شروط التنزيل : فوط★ + ماكس كمنتار ❤❤
البارت الثاني فنفس اليوم😍 روبلوها ياڨدعاان💃
♨ الحلقة 191♨
👑 بقلمي ✍: #أناييس_مانو 👑
مخو مركا erreur.. خنزر فالكاملة رح يرعد عليهم سبقتو سيرين شدت خدودها بدرامية
سيرين: منمن رح تضرب البارود.. OMG !! سي أمبوووسي
أسد: محال.. لا أكيد لا هاتيها جاي
أمنية: علاه لا؟ حابة نتيري حتى أنا
أسد:حسابلك ساهلة نتي جهدك تهزي روحك
أمنية: ماتحرمليش عطيني
أسد: قاطعها: حابة تيري تيري كوش ولادك فلاپوبال.. تطرشقو النساء بالضحك
أمنية: همستلو تتحلف: تعطيني نجرب ولا.. نغضضضب عليك.. هزلها حاجبو تاع من نيتك.. عرفتو كبر راسو رققت نبرتها: بلييييز
دخلو لعجايز فالحديث يحللو فيه عند عند فلخر قاله ايييه.. مع مدلها المكحلة وطات بيها قريب طاحو لزوز زرب سندها وقعدها محاوطها بزوز يدين هازلها ثقل لمكحلة
أسد: حطي صبعك عالزناد وارزبي
أمنية: نفذت: نتيري ولا مازال
أسد: تيري وش تستناي؟
أمنية: همستلو: مانحسبوش.. 1، 2، 3 ؟!
أسد: ضحك مالقلب: هههه شمن واحد وزوز تييرري برك يهديك الله هههه
مع كملها ضغطت الزناد خرجو زوز وجوه مدويين ورا بعض.. ناض التهليل والزغاريت.. ما هي بقات داوية من ارتداد المكحلة لاصقة فصدر أسد.. حسها رح طيح حاوط كرشها وخالاها يطمن
أسد: لباس؟!
أمنية: اممم.. دارتلي دوخة
أسد: شفتي هذا علاه قلتلك لا فكك
أمنية: دوخت شوية مش بزاف ماتكبرهاش
أسد: مكش موالفة تيري هذي أول مرة بسيف تدوخي.. بقاي تيري كوش ولادنا فكك مالبارود
مد لمكحلة لڨارد داها وراح وهو أشر أمنية
أسد: امشي لداخل تريحي
أمنية: لا خليني هنا مازلت حابة نتفرج
أسد: عدل الشال فوق راسها: بلا تخشان راس
أمنية: مانيش.. خليني تغيش مش كل يوم نحتفلو بولادنا هك
تنهد بقلة حيلة ودارلها غرضها بقاو صاهدين كل يتفرجو على طوايش الرجال وزهوهم
بعد نص ساعة فضت الروبلة ودخلو النساء.. فالصالون تفرقو لمجامع بزاف بعدما جاو نساء كبارية العيلة والجيران.. ماتسمع كان لمعايدة والتبارييك مالجميع
- بالهناء والصحة عليكم
~ يترباو فهزكم
= ربي يصلحلكم فيهم
أمنية ولكل: آميييين
≈ لعقووبة لعرسهم نفرحو بيهم كل
أمنية: نشاء الله كي هالساعة
قربتلها وحدة سلمت عليها بحفاوة معتذرة
∞ واسمحيلنا ا لالة جينا جية الزربة ماجبنا حتى كادو
# قولي حطووط مش كادو هههه
ضحكو الضياف ولعجايز جاملوهم ما لبقية بهمو مش فاهمين.. أمنية مالت للكاملة تهمس
أمنية: شمن كادو وحطوط ؟! لعقيقة علينا وواجبنا نكرموهم مش لعكس
لكاملة: حبو يكبرو بولاد الآغا زعما ماديريش على هدرتهم.. علات صوتها مرحبة: تفضلو كولو ا جماعة لخير مرحبا مرحبا زارتنا بركة العيد هذا
أمنية بقات رد لهذي توانس مع هذيك تبسم لمجاملة هذوك.. ها تفقد الذكور فالبوسات ها تعدل زينة راقدة فحضنها.. عيات مالقعدة ذيك ناضت
أمنية: رح ندي لولاد للبيت يهناو بالنوم
لكاملة: ياك راقدين خليهم تحت عينيا خير
سهام: اوموا يوالفو الرقاد فالحس مايتعبوكش منبعد
رحمة: ايييه خليهم.. ونوضي حركي رجليك شوي مكش موالفة طولي بالقعدة
حمدت ربها لتدخل امها استنأذت متبسمة فوجوه لحاضرين وناضت بالفن تكسل رجليها لحد البهو تسرق شوفة لبرا وتعاود تدخل.. كررتها كذا مرة حتى عيطلها الثلاثي لمرح
★★★★★★
سمرة سارة ورانيا جالسين حذا بعض زادتهم منمن متنهدة براحة
أمنية: أونفان ترحمت مالتجمع هذاك
رانيا: علاه شبيه؟! وش قالولك؟!
أمنية: وش ماقالوش وجهي وفمي غلبو وهم ماغلبوش مالهدرة
سمرة: وماراحش يغلبو ماصدقو لقاوك هههه
سارة: بيانسير فرصة وطاحتلهم قعدو مع مرة الآغا.. لازم يجبدولك مخ راسك هههه
رانيا: مايروحو حتى يحفظتو كبيرة وصغيرة عليك هههه
سمرة: سير.. والنوع لمخطر لي يبقى ساكت هذاك زي لكاميرا يسجل صوت وصورة هههه
طرشقو بالضحك.. لقفتهم لكاميرا تع مليكة ميلت راسها لسلوى يمنشرو
مليكة: بنتك شحال نية شوفي زيماه تضحك مالقلب ا خلايا كون جيت فبلاصتها نغضب حتى لعيد لعايد مانقابلكمش
سلوى: تفف من فمك.. علاه ماتعيدش عليا بنتي؟! عوينة وحدة لي عندي
مليكة: عوينة وحدة وتعمات.. فعوض ماتدلل فدار بوها سبقو لخير للكنة.. وين صرات هذي ا خلايا
سلوى: غزلت: اسكت ماتفكرينيش.. كنا فعيد صبحنا قالو عقيقة.. قبيل تفقصت صباح ربي
مليكة: تتجلطي مش تتفقصي برك.. بنتك لولى ولأولى تفرح بيها لعيلة حتى من ولادتها سبقت تاع أمنية.. شطحت فمها محرحرة: ناري بنت رحمة ماطايلة.. جات ملتالي وقالت مالي.. ماتعيي تمشيكم كامل زي لخاتم فصبعها.. تربية رحمة لفرررس ماتغركش كي تضحك وتلعبها نية راه مصييبة فوق لرض
خرج رمضان من شطحو الشواطن من وهاهو شيطان مليكة خدم خدمتو وسلوى غلا دمها خممت تنوض تلوح أمنية وولادها ملبالكون.. تخرجهم من حياتها ويرتاح قلبها لعامر جهتها
مع كل كيلومتر يقطعوه بلوطو قلبها يتقبض ودقاتو يزيدو.. بدنها تكبس مالتوتر والترقب لنهاية طريقهم.. عينيها يدورو يتمعنو فكلشي داير بيهم.. الطريق الأراضي الغرس الناس رايحة جاية.. لولاد يلعبو غادي وجاي لفرحة العيد.. والفرحة تعها اضعاف مضاعفة.. ساكتة تتفرج متلهفة فوق لقياس.. لكارو محلول نسمة دافية وحنينة تدخل تلاطف وجهها ردتلها الروح.. يسوق وحاضيها بلاما تحس مجمد ملامحو وداخلو عايش صراع بين لمخ ولقلب.. مايكونش غلط ؟! واش كون يتراجع درك ومن تم يقلب الدورة ويزيد يهرب بيها يغبرها ورا الشمس ؟! أفكار وأفكار خلاتو يتعصب ويكبس زير لفولون ودعس بنزين لا شعوريا مافاق حتى كان فمدخل حدود لقصر نقص سرعة.. شاف لغاشي داخل خارج على غير لعادة.. عارف عيد وعقيقة بصح لجو هذا تاع عرررس كبير ! توسوس عفط بقوة داخل مالباب لكبير بانتلو الجنينة عامرة حبسو ڨارد هدر معاه مالكارو
ڨارد: ماتقدرش تزيد لقدام ا سيدي قاري هنا خير
أمير: وش كاين؟ علاه لغاشي ملموم؟!
ڨارد: باروك ولاد الآغا ا سيدي
أمير: قيمو عررس مش بارووك.. يموتو على لمان الغاشي افففف.. خزرلها عينيها يبرقو مالدموع حذرها: طيحي دمعة مانتفكش معاك
روزا: علاه جيني هنا؟
أمير: بويسك عيلتك وعباد ربي كل تلمو هنا.. ماكلاه نشقى لداركم نلقاو الريييح.. انزززلي
ماضيعتش ثانية نزلت محمولة.. زرب نزل مد لمفتاح للڨارد يتصرف.. وقرب منها متذمر
أمير: نص نهار مشيبتني ودرك كلمة وحدة نفذتي ؟! سبحان الله
روزا: مش وقت نتشاحن معاك.. نزرب ندخل باااي.. مع خطات حكمها
أمير: تررصي ماتتحركي إلا رجلي على رجلك
تأففت بضجر من تحكماتو لمرضية جبدها ليه تنفض نافرة.. خزرلها وبعناد حط كفو فكفها وجرها داخلين لي يشوفهم يحلاو فعينيه ككوپل هايل.. وفالصح هم متناقرين الكلمة بالكلمة ماخصهمش يتضاربو !!
مُعز لكاميرا مان اول مالمحهم فيها هزر راسو يثبت شافهم قاصدينو.. طلقها برغية
معز: أميييير جااا
جواد: كان يبوزي مع تلفت تصدم: مام رووزاا جااااات
★★★★★★
مد بالجري لداخل للصالون صدم عليهم يغوث يرون فالهدرة
جواد: جاو.. والله جاو أمير.. فرد وقت.. حتى هي جات.. الدادة جاااات
سمرة: شكون لي جات.. تنفس وفهمنا بلعقل
جواد: روووزا رجعععععتتت
لوحالهم زي لقنبلة وعاود خرج.. الضياف شي ضحك شي بهم مش عارفها شكون هذي لي جات.. اهل الدار سرو وجوهم عكس ليال وسيرين دمعو عينيها وخرجو يجرييو ليال غير شافتها فشلت وبقات تتكرر فالدروج.. ما سيرين لأنشط كملت جري ليها تغوث وتبكي
سيرين: دااااادة... عمييمة.. روزاا لحبيبة تاعي ولااااات ا رررربي
بشوفتهم لزوز روزا زدح قلبها وانتفض بدنها بقوة تملصت من أمير وجرات لسيرين تلاقاو فنص الطريق.. مع بركت فلرص حضنتها قرمت على رقبتها سيرين بزوز يدين وتلفو لزوز بالبكاء.. يغرردو بالصوت وكل وحدة تعبر للوخرى شحال توحشتها وتحبها
روزا: توحشتك املااكي توحشتتتتك
سيرين: مام أنا توحشتك ميسيوتييك قد السماء واللرض ا عميمة.. علاه روحتي علاه طولتي غيبة عليا خليتيني نبكي عليك
روزا عند العتاب هذاك خباتها فصدرها تبكي بكاء يقطع لقلب.. وقبل ماتلحق ترد جبدوها زوز يدين لحضن احن من تعها.. كانت ليال امها لي ماودلتهاش مي تبقى لأم لوحيدة لي تحبها
ليال: يااربي شكوون ولاالي بنتي فحضنتي رجعتلي حمد الله ا ربي.. تفتفت على روسهم تهز وتبوس: يا رب يحفكم ليا يارب يدوم محبتكم ماكثر من هك.. تووحشتك ا لكبدة توحشتتتك وماصدقت رجعتي لياا
روزا:تأنا توحشتكم توحشتك ا يما اسمحيلي.. اسمحوولي عيشكم اسمحووولي
بقات تردد وليال تسكت فيها وسيرين تبوس.. تحت شوفات بقية نساء لعيلة تأثرو بالمنظر هذااك.. شي يدمع شي يكح دموعو لبراهش كل بكاو.. سيلا كأنها كانت منومة مغناطيسيا مصكومة مش مصدقة أنها تشوف فيها صح.. وغير ثبتت جراتلها ديراكت تحشات فالعناق قرمت على روزا خايفة لا تغيب عليها وتبكي
سيلا: فرحت برجعة ماصدقت شفتك حمد الله رجعلتيلنا بخير اهءاهء توحشتك بزااف
روزا: تشحڨ: مام أنا توحشتك توحشتكم كاامل اهءاهء
سخفو امنية ماصبرتش يجيوها.. خلات زينة عند امها.. راحت طول فكتلهم روزا وحضنتها تبوس تحمدلها سلامتها وتعاود.. روزا تشحق توشحل عليها وعلى ولادها.. حالهم حال بكى لقلوب وذوب لحجر حتى لي ماعندوش مع روزا او مايحملهاش تعاطف مع لقائهم الملحمي هذااك !!
أسد وصللو قارد لخبر خرج يهرول من خيمة الرجال قاصد أمير.. لي كان مكبوس يتفرج فالمنظر هذاك.. فيق أسد وقت عنقو وعيدلو يوشح عليه وهو يرد باختصار مخو مغيب!
سهيلة بناتها ومليكة دخلو ولبقية بحكم يعزو روزا جراولها حضن وسلم متوحشينها..تشدها وحدة تفكهالها لوخرى وهي غير تتنخصص وتمسح فالدموع.. ربتت عليها ليال
ليال: سايي حبسي بكااء يوجعك راسك
رحمة: على لسان زينة زعما:وحنا مانسخاوش بيك ا خوييلة
تبسمت روزا وطلت لزينة باستها فنومها.. رانيا محضنتها مالجنب آية تمسحلها دموعها حال لبقية بسيف لمو حالتهم
فنفس لوقت جواد كان هد للخيمة صبها لجاد لي كان واقف مع جاسر وسراج
جاد: واشييياااا؟!
جواد: قلتلك طاطا روزا راهي واقفة برا مع النساء يبكيييو معاها
جاظ ماصبرو سخرو من طريقو وخرج يجري رجليه سابقينو.. ماشافش أسد وأمير زاد طول للنساء وبنطرة جر روزا من وسطهم.. يبست تتبادل نظرات شوق وعتاب ليه.. ماهو عبر وجهها حالتها بانتلو لباس.. خنزر فيها يررعد
جاد: ويين كننننتِ ؟!!!
روزا: لزمت الصمت قاطعة النفس من غشو.. وقبل ما تخمم فشي رد يهدنو.. شرع يدو للسماء ونزلها على خدها.. صرفقها كف قوي لدرجة دار وجهها وشعرها انتثر فالهواء بقوة!!
(العودة المنتظرة 🥺 اللحظات الاسطورية 😭 بين روزا سيرين وليال💔 ورياكط جاد🥲👇)
★★★★★★
شحقو النساء مصدومين.. سيرين تملكت تلقائيا حضنت رجلين روزا فاحمة بالرغي
روزا: ماتضربهااش ماتمسهاااش ماتزعفاااش ماصدقت رجعتلي عميمة اهءاهء
أمير ترون فرمشة عين حط يدو عسلاحو نحت لفاست ملور.. تولهلو أسد زرب شدلو ذراعو ووقف قدامو ڨدقد حاجبهم عليه ويهدن
أسد: اصحك تجبدو
أمير: رص سنيه: بعد من وجهي.. بعععد
أسد: تكالما.. ماكلاه تكبرها على كف
أمير: كف!! ليوم نكسرلو رررب يدو.. عزرين ليوم مايفكو منو.. كيفاااه يمد يدو يضربهااا
أسد: خوها لمربيها.. وليه حق عليها
أمير: حق تا ##ي بعدد من قداااامي
أسد: مانبعدش وانت تترررص هنا حتى تهدن
أمير: مانهدنش حتى نحاسبو.. بععدلي
أسد: لحساب لكبير ليك.. هي عطاها كف وانت تبانلي نسلخ مللللتك بطريحة كلااااب
قاطع نقاشهم لحاد صوتها لمزعزع مالبكاء
روزا: سسـ..ااممـ..حني
تفلقت بلبكاء تزت بجاد جبدها لصدرو وزيرها بزوز يدين كون صاب دخلها وسط قلبو تشوف مكانتها ومعزتها عندو.. هي تبكي بنتو تبكي ماصاب شكون يسكت شكون يرضي.. دارو بيه النساء عاونوه سكتوهم.. حطها تحت جناحو مسح دموعها ندمان كي ضربها
جاد: ماعلابالكش شحال حوست عليك.. وش درت على جالك وغير بع نلقاك.. وين كنت غابرة؟
أمنية: مش وقت لهدرة ذي ا خالي
ليال: اعتق البنت ملي جات وهي تبكي
جاد: من حقي نعرف.. أسوء لأفكار مررولي أيامي حتى قريب هبلت
روزا: بغصة: ساامحني وحقك علياا ممـ
جاد: اشش ماتبكيش.. غايتي نطمن عليك.. كيفاه جيتي ؟! ومع من ؟!
جواد نط مجاوب بسرعة كأنو فمسابقة لازمو يربحها
جواد: جات مع عمي أميير
جاد: مخنزر: واااشيااا؟! عااود عاااود
جواد: بلع ريقو وكبش فأمو: شي ما قلت والو
جاد: خزر فروزا: كلامو صح ؟!
تربثت وخزرت لأمير لتحت لتحت..مع لمحت أسد طمنها بعينيه جاوبت بحرص
روزا: كنت جاية وحدي لقاني فالطريق وصلني معاه
زهرة: دخلت ملطفة: كثر خيرو نقص عليها تعب.. فكتهالو: حمد الله على سلامتك ا بنتي امشي نفوتو لداخل ترتاحي شوي
جرتها من جهة وليال ملوخرى وسيرين شادة يدها تنكز وتتوانس طايرة ملفرحة برجعتها
(قاتلهم وصلني برك🙄 كان يعرفو شحال فوتت معاه يتجلطو🥴)
★★★★★★
قصدو الدرج منين شافو لكاملة جايبة ضياف حبسو تالفين.. روزا حست ببرود ضربلها للعظم.. تفكرت وش صرالها وكلام لكاملة لجارح ليها.. لصقو رجليها فلرض رافضة تعتب دارها.. تمنات تتبخر من قدامها.. لكبيرة بقات متبسمة كيفما كانت مع ضيافها حتى خرجت سلوى تصوت ملبعد
سلوى: سعدي شكون جاا ولددي لحبيب جااا
اندفعت يكرسيها ناسية الدرج زربت حكمتها لكاملة.. أشارت للضياف يسبقوها للخيمة مع سهيلة بناتها مليكة وصلوهم
أسد حس لموقف رح يترون كثر لو ماتدخلش طلب من أمنية ولي معاها يدخلو للصالون مالفيراندا التابعة ليه.. نفذو منصاعين.. لحظات بقاو غير هم ف4.. هرولت لكاملة لأمير لاقاها فالدروج.. حضنتو باست وتعايدو بالشفاعة جبد روحو منها.. ذمتو معاتبة
لكاملة: بوبوووك لهالزمان به تجي.. نعلبوها كون كملتيها لليل
أمير: قلتيها مش قلبك علابالي
ضربت كتفو بالخف.. ودارت لأسد تستفسر "وقتاه جا؟ لاه ماقلتوليش؟ كون ما معز نعرف بجيتو لأخيرة فيكم
بقات تنكر عليه وهو ملهيه.. فحين أمير كان لحق لسلوى وطاتو حضنت باست عيدت تشكي من وحشها ليه بالدموع..طيب خاطرها بالشي لي قدر.. مامعاهش المشاعر والحنانة !! قاطعتهم لكاملة فلات بدنو بعينيها
لكاملة: لباس ا ولدي رتحت سايي قادر تمشي وحدك بلا عكازات
أمير: اممم حمد الله
سلوى: مكبشة فذراعو: ربي استجاب لدعائي ملڨري رتحت بلاما تقولهالي مي مع عرفتك سافرت تداوي دعيلتك بالشفاء لعاجل و ربي استجاب مني.. الف حمد الله وشكر لله
أسد: سيبوه يدخل يرتاح من غلبة الطريق
سلوى: ندخل معاه مازلت ماشبعتش منو
أسد: ماهوش هارب خليوه يرڨد شوي.. ونتم عندكم ضياف تتهلاو فيهم
أشر ل2 قارد تكفلو بالكرسي لمتحرك تاسلوى نزلوها مالدروج داتها لكاملة بالسيف
زرب دخل يلحقها قبل ماتغلط بكاش حرف أسد وراه يحذر
أسد: بلا مشاكل اقلب الدورة اطلع لغرفتك
أمير: ماتعطلنيش لمشاكل توقع لا حلت هي فمها.. لازم نمنعها قبل ماتزبلها
هدو للصالون وتكوانساو على سؤال جاد لوحيد لي قاعد يستوجب فيها مش متهني
جاد: اييه وين لقاك هذاك؟ حتى جيتي معاه؟
روزا: فالطريق.. قلتلك كنت جاية لهنا
جاد: علابالي فالطريق هلا فارة فالسماء.. شمن بلاصة لقاك وكيفاه بعد ؟!
ليال: يوووه ماتشت تنشنش.. خطيها ساعة ذي مش وقت اسئلتك
جاد: يماااا
أسد: دخل مبدل السوجي: هاكم هنا.. مرحبا برجعتك ا روزا.. تهنينا كل عليك درك نقدرو نعيدو ونفرحو بولادي
روزا: يدوم هناكم ومبروك ماجاك
سيرين: باركيلو عالحقيقة
رانيا: اسمها عقييييييقة
سيرين: مايهمش.. مهم تباركلو كيما درتو كل
روزا: الف مبروك ربي يصلحلكم فيهم
الكل: آميييين
سيرين: باستها ونطت تجري لأسد: مغسي بووكو انكل كي وفيت بوعدك ليا
خزرولها كل شي حال فمو شي تبسم لبرائتها حد لا فهمها بخلاف أسد وليال
أسد: قرص خدها: وأنا ديما عند وعدددي
سيرين: عليها نحبببك بزاااف
حضنت رجليه شاكرة وسيبتو تطل على أمير
سيرين:مغسي ليك ثانا ا عمو..كنت مانحبكش صوا مي وصلت عمتو بديت تعجبني شوي.. قربت السبابة لإبهامها: شوييييتح برك ڨد هك
هز حاجبو مخنزر ضحك أسد شمتان فيه وهز سيرين داها للبقية ضحكو بلا هواهم..إلا جاد وروزا بقاو مجمدين وجوههم مش مرتاحين!!
★★★★★★
فاتت لعشية فجو عيادي مفرح بامتياز ضحك وتوانيس مجامع مجامع.. المغرب أذن كإشارة لإنطلاق وجبة العشاء لفخمة بمختلف انواع اللحم.. المفور المدخن المشوي الطايب فالفرن.. مع عجاين تقليدية واطباق جانبية خلاف.. بلاما ننساو السلايط بأنواعها الديسار شتلى لفواكه بعدها 2 تحليات مع تاي قهوة ومكسرات.. ساعتين لخير يتسربى مايتهزو الصحون إلا وهم فارغين.. لغاشي وصل ليها عبي عبي حد التخمة عاد ناضو ودعو أهل الوليمة.. رجال للرجال.. والنساء للنساء.. ال08 ليلا كانت لحالة تفرقت لبرانية كل روحو مع الحالة عيد مازال وراهم مشاويير خلاف لأقاربهم
ناض سليمان بعيلتو وعيلة لمرحوم مورحين حتى هم.. وقفو أهل الدار مودعينهم فالبهو
لكاملة: زارتنا لبركة فات أحلى عيد بيكم
حورية: حلو بيكم حنا غير خفاف الظل ومروحين
سهام: كون غييير بتتو.. بترغيب: بااتو ا يماا
حورية: شمن مبات وحنا عرش هههه
لكاملة: الدار كبيرة تساسعننا باااتو معانا
سهام: والرجال لا حبو مرحبا لا بغاو ترواح يروحو ويخليوكم
بووووم !! فلڨت قنبلة على اثرها ناضو رجال كل يتغالاو رافضين أفكارها.. لي جون كل حد مستني وقتاه يخش لبيتو مع مرتو يروبلوها بليلة حمرة حتى يجي الصباح
النساء حشمو وهم لا حشمو قصو غلي..لبنات هذي تميل لوذن لوخرى تمنشر
سمرة: لسارة: خلايا فضحوونا
سارة: لرانيا: تحملو عالترواح لحالة ماتعجبش
رانيا: تأنا خفت.. سيير ليوم مايتلقوناش
شهد: لمهى: نااري واقيلا ليلة مانرقدش.. احكموني نبات معاكم بليييز
مهى: باتي أما مش معانا.. لمحت أمان شابح لوقف يتبسم بمكر عضت ظفرها: بويسك مام أنا مش حنكحل عالنوم جرة خووك
آية: نخزتهم: اشش اكستو مالعيييب.. الليلة عيد نشطنا وغلبنا سيير نرقدو بكري كل
غزرولها ف5 زيماه تتبسم لخليل يضحك مع مراد مضروبة فيه نزلولهم خطوط ماروكو !!
كثرت لمتغالية والحس ضرو سليمان فالراس نطق فرزها مسكت لكل لافت انتباههم
سليمان: ساهلة ا جماعة نرزحو درك وغدوة نزيدو نجيبوكم تتوانسو لا ماشبعتوش هههه
لكاملة: أصلا جايين جايين.. راكم معروضين من بكري واللمات ماتقيم غير بيكم هههه
أسد: شمن لمات.. وش ناوية الكبيرة؟!
الكاملة: ليوم باروك ولادك ووقفة مرتك بسلامة.. غدوة تاع بنتك عمك.. باروك ولدها.. تلاقاو عينيها برانيا كملت بمجاملة: وولد خال مرتك نفرحو بيهم مع بعض
مليكة: خرجو عينيها مالشوك: ولد شكون؟ خال من؟ بمناسبة ماه تباركو لولدي؟
زهرة: حسام فيما لاه؟ قصدها جوود
لكاملة: ايه جسور وجود.. غدوة.. وبعدو زردة على لبنات كي نجحو
شحقو النساء الرجال حلو فامهم ولعجايز ضحكو عالكل
زهرة: سبقتينا ا لكاملة وخيتي اموا خليتينا نخططو ونشوف وقتاه نديرو لمة حتى حنا
سهام: معليش ا خالتي لخير كاين نسبقوكم حنا ونتم بعد مدة زيدو ديرولنا هههه
سليمان: هذيك هي.. تفرزت مالا يله نروحو
لزتلها سارة وشهد من شوفة لعينيهم فهمتهم
لكاملة: واش كون تخيلو حفيداتي يباتو
جهاد: الشوار لرجالهم منهم ليهم
جاسر: خليوها ليوم خلاف
حسام: لعيد لعايد هذا لازم يباتو فديارهم
لبنات نزل عليهم الضيم دارو بيهم صبروهم..
★★★★★★
لكبار سبقو للسيارات..ليال جرت روزا وسيلا لولين للوطو سيرين تنكز وتحوبر زي النحلة.. ركبو لبقية قبل ماتدخل روزا جبدتها أمنية على جهة حضنتها تخالي
أمنية: مهما ضغطو عليك ولا عاركوك تحملي نعرفك قوية
روزا: كنت.. مادرك وليت طالبة الملصة وفرات غلبت من كلش
أمنية: ربي يقويك كوراج ليلة وتفوت.. بشوي وتتنسى لحكاية
أسد: وقف عليهم مفرقهم بصوتو: باه تفاهمتو تغمو لحكاية؟ نورونا به نمشيو معاكم فلخط
روزا: ماعندي مانتفاهم معاه.. ومالأحسن مايزيدش يقابلني لا نفزدلو فوڨيييرتو
عماها لغش مافاقت بجيتو زي الشبح وقف وراها وبنطرة دورها ليه محذر
أمير: وش قلت لررربك على طوالة لساانك
روزا: تتنفض: سيببي نحيي كسررتك
أمير: شفت روحك وسط لغاشي حمالك جنابك.. بسخرية: تحمي نكمدلهم بمعريفتي
أسد: أميييير.. يززززي
نطرلو يدو وجر روزا لأمنية بشوفة فعينيه فهمتو هربتها طول للوطو ودعتها وركبتها
أمير: رص سنيه: ماتزيدش تدخلي
أسد: وانت كالمي روحك.. تشوفها تسطى تولي زي لمكلوب تشارشي عالمشاكل
أمير: كون عيني نمشكل بكلمة وحدة ومن أول ماخطيت هنا نقلب عليكم الدنيا
ضرب فيه وفات مڨرون الضو مايضرويش عسو أسد ملبعد شافو دخل للقصر عاد زفر بحنق.. كان فراحة ولا فغمة جرة الزوز هذوك
لي روح روح..ومالين الدار بعدما عاونو فلمان الدنيا مع الخدامات والڨاردز..تنشرو فالصالون ساهرين شوي مع بعض.. وبوجود أمان ومراد لفدلاك لخوه زهاولهم القعدة
مراد: زوز احداث عمري ننساهم ذبيحة عرضة رمضان وذبيحة ليوم هههه
الكاملة: خاطر كثرتو طواايش ياك هههه
معز: قولي تبهدايل هههه
ياسين: حاشا الطوايش هههه
أمان: لا رح تجبدني تشوهني غير فزز ترقد احسنلك..
شير عليه بكوسان جاتو فالوجه ضحكو كل وهكاك مراد ماتهنى حتى حكالهم وشاركوه ولاد عمو ف3 حتى من أسد رشقتلو يفضح جدهم كل.. الطايح كثر مالنايض بالضحك.. لبنات بسيف حابسين البولة.. زادتهم امنية بتعليقاتها الساخرة بحكم شافت شي لقطات مالطوايش هذوك.. زمان وهم من حدث لحدث من ضحكة لضحكة.. فاقو لولاد أحمد مالعادة لول فالبكاء ناضتلهم هاترة تسكت
أمنية: اشش ماتبكيش ا مامي هاني معاك اششش
أسد: تقد فجلستو متحير: شبيه ؟!
لكاملة: يكونو جاعو.. رضيعهم ا بنتي
أمنية: رخفت راسها حشمانة من سلافها:سيير احمم نديهم لغرفة نبدلهم بعد طولو بلاكوش هذا
★★★★★★
أسد تكبس مخو صورلو أنو لحالة رح تتطربق خزر فالكاملة لي خزرت فسهام تدخلت داعمة
سهام: نجي معاك نتي رضغي وأنا نبدللهم
أمنية: ها !! عيشك مي مانكثرش عليك من نص نهار ونتي وماني مداولين عليهم
لكاملة: قاطعتها:واش درنا حتى تشكرينا.. غير بدلنا لاكوش
امنية: بصح عاونتوني وممـ
سهام: بلا مزية مننا امشي نفقدوهم برك
سبقتها دزت لبوسات وأمنية دز بيها بيهم تبعتهم رحمة هازة زينة.. ولكاملة لاحقة حبسها أسد فالبهو
أسد: كيفاه لدرك ما عرفتش ؟!
لكاملة: منين رح تعرف ؟ ماخليناهاش تبدللهم
أسد: اييه ماتخليوهاش.. حتى لغدوة اوموا نباتو هانيين الليلة
الكاملة: بحروشية: دايرها ڨد راسك وتحل فمك.. اڨلب وجهك من قدامي ديجا قلت من عملتك اييه يا ربي تفييق وتاااخذك
أسد: صار عليك ا يمااا.. راني وللدك
الكاملة: وهي بنتي.. وفلحاجة ذي نضرب معاها مش معاك
شربتو لمر عالريق ومشات ترمرم مش عاجبها لمآل لي رح يؤولو ليه هازة هم أمنية لاعرفت تنوض لقيامة عليه وعليهم كل
فقصر السعيد.. مع لوصلة جاد جبد روزا طول للصالة.. قعدها يسقسي وهي تجاوب حاب يعرف كلش.. وين كنت؟ علاه روحتي؟ وش منعك عالهدرة معانا ! فاه كنت غاطسة؟ شلة أسئلة رماهم عليها بحال الراس.. خلاها تنزف دم ملداخل وغير ساكتة تخمم فشي أجوبة تسكتو والأهم تقنعو.. تدخلت ليال محرشة
ليال: ماتغلبش انت ياك قلتلك ماتلزش عليها
جاد: ماتدخليش بيناتنا ا يماا
ليال: بعصبية كبيرة: نتدخل.. ماتضغط عليها كي ترتاح غدوة تحكيلنا وحدها
رانيا: تهدني ا خالتي ماديريش لاطونسيون لعمرك
سيرين: مكبشة فذراع روزا: ماتبقاوش تعيطو تقلقوليش غووزا لا زعفتوه تزعفوني نقولها تديني معاها لمرة ذي وبقاو وحدكم
تقبض قلب روزا هزتها وحطتها فوق حجرها محضنتها تهدي فيه بلعقل.. ولبقية متأثرين ما جاد بقى مخنزر عاقد حواجبو
جاد: ماكانش حد جرا وحوس به يلقاك ڨدي.. عالأقل هنيني عليك به نرڨد ليلة مرتاح
روزا: كنت فإطاليا.. بعدت نرتاح كانت فحالة مش مليحة.. مخي وقلبي بكلي توجعت على ديييڥاا.. وقت وليت مليحة شوي رجعت هذا ماصرا
جاد: ودييڥا وينهاا؟ خزر فسيلا: مش قلت خرجو ورا بعض ليلة لعرس؟
روزا تبادلت نظرا مع سيلا وجهها بياض نشف مالدم.. حصلت حصلة كلبة.. كيفاه تجاوبو درك ؟!!!
★★★★★★
لفوق.. فغرفة مليكة وجمال.. كانت تنصل فذهوباتها وتقرعج مصدعتلو راسو
مليكة: شفت وش دارو وش سرباو وش وجدو بين ليلة ونهار تقول عرس.. كلو منعند لكاملة ومن جيبها.. شحالها فحلة وسخية تدلل لكل مالكبيرة للصغير
جمال: كبيرة الدار لازم تكون هك وربي زرقهم لاه مايفرحوش
جاوبها بلمعاني وهي لاخبر.. حطت آخر قطعة ذهب ودارتلو هازة لحاجب
مليكة: حتى حنا عاطينا ولحمد الله بصح ماكانش الفخرة والدلال هذاك.. عضت شفتها مغزلة: زهر بنت عمك سهام تتنعم بيه.. ربي يعطي الفوول لما عندو ضرووس
حط مفاتحو فوق لكومود وقعد يفك أزرار الشوميز.. قافل السوجي بنفاذ صبر
جمال: كلو وش عطاه ربي.. مام نتي ماخصك والو فدارك.. يما مليحة ودايرتك بنتها.. وانا مدللك ماباخلكش فحاجة.. سدي السيرة وازربي بدلي يطفى الضو لواحد يرقد يرتاح
مليكة: ترررقد؟ شمن رقااد عال10ونص؟!
جمال: هااه.. حابتني نبقى نايض للصباح
مليكة: اييه علاه لا؟!
جمال: وش نسهر ندير؟ نحسب شعرات الشيب فراسك.. ولا عدد شعر طاپقي
مليكة: حاشاك ماعنديش الشيب.. واقيييلا تعمييت على صغرك ا سي مسكييين
شنفت عليه ودارت للمراية حلت شعرها يلحق للكتاف مصبوغ مارون شوكولا جديد يلمع لمع.. شافت انعكاسو جمد يكيل فيها مضيق عينيه.. تبسمت بانتصار وبدات تنحي قشها على آخرو بقات بشوميز دو نوي بلون الشوكولا!! صدمتو تنطر واقف حالة عينيه وفمو.. تلفت قابلتو بالصدر والفخاض نصهم عرايا.. ملڨري لكبر والسمنة بصح بقاو يشبهو ويغرييو بالنسبة ليه خلاوه يڨرطع الريڨ.. قربتلو تشطح فخيوراتها متبسمة بخبث
مليكة: شكون الشايبة فششر ڨالاش المصري مازلت خضرة منعنعة خسارة عليك ا ولد عمي
جمال: راجلك.. مانيش ولد عمك.. وش دايرة فروحك هذا؟
مليكة: والو.. تهليت شوي فراسي زعما عيد بصح أنا ديما هك.. تمتمت: انت لمعمي
جمال: حك لحيتو: اييه خيار مادرت.. عودي ديما تهلاي فروحك
نصل قشو وقصدها محمول حبست ضحكتها
مليكة: يووه وش رح دير؟ مش قلت ترڨد
جمال: مازال لحال.. ماحناش دجاج نبيتوش بكري
مليكة: صح ماحناش هههه والضو ياك قلقك
جمال:خلينا مالزمر.. جبدها ليه: ارواحي جااي
مليكة: يووه ماتلهفنيش.. ماصليناش مامپا
جمال: بقات لعشاء يجوز نأخروها.. ربي يغفر للصالحين
تلاح لرقبتها يمحش بلهفة وهي تضحك شي من الدغدغة شي من نجاح خطتها.. شي من لفرحة ولامتنان لشهد ورانيا تحفوها هك.. والاهم أنها رح تفريها معاه الليلة تاخذو وما تعتقو حتى تصبح بالكرررش مافيهاش !!
(رايكم فساكشي مليكة وعمو جمال 😂 لا رحمة لا حنان ياودي كون مابداش اغتصـ'بتو 😂)
★★★★★★
فغرفة خلاف.. خرج حسام مالدوش ساتر نصو بمنشفة ناشط ملبعد عول يلقى شهد متكية فالسرير مستنيتو شوية لقى الريييح!
حسام: الشعررر.. وين راحت كانت هنا قبل ماندخل ندوش
فقد الدريسنڨ والبالكون شي مالقاش ريحتها زفر بفدة وطلبها بالتليفون..رن فوذنو وتسمع الصوت بقوة.. كأنو لتم حوس عليه حتى لقاه صح محطوط فوق الكوافاز.. كوپى خبط تليفونو حذا تعها وجا خارج منين توله لحالتو رجع يهرول لقشو لبس ما فطريقو سروال لي كان لابسو وتريكو لقاه ملوح فوق الفوتاي.. خرج يكركر فالكلاكات.. لحق للپروميي سمع حس النساء توقع انها معاهم.. سرع خطواتو متبع الصوت ماشب ويقوى حتى وصب لغرفة بابها مشقوق شعرة.. قبل مايحلو تفتح فجأة خلاه يسخر خطوتين لور.. خزر لتحت لقاها سيرين بتوني النوم شورط مع طوپ هوووت شعرها مطلوڨ هازة دبدوب.. منظرها بكلو سااو كيوت لا إرادياا رخى ملامحو
سيرين: ببراءة: كشما سحقيت ا عموو ؟
حسام: اممم.. طاطاك شهد روحي عيطيلها
سيرين: قاعدة تتوانس مع ماما عمي وسيلا ونيناتي لزوز.. كلهم مجمعين
حسام: قلهم عمي محتاجك درك تنوض
سيرين: عيييب تنوض من نص المجمع
حسام: عرفها تدوخو ومايغلبهاش ليكيداها: وصل وقت النوم ادخلي عيطيلها ازررربي
سيرين: اوكي
دارت لوهلة حسبو روحو غلبها تبسم وفيسع لمها كي دارتلو متبسمة بلعريض عينيها يبرقو ومدتلو يدها
سيرين: نعيطلها بشرط تعطيني مووني.. يعني العيدية تاعي
حسام: عطيتك الصباح؟ لا؟
سيرين: اممم.. هذيك تالصباح.. وهذي تالليل وغدوة لا حاب تمدلي زيد مدلي معلييش
حس بالغباء خطوط ماروكو نزلو معاه!! قدها ڨد النتشة وفعايلها تاع كبار؟! شطحت يدها بالحاح لاح يدو لجيبو تفكر انها مكستو فمليون الصباح.. ودرك حابة تزييد لا وغدوة يزيدها معليييش؟!
حسام: شمن مووني عطيتك مليوون تصرفي منو للسقاطة شهر ويكفيك.. طيري من قدامي
سيرين: تهزو كتافها بدرامية رح تبكي: بخلتني فزوز أوروو
حسام: كنا فدورو ولينا ف أوروو
سيرين: مش خسارة فيا وأنا نحبك ا عمي.. وديما نشكرك قدام طاطا به تزيد تحبك كثر
كتمت فمها فراس الدبدوب تجبد فالبكية لو اضطرت تنوحلو تنوح وتتبربص تم مهم يمدلها.. حالها خوفو وكلامها كبرها فعينو جبد محفظة رجالية من جيبو.. تفتف عالدينار لقى 50 ألف.. زاد حوس على ماكثر مالقى غير الأورورو.. ورق جدد ماضيين يذبحو عزو بيه.. شافتو متردد قلبتها درامها
سيرين: ماكش مادلي.. امپوووسي
حسام: مادلك مادلك ماكلاه ترغي.. جبد 3 اوراق نقدية مدهملها معفر: شدي هذو بزااف
سيرين: اه يكفييو لمرة ذي.. لمرة جاية زود شوي.. حلت سانسور الدبدوب خبات الدراهم: مغسي ا عموو درك نعيط لطاطا تجييك
(سيرين لادوان والمرابين اونباغصون😂 ماهناتو لين خذاتلو جيبو وخذي عالحنين ديالي👇)
★★★★★★
لمح كم الدراهم شي بالدينار خضر 200 حمر 100..شي بالأورو زرقة او حمرا او خضرا.. لا حسبهم قادر يلحقو لمصروفو تاع شهر.. خرج عينيه مشوكي وزرب حكمها قبل ماتروح
حسام: منين جاوك هذو كل؟
سيرين: حشات الدبدوب وراها: لميتهم فلعيد
حسام: اخلايا ليوم برك ؟!!!
سيرين: ننن.. لميت شوي من قبل
حسام: وش رح ديري بيهم؟!
سيرين: شي.. حاجة سيكخي مانجمش نقولك
حسام: لا ماقلتيليش نقولها لباباك يديهملك
سيرين: تخوف فيا؟ ماتخافش لاعرف يزيدني
حسام: بتحايل: قوولي بررك ويبقى سر بيننا
سيرين: سكتت زمان تخمم.. عاد همستلو بحالمية: نلم بزاف مووني به نشري أيفون لغووزا.. وقت تسافر ولا تفوايجي تلقى به تعيطيلي ونبقى اون كونتاكط معاها دييييمااا
جوابها قدما بريئ انساني قد ماعرفو شحالها طيوبة ومش ابتزازية كيما حسبها.. طبس باس جبينها بمعزة
حسام: فكرة حلوة.. يعطيك الصحة لا تحبي غدوة نروحو نجيبولها وااحد
سيرين: ايفوون؟!
حسام: امممم
سيرين: بتأكيد: لي فيه تفاحة معضوضة؟!
حسام: لي فيه تفاحة معضوضة هههه
سيبت الدبدوب وكبشت فرقبتو تضحك ميتة بالسعادة وهو يضححك عاجبو رياكط تعها.. ضحكهم وصل للي داخل طلت شهد متبسمة
شهد: دوام فرحتكم وضحككم ضحكونا معاكم
سيرين: نننن.. هذي سبيسيال ليا ولعمو هههه
حسام: هي لي قالت مش أنا هههه
حطها هزت دبدوبها ودخلت تنكز.. على غفلة خرج شهد قفل لباب وهزها تململت تويل
شهد: هبطني هبط اويلي
حسام: مانهبطش.. هذا عقاب ليك
شهد: حاب تفضحنا كون كشمن يشوفنا
حسام: خلي يشوفو.. ونتي سبابي وش داك تخرجي من بيتك من ورايا
شهد: توووبة.. ضرحت مانزيدش نعاودها
حسام: اممم نشوف مع لوقت
هرول بيها لغرفتهم بمتحريثها شابع ضحك حتى وصلها.. مع الدخلة دور لمفتاح قفل لباب وتبسملها بشقاوة
حسام: الليلة وااش ا حبيبة؟
شهد: ليلة العيد
حسام: تأ.. ليلة اول عيد ليك معايا.. الليلة ماكانش رقاااد للصباح
شهد: شحقت: لا أمپووووسي
حسام: سي غير وجديلي تفاحاتك ليوم نعض نمششهم حتى يطلع النهار هههه
قهقه بالجهد وجرا بيها للسرير حطها وتهز نحى قشو وقشها فرمشة عين وانقض على شفافها يبوس ويديه يلعبو فجسمها بلخف رفعها لعالمهم لخاص
( سيرين قلبها على لعميمة غوزا 😭 )
.... يتبع
ماتبخلونيش بآراائكم ... خليو تعليقاتكم فكل حلقة ❤..
فضلا ★ vote للحلقات
اضغطو على رمز " ★" اسفل الحلقة❤
+
🥀 متابعة لحسابي
Anayiismanou