قد خُفت مِن ألم فِقدان مَن يَكرهُنِي..
سارة وهي منهارة: تسمعني يا خالددد؟؟
تأففت و راحت جابت فوطه ( منشفه ) مبلله وحطته على راسه من الحراره
وحطت يدها على عنقه مكان نبضه وشافت فيه نبض وتنهدت براحه و راحت تاخذ الوشاح و وحطت عليه مطهر الجروح ، وبدات تنظف حوالين الجرح، وكانت كانها تمسح بدموعها، في صراع بقلبها ليه تعالج الي ما تحبه ليه هي مهتمه بمرضه ليه هي ما خلته يموت مثل ما قال؟
و نظفت الجرح و خيطت الجزء الي كان ينزف منه الجرح و طهرته مرة ثانيه وطالعت بكميه الدم حوالينها وعلى يدها حست بان هذا قلبها الي ينزف مو الجرح ، حطت الوشاح الجديد و لفته عليه و خلته بدون ما تلبسه التيشرت عشان ما يتأذى اكثر،
راحت غسلت يدينها وهي تبكي وتقول( ليه يا خالد تجرح قلبي اكثر مما هو مجروح ، ليه تحب القسوى دايممم)
و رجعت له وشافته كيف تعبان ، اول مرة تشوفه بدون قوه و طايح بدون هيبه وتقول كانه طفل ضيع اهله في حادث وكيف عيونه مسكره بس تحس بحزن عيونه كانه في مصايب في قلبه مكتومه، من خوفها عليه راحت على السرير و بتردد مسكت يده عشان تحس بتحركاته و حرارته و حطت راسها على السرير وناظرت للسقف بحزن....
عند حمد كان رايح المغسله مشي وكان ماسك الثياب الي عليهم الدم ويطالع فيهم و مر من عند بيت ابو ريم ، وكانت ريم واقفه تشوف الي يمرون و كذا
وشافت حمد واستانست كثييير ، بس انصدمت وهي تشوف ماسك ملابس و واضح عليه اثار دمم بخوف نادت
ريم: حمد حمد!
حمد رجع لمصدر الصوت وشاف ريم وقال: لبيه يا ريم ليش قاعدة هالوقت في شي؟
ريم بخوف: اا لا بس حمد ليش ماسك ثياب فيها دم، فيك شي صار لك شي؟
حمد ابتسم: خايفه علي؟
ريم ابتسمت بخفه: حمد مب وقتك صاير شي؟؟
حمد: اقولك ويبقى سر؟
ريم: قوللل يلا
حمد: ما يصير كذا لازم اتصل كذا يمكن حد يشوفنا
ريم: اف منك تستغل الفرص ، اوك يلا بتصل روح
حمد ابتسم بانتصاروقال: يلا انتظر ، وراح يكمل مشي
ريم اخذت الجوال واتصلت عليه لان مافيها صبر
ريم: الو حمد يلا قول
حمد: طيب مستعجله والله
ريم: تلعب على الاعصاب يلا يا حمد وضحكت
حمد: ابد بس خَلود اليوم طاح من الخيل و انصاب وعشان كذا والله كان يوم غريب وعجيب اول مرة اخاف كذا
ريم شهقت: يمه والله، طيبب ليه محد عرففف وسارة ياربي سارة!!!
وهو كيفه احسن ما فيه شي صح؟
حمد: هدي هدي ، سارة اكيد بتعرف و خالد الحمدلله ذيب وتحسن ، بس ريم حتى امك ما تعرف تكفين محد خالد حلفنا
ريم: طيب اوف الحمدلله الي سلمه والحمدلله مب انت قلبي ماعرف كيف صار
حمد: لهدرجه تحبيني الله عليك يا ريمي!
ريم تركت كل شي و ركزت على ريمي و قعدت وهي ساكته
حمد: معاي يا ريم؟
ريم: اي معاك ، دام اني تطمنت ، طيب يلا روح وانتبهوا لنفسكم ، تاخر الوقت واحتاج انام
حمد: تصبحين على كل خير وابتسم
ريم: وانت من هله يا حمد و ضحكت بخفه وسكرت
حمد قال في نفسه ( اهخ من الحب يا محلى الحب بسسسس)
وراح و وصل للمغسله و عطاهم الثياب و رجع للبيت
وريم راحت تنام و هي للحين بالها في لنا قال ريمي حست بحب كبيرررر من الحب حست ودها ترقص....
في غرفه سعود كانوا يتجمعون اخر الليل الشباب وينامون هناك لان غرفته اكبر غرفه وكانوا يحبون ينامون عند بعض...
سعود: دام ان انقبلت خلاص بكره راح يكون دوامي ، لان من يومين اصلا انقبلت بس كنت خايف من ابوي
سالم: والله يا زينك زيناه عقب ينادونك العميد يعني
سعود: اهخ يالحب تخيل بس تتتخيل
حمد دخل عليهم: يعني سعودي ما راح نشوفك انت بعد
ياربي كفايه خالد وانت تروح وانا و هالسلوم بس نقابل بعض ٢٤س
سعود: ومن قال العسكريه راح اطلع من القبيله ، كل ما خلصت الدوام جيتكم ، عاد ما اخترت الشغل الصعب الي طول الوقت لازم تكون تحت الضغط
حمد: بنشوف ، بيخلونك تنسى اسمك ترجع وتقول لنا من انتوا
سعود: ابد اسكت بس اقعد ، شوفوا شوفوا ثيابي الي معلقه هناك بس
سالم: الله يا حلو هالثياب ، شرايك ادخل معاك؟
سعود: انت تبي تخدمهم بالنوم هناك شارك وتعال بس ماظن تنفع حق شي ثاني وضحك
سالم قعد يضحك ومسك بطنه من الضحك وقال: اوف ياخي موتني تخيل العميد يضربني ضرب اذا كنت كذا
حمد: بتجننهم والله العظيم
سالم: حمود كلم جدي بكره ناخذ اذن ونروح صوب المزرعه والاسطبل
حمد: بكلمه الصبح اذا رضى نروح بعد الظهر ، ناخذ البنات بعد من زمان ما طلعوا
سعود: اخس لما رحت العسكريه طلعتوا
حمد: مشكلتكككك ، خليني اتصل على خلود اشوفه يرد ولا لا
سعود: اقعد لا تتصل الولد اكيد نايم
حمد: تهقى؟
سعود: اهقى ونص بعد خلاص حتى انتوا ناموا شوف الساعه
حمد: انا نسيت ان اصلا صلينا الفجر تخيل كنت انتظر الاذان وانا مصلي بالاساس
سالم وسعود ضحكوا على فهاوته واتجهوا ينامون كلهم
في صباح يوم جديد
فتح عيونه بتعب خالد وهو يحس بثقل على كتفه اليسار
لف راسه بشويش وشاف سارة كيف ماسكه يده ونايمه على كتفه وشعرها مغطي وجهها وكتفه بعد ، كان يحس بألم شديد بس ماحب يقومها لانها واضح كانت خايفه وتعبانه وقعد يناظر لها ومستغرب ليش كل هالحنيه
سارة قامت من النوم وانصدمت من العيون الي تناظر فيها وفجاه قامت وشدت على كتفه
خالد بألم: آييي بنت بشويش
وقالت : اااسفه خالد والله بالغلط نمت عورتك؟
خالد: عادي مب مشكله
سارة : طيب تحس بألم تبي شي؟!
خالد: سارة هدي مافي شي بس ساعديني اقوم
سارة: وين بتروحح
خالد باستهبال: الحمام ( اكرم الله القارئ) تجيين معي؟
سارة احمر وجهها: خالد بلا عبط يلا قم وسحبت يده
خالد: آي وقسم بالله سارة بتفتحين الجرح مرة ثانيه وبتصيحين
سارة: اوهو انا ليش صحت اصلا
خالد: من حبك واضح
سارة: واضح كثيرر
خالد وهو يمشي بشويش: ترا اتذكر الي قلتيه ما كنت نايم
سارة مسكت وجهها بقله حيله وقالت: غلطه حياتي اني عالجتك
خالد :جهزي ثيابي بعدين بنروح عند جدي
سارة: وين نروح وانت حالتك كذا اقعد
خالد: مابي اعتراض مسس زوجتي
سارة شدت شعرها من برودته وراحت تجهز نفسها
في غرفه سعود وهم يلبسون سعود ثياب العسكريه ، يعاملونه معامله العريس في ليله عرسه هههههه
سعود: يا جماعه شرايكم بس والله اني اجمل عسكري!
سالم: والله يا زينووو العسكري الكتكوت الغبي
سعود: بسوي نفسي ما سمعت اخر كلمه اوكي
سالم: اوكي حبيبي سعسع
سعود: سعسع راسك
حمد: تعال ابخرك يا حبيبي انت
فجاه سمعوا صوت خالد التعبان وهو يغني
لقص الشعر والبس طقيه
والحق حبيبي عالعسكرية
والله لـ فرع والبس طقيه
وعلى تجوز وجكارة بيا
سعود: انت يالتعبان ايش جايبك هنا مب صاحي، بس فديت صوتك حتى لو انه تعبااان
خالد: فداك وربي ، حبيبي الله يوفقك والله اني مستانس لك اكثر من كل شي في الحياة
سعود: حضنه وقال يا جميل قلبي انت والله ، وقال؛ انا ليش احس اني بروح وما برجع ليش كذا
حمد: اسكت فال الله ولا فالك والله بتوحشنا حتى لو بتغيب ساعتين
خالد بتعب: يلا بسرعه خلصوا احتفالاتكم ابي ارجع انام
سالم: والله مقومينا من ٨ عشان هالولد
سعود: على اساس ف الجامعه ما تقوم هالساعه
سالم: مم هاي غير وهاي غير
خالد: اوفف اخلصوا
حمد: ياهووه انت ونفسيتك اضحك والله غمازتك حلوه
خالد ابتسم علطول من كلامه وقال: خلاص لا تضحكوني بروحي بموت
حمد وهو يضحك : خلاص طيبب
سعود والشباب نزلوا عند الجدة الي بدات تيبب و تحضنه وتبوس خده و كتفه
الجدة: يا حلو وليدي مع هالبدلة يا زينك يا روحي وبعد قلبي
والله لو اقولك من امنياتي واحد منكم يصير عسكري
وصرت يا بعدي
سعود: ربي لا يحرمني من شوفه هالوجه و هالقلب يا يمه
جعلني فداك
وراح سلم على الباقي و طبعا البنات كانوا واقفين و يصفقون له و الشباب يغنون له عريسنا يا بدر بادي و اجواء حلوووة من الصباح
مريم: والله اني اختك بس طحت ومحد سمى علي ليتني مب اختك كان تزوجتك
سعود: مريووووم عادي اذوب من كلامك
مريم: خفيف وربي اثقللل بس هههه
سارة: يا قلبي قلباههه لبى هالوجه و هالغمازه يا سعودي و حبت خده وراسه
(خالد كان يناظر من بعيد ويقول في نفسه ؛ حتى انا عندي غمازه يا سارة
وفجاه ادرك هو شنو قاعد يقول و قال ؛ خالد اصحى طحت وفقدت عقلك بعد)
جواهر: عمي سعسعع الجميلللل والله
سعود: جات نسخه سالم نمبر ٢ ، عيون سعسع والله
جواهر: بتوحشناااا لا تطول ترا
سعود قال بصوت عالي : يا جماعه والله اني مب رايح للخدمه
رايح عسكريه بتشوفوني مب قاطع عنكم والله
الجد: روح وانا راضي عنك يالغالي
ابو حمد: الله يوفقك ويسهل لك
ابو خالد: ربي يوفقك ويخليك لنا
الجدة: امين ويخليكم كلكم
وقعدت الجدة تتأمل كل احفادها و ابنائها وعيلتها واحبابها
كلهم متجمعين في مجلسها و حست بحنيه كبيرة بوجودهم كلهم ،
سعود: يلا استودعكم الله اول يوم وضحك وطلع وراح يتجهه لمكان عمله...