🖤309💛
سيد الموقف حتا نطقت الغالية:نوضي بدلي هاد الحالة غيجيو ناس صفاء يجيبو لفطور
.مﻻك ناضت بالزربة كانت طالبة عليها مشات لبيتها بقات جالسة شحال تاطلعت عندها صفاء دقات وطلات عليها بضحيكة:باقة مبدلتي.
مﻻك:مفياش واصﻻ منهبطش
.صفاء دخلت وسدت لباب:ياك اتخليني بوحدي.
مﻻك:راك اتكوني وسط عاءلتك وعاد كاينين لبنات.
صفاء:ﻻ بغيتك نتي انا
.مﻻك خصرت مﻻمحها تفكرات صوفيا فاش كانت تقولها ليها وتكمشات فراسها:ﻻ غير سيري.
صفاء ناضت لماريوها:امم تلبسي غي شي كسيوة ياك.
مﻻك:رامغنهبطش.
صفاء:عﻻش دابا مصرة متهبطيش معايا وﻻ شنو
.مﻻك غتبدا تبكي تاني:باش يبقاو يشوفو فيا تاني عاءلتك بحاﻻ معرت شنو دايرة.
صفاء:شكون هادو لي فخبارهم على حساب تعاويد خوتك غي بابا وماما وخويا لي فخبارهم وكوني اكيدة مغيعاودو للعاءلة والو.
مﻻك:بصح ماكدة.
صفاء:اه اصاحبتي ودابا نوضي باش تبدلي
.جبدت ليها كسيوة فالقهوي غادة لتحت وكتغماق حتا وﻻت من لتحت كحلة فيها منيضر زوين مداتها ليها:ياله بدلي انا غنتسناك لتحت متخلينيش كنتسنا
.حركت ليها راسها وخرجات مﻻك ناضت بشوية عليها بدلات ولوات شالها وخرجت هابطة وكتسمع لهضرة قلبات الضورة لكوزينة بالزربة دخلت لقات مها وعياﻻت خوتها كيقادو فداكشي لغالية شافتها وضارت كتكمل شغلها كتزرب:سلمتي على الناس
.مﻻك بتوتر:ﻻ.
الغالية:اويلي.
مﻻك:هانا نعاونكم تساليو ونمشي
.بدات كتقاد معاهم وبداو كيديو داكشي سلمات على شمس ومحمد وشافت فلعياﻻت لي جالسين كانت خت محمد غي كطلع وتهبط فيها وكانو تا جوج خواتات شمس غي مبتاسمين باينة ضريفين كانو معاهم تابناتهم سلمت عليهم وجلسو كيفطرو وضاحكين ناشطين حتا نطقت ديك عمت عهد وكتشوف مع مﻻك وكتشوف لبنتها لي تاهي باينة مسيميمة غي كطلع وتهبط فمﻻك:ايوة نتي هي لي غياخد عهد
.مﻻك شافت فيها♥
🖤310
شافت فيها محمﻻتش ديك الطريقة باش دوات:اه هي انا معجبتكش وﻻ
.لغالية بقا ليها غاتندب عيات تغمز ليها والو مﻻك مكتشوفش لعندها
.ديك عمت عهد ضحكات ضحكة صفرة:ﻻ تبرك لله مزيونة الله يكمل عليكم
.وسكتات كتشرب فاتاي تبرد على راسها كملو لفطور وبقاو كيهضرو وكيضحكو حتا مشاو ومشاو معاهم العرسان باش ياخدو حوايج صفاء من تما غيمشيو يسافرو ودعو بعضهم ومشاو بقا غي عهد جالس ليهم تما عاد حﻻ ليه لفطور بقاو الدراري جالسين معاه تافطر وشاف فؤاد:غندي مﻻك لواحد الطبيبة اتشوف حالتها.
فؤاد:عﻻش الطبيبة را غي لوقت وترجع كيكانت.
عهد:غنديها وصافي انا معاجبنيش حالها
.فؤاد ناض:تانا معاجبنيش حالك كل مرة خارجين
.عهد تنهد وناض كيقلب عليها لقاها فالكوزينة كتقاد ليواني:مﻻك حيدي داكشي من يديك يالله انخرجو
.مﻻك مسحت يديها بالزربة وغادة عندو ونطقات لغالية:افين غادية نتي صافي قالك تمشي غادة ميتشاور مياخد راي
.عهد شافيها:راهضرت مع باها
.الغالية محمﻻتوش بحاﻻ قاليها هضرت مع الراجل نتي مالكي كطيري
.يالله غيخرجو مع لباب ونطق فؤاد:ومتعطلوش انعطيك ساعة غاع ﻻطولتو
.عهد حرك راسو بالايجاب وخرجو ركبو ونطقات:فين انمشيو.
عهد:اول حاجة عيطو ليا لبوليس بغاوك تدلي بالاقوال ديالك ومن بعد انمشيو لطبيبة.
مﻻك:عﻻش الطبيبة.
عهد:متفهميش غلط طبيبة نفسانية تحاول تلقا ليك حل باش تنساي لي وقع ليك راخديت موعد قبيلة.
مﻻك:واش ايكونو تما
.عهد عرفها على دوك الخانزات:اه ولكن متخافيش مغيقربوش ليك.مﻻك بقات غي كتنهد وكتطرد دوك الدكريات لي كيجيوها ديال لبارح وصلو لكوميسارية لي قاليه الضابط وهبطو شد فيها وزيرت عليه كيحس بيها كترعد
🖤❤
💛💛
💚 311💚
دخلو وسول على داك الضابط لي مكلف بقضيتها
وداوه لبيرو ديالو لقا فلباب جواد واقف شاف فمﻻك
قرب يبكي حيت ﻻمشا تاتنشر الخبر
غيتشوه:بنتي عفاك تنازلي ليها راه غنمشي فيها
.مﻻك تخبات ورا عهد مخشية فيه وعهد شافيه
مخنزر:اصﻻ راك مشيتي فيها سوا تنازﻻت وﻻ ﻻ
وغنكون حريص ان بنتك تخمج فالحبس بسباب
الحالة لي فيها مرتي دابا
.جواد غينطق وتخطاه عهد جار معاه مﻻك دخلو
ومﻻك خواو بيها رجليها كانت غتسخف فاش شافتهم
جالسين صوفيا ساخطة بينما نهيلة كتبكي ومينطينهم
الضابط وقف سلم عليه:تفضلو جلسو
.جلسو مقابلين معاهم وصوفيا كتشوف
فمﻻك باقة مبغات تحشم الضابط شاف
فمﻻك:عاودي لينا ابنتي شنو وقع
.مﻻك توترات وبدات كتشوف لعهد:هضري
قولي شنو طرا
.مﻻك حنات راسها وبدات تاني كتلوي
صباعها بتوتر عهد هز عينو فهادوك بتخنزيرة
وشاف فالضابط:ممكن تقول شنو وقع لشي بوليسية
.الضابط غوت على لي كيكون واقف برا
وشاف فمﻻك:نوضي ابنتي ايديك عند واحد لبنت
ومتخافي من والو ومتنساي تاحاجة
.مﻻك شافت فعهد وغمض ليها عينيه
كيطمنها وناضت مشات وكتشوف فهادوك
غي بنص عين ومزيرة على يديها مشات
مع داك الشرطي ودخلها عند شرطية تكون
فمنتصف التﻻتينات هزات فيهم راسها وقرب
داك الشرطي قاليها شنو دير ومد ليها ملف فيه
كلشي على القضية وشافت فمﻻك بابتسامة
باش ترتاح ليها:زيدي ابنتي
.مﻻك دخﻻت وبقات كتشوف مع ﻻخر بقا واق
كيشوفيها شافت فيه الشرطية:صافي سير
بحالك
.ﻻخر قفز كان ساهي فمﻻك ودار ليها
اشارة الاحترام ومشا سد لباب مﻻك
جلساتها وبدات كتسولها مجموعة من الاسئلة
البسيطة وهي كتقرا القضية بحال فين
تختاطفات وفين ومن طرفمن كملت
وحطت الملف شافت فيها:ودابا ممكن
تقوليلي جميع التفاصيل.
🖤312 💛
مﻻك:عﻻش ضروري.
الشرطية:اه باش نزيدو نغرقوهم.
مﻻك:ممكن نعاود غي لي نقد عليه.
الشرطية تنهدات
تنهدات:شوفي ابنتي الى عاودتي غي لي
قديتي عليه غنضطر انني ندير فالمحضر
فقط اختطاف وانا عارفة انه طرا ليك
كثر من مجرد اختطاف ودابا بغيتك
تعتابريني مك وﻻ ختك وﻻ صاحبتك
وﻻ اي واحد كترتاحي معاه تعاودي ليه
.مﻻك بتوتر وبراءة:مكنرتاح مع تاواحد غير عهد
.الشرطية تبسمات:واعتابريني انا هاد
عهد وعاودي ليا
.مﻻك زيرات على كسوتها:غنحشم حيت طراو
حاجات خﻻوني نرد ولدابا كنتفكرهم كنبغي نموت.
الشرطية:انا كنسمع
.مﻻك تنفسات وبدات كتعاود من لي جا عندها
داك لولد الصغير قاليها تكلم لعهد حتا فاقت
وبدات كتبكي واخة مقالتش شنو شافت
وشنو كانو كيقولو الى انها لمحات
ليها بالقدارة لي كانو كيرتاكبو.
الشرطية:واخة ابنتي شكرا على التعاون
ديالك معانا ممكن تمشي.
مﻻك بحرج:نسيت على الطريق واخا تمشي معايا
.ناضت معاها خرجو بينما عهد فاش مشات
بقا غي كيخنزر مدة فهادوك:شتو بربي وتدير
شي حاجة فراسها تان
.قاطعو الضابط:مسيو عهد كنضن راحنا
دايرين خدمتنا بﻻ دوك التهديدات
.عهد قلب عينيه كينفخ وكيغزز فسنانو
حتا تحل لباب ودخلات مﻻك ومعاها
شرطية دخﻻت حطات الملف فوق لبيرو
وعاطت لضابط التحية عهد شاف فمﻻك
بقات فلباب وكتشمر وشاف لشرطية:واش بكات
.حركات ليه راسها بالايجاب وقف تم غادي
ووقفاتو شافت فمﻻك كضور عينيها فالغادي
والجاي وشافت فيه:نتا هو عهد.
عهد:اه عﻻش.
تبسمات:تهلى فيها ونبغي نقولك حالتها
ماشي هي هاديك ديها لشي طبيب يشوف حالتها.
{لبنات وجدو راسكم تسمعو حكاية ملاك بكمية التحرش لي تعرضت ليه انا بعدا كنحط البارت ودموعي مغززين فعيني ههههه
لي عندها شي كلينكس تشدو فيديها باش تمسح دموعها ههه😎😎}