🌟الملتزم السادي 🌟
❄هوس السادي بالفاتنة الصغيرة ❄
🔥الجزء 63🔥
♥ والقفطان وصلها لبساتو جاها واعر قادات ليها الكوافورة مكياج خفيف ودارت ليها شدة للشال زوينة وخرجات مشات بحالها خلاتها فبيتها متوترة عند ملاك لي كان كولشي واجد بقا ليهم غير يلبسو كلشي دخل يلبس وهي مشات لبيتها وبدات كتقلب شنو تلبس مموجدا والو تامها ماجابت ليها والو تاسمعات الدقان بتاسمات بفرحة ومشات تتحل الباب وكتخبي فرحتها عارفاه شكون وشنو جايب حلات ولقاتو طارق نيت كيف توقعات هاز قفطان فالزرق ملكي مطروز بحجيرات فضيين تاشال فالون الفضي وطالون تاهو فاللون الفضي وساك ديالو فنفس اللون ضحك ليها وهو مادو ليها:تسحابيني ناسيك تانا ندير كيف دارو خوتي لي سبقوني.
ضحكات وخدودها موردين فرحانة شداتو من عندو وبدات كتشوف معاه:هه زوين شكرا.
دوز يدو على شعرها بحنان:بصحتك يالله دخلي لاتعطلي ودير الواليدة السبة تنكد عليك.
يالله غدخل ومد ليها الطالون تيضحك:اجي لهنا شدي الصباط القصيورة.
شداتو تضحك هو والساك ودخلات وسدات الباب عليها وبدات كتحيد حوايجها بالزربة باغة تلبسو فرحانة بزاف لبساتو جاها لاسق بحالا مفصل عليها دارت الشال وبانت روعة لبسات الصباط وسمعات الهضرة عرفاتهم سالاو خرجات وكلشي تلفت ليها خوتها ضارو بيها كتبان كيشي وريدة واخة مدايرا والو فوجها الى انه طايح عليها السر ضوروها وبداو يحشمو فيها وخالد شدها من يدها وهزها وبدا كيضورها:تباركالله ماشاء الله الله يحفضك ويحجبك من العين.
شدها ايمن تاني:سينيوريتا بغيتي تغطي على العروسة اليوم.
خداها من عندو يونس:نخاف غايضربوك بالعين.
جرها طارق معنقها:شتي هادي راهي لي خلات واليدين عيالاتكم يقبلو بيكم وتانا غدير معايا زوين وغتعجبهم ويقبلو علياههه.
بقاو كيضحكو وملاك طول الوقت غي كضحك حشمانة تانطقات الغالية حاطة يدها فخصرها:غتباتو هنا تلقاو الناس كيتسناو.
وبدات
____________
هاهي غدي تبدة عاود دك العقروشة ديال الغالية
لبنات الحظة الحاسمة فالجزء مر هدا شكون متحمسة
يتبع...
🌟الملتزم السادي 🌟
❄هوس السادي بالفاتنة الصغيرة ❄
🔥الجزء 64🔥
♥ وبدات كتشوف فى ملاك:منين جاك القفطان.
نطق فؤاد لي مل من معاملة الغالية ليها ناسي راسو تاهو لي تايقسح معاها:ياه على منين جاها مالها غتكون صرقاتو رايكون جابو ليها شي حد من خوتها.
الغالية كتشوفيها:امم ومالها ماتلبس لي عندها.
تنهد طارق:زيدو زيدو راتعطلنا.
خرجو وركبو فلوطوات فيهم بعض الهدايا حيت غير غايهضرو ويلبسو الخواتم مادام العرسان مفاهمين تالعرس ويديو الدفوع وداكشي بقاو غادين تابعين طارق لي كان القدام حيت فايت ليه موصلها لدارهم وصلو وملاك جاتها البلاصة مألوفة تاخالد وباه ومو لكن قالو يمكن غي شبه حليهم العساس الباب ودخلو باركاو لوطوات وهبطو جبدو الهدايا لي كانت فاخرة طبعا وضارو متوجهين للباب لي كانو فيه الجدة ومحمد وشمس اما اسامة فخرجاتو نزهة بغات تفقس صفاء زعما باش ميحضرش لخطبتها وتاهو بغا وخرجها واقفين كيتسناوهم بابتسامة من بعد ما خبراتهم الخدامة انهم وصلو قربو ليهم وخرجو عينيهم فبعض من غير يونس وايمن وعيالات الدراري وملاك لي كانت لور تامن طارق عرف محمد بقا شي كايشوف فشي وملاك كتجبد باغا تشوفهم مالهم وقفو تانطقات شمس بابتسامة مقربة ليهم:مرحبا مرحبا.
تقدمات عند الغالية لي باقة مصدومة سلمات عليها عاد فاقت وبادلتها الابتسامة محمد قرب تاهو بدا تيسلم وتيرحب بيهم شمس وصلات لملاك وبقات كتشوفيها بابتسامة وسلمات عليها وبقات حاطة يدها على حنكها هي لي بقات كتشوفيها بابتسامة تاهي جاتها مالوفة تامحمد والجدة فكروها فناس عزو عليها واحد النهار وعاملوها احسن معاملة ولطالما تمنات تلاقاهوم ولو غي تشكرهم على داك النهار نطقات شمس بحنان:لباس ابنتي.
ملاك غي كتشوفيها:الحمدلله اخالتي.
شمس تبسمت ليها باينة معقلتش عليها ودازت كملات التسلام تامحمد سلم عليها وبقا كايشوفيها دخلو وجلسو فالصالون وفؤاد هز راسو
____________________
هانتم هصدمة لأول ديال العائلة بجوج دابة كيف غتكون صدمة ديال عهد وملاك
واش ملاك غدي تعقل عليهم ولالا
🌟الملتزم السادي 🌟
❄هوس السادي بالفاتنة الصغيرة ❄
🔥الجزء 65🔥
♥ فالغالية بحالا تيرسليها رسالة واش عرفتيهم حركات راسها شوية وعرفها عقلات عليهم وحنا راسو تيفكر اول حاجة طاحت فبالو اولا نقولو فبال الغالية وخالد وتاطارق ولي زاد تاكد انه نفسو محمد بات عهد جاتهم فبالهم حاجة وحدة ولي هي تاهوما يقدو يردوهم كيف دارو لعهد فاش طلب يد ملاك نطق محمد فاش شافهم متوترين بحال هكاك عاق بيهم فاش كايفكرو وكلشي ساكت وشاف ففؤاد:ايوة مرحبا بيكم اسيادنا مرة اخرى السي فؤاد مناسبة زوينة لي لاقاتنا تاني.
ملاك هزات فيهم راسها وزادو شكوكها انهم نفسهم هادوك الناس شافت فشمس لي كتبتاسم ليها بحالا كتقوليها اه ابنتي هوما حنا بادلاتها ملاك الابتسامة وحنات عينيها بخجل فور ماتفكرات عهد لي كان فبيتو عاد كيدوش باش يهبط عندهم وكتقول مع بالها اكيد غيكون تزوج تنهدات لي كيهمها هو غير تشكرهم وصافي اما شمس كتشوفيها وحابسة الضحكة كتخايل ردة فعل عهد فاش غيشوفها اكيد غيسخف من جمالها وكيف ولات وعاد الطيبوبة لي باينة على وجهها البريئ.
نطق فؤاد:ترحب بيك الجنة وماليها احم هادو وليداتي وعيالاتهم.محمد شافيهم:متشرفين نورتونا.
بداو كيهضرو محمد حاول ما امكن يطلقهم وبين ليهم انهم ناسيين الماضي بقات هضرة تجبد هضرة تاوصلو للمعقول يالله بداو وعطات ريحة المسك مع العود عاطية ريحة رائعة وكتبث الهدوء والسكينة فالواحد كلشي تلفت لجيهت الدروج فاش سمعو خطواتو من غير ملاك وعيالات خوتها مبغاوش يديرو ضورة الطوبيس حيت كانو عاطيينو بالضهر كان لابس سروال كحل وقميجة بيضة جاي وكيقاد الكمام كيطلعهم شوية بانو الوشام لي فدراعو كمل وهز راسو شاف فالدراري وبالزربة ضور عينيه لفؤاد والغالية لي كانو كيشوفو فيه مصدومين اكيد عرفوه واخا تبدل والنور بان فوجهو وكيبان بعقلو تقالو خطواتو ودقات قلبو تسارعو مباغيش يتيق شنو كيشوف بانو
______________
أيمى لحبيب وجد البصل وريحة وسوارت ولخزامة راه سي سلطان ديال عهد غدي يصخف وجد رسكم عندكم تصخف قبل منو حيث مغدي نعرف شكون نفايق فيكم واش نتما ولا هو 🤣🤣🤣🤣🤣🤣🤣
يتبع
🌟الملتزم السادي 🌟
❄هوس السادي بالفاتنة الصغيرة ❄
🔥الجزء 66🔥
♥ بانو ليه ربعة البنات دايرين الشال جالسين فالفوطوي لي مقابلة معاه عاطيينو بالضهر اكيد ملاكو وحدة منهم بغا يرجع بحالو مبغاش يشوفها كي ولات اكيد غيضعف فحضرة عيونها يالله غيرجع خطوة للور يتراجع لكن كمل مجاتش خصوصا ملي شافوه الناس جاتو حشومة.
تمشى لعندهم خطوة لقدام وخطوة لور وتيسمع باه زعما تيقدمو ليهم:هدا عهد عقلتو عليه ياكو هه واخا تبدل شوية.
عهد وصل وماباغيش يشوف جيهتها هي لي غي سمعات سميتو مقداتش تهز عينيها فيه تقدم سلم عليهم وصدم الغالية وفؤاد فاش باس ليهم راسهم احتراما لكبر سنهم مشا جلس حدا باه وباقي مشاف جيهتها كاع وكل تسرسط بالعرق بحالا هو لي جاين يخطبوه محمد بدا الهضرة باش يكملو فالمعقول وهنا عهد بدا كيشوف فطارق بان ليه معقول شاف فخالد لقاه كيشوفيه ابتاسمو لبعضهم وخالد كيشير ليه بعينيه لجيهة ملاك باش يشوفها يسحابو معرفهاش عهد بدا غي كيرمش ضور راسو بشوية لجيهة ديك الفوطوي دوز عينيه بالزربة على البنات واستقرت عينيه عليها صغيورة وحانية راسها وحنيكاتها حمرين دغيا زاح عينو عليها مصبر نفسو بكلمة وحدة انه ماشي من حقو يشوف فيها دواز يدو على وجهو مقدرش ميشوفش فيها وضور عينو كيسقي عيونو منها بقا ساهي فيها كل تفصيلة فيها وشحال من حاجة تبدلت فيها تنهد فاش هبط عينو لجسمها لي بانو معالم الانوثة فيه دغيا حيد عينيه من بعد ما نغزو باه بلا مايعيق حيت بان ليه كون زاد شوية كون ناض كلاها بلا مديغ ودخل تاهو معاهم فالحوار كايحاول يتلف عينو متمشيش ليها تاني وشمس غي حاضياه اما ملاك غي كتسمع فصوتو وكتخايلو كيف غيكون ولا.
قاطع تفكيرها صوت محمد:احم بنتي ملاك غنعدبك معايا.
هزات فيه راسها بلاما تشوف فعهد لي تنهد بصوت مسموع وشافيها بحال شي سكران تاعفط عليه محمد.
ملاك:نعام اعمي.
محمد بابتسامة مخبي تغيديدتو على التأمل لحدهاه وهدر:وخة طلعي عند صفاء تهبطها
هي درت بقت كاتشوف فبها ومها حث حرك. راسو فؤاد بمعنا اه
وقالت:واخة أعمي
________________
وعندكم تصخف كيف جتكم صدمة ديال عهد ههه كون صاب يخطفها دابة ويهرب بيها
يتبع...