قصة { #قابل_للكسر } 💔🥂
الحلقة الأولى { ١ } 🥊
*( شهر 12 ، سنة 2021 )*
( جوة كافيه بسيط ، قاعدة بنت وشابين )
مريم وهي بتكتب ف ورقة : طب كدة يبقا احنا محتاجين خمس الاف بتوع تقديمة الأوضة الي شفناها ✍🏻 معاك منهم كام كدة ؟
*( ملحوظة .. مريم بنت جميلة ، بشرتها بيضة ، قصيرة وجسمها كيرڤي مظبوط لايق ع طولها ، عيونها دهبي ، شعرها اسود قصير وعاملة قوصة ع عيونها ، عندها ٢٣ سنة ، بباها ومامتها متوفيين من اربع سنين وهي عايشة لوحدها وملهاش اخوات ، ليها عم لكن مش مختلطة بيه نهائي ولا هو بيسأل عليها ، بتشتغل ممرضة ف مستشفى خاصة كبيرة ، ظروفها المادية بسيطة )*
سيف : ٥٠٠ جنيه 😊
مريم : مش بهزر ي سيف خلص 🤷🏻♀️
سيف : والله بالظبط ٤٣٠
مريم ب استغراب : ثواني بس مش كان معاك الفين و ٣٠٠ وقلت هتاخد سلفة ٢٠٠ يعني الفين ونص ، فينهم ؟!
( سيف يبص ل الشاب الي جنبه ، تبصلهم مريم ب قلق )
مريم ب قلق : انتوا عملته ايه ؟!
فادي : معملناش حاجة 😐
*( ملحوظة .. سيف شاب وسيم ، بشرته خمرية ، شعره اسود خفيف ، عيونه خضرا ، طويل وعريض جسمه رياضي ، عنده ٢٥ سنة ، بيشتغل امن ف كومباوند لكن عنده هواية لعب الملاكمة ودة حلم عمره إنه يلعب مباريات مهمة ويتعرف اسمه ويتشهر ، وهو كمان مقطوع من شجرة كان عايش مع بباه واتوفى ، هو ومريم ف اعتبار المخطوبين بقالهم ٣ سنين سوا وبيجهزوا ل جوازهم ، فادي يبقا من اعز صحابهم واقرب واحد ليهم وبيشتغل مع سيف امن ، عنده ٢٤ سنة ونفس الظروف المادية )*
مريم : قولولي عملته ايه بالفلوس ؟!؛
( ميردوش )
مريم : فادي قول !
( يبص ل سيف )
مريم ب نفاذ صبر : الي انتوا بتعملوه دة مينفعش حد يفهمني عملته ايييه 😧
( يتنهد سيف )
سيف : م انتي هتزعلي لو عرفتي ي مريم
( تبصله )
مريم ب خضة : لأ ، لأ مش الي ف بالي لأ !
سيف : هو
مريم : حطتهم ف النادي ؟!
سيف : اة 😐
مريم : هو احنا مش كنا متفقين مش هنعمل كدة تاني وهنبعد عن الموضوع دة ؟!
فادي : ي مريم احنا ف وقت محتاجين فيه فلوس و .........
مريم ب انفعال : اسكت انت انت شيطان بجد انا مش مفهماك تبعده عن الملاكمة والقرف دة رايح تشجعه كمااااان وبتداري عليه 🤷🏻♀️
( يبص فادي ل سيف )
سيف : مريم فادي ملهوش دعوة انا الي صممت
مريم : لييييه ليييه هتستفاد ايه لما ترجعلي متكسر ووشك ورام عشان ٣ ولا ٤ ألاف جنيه والمفروض اننا داخلين ع جواز !!
سيف : وانتي ليه متخيلة الوحش م ممكن برضوا الماتش يعدي ع خير واكسب وكل حاجة تبقا تمام وننجز اكتر 😕
مريم : ممكن مش اكيد وطبعاً لو خسرت ضاعوا عليك الألفين جنيه صح ؟!
( ميردش ويضير وشه )
مريم ب يأس : انا مش عارفة اقولك ايه والله بجد ، بس بالوضع دة احنا عمرنا م هنكون سوا 🤷🏻♀️
سيف وهو بيمسك ايدها : ي قلبي متخافيش هيعدي ع خير والألفين هاخدهم ٨ وهنحط تقديمة الأوضة ونكمل الي ورانا بقا
( تبصله مريم ب حزن وخوف )
مريم ب قلق : انا خايفة عليك 😟
فادي : عيب عليكي والله البغل دة يتخاف عليه 🤷🏻♂️
سيف وهو بيذغده : ايه ي جحش انت 👋
فادي ب وجع وضحك : اااه بطمنها ي عم 😂
سيف : انت بتهيني 😂
الكل : هههههه 😄
( تتنهد مريم ب ضيق )
سيف : مريم بقا خلاص 😕
مريم : هو امتى الماتش دة ؟
سيف : بكرة
مريم ب خضة : دة قريب اوي !!
سيف : اة احسن عشان ننجز معندناش وقت 🤷🏻♂️
مريم ب قلق : ربنا يستر !
سيف وهو بيطبطب ع ايدها : اطمني 🙂
مريم : اوعدني إنها هتكون اخر مرة ☝️
( يتنهد ويشاورلها ب اة )
مريم ب اصرار : اوعدنيييي 😟
سيف : مريم انتي عارفة إني ..........
مريم : يبقا هتكدب ومش هتكون اخر مرة !
سيف : لأ مش هكدب بس انا بحب اللعب ف مقدرش اوعدك إنها تكون اخر مرة 🤷🏻♂️
مريم ب يأس : مفيش فايدة فيك ، انا مروحة 😒
( تقوم تقف )
سيف وهو بيقوم : مريم اصبري 😕
( تسيبهم وتمشي ، لسة هيروح وراها يشده فادي يقعده )
فادي : سيبها بس انت كدة مش هتخلص ، يعدي الماتش وتاخد الفلوس ف ايدك وكل حاجة هتتحل
( يتنهد سيف ب ضيق ، عند مريم ، ماشية ف الشارع متضايقة )
مريم : حمار مبيفهمش بجد !!
( تمسك فونها وتتصل )
مريم : الو ، ايه ي روان ، الحمدلله ، فاضية ولا جوزك هنا ، طب كويس ، مخنوقة اوي ، طيب هجيلك ، باي
( تقفل مريم وتشاور ل عربية وتركبها ، بعد شوية مريم قاعدة مع صاحبتها )
روان : سيف ميتخافش عليه ي مريم هو اكيد اد الموضوع دة وإلا مكانش حط نفسه فيه م الأول 🤷🏻♀️
مريم : ي روان انتي ناسية اما دخل ف غيبوبة يومين وكنت هموت م الخوف عليه دة انا اتمرمت والله وقتها 😟
روان : الكلام دة من سنة واكتر ي بنتي اكيد كل مادا م بيتحسن والي اعرفه إنه مضيع كل فلوسه ع التمرين يعني مش مهمل ف الموضوع !
مريم ب خوف : انا خايفة بجد وكمان الفلوس هتضيع لو مكسبش الألفين جنيه دول قعدنا نحوش فيهم اكتر من اربع شهور ي روان والله 😕
روان : اتفائلي خير وخليكي جنبه لازم تدعميه متخليهوش يروح وانتي زعلانة كدة مش هيركز
( تتنهد مريم ب ضيق ، يرن فونها ، تمسكه )
مريم ب خضة : احيه دة هو 🤳
روان : طب عادي ردي
مريم : مقلتلوش إني جيالك
روان : طب جدعة اهي خناقة جديدة 🤷🏻♀️
( يرن تاني )
مريم : الو
سيف : روحتي ؟
مريم : لأ لسة
سيف ب استغراب : لسة كل دة ؟!
مربم : انا عند روان
سيف : روان ، قلتيلي إنك رايحة عند روان ؟!
مريم : لأ
سيف ب زعيق : اومال رايحة كدة من نفسك ملكيش حاكم يعني 😠
مريم ب توتر : طب ممكن تهدى 😐
سيف : انتي بتعملي فيا كدة ليه مش عارف يعني دة جزاتي إني هعرض نفسي للوجع والأذية عشان اتنيل واتجوزك وحتى ملاقيش منك دعم ل دة 🤷🏻♂️
مريم : اديك قلت وجع واذية عاوزني ادعمك ف دة ازاي !!
سيف : عشان مقدمناش غيروووو اقتنعي مفيش حل تاني ولا شغلك ولا شغلي ولا الفلوس الي عمالين نتداين بيها ل فادي وروان هتجوزنا ، كل دة ميعملش حاجة انتي ليه مبتفهميش انا وانتي بطولناااا !
( تنزل دموعها )
مريم ب عياط : كل الي فهماه إني مش عوزاك تتأذي ، قلتلك قبل كدة هستناك العمر كله وهكون معاك ع اي حال لدرجة إني هتجوزك ب اوضة النوم وبس ومطلبتش منك اي حاجة ذيادة غير اوضة نقفلها علينا ووالله خلاص مش عوزاها إن شالله نتجوز ع سريرك مش عاوزة اوض خلاص بس متأذيش نفسك ، انا بموت اما انت بيجرالك حاجة انا مش حابة اشوفك كدة تاني افهمني انت بقااا 😥
( يتنهد سيف ب ضيق وتدمع عيونه )
مريم : مش عاوزة حاجة غيرك بس 💔
سيف : اهدي طيب 😕
( تمسح دموعها )
سيف : انا نفسي اعيشك عيشة كويسة ، نفسي اجيبلك كل الي نفسك فيه وافسحك واسفرك ونلف العالم كله سوا ، يمكن مرة ف العمر يخبط الحظ معايا وحد يعرفني ي مريم ، حد ينتبهلي وانتي عارفة إن موضوع الملاكمة دة بيكسب ملايين 🤷🏻♂️
مريم : بس ع حساب صحتك ونفسيتك !!
سيف : مش مهم ، الي اتكسر انهاردة بكرة ب فلوسي اجبسه
مريم : بسهولة كدة !!
سيف : اة بسهولة ، بسهولة عشان الواحد متكسر من جوة مليون كسر ف مجاتش ع الي ظاهر 💔
الحلقة الثانية { ٢ } 🥊
( متردش وتذيد دموعها )
سيف : هاجي اخدك
مريم : ماشي 😔
( يقفل سيف )
روان وهي بتطبطب عليها : اهدي بقا 👋
مريم : صعبان عليا اوي ، متمرمت عشاني ي روان 😥
روان : وانتي كمان ي حبيبتي مستحملة برضوا ومش ضاغطة عليه 🤷🏻♀️
مريم : ايوة مقدرش اعمل كدة كفاية الي هو فيه
روان : ربنا يقويه لحد م تبقي ف بيته وبعد كدة كل حاجة هتعدي سهلة مدام انتوا سوا
مريم : يارب 💔
( بعد شوية ، واقف سيف تحت عمارة روان مستني مريم تنزل ، تقرب عليه )
مريم : يلا
( يحط ايده ف جيبه ويمشوا جنب بعض ، ساكتين ، تبصله مريم تلاقيه باصص قدامه ، تضير وشها تتكعبل يسندها بسرعة ويمسك ايدها يحطها ف ايده ويكملوا مشي )
مريم : سيف
سيف وهو باصص قدامه : نعم ؟
مريم : زعلان مني ؟
سيف : من ناحية ؟
مريم : حوار اعتراضي ع الماتش ؟
سيف : لأ ، لكن مش مسامحك إنك روحتي عند روان من غير م تعرفيني 😒
مريم : كنت مخنوقة والله كنت ماشية ف الشارع هعيط حسيت محتاجة اقعد معاها 😕
سيف : عشان تشتكلها مني طبعاً
مريم : مش القصد بس انت عارف إني ماليش غيرك انت وهي ، كنت هروح لمين طيب 😟
سيف : تجيلي انا ، تسمعيني وتتناقشي معايا مش تسبيني وتمشي وانا بكلمك !!
مريم ب ندم : صح ، انا اسفة طيب حقك عليا 😕
( يتنهد سيف )
مريم : خلاص انا مش عوزاك زعلان المفروض تجهز لبكرة ومتشغلش دماغك ب حاجة تانية 🤷🏻♀️
سيف وهو بيبصلها : هتحضري ؟
مريم بسرعة : لأ 😐
سيف : ليه ؟!
مريم : هبقا ع اعصابي !
سيف : بس انا هحتاجك جنبي 😕
( تسكت مريم )
سيف : عشان خاطري خليكي معايا
مريم ب قلة حيلة : حاضر ، هحضر 😟
( يفرح سيف ويبوس ايدها )
مريم : هتروح امتى ؟
سيف : هصحى ع ستة كدة اروح الچيم اتمرن شوية وبعدها اروح اناملي ساعتين تلاتة اريح فيهم وهتحرك ع اتنين الضهر كدة الماتش هيبدأ ع اربعة هناخد ساعة ونص ف الطريق عشان طويل ، هعدي عليكي اخدك انا وفادي
مريم : ماشي ، متضغطش ع نفسك ف التمرين بس وروح نام بقا
سيف : اة م انا هروح انام ع طول عشان اعرف اصحى بدري كدة
مريم ب خوف : ربنا معاك يارب 😕
سيف : يارب
( بعد شوية ، يوصلوا شقتها ويدخلوا )
سيف وهو بيبوس دماغها : تصبحي ع خير
مريم ب قلق : وانت بخير 😟
( يمشي سيف ، تبصله مريم ب حزن وقلق ، يعدي الوقت ، سيف ف شقته نايم ع سريره ، يمسك الفون يظبط المنبه ويحطه جنبه ، لسة هينام يرن الفون ، يمسكه )
سيف : ايه ي فادي ؟!
فادي : ايه ي معلم نمت ؟
سيف : هنام اهو
فادي : اة قلت اقولك تنام لتكون سهران واحنا هنصحى بدري
سيف : لا هنام
فادي : ماشي ، انت تمام مع مريم ؟
سيف : اة اقنعتها
فادي : قلتلها إنهم ماتشين ؟
سيف : لأ طبعاً مقلتلهاش دي عملالي ناوة ع واحد اومال لما تعرف إنهم اتنين 😬
فادي : طب م انت كدة هتفاجأها هناك 🤷🏻♂️
سيف : لا مش هتدقق وهيبقا امر واقع يعني مش هيبقا في وقت ل عتاب
فادي : ايوة ، طيب اسيبك تنام بقا تصبح ع خير
سيف : وانت بخير
( يقفل سيف ويتنهد وينام ، تاني يوم ، يصحى سيف بدري وينزل ع الچيم ويقعد يتمرن ، بعدها يرجع البيت ويحاول ينام ميعرفش ، يقوم يكمل تمرين ف البيت ، يعدي الوقت ، عند مريم ، قاعدة بتربط الكوتشي بتاعها ، لابسة بنطلون چينز وعليه هودي بيچ ، يرن فونها ، تمسكه )
مريم وهي بتفتح الباب : ايه ي حبيبي ، اة انا خلصت اهو ونازلة ع السلم ، باي
( تقفل مريم وتفتح باب الشقة وتنزل ع السلم ، فادي وسيف مستنينها قدام البيت ، يتاوب سيف )
فادي ب قلق : منمتش ليه بس نفسي افهم انا 🤷🏻♂️
سيف : مجاليش نوم م التفكير والله ، متقولش قدام مريم بس مش ناقص قلق 😕
فادي ب تنهيدة : طيب
( تقرب عليهم مريم )
مريم : صباح الخير
سيف وفادي : صباح النور
مريم : يلا ؟
سيف : يلا
( يتمشوا ل الموقف ويركبوا من هناك ميكروباص ، ف الطريق ، قاعدة مريم وجنبها سيف وجنبه فادي ، سيف عمال يتاوب )
مريم ب شك : هو انت منمتش ؟!
سيف ب خضة : لا لأ نمت بس مكفانيش باين
مريم : طب احنا لسة قدامنا ولا ساعة ونص لو تعرف تنام نام 😕
( ينزل نفسه ل تحت شوية ويسند دماغه ع كتفها ويغمض عيونه ، تطبطب ع خده ب حنان ، يبصلهم فادي ، يعدي الوقت وسيف رايح ف النوم ع كتف مريم )
مريم : فادي
فادي وهو بيبصلها : نعم ؟
مريم ب قلق : هو انت شفت الراجل الي هيلعب قصاده ؟
فادي : لا والله مشفتهوش اسمع عنه بس لإنه معروف يعني
مريم : امممم !
فادي : متقلقيش سيف مش قليل انتي بقالك كتير متفرجتلهوش ع ماتشات هتنبهري انهاردة
مريم ب خوف : انا مش عاوزة انبهر انا عوزاه يرجع معايا سليم بس 😟
فادي : هيرجع سليم ومبسوط وكل حاجة هتبقا زي الفل
مريم ب تنهيدة : يارب 😑
( يعدي الوقت )
فادي وهو بيزق فيه جامد : سيف ، ي بني قوم وصلنا ، سيييييف 👋
مريم : بالراحة علييه !
فادي : طيب ي حنينة هينزل نايم 🤷🏻♂️
( يفتح سيف عيونه ويعدل قاعدته )
سيف ب توهان : ايه وصلنا ؟!
فادي : اة داخلين ع الناي خلاص فوق نفسك يلا
( ينتبه سيف ويفوق نفسه ، يمسك ازازة ماية م الشنطة يشرب منها ، بعد دقتين )
فادي ل السواق ب صوت عالي : ماشي ع جنب هنا يسطااا 🗣️
( يركن السواق ، ينزل فادي ووراه سيف ويمد ايده ل مريم ينزلها ، يقفوا قدام النادي )
فادي ب زهول : كبير اوي !!
سيف : اة !
( يقربوا ع الأمن )
الامن : ايوة ؟
سيف : سيف عيسى عندي ماتش ملاكمة جوة
الأمن ل مريم وفادي : وحضراتكم ؟
سيف : معايا
الامن : تمام لحظة واحدة
( يمسك اللاسلكي )
الامن : كابتن خليل
خليل : ايوة ي عبده ؟
الامن : كابتن سيف عيسى وصل
خليل : طيب انا طالع اخده
الامن : تمام حضرتك
( يقفل )
الامن : دقتين وكابتن خليل هييجي ياخدكم
سيف : اوك
الامن : محتاج البطايق بس 🆔
( يطلعوا بطايقهم يدوهاله )
الامن : اتفضلوا جوة وانتوا خارجين هتاخدوها
سيف : ماشي
( يدخلوا يقفوا جوة )
فادي : النادي شكله جامد اكيد في ناس مهمة هتبقا حاضرة
سيف : اة اكيد
مريم ل سيف : انت فوقت ولا ايه ؟
سيف : اة ي قلبي انا تمام
مريم ب ارتياح : ماشي 😕
فادي : انت احسنلك مدام في وقت ادخل حط دماغك تحت الحنفية ع طول
سيف : اة هعمل كدة
( يقربوا بنات لابسين لبس تنس چيبات قصيرة ، يعدوا من جنبهم ، يبصولهم )
فادي : بدأت اتفائل 😍
مريم ل سيف ب غيرة : عينك ي حبيبي 😐
سيف ب خضة : مبصتش ع فكرة 😬
مريم : كداااااب 🙄
فادي : احنا اول بقا م ناخد الفلوس نشتركلك ف التنس دة ي مريم ونجيبلك چيبة زي دي 😂
سيف : دي هجيبها ل امك يروح امك 😐
فادي : مش عاوز ادعي عليك وانت هتتفرم كمان نص ساعة 🙄
مريم ب خوف : ي اخي فال الله ولا فالك بطل تبويم بقااا 😟
فادي : هههههه 😆
( يقرب عليهم شاب ف نص التلاتينات )
خليل : صباح الخير 🚶🏻♂️
الكل : صباح النور
خليل ل سيف : سيف عيسى ؟
سيف ب توتر : ايوة 😐
( متنسوش اللايك ورأيكم .. 💛✨ )
#قصة_قابل_للكسر_ل_سهيلة_سعيد
#sohila_sa3ed