#قسوة_عاشق
الكاتـبة حفيدة ال؏ـبدالله
♕♕♕♕♕♕
حسابي الانستا @1a__84
♕♕♕♕♕♕
حبايبي لا تنسون التصويت بنجمة + تعليق بين الفقرات شكد متگدرون + متابعة للحساب
~ قراءة ممتعة ~
📜🤎
عمر: اهوو لو ادري راجع لدوام ولا اشوف وجة النحس
وصلت البيت ودخلت تلكتني امي واخواتي سلمت عليهم و جان بيت عمي موجودين واكيد نازك اول وحده حاضره
ام خالد : الحمدلله ع سلامة يمة
:الله يسلمج يمة. شلونج شلون صحتج
:بخير يمة
: عساج بالخير .يمة بس كولي لخولة تحضرلي الحمام بس اسلم علة عمامي وبوي
:اي يمة روح سلم
نازك : عمة اني احضرالملابس
خولة : لا ماكو داعي اني احضرهن .وبعدين عمر مايقبل احد غريب يدخل غرفته
نازك: شنو غريب خولة عمر ابن عمي شنو هذا الكلام بعد
ام خالد :لابنيتي ماقصده هيج بس عمر نحس بهيج سالفه مايرضه احد يدخل
خزرت خوله روحي حضريله ملابسه والحمام
ونتي نازك يمة تعالي نحضر الغده
: ماشي عمة جايه
…………………
ام علي : يمة فاطمة كافي خياطه مو زين عله عيونج خلي البنات يكملن
فاطمة: اي حبيبة خلصت
لمار: ماما تركيهم اني اكمل ويلا صلي حته نتغده
اباوع ل امي انسانة كلش حنونة بس عدهه شخصية
وبيه طبع ابد ماتحقد عله احد
بس امي تعبه فراق بابا وخلاها تبين اكبر من عمره
فززني صوت زينب
زينب : هلاو هلاو وين صافنه شكد حاجيتج
لمار : حته متخليني افكر براحتي
: اويلي عله ام الافكار يلا تعالي نحضر الغده
: جاية وراج .
حضرنة الغده وكعدنه ناكل وخلص هذا اليوم
ثاني يوم اجت لعدنة جيرانه وطلبت من امي تخيط الها فرشه مالت جرباية
ام فارق :اكلج فاطمة اريدج تخيطين الي فرشه لجرباية
فاطمة :والله يختي الفرشه يراد الها شغل واني بعد ماكدر اضغط عله عيوني تدري بية
لمار : ماما تركيه اني اخيطة
:تعرفين
: اي ماما اعرف مو تدرين بيه اخيط كلشي بس الفرشات بعدني مامجربه .واذا خربت فدوا الي شتكولين ام فاروق
: هههههه اكيد فدوه الج .مايغله عليج شي خالة .
هذه القماش و هذه الفصال الي اريده شوفي و طبقي علي
: ان شالله خاله بس اكملة اني اجيبة الج
: يلا حبيبه اني اروح بعد قبل ليجون الجهال
فاطمة : هلا بيج داده
لمار: كعدت اباوع ع القماش و بالي تصميم احلة من الي طلبته بس خايفة مايضبط وياي .هههههههه لا مو كالت فدوه الج .اجرب بعد واني وحضي
فاطمة : ها بنيتي وين صافنه
لمار : والله ماما بالي فصال احلة بس خايفه مايضبط
: ههههههه لا اعرفج بنيتي سباعيه
ام علي : اي والله بت ابني سباعيه واعرفه راح اسوي احله من الي طلبته
سمعت كلام اهلي بساعته كلش اشجعت و كلت بس اكمل العشه ابدي اخيط
ماما شنو اسوي عشه
فاطمة : اني حسوي العشه ماما روحي انتي
لمار : رحت لملمت البيت وكعدت شوي ويه بيبي والبنات وامي وعمتي يحضرن العشه
جنت حيل مستعجله وبس اريد اكمل العشه حته ابلش بيها ماعرف بس حبيت الفكره حيل
صار وقت الصلا و كمنه كلنه صلينه و تعشينه بعدها بلشت اطلع القماش
صافنه بالفصال الي بالي و فززني صوت بيبي
ام علي : هاج بيبي جبتلج جاي حته يعدل راسج و تخيطين زين
لمار : عاشت ايدج حبيبتي . اخذته من ايدها وبست راسها . رادت تطلع حاجيته
بيبي
: ها يمة
: ابقي يمي بوجودج كلش ارتاح ويصيرلي واهس
: يا جا مو تدللين ههههه . يلا يمة ابدي خيطي واني يمج
وبديت اخيط و نسولف اني وبيبي وماحس ع الوقت وكل شويه اكلها ها بيبي شلونها وهيه شجعني
ماحسيت ع الوقت ابد لحد ما نامت بيبي يمي شفت الساعه صارت ١٢ يا خطيه بيبي اكيد تعبت
بيبي حبيبتي كعدي ونامي بفراشج تاخر الوقت
: لا يمة كاعده كملي شغلج
: ههههههه كملت حبيبتي يلا خلينه انام
: ها يلا زين خلينه انام
راحت بيبي لفراشه واني نمديت الفرشه واباوع عليه كلش حلو و لو نفرشت عله جرباية جان بانت احله
بس هسة بالكاع وتخبل
وبقيت اتكلب ليل كله اريد يجي الصبح واشوفه لهلي
هههههههه
صار وقت صلا الصبح وسمعت بيبي تكعد امي كمت وياهم صلينه .وبعد كعدت اشوفه لمي . باستني وفرحت حيل من شافت شغلي .حسسني هلشي مسويه انجاز لان فرحت ماما
ثاني يوم امي خابرت ام فاروق واجت اخذت الفرشه
ونطتنه فلوسها وراحت
اجت امي خلتهن بيدي وكالت هاي اول تعب الج فرحت حيل لان اول مره اشتغل شي لوحدي بدون ما امي تساعدني بشغله
كتلهم يلا اليوم عازمتكم عله عشه شنو تردون هههههه
ام علي : بيبي خليهن الج ليش صرفيهن
لمار : لا حبيبتي اني شعندي غيركم يلا هسا كولو شنو تردون
براء : اريد كص
زينب اني اريد بيتزا
وانتي ماما شنو تردين بكيفج يمة اي شي
: راح طلب الجن كباب انتي وبيبي ونتي عمة شنو تردين
ساره : هم كباب وياكم
: هههههه ماشي مو تدللون . يلا بيبي نروح نجيب ونجي
ام علي : اي يمة خلي اجيب عباتي
: رحت اني وبيبي و جبنه ٤ نفرات كباب وبيتزا لزينب
و لبراء كص و ببسي وزلايط و بيبي جابت نمنمات لليل تعرفنه نحبه . ورجعنه
خلصنه هليوم بسوالف وضحك .
………………………
عمر : اني بيوم الي انزل للبيت اخلصها نوم
بس هلمره كعدت ساعه ١١ بليل شبعان نوم و داكني الجوع .
خلي انزل جوه اشوف امي اكيد عازله عشاي
نزلت و لكيت اهلي كلهم كاعدين و عدنه خطار
عمر : خوله
خوله : ها
: جوعان شنو عشانه
: دولمة تريد احميلك
:اي والله ميت جوع .
: اي ماشي بس بشرط
: بدت رحمة الله ههههههه كولي
: هههههه شبيك غير اخوية حبيبي وشرط علي
: اي طلبي
: اريد نمنمات لان تعرفني ما كدر بدونهم بليل
: تمام هسة اطلع اجيب. الج والي بس اجي الكاج مكمله العشه
: اي مو تدلل
رحت جبت الها نساتل وحب وعصاير وبعد سوالف منا ومنا تحبه
وجبت لهلي بقلاوه و حلويات ورجعت لكيت بيت عمي رايحين و نازك البومة هم ماكو كلش فرحت رحت لمي نيطته العلاكه ورجعت للمطبخ وشفت خوله صدك مكمله
: هلا هلا شجبتلي خليني اشوف
: كلشي تحبي هاج هاي الج والامنه و هاي العلاكة صعديه لغرفتي
: تمام
كعدت اتعشه اجة ابن اخوي ياكل وياي كملت غسلت ورحت يم اهلي
: ها الله يساعدكم
هلا بيك وليدي
شهاب : وينك بويه من خلص الغده بعد ما شفناك
: والله يايابه تعبان وخلصته نوم
خالد : لا كول فالت من نازك هههههههههه
كلهم ضحكو
عمر : والله خويه تريد الصدك اي ماريد اشوفه ولا احب اسولف وياها
ام خالد : ولك ليش يمة البنيه تتمنه بس نضره منك
واليوم من عرفتك نازل هيه الي حضرتلك الغده
ومنتضرتك وتالي تعوفه وتصعد تنام
عمر: يمة شكو منتضرتني مرتي خطيبتي شلون وياها
شهاب : عوفي يمره خلي براحته . وشوفينه شجاب بهل علاكة
ام خالد : بقلاوه وحلويات
شهاب : اي نطينه خلي ناكل نحتاج حلا والله ههههههه
عمر : ها شيخ ها شعندك بالحلا والعسل كله يمك
ضحكت امي
شهاب : والله يبني نحتاج حته نداري امك
ام خالد : يا يا شبيك شيخ عيب من الولد
خالد : هههههههه اي والله نحتاج حلا
و غمز لزهراء
زهراء : جيبيهم عمة اني احضرهن
عمر : يلا اني اترخص
خالد : ها وين
: اصعد لغرفتي
: ماتريد حلا ههههه
: لا خويه ماريد انتم كل واحد يمة مرته اني وين انطي وجهي. ههههههه . تصبحون عله خير
: ونته بخير وليدي
صعدت للغرفه ورجعت نمت ماحسيت عله روحي
…………………
لمار : كعدت الصبح شفت ساعه ٨ كمت احضر الريوك لكيت امي وعمتي وبيبي كاعدات
صباح الخير
صباح النور يمة
ام علي : اليوم من صبح كاعده
لمار : اي كلت احضر الكم الريوك
: يلا يمة حضري علما يكعدن خواتج
رحت احضر الريوك واسمع امي تكعد زينب وبراء وهنه يتململن بعدهن نعسانات
جبنه الريوك وكعدنه ناكل
من كملنه شالت زينب المواعين و غسلتهم . جاي الملم بالبيت واسمع امي تخابر ام فاروق . وتحجي عله الفرشه طلعت اله اشوف تباوع الية و تكول
فاطمة : اي لمار خيطته . ها . ليش . شبيه . صدك
اني هنا خرطت العافيه مثل ما يكولون هههههه عبالي شو شبيه لو الفصال ما رضت بي ضلت عيوني عله امي و الوجة صو فر
اجت امي عليه وتحجي .
فاطمة : ها ام فاروق تصلت علمود الفرشه و تكول……………
*******************************
#قسوة عاشق