تفاعلكم على البارت الاخير
بقلمي زينب
تصويت +تعليق بين الفقرات
..........
اخذت اجازه وطلعت من الشركه
الجو بارد البروده تلامس بشرتي
دفيت ايدي واني احطهن بجيوب الكوت وكفت ب الشارع واني انتظر تكسي كريم الي خابرته علمود اطلع من الدوام
عشر دقايق واكفه لحد ما اجه ركبت ب التكسي واني اروح للمطعم دفعت اجرة السياره ونزلت
جريت حسره واني اشوف المتسولين باب المعطم
صعدت تغديت ب الطابق الفوك بس ضلت بروحي هاي البنيه الاشوفها يوميه باب المطعم بعمر ١٢ سنه بعمر الورد بس جانت قصتها مختلفه عن باقي اجيالها
دفعت حساب المطعم
اخذتلها اكل سفري واني امد ايدي كدامها
كاعده لامه ايديها على بطنها ومنزله راسها
بدشداشتها والقمصله اللابستها فوك دشداشتها بهل برد كسرت خاطري
رفعت راسها وعيونها مدمعه احس عندها عزة نفس جبيره كل مره انطيها اكل لو فلوس كوة تاخذ رغم ماتطلب عكس البنيه الجانت وياها كل مره تطلب بس هلمره محد وياها
دخلتها للمطعم واني اسولف وياها
_حبيبتي اكلي لاتستحين مني
_خالة والله مو بيدي اطلع
جريت نفس مقهورة عليها واني ابتسم
_ادري حبيبتي لو ما العوز ماتطلعين
بس جوابها صدمني انو اهلها الي امها وابوها يجبروها تطلع تدبر عيشتها وحدها بعد كلام بيناتنه خلصت اكل وطلعت بتكسي كريم واني اروح لعائلة الجان يروحلهم غيث كل مايجي للبصرة ويقدملهم مساعدات
مشيت بدرابينهم دكيت باب بيتهم التعبان وطلعت جدت الاطفال بوستها واني افوت للبيت
مجرد سمعو صوتي التؤام حيدر وفاطمه
حضنوني بكل اشياق وحيدر يكول
_ماما بشائر صارلج اسبوعين ماجايه عبالي بعد ماتجين
كرصت خدوده الكبار واني اكله
_مو كتلكم اذا اتاخر يعني عندي شغل بعدين لعبه الخليج وازدحامات ماكدر اجي والله
كالت بيبتهم الهم
_وليدي مو كتلك عندها شغل بس جيب اليسمع الحجي
_خالة شنو ماعدكم نت اخابر عليج وعلى حيدر ماكو
_اي مخلص الاشتراك وشريحتي مسدوده مابيها رصيد
جدة حيدر متوفي ابنها وزوجة ابنها الي همه اهل حيدر وفاطمه ودنيا
كالت فاطمه وهيه ترجع تحضني
_اشتاقيتلج هواي
_ليش ماراحين للمدرسه
_حيدر ماقبل نروح انا وياه بس دنيا راحت يكول اليوم اللعبه خنغيب
حيدر وفاطمه ب الاول متوسط بس دنيا اول ثالث ابتدائي
راحت الحجيه للمطبخ كعد يمي حيدر يباوعلي بتامل ويبتسم غمزلته واني اكله
_ها ولك شعندك اليوم تباوعلي بنظراتك الحلوة
_اكلج شي بس مو تضوجين انا راح اشتغل
_حيدر كم مره كايلتلك شيل هل سالفه من راسك بعدك صغير خلص دراسة واشتغل
_مو باعي انتي ماتلحكين ع المصروف وعندج عائلة تساعدينهم يعني مو بس احنه
أنت تقرأ
قلوب بليده
Romanceانا عينيك الثالثه انا نفسك الثاني انا قلبك الذي لا يتوقف فكرك الذي لا يهدأ انا حرب لاتنتهي انا عصف حياتك انا كل عثراتك
