🌟الملتزم السادي 🌟
❄هوس السادي بالفاتنة الصغيرة ❄
🔥الجزء 55🔥
♥ قد عهد تقابلو وتاواحد فيهم ماحامل لاخور لاكن كيشوفو فبعضهم بإبتسامة صفرة واحد باغي فيه مصلاحتو باش يعاود يطلع فعالم المافيا ولاخر غي مسايسو تايدير مابغا وينتاقم لختو والبوص لي كان دايرو بحال ولدو وكان كاتب ليه كلشي من بعدما مات تسالمو ونطق خوسي بالاسبانية باش زعما يفهمو جايمس غافل انه كيعرف للبرتغالية لي هي الغة باش كيدويو البرازيل:جايمس نتمنى تكون هاد الصفقة مربحة لينا بجوج وننساو الماضي وكون اكيد اننا لاعاودنا درنا اليد فاليد غنرجعو حنا اللولين فعالم المافيات.
البوص زادت ابتسامتو لكن مستفزة:مافيتي من الاوائل بيك ولا بلا بيك.
خوسي زير على يدو وولدو لي وراه محملش ديك الهضرة والشوفة لي كيشوف فباه مد يدو غيجبد سلاحو تاسمع جايمس دوا بالبرتغالية:نتمنى متسرعش كيف درت انا هادي تناش العام حيت كنضن.
وضار شاف فرجالو ورجالهم لي كانو قلال وشاف بعيد فالبحر وابتسم:ماشي فصالحكم انكم تغدروني.
خوسي ضار شاف فولدو مخنزر تارد يدو قدامو وحايدها من فوق السلاح وهبط راسو تيغزز سنانو ونطق خوسي:طايش مديش عليه ندويو فالاهم.
البوص:تانا كنت طايش فداك الوقت مالك مديتيش عليا وعطيتيني ختي.
خوسي كايحاول مايشوفش فعينيه:لحظة غضب وصافي دابا لي فات مات ومادامك قبلتي وجيتي لهنا الا ونيت باغي الصلح.
البوص:اوك جيب السلاح علاش تافقنا.
خوسي بانت على وجهو ابتسامة عريضة وشير لرجالو يجيبو السلعة مدوها ليه وجاو رجال جايمس كايقلبوها وشافو فالبوص بمعنى داكشي هوا هداك خوسي شافيه :هانتا ملي تأكدتي يالله خلص.
سكت فاش بدا كيسمع صوت الهيليكوبتر جايا من ورا البوص لي بتاسم وشير لرجالو:متخافش غنخلصك وتالهيلي لي جاية ديالي فيها هدية خاصة ليك.
الرجال مشاو جبدو بزاف ديال البنات من اللوطوات وقفوهم.
خوسي خرج عينيه تاواحد مبقا كيبغي يشري
__________________
زعمة مغدي يوقع والو فهد المقابلة لي بنتهم
واش لي جاي هو عهد وبنت خوسي
يتبع....
🌟الملتزم السادي 🌟
❄هوس السادي بالفاتنة الصغيرة ❄
🔥الجزء 56🔥
♥ يشري البنات من عندو حيت كيبيعهم كيكون داير ليهم الايدز وطبعا هادشي عارفو جايمس:هاهو خلاصك وباقي جاية وحدة غتجيب ليك ثروة انا متاكد.
حبسات الهيلي بعيد مي بقات خدامة باش تقلع فاي لحضة هبطو منها عهد وكارد هاز البنت لي غي شافها خوسي وولدو خخرجو عينيهم:اناستازيا.
ولد خوسي جبد سلاحو ووجهو ليهم رجالو فاش شافوهم تاهوما هزو سلاحهم وتاعهد ورجال البوص جبدو أسلاحاتهم ونطق خوسي وهو معصب:شهادشي طلقوها شباغين عندها.
جايمس قرب وبدا كيلعب ليها فشعرها كيستفزو:امم زويونة بزاف مكانش كيسحابلي والد هاد الجمال كلو.
خوسي مخرج عينيه:طلقها ونعطيك لي بغيتي.
جايمس مكيشوفش فيه كيشوف فاناستازية لي باينة مخلوعة وتفكر ختو:تأنا واحد النهار طلبتك نعطيك روحي مقابلها ومبغيتيش.
خوسي بخوف:كنترجاك عطيني بنتي رامشلولة من رجليها عاجزة مغتربح منها والو.
جايمس بضحكة:ههه لا غيستافدو منها رجالي نيت مغتقاومهمش وتخليهم يمارسو على راحتهم.
عهد شافيه وشاف فيها بقات فيه ميسحابوش غيطيح لهد المستوى خوسي لي نطق برعب:لا عفاك بعد منها مضيعهاش غتموت مافيهاش الشك.
البوص شاف من وراه فالبحر ونطق بالزربة وهو غادي للهيليكوبتر:تانا ختي ماتت.
وضار شافيه:ماشي من تربيتي نستقوى على الضعيف خصوصا لكانت انثى.
الكارد لي كان هازها حطها فالارض وكلشي نساحب تامن البنات لي كانو اصلا معاهم من المافيا ديال جايمس غادين للوطوات بالزربة مي حاضيين معاهم ليتيريو وخداو تالسلاح خوسي نطق لولدو:ماثيو هز ختك خلينا نمشيو.
ماثيو مشا هز ختو ويالله ضايرين تابانو ليهم باخرات عامرين بالبوليس ديال البرازيل وكولومبيا ضار مخرج عينيه فالبوص لي كان راكب وحداه عهد ضحك ليه بانتصار وسد الباب وحلقات الهيلي مبعدا وتالوطوات ديال رجالو ديماراو غادين بالزربة ليتشدو تاهوما خوسي ملقا ميدير وضار عند
____________
لبنات ركز ليا على هد أنستازية حيث مزال حث هي عندها داور مهم فالقصة
فنظركم شكون لي بلاغ البوليس واش
واش عهد هنا غدي تكون نهاية
يتبع.....
🌟الملتزم السادي 🌟
❄هوس السادي بالفاتنة الصغيرة ❄
🔥الجزء 57🔥
♥ ضار عند ولدو وشاف فالميناء
_خوسي:سير تخبا نتا واختك سربي مخصكومش تشدو تانتوما.
(ماثيو يالله غيهضر حبسو وهو كيدفعو)
_خوسي:سربي راغايشوفوكم سربي بقا نتا حر باش تنتاقم ليا منهم.
ماثيو زير على ختو ومشا تيجري تخبا من مور واحد الصنادق وبقا غادي مخبي تاخرج من الميناء وتخبا وجبد التيلي تيصوني لرجال لي بقاو فالبرازيل يجيو ليه من بعد ناض وكمل طريقو مباعد ما أمكن من الميناء لي كانو الشرطة طوقو البلاصة ولقاو القبض عليهم كلهم وملقاو كيديرو يتبعو البوص وعهد ورجالو حيت مفخبارهمش راهو نيت لي بلغ بالصفقة وفين غتكون الشرطة البرازيلية هزوهم فالباطويات مرجعينهم البرازيل فين غايتحاكمو ولوخرين مشاو زعما يتبعو البوص لي كانو فهاد اللحضة بعدو بزاف البوص ضار تيضحك عند عهد:هههه هحنا تهنينا منهم.
عهد تيرمش بشوية وشافيه تينهج:اه بغيت نطلبك عفاك.
جايمس تخلع عليه خصوصا فاش شاف الطبيب قرب وحليه القبية وبانت الفاصمة محلولة بسبب الدم لي خارج وقرب لعندو خايف:عهد مالك شنو وقع ليك.
ضار شاف فالطبيب:مالو شنطرا.
الطبيب متيشوفش فيه تيزرب يحبس ليه النزيف:لي فخباري تضرب فاش كانو غيجيبو بنت خوسي.
عهد شد فالبوص باش يشوفيه مبقاش عندو الجهد باش يرفع صوتو ضار شافيه وشد يدو عندو مزير عليها:لبي ليا طلبي عفاك.
البوص بخوف عارفو شغيقول:سكت عفك و رتاح ماشي وقت الطلبات.
عهد غمض عينيه بالم تيحس بروحو غتزهق:اينجل اوف لايت لاطرات ليا شي حاجة امانة فرقبتك لاشفتي واليديها تماداو ومتبدلوش معاها لو اضطريتي تخطفها وجيبها عندك خليها تعيش حياتها وتحقق احلامها وداتها دير داكشي لي تمنيت ندير ليها فاش نجيبها تحت جناحي عفاك كنترجاك.
البوص زاد زير على يدو مقاطعو ومخرج فيه عينيه لي بداو كيغرغرو:لا مغيطرا ليك والو وغتعيش وغتعيشها كيف بغيتي بيديك سكت دابا ورتاح.عهد غمض عينو وترخى
________________
🌟الملتزم السادي 🌟
❄هوس السادي بالفاتنة الصغيرة ❄
🔥الجزء 58🔥
♥ عهد مجاوبوش وغمض عينيه مستسلم لقدرو فاقد الوعي البوص شافو هكاك وضار بدا تايغوت على الطبيب لي خبرو بلي غي فقد الوعي وخبر البيلوت باش يزرب وصلو للمنطقة ديالو ودخلوه بسرعة للمتسشفى الصغيرة لي كانت مجهزة بجميع الالات وفيها خمس اطباء ماهرين كانو موجدين كلشي حيت خبروهم بحالت عهد دخلوه بالجرى لقاو الرصاصة قربات لجيهة القلب الشي ليزاد وترهم من بعد ساعات ديال العناء نجحات العملية سدو ليه الجرح وخرجو حمرين تايمسحو العرق لقاو جايمس تيمشي ويجي والون ماشي منو وقفو عليه وخبروه بلي نجحات العملية عاد تنفس بغا يدخل يشوفو ومخلاوهش بحكم انه باقي تحت تاثير البنج وخاصهم يتسناوه تايشوفو واش كاينين شي مضاعفات لي يقدو ياثرو عليه من بعد فحياتو اليومية(تسريع الاحداث باش نرجعو للحاضر نتمنى تكونو فهمتو القصة فين غادة وأي غموض باقي معرفتوه او تساؤل غيكون عندو تفسير من بعد فالحاضر
جيهان ونهيلة ومريم وفاتي دابة بقت ليا على خاطركم هاني مقتلتش ليكم يالله وحد تزغريتة ههههه)دازو ايام عهد رجعات ليه حيويتو ولا احسن من الأول وخبرو البوص بلي تكلف بملفو وهضر مع اعضاء المافيا باش تاهوما ينساوه هادشي معروف عليهم ولكن لي تجرأ وخالف القانون ولي هو انه يحاول يفشي بيهم غيكون مصيرو الموت بمعنى كيف غينساوه تاهو خصو يدير المثل وينساهم بحالا عمرهم كانو ودع البوص لي مكانش ساخي بيه حيت غتقطع العلاقة بيناتهم بطلب من عهد مبغا تاحاجة تفكرو فالمافيا وما يجي منها ورجع للمغرب وحقق طلب باه انه يشد الرئاسة ولكن قبل كان خاصو يمشي لواحد الرحلة كانو دايرينها مجموعة من الدكاترة العلماء المسلمين للفضاء يشوفو عضمة الخالق وطبعا من بعدما دفع ثروة عاد قدر انه يشد بلاصة معاهم وتما شاف بزاف ديال الحوايج وتعلم منهم بزاف تاع الحاجات على الدين والدنيا لدرجة شاف الموت بعينيه فالمركبة لي كانت غتخرج فنيزك وعرف وحس بانه شحال تافه فهاد الدنيا فاش رجع
________€__________
ههه شفت سيد راه الموت ممفكاش معاه طلع حث الفضاء وكان غدي يدخل فيه نايزك
لبنات كيف جاتكم هد الخطوة لي دار
⚠️واش صافي هنا كانت نهاية ديال مع المافيا ولا مزالة غدي يرجع يدخل ليها
زعمة صافي مغديش يرجع يتلقى البوص
يتبع