷🏻♂️
( يتنهد ليام ب ضيق ، بعد شوية ، يوصل سيف قدام بوابة بيته ، يزمر بالعربية ، تتفتح البوابة ويدخل ب العربية ، تبص مريم ل كل حاجة ب زهول ، حجم المكان وجماله وكمية العربيات المركونة والحرس ، يقف سيف قدام باب البيت الي جوة )
مريم : جايبني فين ؟!
سيف : بيتي ، انزلي ، عاوز افرجك عليه
( ينزل سيف وتنزل مريم ، يفتحلهم الخدم الباب ع وسعه ، يدخله ، تتصدم مريم من وسع البيت وجماله وكل حاجة حديثة جداً )
سيف : ايه رأيك ؟
( تفضل باصة ل المكان )
سيف : انتي ليكي ف البيت دة زيي واكتر بكتير ، دة بيتك ، ومستعد رسمي من بكرة يكون بيتك فعلاً لو وافقتي نرجع والله ل اتجوزك حالاً ي مريم وهعيشك ملكة قسماً بالله ولو عاوزة نسيب البلد كلها ونسافر نعيش برة نعمل كدة من بكرة ، الي انتي عوزاه هعملهولك 😕
مريم : تحفة اوي 🥺
( يبتسم سيف ب فرحة )
مرين وهي بتبصله : خلصت ؟
( يبصلها ب استغراب )
مريم : روحني بقا
( يدخل فادي )
فادي ب ترحيب : ايه دة ميروووو ازيك 😃
مريم : اهلاً ي شيطان 😐
فادي وهو بيقرب عليهم : ليه كدة بس دة احنا حتى عشرة عمر وواكلين مع بعض عيش وملح 🤷🏻♂️
مريم : شكلك مسمتش وانت بتاكل ي فادي !
فادي : مقبولة منك ي ستي 🤷🏻♂️
سيف : فادي سيبنا دلوقتي
فادي : ا .........
مريم وهي بتمشي : انا الي هسيبكوا
( يمسكها سيف من دراعها ، تبصله )
سيف ل فادي : سيبنا
فادي : اوكاااي 🙄
( يطلع فادي برة البيت ، يبص سيف ل مريم )
مريم : انت قلتلي لو موافقتش هتبعد عني 😕
سيف : ناقصك ايه تاني عشان توافقي ؟
مريم وهي بتزق ايده : انت كل حاجة بقيت تحسبها بالفلوس خلاص !
سيف : فاكرة اما حسبناها بالحب ؟ خدنا ايه ؟
مريم : صح ، خدنا ايه !
سيف : فكري ب عقلك
مريم : عقلي وقلبي رفضيينك ي سيف ، خلي عندك دم بقا 🤷🏻♀️
( تمشي مريم ، يقعد سيف ع الكرسي ب احباط ، فادي واقف برة ، يشوف مريم وهي خارجة )
فادي وهو بيقرب عليها : مريم 🚶🏻♂️
( تقف وتبصله )
فادي : م بدري فكرتك هتتغدي معانا !
( تبصله ب استحقار وتمشي )
فادي وهو بيحط ايده ف جيبه : ماشي ي عم 🙂
( ف بيت ليام ، قاعد مهد ف اوضته ، نايم ع سريره وبيلعب ع الفون ب ملل ، يخبط باب اوضته )
مهد : ادخل
( يدخل ليام )
ليام : عامل ايه ؟
مهد وهو بيقوم يقعد : الحمدلله
ليام : انااا زهقان ، ايه رأيك نخرج نتغدى برة ؟
مهد : ماشي
ليام : طب البس يلا
مهد : اوك
( يمشي ليام يدخل اوضته ، يعدي الوقت وليام ومهد ف الملاهي لحد بالليل بيحاول يحسن من نفسيته ، قاعدين ع ترابيزة )
مهد : بابا
ليام وهو بيبصله : نعم ؟
مهد ب تردد : هو ، هو لو قلتلك نفسي اشوف مريم ، هتزعل ؟
ليام ب تنهيدة : لا ي مهد
مهد ب فرحة : بجد يعني ينفع اشوفها 😃
ليام : برضوا لأ
مهد ب زعل : ليييه 😟
ليام : بص ، لو قومتك حالاً وركبتك اللعبة دي وتعبت فوق ودوخت وخوفت وكان ممكن تقع وتتأذي ونزلت بالسلامة الحمدلله ، هتفكر تطلعها تاني ؟
مهد : اكيد لأ !!
ليام : هتيجي الملاهي وهتلعب وتتبسط بس مش هتقرب منها صح ؟
مهد : صح
ليام : يبقا تنسى مريم ي مهد ، مريم ممرضتي وبس وبعد البطولة انا اصلاً هغير الفريق الطبي
مهد : بس مريم مش هتأذيني ي ليام 😟
ليام : إنك تقرب من حد اوي وانت عارف إن وجوده مش دايم يبقا انت كدة بتأذي نفسك مش هو الي بيأذيك
مهد : انت الي قلتلها تبعد عني ؟
( ميردش )
مهد وعيونه بتدمع : عملتلي بلوكات من كل حاجة ، يبقا انت الي قلتلها 😔
ليام وهو بيمسك ايده : مهد ، حبيبي انت كبرت ولازم تفهمني ، الجواز والخطوبة والكلام دة كله لازم يبقا ب موافقة الطرفين ومريم مبقتش عاوزة تكمل معايا دة وارد يحصل ، فاهمني ي بابا ؟
( يشاورلها ب اة )
*( 6 ايام قبل البطولة 🥊 )*
( ف النادي ، ليام ف التويليت ، يغسل ايده وينشفها ويطلع ، مريم وسيف قاعدين ع الدكة قدام الحلبة )
سيف وهو بيمسك ايدها : بالراحة بس !!
مريم : بالراحة والله 😕
عمرو : رشي سبراي الأول ي مريم
مريم وهي بتقوم : حاضر
( تلف مريم وليام ماشي جامد يخبطه ف بعض لسة هتقع من قوة الخبطة يحط ايده ف ضهرها ويضمها عليه تمسك فيه ، يبصوا لبعض )
مريم : ا ........
( يسيبها ويطلع الحلبة يكمل تمرينه ، مريم واقفة مكانها ، تنتبه ل سراحنها وتروح تفتح الشنطة تجيب الأسبراي وترجع عند سيف ، ترشله ع كتفه )
وليد : بس اصبر شوية
سيف وهو بيبص ل مريم : اوك 😐
( ف بيت اهل مرات انس ، يخبط الباب ، يجري اخوها الصغير يفتح )
محمد : انسسسس 😃
انس وهو بيشيله : حبيب انس عامل ايه
محمد : الحمدلله
انس : فين اختك ؟
محمد : ف المطبخ
انس وهو بينزله ف الأرض : ماشي
( يقرب انس ع المطبخ ، واقفة لبنى بتغسل المواعين )
انس : وحشتيني ♥️
( تبصله ب خضة )
لبنى : انس !!
انس : اممم
لبنى : ايه الي جابك ؟!
انس : جاي اقولك حقك عليا ، انا غلطت 😐
( متردش عليه )
انس : عاوزك ترجعي بيتك
لبنى : مش بيتي دة الي طردتني منه عشان حبيبة قلبك ؟!
انس : انا غلطان وفهمت واستوعبت إن انتي وبنتي اهم عندي من اي حد ووالله م مشيتك عشانها انا كلامك الي عصبني ي لبنى 😕
لبنى ب دموع : جاي تلومني وتتعصب عليا إني اتكلمت معاها عشان احافظ ع بيتي ، عاوزني اقولك ايه 🤷🏻♀️
انس وهو بيقرب عليها : حقك عليا انا اسف ، انا ماليش غيركم والله 😟
لبنى : وانا مقدرش اعيش معاك وانا عارفة إنك بتفكر ف غيري 💔
انس : مين قالك الكلام دة بقالنا اكتر من سنة ونص متجوزين عمرك شوفتي مني حاجة وحشة ؟
( متردش )
انس : كل الي سمعتيه لك ستات فاضية عاوزين يخربوا بيتك مش مريم الي عاوزة تخرب بيتك !!
( تنزل دموعها وتبص ل الأرض )
انس : والله العظيم بحبك انتي ي لبنى انتي مراتي ام عيالي وانا مش قادر ابعد عنك اكتر من كدة ، حقك عليا وبالله عليكي م تسمعي كلام حد تاني 😕
( تشاورله ب اة ، يقرب ياخدها ف حضنه )
انس : فين ملك ؟
لبنى : نايمة جوة
انس : طب يلا ادخلي البسي ولبسيها عشان نروح بيتنا
لبنى : حاضر
( ف النادي ، خلصوا تمرين وسيف واقف جوة الحلبة بيشرب ماية ، ليام قاعد تحت ع الدكة بيتكلم ف الفون ومريم واقفة جنبه )
ليام : طيب ي مهد حاضر عدي عليا ف النادي ونروح سوا ، استناني برة اة ، ماشي سلام
الحلقة الثلاثون { ٣٠ } 🥊
( يقفل ليام )
مريم : هتعمل جلسة
ليام : مش محتاج
مريم : بقالك كتير معملتش اكيد عضلاتك متشنجة 😕
ليام : ا .........
سيف وهو بيسند ع الحبل : انا محتاج والله ي مريم 🤷🏻♂️
( تبصله ب خضة ويبصله ليام )
سيف : مدام ليام مش عاوز ف ..........
جاد ب استغراب : ي بني انت فين الفريق الطبي بتاعك ؟!
سيف وهو بينزل من ع الحلبة : هيوصل ع البطولة 😊
جاد : ازاي يعني المفروض يبقا معاك ف كل مكان مش البطولة بس !!
سيف وهو بيقف قصاد جاد : وايه المشكلة ي عم متضايق ليه ؟!
جاد : عم ! اسمي كابتن جاد مش عمك انا !
( ينتبه الي ف المكان ويبصولهم )
سيف وهو بيقرب اوي ع جاد : طب ي ابو الكباتن
( يقف ليام وتبصلهم مريم ب توتر )
سيف : متزعلش نفسك اوي كدة ليطقلك عرق بس 😏
ليام وهو بيقرب عليه : م تحترم نفسك يلا انت !!
سيف ب اندهاش : يلااااا ، ينهار ابيض 😃
جاد ب قلق : ليام خلصنا يلا عشان تغير 😕
سيف : لا استنى دة بيقولي يلا !!
مريم ب خوف : سيف لو سمحت كفاية كدة متفرجوش عليكول الناس 😟
سيف : ي قلبي متخافيش مفيش حاجة بس الباشا يتكلم ب ادب وانا هبقا زي الفل 🤷🏻♂️
جاد : والله انت الي عيل قليل الأدب !!
سيف وهو بيقرب ع جاد ب غيظ : وانت شكلك عاوز تدوق من قلة ادبي !
( يقف ليام بينهم بسرعة )
ليام : طب جرب 😐
سيف وهو بيزق ليام ب عنف : ملكش دعوة انت 🙌
( يرجع ليام خطوتين ل ورا من قوة زقة سيف بس يرجعله ب شلوت ف صدره يوقعه ع الأرض ، يتخض الكل ويجروا عليهم )
مريم وهي بتمسك ف دراع ليام : ليام عشان خاطري والنبي 😧
( يقوم سيف متغاظ وفجأة ، يجري يهجم ع ليام ، يزق ليام مريم بسرعة تقع ع الأرض ويدخل فيه سيف يقعوا ع الدكة وتتكسر بيهم ومحدش عارف يحوشهم )
مريم ب صريخ وهي ف الأرض : لياااااام 😨
( يوقعه ليام ع الأرض وهو فوقيه ولسة هيضرب يمسكه كلهم ف دراعه وييبعدوهم عن بعض )
سيف ب غضب وغيظ : وربي ل اموتكككك 😡
ليام : اعملهاااا 😡
جاد ب زعيق : بس بقاااا اهدوا 😡
( يسكتوا )
جاد : انتوا عارفين لو الي حصل دة عرف بيه الأتحاد هتخرجوا م البطولة !!
( مريم واقفة ع جنب بتنزل دموعها م الخوف )
جاد : ايه لعب العيال دة !!
رماح : انت الي بدأت المشكلة ي كابتن جاد 😐
جاد : لا وانا هسيب عيل اد ولادي يقل ادبه عليا اياك 🤷🏻♂️
سيف ب غيظ : برضوا هيقول عيل 😐
جاد ب زعيق : ايوة عيل ، بالنسبالي انتوا هنا كلكم عيالي ، نحترم نفسينا ، وانت تشوف الفريق الطبي بتاعك مريم مش هتمرض حد تاني ☝️
سيف وهو بيبص ل مريم : مش مهم ، هي عارفة البيت كويس 😏
( تتخض مريم ، يمشي سيف ، تحس مريم بالأحراج قدام الكل لإن الكل يبصولها وبيتهامسوا ، يمشي ليام ع اخره ، تدخل مريم اوضة اللبس وتقعد ع الدكة تعيط ع الموقف وإنه هانها وخلى الناس تظن فيها ظن وحش تاني ، بعد شوية ، مريم طالع م النادي مع دخول مهد )
مهد ب فرحة : مريييييم 😃
( يجري عليها يحضنها )
مريم وهي بتحضنه : يروحييي وحشتني اوي 😄
مهد : مش اكتر مني 🥺♥️
مريم : عامل ايه ؟
مهد : كويس ، مريم فكي البلوكات والنبي عاوز نرجع نتكلم 😟
مريم ب ارتباك : ااا اة اوك 😐
مهد ب فرحة : بجد هتفكيهم 😃
مريم : حاضر ، المهم انت عامل ايه ف دراستك بقا ؟
( يطلع ليام ، يشوفهم واقفين سوا بيتكلموا ، يتنهد ويقرب عليهم )
مريم : ربنا يوفقك ي حبيبي ♥️
ليام ل مهد : يلا 🚶🏻♂️
( يركب عربيته ويشغلها )
مريم ب احراج : ااا يلا اركب مع بابا 😅
مهد : كلميني والنبي 😕
مريم : حاضر
( يحضنها مهد ، يبصلهم ليام ف مراية العربية ويزمر ، يجري مهد يركب جنبه ويمشوا ، تفضل بصالهم مريم ب حزن ، يرن فون مريم ، تلاقيه سيف ، تلقائياً تتخض وتكنسل عشان تطلب اوبر ، تطلب العربية وتقف تستنى ، يقرب عليها سيف )
سيف : مش برن عليكي انا 🤷🏻♂️
( تتنهد مريم ب ضيق )
مريم : عاوز ايه ي سيف ؟
سيف وهو بيمسك ايدها : تعالي نتغدى سوا 👋
مريم وهي بتشد ايدها منه : لأ
( يبصلها )
مريم : ملكش دعوة بيا بقا وكفاية اهانة لحد كدة ، انت كل مادا م بتندمني ع اليوم الي عرفتك فيه ، منك لله ي فادي انت السبب ف المعرفة السودة دي 💔
سيف : تعالي طيب ونتكلم ف اي مكان
مريم ب انفعال ودموع : قلت لأ ، سيبني بقا ف حالي ابوس ايدك انا تعبت والله ، تعبت ونفسي ارتاح من كل دة ، حاول مرة واحدة ف حياتك متكنش اناني وبطل تبوظ حياتي ، وحيات اغلى حاجة عندك 😥
سيف : مريم انتي اغلى حاجة عندي 😕
مريم : لا لا لا لأ انت ملكش عزيز ولا غالي ي سيف ، انا بقيت اصدق إنك تبيع ابوك وامك لو هيجبولك فلوس !!
سيف وهو بيحط ايده ف جيبه : اممممم ، طب ي مريم انا هسيبك ف حالك حالياً ، بس بعد البطولة خلي بالك لينا كلام سوا ع انفراد ، ولاحظي إني اتعاملت معاكي ب طولة بال ذيادة عن اللزوم واتحايلت كتير بس شكلك الي يعملك قيمة تسوقي فيها ، وعرض الجواز مش هيتكرر تاني ع فكرة ، انتي مينفعش معاكي الكلام دة ، انتي اخرك ليلة ، بس اوعدك إنها هتكون او*خ ليلة ف حياتك 🙂
( تبصله ب خضة )
سيف وهو بيطبط ع خدها : سلام مؤقتاً ي قلبي 👋
( يركب سيف عربيته ويمشي ، واقفة مريم بتعيط ب خوف مش عارفة تعمل ايه ، توصل العربية ، تركبها وتمشي ، يعدي الوقت وييجي الليل ، مريم قاعدة ف اوضتها عمالة تعيط ، تفتح واتساب وتفتح شات ليام وتسجل فويس )
مريم ب دموع : ليام ، انا محتجالك اوي ، اكتر من اي وقت واكتر من اي حد ، انا عارفة إنك زعلان مني وفكرت إني استغليتك بس كان غصب عني والله انا بحبك ، بحبك اوي وعوزاك جنبي ، انت الوحيد الي شفتني صح ، انت الوحيد الي حسيت بالأمان معاك ، عاوزة اقولك حاجات كتير اوي ، عاوزة ارجع احكيلك وافضفضلك ، وحشني الكلام معاك ، وحشني اوي والله ، نفسي نتكلم 💔
( يذيد عياطها ، تمسح الفويس ومتبعتهوش وتسيب الفون )
*( يوم قبل البطولة 🥊 )*
( ف النادي ، ليام بيتمرن وسيف مجاش ، قاعدة مريم تحت وبصاله ، يبصلها غصب عنه ف يلاقيها بصاله ، يضير وشه بسرعة وهي تفضل بصاله )
*( حاسة بيك ، عارفة إنك نفسك ابقا بين ايديك ، ليه مخبي وانت بان شوقك عليك ، حاسة بيك ، حس بيا خلاص هتقتلني الظنون ، مش كفاية تقول بحبك ب العيون .. ♥️✨ )*
( يعدي الوقت ويخلص ليام تدريب )
وليد : مريم لازم جلسة انهاردة
مريم : حاضر
ليام : انا تمام مش محتاج
وليد : ليام اسمع الكلام لو سمحت بكرة الماتش 🤷🏻♂️
ليام ب ضيق : ماشي 😒
( يدخل ليام اوضة المساچ ويقعد ع الشازلونج ويمسك الفون ، تدخل مريم وف ايدها الكريم )
مريم وهي بتمدله ايدها : نام ع ضهرك 👋
( يحط ف ايدها الفون ، تحطه ع الترابيزة ، ينام ع الشازلونج ويسند دراعه ع جبينه ويغمض عيونه والأيد التانية ع بطنه ، تبدأ مريم تعمله المساچ ، اول م تلمسه جسمه يتنفض غصب عنه ، يحاول ميركزش معاها )
ليام ف سره : نام ، ناااااام ، نام 😑
( متنسوش اللايك ورأيكم .. ✨..💛 )
#قصة_قابل_للكسر_ل_سهيلة_سعيد
#sohila_sa3ed