بعد 3 ساعات ....
غرفة لامار ...
كتمشي وتجي كانو حيدو ليها سيروم غير لصقة رقيقة فيديها حاطة شالها على كتافها وكترد فشعرها لور كلها توتر وهوما كاع معاها تما ..
قسم : ااماما .. اماما يهديييييك الله جلسي .... قلنا ليك راه خرجوه لشومبر وقالو خااصو الراااحة ... واااصاااافي
لامار : ( شافت فقسم ) واش عرفتي فوقاش خرجوه ؟ واش انا كبدتي غتبقى كتشوا .. باباك مبغاش يعطيني تا الشومبر لي داوه ليها واش نوض دابا نقلب بيت ببيت ...
قدس : وراه بابا مبغاش يعيط لينا كاملين باش جود يرتاح ... وصافي كون كانت شي حاجة خايبة واش غيخبيها بابا علينا
اريج : واشوفي بناتك كيف كيرغبو فيك .. جلسي شوية راه مغايكون غالخير ...
رقيو : وفااااطمزهرا ... والله يرضي على بنتي لا طلعيش ليا السكار كثر ما هو طالع ... جا الراااجل تالعندك وقالليك الولد فاق ووراه بيخير تمشى على رجليه ودابا خااصو يرتاح
لامار : ( كتمشي وتجي وضور فراسها ) لا لا لا .... ميمكنش ... شي حاجة تما .. كيفاش انا ولدي فاق وتمشى على رجليه ... وسمعتو وسيم قالك على رجليه مشا لشووومبر ... ومزاال كيقوليا اسد راه خاصو يرتاح ؟ لا لا هدا ولدي لي مبغاااش يشوفني مااااعندكم ماااتقولو ليا ( تغنغن صوتها بالكا ) جود كايسول على ماماه هي للولا ... واش انا توريوني فولدي
قسم : ( تنهدات وناضت عندها شداتها ) ماما ديري عقلك .... واش بنا ليك حنا طلعنا شفناه ونت لا ؟ .... واش جود محاملش يشوفنا كاملين ... ؟؟؟؟ واش فنننظررررك نت .... لي كتعرفي بابا كثر منا حنا كاملين ... جود ييقدر يقوليه مبغيتش نشوف لامار ؟ يقددر يقولها بعدا لبابا .. راه غايردو الانعاش داك ساعة ...... ديري عقلك وخرجي الوسواس ... كلللنا باغين نشوفو جود ... ولكن صحتو اهم مدام الاطباء قالو يرتاح .. اذن بصح خاصو يرتاح .. وصاااافي خلاص
لامار والو قلبها مبغاش يتهنى ليها بمررررة ... ورتاج واريج وحياة غير كيهدنو واخا هوما كتر منها بالهم كولو مع ولادهم لي غبرو .... تاتحلات الباب ولامار ضارت بزربة كان فيصل ... لي ضور عينيه على شومبر وشاف فيها
فيصل : مرات عمي ... شوية ؟
لامار : ( بتنهيدة واسى ) الحمد الله .. الحمد الله
فيصل : ( شاف فرتاج ) ماما فين لوؤي !
رتاج : اولدي راك شفتيني نهار كامل وانا كنقلب ... واش انا لوؤي كايقول ليا فين غادي
فيصل : بابا مصيييفطني كيقول سير جيب ليا لوؤي .. فييين غنلقاه انا ! كنصوني عليه تيليفونو طافي .. تادراري طافيين تيليفونهم ....
قسم : راه غيكون غير فشي بلاصة .. التيليفونات راكم شفتوهم من البارح هوما هنا فين غيلحقو يشارجيو غيكونو طفاو ..
فيصل : كاين واحد الحاجة سميتها باور بانك ... وراه عندهم كاملين فجيابهم ... وكاين طموبيل وكاين هنا شارجورات .. مالنا حنا شاعلين تيليفوناتنا ... مال بنادم متيفكرش ان لي فينا هنا كاااافينا .....
قسم : معرفتش افيصل .... راه بحالنا بحالك
رقية : غبرو دقة وحدة كي المشاش نهار العيد .. مكاينينش مع عمك لفوق ؟
فيصل : لا .. يلاه جيت من تما
لامار : مزال مافاااق اولدي ؟؟؟؟
فيصل : نو .. نعسوه ... تا عمي اسد راه علا برا مكاينش معاه .... قالك ضروري يرتاح باش يحيد منو الحريق ..
لامار : ( كتمسح دموعها ) الله على وووولدي الله ....
فيصل : ماديريش فبالك ان شاء الله يولي صافا ... ( تنهد وشاف فرتاج ) انا غنمشي نشوف انس ونمشي نقلب على لوؤي ... الواليد كاسيفط فيا بحالا انا كنعرفو قين كايمشي ....فين غانقلب انا دابا
رتاج : وغااساعف اوليدي راك كاتشوف دابا حالة باباك قول ليه غير آه ودير ليه الخاطر سير ليكافي لي كايكلسو فيهم ولا لكلوب و لا شوف فلوطيل حتى تلقاه ...
خلاهم وسد الباب خرج ... وقدس غير كترمش ورجعات حلات تيلي كتشوف ميساجها لي باقي بشرطة وحدة وعاضة على شفتها .... اما لامار ماقادة تفكر فوالو اخر من غير جود ... وحياة ناضت عند رتاج لي واقفة فسرجم ووقفات حداها كيهضرو بيناتهم
حياة : رتاااج .... تامروان شفتو غبر .. عنداك داك المساخط يكونو شدوه فشي قنت ... هاد الغبرة راه دخلات ليا التناوي سلطان ماموالفش يطفي عليا تيليفون
رتاج : اوووودي غير خليها على الله قلبي غيخرج من بلاصتو ومباغاش نزيد على لامار .... ( رجعات كتشوف مدة من الشرجم كتفكر وشافت فحياة ) لالا ميقربوش لمروان واخا هاكاك يحشمو على وجه مرت عمهم وجداتهم .. لا لا ميقربوش ليه
حياة : هاهوا تا اياد لي كان يدوز يدوز ويطل هاهو غبر ليه الاثر .... عنداك آ الصكعة يكونو كيديرو شي كارثة
رتاج : وهوما كيشوفونا غاارقين يزيدونا ؟ لوؤي راه شي نههار غيسكت داك القلب لباه ويتبعني ليه ويتهنى
حياة : اودي دابا نلبدوها ونسكتو تانشوفو واش غيبانو ملي يفيق جود ...غبرتهم ماعجبتنييش
رتاج : سولي سفيان عليه
حياة : تسسطييتي ؟ راه يحلى عدنااان ولا سفيان لا قلت ليه سلطان طفا تيليفون وغبر .. يقلب عليا الدنيا راه مموالفاش يدير لينا هاكا .... عارف باه ملي كينوض مكيحنش بحال عدنان ... قبيلة سولني عليه قلت ليه راه عاد كان هنا .. خفت نقوليه غبر ... دبازو مكنقد عليه راك عارفة لي كاين ... راه يقطع عليا الما والضو انا وياه ....
رتاج : اووودي راه كتجي غا فينا حنا ....
لفوق ...
اسد كيماصي فعنقووو بالعيا وقلة النعاس كيمشي ويجي ووسيم متكي على الحيط مربع يدو حدا باب الشومبر دجود لي كل مرة يطل عليه واش فاق وعدنان جالس على الكرسي هو ويونس و سفيان وزياد بعاد وسفيان كيهضر فتيليفون وقطع وشاف فزياد ...
سفيان : قاليك خارج كونجي ...
زياد : على هاد الكونجي ديالو هو مزال مسالاش .. ياك رجع فحالو ..
سفيان : وغتلقاه واخا رجع مزال مابدا الخدمة .. قال ليهم فالكلينيك باقي كونجي ...
زياد : ( شاف موراه كيحك فجبهتو كيقلب بعينيه فالفراغ على شي فكرة .. ورجع شاف فسفيان ) دابا تا من مروان لي عارفو فين ساكن بضبط راه جا و غبر .... هو لي غيعطيك لادغيس فين ساكن انا راه ماعندي منين نعرف ..
سفيان : اسد مابغاش يدخل مروان فهادشي ... مابغى لدخل تاحد ...( كيماصي جبهتو ) ففففففف
زياد : راه الرجال دابا يلقاوه فين مكان ديلمو ... راهم عارفين خدمتهم .. دابا يطلعوه ....
سفيان: واها راها باينة غا اسد باغي هادشي بأسرع طريقة قبل مايبرا جود غايبغي يمشي ليه هو ....بغا عمك يقضي لغراض دغيا نايجي قين يسول عليه تايكون تسد الموضوع ....
زياد : علاش ماعلمتوش البروتوكول مافهمتش؟
سفيان : واش منيتك ازياد ! منين غايفتحو التحقيق معاه راه غيجبد الدراري ... راه تعداو عليه .. هاديك القتلة راه تلقاه دار عليها شهادة طبية .. فين غنوليو !!!
زياد : ولكن سمح ليا .. اش دار هو راه كتر من اش دارو هوما ....
سفيان : واخا هاكاك مغايفلتوش منها ... ميمكنش يخليو الدراري ميعاقبوهمش ضروري غاتجي شي حاجة ضدهم ونتا عارف البروتوكول شحال صارم فهاد التخربيق ....
زياد : ودابا هادشي لي غانديروه بتخبييية عليهم ! غيدوز على خير !!!!!
سفيان : مكاين لي غايخرج خبارنا ...
زياد : والسلاح ؟
سفيان : ماعندنا مانديرو بيه
زياد : الكارد كيحتاجوه .. هاد خينا هدا لي عارف راسو اش داير وبان فالواجهة ماشي تخبى .. يعني داكشي لي كتب باااان راه حسام .. غيخلي راسو بلا حراسة ! الكارد الا خدمو سلاحهم راه غينقص الرصاص .... اشنو غنقولو للبروتوكول ضربوه فالهوا ! كلاوه !
سفيان : ( كيماصي فجبهتو ) اشمن حراسة حتى نتا .... راه سيد غا طبييب ماشي كيبيع الحشيش ....
زياد : خاصكم ديرو الحساب لكولشي ...
سفيان : الكااردد راه قادر يدير خدمتو بلا ميحتاج السلاح ....
زياد : والا جابوه لهنا ... عمي اسد يخليه حي زعما !
سفيان : وحنا علاش كتشوفنا هنا حدا جناااابو .. راه غاباش نديرو ليه عقلو خايفين يدير شي حاجة .. ( كيشوف فيه كيمشي ويجي ) راه دابا ملهي مع ضضضضضض ولدو .... بلاتي يخرج من هنا غيقلب علينا الدنيا ...
زياد : وراه اصاحبي انا ونكون .. واش عرفتي شنو هي تقاس مرتك ! وشكون لي جبدها ؟ .. برهوووش .... راه عمي اسد صبااار بالله حتى صباررر
سفيان : بسيف عليه يصبر حيت هادشي ماخصووش التهور .. خاصنا دقة دقة باش مدارش شي حاجة ندمو عليها ....
زياد : ( تنهد داير يدو فجيابو ) بروتوكول دالحبس .... كنتو مهنييين ارا اش غنديرو نجبدو علينا تمارة ... تايطلبو منك تكوووون ملااااك الرحمان .....
سفيان : كون ماشي داك البروتوكول لي فكر فيه اسد .... كون اولادي نتا راك فشي غوانتانامو .... و وولدي يكون فشي جااامع كيعاودو ليه الشهادة على داك خمسين روح لي طيح .... بلا منهضرو على لوخرين ... راه مكاين لي رادعكم قد البروتوكول .... اسد را فكر فالبعيد .. فكر فنهار لي توقع شي مصييبة منكونوش فيها مع ولادنا يلقاو بروتوكول كاين جامع رزقهم وعارف يگيديهم ....
زياد : ( جبد التيليقون ) اودي الله يسسسلكها .... ( كيكتب ميساج وسفيان حس بيه )
سفيان : سير طل على بنتك شوفها كيبقات واش هي غاتبقى غير كتصورها ليك
زياد : غايفيق وغانمشي .. راه عندي راس هنا وراس لهيه .... ( باقي كيكتب وكيهضر ) خاصني غير نفكرها بدوا ديالها باش متنساهش ليها ..
سفيان : الله يشافيها .... ( كيصوني تاهو فتيليفون ورجع دارو قدامو ) مال هذا طافي تيليفونو
زياد : ( طلع عينيه فيه ) سلطان !
سفيان : وايه .. من قبيلة !
زياد : راه ماشي غا هو ..... تا لوؤي .. وخويا هاهو طفاه دابا ....
سفيان : ( علا حاجبو ) وايلي !!!!!!
زياد : وايييه ( رد تيليفون لجيبو لور وشاف فيه ) عمي عدنان راه صيفط فيصل يقلب على لؤوي فين مشا ...
سفيان بقى غير كيرمش ومشا كيصوني فتيليفون للفيلا واش يكون جا لدار ....
بعد سفيان كيهضر وزياد تنهد وزاد حدا باه ووقف كايعلي فكمام الشوميز على دراعو ويحك فشعرو بعياااء وكترة الهموم ... تابان ليه اسد جا عندو الطبيب كيهضرو وحلو الباب دخلو بجوج لشومبر ....
عند اسد ...
دخل هو والدكتور ووقفو حدا جود لي باقي ناعس
اسد : واش نفيقو انا ؟ ياكل غير شي حاجة
دكتور : من الاحسن خليه يفيق راسو .. غير كثرو ليه لادوز نعس بزاف
اسد : وغيببقى هاكا تاني ! .... اخر مرة ضربو شي حاجة .... خليوه نهدنوه راسنا
دكتور : كانت الحالة شوية صصصعيبة على نتسناو تايتهدن راسو اسي اسد ... ( هز الملف ديالو كيقرا فيه ورجع حطو عند راسو ) خليه يفيق بشوية عليه ... وغيدخلو ليه ياكل .... وغيولي حسن .. حاولو ملي تكونو معاه بدلو ليه المواضيع لاكان كيفكر فشي حاجة كتعصبو وهضرو معاه على حوايج كيفرحوه .. قرارات كيخصو حياتو .. يعني موااضيع مهمة يقدر يفكر فيها ..... ( اسد كيشوف فجود وكيحرك راسو بالايجاب ) يالاه اسي اسد ... كترو من الصبر وكترو من التفاؤل .... انا غنخلي ليكم الراحة .. ملي يفيق غانجي نشوفو ...
خرج الدكتور هو يوقف عندو عدنان ثاني كيهضر معاه اما اسد غير تنهد وجر الكرسي حداه كايشوف فيه .. عينيه تنفخو بقلة النعاس تحتهم زراق شعرو مرون والشوميز لي لابس معلي ليها كمامها تالمرفق وصدافها محلولين ملفوق شاداها غير سمطة دسروالو مربع يدييه وكل ما تنهد درعانو كيتنننفخوووو والساعة لي فمعصمو كتزيد تزير عليه وهو عينيه غير على ولدو ..... تابدا يصوني ليه تيليفون ... شاف نمرة وناض بعد شوية عليهم
اسد : اهاه ! .... متأكدين ! .... داكوغ ...قول ليهم يقلبو ليا عليه فينما كان .. يعطيوه تيليفون .... لا .. خليو عليا لاخور دابا ... يقلبو ليا على هدا دابا ... ويعطيوه تليفون نهضر معاه .... شكيب سمع ليا اش كنقوليييك دابا .... واش انا غنحيير فيه لابغيت الحرب ! .... را ماخصنيش الكارد يهزو السلاح .. قلبو ليا عليه ... انا لي غنهضر معاه ... انا اشكييييب .. انا ... .... دوزو لبيرو شدو لبوزيسيون ودوزو ليا .... شكيب .. واخا تكون جوح دليل .... تتعرف جوج دليل ! ... غيدوزوه ليا ....خليو دابا هاد حسام على جنب ... قولهم يقلبو ليا على هاد خينا هو اللول ......
قطع تيليفون ورجع مشا حدا ولدو تاحل الباب وسيم دخل عندو بصمت كيشووف فحود وزير على كتف باه ومشى ووقف حدا الزاج دسرجم ... كل مرة يطل على ساعتو كايتسناوه يفيق
وسيم : هبطت شفت ماما .. مستريسيا بزاف ....
اسد : ( كيشوف فوسيم ) سير طلعها اولدي سير ...
وسيم حرك راسو بداكوغ ومشا نزل عندها للشومبر حل الباب ودخل
وسيم : ماما .. قاليك بابا طلعي
لامار : ( موسعة عينيها ) فاااااق !!!
وسيم : مزال .. ولكن طلعي باش يهدا بالك ومتبقايش هاكا
لامار الفرحة والبكا تخلطو عليها وكولهم وقفو معاها تبعووها تفرقو على تلاتة دالسانسوورات تاوصلو لطابق فين جود ودخلو جناحهم لقاو رجال تما ورتاج مشات عند عدنان شدات على كتفو
رتاج : حبيبي وجهك صفار ؟
عدنان : صافا ... اجي جلسي حدايا ...
كلسات حداه وعنقها لجنبو واريج تاهي مشات بجهة يونس لي شد يديها كلسها حداه .... وحياة مشات عند سفيان فين واقف لي كايهضر غير على ولدو فين نشى زهي كتهدنو ... واابنات كلسو على لكراسى مع رقية .... ووسيم مدخل لامار بشوية للشومبر لي دموعها سالو ثاني ...
اسد غير شاف لامار داخلة وقف وحط صبعو فوق شفتو
اسد : ششششش ....
وسيم غير دخلها وخرج واسد شدها وعنقها لجنبو وهي بقات كتشوف فجود وتشهق بببشوية باش متفيقوش واسد كيدوز يدو على شعرها
اسد : ها علاش مبغيتكش طلعي .. بلا بكا .....
لامار : ( كتمسح دموعها ) واش كان فيه الحريق بزاف ا اسد
اسد : سي حرقو راسو شوية داكشي باش نعسوه .. اجي احبيبتي جلسي اجي .... غاااتقتلي راسك ونت واقفة .... ( بابتسامة عيانة ) لمن غاااتخلينا .....
لامار : ( جلسها على الكرسي وهي عينيها غير على جود ووجها حمر بالبكا ) انا غير بكونو ولادي بييييخير مكاينش لي غاقتلني قدهم ..... كبدتي كاااتحرق ااسد
اسد : وصااااافي واش هادي هضرة !! مالو اش واقع ليه .. هاهو بيخر شوية تلقايه فاق .. دعي مع ولدك بلا هاد الهضرة اخاوية
لامار : ( كتمسح دموعها وتشمر ) يااااربي تشافيه ياربي
تنهد ومشا لفوتوي وجلس عين عليه وعين على لامار .. راسو كيحسو سخووون عليه ... وفيه واحد الجنون ديال يشد حسام بين يديه يجيفو تايخرجو عينيه يلاه يبرد ليه هادشي لي دار فعائلتو .... ولكن حاس براسو مقيد بالبروتوكول ومباغيش يخلي مجال الغلط ويجيبو غير بشوية وبلا تهور ....
على برا
بيلي كتمشي وتجي ومشات عند قسم
بيلي : قسم .. يلاه دخلي معايا حشمت ندخل على عمي اسد وخالتي لامار ... يلاه عافاك بغيت نكون معاه ملي يفيق ....
قسم : داكوغ .... صبري بعدا ( بيلي كانت داخلة ورجعات ضارت عندها )
بيلي : شنو ؟
قسم : ( جبدات خاتمو وبراسلي ديالو لي حيدو ليه ) هادو حيدوهم فلومبيلونص .. نتي لي ركبتيهم ليه ... تا تعاودي لبسيهم ليه
بيلي نزلو عينيها ليديها ودموع تاني تجمعو فعينيها وهزات يديها بشوية هزاتهم عليها كتشوف فيهم تاقطرات الدمعة على كفها فوق من الخاتم وقسم عنقاتها عندها وكتهمس فوذنيها
قسم : بيلي .... جود سعادتو بين يديك احبيبتي .. سعديه راه والله الا يستاهل .... مرضو كيستنزف منو كاع الحوايج الزوينيييين ....
بيلسان : ( مزيرة على يدييها لي فيها الخاتم والبراسلي وكتحرك راسها بواخا ) متخافيش .....
جابتها قدامها وقسم تاني خشات يديها فجيبها جبدات ساعتو وتيليفونو
بيلسان : عطيه تاهاداو ...
شداتهم عليها ودارتهم فجيبها وقسم دقات دقة خفيفة تاسمعات اذن باباها ودخلو هي وبيلي ورقية كتشوف فيهم
رقية : نووضووو ندخلو نشوفو الولد .... ها قسم دخلات ....
اريج : وتايفيق على الاقل
رقية : ( ناضت بشوية شادة على ركابيها تاوقفات ) جلسو لابغيتو تجلسو انا راه توحشت وليدي
خلاتهم وزادت للباب واريج شافت فرتاج لي قرييبة ليها وتبعوها ....
قسم دخلات مشات لفوتوي جيهة باباها وبيلي قربات لسرير عند جود وشدات يدو ... وشافت عند اسد
بيلي : ( بالهمس حيت ناعس ) واش مزال فين يفيق
اسد : شوية ويفيق ابنتي ..
بيلي : ( شافت فلامار لي باقي واضح الاسى على ملامحها ) خالتو .... تفائلي شوية عافاك ... على الاقل يفيق يلقاك مبتسمة فرحي على الاقل لي الحمد الله فاق بلا خسائر .. وغنساو هادشي .. عافاك ...
لاماروحركات ليها غير راسها بآه كتنهد تاتحلات الباب واسد قلب عينو كيتسنى شكون يبان حيت بين الباب وجناح جود كاين كولوار طويل فيه طواليط ودوش وخزانة وبالكونة صغيرة ...تابانت لاسد رقية لي داخلة وناض باش تجلس بلاصتو وكانت اريج ورتاج موراها
رقية : ( كاتشوف فيه ناعس ) حبيييب ديالي .... المحاااين غا على راسك نااازليين ... غا على رااااااسك ياولدي من صغرك
رتاج : ( بالهمس ) ماما الحاجة ... بلا منصدعوووه غانفيقوه ... هضري بشوية
اسد تنهد وتبسم ليهم بمعنى خودو راحتكم وخرج من الشومبر .... من حقهم تاهوما يدوزو معاه وقيتة واخا عارفو باقي عيييان ولكن عارف كتر ان جود عزيزة عليه عائلتو غيفرح لافاق وشافهم .... وخرج هوما يبانوليه خوتو واقفين شادين قهاوي فيديهم و كل واحد شاد تيليفون وحياة حياتو براسها ودخلات لشومبر تاهي وهو ضور عينو مع الكلوار وشاف فيهم ....
اسد : الدراري فين هوما ؟
سفيان : دراري طفاو تيليفونات ودارو لينا كانو هنا .....
اسد : ( علا حاجبو ) شكون كاع !
سفيان : كلهم ... .بقى شي واحد ! واحد لي بقا راهو معلق سيروم لداخل ....
اسد : ( علا راسو الفوق كيسوط حاس براسو غيطرطق وشاف فيهم ) فين مروان ؟ غايمشيو يديرو شي كارثة .....
سفيان : يلاع مشا زياد يقلب تاحنا فكرنا خفنا يكون شدوه فشي قنت .. .. هاد الغبرة ماعجبتنيش .. معمرو سلطان طفى عليا تيلفيون هادو كيديرو شي موووصيبة تاني ...
اسد شاف لجنب تيتفكر لوؤي فاش عطاه الورقة وكان سلطان معاه فطموبيل وتيقوليه غنمشيو نبدلو ؟ وهوما راكبين فطموبيل وحدة يعني شادين طريق وحدة ماشي كل واحد غايمشي لدارو .... وهو يشد على جبببهتووو مغمض عينيه حيت راسو تبرررزط وتعمر لدرجة ماقدرش يرد البال لكاع لهاد التفاااصيل وان الدرااري مستحيل يكلسو لرض فحاجة بحال هادي .. ولكت كان قال موحال يمشيو وباقي ماشافو جود ....ساعة داااروها ليه ضد توقعاتو ... وبدا يجبد تيلفون بببعصبييية وبعد كيتسناه يجاوب وكيدوز يدو على لحيتو بعصبية
اسد : شكيب .. قلب على دراري فين هوما ... كااااملين .. واحد بواحد ...
قطع تيليفون ورجع كيمشي ويجي كيحس براسو باقي ليه ششششوية وينوض يلغي البروتوكول ويخلص الغرامات الله يجعلو يبيع كووولشي ويمشي يدير شششرع يدييييه .... مابقاش قادر لا يهز مشاكل صحة ولدو ولا مشاكل العائلة ولا التهور دالولاد .. لي عارف مزيان هو غيقادها من هنا هوما كيتقبوووو ليه كووولشي ملهييييه حيت مكيعرفوش شي حاجة سميتها العقل ....
فلاشومبر ...
جالسة رقية على الفوتوي وتسبيح فيديها وعينيها غير على جود وشفايفها كيتحركو بالدعاء معاه وبيلسان واقفة حدا السرير شادة فيديه وقسم من جيهة لوخرا .. ولامار على الكرسي وحياة حدا رقية ورتاج واريج واقفين ....
اما قدس كانت فالكافيتيريا لتحت وكضور فتيليفونها فيديها .... كتقول فين غيكون مشا هذا ؟ وعلاش غبرو كاملين ؟؟؟؟؟ ياكما غيضاربو مع مروان ... ماعرفاتش علاش قلبها زيرها وحرقها وخافت لوؤي يدير شي مشكل لي يخاصمو تاني مع باباه .. معرفاتش علاش محملاوش يتخاصم معاه ..... حسات براسها بحالا ولات كتهز ليه الهم !!!! ... خاايفة عليه ...!!! كتسول راسها واش انا لهاد درجة معلقة بيه ؟ بلا منحس ! .... جاتها الغمة على قلبها حيت هادي اكتر حاجة مابغاتهاش هي وديما عندها القناعة ديال فالعلاقات تخلي الطرف الاخر لي يعطي كولشي هي متعطيش بزاف باش ماعمرها تاكل الدقة ... حتى جا لؤي ولقات راسها كتعطي كوولشي بلا متحس ! ..... رجعات نفضات راسها وشربات كاس دالما لي كان على طبلة وهزات تيليفونها وطلعات نيشان لشومبر دجود لقاتهم دخلو وحلات تاهيا الباب دخلات بانوليها كلهم كيهضرو بالهمس باش مايفيقوه ولامار مرة تبكي مرة تدعي ومرة تصبر راسها ومشات باتجاهها ووقفات موراها وشدات فكتافها كتماصيهم ليها
قدس : ماما .... نوضي غسلي وجهك .... شوفي كيوليتي .. راه غير غتكملي عليه كتعرفيه شحال كيتعصب منين كيشوفك مريضة
لامار : ( ضارت عنها ) وجهي متفوخ بزاف ابنتي !
قدس : عينيك .... غسلي وججهك وباني حداه مزيانة عافاك ....
لامار تنهدات ومشات باتجاه طواليطات غير طلقات الما كتغسل وجهها بدات كااتفكر اخر مرة زعفات عليه والكف لي عطاتو وهي تنهار بالبكا على لافااابو وقلبها كايتتققطع عليه وكتخيل كون وقعات ليه شي حاجة .... ولقات الملاذ فداك الحمام تفرررغ فيه قلبها حيت لي شافها كتبكي كيسكتها وهي باغا تغوووت بجججهد كأم مقهوووورة وعيات من مرض ولدها ....
بيلسان واقفة شادة فيديه وسااااهية غير حسات بيه بحالا زير على يديها وهي تشوف عندو بزرية بانليها مكمش عينيه .. غير تحرك شوية فالفراش تاقسم شافت فيه بزربة وبيلي ضحكات ووقدس قربات عندو لسرير
بيلي : جوووود ..؟ جود فقتي ؟
رقية غاسمعاتها هضرات معاه وقفات قربات عندها وحياة تاهي وقفات وجود بدا يعوج فعنقو حلقوو نااااشف وحاس بالعطش وبدا يحل عينيه كيشوف فيهم وكيبعد الضبابة ديال النعاس تابدا يلمحهم كااااملين وتبسسسم بعياااء خصوصا فرقية لي بعدات بيلسان وجات عندو يد على جبهتو ويد شدات بيها يدو لوخرا كتبوسها
رقية : كبدتي المعاااااودة الحبيييييب ديال جداه .... على سلااااامتك اولدي
جود : ( زير على يديها وقربها باسها وشاف فيها كايهضر ثقيييل وبحوح ) شكون هاد الزيين كامل لي جا عندي
رقية : ( بدموع وضحيكة ) الله يقلل حياك منيين جا لجداتك الزين ... كيبقيتي اولدي عندك الحريق مزال ؟ يعطيه دقة ...
جود : ههه لا ( علا عينو فعيالات عمامو )
رتاج : ولدي ... على سلاااامتك احبيبي .... هادي لخرا ان شاء الله
حياة : على سلااامتك اجووود ... لي قالت رتاج هادي لخرا ا ن شاء الله اوليدي .... طهوووور ان شاء الله
اريج : على سلامة اجووود .... وااشنو .. سخيتي بينا .. وانا يالاه درت النسيب زز
جود : هه ( شاف فبيلي لي مور رقية مبسمة ليه بعيون لامعة وشاف فاريج ) متخافيش امرات عمي ... انا معاااك غير لانسيت فكروني وصافي ( ضحك بعياء ) ههه
اريج : هههه لابااااااس عليييك .... الله ينجييك ..... رتاحيتي شوية
جود : لا صافا ( بدا كيحاول يتكعد )
رقية : تاا خليييك ناعس مرتاح خليك
جود : لا لا عييت ( ناض كييحاول يتكعد وقسم شادة فيه )
قسم : بشوية عليك ... بقى تنوض غير بشوية ( قادات ليها المخدة )
قدس : ( كتقاد عليه الغطا ) علاااش كاااتحيد الغطاااا راك مرييييض
جود : راه ماشي شهر واحد هدا
قدس : واخا هاكاك غيضريك البرررررد .... تغطى
جود : اراني لاااباااس .... ريييحو متبقاوش واقفين ....
رقية : الله يدووم صحيحتك وهناااااك ياوليدي الله يخليك ديما لااابااااس
جود : ( شاف عند بيلي لي موراها الما ) عطيني الما
بيلي : ااه واخا ...
مشات للقرعة خوات ليه كاس دالما وشدو عليها كيشربو ومدو ليها تعمر تاني كيشوف عند رقية
جود : مال دوك العينين منفوخين ... مناعساش ياك !
رقية : لا اولدي ننعسسسنا ( عطاتو بيلسان كيشرب تاني ) على انا لقيت مايدار هنا عطيتها غا للنعااااس .. غا هو البال كان معاك الوليييدي .... دابا عاد غنعسو ونححسو بيه ...
جود : ( مدو ليها تاني ) زيدي
بيلي : بااااراكا اجود .. شربتي بزااف
رتاج : هه غير عطيه عطيه ... خاصو يشرب ...
مشات مدات ليه تاني وخلات القرعة فيديها باش كل مرة تخوي ليه وقسم كتمشط على شعرو.
قسم : خويا ديرر طربوووش .. غيضربك البرد
جود : اشمن برد اقسم يهديك الله ...
قدس : نسد هاد السرجم ؟
جود : لا لا لا خليه ... باغيين تخنقونا ولا ..... جلسي اجدة هنا حدايا جلسي...
جلسات رقية على الكرسي وهوما واقفين حدا السرير تاتحلات الباب ديال الدوش وخرجات لامار لي كانت غسلات وجهها مزيان ونشفاتو وجمعات شعرها كولو كوتشوفال لفوق غير خرجات من دوش سمعات الهضرة وزززربات فالمشية طلات عليه
لامار : جووووود ...( بضحكة والفرحة وقلبها رفرف ) ووووولدي ...... فقتي ....
جود كان يالاه غيسول عليها تاسمعها وعلا عينيه .... بقا كيشوف فوجهها العيان وصوتها المبحوح لي كيبن شحال بكات وهو عارفها شحال كتخلع .. غير شافها دغيا مشات ذاكرتو لداك الصورة وللهضرة لي كتب عليها حسام وحس ثاني بقققلبو تزييير وحاول ما امكن يخبيه باش مايضيع فرحتهم وهوما ضايرين بيه .... غصة لوات ليه قلبو وهو تيشوفها كيفاش ولات وباينة محملة راسها الذنب .... متبعها بعينيه كيقرا تفاصيلها تاوقفات بلاصة قسم شادة فيدو كتبوسها
لامار : حبيببي باش كتتتحس ؟؟؟؟؟ مابقاش الحريق ياك ؟؟؟؟؟ ( كانت يدها لوخرا على جبهتو كترد شعرو لور ) الله على وووولدي كي صفااار ...
جود : ( بدا يحرك راسو بالايجاب مع تنهيدة ) انا لاباس الامار ... متخلعيييش .....
لامار : ( باست يدو تاني ) والا متخلعتش على ولادي علامن نتخلع ...
حياة : كانت باقي ليها شوية وتسطى لينا ... الله يسمح لينا من الواااليييديين ....
جود : وشفتي دابا .... داك الطونسيون عندك غتبقاي تلعبي معاه تاديري شي كريز .... واش مرضي انا مكتعرفيهش ..؟
لامار : لا احبيبي لا مااكاين والو متخاافش .. برا غيير نتا ووقف وررجع كيكانعرفك .....
جود تنهد حاس براااسو مقادرش يهضر معاها أليز وهوما باقين بيناتهم بزاف ديال المنعرجات وحاس بحالا مخبية عليه بزاااف دالحواايج ومحاملش علاش هو معارفش هادشي .... واش مخبيين غير عليه ولا على كولشي ..... وعلا تاني راسو فبيلسان لي واقفة حداه من جهة الاخرى ولامار علات حجبانها لي ماهضرش معاها هي ....
جود : فين وسيم ..
بيلسان : وسسيم ؟ مم معرفتش .. واقيلا برا ....
لامار : نعيط ليه اولدي بغيتيه ؟
جود غير حرك راسو بلاااا وقسم كتشوف معاه شحال بارد .. غير قبيلة كان راشقة ليه مالو تقلب ! واش بصح هاز فخاطرو على لامار ؟
رقية : غا كااايسول فخووتوو وصافي .... راه كوووولشي لاباس اولدي ماتهز لهم لتاحاااااجة .....
رتاج : يلاه نوضو تستفو قدامي وخليو الولد يرتاح ملي يخرج لدارهم ارا ماتهضرو معاه ... دابا خليوه عليكم ....راه مزال تامواكلش يلاه .. زيارة المريض هي هادي باااراااكا
اريج : ههههه هاحنا ادكتوورة غانخرجو ماتبقاي غير على خاطرك
رقية : انا غا ملي هضر معاايااااا وشفتوووو ... فين مابغيتو دابا يلاه
جود : ( شاف فيها وتبسم ) راك باينة ليا عيانة سيري ترتاحي ونعسي .. تانتشاوفو فالدار متبقايش معدبة هنايا ...
رقية : وامتى غاتخرج
قسم : مزاال مكاينش شي حاجة اكزاكط ولكن غالبا غدا
رقية : غدااااا نديير لوليييدي الرفيييييسة بالمساخن والحمااالم وتشوف واش تبقى فيك شي حاجة
اريج : هههههه راه حياة لي غتولد الحاجة ماشي جود هههه
قدس : ودابا شهاتنا فيها غير خليها ديرها ناكلوها حنا ههههه
لامار : ( بفرحة دجود لي فاق و كتشوف فماماها بضضحكة فيها بزاااف دالحنين وشافت فيهم ) ماما راه اسد شحال هادي كان دار عملية على وذنيه قبل مايتزادو ولادي .... راه جابت ليه الصوبا بالمساخن تالكيلينيك ههههه
رقية : يااابنتي وشكاديري للباطل فييين عمرني درتهاليه
لامار : هههه ننسى راسي ومايتنساش ليا داك نهار لي جيتيني بجاراتك كلهم يطلو عليه ..... نتي راك نسييتي انا راه باقا عاقلة ههه
حياة : واقلة عقلت كنت عاودتيها لينا كنتو باقي ماتزوجتو ههه
قدس : ههههه باليا باااقي بزاااف ماتعاودي لينا اماما هههه
جود بلا مايحس ضور راسو لجنب بضحكة مستهزأة ومعصبة وتاحد مارد ليها لبال شحاال هاد الهضرة نرفزاتو ....
اريج : زيدو زيدو نتوما راه ضحكم مكيتسالاش خليو الولد يرتاح ... خليينا ليييك الراااااحة .... برا لينااا وديها فصصصحتك باشي نديرو ليكم شي عراسية فاعلة تااااااركة
حياة : ان شاء الله ياااااربي
جود : فين دراري !
رتاج : وفين شفناهم ياولدي .... طفاو علينا تيليفونات خلاونا كي راس المقطوع
جود : ( علا حاجبو ) علاش !
رتاج : وحنا عرفنا علاش .. هاحنا كنتسنااااو .. تايباان شي واحد فيهم .. كان غابر غا لوؤي وسلطان .. دابا تبعهم تا اياد
جود غير ساكت وكيشوف فالعدم و هوما رجعو سلمو عليه بالواحد وخرجو وبقات غير لامار وخواتاتو وبيلي ...
قدس : ماما كككلسي .. متبقايش واقفة .. اجي هنا للكرسي
بيلي : اجي اخالتو هنا انقرب ليك الكرسي حداه ...
مشات لامار للكرسي جلسات وهو غير ساهي تيفكر وشاف فقسم ولامار مفاهماش علاش مكيشوفش فيها
جود : فين تيليفوني ؟
بيلي : هاااهو عندي ( جبداتو من جيبها ) هاك ....
جود شدو عليها وتكعد مزيان على سرير ودخل ديريكت لنمرة لوؤي صونا ... عطاه طافي ... وعاود لسلطان تاهو طافي اما تا اياد ماعندوش نمرتو .... وبقى غير معوج شفتو لجنب
لامار : ماتفكرش اولدي دابا فهادشي ولاد عمامك دابا يباااانو .... غيكونو غير مشاو ينساو شوية راه تاهوما تخلعو .... ملي سمعوك فقتي فالانعاش .... يمكن غيكونو مشاو ينعسو
جود غير كيرمش مدخلاتش ليه لعقلو مستحيل ولاد عمامو يمشيو قبل ميدخلو عندو ولا يشوفوه .. وهي تحل الباب ودخل اسد لعندهم ولقى جود فاق
اسد : جووود .. ( علا فيه عينو و بعدات قسم وقف فبلاصتها وبدا يدوز يدو على شعرو ) ششوية ؟ اولدي ديالي
جود : صافاا الواالييد ديالي ( مع ابتسامة عيانة )...
اسد : ( حيد ليه تيليفون من يدو لاحو على جنب سرير ) متخدمش تيليفون بزاف دابا راك يلاه خارج من الاشعة حيدو من يدييك ....
جود : كنت كنصوني غير على دراري .... مالهم طافين تيليفونات اش واقع
اياد : مواقع والو .. دراري مشاو ينعسو راه دارو نوي بلونش قلت ليهم ملي يفيق نصوني عليكم يمكن ديشارجاو ليهم تيليفونات
جود : كلهم ! تافقو يديشارجاو !
اسد : ربما .. ( شاف فلامار ) ويلاااه ها ولدك فاااق صدعتينا ولدي ووولدي ولدي ... هاهو غيرجع يركب فيك السكر تاني
لامار : ( شدات يدو مزيرة عليها ) غير يبرا ليا يركب فيا لي بببغاااا
جود : ( كيشوف فيها ورجع تنهد وحيد يدو دارها هي فوق يديها ) راه قلت ليك راني لاباس ...... دازت ...
اسد : هاهوما غيدخلو ليك دابا تاكل باش متبقاش فاشل هاكا .. هاد الليلة اولدي غاتبقى تحت الحراسة .. تمشي تجي شي كريز اخرى الله يحفظ .. تالغدا فصباح وتخرج للدار
جود : اشمن صباح .. انا راه مغاانباتش هنا جاتني الخنقة !!!! انمشي فحالي راني لاباااااس الواليد
اسد : لاااا هي لا .... هضرة وحدة ... انا كون مالقيت عندهم صح كون خرجتك .. علاش انا كيعجبني تبقا هنا ! .. صافي خاصك شوية دالحراسة مزال ...
يلاه غيضهر وهي تدق الباب ودخلات الفرملية بالشاريو ديال المااااكلة مبتسمة ليهم ومشات جبدات طاولة متحركة قداتها ليه مع السرير وبدات تحط ليه الغدا لي كان عبارة على سطيك سلمون مشوي بالاعشاب مع قليل من الخضر المبخرة وصلاد فروي .... واستئذنات منهم ومشات ولامار وقفات عندو كتعطيه ليلانجيت
لامار : نعاونك اولدي
جود : لا .. غير خليك
لامار: خليني غير نوكلك
جود : لامار راه قلت ليك راني بيخير ... راه ماقطعوش يديا
لامرا : وغي ( قاطعها بحدة )
جود : لاااماارر !!!
لامار غير سكتات ورجعات بلور واسد كيشوف تاتنفخ صصدروو بتنهيدة مااحملش هاد الزعفة لي دار .. ولكن عارفو باش كيحس وعارف بلي خاصو غيير شوية علاش يييتعصب ومدام مزال ماجلسوش وموضحوش هادشي غيبقى هاز فخاطرو .... لامار مشاات جلسات على الكرسي واسد ماااحملش راسو فهاد اللحظة حس بيها بحالا تجرحات ومشا عندها عنقها عندو وجا راسها فبطنو حيت هو واقف ... وكيشوف فجود لي كينقب بالفورشييييت وبحالا تاياكل غير بزز
بيلي : علاش كتلووح البروكولي كوولوو ... ماتلوح والو
قسم : ههههه البلية ديال الصغر جود نسى كوولشي منساش غير البروكلي لي كيكرهو ههه وبااقي كيكرهو هههه
بيلي : هههه ياريتني بروووكلي هههه
قدس : البروكلي راه كايكرهو اصكعة
بداو كيحاولو يضحكو بزز معاه باش يخليوه ببتسم خصوصا ملي حسو بالجو تكككرهب ومبغاوش يبينو تابان ليهم كلا شوية وبدا يمسح فمو وبعد عليه هاديك طابلة
بيلي : هاااااء !!!!!
قدس : راه عطاوك تاااكل ماااشي دووووق ليهم الملح
جود : مافياااش جوع دابا ( شاف عند بيلسان ) عطيني لما
بيلسان : انا مهنتي معاك ليوما هي نخوي ليك الما تشرب .... ( كتخويه ليه )
بدات كتعطيه وقدس كتجمع من حداه داكشي .... واسد ولامار كيشوفو فيهم .. لامار حاسة براااسها قلبها مقسووم على جووج فداخل صدرها ولكن على وجههاا ابتسامة ليه باش مايحسش وعارفاه غير مجنن مع حريييقو وباقي معصب تاهيا مقالتش ليه القليييل ... وهو شاف عندهم وطول شوفة فلامار معوج راسو بعيااااء
جود : سيري آلامار لدار رتاحي راني بيخير ..... شوفي حالتك .... علاش كاديرو هاكا فراااسكم .... واش مرضي شي حاجة جديدة هادشي راه خاصنا نوولفوووه .... ماشي كلو مرة تبقاو تقتلو فراسكم هاكا ...
لامار : ( مسحات دمعتها ووقفات قربات عندو د ) نوولف كولشي اولدي الا مرضك هو لي مغيتولفش ليا ..... علاش اولدي مقلق من ماماك علاش كات ( قاطعها اسد )
اسد : لاامار ماشي وقتو .. عندو الحق ... يالاه لدار رتاحي
جود : ( شاف عندهم ) سييرو تانتوما ... شوف كي مشعكات هنا حدايا كاتخلعو ... سيرو دوشو ونعسو ....
لامار : لا انا مغادا فين ... تنخرج انا وياه
اسد : لامار باقي غايبات هنا ...يلاه لدار بدلي حوايجك كولي شي حاجة ورجعي باش تباتي معاه ..... يلاااه سمعو الهضرة هاهو بيخير دابا وهانتي شفتيه كلا ... يلاه انديك انا
لامار : وشكون يبقى معاه
قسم : هاحنا هنا اماما مبناش ليك هههه سيري نت .. وملي تجي نت نمشيو حنا يلاه .... واديري ليهم الخاااطر ....
اسد : يالاه زيدي ... خليه يرتاح ... تانا غانمشي معاك زيدي ...
قربات عندو لامار حنات على جبهتو باستها وهو غمض عينيه وشافت فيه
لامار : ياربي تشافيك لياااا ياربي ....
وما ليها بالايجاب بابتسامة حنيينة وعينيه تعمرو ليه بدموع ماحملس راسو لي معذب واليديه لهاد درجة وهي زادت تاقربات لكولوار وهي تسمعو
جود : لامااار ... ( لامار ضارت عندو وقال كايشوف لجنب محاملش راسو فنفس باقي معصب وخرجها ثقيييل ) سمحيليا زعفت عليك ...
لامار طلقات شهقة دالبكا واسد عنقها عندو وخرجها وهو تنهد معلي راسو لفوووق متكي على مخدتو و البنات غير ساكتااات كايشوفو فبعضياتهم ... واسد خرج لامار كيسكتها غااابززز لي الندامة كتاكل فيها ..
وجود ناض تكعد بشوية وهوما بزربة جاو شدو فيه رادين معاه البال كايعاونوه ينوض ... وهو جاتو الضحكة ومد يدو لقسم
جود : يلاه نوضيني نشوف
قسم : ( كتجبدو ) وعاااوني ...
جود: هه ... ريييحو ياهاد الثلاتة دالنملات اش غتشدو .. راني ماوالدش ( تكعد و جلس على السرير) عطيني سبادرين
قسم : علاش !
جود : بغيت نتمشى شوية ...
قدس : لاااااا ...
جود : ( علا فيها عينيه ) اجي عننندي نتي لهنا توووحشت نررريشك .... شششحال هادي مكليتي شي سسلخة ... راه واحد لاغوب باقي منسيتهاش
قدس : ياخويا كتنسى غير لي بغيتيي ...
قسم : ( مدات ليه سبرديلتو) تمشى غيييير هنااااا .. مغتخرجش من لاشومبر ..
جود : ( كيشوف فيها كتربط ليه السيور حيت مقدرش ينزل بسبب السيروم ) ربطي ابنتي السيور ربطي ماحد مزال ماجا لي يقسمك معانا ....
قسم : ههههه دابا يجي ....
رجعات وقفات كتعلي ليه سنسلة دسييرفيت وهو مرجع يدو لور على السرير متكي بيهم ... وكايشوف فيهم
جود : واش خاصني نمرض ديما ولا كيفاش !!!
بيلي : اااربي السلااامة الله يسسستر ....
جود : ( طل عليها من ورا قسم ) شكون هاد الفنيونة لي هضرات .. بحالا شفتها فشي بلاصة ماعقلتش
بيلي : جووووود ... هااد البساااالة لا ... ضحك فكولشي الا فهادشي ....
جود : ( علا عينو فقسم وقدس ) متحشموش على عرضكم تخرجو تخليوني انا وهاد زعرة ديالي شوية هم !
قسم : ههه وااابااز ههههه
قدس : لااسييدي مخارجاتش .. حنا هوما دوك اللوسااات الخااااايبات ..
جود : ( هز قرعة دالما حداه ) خرجي راه غنشير على مك ....
قدس : هههههه هاااحنااا خارجيييين زيدي اقسم زييييدي نردوها لييييه فسااااعة الخير. .. زيدي اختي راه مابقات خاوة
قسم : لا لا ماااعندي فييين نزييييد ... خليني نفكرو بواحد الرايب لي كنت تشهيييتو مع الربعة دصباح ومابغاش يديني ليه .... ( جلسات على الكرسي ودارت رجل على رجل ) قالي تقلي وتبتي .. خليني نوري ليه التقاااالة دابا ..... يلاه تتتتبت ...
بيلي : هه ! اشمن رايب
قسم : ررراه هو عاااارفو ....
جود ناض وحيد السيروم من الحامل ديالو شدو فيديه مافيه لي يجر داك العصا ومشا بجهة الحمام
جود : نخرج نلقاك باقا هنا نوريك الرايب شحال داير ...
قسم بدات كضحك وجرات قدس وخرجو وبيلي بقات عاضة على شفتها فرحااااانة وخرجات لبالكونة الصغيرة كطل على لتحت وكتنساه يخرج تاحسات بيه جاي وضارت عندو تكات على شباك البالكونة وشعرها كيديه الريح وهو عاد غمض عينيه واستنشق الهوا وهي شدات عليه داك ساشي دسيروم ....
بيلي : غيضربك البرد اجود لراسك ... كون غير درتي طربوش ... داك البانضة راه مدير والو
جود : لا مكاينش البرد بزاف
قربات عندو وبدات كتعلي ليه القب دسيرفيت غير بيد ولوخرا شادة بها ساشي .... وهو علاه عليها فوق راسو ...وكيشوف فيها وبدات بيديها كتقاد ليه شعرو على جبهتو لي هبطو القب ..
بيلي : هاكا حسن
جود : ( باس كف يديها لي محطوط فوجهو وهي مبسمة ليه و بدا وكيدوز يدو على ملامحها ) شفتك باقا بنفس الحوايج ... مامشيتيش لدار !
بيلي : لا .. تانمشيو كاااملييين ...
طول فيها الشوفة ووملامحها الزعرين كيبانو ذابلين بقوة مابكات وعينيها منفوخين ونيفها باقي حمر تنهد حاط يدو على حنكها تيداعبو ..
جود : بيلسان ....
بيلسان : ( كتشوف فيه خلعاتها هاد نظرة لي دغيا تبدلات ليه ) اا ... ياس !
جود : ( كيطالع ملامحها و رجع شاف فعينيها ) قادرة تعيشي هاد الخلعة كل مرة ! حيت منقدرش نواعدك ان هادي اخر مرة .. ومنقدرش نواعدك بلي كل مرة غنكون غير كنضحك معاك ملي نقول شكون هاد البنت .... حيت انا عارف الخلعة الكبيرة كانت عندك غير واش ننساك !
بيلسان : ( سرطات ريقها ) ل لا .. ب بالعكس الخلعة كانت على جوج ..... ه هي ( بدات تشوف لجنب و قلبها بدا يضرب ) ص صعيبة. عليا ... لا ماشي صعيبة .. ا انا ( علات عينيها فيه لي بداو يلمعو بدموع لي دغيا تعمرو ) انا كنتقطع من داخل .. و ولكن ... غنحاول كل مرة نفكرك فيا ونعاود ثاني من جديد معنديش مشكل ... البشرية كلها عبارة على دي كوبل كيبغيو بعضياتهم .. بصح كل واحد والطريقة باش كيبغي .... وانا طريقتي هي كل مرة نعيش معاك حب جديد وصافي .... هدا مكان .... وانا قابلة بيه .... ( قربات عندو كتر تالصقات مع صدرو ) غير بقى معايا .... باركا عليا
جود بقى غير كيرمش فيها تاحس بيها كتعلا على صباع رجليها ودورات يديها على عنقو قربات لفمو وهو غمض عينو ونزل يدو لي كانت فخدها لعنقها منلور مقربها لعندو وبيلسان حسات بقلبها كيضرب بجججهد ملي شافتو كيقبل باللسان وهي نفسها طريقة التقبيل ديالهم القديمة ... القبلات الفرنسية ..
زادت انساجمات كتتترر وهي كاااتحس بجود القديم شوية بشوية كيرجع ليها ... جود القديم لي مزال مهووسة بكاع تفاصيلو لي مزال عندها امل انهم باقين فيه هو واخا تبدل كاع قد هاكا ومنهم طريقة تقبيلو لي كانت كتديها على العااالم .....
محني عندها مغمض عينيه مستمتع باحترافيتها فالتقبيل الفرنسي .... تاحس بيها كتبعد راسها باش تتنفس وبدات تبعد عليه بشوية وهو حل عينيه بشوية فيها ... لقاها باقا مغمضاهم مسسستمتعة عاد بدات كتحلهم فيه وتبسمات ليه وعنقااتوووو كتهضر فودنيه بالانجليزي هامسة ....
بيلسان : I want to keep kissing you until lose my breath " مكرهتش نبقى نبوسك حتى نفقد القدرة على التنفس "
جود تعلات زاوية من شفتو بالتبسيمة وعوج راسو مع عنقها من جهة الاخرى بقبلة خفيفة تاتهزات معاها ونطق فوذنيها ....
جود : Easy babe … I still need your breath in other stuff " بشوية عليك بايبي .. مزال محتاج انفاسك فحوايج اخرين "
بعد راسو و غمزها غمزة مشاكسة .. وهي مبتسمة فعينيه وحطات راسها على صدرو وهو عنقها عندو وباسها من راسها
علات راسها فيه .....
بيلي : جووود ...
جود : ( نزل راسو لعندها ) اممم !
بيلي : معجباتنيش طريقة باش تعاملتي مع خالتو لامار ....حشومة هي كانت مخلوعة عليك ونتا زعفتي عليها ....( جود غير ساكت ) راه كاع واليدينا تيتخصامو معانا ... الغلط كان فمروان ....
جود : ( رجع نزل راسو عندها ) باش عرفتي نت هادشي !
بيلي : ( تقادات فالوقفة معاه ) فخبارنا سبب الكريز حيت تخاصمتي مع خالتو لامار على ود مروان تشكى عليها ....
جود : شكون نتوما لي فخباركم !!!
بيلي : كلنا .... راه جا مروان هنا قبيلة
جود : ( علا حاجبو ) اهاه !!!!
بيلي : كان مخلوع عليك احبيبي بزاف والله .. متهزش فقلبك من جيهتو بزاف ... راه تيبقى خالك وغيبغي ليك غير الخير
جود : ( كيشوف لجنب غير كيفكر وشاف فيها ) الدراري فخبارهم هادشي !
بيلي : راه قلت ليك كلنا
جود : تلاقاو بيه !
بيلي : منضنش ...ملي جا هو كان هنا غير خويا ااياد .. لوؤي وسلطان راه منين صبح الحال وهوما غااابرين .....
جود : فين هو دابا !
بيلي : معرفتش .. هضر مع خالتو لامار و جدة تعصبات عليه بزااااف ... وجا مخلوع بلا قياس ... طلب السماحة من ماماك وطلب باش يشوفك ... انا حسابتني غيكون طلع لعندك .... صافي منداك ساعة مبانش ....
جود : ( غير كيشوف فجنب والغبرة دولاد عمامو دخلات ليه الشك ورجع شاف فيها ) لقاوني فطموبيل ؟
بيلي : ااه .... قالت لينا قسم جبدوك من طموبيل
جود : مارجع تاواحد لدار !
بيلي : معرفتش صراحة مي كولشي كيمشي ويجي ...
جود : دراري ! ممشاوش لدار !
بيلي : معرفتش اجود والله .... كان بالي كولو معاك .... ( بدات غير كتحك فلحيتو وهو كايشوف لجنب مدة و ورجع شاف فيها )
جود : متمشيش تجيبي ليا قهوة
بيلي : ( علات حجبانها بجوج ) منييييتك ؟؟ اويلي على قهوة
جود : خرجي سوليهم واش نشربها لاكان اه طلعي ليا وحدة ...
بيلسان : و .. واخا .. ولك اجي بعدا رجع لفراشك متبقاش هنا ....
جراتو من يدو وكان الجو ديال الغروب والريح تحرك .... تابعها وهو غير ساهي .. كيفكر فجوج حوايج ايما ولاد عمامو راه شادين مروان فشي قنت .... اما راه نبشو من موراه وعرفو بحسام ... حيت جاه فشكل هدوء باباه ... والغبرة دولاد عماماو .... دخل جلس على الكنابي مبغاش يجلس فوق سرير و بيلي قربات الحمال ديال السيروم حداه حطات فيه الساشي وشافت فيه
بيلي : انا غنمشي نسولهم ....
خلاتو وخرجات وهو غير سمع الباب تسدات جبد تيليفون وبدا كيصوني لواحد من الكارد لي كايكون تابعو ... تاجاوبوو ...
جود : شكرا ... صاافا صافا .... آمين .... بغيت نسولك ....
... جاو دراري لدار لبارح ولا ليوم ؟ ... ماسول حد على طموبيلتي ! الواليد ! ...طموبيل لي كنت فيها فين هي .... اهاه ! ..... لوؤي قلتي ! .... فوقاش .... ( معلي حجبانو ) داكوغ ... داكوغ ..... صافي ......
قطع عليه وبقى شحال كيشوف قدامو كيضور تيليفون فيدو ويعوج فشفتو ويضور فراسو ببطئ ملي سمع من الكارد ان الطموبيل سول عليها لوؤي هو للول عاد اسد وعمامو ... ورجع بدا يقلب على نمرة دلوؤي ... نمرة لي مكيعرفها تاحد وكيخدمها ملي كيكون مسافر بالتخبية وكاينة غير عند جود بوحدو .... غير يدا يصوني ليه غمض عيييينيه مرتاح لي شاعلة ..
عند لوؤي
راكب فطموييل وسلطان حداه فيديه تيليفون محلول على جي بي اس ....
سلطان : على ليييمن .... ليمن اصاحبي ....
لوؤي : انطيردي .... طرقان دال**لاوي ( قلب الفوولووون دخل من منعرج اخر معصب ) بلاااااااد د الحبس ... طلللقو لبنادم يدوز شحاال دالبلااايك .....
حاضيين مع الطريق تاشاف لوؤي تيلي لي معلق قدامو فطابلو كيصوني غير شاف سمية وقف بزربة على جنب وسلطان ظن راه صاحب لوؤي لي كيعاونهم تما حيت بوحدو لي كيصوني فداك تيليفون تاسمعو قال سميتو ....
لؤوي : جووود ..
سلطان : تاشمن جود !!!
جود : فينكم !
لوؤي : ( بضحكة وسط العيا وقلة نعاس و تماااارة شاف عند سلطان ) ولله تا عايش بالله ...
سلطان : جووود ..!!!!!
جود : دابا ملي هاد نمرة شااعلة راكم خارج التراب الوطني على هاد الحساب ! فين مشيتو
لوؤي : ( شاف فسلطان باقي ضاحك لي كييهضر معاه وصح دغيا وهضر فتيليفون بهاد طلاقة ) فباريس ....
جود : ( علا حجبانو بجوج ) اهاه ... اش مشيتو كديرو تما نتا وياه ...
سلطان : ( كيقرب لتيلي ) والو .. غاكنا جالسين ... جاتنا الگانة نتصورو حدا برج إيڤل ..قلنا نجيو ....
لوؤي : بغيتي شي تذكار .... شي بورطري ... نتا غااا طلب ...
جود : ( بعد صمت قال مغغغغغزف ويدو مزيرة على تكاية دالكنابي وعينيه حمارو ) بغيت دمو .....
لوؤي : ( شاف فسلطان وعوج عنقو لجنب بمعنى تفرش البلان ورجع شاف لتيل ) اهاه .... جاك اولد العم .....
قطع عليهم جود وتكا راسو على الفوطوي معلي راسو لفوق مغمض عينيه .... يلاااااه حس بقققلبو بدا يضرب منتظم ..... حيت عارف ولاد عمامو تما بحالا هو تماااا وغيقضيو الغراض .... عااارف غيييجييبو ليه دمووو باقي سخووون ...... حس بدمو كل مرة كااايغلي على عائلتو وولاد عمامو لي فالشدة كيلقااااهم بنيااااابهم معاه ... كان عارف ومتأكد انه مكاينش لي غيخليهم ميكونوش ملي يحل عينيه من غييير يردو ليه دقتو حيت هادشي نفسو لي كان غيدير كون هو فبلاصتهم وكون تقاس وااااحد فيهم .... عارف انه غادوز على كولشي انه جاتو كريز حيت مضارب مع مو .. الا لوؤي .. عارفو شحال كاااايبحث .... غير قاليه الكارد سول على الطموبيل وقلبها ..... عرف فين غيكون وبلا ماحتى يقولها ليه كان متأكد راه ففرنسا ... تنهد مطووووول ومرتاااح .....
تاسمع الباب تحلات ودخلات عندو
بيلي : جوووود ...مااابغااوش على قبل السيروم ماخصكش كافيين بزاف ....
جود : ( كيشوف فيها وتبسم) صافي .... اجي غير نتي ...
ضحكات وقربات عندو جلسات حداه فالكنابي وهو عنقها عندو نعسات على صدرو
جود : الى بان ليك اياد على برا گوليها ليا
بيلسان : مكاينش .. راه طافي تيليفونو ماما من قبيلة وهي كتصوني عليه .... ملي خرجت لقيت بابا سولتو على مروان قاليا مشا زياد يقلب عليه وملقاهمش ....
جود : عندك نمرة مروان !
بيلسان : اه عندي ...
جود : صوني شوفي تيليفونو واش شاعل ...
بيلسان محملاتش كاع تصوني عليه وشافت فجود
بيلسان : مكاااين لاش .. علاش هاز الهم دابا ديها غير فصحتك وفكر فيها وماتفكر فحد
جود : ودابا ديري اش قلت ليك .....
بيلسان مقدراتش تزيد تقول علاش باش ميشك راه تخاصمو ... وجبدات تيليفون ودوزات نمرتو وبدات كتصوني هو يعطيها طافي وشافت فيه
بيلسان : طاااافي ... مال هادو كاملين طفاو تيليفوناتهم هاء ؟
جود عوج شفتو لجنب فلخر شاف فبيلسان
جود : تصالح مع لامار؟
بيلسان : اه راه مضاربوش هو كان مخلوع عليك وهي كتر منو ....
جود بقى غير ساكت وكيمشط لبيلسان شعرها بصبعان يديه وهي طلعات عينيها فيه ساااهية فملامحو تاحس بيها ونزل عينيه فيها ... وسولها بغمزة بمعنى مالكي .. وهي تبسمات ليه
بيلسان : واش عارف شحال كاااتعجبني ولا معارفش ....
جود : ( طول فيها الشوفة ) علاش .... شنو تيعجبك فيا !
بليسان : ( ابتاسمات وطلعات يديها بدات كدوز سبابتها على عينيه ) عنييييك ....فرحانين مخنزرين ناعسين فايقين سااهيين... تاياخدو عقلي .... نيفك .... ( كدوز سبابتها على نيفو و بدات كدوز يديها على حناكو ) لللحيييتك .....( نزلات يديها لشفايفو ) وهنا ..... ( خدات نفس ) هنا انا كنمووووت ( شافت فيه ) كولك ....... نتا كامل ...
جود : اهاه !
بيلسان : ( حطات يديها فدقنو ) كامل .... كتعجبني ...
جود : ( طول فيها الشوفة مع تبسيمة مبهمة وهز ليها يديها ونزلها من عنقو على لصدرو وحط السبابة لي كانت كتشير بيها عليه ) خاصك تشوفي حتى هنا .... واش يعجبك .... اما لفوق راه متيدومش ...
بيلسان : ( بيلسان كتشوف فصبعها فين كيشير بيه وشافت فيه ) نتا ؟؟؟ ههه وعلى علامن كنهضر انا .... راه هذا لي كيعجبني راه نتا كاااامل ...
جود : هداك وجهي ....
بيلسان : ههه ( عنقاتو مزيرة عليه وحطات راسها فصدرو وهو حاوط دراعها بيديه ) نتا كااامل كتعجبني غير تهنا .... بكل حاجة فيك ... خايبة ومزيانة ... كوووولشي ......
جود : ( قرب لراسها وباسو وبظل لموضوع لي زعجو ومابغاش يحكر فيه ) سيري لدار رتاحي شوية تا انا غنعس .. متبقايش هنا ...
بيلسان : ( علات راسها فيه ) حماااقيتي .. لااا ؟ ...اشمن راحة ... خليني حداك تاتجي خالتو لامار ..
جود : ودابا هضرت بغيتك تمشي ترتااااحي راه عينيك انا لي كنشوفوهم كيدارين ... راك مناعساااش .. نوقف انا طيحي نت .... سمعي الهضرة ونوضي تكعدي ... سيري لدار وملي ترتاحي .. اجي داك .... يلاه
بيلسان : لا .... والا حتاجيي شي حاااجة ؟؟؟
جود : ( شاف فيها بشقاوة ) وااصرااحة غنحتاااج !!!
بيلسان : ( علات حجبانها ) شنووو ؟؟؟؟ بغيتي شي حاجة؟
جوك : ياك كتقولي كتفهميني ... وخاصك تفهمي شنو محتاج ليه دابا
بيلسان بقات كتشوف فيه وكتفكر وهي تشوف النظرات لي داير عاد بدات كترمش بشوية وعلات راسها وشركات شفايييفهم شادة وجهو بييديييها وهو غممض عيينيه تيذوق حلاوة شفايفها من جديييد .. حيت كانت قبلة بططيييئة عكس الاخرى لي كانت عامرة بالرغبة .... عاد بعدات عليه وهو كيدوز لسانو على شفتووو ....
بيلسان : وشكووون لي غيفهمك من غيري هههه .. ( ناضت وقفات ) مغنتعطلش غناخد غير دوش ونبدل حوايجي ونجي ..... ( جود اشار ليها بالايجاب وهي شافت فيه بحب ) يااااااربي تخليك ديما معايا ....
جود : هههه .... اداك زعرة راه غنوض نجيب العدول سيري عطيني تيقار .....
تاجات ماشية وهي تفكر ورجعات عندو كتجبد من جيبها
بيلي : ناااري كنت غنسى ..... ( تحنات لمستواه وهزات يدو ) خاتمك ... حيدوه ليك ...
جود بقى كيشوف معااه مبتسم وهي لبساتو ليه بصبيعاتها رقاق ورجعات لبسات ليه براسلي ديالو
يبيلي : هاااا .... دابا مزيان ( شدات ساعتو ) وهادي مغنعطيهاليكش ( رداتها لجيبها ) غتبقى عندي ذكرى منك ...
جود : ههه ذكرى ! وهانا كامل معاك اش غاديري بساعة
بيلي : لا ... مغتكونش منيين غنرجع لامريكا نقرا .... بغيت شي حاجة ديالك تكون عندي ....
جود غير مبتسم فيها وهي عطاتو بوسة فالهوا ومشات وهو رجع تما على الكنابي مغمض عينيه ...
بيلسان غير خرجات بان ليها عمها عدنان
عدنان : كيبقى ؟
بيلسان : ااه راه صافا حمد الله
خلاها ودخل عندو يطمن عليه تاهو و هي نزلات فدروج تمشي بزربة تبدل عليها وتدوش اما قسم وقدس نزلو لكافيتيريا وقسم مربعة يديها على الطبلة وحاطة راسها عليهم وقدس شادة تيليفونها ...... قسم كانت سااااهية كتقول علم الله اصيل اش غيكون كيقول فدماغو دابا .... وقدس حسات بيها غير تتنهد وماعندها مورال .. وهي تبسم
قدس : وصاااافي قولي ليه خويا مريض.. ياااه!!! ..... شحاال كتهزي ليه الهم
قسم : ( علات راسها شافت فيها كترمش بعينيها ) ها !
قدس : راه عرفتك تتفكري فيه ....
قسم : ( عوجات شفتها لجنب وربعات يديها كتشوف لجنبها ) اخر مرة طفيت تييليفون هاكا كان تعصب .. وغير مابغاش يببين ...
قدس : اوا ومنبعد !!! تعصب دابا يبرد !!! ملي يتعصب عليك مرة اخرى اختى تعصبي عليه نت حيت هو تعصب حيت مامنحقوش يتعصب !!!! قلبيها عليه .. متعرفيش !
قسم : ( عوجات معاها راسها ) ااااهاه ابنتي .. وشنو ندير اخر ؟؟؟؟؟
قدس : مكنقوليكش شنو ديري هذاك شغلك معاه ولكن ماااتكونيش نتي هي الطرف لي يييهز الهم .. اااو ! ...خليه هو هااز الهم ليييك علاش طافية تيليفون ... يعني غتبقاي غير نت فبالو مغيدير والو ومغايفكر فوالو ومغتكونش عندو فرصة فين يفكر فشي حاجة اخرى من غيرك وهادي حاجة مزياااانة .. وملي تشعلي تيليفونك وتهضري معاه وتعصب عليك ... خلييييه يخرج شنو فيه ورجعي طفيه عليه تاني هاد المرة حيت نت لي معصبة عليه .... نوورمااال تتعصبي عليه .. خيت تعصب عليك وقال كاع داكشي !!!!! علاش هازة الهم ونت فكل الاحوال نت لي غاادي يحزرك ؟ اددددددلععي .... ادددلعي ..
قسم غير كترمش فيها سالاتهم ليها جابت ليها التمام وكاطلب التسليم لهاد الجيل....وبدات كاتنهدوكاتشوف لفوق
قسم : آآآه ... آآآه الوؤي آآآه .... سمحلينا وصافي ( ناضت كتهز فالوراق لي جاب ليها شكيب تسنيهم ) انا كننهززز ليه الهم هو دابا كتر كااع من اصيل .. طلعي عند خوك بقاي معاه يبغي شي حاجة نمشي لدار ونبدل حالتي ونصلي ونجي ....
خلاتها وزادتها وقدس رجعات كتشوف فتيليفون قالبة شفتها لجنب ....
قدس : شحال عزيز عليكم لي يمرمدكم ....
قسم طلعات كتقلب تالقات شكيب لي يديه مكيتحيدوش من التيليفون ومية الف مطرقة فوق راسو ...ماشي جاي بين لكيلينيك والبيرو دالامن والقصر .....
مدات ليه الوراق وخدات عليه كونطاكط تمشي لدار تبدل حالتها وتدوش باش ترجع .... وقدس طلعات من الكافيتيريا بان ليها عمها عدنان بعيد كيهضر فتيليفون ومشات عندو شدات فدراعو وهو ضار عندها
قدس : عموووو .... ررراك عييتي بلا قيااس واش متمشيش تنعس
عدنان : ( قطع تليفون وعنقها عنو ) اشمن نعاس ابنتي بقى لينا ..... حنا من نهار ولدنا مبقيناش كنعرفو النعاس ...
قدس : ودابا حمد الله هاهوا صافا وغدا غيخرج ان شاء الله .. وتا لؤي راه دابا يبان ... بابا مشا سير حتى نتا رتاح شوية انا هنا معاه .. وها عمي سفيان تاهو ( كتشوف فيه واقف بعيد مع يونس ) راه منعستييش اعمي ونتا مريض
عدنان : ( هبط باس راسها ) لا ابنتي راني بيخير .... يجيو العصابة لوخرين ونمشيو نرتاحو .. اشمن عقل خلاوه لينا بهاد الغبرة لي دارو ....
قدس : ماسولتيش فالفيرمة ؟ مكاينينش !
عدنان كيضور راسو غير بلا وهي عاضة على شفتها مفاهمة والو .... تابان ليها جاوب اسد فتيل وخلاها ونزل عندو فالسانسور كان كايتسناه لتحت بعد ما وصل لامار ....وهي جلسات تما على شي كراسا تاجا عندها سفيان جلس حداها معنقها مبغاتش دخل عند جود قالت غتكون باقا معاه پيلي ....
غير بان ليها عمها ناض يصلي العشا ملي سمع تيليفون بدا فيه الاذان وهي تنوض تدخل عند جود تقولها ليه بلي كييوذن العشا ... دقات الباب مدة مسمعاتش الاذن ورجعات حلاتها بشوية داخلة فالكولوار
قدس : انا را دااااخلة ... جوووووود ... بيييييييلي
دخلات من الكولوار خايفة تشوف شي حاجة وهو بيان ليها السرير خاوي ومكاين حد ... علات حاجبها وضارت موراها لكولوار حلات الباب دزااج د بالكون بانليها خاوي وبدات دق فدوش
قدس : جووود ... جوود نتا هنا .... جوووود ...
سمعات مكاينش الحس وقلبها بدا يييضرب وحلات الباب شوية هي يبناليها ضو طافي ومكاينش تما
دخلات لداخل والخلعة دغيا خطفات منها اللون هو يبان ليها تيو دسيروم محطوط على الفوطوي والغشا ديال السبارادرا محطوط تما
قدس : هاء ؟ يكونو خرجوه لشي فحص تاني ! ...
قربات لسرير وهزات الخيط لي كتصوني بيه على الفرمليات بدات تصوني فيه وكتسنى مبغاتش تخلع دغيا باباها ... وهي دخل الفرملية عندها
قدس : واش خويا داوه لشي فحص
الفرملية : ( كتشوف لسيروم وتشوف فيها ) نوووو .. فين هو الموسيو ؟
قدس : اويلي على فين هوا ! ...
قدس بالخلعة والترعيدة بدات تجبد تيليفونها من جيب الفيست وبدات تصوني على باباها كتمشي وتجي تاجاوبهاا
قدس : بابا .. فييينك .... راه جود مكاينش
اسد : ( فرانا بببجهد ) كيفاش جود ممكاينش
قطع عليها تيليفون وبدات كترعد خايفة باباها يضور فيها حيت خلاتو بوحدو وهي كان كيحسابلها معاه بيلي .. وخرجات كتقلب فالكولوارت وفاي بلاااصة تاخرجات لبرا كاع سولات عليه فالريسيبسيون تاواحد ماشافوو وقلبها كااايزدح بالخلعة ... عاد تفكرات بلي راه عندو تيليفون وجبدات كتصوني عليه .... ولكن لا مجييييب .... وجلسات تما فالريسيبسيون كترعد بالخلعة تابان ليها باباها داخل هو عدنان بجهالة ....وهي تنوض عندهم
قدس : راه مكاينش الفوق ماخليت فييين قلبت .. كانت معاه پيلي ...
عدنان : ففففف مشاااااكيييييل
اسد غير كيمشي ويجي ويرد شعععرو لورر كيحس براسو غااايحمااااق
وقدس بدات كتصوني لبيلسان
قدس : بيلي .. معاك جود !
بيلي : ( كانت كتنشق شعرها وحبسات مخلوعة ) لا ؟؟؟ علاش ياك لاباس ؟؟؟؟؟ انا راني فدار
قدس : ااا .. والو غير مكاينش فشومبر
بيلي : ها ؟؟؟؟؟ فيين مشاااا ... قلبي لايكون خرج يتمشى
قدس قطعات تيليفون كتمشي وتجي وهي تشوف اسد لي كيدوي مع شكيب
قدس : اش قال ....
اسد : مشافوش ( رجع كيصوني ليه تاقال مغيجاوبش هو يجاوبو عااد رد النفس ) جووووود
جود كان يد خاشيها فجيب دسيرفيت و يد شاد بيها تيليفون وكيتمشى على جنب البحر دالمنطقة لي فيها الكلينيك وقريب لدارهم ....ويدو لي شاد بيها تيليفون داير ليها سبارادرا ملي حيد سيروم ...
جود : تيليفون صيلونص يلاه رديت ليه لبال .. ماااتخلعش راني غير كنتمشى تخنقت لداخل
اسد : ( بااغوات ) واش باغي تخرج ليا عقلي اجووود ... راااك مريييض رررجع لكلينيك
جود : امااامريض والو الواليد .... انا ديييما مريض واش غنعيش فالكلييينيك .. صافي تخنقت بغيت نشم الهوا .. سيرو لدار انا شوية نلحق عليكم ... والله تاراني بيييخير غير تهنااااا
اسد : راه غاتحس بدوخة وغطيح اجود وغاااتقتل بااك نتا .. نتا باغي تقتلني
جود : نحس براسي شوية ماشي هو هاداك نصوني ليك .... رجعو لدار متبقاوش مليوحين فداك كلينيك .... انا شوية نكون فدار .... خرجو من تما ....
اسد بقى غير كيتنهد وقطع كيمشي ويجي ويحك فشعرو
اسد : صافي .. النقشة لي بقات لي فعقلي غادي يحرقها ليا ......
قدس : فين هو ابابا ؟
اسد : گالك خرج هو غير يتمشى .....
عدنان : ياااعووووذ بالله على جنووووووون يااااعووود بالله... قوليهم يتتتبعوه يمشي يدوخ يطيح فشي بلااصة ..
اسد خرج كيسوط وكيهضر مع قدس وغادي خارج
اسد : جمعي لابقات شي حاجة لفوق ديال خوك وتبعيني لطموبيل ....
قدس ومات بالايجاب وطلعات تشوف واسد وعدنان خارجين وكيصونيو ليهم كيعلموهم باش ميرجعوش لكلينيك عندو راه صافي خرج ودار لي فراسو ...
جود ملي قطع معاه رد تيليفون لجيبو وخشا يدو لوخرا تاهي فالجيب ومغطي راسو بالقب وكيتمشى ويحاول يتنفس حاس براسو مخنوووق وعياااان ومخخربق ودماغو كولو مرون وفوضى عااااارمة فراسو .. كانو مواج البحر كايرتطمو بالصخووور والمنطقة لفوق كلها كتبان مضووية فسكون الليل .... كيتمشى وسبردينتو كتخيلي موراه الاثر فرملة وهو مزال اثر داك الصورة كياكل فيه واخا عارف هاد الليلة غتصفى ليه وولاد عمامو الا دارو شي حاجة بين عينيهم راه غيديروها ..... ولكن مزال مقادرش يفهم علاش امر بحال هذا هو معارفوس ... علاش كيحس بزاف دالحوايج مخبيين .... ملي لامار كانت راقصة بداك الشهرة كاملة لي عندها بورطري فيه سمية الكباري وسميتها والتوقيت د السهرة .. علاش هادشي هو مفخباروش .... واش هاد الحقيقة مخبية غير عليه وعلى باباه ! علاش متكونش فخبارو باش ميبقاش المجال فين يصدمو البراني بيها !!!! ... علاش ماماه خباتها ؟ واش كظن هو غيحشم من ماضيها ؟ علاش خلات الفرصة لبراني يضربو هاد الضربة ... غمض على عينيه كيتنهد وكيحاول يتتحكم فراااااسو بزز وكل مرة يهز يديه يحك فعينو لي كيحسها كاتكلووو وبحالا تادمع ليه .....فلخر جر واحد كرسي من دياول الشاطئ ... وجلس عليه كايرتاح وكيشوف فالبحر .....
ماهيا الا ساعة ونصف تاكان كوولشي تجمع فالقصر كيتسناوه ... والكارد لقاوه وبقاو بعاد حاضييينو وكل مرة كيعلمو اسد ...... كلهم جاالسين فصالون ولكن باقي البال مشغوول مع الولاد لي انقطع خبااارررهم من غيرر الرجال لي ساكتييين حيت عارفين فين هوما وجات خبارهم .... الخدامات كيقدمو العصير والقهوة واتاي .. وهوما على اعصابهم كيتسناوه يجي ... وساعة تقريبا العشرة ونص ديال الليل ..... اما قسم فبيتها شادة تيليفونها وكتمشي وتجي وكل مرة تشوف لداك الميساج لي فيه بلي اصيل صونا بزاف دالمرات وتشد فالعلبة الصوتية .... مالقاتش ميساجات ولكن ليزابيل كانو فايتيين عشرة دليزابيل .... كتقول واش نعاود نصوني ليه ؟ نشرح ليه .. ودغيا كاتبدل رأيها تاتي وطفي تيل ...
قسم : لا لا ... كيفاش هادشي يتقال فتيليفون ... اصلا بزااااف عندنا ما يتقال بيني وبينو .. هادشي خاصني نقولو ليه فااااص ... وخصنا نهضرو فبزاف دالحوايج ...
بدات كتفكر بلي عذا غالبا غيكون فالريسطو وقالت غدا تمشي عندو وتشرح ليه نيشان حيت ماعندهاش مع هضرة تيليفون ... وهي تلوحو على السرير وهبطات فدروج عند عائلتها ... يالاه نازلة واسد طالع فدروج ووقفات ....
اسد : ماهضراتش معاك صفاء ؟
قسم : لا .. ( حكات فشعرها ) صراحة .. اه ... زعما لقيت ليزابيل ديالها كان تيليفوني طافي ... ماااافيا لي يهضر
اسد : بدلو ليك الفواياج ... حتى لنهار الاثنين ....
قسم : ( علات حجبانها ) بصاااااح !!!! احسن ماداااارو مامستعداش نمشي غدا ونخلي خويا باقي مريض
اسد : راه حيدو ليك اسبانيا مغاديريش ضورة فالبحر خاوية ... غيتحرك الباطو الكبير
قسم : كيفاش الباطو الكبير ؟ ( بدهشة) غنصصصوك الكبير؟ بوووووحدي ؟؟؟ ياك قلتو نبدا غير فالصغير وندير ضورة خاوية تالفرانسا غير انا وليكيپ ....
اسد : هادشي لي كان .... ولكن انا هادشي ممسلكنيش هادشي ... علاش غاديري ضورة خاوية ؟ الفلوس انا كطيح ليا من السما داك الباطو كيمشي برضاة الواليدين !!! كنعمروه بالما !
قسم : ايه فهمت ... ولكن زعما واش غثيق فيا تعطيني الباطو الكبير ... طوريستيك ! تيييق فيااااا ابابا ...( بدات كتبسم ) واش عرفتي شنو هي غنبحر بكتر ومن خمسية واحد ؟ ثيق فيا !
اسد : والى مبديناش دابا فوقاش ناوية تصوكي ! .. مغديريش ضورة خاوية ... خرجي بيه غيكون معاك لي سو ديالك وليكيپ كلها .... عندك ربعة ديال لي سو كابتن معاك ... وغذا راه غيوصلك ضوسي ديالو ... قرايه مزيان ..... غتمشي بيه تالجينوفا .. مغتبدلي مع تاحد .. ترتاحي يومين تما فالباطو .. وترجعي ...
قسم : اييطاليا ؟؟؟؟؟
اسد : اه .... غتقطعي فبرشلونة ونيس ..... ضوسي دابا تقراياه ( كيحك فعنقوو بعياء ) دابا معنديش دماغ دهادشي تالغذا ونهضرو ..... وحيدي منك الخوف .. الكابيطيين والخوف مكيتلاقاوش
اشارت ليه بواخا وهو طلع وهي بقات غير كاتشوف قدامها وكاتخيل راسها غاتصوك الباطو الكبير هاد المرة بوحدها وغاتكون هي الكابتين ماشي غير سو ! .... ابتسمات و مشات جلسات مع العائلة واية كتشوف فيصل كيفاش ماهضرش معاها وسلم عليها بارد شاد تيليفونو ملهي وبعييييد .... مفهماتش بالمرة كاع مالو ومكانش الوقت المناسب باش تسول حيت بالها مع جود وكل مرة تشوف لباب واش يدخل .. وجنان تاهي جالسة حدا اريج وزياد هاز عندو بيان وكيمشي ويجي بيها حيت بالمرض مبغاتش تنعس ليهم وكولشي تايضرها ..... اما وسيم على برا شاد تيليفونو وكيمشي ويجي ....
وصل جود للبوابة الكبيرة بعد مالقا راسو ارتاح بزاف فلامارش ..... وهوما يحلو ليه الكارد كلهم كيقولو ليه على سلامة وكيتمناو ليه الشفاء طريق كلها لي مستفة بليكارد كيرد عليهم غير برااسو وهوما واخا خير گارد وبعااااد عليه ولكن فرحو لي شافوه واقف على رجليييبه ورجع صح ... ماشي فالمرر داير يدييه فجيابو مكيحس بالراحة الكاملة تاكايكوون وسط عرييييينو .... تادخل لجردة وهو يشوفو وسيم ومشا عندو بزربة كاتأكد واش راه صافا ....
وسيم : على سلاااامة .... خليتينا كانتشواو هنايا ....
جود غير خربق ليه فشعرووو ووسيم كينتر راسو مكيحملش يردو دري صغير .. وزاد هو وياه لدار غير شافوه كلهم ردو النفس ولامار مشات عندو بزربة كتقيس لوجهو
لامار : ششوف شوووف كيف برررردتي علاش اولدي مكتسمعش الهضرة ... علاشش .. البرد راه غيضربك وملابسش مزيان
جود : انا ببيييخير بالعكس رتاحيت ( شافت لعندهم ) سمحو لينا على العذاب
رتاج : والله الى راك ديال العصا ....
مشا جود بشوية واخا باغي ينعس ولكن ميقدرش يخليهم جالسين بوحدهم وهوما جاو على قبلو وجلس حدا اية وهي حطات راسها على صدرو معنقها .....
اية : خلعتيييينا اجود
جود : ( حط راسو على راسها ) اودي راااني صدقت عزيييز ههه
اية : ( طلعات فيه راسها ) ودابا هادي هضضضرة ....
جود : ههه ( شاف فرتاج ) فيين رجالكم
رتاج : راهم فالبيرو لداخل ...
ابتسم ليهم وناض داز حدا بيلسان خربق ليها فشعرها ومشا بجهة البيرو ولامار متبعاه بعينيها وشافت عند قسم
لامار : شششفتي .. شفتي ... شفتي بعينيييك
قسم : ماما .. وصافي دابا راه باقي عيان يرتاح شوية وهضري نت وياه ووضحو كولشي هادشي لي بيناتكم ....
لامار : ( كتشوف فيهم ) مقلق مني حيت بسبابي كان غايمووت ياك
بيلي : مرات عمي ( ناضت جلسات حداها ) هاهي قالتها قسم .. خلي يرتاح وهضرو ... يقدر يكون هاز فخاطرو ولكن راه نت ماماه ....
لامار : واش انا غنبغي لي ضرو ...
رقية : ( هزات يديها ) ياااااااسيدي ياربي الحبييييب .... ياودي حنا مصاااب غاا براااا .... يتنفخ دابا يتتفش غاا بشوية عليييه تي مالكي غا غادية ودمعي ... خلي الولد غا يبرا على خاطرو وسيري جبدي لبوه لوووذنين .. ماشي هو باقي وجهو صفرر ونت دمعي موراه ... يااهادي هي جبناه يعاون فحفير القبر هرب لينا بالفاس !
فالمكتب ...
كان اسد جالس فالمكتب ويونس وعدنان على ليفوطوي وزياد و سفيان على الكراسا حدا المكتب تادخل عليهم جود واسد ربع يدو ورجع بضهرو لور
اسد : واااعلى السلاااامة ....
سفيان : داكشي لي فراسك درتييييه ...
جود مجاوبهمش ومشا جلس على ليفوطوي حدا عدنان ويونس
جود : علاش مجموعين هنا اش واقع !
اسد : فين موالفين حنا كنجلسو !
جود : ( شاف لساعتو وشاف فيهم ) دراري باقي تيليفون عندهم ميديشارجي هم ! ... فين هوما ...
اسد : ( شاف فيهم ورجع شاف ليه ) مسافرين
جود : فين !
اسد : وعلاش كتسول ...ديها فصحتك
جوك : مامنحقيش ! .... زعما نتوما جالسين هاكا هاانيين ومعارفينش الولاد فين كاينين ! ملي جالسين الواليد كتشربو قهووة راكم عارفيهم فين كايينين وحتى شنو كيديرو وحتى عندمن مشاو .... اولا !
اسد غير تنهد تاتنفخ صردو وقرب لبيرو كيشوف فيه
اسد : وهانا عارف ... هادشي باش يفيدك
جود : غيفيدني انني غنعرف نهضر معاك بلا مانفيلتري حيت باليا فخبارك كولشي ملي عارف دراري فين كاينين وجالس مهني ....
اسد : دابا انا بنتليك مهني ! ماخاص والديا خييير انايا بنتليك ياك ؟ ( بعصبية ضرب على البيرو ) شششفتي لاكنتي حتى نتا مششجعهم على هادشي لي كيديرو وهضرتي معاهم وعرفيتهم فين هوما برررب يا ولدي تانرجعك للانعاش هاد المرة بيدي
جود : ( وقف بعصبية وعمامو حاضيين معاه وزياد وقف معاه) علاش لي غنقول ليييهم لا ؟؟؟ ( بالغوات ) واااش عارف هااااديييك لي تقاااااست شكون ولا معارفش
اسد : ( وقف وحاول يهضر بشوية واخا كيغلي بالاعصاب ) جوووود جلس للاررض ونززل صووووتك .... قلة العقل ماعندي ماندير بيها وهي لي وصلاتنا لهاد الحريرررة كااااااملة ..... ماشي على اخر ياامي يوليو ولادي انا عنواان دجورنالات الرخااااص .... هاديك لي تقاست راها مرتي ... وقادر نجيب حقها بيدي .. نتا .. وولاد عمامك غااترييييحو لارض .... هادشي مكتحلوش كااارثة اخرى حيت اولادي مازال مكتعرفوش تحسبو شحال من درجة قدامهم قبل ماتنقزو ..... مرتي لي تقاست ووللدي لي كان فالانعاش .. غانجلس مهني ! .... عطييييني نمرة لي هضرتي معاهم فيييها. ....
جود : ( كيشوف فيه وهضر بععععصبية والعروق فجبهتو بببرزو ) ..... انا راه مكيهمني لا بروتووووكول لا خرا .... ملي تقاس ليا الوالدة ديالي .. راه مكنبقى نشوف تاااااحد قدامي .. وكون معرفتهمش راهم تما ... كنت انا لي غنكون دابا فالطيارة .. وراك عارف مغيردعني تاشي وااااحد .. انا جاي هنا وراجع لدار وغانطلع نعس حيت عارفهم غيجيبو ليا دددمووو ييييبرد ليا القلب .... ( ضرب فالبيرو ) نهار كتقااس الوالدة ديييااااالي الحساب تاهو كيتنسى ليا باش نحسب الدروج .... ملي ننكرركبو عليييهم ويتفركع دماغو ... يلاه نحسسسبهم ليك داك ساع شحاال من دررجة .... ملييي تقاااس الواليدة .... يييقوووود الحساب يققود العقل وويقودو الجوورلانات الرخااااص ويقوووود معاه دداك البروتوووووكول دالحححجبس .......
خلاهم وخرج وزدح موراه الباب تاقفزو العيالاااات وطلع فالدروج معععصب ووسيم كان طلع يشارجي تيليفونو و نازل كيشوف معاه مافاهم والو ونزل فدروج بزربة مشا عند العيالات لي كلهم وقفو مخلوعين ورتاج شادة على قلبها ...
وسيم : اش واقع !
رتاج : ( شادة على قلبها ويدها كترعد كاتشوف فطريق جود وعينيها موسعين وكاتخاطب لامار ) لامار .. لامار هدا موضوع كبير هدا ..... ( شافت فيها بخلعة اكبر ) لامار اش واااااقع
لامار : ( مصدومة باقا متبعة الاثر لجود لي طلع طريقو ) مم .. ما .. مابقيت عارفة والو انا .....
اريج : ( وجهها صفار بالخلعة وزدحة دالباب ) هادي شي حاجة اخرى طاااارية .... جود مامعصبش منك نت ....
رتاج بزربة مشات كتجري للبيرو وحلات عليهم الباب بجهدها وقلبها غيخرج من بلاصتو و اسد كان دافن راسو بين يدييه على البييرو وزياد كيمشي ويجي وعدنان شاد على راسو معليه تاوقفات عليه رتاج كترعد
رتاج : عدنااااان فييين وووولدي ... فييين الولاد آعدددناااااان
عدنان طلع معاها عينو وهي قلب الام كلااها عرفات شي حاجة متعلقة بدراري
رتاج : ( كترعد وهوما كاع تبعوها ) شي وااااااحد فيكم يييهضر .. فين الدراااري .... شي حاجة واقعة ياااااك اعدنااااان ( شافت فاسد ) اااسد .. نتوماا مغدخلوش هنا تسدو عليكم فالبييرو ومعارفينش ولادكم فين هوما .. عييينا بالصببرررررر .. ( شافت فعدنان ) فيييين ولدددددي
عدنان : ( دوز يدو على وجهوو وراااسو سخن بالاععصاب لي كيحاولو يكبتوها ووقف ) اسد ... ( اسد شاف فيه ) رررد لباااال .... ( جر رتاج ) يلااااه
لامار : ( بعينين مافاهمين والو ) فييين غاتمشيو ....
عدنان : غنفرقو شوية هاد المجمع باش مانصدقو فمصااايب اخرين ....
جر عدنان رتاج وخرج واريج دخلات كتشوف فزياد ويونس
اريج : اش واقع هنايا ؟ ها ( كتشوف فيهم كاملين ) واش غا نتوما لي والدين راحنا امهات هناااا ساكتييين وكنشوفو ولادنا مكاييينش وماباغينش نكملو عليكم وكابتينها عندنا ... الولد خرررج معععصب ونتوما من قبيلة هنا ... طارية شي حاجة حنا معارفينهاش ؟؟؟؟ قولو شي حاجة ... هضرو ششششرحو لييييينا
حياة : ( شافت فسفيان والخلعة فعينيها ) سسسفياااان اش واااقع .. فييين سلطان ؟؟؟؟؟؟؟
سفيان : ( وقف ) عدنان عندو الحق ... هاد المجمع خاصو يتفرق شوية .... ( شاف فوسيم لي واقف تاهو مخلوع ) طلع عند خوك بقى معاه متغفلوش عليه .. ( جر حياة ) يلاه ... ( شاف فلامار ) مايكون غير الخير ...
جر سفيان حياة لي داز على اية ورقية كتشوف معاه مافاهمة والو يديها على قبلها ويونس وقف وشاف لساعتو وغمز لاسد بمعنى نسكتو العيالاااات ونتلاقاو منبعد .. حيت حسو بيهم عياو بالصبر ولكن صافي الخطر حسو بيه دابا ومستحيل يييسكتوهم الا مفهموش وميقدروش يهضرو حدا لامار تفاديا لاحراج .... ويونس تاهو جر اريج وزياد تاهو تنهد وتبعهم مشا عند رقية بعد ما هز بيان على جنان لي واقفة تاهي مخلوعة ...
زياد : ( بالانجليزي ) جدة .. يالاه تمشي ترتاحي غدا ونرجعو
رقية : ها !
يونس : قالك تمشي ترتاحي الحاجة .... تاهوما نخليوهم يرتاحوو شوية .... ( شاف فبيلسان لي واقفة مخلوعة بمعنى يلاه ) غدا ونرجعو ويكون جود ولاا صافا داابا راه خاصو ينعس ...
رقية : ( وجهها مخطوف) اوووولدي . . اش واقع اولدي راه ررركابيا فشلووو عليااااا
يونس : غير اسد تعصب شوية على جود لي خرج من الكلينيييك ... خليهم بيناتهم يقادو شوية الخواطر راهم عيانيين الله يحسن العوااان .. يااله تمشي معانااا
رقية : ( جلسات ) لا لا لا اولدي انا عا خلنيي .... خليني مع بنتي راه تمشي طيح ولا توقع ليها شي حاجة راه واقفة غا على الريشة
يونس وما ليها براسو ويالاه غيمشي وهي تشدو قسم
قسم : عمي ( بجدية مخلطة بالخلعة ) واقعة شي حاجة ياك !
يونس : ( هز يدو وحطها على يدها ) مغيكون غير الخييير ...
خلاها ومشا وبيلسان عين فدروج لي طلع منهم جود وعين فقسم وقدس لي واقفات مافاهمات والو وهي تبع باباها لي عاود عيط عليها ومشاو .... وقسم دخلات لبيييرو وتبعاتها قدس ورقية عاد نايضة ماشية موراهم بشوية ... كان اسد على الكرسي معلي راسو لفوق ولامار واقفة عليييييه ودموع فعينيها ووسيم تاهو واقف
لامار : اسااااد .. شي واحد يهضر .... راه صافي ( فمها نشف ) انا راه مااابقيييتش قادرة نووووقف مزاااااال .. هضرو قولو لينا اش كاين ... فييين دراري ا اسد .... فيين مروان ... فينهم ؟؟؟؟ ااااش وااااقع .... مال جووود خرج هاكاك ... راه غنتسطا ...
عينيها بداو يتسدو ليها وهي تمشي قسم بزززرزبة شادتها وشافت فباباها بعصبية
قسم : اااش وااااقع .. هضضرو قولو اش كايننن واش حنا مصنوووعيين من البلااستيييك واش مغنتهنااااااااوش حنا ..... شي واحد يرد بالو شوووية لينا حتى حناااا لي ماعارفين والو .....
اسد خدا نفففس عميييق وناض ولامار غير كتنهج كتحس بقلبها غادي يسكت الجهد باش تغوت مبقااااش واسد جاي بجيهتها وضور عينو عليهم كاملين ورقية لي موراهم ...
اسد : الدراري كيصفيو الخواطر مع مروان ... وجود تقلقنا شوية انا وياه
قسم : ( معلية حاجبها بعدم اقتناع) كيصفيو الخواطر ؟ باشمن طريقة ؟
اسد : كيهضرو اقسم .. كيهضرو ( شد عليها لامار لي نترات يديها منو ) ططلعي ختك سيرو ترتاحو وترتاح تا جداتكم ( شاف فوسيم ) طلع عند خوك بقى معاه ....
رقية : اووولدي .. ياك لاباس ... راه قلبنا وقف لينا بالخلعة ..
اسد : والو باس الحاجة الدراري راك عارفاهم .. هدا حالهم ....ماشي شي حاجة جديدة مشاكلهم ولفناهم ( شاف فقسم لي باقا واقفة ) هضرت واقلة ابنتي لا !
قسم : لا مغنمشيو فين .. هادشي مدخلييش انا لدماغي ..
اسد : ( بهدوء ) قسم ... طلعي ختك
قسم : لا انا مغن ( قاطعها بالغوات تااتهزو حيت بان هدوءو شحال مصطنع )
اسد : قاااساااااااااااااام
قسم وسعات عينيها وقدس شدات على قلبها وطلعو بزززربة ... ورقية ضربات الطم من داك الغوتة .... وجرها وسيم وخرجو ... وهو سد الباب دالبيرو وجر لامار للفوطوي
اسد : جلللسي ....
لامار براسها تخلعات من الغوتة لي دار وجلسات غير كتشوف قدامها ماقداراش تاتسمع ليه صوت شهيقها .. كتنخصص بالحس .....
وهو مشا للبيرو هز كاس دالما وعطاه ليها وشداتو ويديها كيترعدو كتشرب منو وجلس على الفوطوي المقااابل معاها كاااايتنههد ....
رقية داها وسيم للجناح ديالها لي داخلة وغير كضور راسها عارفة شي موصيية طااارية ولكن مكتبغيش تحكر عليهم كاتشوف لي فيهم كافيهم ومزال كاتحشم من اسد وخوتو وكتوقرهم ... وصلها وخلااها وخرج .. و هي دخلات لدوش تتوضا واخا ركابيها فاشلين عليها ... وقسم ديريكت مشات لجناحها غير سدات الباااب مشات لفوطوي تلاحت عليه شادة على راسها لي كتحسو خاصو شوية ويتفررركع والغوتة دباباها باقااا كتسمع فوذنييييها وقلبها كيضرب بجهد من الخلعة تاحسات بالاوكسجيين بدااا ييينقص ليها وكتشكل العقدة فصدرها لي كتمنعها من التنفس وناضت بزربة كتنهج لدرجة صوت انفاسها كيتسمع فااجناح كامل ....شهقة وراء اخرى ...
كتحل فالمجروووة وكتحاول تنفس تالقات لبواطة دنظاظرها لي دايرة فيها الرابوز وحبداتو بزربة كاتروزي ففمها وتحاااول تنفسسس تاتلاحت على الفوطوي معلية راسها لفوق وصدرها كااايطلع ويييييهبط .....
اما قدس منين دخلات لجناحها وهي كتمشي وووتجي وكل مرة تشوف لتيليفون وتعاود تصوني على الله يشعلوووو وقلبها كيضرب بببجهد فيين غيكون مشى وشنو واقع .... وجلسات على السرير كتشوف للعدم وخايفة يكون واقعة شي حاجة مخبيينها عليهم ردات راسها لور وشدات على راسها كتحس بيه غادي يطرطق ليييها بالخلعة واول مرة تجرب هاد الاحساس ديال غتخلع على شي واحد كاع قد هاكاااا !!!! ....
اما وسيم دق فالباب من بعد حلها بان ليه غير روكسي لي كيتسارا فالجناح وصوت الما فالحمام وتحنى على ركبتو كيدعابو وهو كيتلوا فيديه ويشم فعنقوو ... تاتحلات الباب وخرج جود من دوش لابس غير شورط بسيور و فوطة صغيرة كيمسح صدرو لي باقي فازك وشعرو كان ناشف مقاسش راسو بالما .... وشاف عند وسيم وملامحو باقي واضحة عليهم العصبية ....
وسيم. جود ... ( وقف كاينفض راسو من شعر روكسي ) شوية
جود حرك ليه راسو بآه وداز لديريسينغ لاح الفوطة ومشا لجهة سيري فيه تيشورتات بويض بحال بحال هز وحدة لبسها وخارج من دريسينغ كينزلها وشاف عند وسيم
جود : انا بيخير غير سير تنعس .....
وسيم : ( كايشرف فروكسي ويلعب معاه برجليه ) لا غير خليني معاك هاد الليلة تمشي تحتاج شي حاجة ....
جود : ( ماشي بجهة البار ) سير تنعس هضرت معاك ...
وسيم : ( شاف جهة الفوطوي ومشا ) غانعس هنا .....بابا گاليا بقا معاه ....
جود كيشرب الما وحط القرعة وضار براسو بانليه وسيم طلع تيشورت حيدو لاحو ... بقى عريان غير بسورال دسيرفيت بسيور ومشى جهة الفوتوي تلاح عليه ومد يدو لطبيلة صغيرة حدا الفطوي هز طيليكوموند وشعل التلفازة لي قدامو وطلق نتفلكس ...
جود غير كيضور فراسو بانليه راه مغيمشيش بلا مايصدع راسو معاه و ماااعندو جهد للهضرة ....
ونعس فوق السرير على ضهرو طاوي يدو فوق جبهتو كيشوف فالسقف وعينيه حممريييين صدرو كيطلع وينزل ووسيم ماتجرأش يقول تاكلمة حيت عارف الجو شحال مكرهب طلق السيري ديالو وروكسي جا عندو للفوطوي عنقو عندو كيداعب الفرو ديالو كيفرج مرة فالتلفاوة مرة فتيليفونو .... وجود غير ساكت تابدا تيليفونو كيفيبري فوق من طابل دونوي وقلب راس بعياء وهي طلع ليه " BAYLASAN " حس براسو مقادرش يههضر وضور راسو ورجع كيشوف لفوق وتيليفون كيصوني بوووحدو تابداو عينيه كيتغمضو .....