حين تعصف بك الاقدار
حيث تتوقع ان تخمد نيرانك
تشعل هذه الاقدار نيران اخرى
هذا مايؤلم في عصفها
تثور حروبنا
يبقى اثر هذه اللحظات عالق في اذهاننا
سديم ...
لاشيء سوى الم متواصل يحرق داخلي
اهرب من نفسي الى نفسي
حيث انتقام يغطي قلبي
جليد لايحترق
هكذا انا
نار لا تهدأ
تلك الحركات المضطربه لقلبي تكاد تقتلني على لحظة
اهتزاز قلبي ويدي بين حين الى اخر
اهتزاز ذاكرتي الى عصف بعيد المدى
قد ينتظرني مالم كنت اتوقعه
جلست بين اعيين تنظر الى عيني
قالتها باندهاش وهيه تضمني الى قلبها ودموعها تتساقط بحرقه تلك التجاعيد التي رسمت عمرها الطيبة الموضوعه في قلبها
اكاد ان استفز مايحدث
هذا المرأة العظيمه ولدت ابي
_يمة سودة عليه عمت عيني عليجن صفيتن بلا ام
ابتسمت بين هذه الكلمات
مثل الغصه وكفت بلعومي ودموعي جمدن بعيني
اردفت وانا مبتسمه
_خالة صفينه بلا ام واب مو بس ام
حضنتني مره ثانيه وهيه تكول
_انا جدتج يابعد جبدي مو خالتج
هزيت راسي وهيه تمسح دموعها بشالها الابيض الي ناطي نور زايد لوجها
دخلت للبيت وهيه ساحبتي من ايدي حست بغرابه ليش ماحضنت بشائر ونرجس ليش ماهيج اخذتهم من ايدهم
وسط الساحه جبيره تلعب بيها اطفال وصياحهم ولعبهم
دخلتني لبيت بداخلي اردد ب الصلاة على محمد
بيت جبير وبي هواي ناس نسوان ب المطبخ وصوت ضحكهن وسوالفهن
التفت اباوع البشائر ونرجس الي لازمات الجنط وبشائر العيونها مورمة من البجي
دخلتنه الغرفه
مليانه بريحه بخور والتلفزيون مشتغل على القران بصوت ناصي بيها كرسي صلاة
بوفيه وعليها فراشات وكنتور صاج
كعدت على كرسي وحطت عوجيتها يمها
كعدنه يمها واحنه بس نصفن
استلمتنه اسئلة
حجيه خديجه_ليش مامحجبه بعد اميمتي
نرجس دنكت راسها وماتعرف شجاوب
سديم_بيبي هيه هيج تحب ماتقبل تلبس حجاب
هزت راسها واشرت الها تروح يمها
غمضت عيوني بتعب اريد انام تعبانه من الطريق الي خلصته بشائر تبجي
التفت على بشائر وهيه تسئل
حجيه خديجه_وانتي شبيج يمه من اجيتي لسه ماسمعت صوتج بس لا خرسه
بشائر _لا بيبي بس تعبانه من الطريق
حجيه خديجه_هوا صوج ابوجن الي عاف هيج وردات يخبلن وراح ورا سوالفه العمي من امداني يوم خلفت هيج خلفه مزنجره
ضلت تلوم بحالها واشرتلي على الكنتور تريد اجيبلها المشط
جبتلها المشط وكعدت تمشط لنرجس وتظفرلها
سئلتها وهيه ملتهية تمشط
_بيبي وين ابوي
سكتت وعدت السؤال عليها
_بيبي احاجيج وين ابوي
YOU ARE READING
قلوب بليده
Romanceانا عينيك الثالثه انا نفسك الثاني انا قلبك الذي لا يتوقف فكرك الذي لا يهدأ انا حرب لاتنتهي انا عصف حياتك انا كل عثراتك
