شونكم كرزاتي 🍒
صوتوا قبل لا تبدون بلبارت حبايبي
وعلقوا بين لفقرات حابه شوف رايكم بلروايه
الكـــــــاتبه: ايــــــــــفا الصــــــــــابر
•••••••••••••••••••••••••••••••••••••••
رأفت _مرت الايام بهدوء وكلشي جان هادي بس طلع هل هدوء ماقبل العاصفه
بيوم اجت نيران مثل الاعصار طايررره لجدي وكالت
نيران_جدي عندك كعده لسبت مو
جدي_اي
نيران_اروح وياك
كلنه صفنه عليها شنو تروح وهيه كعدت زلم وعشاير كلهه شيوخ شنو لسالفه شكو؟
جدي_ليش بويه واصلا مايصير
نيران_جدي هسه تاخذني وياك لولا؟
جدي_لا بويه كلها زلم شلون
نيران_واذا كلهه زلم اني بالف رجال اصلن ذوله ذكر مو رجال
جدي_صاير شي؟
نيران_جدي اروح وياكم يعنيي اروح وانتهه لنقاش
عافتنه وراحت صعدت فوك وهيه عيونها دم هاي شبيها
اترخصت ولحكتها دكيت لباب
نيران_تفضل
رأفت_شكو نحلتي؟
نيران_هيج حسبه براسي ماكو شي
رأفت_تفهميني بيج لج اني اصلا حفضتج وحفضت تصرفاتج وهسه كليلي شصاير شكو
اتنهدت
نيران_عرفت لمهاجمين لبيت وجان قصدهم جدو مو تهديد بس ماحالفهم لحض لان جنه مامتواجدين
انصدمت منها شكو واحنه ماعدنه ثار ويه احد
رأفت_منو هاذا وليش؟
نيران_رأفت ماكدر احجي بلتفاصيل افهمني
رأفت_لااا فهمينيي تره حيات جديي بخطرر احجيي عادد
نيران_كلشي راح احجي بگعده باجر
رأفت_لاتكليلي لمسوي هلشي يحضر
نيران_اي نعم يحضر ولدوس على اسمه واخلي مضحكه
رأفت_بس انتي اصلا ماتعرفين طريقتنه شلون يعني حياتج بعيده
نيران_لا تخاف من هلناحيه اني بت شيوخ ودواوين اعرف اتصرف زين
ضليت صافن عليهه وهيه تحجي بثقه منو هاذا لسوه هجي وهيه شلون عرفته نيران شنو سلطتهه بحيث بتلفون كلهه تركعلهه شنو قدرتهه وشتكدر تسوي
هواي اسئله براسي وماعرف جوابهه هيه حجت جملتهه وعافتني وراحت وخلتني اصفن نزلت جوه لكيت جدي ماراضي على روحتهه لشباب هم مثلي يصفنون ومامفتهمين شنو لموضوع
وخاصه كعدت باجر كلنه نروح بيها لان مهمه كلش وبيها بلعشر شيوخ يكعدون شنو لحيصير هناك شنو الادرامه لتصير اني خايف بس انو نصير بلعين لصغيره جدام لوادم
صح نيران من تحجي بفخر بس مع هاذا ضاله لخوفه بكلبي وهم متشوق اعرف منو هاذا ليريد الاذيه لجدي
اريد اشرب من دمه لان احنه نعز جدي كلش كلش نعزه مو شلون ماجان
بقينه كل واحد يضرب صفنات بصفحه اباوع حته عمي علي هم صافن ولواضح هم مايدري شنو لفلم لراح يصير
الله يستر من باجر
....
نور_ كاعده واسمع تعليقات جدتي وبنات عمي وولدهم وكل واحد يبدي برئيه بعد ماذبت نيران لقنبله وكامت
نجاه_هاي ماترتاح الا تسوينه مضحكه للوادم شني تمشي بكعده زلم وين صايره هاي لا وعمي شلون يسكت الهه
سجاد_يبويييي يامن يجيب باجر راح انجلط من لفضول لا لا بس شوفو نيران تجي للكعده ولزلم كاعده وتجي تحجي بموضوع احنه اصلا مانعرف عن شنو تحجي وهيه هيبه
فهد_انته ليش ماتنجب ماتشوف لعالم وين وانته وين
سرور_ادري محد عنده غيره يخلي هاي تطلع للزلم
زمخ بيها
صكر_ياهووو لماعنده غيره ولججججج؟
سرور_بارتباك ه.ااا االلاا ااانن...
صكر_انتي صاير عندج لسان ليش تجبريني امد ايدي عليج ها
شهم_علكيفك هسه انته ماتعرف طبعهه
صكر_لا اادبهه بس نرخيلهه لخيط تسحبه كله
سرور_وهسه اني شكلت على لكلمه تحاسبوني لو نيران تريد لكعده بيهه لزلم كلهه مكلوبه ماتحجون وياهه
فهد_نيران مو متهوره ولا طايشه نيران تتصرف بوعي وهيه اصلا عدهه مشاغل هواي ومع هاذا خصصت وكت لهاي لسالفه اذا لموضوع وبلا شك شي كلش جبير ومو بلسهوله لتشوفونهه واني مامن من ناحيه اختي لان اعرفهه كلش زين
احمد_الله كريم وانته عمي ماتعرف شعدهه
علي الدر_لا والله يبويه مادري
شويه وكالت ساره بهمس
ساره_ ولجن شفتن شلون تحجي وي جدي
زهراء_اي بس شنو لسالفه شكو انتي نور مو وياهه ماتعرفين شكو
نور_لا ماعرف شعليه اني
....
رأفت_كعدنه ثاني يوم لولد كلهه وجدي لازم نطلع من وكت لان بمكان بعيد صايره
جدتي_مصباح لخير يجده
_صباح لنور
جدتي_ولكم هاي لمفلوكه صدك تريد تمشي تسودنت
جدي_والله مدري
جدتي_هيه هسه وينها
نيران_صباح لخير
بعد جدتي تحجي ونزلت نيران انباوعلهه وفاكين حلوكنه هاي شمسويه؟
لابسه دشداشه رجاليه بس علكدهه يعني كاعده عليهه
ولافه لچماغ علراسها لف ونازله
علي الدر_بويه انتي اتخبلتي؟
نيران_ليش منو كالك اني عاقله؟
جدي_شهلبس بنيتي
نيران_مو لمفروض من واحد يطلع كعدات هيج لبسه
جدي_اي بس للزلم مو لنسوان
نيران_واني كايلتلك بنيه بالف رجال صح لولا؟ فاسكتوا
جدي_زين بس انريد نعرف على شنو تردين ترحين
نيران_هناك تعرف جدي لاتستعجل على رزقك يلا نكوم
كامت قبلنه واحنه طلعنه وراهه بسياراتنه وهيه هم بسيارتهه صعد وياهه سجاد
رحنه ٣سيارات اخذنه لوقت بلطريق كله يلا وصلنه جانت لكعده عد شيخ معروف بلبصره كلش وكعده جبيره(اسفه ماكدر اذكر اسباب لكعده)
نزلنه ونزلت نيران بصف جدي تمشي ولا مهتمه لاحد اباوع علوادم صافنه عليهه ولشباب تتنادس بيناتهه
كعدنه بعد لسلام وهيه بصف جدي بلش جدي يحجي بامور لكعده لمن حلوها
من كملوا ولناس صارت تريد تتطشر جدي يسولف كالت بصوت
نيران_من رخصه لموجودين اذا تكدرون تنطونه من وقتكم شويه
لوادم كلهه انتبهت الهه دارت وجهه لجدي وكالت
نيران_من رخصتك شيخ
جدي_مرخوصه بويه
نيران_مثل ماتعرفون يااهل لخير ليوم سويتو هاي لكعده على موضوع
بس هاي لكعده راح تصير كعدتين
واني ادري بيكم شيوخ ولنعم منكم وصيتكم وخيركم سابقكم لحمدلله
وادري ماترضون بلغلط لو ضهر حته اذا منكم وبيكم مو صحيح؟
كاللهه واحد من لشيوخ
الشيخ_ونعم يابه تفضلي بويه خير
نيران_شيخ اني بنت علي ابن الشيخ*****واكيد تعرفونه وتعرفون كرمه
_ونعم والله
نيران_يااهل لخير كبل كلشي اني بت الديوان وهزت لفنجان
احنه تعرضنه كبل فتره لتعدي على بيتنه واكيد سمعتو بهلشي؟
الشيخ_اي بويه سمعنه
نيران_زين اني ادري بيكم محد يرضه بلغلط واني اريد من هلوجوه لطيبه تاخذ حقنه من لسوه هجي اكدر اكول لجدي لشيخ وهوه يتصرف بس ادري بي يستحي منكم ويمرر لسالفه وعلى هلحجي اكيد يكرر فعلته
_بيج خير وادللي منهو هاذا
نيران_تسلم حجي اني كبل كلشي اكول احنه ماعدنه عداوات بس بسوالف لكعدات تصير وكبل ماكول الاسم اريد منكم كلمه رجال تحاسبون لمفتعل
الشيخ_والله وخذيهه من هلشارب بعد شتردين
نيران_ماتقصر شي لسوه هلسوايه هوه بن الشيخ****وكل نيته جانت مو تهديد لا نيته جانت بلقتل ولقتل جان لجدي لشيخ
انصدمنه من لولد لمسوي هجي اباوع اني لنيران ومصدوم من كلامها شلون تحجي وتتصرف اباوع للولد كلهم فاكين حلكهم عليهه باوعت لعمي وجدي مصدومين وهم مبينه بشفايفهم الابتسامه من حجت انتفض ابو لولد
_شنووووو واحنه نمشي علحجيج هاذه هااا اصلا لحرمه مايصير تدخل كعده
بهدوء
نيران_اول شي لحرمه هاي بالف رجال ياشيخ يامحترم وثاني شي اني جايه اطالب بحكي من اهل لخير واعرف مايقصرون وثالث شي كل الادله عندي على اتهام ابنك بعد شتريد
_ادله شنو ابني مايسويهاا وليش يسويها
نيران_اعتقد ناسي مو مشكله عندي وقت اذكرك اسمع.........
يتبععععع.....
______________________________
شونكم كرزاتي 🍒
صوتوا وعلقوا بين لفقرات حابه شوف رايكم بلروايه
حبيباتي اسفه كلش كلش اسفه والله مو بايدي هلغياب هاذا عندي ضروف وانجبر اصلا مادخل للواتباد والله هسه بس فرغت شويه كتبتلكم هلبارت هاذا عندي ضروف هلفتره كلش فلتنزيل ماراح يكون بالتزام بس من احصل وكت اسفه والله بس نشاء الله بس هلازمه لصارت وياي تعدي ارجع بلتنزيل مثل قبل احبكممم كلش هوايهه
حسابي انستا للتواصل والاستفسار👇