#وئام_العشق
بقلمي الكاتبه : هبه الساعدي ⭐
و ما بالُ الأرق لا يبالي
و قد صنع خيمةً في خيالي
ينافس بها الجرح قائلاً
هلموا على جرحهِ بالسؤالِ
ليفيض من جرحهِ جرحٌ
يجعله مُختَثِر الدمَ في الشرياني
ويفرض نفسه دائما
في الكلماتِ و الألحانِ
و أقبل عليه بالسؤال قائلاً
ألم تَمُلَ التواجد في نهايات المقالِ
°°°°°°°°°°°°°°°°°°
_ طلعت ورقه سجلت بيها رقمي و ضميته بـ جيب الستره رجع أبراهيم بقينا نسولف ونشرب نركيله
وهي تفتر تشتري بالمحلات ورا ساعه
اجت گوه تمشي من علاليگ شايلتهن راحلها أبراهيم اخذ منها الاغراض
ابراهيم : ترا ما صار هواي من أستلمت الراتب
عاد نتظرتي خلي يكفي لـ رأس شهر ممخليه محل يعتب عليج
زينب : شبيك قابل شنو مشتريه اني هي كم قطعه شكد بخيل
أبراهيم لازم علاليگ يباوع عليه وعليهن "
- هذا كله واني بخيل
زينب : لا مو انت هذا احمد بخيل
أبراهيم : ها گتيلي احمد دمشي گدامي شوفي شنو طلبين اكل حتى نرجع للبيت
زينب : تمام يلا
_ رحنا نمشي بأتجاه طاوله گاعد عليها ابراهيم و سراج گعدنا كل ما ارفع عيوني عليه اشوفه يباوعلي من جوا لي جوا
طلبت بيتزا وصل طلب اكلت بهدوء
گوه ابلع الاكل من ورا العيون تراقبني
من خلصت أبراهيم راح يحاسب
ما احس الى ايدي انسحبت
___ سراج ___
گاعد انتظر الفرصه مستحيل اضيعها من ايدي
رجعت هي وابراهيم
گعدت وطلبت بيتزا بعد ما خلصت
راح أبراهيم يتحاسب
فرصه وبعد ما تجي مثلها
التفتت على أبراهيم شفته مشغول
سحبت ايدها بسرعة خليت رقم بيها وسديت ايدها على رقم
وهي تباوعلي فاتحه عيونها مصدومه من تصرفي ...
سراج : اخذي واتصلي ضروري وداعت نظر عيوني مو لعب
بقت مصدومه ما ردت عليه
رجع ابراهيم گالت اله وتوتر مبين على وجهه
زينب متوتره حيل وايدي ترجف گوه نطقت "
- أبراهيم يلا نروح بسرعه
أبراهيم : يلا امشي شكلج تعبتي
سراج : يلا خويه اني هم اروح
_ طلعنا واحس اكو شعور غريب
ما اعرف شلون اوصفه
الرقم بقى بأيدي وشاده قبضتي عليه
بس صعدت بـ سياره خليت الرقم بجنطتي
طول طريق ساكته افكر بـ سراج وشلون عيونه جان مركزهن عليه
أبراهيم : زوزه ليش ساكته تعبتي لو بيج شي مو من عوايدج تسكتين هيج ؟
زينب : اي تعبت انت حسدتني لان گلت مشتريه هوايه اغراض يمه راح اتمرض راح اموت
أبراهيم : ساعة سوده سألتج بيها اني شجاني مو جنتي ساكته وشحلاتج
زينب : يعني تعترف انت تحارشت خلص بعد لا تحجي احسن
أبراهيم : اويلي يابه مو لسان يوديني لـ شط ويرجعني عطشان
زينب : كملت لو بعد عندك
أبراهيم : ههههههه يلا نزلي وصلنا
رفعت راسي بغرور مصطنع نزلت من سيارة وگتله "
- نزلت وانت نزل اغراضي وخليهم بغرفتي ماشي
أبراهيم : اي مو اشتغل عندج اني
زينب : مشكلتك مو اخويه انت لعد ليش يسموك اخو
_ دخلت للبيت سلمت على الكل
رحت لـ غرفتي ضميت رقم بالكنتور
ودخلت سبحت لبست ملابسي وطلعت
لگيت أبراهيم مصعد الاغراض عفتهم بمكانهم
اخذت موبايلي لزمته بأيد ورقم بأيد الثانيه
تفكيري متناقض اخاف ما يصير وغلط داسوي
وساعه اگول لا هو گال ونظر عيني مو لعب يعني حلف ...
_ دخلت رقم بالموبايل فتحت الواتساب
جان متصل
ترددت ادزله رساله بعدين شجعت نفسي ودزيتله هلاووو اني زينب ثواني وجاوبني ..
💬 هلا بيج يا نظر عيني
_ سكتت وما كتبت اي شي وايدي ترجف عبالك مدري شمسويه رجع كتب ..
💬 ليش ساكته
💬 لان ما عندي جواب
💬 اسمعي يا بنت الناس اني رايدج بالحلال
گلبي ما ينطيني اخون صديقي وضلعي
وانتي تعرفين اخوج صديقي
ومن انطيت الرقم حتى اتأكد منج اذا جنتي هاويتني مثل گلبي وروحي هاويتج
اخذج من حلگ سبع وما اهتم اسمعي زين وركزي وياي
اني احبج وحبيتج من اول مرا شفتج بيها
وجذبت گلبي وگلت لا مو حب مجرد اعجاب بس صرت منين ما التفت اشوفج سمعيني جوابج !
_ بقيت فاتحه محادثه اقرأ بكلامه وشفتي ترجف رجع كتب ..
💬 زينب وين رحتي ردي جاوبي اي لو لا ؟
💬 انطيني مجال افكر
💬 هو شنو لتفكرين بي گلبج شنو يگول من تشوفيني
💬 يدگ بسرعه عبالك واحد يركض ورايه
💬 ول يابه ويگولون ليش تحبها ههههههههه وبعد
_ مدري ليش ضجت من ضحك حسيته يستهزئ "
💬 ليش تضحك ؟
💬 فرحان
💬 على شنو
💬 لان داحجي وياج زينب تحبيني
💬 ما اعرف
💬 شنو ما تعرفين
زينب : اذا احبك او لا
سراج : وضحيلي اكثر
بدون تفكير كتبت ولا حسبت حساب لكلامي
ما اعرف اسكت اذا ما اجفص "
زينب : يعني افكر بيك من انت مو موجود ويصير عندي احساس غريب
حتى مرات احس روحي اريد ابجي لان مداشوفك
سراج : هههههههه ولج تحبيني والله تحبيني
زينب : شنو هل ثقه زايده
سراج : غير انتي تگولين شعورج اتجاهي واني داوضحلج الامور
_ اخر مرا اسئلج تحبيني جاوبي ؟
زينب : أي احبك
_ كتبت هل كلمة طلعت من واتساب وغلقت تلفون
احس روحي طايره اگمز بالغرفه ما اعرف شنو اسوي شويه واجاني صوت اشعار واتساب
فتحته هو دزلي رساله ..
💬 ولج انتي شلون بيج گلتي احبك ليش طلعتي ولج لا تخجلين ما يلوگلج هههه شوكت اجيب اهلي واجيكم
💬 شنو اهلك لا لا مو هسه
💬 شنو لعد جاي نلعب ماكو تأخير الاسبوع جاي اهلي يمكم
💬 لا اريد اكمل ادرس
💬 ادرسي يمي واني ادرسج ويا هو جاب طاري دراستج اصلا اني ما أبطلج
- ماشي موافقه
- اسمعي اليوم الثلاثاء الجمعه اهلي يمكم
- مو هوايه مستعجل
- ما أحب اطول شي رايده اني كلشي جاهز على شنو تأخير بعد
- ماشي ها هي
- يلا وليدي روح نام
زينب : ههههههه وليدي شنو
- أي انت وليدي الي اخاف عليه من هوا
زينب : باي
- تصبحين على خير يا نظر عيني
- وانت بألف خير يلا باي
_ سديت الجهاز كلش فرحانه
نوم ما اگدر انام طار من عيني بسبب الفرحه
ثاني يوم من الصبح گعدت مثل كل يوم على اصوات اهلي يتريكون ويطلعون لدوامهم
طلعت صبحت عليهم
ام ادهم : شعجب گاعده من الصبح وما عندج دوام مو من عوايدج
زينب : رجعت تعبانه البارحه ونمت من وقت
گعدت شبعانه نوم شكو يعني واحد ما يگعد
ادهم : تفضل شوف لسانها شطوله ليگول لسان سحليه
زينب : يا سحليه انت شكبرك تصير بعد
أبراهيم واحمد بصوت واحد "
- ها ارتاحيت هسه انت اذا ما ترزلك مترتاح
_خلص اليوم كله اعزل بغرفتي
بعدين غرفة ابراهيم صفطت الكنتور مالته
بالليل گاعدين نباوع فلم كوميدي
اخاف من رعب ونكرز حب
باوعت على ادهم كلش مندمج دفرت احمد وگتله
زينب : نكرز ونشمر على ادهم الكشور
احمد : ههههه موافق بس اذا نكتلنه شلون
زينب : معليك ننهزم انت انطي خبر لأبراهيم لان بعيد عليه
احمد : تمام
احمد بصوت ناصي يهمس لأبراهيم "
- أبراهيم كرز وأشمر الكشور الحب على ادهم
أبراهيم : اي وبعدين يصير مطافرنه ماله والي موو
احمد : يلا لا تصير غثيث
_ انطيتهم اشاره بلشنا نكرز ونشمر عليه
وهو ولا حاس مندمج بالفلم الى ان سمع ضحك زوجته انتبه على نفسه صاير عباره عن كشور حب
وامي ترزل بينا على الكشور تارسه المكان
احمد مستمر يكرز " يعمن اني احبكم واشمر عليكم كشور
ادهم گام نكث ملابسه من الكشور
يريد يهجم علينا وصاح "
- يعمن اني راح اگوم ادبچ بمصرانكم
_ طلعنا نركض للحديقه وهو لازم الماسحه ويركض ورانا
زينب : نتفاهم انت اخويه جبير لـ ما عندي غيره
ادهم : هسه صرت اخوج جبير قبل شويه شمرين كشور الحب مو اخوج
زينب : شعليه اني هذا أبراهيم واحمد أتفقو عليك اني ما دخلني بيهم
ابراهيم : ترا انت تعرف كلش زين منو سوسه وام مشاكل ومنو صاحبة خطط
فلا تشملنه كلنا منا العالم ودنيا ليل صوتنه يطلع عيب دخلوا للبيت نتعارك جوا
زينب : والله فلا ادخل لان انتم تفقتوا عليه واني فقيره ولحبابه ليش شمسويتلكم هو هذا فقير هيج يصير بيه عود هم حاسبه نفسي عندي أخوان
احمد : اوكفي مشهد ما يكمل اذا مو دموع انتظري اجيبلج كلاص مي واجي
زينب : بسرعه لتتأخر
ادهم : تعال وين
احمد : أجيبلها مي واجي
ادهم : امشوا يلا كل واحد لغرفته بسرعه والله اذا المح خيالكم ما تلومون الا نفسكم بسرعه
زينب : حاظر
_ دخلنا نركض ونضحك كل واحد دخل لغرفته
دخلت لغرفتي شفت جهازي احد جاي يتصل عليه
°°°°°°°°°°°°°
مرحبا يحلوات لتنسون تصويت وتعليقات حلوه من ايديكم الجميلات 💜
يوزر الانستا : heba_alsaadi04