يا حلو الصباح الي تجمع بين القلوب و تحليها وجود الاحبة...
في خيمة الجد اجتمعوا الشباب ، كل صباح يكونون عنده وما يرضى الجد ان كل واحد يفطر في بيته يحب وجود الكل حوالينه وهو اغلى ما عنده عياله واحفاده ، (والله يا حلو الاجداد هم نور هالدنيا ، الله يخلي لكم اجدادكم ويرحم الي راحوا🤍🤍)....
الجد: هلا يا مرحبا باحبابي عساكم بخير اليوم
حمد: صباحك خير يا جدي
الجد: والله احلى صباح بوجود السمي الجميل حمد
سعود: يا يبه انا الي ولدك ما مدحتني هالكثر
حمد: شوف شوف الغيووور
الجد: سعود اجلس بدون كلام هاي حمد الحب
سعود: سالم تعال تعال لنا الله
سالم: اقولكم ما راح ينفعك هال حمد تعال عندي يا سعودي
سعود: ترى انا عمك اقعد بس
سالم : فهمنا يا سعووودي
ابو حمد: صباحكم خير يا اهل البيت
الكل: صباح النور
ابو حمد: الا متى بتروحون فندق ما فندق حركاتكم العجيبه غريبه!
سعود: بعد ساعة باذن الله ، شرايك تجي معانا اخوي
ابو حمد: وعيي روحوا بروحكم اماكن فاسقين مب اوادم
حمد وخالد انفجروا ضحك
حمد: فاسقين مرة وحدة يا ابويي وضحك
ابو حمد: اي استغفرالله لازم ابوي ما يخليكم تروحون لهال الاماكن
خالد: عمي كلها غرفه نحجزها ونغير جو ما يصير شي كانه استراحه نفس الشي
ابو خالد: جب انت ما غير وراكم مصايب هالقد واشر على راسه
الجد: انتوا ايش تلون فيهم لا تقارنون شبابهم فيكم انا لو بيدي رحت معاهم اصلا
ابو حمد بصدمه: يبه ايش مسويين فيك مهددينك؟
الجد: يخسون يهددون رايحين برضاي
سالم: شفت يا يبه راااضي
ابو حمد ناظر بطرف عين: روحوا وفكوا راسي بعد
سعود: يلا خلصوا عشان نروح الجمعيه ناخذ خرابيط و الساعه ٣ الدخول
حمد: يلا بس خلني ابلع اخر لقمه
خالد: بسك بتطلع لك كرشه تعبت وانا اعلمك
حمد: تكلم ابو عضلات وضربه على كتفه
خالد: حدك عليهم احبهم ترى!
سالم: انا حطيت الاغراض في السيارة يلا
حمد: يلا يلا جيتت
عند الحريم
ام خالد: يا ام حمد الشباب افطروا؟
ام حمد: اي يا ام خالد يلا تعالي نفطر بس انادي هالبنات ما يقومون هم وهالنوم!
ام حمد: سارو و جواهر و فطوم و مريوم دقيقه بعد لو ما صحصحتوا جدتكم بتجي بالعصا
البنات فزوا و ركضوا الي راحت الحمام( اكرم الله القارئ) والي ركضت للدولاب
ام حمد بصوت عالي: وتجهزوا بسرعه مو قلتوا ان حنه صديقتكم الليله لين الحين نايمين وبعدين اخوانكم رايحين بسرعه عشان يوصلونكم يلا لكم نص ساعه وضحكت وهي طالعه من اشكالهم
سارة وهي فيها النوم: الحين مالت عليكم مو انا قلت لكم نقعد بسرعه عشان نتجهز بالراحه؟
جواهر: اقول اسكتي انتي الي سهرتينا على هالمسلسلات هاي فارس احلامي وهاي حبي
مريم: ليت هالفارس يجي وياخذها وافتك
سارة: مريوم ما توقعتها منج اف ماقدر تعبت من حياة الشقى
مريم: عميمه مريم بليز وبعدين يالمراهقه ايش حياة الشقى اسكتي بس
فاطمه: كانت ميته ضحك وهي تجوف مناقرتهم
سارة: فطوم روحي لا اهجم عليج انتي بدال مريوم
فاطمة: اهربواا وقعدت تركض
وطبعا البنات راحوا يتجهزون وحطوا اغراضهم تحت عشان الشباب يحطونهم في السيارة
بعد ساعة...
سعود: يا يمه جوفي حفيداتك اخرونا
الجدة: ان اقول لازم اهددهم بهذا العصا عشان ما يتاخرون
الجدة بصوت عالي: يالعصافير جايه اضربكم اذا ما نزلتوا ترا سعود بيروح عنكم بسرعه انزلوا
البنات: جدددة نازلييين والله
مريم: بنت انتي وياها بسرعه انزلوا سعود عادي يسويها ويروح عنا اركضوا
سارة: يلا يلا نروح والله طيبه بتكون منتظره في الفندق واحنا قايلين لها بنجي بدري
سعود بملل: اف اف بسرعه ماقدر ترا رحت
سارة: سعود ياخيي!
سعود: كنتي تاخرتي اكثر من كذا عادي يعني
جواهر: خلاص سعسوعي والله احبك
سعود: سعسوع راسك المهم يلا انتي وياها حركه غلط منكم رجعتكم الفندق الشيله والبرقع تكون عليكم نفس الاوادم فهمتوننني صح؟
البنات: فهمنا والله
فاطمة: خلود برع يا سعود؟
سعود: اي خلود قاعد في السيارة روحي ترا بيعصب بسرعه
فاطمة: ويي محد قالي ، بنات يلا الي تجي معانا بسرعه عشان لا يعصب مالي خلق النفسيه
مريم: انا بجي يلا نروح ، سعود انت بعد تعال
سعود: طيب بس احط الاغراض وبركب معاكم
راحوا كلهم يركبوا السيارة...
سارة وحمد و جواهر و سالم مع بعض
و فاطمة وخالد و سعود و مريم مع بعض
كانوا السيارتين وراء بعض
سارة: حمودي وحشتني ترى!
سالم: يا شينهم ما تقول سالم بس حمد وحمد
حمد: يا ذا النشبه حتى ف توأمي ناشبين ، عواذل انتوا ترا
جواهر: تعال انا احبك يا اخوي الكتكوتي شتبي فيهم انت وغنت انا لحبيبي وحبيبي الي
سالم : تعالي يا احسن وحدة ، الا بقولك امي رضت على السر الي قلت لك؟
جواهر: اي اي رضت ترا وغمزت له
حمد: باعتنا بنص ريال وبينهم اسرار شفتي يا سوسو
سارة: شفتهم شفتهم ما حبيت
جواهر: هممم بعتكمم
سارة: شغل لنا شي او غني حمد تكفى
جواهر: لا تشغل غنيي تكفى حمووددد غني لنا من زمان عن صوتك
حمد : اوك لا تاكلون راسي طيب ، بس ايش تبون؟
سارة: ولفتتت صوبي عيونك غنها بليزز
حمد بعد تفكير: وايد عطيتكم وجه بس يلا ، احمم
قلطني ورحبي
ياجرحي وياطبي
جيتك حب ياحبي
مابا واحدن ثاني
والفت صوبي عيونك
سولف لي علئ هونك
يالمزيون وش لونك
طمني علئ شاني
وقعدوا الباقي يكملون عليه الاغنيه وقالوا بصوت واحد
انا العاشق الهايم
دايم يالغلا دايم
في بحر الهواء عايم
وانشد عني احزاني
بعد درب ساعه الشباب راحوا يصفون السيارة والبنات نزلوا بسرعه عشان يسجلون ، دخلوا داخل الفندق
فاطمة: الله يا زين المكان
جواهر: اكيد راااقي
سارة: يلا بروح عندها تسجل ، Hi i want to check in( هلا , ابي اسجل دخول )
الموظفه: hi ,please give me your id ( اهلا ، لو سمحتي عطيني البطاقه الشخصية)
سارة: بنات عطوني البطاقه الشخصية عشان تسجل الدخول
الموظفه: Okay your room will be number 33 second floor ( غرفتكم في الطابق الثاني رقم ٣٣)
مريم: ها خلاص نقدر نروح فوق ؟
سارة: اي يلا الطابق الثاني غرفه٣٣
وراحوا البنات في المصعد و دوروا على الغرفه وحصلوها وحطوا فيها الاغراض وبسرعه اتصلوا على طيبه عشان يشوفونها
سارة: الو طيبوو غرفتكم رقم كم؟
طيبه: تعالي غرفه ٣٢ بسرعه
سارة صرخت: اااااا يعني الغرفه الي عندنااا حماااس
جواهر: احلفي هي غرفه كم ٣٣؟
سارة: ايي ايي ، طيب يلا مع السلامة بنجي الحيننن
عند الشباب
حمد مسك راسه: شباااااب اوفففف
سعود: شفيك؟؟
حمد: نسيت بطاقتي الشخصييه شوف مب موجوده في محفظتي
خالد: ثور انت ليش ما تتاكد في البيتت
سالم: قلت لكك وانت قلت انه في محفظتي
حمد:افف خلاص معليه بروح اجيبه وانتوا دخلوا وبجييكم
سعود: المشكله هنا ما يرضون حركات يعني اماكن راقيه وكذا
حمد: لا ابوهم ولا ابو مكانهم الراقي ، اهم شي انتوا روحوا وانا بجيب وبرجع لكم
خالد: يلا يلا روح انتبه
وراحوا الباقي يدخلون و حمد رجع عشان يجيب البطاقه ، كلم ابوه ان يجي نص الطريق ويعطيه البطاقه عشان ما يروح للدرب كامل .
في غرفه طيبه
طيبه: هاااييي بناتتتت
البنات: هلااا بالعروسسس ، يا زين الحنه علييج
طيبه ضحكت وقعدت تحضنهم
سارة: توتاااا و ريوم بعد وحشتونااااا
(تالة( ١٩ ) بنت عم ريم)
ريم: يا قلبي انتوا وحشتوني كلكم
تاله: والله اكثرر
جواهر: بنات والله خلينا نعدل اشكالنا انا احتاج ستين ساعه لين ما اجهز
فاطمة: كله من ست الحسن سارو اخرتنااا
سارة: ذليتوني والله مرة ثانيه بروح حق حمودي واتابع افلام معاه
ريم: انتي وتوامك ذبحتينا خلاص عاد
سارة : فديته والله ما تفهموني انتوا
مريم: بلا كثرة كلام يلا خلينا نجهز بسرعه
نروح عند حمد
راح يصف السيارة بعد ما رجع واخذ البطاقه و وصل للفندق من جديد
حمد اتصل على خالد
حمد: خَلود اي غرفه انتوا؟
خالد: ٢٣ عجل علينا يا شيخ بيصير الليل واحنا للحين ما دخلنا المسبح بسببك
حمد: تمام جاي يا خويلد كله منك
خالد: اسمي يالحبيب وبعدين انا قلت لك انسى
حمد: اسكت بس يلا جاي لكم بس يشوفون بياناتي
خالد: يلا تعالل
عند البنات...
كانوا يتجهزون ريم كانت تحط الكحل في عيونها ولما تحط الكحل عيونها تصير مسحوبه وجميله كل من شافها غرق في جمالها وكانت حاطه ميكب حلو وخفيف و مسكت البخور وهي تبخر شعرها و لبسها ، و لبست البرقع الذهبي ( عشان حفله الحنه كانوا مقررين يلبسون شعبي وحطت الشيله على الشعر وتعطرت وكانت جاهزة وقاعدة تصور نفسها
ومريم كانت تحط الروج وحطت روج احمر و كانت تبوس نفسها بالمرايه هههه و سارة تعدل في شعرها كانت مسويه كيرلي وماشاء الله شعرها كثيف وحلو و فاطمة اخذت البخور من ريم وقعدت تبخر ثيابها و تعطرهم
وجواهر تسولف وتضحك مع البنات الباقيين وكانت تجنن حرفيا ( كانت اكثرهم معرفه بسوالف الميكب دوده ههه)
وكانوا البنات حوالين طيبه ويغنون لها ويصفقون
حرفيااا الاجواء نااار عند البنات
ريم: بنات ثواني راح اروح عشان اجيب شي اكله من غرفتي
سارة: صبر تعالي بنجي معاك نروح للغرفه طيبه بيصورنها ف خلينا نفضي المكان
ريم: يلا تعالوا نروح
مريم: يلا نروح
دخلوا البنات في الغرفه وقعدوا يتصورون مع بعض
حمد راح يتمشى لين وصل غرفه ٣٢ ( هو ما كان منتبه ان الغرفه ٣٢ وهو بالاساس لازم يروح ٢٣)
رن الجرس وقعد ينتظر يفتحون
البنات سمعوا الجرس وقالت سارة: بنات من ذا
ريم: ماعرف افتح الباب؟
تاله: ريمي افتحي الباب اظن جابوا الورد
ريم: اييي طيبب بس قلتي ان حرمه الي تجيبه؟
تاله: اي ما عليك روحي بس وقعي اول شي عشان يتاكدون ان احنا الي طالبين
ريم: طيب بوقع باسمك عادي؟
تاله: اوكي يلا روحي
وراحت ريم باتجاه الباب وهي بكامل زينتها بس كانت حاطه البرقع و الشيله
للاحتياط ...
فتحت الباب ريم وقعدت من الصدمه تطالع بالي قدامها ،الا حمد يتجمد في مكانه من وجود بنات و خصوصا بنت قدامه ماسكه الباب وريم بسرعة حطت يدها قدام الباب عشان لا يدخل ، وحمد بصدمه وهو معلق يطالع عيونها وبعد ما ادرك بسرعه ناظر لليد الي ماسكه الباب
وبس لاحظ شامه على اليد و ريم في حاله صدمه متجمده في مكانها ماتعرف شنو تقول او تسكر الباب في وجهه كانها اول مرة تشوف رجال في حياتها
والاثنين من الصدمة توقفوا عن الكلام او الحركه....