رايت في حلمي انا التقينا
مصادفه حلوة في الزحام
حديث قصير جرى بيننا
سؤال عن الحال ثم السلام
وام العيون فقالت كثيرا
وازهر قلبي لوقع الكلام
فليت القاء يكون يقينا
وليت الفراق حديث المنام
.....
تصويت
تعليق بين الفقرات
....
بقلمي
زينب
سديم...
صافنه على بشائر الي ترتب غراضها وهيه فرحانه رفعتلي قطعه ملابس تشوفيناها
_شرايج بهذا القميص سديم
_اي حلو
_اجيبلج منه لو رحت مره ثانيه للسوك
_كيفج
كلتها وطلعت لكيت عباس كاعد ب الهول ينركل ومبين شكد ضايج من اخر مره تميم سولف وياهم على موضوع جوري همه رفضو محد جان مايد عباس جان كلام عمه ميساء حيل قاسي علي وهيه تكله خالتك حتى ماقبلت تاخذك
وتحتضنك صغير هسه تريد تاخذ بتها جان جواب عباس لاتحكمين ع الناس من مظاهرها كلمن وظرفه
بشائر الي تجهز العرسها الي ضل بس اسبوع وعمه ميساء تجهز لخطوبه غسق الي رافضه حتى تروح للسوك تجهز لنفسها جانت الحيره مبينه بصفنتها
كعدت يم عباس واني مثل حالته مخنوكه حيل لان بشائر راح تعوفنه
كال عباس وهو يفنخ الدخان
_ ضايجه خيرج
_ماكو شي
_شلونها الدراسة
_تزهو ب النصر شلونها بعد عفيه عباس مو كتلي افهمج رياضيات ليش غلست
_روحي جيبي
رحت للغرفه جبت الرياضيات وهو كعد يباوعله وعاف النركيله كال وهو يسد الكتاب
_شبيج سهل هو حسابات انتي العام مو اخذتي
_من افهمه ماعرف احل مسائل زين
كعد يعلمني ويشرحلي ع المسائل جان يعرفلهن
سألته واني اقاطع شرحه
_عود انت شكد جبت ب الرياضيات ب الوزاري
_ماتذكر ب الضبط بس جان معدلي ودرجاتي كلهن ب التسعين
_فلك قفلكك يعني هسه اجيب ب التعيسن يلا ادخل مثلك تقنيات طبيه
_خمسه وخميسه بعين العدو عيونج داده شسالفه
_كمل هسه
كمل شرح دخل تميم وهو راجع من شغله بس اني جنت مندمجه احل ب المسألة الي كتبها عباس
كال عباس وهو يلفت انتباهي التميم
_الله يساعدك تميم
_ويساعدك شنو تدرسون اليوم
_مرتك ثولة مسأله ماتعرف تحل
شمرت القلم واني اخزر بعباس
كال تميم وهو يجي يمي ويلم الكتب من الكاع
_كومي مريتي اني اقريج عليمن هذا كاعد يهوبز وهسه يكلح انا وانا وافر البروانه وانطح الذبانه وهيج جنت ادرس وهيج جبت
_اي والله تميم يكلي جنت ب السادس كله تسعينات وذكي وماجنت ادرس هواي واجاوب لان ذكي
كال عباس وهو يشيل الجمره ب الملقط من النركيلة
_وداعت تميم هسه اجويج ليش تجذبين منو سألني
كمت من يمه وكفت يم تميم
كله تميم وهو يسحك على رجله
_رجع الجمره لا الجم لسانك بيها
رن مبايلة وابتسم صيح عليه تميم ولا كانو يسمعه غلس وطلع صعدت ورا تميم للغرفه الي اخذ كتبي وياه
نزع قميصه وهو يفتح البنكه
_تميم ترا بارده
شمر الكتب ب الكاع بعصبيه وهو يصيح بصوت مكتوم
_انتي خليتني بارد الهوى ماكدر اتنفسه من كد مامحترك دمي شسوين جوا ماكو غير عباس يدرسج انا كايلج لو ماكايلج شكو شي ماتفهمينه تعالي اقريج كايل لو لا
نصدمت من تغير تميم المفاجا توا جوا مابي شي ويتشاقه ويه عباس معقولة علمود مايحسسه بشي او مايحسسه هو مو ابن عمه من لحمه ودمه وغريب عندهم رغم عمري ماباوعت العباس بهل نظره
_احجيييي مو كااايل
_اي كايلي بس نسيت
جر نفس وهو يمشط شعره باصابعه من شفته هيج ماعرفت شنو اسوي ب الضبط لميت كتبي من الكاع اريد اطلع صاح بيه
_احد كايلج طلعي خلصت حجي انا
_يعني شسوي
_سديم لسانج
_ترا وضعك مو طبيعي كانو جاي من برا بس علمود تعاركني هسه شكلت اني وكتلي لسانج
_تعاي يمي
رحت وكفت يمه حايره شنو يريد ب الضبط
اخذ الكتب مني وحطهن يمه ع السرير اخذني من ايدي وكعدني على رجله
_سديم من احاجيج لاتجاوبين ع الكلمه بعشر كلمات جاوبيني مثل الاوادم
كالها وكرص شفتي بقوة وخرت ايده واني منزعجه
_وخر تميم هسه اني شمجاوبه شوف حجيك شلونه
_استلم احجي هيج تجاوب هيج استغفرالله يالله
_اي مو اني مو ادميه بعد ليش اجاوبك بهدوء
_انوب صارت مو ادميه منو كال
_ماغير انت تكول جاوبي مثل الاوادم
_انتي شبيج واكفتلي ع الكلمه
_مابيه شي
_باجر خطوبه غسق
_اي
_خطية عمو ضايج
_ليش مو بته راح تنخطب وشخص زين ليش بعد يضوج
_بعده مالحك يشوفها نخطبت والله مادري احس اكو انّه ب السالفه
_اي وضعهم مو طبيعي
_يلا نزلي جوا خل اسبح وانام
جنت مندمجه وياه اسولف من كلي هيج ضجت وماكمت من رجله
_عنفصت ماترحين عاجبج الكعده مبين
_مو عاجبتني بس ماريد اكعد ب الغرفه اضوج من اشوف بشائر تحضر بغراضها راح تعوفنه
_لو حتى هيه ماعافتج انتي تتزوجين وتعوفينهن لاتبقين هيج ضايجه يمها تضوج وماتتونس خطيه
_اي ادري
رفع حاجبه وهو يكول
_كاعده على رجلي ومن اريد الزمها تشرد
لفيت ايدي على ركبته واني اكعد رجل على رجل
_بلا يمته شارده اني
_ايبا منووو يخاف بكل مره ويفلت
حطيت شفتي على شفته واني ارفض كلامه حجيت بصوت هادئ
_متاكد من كلامك
اخذ شفايفي بين شفايفه واني اتجاوب وياه رفع راسه وهو يكول
_مامتاكد تماما
عضيت شفته السفليه بهدوء واني اكله
_تاكد
ايده شاده على خصري وصدري على صدره انفاسه الحاره تلهب بوجهي بعالم ثاني
ماعرف شلون جردني من خجلي وياه
صرت وياه بنفس السرير وايده ترسم على منحنيات جسمي بلهيب حطيت راسي بركبته اخذ نفس قوي
ايدي الي على ظهره وجسمه فوك جسمي شديت ايدي على ظهره واني شفايفي تطبع قبلات متفرقه على ركبته
لهيب انفاسي يطخ بجسمه الحار
غمضت عيوني بوجع لمساته القاسية
ابتعدت عنه واني اعدل ملابسي والبس شالي
جان تصرفه بكل هدوء مجرد يباوعلي
_هههههه شردت عود تريد تاكد
_لا رمش عيني انت تاكد بغير طريقه
_بلا تعالي
كالها وعفت كتبي وطلعت من يمه
رجعت للغرفه وكفت ب الباب واني اكله
_راح انام يم بيبي الليله
_اموتج والله
_اهووو تميم شسالفه
_بيبي كلهم يدخلون يمها بدون استاذان حتى عباس وجدو المن موليه هناك
طبكت الباب بدون ماجاوبه ونمت يم نرجس وبشائر
بشائر...
يم غسق ب الصالون وهيه تحط عطر اخر لمساتها
باوعتلي وكالت
_حلوة لايكلي المكياج
_اي كلش حلو
كعدت يمي وهيه تكول
_ماريد حفلة جنت رايده بس عقد بسيط ماريد هوسه حتى المكياج البوجهي ضايجه منه
_لا تكولين هيج عيشي اللحظه لان متنعاد لاتخلين شي يضوجج غسق ابتسمي شوي عمو حيل ضايج علمودج وضعج عبالك مجبورة
ابتسمت مجامله وهيه تكول
_هسه تمام
_خابر عمو حازم راح يوصل
شوي واجه عمو دمعت عيونه وهو يشوفها ب الفستان وتجهزيها رجعنه للبيت وغسق مبينه بعد كلامي شكد ماتحاول تبين طبيعيه
حتى عمو ضحك من شاف ضحكتها
خابر غيث بعد ماوصلت جان محد غريب موجود بس كرايبهم وينتظرون اهل عزيز
جاوبته واني ادخل للغرفه محد بيها
_وين مختفيه حتى مكالمه منج ماكو ولا رسالة
_مو كتلك راح اروح ويه بنت عمي للصالون
_نسيت اليوم الخطوبه قصدج اختج
_نفس الشي
_ ماضل شي للعرس بس ارجع من الواجب
_يمته تروح
_باجر
_لو ماتروح مو احسن
_البديت بي ماتركه تدرين الحجي مراح يغير شي
_بكيفك حبيبي
_لاتخافين ماطول دعواتج وياي مايصيرلي شي
_دوم وياك حيل خايفه عليك حتى ماكدر اشوفك قبل لتروح
_بس ارجع تشوفيني من الواجب اجي للبصرة
_لا خليها للعرس فد مره تجي تعبان انت
_بشائر اريد اسولف وياج عن هواي شغلات
_اسمعك
_اكو ايتام متكفل بعيشتهم اكو عائلتين يمكم ب البصرة وعائلة ببغداد انطيج اسم منطقتهم واسمهم خايف اروح ومارجع منو يبقى الهم الاطفال كلش صغار بس كليلهم غيث وشوفي رده فعلي حيل يحبوني كله بابا يكلولي
دمعت عيوني واختنكت حيل
_لاتضل تخربط تشنو ماترجع انت ماتفكر بيه ماتفكر اني شنو يصير بيه مثل ماجاي تفكر ب الجهاد والبلد فكر بيه على الاقل
_صايره لهجتج بصراوية تجنن
_اي ضيع السالفه لاتنطيني عنوان ولا هم يحزنون انت تجي وتروحلهم بنفسك اني شكو
_انتي جوهرتي الي ماروح تعوفهم عليج الله لاتعوفينهم
بجيت بقهر من كالها وكلبي معصور من حجيه
_بشورة لاتنقهرين اذا استشهدت اني ب الجنه باحسن مكان دومج اندعيلي شنو يصيرلي مثلا ووحده مثلج وياي اريد تكملين دراستج تشتغلين بس تخلصين دراسه راح تحصلين شغل انطيج عنوان صديقي والشركه الي يشتغل بيها واعتمدي على نفسج
ماتحملت اسمع كلامه اكثر عفت التلفون وايدي على وجهي ابجي بكل حركه كلب شهكاتي المتتاليه والحركه الاحس بيها
صوته العالي واضح من بعيد
رفعت التلفون واني احاجي
_مو احجي وياج اني ليش البجي بشورة ارجع قابل وين رايح عود صدك مصدكه بكلامي يابه اخذيني على كد كلامي واعتبري شقه بس هسه ادزلج كل العناوين حفظيهن يمج لو ادزهن العباس
_روح انت وعناوينك خربت مكياجي
سديت التلفون واني اتحلف بي بس اشوفه على هذا حجيه
غسق...
مو دوم الي تشوفه الناس صح بحياتك هو سعادتك
يجوز بؤس ماله نهاية
كل ما احاول اباوع للموضوع بنظره ايجابيه ماتحمل حياتي وياه ولا ااطيق اسمع صوت عزيز ماهب طلته ولا احب حضورة وغروره
ماحب حتى الامان الاحسه من اسمع صوته واحس انتهت كلشي ياذيني بحضورة صرت اكره روحي لان التجا اله بكل مره بس قدري وظروفي فرضت علي هذا الشي
صفاء الي اختفه واني اختفيت وسديت التلفون ماراسل عزيز ولا اريد اشوف او اسمع شي
خلصنه عقد سيد بعد ماسوو تفاصيل المهمه الهم بس جنت اباوعلها بعدم مبالاة
ايدي الحطتهن بيبي ع القران وبيناتهن هيل
رجلي الي جانت بماي وورد
لبسي الجان كله ابيض وعلى راسي كبوس ابيض
جان السيد يردد وعزيز يردد ورا
اخذ موافقتي ورحت غيرت اللبس بفستان جنت عاجبني اضل بي بس بيبي لازمتلي الباب اله ابدل
صحتلها تسد السحاب
سدته وهيه تكول
_يمه شبيج عابسه غير افهم حتى من ورا المكياج مبين وجهج شاحب ماتردين الرجال المن قبلتي بي شو عين الله تحرسه وامه وخواته دره مالت الله بعد ليش ضايجه
_ماضايجه بيبي بس يعني كاي بنيه تضل تفكر السوته صح او خطا
_اطمني حبيبي صح وداعتج تعيشين حياة احلى من حياة خواتج راح تتعوضين عن كلشي شفتي
جان كلامها مثل البلسم حيل تطمنت ورا ماسمعت كلامها جنت من مراهقتي ولحد عمري هسه واني امن حيل بكلام الكبار احسهن يقرن الوجوه او عندهن معرفه ب المستقبل وخبره قوية ب الحاضر وهذا كلش ملاحظته على بيبي دائما قرارتها تصيب والدليل جانت تكل الابوي بتك راح تلكها صدفه بس تطلع من السجن حسب كلام ابوي
_شوفي اكلج غسق انتي بنتي حالج حال حنان وسرى وشمس وسديم كلجن بناتي الزينه والشينه فدوم احجي وياجن بهداوة وتدرن بيه خلكي ضيك عزيز هسه رجلج طاوعي بالكلمه الحلوة والمعشر الحلو خلي تبقى ذكرياتكم حلوة انتي قبلتي بي بدون محد يضغط عليج فلازم كاي زوجه او خطيبه تراعي الله بزوجها ماشي يمه خلي كلامي بالج وخلي خلكج طويل ويه الرجال
بكلبي اكلها يامعشر حلو كعدت يمه يومين راواني نجوم الظهر ياذكرى حلوة شحجي شخلي يابيبي
هزيت راسي بالموافقه ماعندي غير حل اني القبلت علمود سلامة ابوي بس من اصفن شوي الكه نفسي قبلت لان اشوف عزيز بنظره الامان
باوعت النفسي اخر مره ب المراية فستاني البيج صاير لونه افتح من لون بشرتي السمره شعري الاسود نازل جوا خصري بحركات كيرلي ام الصالون سوته
جنت اباوع الشكلي برضى بس الي بداخلي شلون اشوفه برضى اخذت الشال واخذته بيبي من ايدي
_بيبي ماحب زنودي تطلع انطيني الشال
_يمه انتي راح تموتيني ناصقه عمر شنو تسوين بالشال عزيز رجلج بعد يشوف زنودج حلاله انتي
اخذت نفس واني بس اريد اخلص من الجاي يصير طلعت ورا بيبي وام عزيز بس تهلهل وخواته مشغلات الدجي ويركصن صفنت على ركصهن وحده تنافس الثانيه بهزة الخصر والضحكه والاناقه
سلمت عليهن وكالت نور بصوت ناصي
_شايفه هاي الكاعده يم الي لابسه عباية اسلاميه هاي مرت ابوي ب البصره عزيز يعتبرها امه الثانيه لان بفتره من الفترات امي تمرضت وهيه اعتنت بي بشكل حلو رغم مو صلح هيه وامي بس تميم ماكطع منها ابد كل فتره هنا علمودها
_حلوة مبينه شكد هادئة من وجهه السمح
_تجنن هسه من تعاشريها تشوفيها بس على فكره انتي طالعه غير شكل اليوم هاي ام الصالون شلون ساحبه عينج هيج خرب سوده علي اخوي هسه يطيح من نظره منج
_وين حلوة ترا انتو مكسرات علي ب الاناقه
_سكتي يا اناقه راح تشرد الاناقه لو شايفتنه شلون جنه نتكافش قبل لا نجي ع اللبس اخذنه رزاله من عزيز يلا اجينه
_اكلج يعني انتو متعودين ع الرزالة
_هذا ابو العز كلشي يهون من عنده
_والله انتي مدري شلونج
_ترا والله حقاني ابد ممرزلنه اله على شي احنه تافهيين بي والحق مبين خوما يسكت
_لا شيسكت بعد
قطع كلامنه واندماجنه سوا دخول عزيز واني ودي اضم نفسي ورا الكوشه الي سونهه البنات من لبسي الي يخزي
ضليت لازمه بفستان نور بقوة عبالك امي وماريد اعوفها ادور بالوجوه على سديم وشمس كلهن اختفن علمود يلبسن حجاب
قدم الي باقه ورد وجان يلمع من النظافه حتى بداخلي اكول شدعوة هلكد مرتب نفسك
اخذت منه باقه الورد واني كوة ابادله الابتسامه
باسني بكصتي وهو يكول
_مبروك عروستي
ابتعدت عنه وامه بس تهلهل وتطش ب الجكليت باس ايديها وراسها وهو يسوي نفس الحركه لمرت ابو وبيبي
دخلت معالي وامها وميس وهنه يهلهلن ابتسمت واني ابوسهن جنت مفتقده وجودهن كالت ورا ماهلهلت
_مبرووووك علييك خالو
كالت ام عزيز وهيه ترفض كلامها
_بيتي عمو مو خالو
_ههههه بيبي مثل الشي كلنه ب الهوى سوا
اكل بشفتي من التوتر اريد تخلص هاي الاجواء بسرعه التفتت على عزيز الي واكف يمي وعينه على صدري بلعت ريكي واني ارفع الفستان على صدري بس جان مكشوف بكلبي الوم عمه ميساء على هذا الفستان الي يخزي
كال هو يقرب وجهه من اذني
_عوفيلي شوية من شفتج اكلتيها كلها
ابتعدت عنه مكزبر جسمي من كلامه
_ااااخ من عمي حازم الاجل العرس منا لبعد سنه
اخذ علبة الذهب بعد ماكلتله عمه ميساء يلبسناه كتلها
_خلي اني البسه
_حبيبتي خلي خطيبج يلبسه الج هاي عادات يمه باوعت البيبي الي بس تخزر وتعضلي بشفتها بتحلف
شاورة عمه على كيف
_عمه اعرف البسه والله خلي بعدين
تجاهلت كلامي وهيه تنطي العزيز كلاده يلبسها الي
وكف ورا ظهري وهو يرفع شعري لبسني الكلاده واني مثل المنتولة بس يطخ جلدي يقشعر جسمي
لبسني محبس وحلقه
جانو هوسه وملتهين ب الركص بس عمه ميساء وامه ملتهيات ويانه كال بصوت ناصي ومرسومه علي ملامح الجديه
_البنيه جنت ادورها من نسين علمود اريح ضمير اخوي وترجع الابوها تالي تصير مرتي
درت وجهي منه واني ماتحمل اسمع كلام اكثر دمعتي كوة حابستها كال وهو يوجه كلامه البيبي
_حجيه من رخصتكم اخذ بتج شوية احجي وياها بهدوء
دخلنه الغرفه بيبي محد بيها كال وهو مبتسم ورا ماسد الباب
_شنو هل غيبة غسق
_اي غيبه
_ليش جهازج مغلق
_سادته مادري ماريد تحجي ويه احد خصوصي صفاء ماريد اي تواصل يجمعني وياه
_صفاء جوا ايدي لاتهتمين الشي عيشي مطمنه دوم
جان دوم احساس يغلبني انو اكو رابطه تجمع صفاء بعزيز شكد ما احاولاتجاوز هذا الشعور الكاه يسيطر علي بكل مره
_شلون يعني مافهمتك
كال وهو يرفع حاجبه
_اليوم خطوبتنه ماريد نحجي بهيج مواضيع اجي غير مره ونسولف هسه من تطلعين بوسي امي ومرت ابوي مثل ماسويت شكد اننظرتج تتقدمين الهن بس انتي صنم جنتي
_مادري ما منتبهه
_بالج مو وياي مبينه
_لا وياك قابل وين افكر
_عزيزتي انتي واضحه كلش عليج الحيره بس ماتسوا تحتارين وربج
صرت بين الحايط وبينه بعد ماتقدم علي خطوات
قرب وجهه من وجهي انفاسه اختلطت ويه انفاسي بس اريد ابتعد عنه اني وجوده مامتقبلته مو اتقبل قربه
ايديه تلامس ظهري المكشوف من الفستان بهدوء غمضت عيوني احاول اسيطر على نفسي من حركاته وقربه
حطيت ايدي على صدره ابعده مني كال وهو يحط راسه يم اذني
_كل اسمر هيج حلو وصافي مثل الالماس
قرب شفته الشفتي ضميت شفايفي داخل حلكي وهو يكول
_احسن شي سويتي لان ماكدر اقاومج ولا اريد اجبرج
كالها وطبع بوسه خفيفه بطرف شفتي
حسيت كل جسمي منمل وبس اريد ابتعد واتنفس عركت والجو بارد
طلع من الغرفه بدون بعد مالتفت علي وكال
_لاتنسين الوصيتج
بهاي اللحظه صفنت ويه نفسي شنو وصاني بعدين ستوعبت اروح اسلم على امه
سويت مثل ماكال واني بس اريد اخلص الوقت علمود يرحون واشوف ابوي رغم شكد لحو علي البنات اسوي جلسه تصوير بس جان مالي رغبه ولا عزيز وافق
سديم...
مرت ايام بشكل متتالي طبيعي اجه غيث علمود يشوف بشائر الي جانت بس تندعي وتبجي علموده عمه كوثر الي ماخلصت منها وتعبني يوم عن يوم اكثر
غسق الي مستحيل تنزل من فوك ونشوفها
اجه الوقت الي تتزوج بي بشائر
طلعت مثل الاميره ملامحها البرئية ضحكتها الي راح
افتقدها
كاي عرس عراقي وهوسته
يومين وراحت هيه وغيث لبغداد
مصطفى ومرتضى الي يوم عن يوم صارو يشوفوني مثل امهم حتى من يباوعولي ابجي على بشائر يبجون وياي لو يصيحون تميم الي طول الفتره يحاول يطلعني من الحالة الاني بيها
جانت صدمتي جبيرة من خابرت شيماء على تميم وهيه توصي على اطفالها لان راح تطلع لخارج العراق
مفتقده كلشي يخص بشائر ب البيت احس البيت باهت بدونها
بعد ماجابلي تميم تلفون صرت يوميه اخابرها
يوم عن يوم تعودت عليها
بدت احتفالات راس سنه ودخلنه بسنه جديده
من اصفن على نفسي اكول شكد تغيرنه خلال سنه بس
ارتاح من اسمع ضحكه بشائر ويه غيث وشلون مرتاحه وياه
مرات احسها مثل الفراشه من تحلق او من ساعدتها ماتشيلها الكاع وتطير
بشائر ....
احاجي مصطفى ومرتضى كام وهو يطفرون فرحانين لان تميم جايبلهم بايسكلات ضليت اوصي بيهم مايطلعون يلعبون بنص الشارع
وصيت سديم هم من كد خوفي عليهم جانت الغصه بصوت سديم كل ماتحاجيني شمس الي تسولفلي عليها شكد ضايجه بس شنو بيدي اريدها تتعود احسن شي الها
سديت منهم التلفون واني مبتسمه
رفع غيث راسه من الغطه وهو يكول
_مرتي اذا خلصتي تعالي يمي من يمته خوانج ماخذينح مني
ضحكت على حجيه واني ادخل للحمام
باوعت للسيت الحاطته ب الحمام ماكدر اعود نفسي البسهن كدامه بكل مره استحي واطفي الضوا غسلت جسمي بلوشن وشسورت شعري بعد ماسبحت واني البس السيت باوعت على نفسي ب المراية اضم بمناطق جسمي من اللبس الابسته قويت نفسي وطلعت يمه تمددت يمه واني احضنه من ورا مامنتبهه الي كانو فز من شافني التفت علي وهو يكول
_وين اختفيتي
_يمك حبيبي
_باجر خواتي يجن اذا سمعوج حجي او اي تصرف سكتي عنهم
_ماكو داعي توصي
ضحك وهو يضمني قوي على كلبه
_اخ اخ كون اضمج بكلبي وماتطلعين بعد هيج احبسج بشورة شنو تردين كتبي الي برساله علمود احظرلج لو اجيب جاهز
_لا اني اطبخ
_نادرة انتي بشائر شايفه شكد مشتهي محشي يجوز صارلي ب اليومين مشتهي وانسه اكلج
_مامجربته تعرف تسوي انت
_اي باجر نسوي اني وياج
_ههههه لا حبيبي انت ماتوكف يمي ب المطبخ
_لابلة ترا هو مطبخي
_غير جسمي يزورك من التكرص مالتك عود شقه لو صدك شنو تسوي
_والله ماشبع منج لو اشلع جلدج هم ماشبع منج
_يمه خل اخابر اهلي وين عافوتي وسط هل وحش
_خوما تحسين ب الوحده من اطلع
_مالحك احس ب الوحده للاسف منا كلية ومنا بيت ومنا رجلي كلش متعبني شسوي المن اشكي اني
_هسه افشخج متعبها ام راس
عضيت ركبته بقوة واني اكله
_يعني مجذبه اني
طفر من مكانه وهو يدردم بصوت ناصي ولازم ركبته
_اني كم مره كتلج يابشائر كلشي ولا ركبتي
_حبيبي ماخذه احتياطي يعني مو كلش واضحه جوا ركبتك يم صدرك شسالفه سويتها بركبتك
_خلي يبقى اثر يابشائر اله اشوفج الاثر على اصوله
_ههههه لا اشاقه وياك شبيك ماتشاقه
رجع للسرير ومستمر يدردم
جنت شكد ماحاول اخلي يطلع من الجو الهوا بي والتفكير لان ادري شكد يفكر بامه وخواته شكد مشغول باله عليهن
غسق...
حياتي صايره عباره عن جامعه وتعبها ارجع تعبانه انام لليل اقرا شوية ومرات ماقرا اطلع ويه ابوي لو اضل كاعده وحدي امنع نفسي اختلط وياهم رغم عندي رغبه اروح يمهم واطلع من قوقعه التفكير مرت اشهر على هل وضع مرات ادرس سديم ونرجس اساعدهم عباس الي يوميه مشاكل ويه اهله علمود يتزوج بنت خالته
عزيز الي مختفي كلش اذا يريد يسأل علي مجرد يدزلي شلونج او داومتي لو لا
صبح دخلت محاضره وحده وردت ارجع للبيت لان مابي حيل اكمل المحاضره الثانيه
طابكه ايدي على وامشي والجو غيم والشارع الطويل اريد اوصل للشارع التوكف بي العبريه لان السايق هذا الاسبوع كله مايجي عنده ظرف
احس وجهي جمد من البروده وعيوني دمعت من قوة الهوى لازمه بحاجبي ال يريد يطير
طبكت يمي سياره دك هورن عزيز وهو يفتح الجامه ويكول
_شمطعلج بنص الدوام صعدي يمعوده
صعدت ب الصعدر واني سنوني يطكن سن بسن
فركت ايدي بعض اريد ادفهين
عزيز اخذ ايدي بين اديه الدافيات وهو ينفخ انفاسه الحاره بين ايدي سحبت ايدي مسحت عيوني واني اعدل حجابي
لزم خدي وهو يكول
_وجهج صاير احمر ترا الجو طبيعي شدعوة هلكد بردانه
_عزيز صدك تحجي هذا الجو طبيعي احس الهوى يكص بجلدي من البروده
_اسم الله على جلدج ماكلتي ليش طالعه وحدج
_الخط مايجي اليوم وعفت المحاضره وطلعت تعبانه
جنت ادرس علوم كيمياء اخر مرحله الي كل المراحل كضيتهن بتعب هاي اول مره اعيش مثل اي طالب جامعه
_ترجعين وحدج يعني
_اي عبريه
حرك السياره بدون مايحجي
وصل للكورنيش صف السياره وهو يكول
_ماتنزلين
_بارده عزيز
_لبسي قمصلتي
_مو لابسه قمصله بس بارده
نزل هو من السياره ضل واكف ع الشط يدخن فوك الربع ساعه وصافن ع الشط اني الحاطه راسي ع الجامه وصافنه عليه
ذب جكارته وسحكها اشتره جاي كوبين وصعد ب السياره انطاني كوب وهو يكول
_لهل درجه اهون عليج حتى ماتدزيلي رسالة تشوفيني شبيه مابيه
_دومك بخير انت
_غسق متاكده
_يعني افقدك بس مادز رسائل
شرب كوب الجاي وهو داير وجهه عني واني بس صافنه ع الكوب حتى برد
_شلونج ب الدارسة
_زينه جاي انجح ماضل شي واخلص
_اي انوب نتزوج
_شعجب اليوم ب البصره
_اشاقيت لديرة البصره اشتاقيت لوجه احب اشوفه هنا
بس لاتنغرين مو انتي امي
_رحتلها لو بعدك
_لا بعدني
_خلروح وياك اشوفها
_ليش
_مادري حيل حبيتها وصار عندي فضول اتعرف عليها اكثر
_غير تدللين
_عزيز شايف هذيج مدينه العاب
جنت اشر ع الدولاب الي مبين من بعيد
_اي شبي بس لاتردين نروح
_كلش بنفسي اروح بس محد ب البيت يقبل يجي وياي
_مو تكولين الجو بارد
_لا عفيه امشي نصعد ب الديلاب ونشوف البصره من فوك
_هههههه ليش متحمسه ابوي انتي
_عفيه عزيز يوميه امر عليها واريد اروح بس حتى ابوي مايقبل يجي وياي
_اي بس ساعه او اكثر ونرجع الامي ماشي خابري لابوج كليله
حرك السياره واحنه نروحلها حط اغنيه
كل القصايد من حلى عينكي
عليت الاغنيه واني اكله
_حلو ذوقك باشا
_حلو مزاجج اليوم خانم
_ههههه
دخلنه لمدينه العاب صريخ الناس الي صاعده بالعاب خطره جانت سفرات مدرسيه موجوده ب المدينه
اغلبهم اطفال صغار كل طفل يمر من يمي تصير عيني علي
رحت احيب بطايق ولكيت طفل مجعوص بين الاطفال وحيل ناعم شلته واني اشتري بطايق الي واله وهو فرحان مكيف اخذته العزيز الي كاعد ع المصطبه يخابر خلص مكالمه عاقد حواجبه وهو يكول
_انوب من جبتي هذا انتي شسالفتج ويه الجهال
_عزيز شوفه يجنن
_يمته وليتي تشترين بطايق مو كتلج اني اشتريلج
الطفل فز من صوته العالي وخزراته نزلته من واني اشرله بمعنى باي وانطي بوسه ب الهوى اضحك على ضحكته مطنشه عزيز
لزم ايدي حيل بين ايديه
_من احجي وياج لا تغلسين
_ترا فززت الولد مو خطيه لكيته مجعوص بين الجهال وطلعته
_وانتي احد عاتب عليج تساعدينه
_اهووو عزيز رجعني للبيت احسن انت تريد تجادل ومابيه حيل
_امشي انتي مو مال طلعه
_لا بس انتظر اصعد ب السفينه ونروح
_غسسسسق
_ها بس انطي البايق للجهال يصعدون بيهن مو حرامات
اخذ مني البطايق وهو يحجي بهدوء
_غسق شمعتي غير مره اجيبج وداعتج خل نرجع هسه
لاحظت وضع عزيز شلون تغير من اجته المكالمه نطيت البطاقه للجهال وطلعت حتى ماطولنه نص ساعه رجعني للبيت بدون ميروح الامه وطول الطريق ساكت ولا اني حاجيته بشي اجته مكالمه وهو يكول باسم معالي وصار يصيح بصوت قوي وكانو يلوم معالي او يرزلها
يتبع....