( اللهم مع قطرات المطر اجعل ما نريده من نصيبنا✨)
اخبِرُوهُم انَنا لازِلنا نُحبهم....
وبعد مرور شهر ونص تقريبا من وفاة سعود ونور
طبعا الكل كان حزييين جدا ومحد منهم ذاق طعم الراحه من التفكير والم الفقد ، بس مهما كانت الحياة ما تقدر توقفها لازم تستمر رغم الظروف الصعبه ، والشخص الي نفقده يكون في القلب حتى لو مرت اعووااام
خالد وسارة ، تطورت علاقتهم للاحسن صاروا ما يقدرون بدون بعض كل واحد فيهم يكمل الثاني وحياتهم كانت مستقرة و كلشي رجع لطبيعته وكانوا حلوين ..
حمد و ريم، تصالحوا و صاروا اقرب من قبل لبعض و قلوبهم تصافت و رجعت تعلقت في بعض ، ام ريم كانت تعرف ، بس اهل حمد ما يعرفون الا سارة و خالد
و راشد صار يروح ويجي بيتهم و صارت علاقته فيهم افضل وما بينهم رسميات ، كون شخصيه راشد اجتماعيه و بسرعه يتأقلم مع الناس وصار يناديهم يمه ويبه ، وكانت علاقته بريم حللللوة وصاروا عائله رباعيه متميزه
واهل نور ، بعد ما ابوهم عرف بالي صار زعل عليهم كلهم ولين الحين زعلان عليهم ولا يكلمهم ، وكانت ام نور تعاني طول هالشهر
وبيت الجد حمد، كل ما صار شي ذكرى يعود ما تروح من بالهم والجدة كانت اسبوعين في المستشفى اثر الصدمه وبعده طلعت وكانوا الكل حوالينها عشان ما تحزن اكثر ومريم كانت اكثثثر وحدة فيهم متاثره حتى ضعفت من بعد وفاته ٧ كيلو بشهر و ارهقت نفسها من الصياح
وبيت العم طلال ولا هم داريين عن الدنيا بس ثلاث ايام العزاء وخلاص ولا جاو عندهم و ولا شييي
————————
بعد صلاة الجمعه الكل كانوا مجتمعين في مجلس الجد للغدا
جواهر: فطوم تكفين خذي الصحون انا بشيل السفرة
فاطمه: يلا جيتت
مريم: في صحن هنا تعالي خذيه معااك
فاطمه: يوووه رحت انتي جيبيه معاك
مريم: بضربك عشان تطيحين مع الصحون وابتسمت
فاطمه قعدت تركض مع الصحون و تروح للمطبخ
مريم ضحكت بخفه على غبائها وخذت الصحن وراحت للمطبخ
ام خالد: سارونه طلعي الكيكه من الثلاجه وحطيها لهم عشان مع القهوة
سارة بتعب: طيب ، مريوم الله جابك ساعديني
جواهر : انا صار لي ساعه واقفه هنا ما تقولون لي يعنيي ساعدينا وبعدين جدده تقولي انتي ما تساعدين
الجدة: مجنونه انتي الناس من الله ما يبون يشتغلون وانتي تطلبين اجل يلا غسلي الصحون
جواهر مسكت راسها وهي ما كانت تبي الصحون وتتهرب منهم
الجدة ابتسمت وقالت: هاه عجبك؟
جواهر: يعني جده ما حصلتي غير ذا
الجدة: يلا يلا اشوفك يا شطوره
جواهر: ياخخخي من قالي اتكلمم وراحت عند الصحون وتاخذهم عشان تغسلهم
ام حمد راحت لسارة: وانتي شبلاك ليه احسك بتنامين علينا
سارة: يمه ما شبعت نوم وبعدين شرب قهوة الصبح و يعني حالتي في القاع
مريم ضربتها على ظهرها : انتي كم مرة اقولك لا تشربين قهوة الصبح لانك تدوخين ، مرت اخوي شوفيها بنتك المجنونه
ام حمد: لازم اسحب منك اجهزه الكوفي
ام خالد: بقول لخالد ترى عشان ما يخليك وتعرفين خالد
سارة لفت عشان تقطع الكيك : ياربي خلاص اسفه توووبه
مريم كانت تعطيها الصحون وتبتسم وجات فكره في راسها وصرخت في لحظتها وهي تضحك
الجدة: جنت جنت رسمي خلاص
فاطمة: ابوك شبلاك انتي؟
مريم: لا ولاشييي بس جات فكره في راسي وتحمست
جواهر: قولي قولييي
مريم: فكره خاصه اوووش روحي كملي الصحون
جواهر: خبيثه وغداره
وطالعت في سارة وغمزت لها وسارة ما كانت فاهمه وهمست وقالت : شفيك انتي؟
مريم بهمس: والله انك مب قليله
سارة مب فاهمه الي تقوله وقالت: يا حبي انتي صاحيه ما افهمكك!!
مريم: بعدين بعدين انتظري بس
حمد: جدي بكرة في الشركه عندنا فعاليات ومهرجان حق موسم الخيول وبيحضرون كثير ناس واتمنى انك تجي معانا
الجد ماكان وده في ولاشي بس عشان خاطر حمد قال: اكيد ليش لا انا وراكك
حمد: يا جعلني قبل يومك
الجد: لا تقول كذا يا حمد لا تقووله
حمد تذكر سعود وقال: ان شاء الله يا جدي اسف والله
ابو حمد: طيب من بيشارك معاكم ولا هذي دعوة؟
حمد: يبه دعوة عامه كل سنه تكون في شركه وهالسنه في شركتنا
ابو خالد: طيب ويعني وين بتسوي؟
حمد: في الطابق الثالث الي فيه مساحه كبيره ومافيه شي
ابو حمد: ايوه حلو حلو
خالد: ماعرف اذا اقدر احضر ولا لا عندي شغل
حمد: اذا ما جيبت بكنسل ترى!
خالد ابتسم وقال: يعني لهدرجه انا مهم
حمد: اهم من حياتي بعد
سالم: انا عندي محاضره واتمنى اقدر اهرب من الاستاذ
حمد: لعبتكك ماني خايف عليك لانك تتصرف وغمز له
سالم: شفت كييف معرووف انا
خالد: ايوه واااضح ما شاءالله الذكاء رايح سابع سما
سالم ضحك وقال: تاسع بعد يمكن
ابو حمد: الا اقولكم يعني الحين راشد عايش مع ابو ريم؟
حمد: لا يبه مب معاهم بس يعني يروح ويجي بس بليل في شقته
الجد: وليش يعني هو مب مرتاح معاهم؟
حمد: الا مرتاح بس يعني ما قدر يتعود لدرجه انه ينام معاهم ويسكن هناك يمكن مع الايام
الجد: والله شوفوا الصدفه كان بيزوج بنته واخر شي يطلع ولده والله الدنيا وما تسوي
ابو خالد: والله سبحان الله اذا كان يبي يسوي شي يكون في امر وراه مافي شي في الدنيا بدون سبب
الجد: وانت الصادق
حمد حس ان هالوقت المناسب انه يكلم جده بموضوع ريم وقال: يبه عادي اكلمك بشي؟
الجد: قول وانا ابوك
حمد: بس بروحنا
ابو حمد: اخس يا ولد عيب عليك تتكلم من ورانا كذا
الجد: شتبون في السمي هو يبيني ما قال يبيكم عشان تناظرون كذا
حمد: اي والله شتبون؟
الجد: الحقني للخيمه برع
حمد قام ولحقه للخيمه و بعد ما الجد قعد وقف بتوتر فجاه حس انه ما يبي يقوله ، فتح جواله وكتب لخالد، افزع يا ولد توترت
خالد شاف المسج وراح يفزع له
الجد: يلا ابدأ اسمعك يالسمي
خالد دخل عليهم وهو يبتسم ، الجد كان يطالعه بمعنى شنو جابك
خالد: ااا جمد الي قالي تعال انا في الموضوع
الجد: طيب يلا تقول مسووين جريمه انتوا الاثنين
حمد: يبه انا مم انا يعني بقولك اننن
خالد: اوهوو انت لو تبي تطولها ما نبي ، اسمع يا جدي ولدك يحب
حمد تجمد في مكانه وهو يطالع في جده الي كانه معصب
الجد بحده: هاه ؟
خالد: شفيك يبه هو يبي يتزوج!!
الجد: ومن ان شاء الله وليش انا اخر من يعلم وليش انت تعرف وانا ماعرف؟
حمد: يبهه لاا محد يعرف غير خلوود
الجد: طيب ومن البنت؟
حمد: ااا البنت هي بنت سلمان
الجد بصدمه: واحلف بالله يالطيب!
حمد: يببه والله شفيك
الجد باستغراب: وايش جابك انت لها؟
حمد: جابني النصيب يا جدي!
خالد: يبه الولد يحبها خلهم يتزوجون احسن من ان يتكلمون وهم مب لبعض!
الجد: وانتوا تكلمون بعض لا اله الا الله!
خالد: لا يبه اقصد يعني اذذذذا تكلموا!
الجد: يعني تبيها؟
حمد وهو مسوي مستحي: اي يبه تكفى خل ابوي يرضى!
الجد: والله لو تبي بنت من المريخ بتاخذها وانا راضي ما عليك من ابوك
حمد ابتسسم بانشرااح وحس ان الدنيا ورديه عنده وقعد يتبوسم و حضن جده وحب راسه ويده
الجد: مجنون خلاص اهدا بكنسل ترى!
حمد: لا لا يبه خلاص
الجد: بكرة جهز نفسك وبنروح لهم
حمد بفرحه: طيبب يبه
خالد كان فرحان لحمد وضمه وقال: الله يجعلني اشوف هالابتسامه منككك دوووم
حمد: وييااك يا حبييي ، تخيلل باخذها واخيييرا
خالد: اييي اييي والله انها للكك
سالم دخل وهو يشوفهم: خييير شنو وراكم تضمون بعض؟؟؟
خالد: نقدر نقوله عريسناااا يا بدر بادييي!!!!
سالم: اووف احلففف بيتزوجج؟؟
خالد: اييي اييي!!
حمد: ياربي احس اني فوق الغيوم خلوني اروح اصارخ
سالم سحبه وضمه وهو يقول : اول شي افرح معاي بعدين كمل
الجد رجع في المجلس عشان يقول للباقي كون انهم كلهم في المجلس
الجد: عادي تسمعوني؟؟ والكل كانوا في حالهم ويصارخون
الجد بصوت اعلى: عادي كلكم تسكتون وتسمعوني!؟
الكل لفوا للجد وحسوا ان في موضوع جدي من نبرته
الجد ابتسم وهو يقول: في خبر حلو
البنات قربوا منه وقالوا: قوول قوول
الجد وهو يبتسم: باذن الله انا بكرة رايحين نخطب بنت سلمان لحمد والله يكتب بينهم نصيب
البنانت فجاه كلهم صرخووووا بصوت عالي وصفقوا و راحوا يركضون لحمد
حمد فجاه هجموا عليه البنات وقال: يمه يمه اهدوا لا تكسروني
سارة: قسم بالله احلففف انك رايييحح!!!
حمد: والله والله شفيييكك
سارة صرخت: ااااااااااا ريميييي بتصير مرت اخوووييي
حمد هز راسه: اييييي ايييي
مريم: الحمدلله واخييييراا انتتت!!!
حمد: والله انتوا كذا مستانسييين لي
جواهر: اايييي يا قلبييي ايييي واخيرا والله اخوي بيتزوج
سارة دمعت وقعدت تمسح دموعها
حمد شافها وقال: يا روحييي ليه تبكيينن؟؟؟
سارة: يعني توامي في حد بيشاركني معاه وبكت
حمد: ييوهه انتي محد بياخذ مكانك والله
مريم: يعني انتي رحتي لخلود وخليتيه الحين تقولين كذا
سارة: ماله خصص خالد في حمد غييرر
خالد: افاا باعتني الاخت
سارة: يييوه خلوني حتى في وقت الصياح يحارشوني
حمد: خلوهااا يا بنات!!!
————————
عند ريم كانت تترقص في غرفتها بعد ما حمد كلمهااا و امها دخلت عليها وشافتها ترقص والغرفه مافيها صوت اغاني قالت: رييمم؟؟؟
ريم مسكت يدها ورقصتها معاها وهي مب فاهمه ريم شفيها
ام ريم: ماما شفيك؟؟؟
ريم: حمدددد جااااييييي يخططططبني
ام ريم شهقت: اااحلفييي من قال لك؟؟؟؟؟
ريم: يمهههه هوو قاللللي توووهههه
ام ريم حضنت ريم وقالت لها: حبيبتييييي والله فرحتينييي كثير وفرحت لكك
ريم: والله انننك احسسسن ام في الحياااااة
ام ريم: بسس تحسين ابوك بيرضى؟؟
ريم: يمه تعرفين هو يحبهم كثير ف احس اكيددد اييي
وانتي لازم تقولين له وتقنعينه
ام ريم: اااي اكيددد علليي هالموضوع
ريم: يمههه شنو البس بكرههه
ام ريم: يا راسي انتظري بكره محد بيجي اكيد بعد بكره اذا البنات بيجون
ريم: اااوووكي يمه احسني راح اطييييير
ام ريم: وااي يسعد لي هالوجججه ، يلا انا رايحه اجهز شي
حمد اتصل لريم و راحت ريم تشوف من جوالها وشافت رقمه و ابتسمتت وردت وقالت: الو؟
حمد: ااههخ احلى الووو
ريم: يا عمرريي انت
حمد: شرايك نتزوج اسرع وقت ماقدرر اكثر من كذااا انتظررر
ريم خجلت وقالت: لهدرجه انا مجننتك؟
حمد: اوووه ما خليتي لي عقققل
ريم: تخيل ابوي ما يرضى شنو بتسوي
حمد ضاق من الفكره وقال: لااا تكفييين فال الله ولا فالك يا بنت
ريم ضحكت وقالت: يلا لا تكلمنييي عشان يزيد شوقك لي!!!
حمد: والله حتى وانتي تكلميني احس مشتاق لك!
ريم بخجل: اووهه استحييي ياخييي
حمد: لبى قلبك والله!
شوفي اذا قالوا متى موعد الملكه و العقد بقول لهم نبي مع بعض نفس سارة وخالد و يكون بعد اسبوع طيب؟
ريم: اي اي مع اني ما اظن بقدر اجهز!
حمد: تكفين لا تقولين لا لاني راح اموت
ريم: طييب ما بقول لا اهدأ وضحكت
حمد: طيب خليني اروح لعند المجانين لانهم ينادوني يلا
ريم: يلا روح كلمني اذا تقدر بعدين
حمد: والله كل وقتي لك
ريم: خلاص رووح لاني بذوب
حمد ضحك وقال: يلاا يلاا بروحح
وسكر حمد وراح لعند البنات والشباب الي كانوا يزعجونه وهو يكلم ريم
عند راشد كان توه واصل للبيت
ام ريم: هلا يا بعد قلبي!!
راشد: هلا يمه شلونك!؟
ام ريم: عساك طيب يا روحي؟
راشد: ايوه الحمدلله ، وين ريمي؟
ام ريم: تعال اقول لك سر ، قبل ما ابوك يجي
راشد قرب منها وقال: قولي شفيك؟
ام ريم: باجر بيجون يخطبون ريميي!
راشد: اوف احلفييي؟! ومن هو؟
ام ريم: اييي والله ، حمد
راشد: ححممودد ما غيره؟
ام ريم: ايوه ايوه هووو
راشد: الله صدق انهم يليقون على بعض اححس
ام ريم: ايووه انا اصلا احبه كثيير ولد محترم و ينشد فيه الظهررر
راشد: اي والله والنعم فيه كل هالفتره الي كنت معاه ما شفت منه غلط يحليله
ام ريم: دايما جدته تمدحه عندي وانا الحمدلله مرتاااحه له جدا
راشد: ايوه انا بعد احبه والله بالمباركك
ام ريم: الله يبارك فيك وعسى اشوف هاليوم الي انت بتتزوج فيه بعد
راشد: امييين يا يمه
———————
راشد جاه اتصال وطلع وراح للحوش
راشد: الو من معاي؟
مجهول: السلام عليكم
راشد: من معاي؟
مجهول: ما يهم من انا بس عندي لك كلام لازم تعرفه
راشد توتر بس ما اظهر وقال: شنو؟
مجهول: بكره الساعه *** والمكان **** قابلني اذا تبي تعرف سبب اتصالي والي بقوله مهم جدا
راشد: يعني وشلون اثق فيك؟
مجهول: خايف مني ؟ وضحك ضحكه استفزازيه
راشد انقهر وقال: لا طبعا ، بجيك وبتشوف
مجهول: انتظرك يا حلو وسكر الجوال
راشد كان مصدوم من الشخص هذا وليه يبي يقابله وايش الي بيقوله يعني لهدرجه مهم عشان يروح لمكان مب معروف و محد معاه
واذا كان خطر على حياته مثلا؟؟؟
راشد قال في نفسه: ياربي اتخيل يكون حد مجنون ويبي يذبحني وفجاه ضحك على افكاره الغبيه و راح فوق لغرفه ريم
راشد: ريمييي اجل بتتزوجج
ريم: بسم الله انت شلون عرففت
راشد: الطيووور قالوا ليي
ريم: بذمتككك فرحت؟؟؟
راشد: الااا طرررت مب بس فرحتتت
ريم: والله يا روحي اننتتت
وقعدوا يتكلمون مع بعض ويضحكون عن حمد وسالفه الزواج
—————-
عند سارة كانت قاعدة في الحوش تلعب بالمرجيحه
وجات ومريم قعدت عندها وقعدت وهي تضحك
سارة: اموتتت واعرف انتي شفيك؟
مريم: بقولك شي وقسم بالله لا تكذبين علي لا اذبحك!
سارة انصدمت: يمه شفيك قولي ليه كذا تضحكين نفس المجانين؟؟
مريم: سوسوو انتي حامل صح وما تقولين!!!
سارة شهقت وقالت: شدخخخل من قالك؟؟؟؟
مريم: كذااابه قولي الصدق كله نايمه وتقولين دايخه صدقيني حامل!
سارة: مجنونه انتي مب حامل والله حتى مب فاحصه
وقعدت تفكر ما صار بينهم شي بس تذكرت اليوم الي كانت تبي تخبي سالفه الابتوب وشهقت وقالت: يممهه لا يكون انا حامل ياربي يا راسي مريوم جب ليه تقولين لي الحين بتوتر مابي
مريم: بنتتت يعني انتي مب حامل؟ متى اخر مرة ال؟؟؟
سارة: مر اسبوع وما جاني!
مريم: روحححي اكيددد حامل صدقيني!
سارة: ماعرف ماعرفف اف وترتيني وقعد تهز رجلها
مريم: انتظرييي والله تسوييين التحليللل
سارة: طيبب ما عنديي مااا عنديي!!
مريم: اصبري بطلب لك من مكااان ويجيبون اقل من ساعه بعد توصيل سريع من صيدليه
سارة وهي تفرك يدينها بتوتر وقالت: طيب يلااا روحي
مريم اتصلت للصيدليه وطلبت و مرت تقريبا ٤٥ دقيقه و وصلت الطلبيه وراحت استلمته ورجعت تنادي سارة و راحوا لغرفتها
سارة: لا لا الحين خفت مابي اسوويي
مريم: والله ان ما سويتي انا راح ادخلك واسوي لك
سارة ضحكت: افف زفتههه لا توتريني اكثرر من كذا
مريم: يلا روححيي
سارة : طيب يلا ، ودخلت للحمام ( اكرم الله القارئ)
وسوت التحليل وطلعت وقعدوا ينتظرون ١٥ دقيقه و كان التحليل على الطاوله بالمقلوب
مريم: ااهخ احس بموتت بموت من الحماس
سارة ماسكه قلبها: والله قلبي راح يطلع من مكانه
مريم: ييمهه الجرس مالت الساعه رنت يعني مرت ١٥ دقيقه
سارة مسكت التحليل بقوه وقالت: الفهااا؟؟؟؟
مريم وهي تتنفس بعمق وقالت: يممه يلااا
سارة بصعوبه وهي ترجف لفت التحليل وشافت خطين وصرخت وهي ترجف ومريم صرخت معاها وحضنتها وقالت: والله وطلعتييييي حامللل صددددقققق
سارة وهي تدمع: ييممه يمهه يعني في كائن في بطنييي
مريم وهي تضحك على تشبيهها : ايي ايي كائننن ، ياربيي لا تبكيين الحيينن
سارة: افف طيبب ياربي احس مب قادرة امشييي يمه يالتوتررر خااايفههه
مريم: خلييك عادييه يا بنتتت شفيييك كذا خايفه وترجفيين الكل يحملونن
سارة: اهخ عطيني ماي احسني بطيح الحين
مريم: ياربييي يا حبيبي الطف بحالي شوف هالبيبي بيصير عندها بيبي
سارة وهي تشوفها وتبتسم وترجف: والله انك خبيثه كيف حسيتي كذا واحساسك صصحح
مريم: عرفت من حركاتكك حامل والله!!!
سارة: يارببيي ، بس انتظر حاليا لا تقولين لحد لين ما اقول لخالد وبعدين طيبب؟
مريم: ايي اي طيب ولا يهمك
سارة: يمهه احسس خاييفه من رده فعل خالد
مريم: لاا ياخي لا تخافينن هو بيفرح كثثيير
سارة: طيبب يمه متحمسه واصلا تاخر الوقت اكيد خالد بيتصل وما كملت جملتها الا وخالد اتصل
سارة رفعت جوالها وهي تراوي مريم وضحكت وقالت: شفتي حافظته اناااا
مريم: يلا رديي
سارة ردت : هلا خالد؟
خالد: يلا انزلي نروح
سارة: طيب جايه
وسكر الجوال وانتظر تحت عشان تجي
مريم: بشويييش على الدررررج
سارة ابتسمت : طيب لا تسوين حركات الامهات
مريم: وااي يا بخت الي بتكونين امممه
سارة: اي والله صادقه
مريم: تصدق نفسها بسرعه وضحكت
———————
خالد وسارة رجعوا البيت وكانوا في غرفتهم قاعدين
سارة كانت مجهزه البوكس الي فيه التحليل وخلته على الطاوله
سارة كانت تطالع في خالد الي كان منسدح
سارة: يووه كم مرة اقولك البس تيشرت بتمررض
خالد ضحك وقال: انتي للحين خليني ياخي ارتاح كذا اكثر
سارة قعدت عنده وهي تضحك وتطالع في عيونه
خالد: شفيك؟
سارة ضحكت اكثر وقال: ليه تضحكيين ابي اضحك انا بعددد
سارة: جبت لك هديهه
خالد استغرب في مناسبه وهو ناسي بس مهما فكر ما كان في شي!
خالد: وين الهديه ؟
سارة مسكت يده وقومته و راحت للبوكس ومسكته وقالت له: افتح البوكس
وكانت سارة ترجف
خالد: شفيه يدك ترجف طيببب؟
سارة وهي متوتره: ولاشيي بس من الحمااس يلا افتحح
خالد انصدم ليه الهديه بس كان فرحان ومسك البوكس ومسك الغطى وفتحهه
وكان فيه اوراق مقطعه صغار صغار ودور تحته ولقى تحليل حمل و استغرب وما استوعب في البدايه و شاف فيه خطين اخذه وهو يقرب التحليل يتاكده منه
ورجع يشوف بعيون سارة الي كانت تبتسم وعيونها تدمع من الفرح.....