امنيه في ظلام الليل

Part 44

<بسم الله الرحمن الرحيم>

البارت الرابع والأربعون..

حال "عزام"
ورديت مو من الصفر
حته الصفر ما يبدي
رديت منك منگسر،
والبال أبد ما يهدي
چندي ورجع من المعرگه
وخسران بـ العندي•

الكاتبه: زايا
.٠.٠.٠.

امنية:- نسره كل شخص بينا يحس ويحس بيومة..

-ومثل ما يگولون ورقته توگع من الدنيا وانه اتحلمت هوايه واول حلم چان تحلمت امي انطتني ورقه ومكتوب عليها رقم ومرت فتره وصرت حامل وهم تحلمت نفس الحلم بس مكتوب عليه غير رقم والبارحة تحلمت عود جتني وبأيدها ورقتين والورقة اللخ صفره وگالت:- لهنانه وتنتهي مسيرتچ بالحياة تعاليلي..

-وانه احس روحي انتهت ايامي بالدنيا خلصت وراح ابديها بالأخره وان شاء الله اكون غلطانة وكلامي توهم..

-بس خل احچي وان شاء الله هالحچي نضحك عليه اني وياچ من اطلع من العملية بس عليچ الله نسره جهالي بأمانتچ دفيهم و وكليهم من ابوهم ينزل لبغداد انتي عينچ عليهم نسره والله اني مفرفحة واحچي..

-بس خل اكمل حبابه تردين تحسين بيه وبوجودي داري جهالي لا تخلين احد يمن عليهم بأكله لو لبس مااريد يعيشون الي اني عشته نسره..

-واني حاچيتلچ شنو عشت وشنو حسيت صح هوايه تمنيت اعيش لجهالي واعوضهم بالنقص الي بيه بس مااعرف بعد وهاي الطفله عزام گال امنيه نسميها..

-امنيه دللولها لأن يجوز مااحسسها بأمان ولا ارضعها ولا احضنها ولا اسويلها شي من الي سويته لأخوانها..

-وگولي الها من تكبر:- امچ هواي چانت تحبچ وقاومت وصارعت حتى تگوم وتشيلچ بأيدها بس الله كاتبلها هالشي وگولي لعزام يعوضهم وياخذ مكاني..

نسرين:- مسحت دموعي وحضنتها گتلها لا تحچين هيچ حچي حبابه كلنا نخاف وبالأخص بالولادة الثانية كلنا نتأذى لأن عفنه جهالنا..

-بس انتي قوية والله لا تخلين الخوف يتغلب عليچ..

-بستها ودخلت الممرضه اخذتها وراحت وانه وياها..

-مسحت دموعي لأن صدگ چانت حاسه بروحها وحاسه راح تموت حاسه بجهالها مچلبه بالحياة بس الله اخذها..

-لا اعتراض ع حكمه بس صعبه علينا صعبه وهي ما رادت جهالها يعيشون حياتها وحاربت وقاومت حتى تعوض نقصها السببه ابوها وزوجته الي الله لا يرحمهم..

-گمت ع حيلي غطيتهم للجهال ونزلت جوه البيت بده يقل من الناس..

-وعزام صارله تلث ايام ولا اجه ولا وصل للبيت وصديقه يمه..

-جهاله يذبلون يوم عن يوم وما جاي يقتنعون ولا ياكلون..

-ماكو ع لسانهم غير نريد ماما..

-وانه بنتي ولا اعرف شبيها مابيها..

-رحت بغرفتهم فتت شگد مشتاقتلچ امنيه اخخ ياگلبي..

-ما انسالها شي ابد من وگفاتها من ضراغم اخابر عليه من تليفونها ومن بس هي تحچي وياي وتصبر بيه..

-شلون ماانقهر عليها!؟؟ شلون ما احبها!؟ وهي ما شفت منها غير بس الزين وصدگ اكتشفت انو الزين مايبقى بهالدنيا..

-وهي هيچ الدنيا اكلتها وگاع النجف طمعت بيها وبحنيتها وحبها..

-لوعة گلبنا ولا شي يبردها ويهديها ابد..

-طلعت شالها انه هم شميته اني هم صارلتي أم والله احتوتني وحچت وياي كومه ونصحتني..

-البيت فااااارغ من دونها والله چن الكل مات ولا عبالك وحده..

-حتى حبوبه الي ما بيوم حبتها هم تبچي..

-لميت رجليه لصدري وحاضنه شالها وابچي فزيت ع صوت تليفوني چان حسنين گالي:- انه جوه انتي وين..

-گتله انه بغرفة امنيه وعزام..

-گال:-تگدرين تنزلين؟؟

-مسحت دموعي ونزلت رجلية بقيت شالها بأيديه ونزلت جوه..

-منى وجهالها ولا مهتمين مخلصتها تاكل وخواتها يمها ومتونسه..

-فتت من يمهن هزيت ايدي وگلت:- مشايفات وشافن الله يعينك عامر ع هالگامات..

-اختها فشرت عليه رحت لزمتها من شعرها وعطت:- هاي علي؟؟؟

-دفعتني بقوه ع الگاع وگالت:- اييي عليچ

-احس ظهري شكل ريگي مااگدر ابلعه بعد عطت بصوت عالي:- اااااااااااه ظهرررررري يااااا حيوااااانه..

-حسيت بشي ينزل مني وبطني صارت تگطعني..

-خافن واجن يمي اجتي مها گومتني وباوعت ع رجلي وگالت:- دم جاي ينزل منچ نسره..

-بچيت وگتلها:- صيحي حسنيييين براااا جااااي اتگطططعععع

-طلعت بره اسمعها تصيحه وگفت يمي وگالت:-منو منچن هيچ سوت؟؟

-حچت اخت منى:- انه بس ماادري والله..

-راحتلها لزمتها من شعرها وعتتها عت وگطعتها نزلت ع چتفها عضتها..

-ومتى تفاكك سمعنا صوت سامر:- هاااااي شكووووو

-اندارت فازه وگالت:- هااااي الجايفه طيحت نسره وجاي تنزف..

-اجه حسنين دخل منزل راسه گومني وگال:-امشي امشي نسرين..

-عطت بي:- مااااگدر متوجعععة..

-رفع راسه عليه:- يعني الطفل صارله شي اذا هالدم؟؟

-بچيت وگتلة:-مااعرف گومني..

-طلعت واسمع مها رجعت ع منى وخواتها وتگلهن ولچن ***حاااااامل تغارن لأن عنستن مو؟؟؟

-طلعنا چان عمر واگف باوعلي وگال:- خير خير خير؟؟

-جاوبه زوجي:- ماكو شي ان شاء الله..

-اخذنا ورحنا دخلنا للمستشفى چانت فارغة الدكتوره النسائيه فحصتني وگالت:- الطفل ميت!!

-رجعت راسي ليورا وضحكت بقوه وصرت ابچي..

-گتلها:- اي وشنو هسه؟؟

-گالت:- مجرد تنظيف يرادلچ لأن الطفل ٢٤ يوم عمره..

-هزيت راسي انطتني ابره وما حسيت ع شي..

-حتى ما رحت غرفة عمليات ولا شي..

-طلعت لحسنين چان متوتر اجه علي وگال:- هااا شو طولتي؟؟

-ذبيت نفس ومشيت ويا:- الطفل ميت..

-بقه واگف بمكانة رفع عيوني ونزلهن:- ليش هو شصار نسره؟؟

-ما صار شي عادي كلش يروح طفل يجي عشره بس..

-ذبيت نفس وكملت طريقي رحنا صعدنا بالسياره:- يصيرون عدنا يصيرون..

-رجعنا وگف بالباب وگال:- هاجر مريضه..

-باوعتله وگتلة:- جهال عزام امهم ماتت

-ذب نفس وگال:- وبنته؟؟ شلون

-انداريت اله:- شنو شلون مليتوا منها؟؟

-نسره شبيچ عيني قصدي مجاي تفهمي..

-بچيت وضميت وجهي وگتلة:- شتريد انت حاس بأحساسي انت؟؟ شخص من روووحك تفقده والي هو طفلي وشخص متعود عليه صارلك كلشي وسندك وساعدك ودافعلك وتالي متالي يموووووت!!..

-تعرف شنو الجاي احسه وامر بي؟؟ انه مدمره مااشوف غير بس جهالها گدامي..

-حضني وگال:- هاهيه ع كيفچ تردين نجيبهم يمنا وبيتنا فارغ وايه راح تروح بعد..

-شهگت وگتله:- يااااريت لو يقبلون..

-مسح دموعي وگال:- هاهيه نزلي يلا..

-نزلنا وهو لزم ايديه وساعدني طلعت مها من المطبخ تريد تسندني دفعتها من اذكر شلون تدعي ع امنيه فتت جوا بوحدي واحس وجع يگطع بيه رجليه هم يوجعني..

-صعدت فوگ گواااا فتحت باب غرفة الجهال..

-چانت زمزم نايمه وشال امها ع رگبتها بس لقمان ماكو سديت الباب ورحت لغرفة امه وابو..

-چان مطفي الاضوية بس ضوه التيبلام مفتوح ومنطي ظهره للباب ومگرفص ع روحه نفس الطفل..

-رحت يمه چان يبچي من حس عليه غمض بس بقت عيونه ترجف ودموعه امبللات خده ورموشة..

-حطيت ايديه ع خده وتقربت بسته هو بچه اكثر وگام گعد:- مدلي ايده وگال هاي ورقة جبت ٩٥ وزمزم جابت٩٠ ردنا نفرحها بيها بس هي كسرتنا اسمع بالموت بس چنت اتهزم من اسمع احد يحچي بي وهسه اني امر بهالموقف..

-حضنته وبچيت ويا وگتله:- تدري انه هم هسه خسرت طفلي..

-رفع راسه ساكت ابتسمت وسحبت خشمي:-اي اي مو گل الاشياء الي نريدها تصير..

-يعني ابنچ مات؟؟

-ابتسمت وگتله:- ابني او بنتي مااعرف بس انو مو كل جميل بالحياة يدوم..

-سمعت صوت شهگت زمزم وهي تگول:- يعني راح يم ماما؟؟

-ضحكت وفتحتلها ايديه:- اي راح يم ماما

-اجتي بحضني ضمت راسها بحضني وگالت:- قبل اربع ايام ماما حطتنا هيچ وهي بالنص..

-بقيت ساكته بعدها گتلها:- اصير امكم

-اثنينهم گالوا لا..

-حچت زمزم:- اني سامعه من ام الاسلامية عن الموت انو الشخص يصير نجمه صغيره بالسما..

-ضربها لقمان ع ايدها بخفه وگال:- لچ هاي مو الست هاي ماما هيچ حچت..

-هزت راسها اي وگالت:- وانو الشخص الميت يشوفنا صح؟؟

-گتلها:- اي كلش صح..

-رفعت ايدها مسحت دموعها وگالت:- بس اشتاقيت لماما واريد احضنها بوقت المغرب..

-ضحكت وگتلها:- شمعنا عود؟؟

-لأن چنت بوقت المغرب اضوج واجي احضنها وهي صارت كل وقت مغرب تحضني..

-شهگت وطلعت ايدها مسحت عيونها:- ماما خطيه هوايه تأذت اريدها هسه اريد احضنها وابچي ع صدرها ضحكت وگالت تدرين چنت احسها صديقتي مو امي ابد چانت تلعبني وتمشطلي وتسولف وياي وتضحك وياي وتگولي..

"انتي عوضتي ايام الوحده الچنت عايشتهن من اني وصغيره"

-اريدها هي هسه بمكانچ اريد احس بالأمان ومااحس بهذا الوجع اريدها يمي واحچيلها عن احساسي هسه و وجع گلبي..

-رفعت راسها الي وهمست:- راح ابقى اشتاقلها وما اشوفها مو؟؟

-بچيت هو انه اشتاقلها همه ما يشتاقولها!! وهما گاعدين وياها أكثر..

-مسحت دموعي وگتلهم:- باعوا هسه ماما تشوفنا كلنا فـ لازم من تشوفنا اقصد تشوفكم انتو جهالها لازم تكونون فرحانين ومبتسمين ولازم تكملون دراسة خوش حبايبي؟؟ وتبقون اجيبون درجات عاليه..

-بقوا ساكتين گتلهم:- تجون يمي هناك بالبيت اذا رحت

-رفعت راسها وحچت بسرعة زمزم:- يعني شنو حتعوفينا نسره؟؟

-لالاااا مااعوفكم انه والله

-لعد؟؟

-بس.. ابتسمت وگلت بداخلي ماخذين كلمات امهم ولهجتها مو لهجتنا..

-بستهم وگتلهم ليش ما ننام الوقت تأخر..

-ذبت نفس زمزم وگالت:-ماما هسه شلون نايمه؟؟ هم اكو احد يغطيها؟؟

-هزيت راسي اي رجعت گالت:-وتشتاقلنا؟؟

-هم هزيت راسي اي گتلها:- هاهيه شوفي لقمان شلون نام انتي هم نامي..

-بقت ساكتة وحسيتها بدت تثگل لحد ما ايدها رخت من عباتي..

-وخرتهم مني ورحت بسرعه غسلت وغيرت ملابسي ورجعت بالغرفه يمهم..

-نمت ع القنفه وعيني عليهم لحد ما اخذني النوم فزيت الصبح ساعه ٦ تقريبًا السما حمره ع زرگه..

-صعبه كل يوم اگعد امنيه ماكو وجهالها ع امل امهم عايشة وترجعلهم..

-رحت غسلت وجهي ونزلت جوه ع كيف..

-نسيت روحي ونسيت وجعي وطفلي المات مااعرف من كثر صدمتي و وجعي ع امنية ما هتميت كلش مااعرف..

-البيت احسه اظلم بس هو بي هواي اضوية شنو سبب هالأحساس مااعرف..

-شگد چانت روحها حلوه وماليه البيت بضحكه وسالفه..

-من اول يوم اجتنا حسيتها هي غير مراح تعوفنا بس ياريت لو عايفتنا وراجعه وي ابوها السافل ولا عافتنا هالعوفه وهي عدها جهال ورجال يحبها..

-عزام!! عزام صارله ٣ ايام واليوم الرابع راح يكملة هناك!! مستحييييل هالحب هذا مستحيل والله شلون راح يكمل حياته..

-شويه ونزل عمر من فوگ شافني و وگف لفت راسي عنه هو گال:- چنتي حامل؟؟

-بسرعه درت وخزرته:- وانت شعليك

-لا مو هيچ قصدي بس تردين نوصلها لجدي ويتصرف وي منى؟؟

-ذبيت نفس بملل:-معليك انت انه حقي اطلعه بأيديه..

-هز راسه وراح:- براحتچ

-بدوا يگعدون شوي شوي اباوع باب المطبخ انفتح وصوت ونات..

-گمت بصعوبه وامشي ع كيفي رحت چان عزام يمممه منتهي حبيبي شصاير بي..

-ضعفاااان منتهيييي ودشداشته لونها رايح صايره كلها تراب رموشة هم كلهن تراب وشماغه اللابسة بعده ملفوف ع وجهه..

-بچيت ع حاله وحالته الي وصل الها نسى كلشي نسى جهاله ونسى صارت عنده بنية صغيره ونسى كلشي..

-حارث وعمر ساندي وگفت گدامة چان منظره مو مال اگول حرام وعيب احضنه هو يعاملني مثل اخته من زمان ومن صارت عنده زمزم صار يعاملني مثلها بسرعة حضنته وشهگت بقيت حاضنته وابچي..

-هو حتى ما رفع ايده بس صدره ومعدته احس بيهن يرجفن من البچي..

-بسته وگتله:- البقيه بحياتك عزام وشد حيلك حباب جهالك يردوك عزام يستمدون قوتهم منك..

-هز راسة وفلت ايده منهم راح فوگ..

-كممت حلگي وبچيت ع الحال الي وصلنا..

-صعدت ورا ع كيف فتحت الباب مال غرفه چان فاتح باب الكنتور مالتها ومطلع دشداشه الها ويشم بيها وروحه شايغه من البچي..

-سديت الباب وبچيت وانه اسمع وناته وشهگاته جوه مسحت دموعي وفتت خفت ع الجهال جوه نايمين..

-چان حاطه الدشداشه ع صدره رافع راسه ويبچي ويگول:- منوووو يمليييهن امنية منوووو؟؟ دخيل ربچ رجعيلي دخيلچ امنيه مااگدر بدونچ..

-رحتله بسرعه دموعي مااگدر الزمهن مو بأيدي لزمت وجهه عيني ع الچرباية واهمس:- عزام عزام الله عليك الجهال گوه گدرت اهديهم لا ترجع تهيجهم حباب انت چبير وفاهم لا اسوي هيچ..

-يشهگ ويباوع ع رگبتي الي ملفوف عليها شالها اشرلي بحواجبه وهمس بصوت مبحوح كلش:- شالها هذا

-حطيت ايدي عليه:- اي اي اسفه اخذته تريده؟؟

-هزراسة لا وگام للحمام طلعتله دشداشة واخذها ويا هي وخاولي..

-بقيت گاعده شويه وطلع لابس الدشداشه وبأيده وصله بيضه وصايره جوزيه راح مشى حطها ع الميز تواليت عرفت هاي تراب..

-فتح كنتورها وطلع شال اسود شمه بشوغه وهمس:- ااااه ياريحتچ يا امنيتي الما تحققت..

-لفه ع رگبته وباوعلي وباوع للچرباية:- راح رفع الغطه ودموعه تجري ودموعي تنزل ع دموعه..

-تقرب باسهم بقوه وشم الشالات الي برگبتهم..

-رفع راسه الي وگال:- امنية الصغيره وين؟؟

-مسحت دموعي و وگفت:- يم عمتي وحماتي..

-هز راسه وگال جيبوها..

-راح نزل جوه..

-مرت اول عشر ايام من الفاتحة وحتى امنية ما جبتها لأن محد راح يحير بيها ع الأقل هناك يم عمتي ونسوان حمويني وايه..

-چنت فوگ خابرني حسنين شلته عليه چان عصبي:- نسررررين هم عندچ بنية انتي منو يحير بيها؟؟ اشو حتى ما تقبلين اجيبها حتى اكل ما تقبل تاكل..

-جاوبته بهدوء:- تعال اخذني وجيب امنية..

-سكت شويه وگال:- مو قصدي امنيه قصدي هاجر عوفيها متونسين عليها هنا..

-ابوها يريدها..

-بقه ساكت سمعت صوت جوه سديته منه ونزلت چان عزام واگف وشالها وشماغة ع رگبته وراسه عمامي وجدي واگفين گدامه..

-جدي صاح بي:- رجااااال انت علمود مره تبچي ماتتتت بعد هاهيه حزنه يوم يومين خوما العمر كله عزاااااام اصحححححى ع رووووحك وعمرك التفت لجهالك وبنتك الي حتى ماشفناها..

-ساكت وهادئ چان كلش لحد ما گال:- هاهيه؟؟ خلصت رجال ورجال رجال ماعنده گلب يعني؟؟ ما يحب ما عنده مشاعر لو شنو انتو ما نطيتوا مجال لروحكم حتى تجربون الحب فـ ما الومكم لأن صدگ عديمين مشاعر مراح تحسون بالشعور هذا ابد مازالكم ما جربتوا الحب وشخص..!

-بسسس انت المفروض تحس بيه لأن انت اخذت جده عن حب..

-ذب نفس وگال:- وليش اتعب روحي واحچي وافهم هاهيه كيفكم تردون تشوفوني مو رجال شوفوا برااااااحتكم بسسسس لحد يدخللللل بيييييااااا سمعتووووووووووا..

-بقيت ابچي ياربي يهالدموع الي ما خلصن ابد باوعت ع الجهال راكنين روحهم زمزم تبچي ولقمان راح ينفجر..

-رحت حضنتهم وگتلهم روحوا لبابا حضنوا..

-همه صدگ راحوله هو عاينلهم دنج باسهم من راسهم وباوعلي:- نسره جيبي امنيه

-كلهم صافنين وبعدها سأل عمي:- مني هاي امنية انوب

-جاوب بدون ما يعاين:- بنتي

-جدو گال:- وليش اسمها امنيه غيره..

-رفع راسه عاين بحديه وملثم وجهه بس عيونه وبداية خشمه باينات..

-الوووووحيدددده البقت من ريحتهاااا اخر شي اخذته منها وكااافي اسألة لأن بزعتووووني..

-اخذ جهاله وصعد فوگ باوعتلهم وهزيت راسي:- ما يقدرون المشاعر ولا يعذرون..

-دگ التليفون رحت بره طلعت چانت عمتي جايه نزلت هي والطفله..

-اخذت بخاطرهم وانه اخذت امنيه وصعدت فوگ..

-چان گاعد بالنص وحاطهم ع يمينه ويساره وحاضنهم وبعده ملثم..

-دخلت اكثر حس عليه حط ايده ع عيونه مسحهن ونزل من الچرباية مد ايده اخذها مني باسها وبقه حاط وجهه بخدها وچتفه صار يهتز..

-رفع راسه وگال:- شلون اذا بچت؟؟

-عمه موجوده وانه بس اشوف هاجر لأن مريضه..

-هز راسه وگال:-تعبتچ وياي مشكورا..

-تدلل عزام انت اخوي والله..

-نزلت جوه وعمتي گالت:- تجين نسره مو

-هزيت راسي اي وطلعت بدون لا أسلم بس رحت لأم عزام گتلها:- امنية يم عزام انتي تعرفيلها اكيد ساعدي عليها..

-هزت راسها عفتهم ورحت..

-عمتي گالت:- البقيه بحياتچ حبيبتي ماما..

-ابتسمت بأستهزاء:- ع يا هي منهن؟؟

-بقت ساكته شويه بعدها گالت:- حكم الله هذا شنسوي لا اعتراض ع حكمه..

-صعدت بالسياره وسلمت بقه يباوعلي بالمرايه لحد ما وصلنا..

-نزلت للبيت چانوا بس علي ومُخلد وشهد وايه موجودين..

-فتت سلمت ورحت بوجهي لهاجر الي مسنحه من شافتني فتحت عيوني وضحكت..

-حضنتها وبستها وگتلها:- ليش ما تاكلين ماما؟؟

-ضحكت وگالت:- اكو ددا

-هزيت راسي وابتسمت وياها علي اجه انطاني ماعون التمن ومرگ وگاال:- البقيه بحياتچ نسره

-هزيت راسي وجاوبته:- حياتك الباقيه اخذت الماعون وصرت اوكلها وهي تگول بعد كملتلها وصعدنا فوگ سبحتها وبالي كله يم عزام وجهاله..

-شهالحيره ياربي..

-تنهدت ولفيتها بالخاولي طلعتها بره وبدلتلها..

-بستها وگتلها يلا نزلي جوا..

-رحت للحمام سبحت من جاي ابدل عاينت لبطني حطيت ايدي عليها:- هاي انه چنت حامل وسقطت مو؟؟ ماجاي اتوهم..

-احس هسه يلا استوعبت انه خسرت طفل مسحت دموعي ولبست دشداشة بسرعة..

-طلعت چان حسنين گاعد گام حضني وگعدني ع حضنه وگال:- نسره انه ما قصدي الطفله اعرف هناك محد راح يعينها رجعيها يمنا..

-همست بصوت ناصي:- ابوها يريدها يگول اخر شي من ريحتها لمرته..

-ذب نفس غميج وهمس:- يعني صدگ هالگد يحبها هو؟؟

-هزيت راسي وگتله:- هو منو ما يحبها دخيلك حسنين منو ما يحبها عازلة روحها بغرفتها وما ترد وما تحچي وتساعد الكل حتى منى بس الماعنده گلب يبقى ما عنده گلب..

-مر اليوم متعب وكئيب لحد ما صعدت هاجر نومتها ونمت يمها..

-فزيت ع ايد حسنين لازم التليفون ويگول ابو لقمان يريدچ..

-گعدت مسحت دموعي الي حتى وانه نايمه ينزلن..

-شلته عليه جاوب بصوت مخنوگ وكله عبره:- بلا زحمه عليچ نسرين تگدرين تجين تسكتيها لأن مااگدرلها..

للحكايه بقايا..❤️‍🩹

قربنا من النهاية..🚶‍♀️

وهذا حساب نسره بنات🫶❤️‍🩹