بين ضعفي وقوتي
انهاراتي وذاكرتي
اود ان اهرب مما حدث
......
تصويت♡
بقلمي
زينب
سديم.....
في هذه اللحظات لم اراى امامي شيء سوى صدى صوتها يردد مرارا وتكرارا في ذاكرتي
شعرها المتناثر وقلة حيلتي
صبري وانهياري امامها
كنت ظهر مسكور لها
احتاج من يسندني اليه لا يسند نفسه لي
انا تلك المراة
التي خرجت من قوقعت ظلم
بالكاد ينهي حياتها
.......
شلت شعرها المتناثر ب الكاع والمكص يمه
حطيته على كلبي واني اشهك ب البجي
ماوكف بعيني شي ماشوف كدامي شي
غير دموع بشائر وحركت كلبي وعيون ابوي والحقد البيهن من اتوسل بي يعوفه عفت كل الهوسه وكل حلولهم الجاي يتناقشون بيها طلعت من الغرفه والمكص بيدي ادور على شيماء نزلت اركض للهول شفتها كدامي وبتسمت بوجع
اولادها محاطوين خصرها ويبجون وهمه يباوعولي
شمرت المكص من ايدي كعدت منهاره اضرب بنفسي اريد وجع كلبي يصير بجسمي اريد الوجع التحملته بشائر يصير بيه
ماكدر اذي امهم كدام عينهم مثل مابوي ياذينه وياذي امي ماكدر اخليهم يباوعون الامهم بنفس النظره الجنت اشوف بيها امي
لزمتني شمس من كتفي تريدني اكوم
بيبي حانيه ظهرها علي وتبجي
هزيت راسي بلا لشمس
_ماريد اشوف بشائر ماريد اشوف لوعت كلبها والله بشائر مثل القطن بيضه ماتشيل بكلبها شي لو تضم شي عن احد
ليش هل اذيه الها بسببي
_ميخالف كومي حبيبه احسن شيماء متونسه على وضعج
رفعت عيوني اليحركني الشيماء وشعر بشائر بيدي
ركضت على مكان المكص بعد مارجع كل حيلي ورجع حقدي عماني
جريت شعرها من ورا الحجاب
شكد تجمعت بيه قوة بهل لحظه بحيث تريد تفكني منها ماتكدر
شمرت حجابها ومشعت شعرها وحطيت بي المكص
ويه كل ضغطه ع المكص اتخيل ابوي شلون دمر بشائر شلون كص شعرها شلون فرفحت جوا ايده اريدها هيج يحترك كلبها
اغلط عليها بكلمات اني ماعرفت نفسي بوقتها
_كله بسببج كلبه كله من وراج حيه انتي حيه والله شيماء احركج حرك ومايرفلي جفن عبالج يتميه وانذل وتكدريلي والله اشوفج الويل ام الجكاير سوالفج كلها يمي عود حامل مو
كلت اخر كلمه واني ارفسها بكل قوتي على ظهرها طاحت على ركبها وتصرخ عليه نزلو من فوك يصيحون
عيوني بعيون بيبي الي تباوعلي بنظره رضا
كل جسمي يرجف ماشوف كدامي غير غواش ماشوف بشر اشوف بس بشائر ماسمع شي غير صريخها
صاح عليه عمو بصوت سكتني
سحبني تميم من ايدي لغرفه بيبي بعدت ايدي الترجف منه
ركزت عيني بعينه حجيت بتهديد اله
_انت خبيث اني وثقت بيك بس انت خبيث ماوكفت وياي بسرعه فضحت بشائر ماوكف بعينك شي بس والله تميم اشوفك الويل
كلت واني اشر على كلبي
_شايف الحركه الهنا اشوفك اضعاف اضعافها
لزم ايدي الاثنين بايد وحده يمسح بدوعي بطرف اصابعه
لمحت خطيط دموع بعيونه الكحليه
_باوعيلي سديم ادري بيج فاقده بس باوعيلي زين راح يوكف كلبج سحبي نفس زين سديم
احرك بيدي حيل اريده يوخر
ماجان بالي شي غير همه كلهم مثل الصنف
بشر يستغل الخ بحجه ثقه ومساعده
_وخر عني وخر انت مثلهم مثل ابوي مثل شيماء انتو كلكم هيح حقراء عبالكم اخليكم تستغلوني لو تستغلون ضعفي لو ثقتي اني بنت اسراء تعلمت الي يضربني ارجعله مثل الضربه واقوى بعد اني ربتني دنيتي مو هذا الي يضرب بينه مسوي نفسه ابوي اني ربيت نفسي ماتجون انتو بكل دم بارد تحكمون علينه ومنو انتم اصلا
احجي سريع دموعي التنزل ويرجع يمسحهن
_اشش كافي يلا كافي
جريت نفس واني احرك ايدي بين ايديه
حجيت بصوت مبحوح
_عوفني
_اهدي واعوفج
حطيت عيوني بعيونه
_اكرهكم
_ماتفهمين لو شكد ماشرحتلج انا متاكد التلفون عند شيماء
ومتاكد تريد تستغلكم بشي من اجت وبيدها الرسائل عرفت شنو براسها لو ابقه اطمطم ب السالفه منا لباجر ماتسد الموضوع تريد تخلص منكم باي طريقه بس انتي مايصير السويتي هيه حامل وهيج اذيتها وشعرها مشلع من وراج طلعتي نجره
_نجره وماكادره اعيش وياكم لو فقيره شسون بيه
ابتسم بطرف شفته وهو يبعد ايديه
_اريدج اقوى بعد اريدج تعتمدين ع نفسج
كلت بعدم مبالاه
_وانت منو اريدج واريدج امس جنت ب النسبه الي تميم جنت خيط النجاة الي هسه ماعتبرك شي
رخت ملامحه وهو يجر نفس قوي عفته وطلعت للحمام اغسل سديت باب الحمام
كعدت ب الكاع وايدي على حلكي اكتم صوتي وابجي بحركه
كل الحقد الزرعو بيه بسببهم
اني مو سديم يوم عن يوم اتغير اكثر
بكل ضربه توجعني تقويني
مسحت دموعي بشوغه كمت من مكاني
اتكيت ع الحايط اجمع قوة علمود امشي
بين حين وحين تتردد لذاني اصوات مامفهومه
صوت جدو وبيبي وصياحم على ابوي
غسلت اطراف رجليه
اخذت الماي البارد بين ايديه اغسل وجهي
طلعت بدون ماباوع الاحد من شافوني سكتو المكص مثل مكانه من كصيت شعر شيماء
رفعته من الكاع وبيبي تحجي
_يمه طردي الشيطان وعوفي المكص بعد شسوين
بدون ماحجي ويه احد كصيت كصيبتي وشمرتها بحضن شيماء
بيبي تصيح وراي وجدو يكلها عوفيها براحتها
احس كصيت روحي مو شعري دخلت للغرفه واني حابسه دموعي
تلمست اطراف شعري القصير
شعري الجان واصل لخصري هسه لجوا ذاني
شمس الحاطه راس بشائر على رجلها باوعتلي بفزع
شمس_شسويتي ي الخبله
بشائر على نومتها ماكعدت
نفضت الكنتور ادور على مهدأ مالكيت
سديم_كومي بشائر اريد مهدأ كومي
شمس_ولج تخبلتي شسوين بهل سم نامي وارتاحي اله مهدأ
YOU ARE READING
قلوب بليده
Romanceانا عينيك الثالثه انا نفسك الثاني انا قلبك الذي لا يتوقف فكرك الذي لا يهدأ انا حرب لاتنتهي انا عصف حياتك انا كل عثراتك
