وقف معاهم ونطق عبارتو بكل برود حاكم يدها ويحكي
ماهر:اهلا شركائي وش رايكم فالمفاجأة صدقتو اني رايح نفوت الغدا معاكم؟؟ نوو كنت مدايرلكم مفاجأة بش نعرفكم على (وحكم البنت اللي معاه من خصرها)حبيبي
ماهر هدر كلام والباقي سمعوه بوذنيهم اما ايلين فكان كلامو مووس طعنها وباقي يتغوص كثر فذاك القلب المكوي اللي تلمو عليه كامل الهموم
حست بخنقة من بشاعة المنظر طبعا الانسان اللي عشقتو وعطيتو كامل وش عندك معا اكثر انسان كرهك وأذاك والفايدة انو هوا بذاتو وعدك بالحماية منو ميي الله غالب حكات فقلبها وابتسامة انكسار مالية وجهها
ايلين:هههه هانت عليه بنتو حتى متهونيش عليه نتي اصلا نتي كنت بعيدة طول 5سنين اكيد كان كل يوم معا وحدة
سيليا وجان يشوفو مصدومين وعينيهم تهرب من ايلين لماهر شايفين النظرات المتبادلة بيناتهم نظرات عاشق مكسور من طرف ايليلن ونظرات اسى والم على الطرف الثاني مغطيهم لمعة تكبر من قبل ماهر اييه غايضتو حالتها مي الكبرياء سيد الموقف
مازن مشوكي من الهم اللي طاح عليهم ماهر اللي الصباح كان مكسور وحاب يرجعها ضك وفي نص نهار كسر الخيط الرقيق اللي كان ممكن يصلح الاحوال بقدومو المفاجئ معا حبيبتو اللي بالرغم من انها عاشت معاهم نص عمرهم مكانش عارف طبيعة علاقتهم اييه ليوم ماهر جاا ومعا اكثر انسانة يكرها وتكره بنتو و مرتو ميييرال مييرال بنت خالتهم نفسها بشحمها ودمها وشرها (متتشوكاوش بزاف محيطيتش ميرال فالكرو باطل annaba هاني سخنت بلاصتها ههههههه)
تتبسم بنظرات شر وانتصار تشوف فالبنت اللي طول عمرها تغير منها ليوم مكسورة بسبتها مكفاهمش وش دارو فيها زايدين جايين يكملو وش بقا في ذاك القلب من مشاعر يصلحو نطقت بصوتها المسموم تتعيوج فالكلام ويدها مرصوصة على يدو تقول رايح يهرب اكيد متا منش عليه وهوا قدام حبيبة قلبو
ميرال:مااهر حبي وش رايحين نبقاو واقفين عرفنا على بعض وزيد هاذو رايحين يكونو شركاء حبيبي لازم نعرفهم
ماهر حكم يدها بين يديه وحكى وهو يشوف فعينيها :اكيد حبي رايح نعرفك بيهم وقرب لايلين اللي كانت واقفة وتتفرج عليهم قلبها نار ماو داري بيها غير اللي خلقها
ماهر:حبي هاذي ايلين مرت جان شريكي
ميرال مدت يدها لايلين ووجهها عليه ابتسامة شر وانتصار :اهلا ايلين متشرفين
ايلين باقية ساكتة وتشوف فيه وفيها وشمن جرأة عندهم هاذ الزوج مي معرفوش معامن راهم يلعبو هاذي ماشي ايلين اللي كانو يعرفوها هوما الزوج هاذي ايلين رمز القوة المتولدة من اشد جروح وألام الدنيا خلات يد ميرال معلقة فالهوا وحكات بصوت هادئ عكس النيران اللي راها شاعلة وسطها
ايلين:مرحبا متشرفين ومشات جيهة جان حكمت فيدو :حبي قرب اتعرف على شريكتنا يا روحي
جان باس يدها: وي حبي قرب من ميرال وهيا مزالها مكبشة فيه تحت نظرات ماهر اللي بش ياكلهم وميرال اللي تتحلف فايلين بيسك خلات يدها معلقة وبخصتها قدامهم كامل وغايرة من نظرات ماهر ليها اللي حتى وهيا معاه واعترف انها معاه مزالها تجذبو
جان:مرحبا بيك انسة ميرال
ميرال :وبيك مسيو جان
جان:مارسي
ميرال دورت عنيها لسيليا تقلب فيها من فوق لتحت تشوف فزينها ولبستها باينة صغيرة حكات معاها ونظرة استصغار مالية وجهها
ميرال:اييه وهاذي الصغرونة شكون (يااااا خلااك يا ميرال فيمن خلطتي هاذي مهيش ايلين الرزينة خلات عليك )
سيليا قربت جهتها ونظرة قوة تخوف مالية وجهها حكات بصوت يبث السم في القلوب
سيليا:عزرائييل اللي جا يقبض روحك
ميرال لصقت فماهر خايفة :اااا انتي وش؟؟
سيليا:هههههه قربت دارت يدها فيد ايلين :انا اخت ايلين الصغيرة
نطقت بسيف :ممتشرفين ..سس..يليا
سيليا تبسمت ملاحظة خوفها طبعا عرفت تلعب بالوتر الحساس ضغطتها نفسيا بلاما تعرف رخفت ملامحها شوي وحكات بصوت بارد :انا سيليا (وقربت لايلين حكمت فيدها)اخت ايلين الصغيرة
بوووم صدمة لميرال اللي عارفة بسر عايلة ايلين مشوكية من وقتاه ايلين تزاد عندها اختها يعني خطتهم فشلت كاين شكون منع ورايح يفشي السر الكبير اللي طول عمرهم مخبيينو مكفاتهمش وحدة تلفوها بسيف رجعت وبأختها ثاني(ااااه يا ميرال الكلبة نتي وجماعتك وش جايكم نبرد قلبي فيكم ) وجهها صفار حكات بسيف مانعة روحها تتفرش وسطهم بالدوخة :اا ههه متشرفين سس..يليا
سيليا حست بتوترها و حبت تزيد عليها كثر لأنو سيليا كي تحط في بالها واحد قول خلات عليه ,
كون ماتكرهوش في حياتو ما تتهناش
سيليا : واش بيك ترعشي واقيل شفتي عزرائيل صح و لا كيفاه؟
ميرال زادت توترت كثر و مالقاة كيفا ديرلها , وسط الجماعة و زيد بحذا ماهر , كون تدير أصغر غلطة تروح فيها , دورت لماهر تهدر و تتمسكن
ميرال : أه واش هاذ الكلام لالا مكان والو , دخت شوية برك , ماهر حبي تعيش هيا نرجعو للدار نريح شوية مانيش قادرة
ماهر طلعلو الضغط للخر , جايبها معاه لإجتماع مهم كيما هذا و تزيد تقولو نروحو , و هاذيك الكلمة جات كي العسل للأيلين , في وقتها بعد
إيلين : واو بهاذي الدرجة ماكيش قادرة توقفي دقيقة يااااااا ... , أسمحيلي ماعلاباليش واش إسمك , المهم , و نتا مسيو ماهر مليوم كي تجيب معاك حبيبتك أتأكد باللي راهي قادرة تمشي زوج خطوات , شوف مسكينة كيفاه وجهها صفر
! و تزيد تكمل سيليا منهيه ! سيليا : إيه صح مسيو ماهر غير شوف كيفاه تديرلها قبل ماتتغاشالنا هنا
ماشي غير إيلين و سيليا اللي لاحظو التوتر تاع وجه الشر هاذيك , الجماعة اللي كانو ثما كامل لاحظتها و حارو فيها , كامل قالو باللي تشوكا ت في كلام سيليا برك , ماعدا شخص واحد ! , مازن هو اللي دخلو الشك في توتر ميرال من شوفة سيليا , ماجاتوش حاجة عادية , و زيد من الحكاية اللي حكاهالو خوه نورمالمو تتشوكا من شوفة إيلين ماشي سيليا اللي جامي شافتها و جامي لعرفت بوجودها أصلا , علاه صرات لها هكذاك ?
جان كان راح ينوض يضحك ثما بعد على لي جاست تاع المهابل هاذوك في زوج و قصفهم لميرال و لكن حكم روحو على شعرة , أما ماهر مانخكيوش عليه , تحط في وضع لا يحسد عليه صح مع هاذ النيران اللي حطهم قدام بعضاهم , و زيد بقى حاير في إيلين و كلامها , مزاجها لحد اليوم بنفس اللسان و قصف الجبهات عندها مايخلاصش , و هاذاك وين زاد تأكد باللي اللي معاها راهي صح ختها , الله يبارك نفس الألفاظ الجميلة و بكل فخر
. ماهر : واش بيك واش صرالك ميرال ?
ميرال : و الله ماعلابالي حسيت بدوخة ماعرف علاه , المهم حابة نريح
مازن حب يعلمها درس باه ماتزيدش دخل روحها في مواقف كيما هاذي و ماتزيدش تعاود الفهامة تاعها
مازن : لالا أقعدي برك , درك تاكلو الماكلة التقليدية تاع هنا يتنحى عليك كلش , ياخي ماهر ? و تزيد تكمل عليه إيلين حابة تحرقو و تدمرو صح
إيلين : إيه صح مسيو ماهر , مادامنا تلمينا كامل خلينا نكملو قعدتنا و نتعارفو أكثر , و زيد .... مايليقش بواحد كيما نتا تراطي إجتماع شراكة كيما هذا علاجال حبيبتك ! و الخيار يبقى ليك على كل حال !
ماهر:اكيد وزيد حبي غلبت برك ليوم بيانسير مهبلها انا عليها تغلب ههههه يخي حبي
ميرال رايحة تتغاشا شيي من الكلام اللي فات وزادها شكير ماهر اللي جامي حلبها صايي مبقاش فيها
نطقت سيليا منهيه(صااي حطتك في راسها يا ميرال هههههههههه):ياهاه مسيو ماهر يظهرلي مراهيش موالفة بالغزل شوفها كيفاه شي وتطيح بين يديك
جان صايي مبقاش فيه قرب لسيليا وحط يدو على كتفها فاسخ بالضحك
جان:هههههههههههه سيليا وشبيكم هذا رجعتوها قصف جبهات هههههه يا مهبولة اركحي ميجيش وهاذي رها حبيبة شريكنا عيب نديرولها هكذا من اول نهار هههههه
مازن ثور هائج رايح يتلاح على جان ينتفو على تلواح يديه لما لا يعنيه
سيليا:ايه صح اقعدي ضيفتنا العزيزة
ايلين حكمت يد سيليا بقوة وشافت فيها بفخر لانها خلات جرحها والألم اللي هيا الوحيدة اللي عارفة سبتو ووقفت معاها وحكات فبلاصتها وقت صوتها خانها ومقدرتش تحكي هاذو هوما سيليا وايلين روح وحدة بجسدين
ماهر حكم ميرال من وسطها ووتوت في وذنها كلام سم:شفتي علاه لينار قاتلك جامي توصلي لماما ويي يعني ضك عرفتي الفرق بينك وبينها وتبهدال هاذ النهار مننساهش طلبت منك حاجة وحدة عميتيها االرب فالحة غير فالبكا
ميرال كلامو سم وزاد حقدها على الين وسيليا اللي خلاتها تبان بلاقيمة قدام ماهر هيا السبة وزادت راس سيليا للقائمة السوداء تاعها (ههههههههه نور بشرى حنا اللي طول نهردو الدنيا وجامي حطتنا فالقائمة السوداء ههههههههه)مش عارفة معامن رايحة تلعب غير جربي وشوفي يا ميرال هاذي سيليا اللي قدرت على المافيا وهيا بعمر 17 متخوفيهاش نتي
قعد تاكل راشقة راسها فصحنها لا حبت تهزو تخمم فلي جاي ولو يعرفو وش راها مخبية يقتلوها هنا بعد هيا علاجال زوج كلمات قصفوها تقول بالمدفع مالا كي يعرفو ينتفوها ديراكت
ماهر ياكل وتايه فيها هزت راسها فجأة جات عينها فعينو(ايلين) الاعين تلاقات وبينت وش واجعها من الثاني مي شكون يخبر العقل يتنازل ويفك الصراع والنار اللي راهي لاهبة وسطهم
مازن يشوف فسيليا ويحكي وحدو مزال وقع الصوت اللي حكات بيه هاذيك العبارة يتردد على مسامعو كيفاه قالتها وتحول شخصيتها المفاجء بين لحظة واختها يخليك تخمم الف مرة قبل ماتحكي معاها سيليا بالنسبة لماهر كتاب سري يخليك تنجذب ليه وتحب تقراه حتى ولول مش بارادتها تجذبك مي الجانب الغامض منها يخليك تحب بسيف تعرفها كلها
غايس فعينيها اللي محبتش تنحيهم منو والكبرياء حضر يستناو وقتاش يسخر الثاني ويهرب عينيه بيسك خايف يتكشف حركتلو حاجبها تشاور على ميرال تاع هذا على واه قدرت ؟؟معا ابتسامة سخرية
ماهر يشوف فعينيها يقرا فيهم كيما الكتاب المفتوح قدامو حتى هزتلو حاجبها على ميرال تبسملها ببرود و حكا بينو وبين روحو
ماهر:نتي السبة ونتي اللي بديتي ورجعت بيه الذاكرة للور
Flache back
غير خرج عليه مازن مشا جيهة الواجهة الزجاجية تاع البيرو تاعو عينيه على باب الشركة يستنى وقتاه ينزلو ويشوفها معامن بش تركب شوي وشافهم خارجين يشوف فيها تمشي وتحكي معا جان حتى وصلت قدام اللوطو وركبت معا جان من قدام وخجل سيليا من انها تركب معاهم دخلو الشك انها تكون مرتو صح اصلا لحد الان متأكدش من قصة زواجهم هاذي ولازمو يبدا يبحث على هاذ الموضوع ميي اللي زادت عليه وقت قالت لسيليا تركب معا مازن يعني حابة راحتها معا راجلها يعني حابة تكون معاه وليه صااي نساتني
متحملش يزيد يشوف كثر خبط الحيط بيدو فادد ماي حاملتو حتى بلاصة ومشا قلب كل وش كان فالبيرو للرض وخرج وخلى السيكريتار تلم الحالة .....خرج من الشركة ينفخ في دخاخينو متحلف على خلاها ليوم يعرف وش جابها ووش قصة هاذ الزواج كان رايح يفسد ويدمر كلش
حتى صونا تلفونو هزو فالط مي كي لقى الاسم تبسم لا اريديا حكا بصوت واطي :عرفت الحل
هز عليها يحكي بسيف يحاول يكالمي روحو :الوو
ميرال:اهلا ماهر وليد خالتي الغالي
ماهر:مييرال اسمعيني مليح البسي ووجدي روحك خمس دقايق نجي نديك نتغداو كيف كيف اوك؟
ميرال مصدومة مخصهاش تزغرت من واش سمعت :ااا ايي اكيد 2دقايق نكون واجدة مش 5 مي وين به نعرف وش نلبس
ماهر كن صاب قتلها ثم ميطيقهاش مي مجبوور :رايحين نتغداو ازربي وكوبا معطاهاش حتى فرصة انها تزيد حرف
خمس دقايق كان واقف قدام الدار باللوطو يستنا فيها تنزل وهيا لبست وجات نازلة لقات نسيمة فالصالة لتحت جرات ليها تحضن وتبوس
ميرال:يااا خالتي ماهر عيطلي وقاليوجدي روحك نروحو نتغداو خااليت هوا صاي حبني طاح فيا ديتو يا خالتي ديتوو
نسيمة وقفت مصدومة :كيفااه؟؟؟ماشي لبارح كان يتحلف ووش ثرا ليوم ميراال متتحليش فالعريض وليدي ماهر مهوش بهلول للدرجة هاذي اكيد كاين لعبة ولا حاجة راهو حاطها في راسو ومتنسايش ايلين رجعت ولكنا شفناها فالحفلة يعني كاين مؤامرة يا ميرال
ميرال تفكرت الزممر تاع حفلة لبارح كيفاه نسات كييييفاه؟؟وهيا اللي وقت شافتها كانت بش تطيح تموت فارضها :اييه يا خالتي يعني لازم نبقا فايقة اكيد
طيط طييط ماهر يزمر باللوطو باستها وجرات خارجة لاحقة عليه
جرات كانها سونيك فذيك الدقيقة مزروبة به تلحق عليه قبل ما يبدل رايو ويروح ويخليها
ركبت وخبطت الباب بقوة من زربتها
ماهر:ديينك كن طيرتيه خيير (يحكي وعرقو مكبوسة باين مقلق)
ميرال تلكمتت على روحها خايفة منو حالتو هاذي تدل على انو واصل للطوووب :مماهر سامحني معادش تتعاود
ماهر ديمارا مخلي الغبار وراه .....طول الطريق ساكتين حتى نطقت :مااهر وين رايحين
ماهر :مييرال كلام واحد رايح نحكيه ضك تجاوبي عليه بكلمة من زوج اللي هوما (ايه,لا) فهمتي؟؟(ومشافش فيها يشوف فطريقو )
ميرال:يعني رايح تحطني فموقف الاختيار صح؟؟
ماهر:بالضبط
ميرال: ايه وش هو هاذ الخيار
ماهرتبسم ووصلتي للصح :حبس اللوطو قدام المطعم وشا فيها :به ننزلو من هاذ اللوطو على انو حنا كوبل فهمتي؟؟
ميرال حالة فمها:ااا وصح حنا ولينا كوبل ماهر نتا تحبني؟؟
ماهر:لا منحبكش(بووووووووووووووم تستاهلي )ونتي تعرفي انا شكون نححب وعلابالك بلي هيا رجعت وانا رايح ندير هاذ الشي مكرة فيها يعني قابلة هي تنلي معايا مكيش رايحح نتفهمك ونوف غيرك ميرال:لالا قابلة صااي نروح معاك معليش لايشتا تمثيلية واجب عليا نعاون ولد خالتي والانسان الوحيد الي حبيتو في قلبها (اصلا كنت نحوس نبدا نخدم وهاذي الخطوة الاولى ومع الوقت تولي ليا صح وتنسى ذيك الهم اللي يسموها ام بنتك القادم اعظم مااهر )(يااو القادم اعظم عليك اكلبة احكموني عليها ليوووم)
ماهر نزل عدل الفاست تاعو بكل جاذبية وهي جرات حكمت فيه زي القرادة ودخلو
طلة ماهر
BACK
ايلين:اييه مسيو ماهر معرفتناش على حبيبتك وكيفاه تلاقيتو وكيفاه حتى وليتو تبو بعضكم
مازن ولا يكحكح مدتلو سيليا كاس ماا كان قدامها
مازن شربو ضربة وحدة وشاف فيها نفس الملامح الباردة مرسمة على وجهها
مازن:مارسي
سيليا:بلا مزية ميي علاه وليت تكحكح كي سمعت سؤال ايلين؟
مازن:هههه لالا والو غير الماكلة حصلتلي
سيليا:ايه كول بعقلك مهمش يجريو وراك
جان:ههههه وهنا ساصمت قليلا شكرودتنا نقصي القصف شوي هههه
سيليا تبسمت معاه تتحلف على كلمة كشرودة اللي حفظها
ماهر:اممم مالا يا انسة ايلين اا ابس مدام ايلين جان حط يدو على يد الين
جان:ويي مدام الين مزية صلحتها
ميرال مشوكية صح لبارح شافتها وقالت انها مرت جان مي مش للدرجة هاذي
ماهر:اييه ميرال تكون بنت خالتي تربينا فرد دار حبي كان قدامي وانا كنت غافل عليه ونهار اللي هاذ القلب كره وتعب لقاها معاها وحبها وعشقها
ايلين قلبها تكوى عارفتو قاعد يكذب يذب او هذا اللي قنعت روحها بيه
سيليا شافت اختها لسانها تعقد وقلبها تضغط حاسة بقلب شريكة روحها نطقت بزربة :ههههه يعني قصتكم سامطة مش كيف قصة اختي الغلية ونسيبي هههههه الين تتفكري نهار عرض عليك جان الزواج اااي شحال كان نهار رومانسي انا وغرت ياك قالك ارواحي للمطعم راني محتاجك وحنا رحنا كي المهابل قلنا راه ماات صايي مي غير وصلنا لقينا الدنيا مزينة واغنية رومانسية محطوطة وهو ركع وطلب يدك ههههههه كان صح مهبووول ههههههههه نهار هايل وبزاف لحظات كنت انا فيم يعني كيما اول لقاء وقت اللي رما عليك كامل الورد اللي كان فالجاردان من شجرة لشجرة ههههه يدور وينحي تحسب شي روميو ههههههههههههههههههه
(اااوييلي وش درتي ابنتي سيليا علااه علااه )
ماهر:ههههه(هاذيك الضحكة الصفرا)مليح يا جان ظهرت رومانسي خلااص
جان حكم يد الين :اييه رومانسي غير مرتي حبيبتي
ماهر صونا تلفونو وقف مبعد عليهم
وقف فالزية ورد
ماهر :الو
سليمة :مااهر وليدي تعيش ارواح لينار ملي جات فشمبرتها وتبكي محبتش تفتحلنا الباب يا وليدي ارواح شوف بنتك
ماهر:كيفاااه(بعياط) علاه وش صرالها راني جاي حاولي تخليها تخرج يما ابقاي تهدري معاها متخليش صوتها يغيب عليك
جرا ليهم للطابلة
ماهر:ماازن لازم نروح
مازن:ماهر وش صرا
ماهر:مازن قرب ليه همسلو ليناار اتهلى فالباقي راني رايح
ميرال :مااهر استنى خليني نجي معاك
راح وخلاها وهيا تجري وراه همو الوحيد بنتو وخايف يصرالها ما صرى فحلم يقظتو اللي عاشو من يومين
وايلين بقات تشوف فيه عارفة بلي صرات حاجة قلبها واجعا عينيها حابين يبكيو (اااحم احم وعما احساس الامومة بصح الام صح تحس بولادها )
جان :مازن اكيد كاينة حاجة الحق خوك الا حبيت نروحو معاك
مازن:لالا تعيش تقدرو ترجعو للدار وانا نلحق ماهر ضك نسلك ونروح
جان:مازن الحق خوك دوك انا نسلك روح برك ربي يجيب الخير وخلص
مازن:خيرك مننساهش جان
جن:مبيناتناش
وجرا لاحق خوه روحو وعقلو عند صغرونة العايلة وروح الضحكة في عايلتهم
معشوقة الجماهير لينار