🖤284
كيضحك معاها عهد مصبرش يبقا غي واقف كيتفرج ودخل تاهو وسطهم دخل غي كيسفق بيديه وكيضحك مﻻك شافتو وتبتات بقات غي كتمايل فبﻻصتها شد ختو شابكو يديهم وبقا كيشطح معاها واخة مكيعرفش غيكيتحرك اما صفاء مكاين غالله يعطيك صحيحتك وتاطارق مخليها تتلوز ليلة عمرهم بغاو يعيشوها وميتسوقوش صفاء جرات مﻻك وشدات ليها يديها مع عهد ويد معاها وبقاو كيشطحو تاجرها طارق وبقا عهد هو ومﻻك شابك يديهم بجوج مزير عليها ومبتاسم وهوما باقين كيتحركو مع الاغنيةقرب لودنها:ههه مكنعرفش نشطح.
مﻻك:ههه بنت ليك انا كنطير فيه
.بدا كيخالف معاها فيديه وهازينهم الفوق شوية زعما كيشطحو وهو غادي وكيجرها عندو مﻻك تحرجات شوية انها كتشطح معاه واخا كلشي عارفها خطيبتو جاتها فشكل جرها عندو وهبط لودنيها:جيتي زوينة بزاف
.شافت فيه بضحيكة:تانتا جات معاك القميجة
.كان ﻻبس قاميجة تاهو فالكحل جاتو مطراسية على جسمو مخلي جوج عقاد لي لفوق محلولين قرب تاني لودنها داير السبة زعما بالموسيقى مجهدة اما هو غي كيقرب كيبدا يشمشم:ههه عجبتك ياك
.جات تهضر حتا بان ليها جمع الضحكة وكيشوف وراها ضارت شافت فين كيشوف بان ليها كيشوف فخالها لي كيطلع ويهبط فيها وخاشي يدو فجيب السروال حركة لي عهد الوحيد لي فهم مغزاها مﻻك محمﻻتش دوك الشوفات لي كيدير فيها خصوصا من لي شافها كتشوفيه وضحك ليها ضحكة خبيثة بدون شعور قربات من عهد تاقاس راسها صدرو وزيرات على يديه عهد تقلب جا بﻻصتها مغطيها عليه عاطيه بالضهر مع تباركلله عريض مبقاش كيبان ليها وﻻ كتبان ليه حط يدو بحنان على ضهرها وبدا كيتحرك واخة ساخط ومكيعرفش يشطح الهوايش والهرمونات ديال الشعبي خدامين:شكون داك خينا
.مﻻك كتحرك معاه باش ميحس بوالو:خالي عﻻش
.عهد ضار شافيه خنزر فيه وﻻخر بﻻ حشمة بﻻ حيا غمزو😉 بحاﻻ كيقوليه راك عقتي بيا♥
🙂ههه عمركم شفت شي ملتزم كايشطح فوصت بندم
😉
لبنت لي معندهم صبر على هدشي لي جاي فطريق من لأحسن ليكم بلا متقراو لمهم نعلمكم من دابة وجد كلينكس باش تمسح خناينكم ودمعكم
🖤285
عقتي بيا ومن بعد عهد زاد عقد حواجبو وشاف فمﻻك:واش كيسكر بان ليا بحاﻻ شارب شي حاجة.
مﻻك:منعرف ليه ماشي سوقي فيه
.مﻻك كتنفس بسرعة حيت خالها تبدل من بﻻصتو تقابل معاها تاني وبدا كينعت ليها فديالو وكيقوليها غي بشفايفو اجي جلسي عند خالو
.عهد شافيها باستغراب:مﻻك النور حبيبة مالكي
.مﻻك شدتها البكية وكضور عينيها كتلف متشوفش جيهتو هزات عينيها فعيون عهد:عفاك خرجني تخنقت عفاك
.عهد ضور يدو على كتفها:واخا يالله واش مكتنفسيش مزيان وﻻ شنو
.مﻻك مكتجاوبش وتمو خارجين شافوهم محمد وفؤاد لي نطق:فين غادين
.مﻻك تخلعات نسات بلي كاينين عائلتها واكيد غيفهمو غﻻط عهد شافيه:مﻻك تخنقات معرفتش مالها
.فؤاد قرب شدها من دراعها بشوية:مالك ابنتي ياك ﻻباس
.مﻻك حابسة البكية:والو ابا غي يضربني البرد شوية وصافي
.قرب منهم خالد لي شافهم مجموعين يسحاب واش شي مشكيل:مالكم
.فؤاد شافيه:ختك تخنقات خرجها لباب شوية يضربها لبرد
.خالد شدها:يالله مالك كيجرا ليك واش عييتي.
مﻻك:والو غي تخنقت
.شافت فعهد كانت باغة تبقا معاه هو بالدات تحط عليه راسها ويحسسها بامانو واخة خالد مكتخافش معاه الى انها بغات عهد لي بقا متبعها غادة وكتلفت ليه دوك النضرات والحدث ديال خالها خﻻه يشك حتا سمع فؤاد:شنو وقع ليها تاتخنقات
.عهد حك لحيتو وشافيه:مكنضنش داك الاختناق لي كضن نتا انها مبقاتش كتقد تنفس
.هز فيه حاجبو:ومالها
.عهد شاف فباه معرفش واش يهضر قدامو وﻻﻻ محمد فهمو وعهد نطق:عفاك واحد الدقيقة
.محمد حرك راسو بالايجاب وخﻻهم بحدهم عرف بلي متعلق بمﻻك وحشم قدامو عهد شاف ففؤاد بجدية:مﻻك النور عمرها عاودات ليكم شي حاجة غريبة بحال تعرضها لشي تحرش وﻻ شي حاجة
.فؤاد زير على يدو مخبي غضبو الى ان هادشي مخفاش على عهد:واش قالتها ليك هي
.عهد:ﻻ غي ﻻحضت واحد لبﻻن معجبنيش وعليها مﻻك♥
🖤286
وعليها مﻻك طرا ليها هكاك واش معمرها قالت شي حاجة.
فؤاد:ﻻ عمرها وزيدون فين اتعرض لهاد التحرش وحنا ديما معاها مكتخرج مكدرج
.عهد:ماشي ضروري انها تخرج وﻻ متكونوش معاها باش تعرض لتحرش
.فؤاد تحت سنانو:شنو كتقصد زعما تعرضات ليه قدامنا يعني شي واحد قريب.
عهد:واحد خالها قبيلة كان كيدير فيها شوفات فشكل وكان احم المهم بﻻما نحتاج نقوليك شنو كان كيدير نتمنى تفهني ومﻻك فاش سولتها عليه من تما وهي ماشي هي هاديك
.فؤاد بقا ساكت وكيغزز فسنانو بعصبية بانو ليهم دخلو ونطق:شوية دابا ابنتي
.مﻻك تبسمت ليه:اه حمدلله
.شافت فعهد مكرهاتش يدخل معاها وﻻت خايفة ترجع بوحدها فؤاد عاق بيها:دخلو اوليداتي غتبقاو واقفين هنا راكم جايين تفوجو دخل نتا اتخلي خوك بوحدو
.خالد ضحك ودخل ووراه مﻻك عهد شاف ففؤاد جا ينطق وتراجع ضار تبع مﻻك فؤاد زير على يدو وتبعهم بقا واقف بعيد وبان ليه محمد فعﻻ كان كيشوف بطريقة فشكل فبنتو من ديما مكيحملوش وديما مكانش يحمل مﻻك تمشي عندو اوﻻ حتا تسلم عليه يمكن عرف سبب كره تامﻻك ليه ومكتبغيش تمشي مع مها عندو صغر عينيه فيه وخرج تاني مﻻك فاش دخلو جلسات والغالية نطقت:فين كنتي من قبيلة وانا نقلب عليك.
مﻻك:خرجت انشم شوية الهوا.
الغالية:باقي انتفاهمو على داك الشطيح وليتي تشطحي ليا معاه عاين باين
.مﻻك غمضات عينيها وحﻻتهم بقلة صبر وقلبات وجها مجوبتهاش مجات غير فعهد تبسم ليها وهي تحني راسها بابتسامة
.حطو لعشا والحلوة والارنبات وداكشي والعرس سالة اسيادنا شكتسناو السفة الناس بداو كيمشيو بحالهم بقاو قﻻل صفاء طيحات غي شي جوج دميعات وكضحك شمس لي بكات مزيان ركبو ومشاو بحالهم للوطيل فين ايديرو بق بششش كوكاكوﻻ ههه ايطرطقو البوشونة اما دار العرسان ودعو الناس لي بقاو وجابو الطوموبيﻻت باش يمشيو بحالهم وبداو كيودعو
كيودعو بعضهم حتا نطق عهد:فيناهي مﻻك
.كلشي بدا كيضور فراسو وخالد دخل لداخل وقاليه هاداك لي جا يسد القاعة بلي خوات وطلب منو يدخل يقلب دخل قلب وخرج عندهم خالد:والو مكيناش
.عهد قلبو غيخرج من بﻻصتو:ﻻش فين اتكون مشات.
الغالية:الكلبة معرت فين زادت
.شمس شافت فيها:واش لبنت معرفناها فين الله يستر تكون واقعة ليها شي حاجة ونتي شكتقولي
.الغالية قلبات عينيها عليها وكتنفخ عهد جبد تيليفونو كيصوني ليها والو كيعطيوه طافي بغا يتسطا ركب لوطو ديالو وبدا كيضور تما لتكون زادت غي شوية
.اما لوخرين العياﻻت داوهم لدار وهوما خرجو كيقلبو
.الغالية دخﻻت لدار وهاهودا نفس السيناريو غيتعاود ديال ديك ليلة😈😈😈
287
كيودعو بعضهم حتا نطق عهد:فيناهي مﻻك
.كلشي بدا كيضور فراسو وخالد دخل لداخل وقاليه هاداك لي جا يسد القاعة بلي خوات وطلب منو يدخل يقلب دخل قلب وخرج عندهم خالد:والو مكيناش
.عهد قلبو غيخرج من بﻻصتو:ﻻش فين اتكون مشات.
الغالية:الكلبة معرت فين زادت
.شمس شافت فيها:واش لبنت معرفناها فين الله يستر تكون واقعة ليها شي حاجة ونتي شكتقولي
.الغالية قلبات عينيها عليها وكتنفخ عهد جبد تيليفونو كيصوني ليها والو كيعطيوه طافي بغا يتسطا ركب لوطو ديالو وبدا كيضور تما لتكون زادت غي شوية
.اما لوخرين العياﻻت داوهم لدار وهوما خرجو كيقلبو
.الغالية دخﻻت لدار وهاهودا نفس السيناريو غيتعاود سدات لباب وطاحت للارض كتبكي:الله ابنتي وفينك فين زدتي فين
.عند محمد كان قدام دارو شاد قرعة كيسكر حتا معرف ايمتا وﻻ شكون شانق عليه من لور:فيناهي.
محمد مقجوج:شكون هي.
الشخص:تسحابني معايقش بيك همم راني عايق بيك من شحال هادا وانا حاضيك ودابا جاتك الفرصة ديال ان والديها تالفين عليها واستغليتيها باش تخطفها فيناهي حيت لمقلتيش غنقول لوالديها بلي عندك وانا متاكد عندك.
محمد:اهئ والله معندي شي حاجة
.الشخص ﻻحو فالارض وفرع باب دارو دخل كيقلب ومرت محمد مخلوعة مقدت تاتغوت كتسحابو شفار حيت كان داير طربوش ومطلع كاشكول على وجهو كيبان شوية من عينيه قلب كلشي حتا وصلو مساج فتيليفونو فيه عنوان وخرج بالزربة ضرب محمد بركلة:فلتي منها هاد المرة ولكن غنبقا حتا نفرشك
.تحرك بالزربة وجبد تيليفونو سيفط العنوان لنمرة وطفا داك التيلي ومشا بحالو اما عهد غادي كيضور فالدروبة وعينيه خارجين حتا وصلو مساج كيسحاب واش شي خبار عليها فتحو لقاه من رقم مجهول وفيه عنوان ومكتوب لتحت:دغيا لتوقع ليها شي حاجة
.بقا كيقرا ويعاود مفيه لي يفكر شكون لي ايكون مسيفط لمساج قلب الضورة❤
ناري شكون غدي يكون هد شخص لي صايفط مساج لعهد وشكون غدي يكون فنظركم لي خطفها